Nommer 107

Besoek my Webwerf

5 Maart 2007

 
 

Eg Afrikaans

Die Knoop

Ons Dorp

Woes

Vuurvlieg

Afriforum

Voortrekker Monument

Steve se Spoegblok

Blanke Ekonomiese Forum

PRAAG

Rieme

ATKV

 

Teken Besoekersboek

 

Vorige Nuusbriewe

Epos

Wees gegroet!

Welkom aan alle nuwe intekenare!

Die tema vir hierdie brief se resepte is doodeenvoudig net "lekker". Gaan na die resepteafdeling hieronder en probeer van hulle. Ek is seker van die resepte sal aangename herinneringe van die "ou dae" terugbring!

Iemand vra my nou die dag of ek dalk die spelrels van jukskei vir hulle het. Dit laat my toe wonder of daar ander sportsoorte is wat in ons land ontstaan het? As julle bewus is van sulke sportsoorte, laat my weet asseblief. Klik hier om meer oor jukskei uit te vind!

Weereens het ek lekkerlees Afrikaanse artikels deur onder andere Estelle de Bruyn en Annelie Botes, ek is seker julle sal dit geniet! Mara Swanepoel lewer ook weer 'n welkome bydrae. Ook is daar 'n insiggewende artikel deur Dr. S T Potgieter

Peterjasie s

Die woorde van Bok van Blerk se De la Rey is gladnie so vergesog nie. Bo en behalwe dat dit 'n geskiedkundige liedjie is, het dit 'n dieper betekenis vir my. Die Afrikaner in Suid Afrika het 'n paar struikelblokke. Ten eerste is hulle verdeeld en dan is hulle ook leierloos. Hulle is verspreid onder 'n paar politieke partye en die organisasies wat hulle beywer vir Afrikaner eenheid, of dit nou taal, kultuur of wat ookal is, praat nie uit een mond nie.

Die oplossing (volgens my) is om al die afrikaners wat in verskillende politieke partye is, saam te snoer in een party. Die nie-politieke organisasies soos Afriforum, BEF, PRAAG, ATKV, ek is seker daar is nog vele andere, moet verenig word onder een oorkoepelende beweging. Hulle hou nog hulle identiteit en doelstellings, maar word op die raad van die oorkoepelende  beweging verteenwoordig en hulle praat met een stem.

En hoe gaan die bogenoemde gebeur? Dis hier waar Bok se De la Rey in die prentjie kom. Ons kort 'n moderne 'De la Rey' om die leiding te neem! Die tyd is NOU ryp vir dinge om te begin gebeur!

Presies wat ek hie bo noem is besig om te gebeur! Ek het pas die jongste nuusbrief van die Blanke Ekonomiese Forum ontvang, Ons mense is besig om te begin saamwerk! Baie interessante nuusbrief! Regs klik hier om dit af te laai. Sluit gerus aan!

Ek wil ook vir die ouers van Horskool Ermelo alles van die beste toewens met hulle hofgeding oor die behoud van Afrikaans by hulle skool. Ek hoop dinge werk vir julle uit!!

Wel gedaan aan Netbal SA wat hulle nasionale span op meriete saamstel en nie op kwota nie! Wat 'n voorbeeld vir ons ander sportsoorte!

Veels geluk, Dozi, met jou nuwe TV program! Ek hou van die musiek, en die Radio Kalahari Orkes is ..wel..anders maar verfrissend!

Maansverduistering

Hier is 'n paar fotos wat ek geduerende die verduistering afgeneem het. Dit het begin toetrek toe kon ek nie verder afneem nie. Foto 1 , foto 2, foto 3, foto 4, foto 5.

Taal monument

Taalmonument later oop oor naweke

Die Taalmonument sal gedurende Maart oor naweke oop wees tot 8nm vir almal wat die heerlike herfsweer en pragtige sonsondergange wil geniet. Pak dus jou mandjie en kom hou piekniek in die monument se pragtuin met 'n asemrowende uitsig oor die Drakensteinvallei. Gewone toegangsgelde is van toepassing op Vrydag-, Saterdag- en Sondagaande (R10 vir volwassenes en R2 vir kinders). Lede van die Vriende van die Taalmuseum en -monument betaal geen toegangsfooie nie. Kontak vir Elsa Olivier by 021 863 3839 om as lid aan te sluit (R30 vir individue of R50 per gesin per jaar).

Isabeau Botha
Bemarkingsbestuurder
Die Afrikaanse Taalmuseum en -monument
T 021 872 3441 / 076 017 6026
F 021 871 1106
bemarking@taalmuseum.co.za
www.taalmuseum.co.za
www.paarlonline.com

Misdaad en geweld

Is jy ook keelvol vir die misdaad en geweld in ons land?
AfriForum, die burgerregte-inisiatief wat deur die vakbond Solidariteit gestig is, het reeds aan n span advokate opdrag gegee om die regering in die hof tot verantwoording te roep oor die vlaag misdaad wat die land teister.

Jy kan help!

Skenk R10-00 vir die regskoste van hierdie saak deur die woord FORUM te SMS na 38655.

Jy is ook welkom om www.afriforum.co.za en www.stopdiemoorde.co.za  vir meer inligting te besoek.

Pasella

Die pasella die week is 'n Word dokument met broodresepte wat op my hardeskyf l. Wie dit vir my gestuur het kan ek nie onthou nie, maar baie dankie in alle geval! Regs klik hier om die resepte af te laai of dubbelklik om die dokument oop te maak

Geskenke?

Dis gewoonlik 'n gesukkel om geskenke te koop, ek het 'n paar idees wat jy dalk in sal belangstel, klik gerus hier om te gaan kyk. Daar is bv. 'n CD met 50 resepteboeke op (Engels), jy hoef nooit weer 'n resepteboek te koop nie! Ek het nou ook 'n eBoek oor kruie (in Engels, het nog nie tyd gehad om dit te vertaal nie) vir net R50. Klik hier vir betalingsbesonderhede. Ook ander eBoeke en CD's beskikbaar.

Estelle de Bruyn

Kom ons skop oudergewoonte af met Estelle se bydrae. Sy is verbonde aan die Republikein, die enigste Afrikaanse dagblad in Namibi. Kontak haar gerus, sy hoor graag van julle.

AARDSE GOED

ONS hele lewe lank versamel ons goedjies wat vir ons mooi is, spesiale betekenis het of herinneringe optower van besoeke aan interessante plekke. En dan gaan ons dood en ons skatte word ander mense se rommel.
Vriendin Jenine skryf van haar groot hartseer oor 'n 86-jarige vriendin se dood en hoe argeloos haar kinders en kleinkinders haar goedjies bejen het, hoe lukraak hulle van die goed ontslae geraak het. "Haar silwer (wel, daai oorgeblaaste silwer) teestel, n mooi ou blompot, klere, ou aandrokke wat nog in rys-papier in John Orr bokse bewaar is, is nou niks werd en van geen sentimentele waarde vir hulle nie", skryf Jenine en ek hoor die knop in die haar keel.
En ek wonder oor wat my dierbare kindertjies eendag sal s as hulle na die begrafnis my huis moet oppak, wat vir hulle spesiaal sal wees en wat hulle sommer so in swart sakke sal gooi en by die vullisdrom gaan pak.
Ek sweer ek sal by hulle spook as hulle my houtkaste wat ek vir 'n appel en 'n ei gekoop het, met my eie twee handjies afgeskuur het en met liefde 'n tweede (of selfs derde) lewe inge-olie het, verbyloop. Hulle moet mooi onthou dat ek die Persiese mat baie swaar met vyf vooruitgedateerde tjeks afbetaal het en dat dit steeds vir my 'n vreeslike mooi mat is. Die man by die Persiesematwinkel, waar ek hom eenkeer laat skoonmaak het, het ges die mat is in Iran geweef in die plek waar Ester van die Bybel glo begrawe is. So, bewaar julle siele as julle die mat vlak kyk, Boeta en Sussie.
Die ronde koffietafeltjie kan dalk vir julle simpel lyk, maar dit is die heel eerste stuk meubel wat ek gekoop het toe ek in my eerste woonstel ingetrek het en al is hy al effe lendelam, bly dit spesiaal, so hou maar verby as julle dink, daardie tafeltjie gaan asgate toe.
Onder in die kombuiskas is vier sulke vaalwit borde met blou en pienk blommetjies om die rand. Ek weet hulle pas by niks nie en mens sal dit nie sommer vir gaste voorsit nie, maar daardie vier borde kom uit my Ouma se huis, s ook daardie gekraakte groot vleisbord. Dis erfgoed, hou dit en pas dit op, anders is daar moeilikheid.
O ja, en die wakis in die studeerkamer en die wastafel agter my kamerdeur is ook besonders want dit kom ook uit my Ouma, julle Oumagrootjie, se huis uit.
Julle moet maar kies wie watter skildery wil h, maar die duiwel haal julle altwee as een van julle nie die Bre en Smal weg vat en met trots iewers in julle huise hang nie.
Kyk ook maar daar in die kombuiskas langs die stoof. Daardie swart gietysterpot is baie handig, en deesdae is die goed so duur, dat julle twee keer moet dink voor julle dit in die swartsak stop.
Ek sit hier en kry skaam vir myself oor my materialisme, oor hoe ek nou al met 'n kolf in die hand agter my kinders aanloop en hulle dreig oor my aardse besittings se waarde en betekenis en hulle probeer ompraat om dit op te pas. Dis verskriklik.
Ons is die gevangenes van ons besittings, sug my ma altoos as sy wik en weeg en wonder oor of sy in haar groot huis moet bly f ouetehuis f na my toe moet trek.
Saamvat, kan ons nie, as ons eendag ons koppe neerl nie, en oor wat ons kinders en erfgename daarmee doen, het ons geen beheer nie.
Maar spook, gaan ek beslis by hulle spook, as hulle ten minste nie darem bietjie wroeg oor wat om te vat en wat om te los nie.

Mara Swanepoel

In memoriam

Ek maak vanoggend ons plaaslike koerant oop en die foto van 'n merkwaardige man staar na my toe terug. Meneer Roux, oorlede lei die berig. En skielik onthou ek weer . . .


In memoriam
Mnr Roux, oud skoolhoof
Horskool Florida

Meneer Roux

Toe ek in my matriekjaar gedurende die paasnaweek by jou deur aanklop om as leerder van H/S Florida in te skryf het ek die eerste keer besef hoe merkwaardig u is. Dit was vir my 'n voorreg om u te ontmoet en na u rustige stem te luister.

U het my prober lei, raad gee, en selfs gewens dat jy vir my die eksamen kon afl. U was skepties, het my vorige skool se punte deeglik bestudeer en kort kort ge-uhmmmm. Ek het nie geweet wat dit beteken nie. U het nie een keer geglimlag nie. My kinderhartjie het woes in my binneste geklop. U wou dat ek die volgende jaar terugkom en van dag 1 begin siende ek so jonk was (my 15de verjaarsdag het voor die deur gel).

U het na my omstandighede geluister, my omswerwinge meegemaak uit my vertellinge. En u het reg besluit. Om my 'n kans te gee, en ek glo dat u nie spyt was nie. Ek was nie. U het my 'n baie groot geskenk gegee. En dit was nie ie laaste nie.

Ek het ingeval by die res van daardie jaar se matriek klas. Ek het my nie gesteur aan die aanmerkings van die ander leerlinge nie. U het my immers gewaarsku. U deur het altyd vir my oopgestaan, en u het my vordering dopgehou. Toe stel u my voor aan 'n welbekende skrywer een wat my gemotiveer, gevorm en gebrei het. U het my gehelp om nie nutteloos te voel nie. Selfs vir my baklei vir 'n beurs, selfs aangebied om die beurs terug te betaal sou die betrokke maatskappy teleurgesteld wees met my vordering op universiteit.

Meneer Roux, ek sal u nooit kan vergeet nie. Altyd onthou wat u vir my gedoen het. Die belangstelling wat u in my getoon het. Die anker wat u in my lewe was. Toe alles om my donker en nag was het u die lig weer laat skyn.

Meneer Roux, ek steek hierdie kersdag vir jou 'n kers aan. Om u lewe te celebrate. En ek klink 'n glasie op 'n formidabele man.

Mara 2007
Mara se Blog, gaan kyk gerus.

 

Click Here Now!

Click Here Now!

Book tickets

 
  Annelie Botes  
  Nog 'n lekkerlees storie deur Annelie.  
 


Met die waters wat verby is

Vergete, toe ek nog soos n kind gedink het, het ons by die leivoor op Grootfontein gespeel. Nefies, niggies, Koutershoek se kinders, al die klggoed. Fraai papierbootjies wat ons op die leivoor laat dryf en dan gehol het om dit te vang voor dit die teen die afdraand by Willem Arries se huis wegskiet rivier toe. Toe trap ek in n molsgat en swik my enkel. Daar hobbeldryf my papierbootjie grootwaters toe. Tot verby Kersfees was ek droewig, want dit was lank se ophoop aan Stuyvesantpapiertjies en lappies en roomysstokkies vir my bootjie. Boonop pak gekry omdat ek kind-alleen rivier toe is om soetdoringgom te tap.
Dieselfde Kerstyd is ek alleen leidam toe. Diep gronddam met n skuinswal waar niemand sou sien as jy aant versuipe is nie. Verbode plek vir kinders.
Van kleins af had ek n neiging tot swartsiekte. Loodsomberte; asof niemand jou meer wil h nie. Nie eens die Here nie. Dan is ek die renosterboskoppe in en het gespeel ek is by my eie begrafnis.
Of ek is leidam toe. Amper soos slae sk.
S loop ek be-swartsiek langs die water, met die halfkroon wat ek by my oom Naas gekry het in my hand. Skrale troos oor my katjie wat hy per ongeluk doodgetrap het. My siel hunker na begrafnis hou; om die omkoop-halfkroon vir die dam te gee. My kat was my kat; n halfkroon kan nie sy asem terugblaas nie. En in my treurtoestand ontdek ek n dowwe eend-eier wat teen die waterkant dobber; groenwit van vrotheid.
Al wat ek wis, is dat ons dit nie mag oopbreek vir modderkoekies bak nie. Want die stank omgewe jou vir dae en dan weet jou ma waar jy was. Maar daardie oggend wil ek opsluit sien wat is in die eier. Ek tik die swaar eier teen n nabankklippie. Niks. Harder. Niks. Toe vat ek n klip en kap dit flenters. En ontdek die opgevrotte kuiken.
Die doodstrane oorkom my. Hoekom gee n God van liefde die eend n eier in haar maag en dan laat vrot Hy die kuiken? Watse God is dt? Hy laat my papierbootjie wegdryf; Hy vat nie my katjie betyds weg nie.
Bedroef deur kindgedagtes van leef en sterf, smyt ek die halfkroon die dam in. Kyk tot die waterkringe stilraak. Toe werp ek my op my maag neer en verbeel my ek is die honderdste skaap, maar dat die Herder my nooit vind nie.
Ek kan daardie kleintydsomer merk as die tyd toe ek begin gis het oor die lewe.
Met die son op twaalfuur het ek opgestaan om huis te kry vir dinnertyd, al was ek min honger. Toe ek opkyk deur my huilo, sien ek die Herder langs die dampomp staan, met n wit rok en leersandale en n wandelstok. Nes die muurprent in oom Ollie Keyser se gang. In my rou tel ek n nabankklip op en gooi na die Man van smarte.
Voor ek kon sien of ek tref, het ek weggehardloop. Want sou ek tref, sal die groenstert werfhaan kraai en God se doring (toorn) sal in my sagte voetvleis steek. In my kop het ek klaar soos Judas in die seringboom voor die melkkamer gehang.
Dit was meer as 40 jaar terug. In die tussenjare het ek op vele bebroeide eiers afgekom. Dooie katjies begrawe; papierbootjies sien weghobbel. God dikwels langs die dampomp sien staan en my hand uitgesteek vir n klip.
Verspeelde kanse. Misverstande. Verwronge konsepte. Waters wat verby is en waarmee die meule nooit weer sal maal nie. Soos Old Blue Eyes sing: Regrets, Ive had a few
Noudat ek nie meer dink soos n kind nie, begin ek verstaan dis nie die waters wat verby is wat tel nie. Wat tel, is die waters wat n verbyloop en di wat nog kom. Soet of bitter. Troebel of helder. Net ek hanteer die graaf en stuur die leiwater land-in na die dor akkers van my berou en leedwese. Soms sal ek teen hanekraai verslaap en my leibeurt verpas. En niks waarborg dat die leivoorwal nie soms sal padgee nie.
Tog, rens by die dampomp staan n alwyse Skans om my rugkant te bewaak.
Regrets, Ive had a few But then again, I did it my way ...

Africana

Gaan kyk gerus by hierdie internet boekwinkel, daar is fantastiese ou boeke (in Afrikaans ook!), ek sal my kredietkaart hier lekker kan verniel! Klik hier en gaan kyk rond.

Webwerf Soeklig

Met elke uitgawe fokus ek op 'n Afrikaanse webwerf.


Afrikaanse Lied

Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel:
Ons Blrkas van Afrikaanse Volksmusiek

BAIE DANKIE

Woorde: CHRIS LAMPRECHT
Musiek: CHRIS LAMPRECHT

Baie dankie! Baie dankie!
Baie, baie, baie, baie dankie
vir die vriend'likheid, baie dankie!
Baie, baie, baie, baie dankie
vir die hart'likheid, baie dankie!
Baie dankie, baie dankie
vir al die vriend'likheid.
Baie dankie! Baie dankie!

 
Boeremusiek ens.

Wat's nuut op Kalie se Boeremusiek webwerf?! Ons het nou 'n eie domein - dis nou vir die wat nie die blad onlangs besoek het nie. Gaan loer gerus by http://kalie.boeremusiek.net

Kalie het ook onlangs begin om DVD's te maak en is tans besig om die destydse Boeremusiek kompetisies wat op TV aangebied was op DVD beskikbaar te stel. Klik op die skakel vir DVD's op die webblad
( http://kalie.boeremusiek.net/dvd.html ) om te sien wat reeds te koop is. Ons het egter reeds meer DVD's omdat Kalie ook privaat DVD's maak en onder andere heelwat van Nico van Rensburg se TV en ander optredes nou op DVD het.

Polkadraai, die nuusbrief van die Pretoria Tak van die Boeremusiekgilde sal van nou af ook op die web bekikbaar wees (Wia is die redakteur van hierdie nuusbrief). Gaan loer by http://polkadraai.boeremusiek.net  as u belangstel om u naam op die poslys vir hierdie nuusbrief te kry. Ouer weergawes van die nuusbriewe sal binnekort geplaas word.
 
Agterpad Reisnotas - versamel deur Braham van Zyl

Ek luister mos een Saterdagoggend na Amor Bekker op RSG waar sy 'n onderhoud voer met Braham van Zyl. Ek kontak hom toe en is nou op sy poslys, hier volg een van sy vertellings. Kontak hom gerus en vra om op sy poslys te kom. (Eposdres onderaan die artikel) Hy stuur 'n 'n gereelde nubrief uit.

N DUBBELLOOP KERSBLAKER op Kanoneiland: Noord-Kaap

DIE storie van Tintel se Winkel en die kersblakers, wat nou so 'n tyd gelede daar op Kanoneiland in die Oranjerivier afgespeel het, moet vandag vertel word. Al klink dit miskien so, is hierdie geen feverhaal nie. Dis eintlik maar net so 'n paar reisaantekeninge waardeur die skrywer so ietsie oor hierdie baie besondere eiland daar naby Upington in die Noord-Kaap wil vertel.
Kanoneiland is een van vele eilande wat in daardie deel van die Oranjerivier l. Ek word vertel dat dit die grootste bewoonde eiland in 'n rivier in Suid-Afrika is. Ry jy in die wintertyd - wanneer die rivier laag loop - padlangs sal jy nie sommer die eilande raaksien nie. Dan lyk diit eintlik maar net asof jy tussen 'n klomp landerye deur ry. Kom die rivier egter die slag af, is dit 'n heel ander saak. Dan werk al wat 'n hand is oortyd om die keerwalle wat om die eilande is, gepak te kry sodat die inwoners teen die aanstormende watermassa beskerm kan word.
Dit is ook interessant om te sien hoe die woongebiede op die hor gedeeltes van die eilande staan. Dis so 'n soort van boere-dorpie model wat jy daar sien. Weens die vloedgevaar moet hulle almal op 'n hoop op die paar ho kolletjies wat daar is, gaan saamwoon. Kanoneiland se huise, kerk, skool en Tintel se Winkel staan op een van daardie hoogtes.
Ek het gedurende Julie een agtermiddag met 'n klompie toeriste daar aangery, want ek wou graag vir hulle gaan wys hoe 'n rrige outydse plaaswinkel lyk. Dis nou daardie soort waar jy nog hierdie kant van die houttoonbank staan en jou winkellysie vir die een aan die ander kant van die toonbank gee. Di haal dan alles van die rakke - wat van die vloer tot teen die dak strek - af, pak dit in 'n boks, skryf die pryse van jou items op jou lysie in, tel dit op en laat jou dan betaal. Eers daarna word die persoon wat na jou die winkel ingekom het, gehelp.
Die Tintel waarna die winkel vernoem is, is Tintel van den Heever. Sy staan self nog agter die toonbank, maar sy s sy dink darem al aan aftree. Toe ons die dag daar instap, het die vroue so een en ander gekoop. Eintlik het dit maar meer om die kyk gegaan, soos dit mos gewoonlik met vrouens in 'n winkel gaan. Skielik vra een of Tintel dan nie gewone outydse kersblakers het nie. "Ja", s sy en begin rondsoek tussen alles wat daar rond staan en hang.
Toe sy uiteindelik onder 'n rolle materiaal, wat bo-op die vertoonkas l, uitbuk, staan sy met 'n knalrooi dubbelloop blaker vir twee kerse in haar hand. Iets soos 'n kanonskoot het skielik die winkel getref. Almal, ek inkluis, het op haar afgestorm, want di besondere blaker wou ons h. S kom dit toe dat 'n stuk of vyf van ons di dag trots elk met 'n baie besondere blaker daar van Kanoneiland af wegry.
Dit was egter nie die einde van die middag se kopery nie, want Tintel se dogter, Maryna, vertel ons toe dat ons net oorkant die rivier teen die heuwel van die Oranjerivier-streek se wyne kan gaan koop. Na heelwat proe is die waentjie nog swaarder gelaai. Bolanders wat gedink het net hulle streek kan goeie wyne oplewer, moet gerus by een van die Oranjerivier se vyf kelders gaan aanry. Die ouens daar vertel dat hulle saam 'n parskapasiteit van sowat 110 000 ton het. Dis ook geen wonder nie, want meer as 10% van Suid-Afrika se wingerde word langs die Oranjerivier aangetref.
Net toe ek dag ek kon ry, s die vrouens hulle wil nog by die vrugtepakstoor langsaan ook aanry. 'n Vriendelike assistent sluit oop en daar laai ons toe 'n hele 20 kg se dadels wat by Klein-Pella verbou word, ook in. Genadiglik het die son toe begin sak, want was daar meer tyd sou ek 'n lorrie moes huur om ons aankope in die Kaap te kry.
Dat daar nog baie op Kanoneiland te sien en te beluister is, is seker. Volgende winter gaan ek terug daarheen. Ek sal graag wil gaan verneem wat die Kanoneilanders s waar hulle plek se naam vandaan kom en ek sal graag wil h dat hulle my moet vertel hoe dit dan gekom het dat al daardie pragtige wingerde en landerye wat vandag daar is daar tot staan gekom het. Dis egter 'n storie vir volgende jaar.

Skryf vir Braham en vra om op sy poslys geplaas te word en ontvang sy reisbeskrywings direk van hom af! e-pos : info@explore-sa.com

Luister elke Saterdagoggend net na die agtuur nuus op die Afrikaanse radiodiens van RSG na Braham van Zyl en Amor Bekker se agterpad geselsies op die program Brkvis met Bekker. 

Glimlag!

Een dag sien 'n man wat al vir tien jaar op 'n eiland gestrand is iets aankom op die horison. Hy kon nie uitmaak wat dit is nie tot daar op die ou end 'n ongelooflike mooi Blond uit die branders opstaan met 'n duikpak en al die toerusting.
Sy staan nader en vra " Wanneer laas het jy 'n sigaret gerook?" terwyl sy 'n pakkie Camel en 'n sakvlam uit 'n waterdigte sakkie van haar duikpak haal. "Tien jaar!" s hy terwyl hy 'n sigaret aansteek en behaaglik stadig sy longe vol trek. "En wanneer laas het jy 'n goeie dop bourbon gedrink?" vra sy terwyl sy vir hom 'n glasie skink uit die botteltjie wat sy uit 'n ander sakkie haal. "Hemels - dit was tien jaar" s hy terwyl hy die drankie stadig drink. Terwyl sy die rits van haar duikpak stadig oopmaak s sy met 'n baie verleidelike stemmetjie ". . . En wanneer laas het jy 'n bietjie rondgespeel?" Terwyl hy van opgewondenheid op en af spring en sy hande vryf s hy :
"Dis ongelooflik! moenie vir my s jy het nog 'n golfstel ook daar iewers weggesteek nie!"

Seuntjie vra: Hoekom het tannie nooit getrou nie?
Ag, s sy, ek het 'n papegaai, 'n hond en 'n kat.
Saam is hulle nes 'n man.
Die papegaai vloek, die hond poep en die kat loop saans rond.

 
   
Laat jou wildste drome waar word, kry 'n kaartjie in die UK Lottery, klik net hier  Die boerpot is gereeld om en by  11 miljoen, ( R140,000,000), sjoe, dis darem maar baie nulle!! Maar dis nog NIKS! Die Euromillions Lotto staan huidiglik op 181 miljoen Euro, dis om en by R1,719,500,000. Eishhhhhh. Vat 'n kans, wie weet???
     
  Die Danville Hulpgroep  
     
 

Ek is betrokke by hierdie inisiatief van Elsab, kyk tog asseblief of julle nie ook 'n bydrae kan maak nie, besoek ook hulle webwerf. 

Hier is nuus van Elsab:

Goeiemre vriende,
Dankbaar om vanoggend te kan s dat die groot vure doodgeslaan is danksy donasies van ons ondersteuners.

Groot was my vreugde toe dieselfde jongman wat verlede jaar ons ook uit die nood gehelp het bel en s "Hoe laat gaan ons kruideniersware koop"!!! 2 Bakkies propvol kruideniersware is voorwaar 'n "Blessing" en terwyl ons die trollies propvol laai, sing my hart met die wete dat ons Vader so getrou is! - Dankie, dankie, dankie.

Intussen kon ons ook kruideniersware versprei na almal wat nodig gehad het en het ons nog oor tot volgende Vrydag. Ons kan gelukkig ook ons verpligtinge hierdie maand nakom soos die lone vir die kleuterskool, skoolgelde ens. - baie dankie aan almal wat gehelp het.

Ongelukkig is kruideniersware soos 'n bodemlose put! - jy spandeer duisende, versprei tonne kos en kan na 'n tyd niks sien nie!! Maar tenminste weet ons dat die kinders en bejaardes kos gekry het en met 'n vol magie kan gaan slaap.

BLOUDAKKIES OUETEHUIS

Verlede week het 'n dame wat ons al amper 4 jaar ondersteun bestandele vir "hotdogs" geskenk en kon die bejaardes by Bloudakkies elkeen 2 lekker vars warmbrakke kry! - Baie dankie dit was amper 'n krisis! Gister het die bejaardes heerlike wildsvleis en groente gekry wat ook 'n lieflike donasie was - baie dankie.

By Bloudakkies ouetehuis is twee dames oorlede, die een tannie was al baie oud en bedlend en die ander een is tragies in 'n ongeluk dood, saam met haar swanger skoondogter, kleindogter en nog 'n man! al 4 was opslag dood. Dit was werklik 'n hartseer 2 weke by die bejaardes!.

ANDEON PROJEK

Hier wikkel en woel dit! Groot nuus is dat Arnold 'n kerk gebou het wat nou so 80% klaar is! Van oral oor kom daar Sondae mense om na die woord te luister - en sommer Sondagskool ook vir die kleingoed in 'n tent! Wat 'n genade - tydens ons besoek daar Saterdag was dit weereens 'n riem onder die hart om te sien hoe trots die inwoners op hulle huisies is! Dit is silwerskoon - jy kan letterlik van die (grond)vloer af eet! Die tuintjies is pragtig met groente sommer so tussen die beddings.

Elke inwoner het ook sy eie groentetuin met skadunet daaroor - en nou en dan word daar 'n "Tuinkompetisie" gehou en word die beste tuin beloon met 'n prys!

Hierdie "grondpad projek" van my het 'n trots en vreugde geword! - Alles te danke aan ons Hemelse Vader!

Hulle benodig draad om hulle huisies/erwe "af te kamp" - so as iemand dalk 'n rol draad het wat rondl - gooi maar oor asb.

Verder kort ons dringend nog sinke daar. Die huis met die gesin van 6 se dak kort nog 'n hele klomp sinke - groot asb.

Onthou asb altyd vir Arnold in julle gebede - hy het 'n hart van goud en tonne geduld!

PRES. KRUGER KINDERHUIS OORLEWINGSKAMPE

Hier het die Here ook weer sy seninge oor ons uitgestort! Ons het 'n borg gekry wat al die kinders geborg het!!!

Ek weet nie of julle ooit sal besef hoe dankbaar mens voel as sulke wonderwerke gebeur nie! BAIE, BAIE DANKIE

Al wat ons nou vir hulle kampe bymekaar moet kry is die bederfies. Ons het fondse nodig vir die volgende:-

Daar is 65 kinders

Toiletware
T-hemp
Hoedjies
Sonblok room
Drimack
Bybel
Notaboekie en pen
Lekkergoedpakkies vir die bus. (x2 per kind)
Koeldrank

Die dogters kamp volgende naweek 9/10/11 Maart 2007
Die seuns kamp die naweek daarop 16/17/18 Maart 2007

PAASFEES

Soos in die verlede is dit altyd lekker om 'n pakkie met paaseiers en lekkertjies vir die kinders te gee. Ons moet ook nou al begin bymekaar maak want ons het honderde paaseiers nodig!

KLERE

Ek is seker dat die dames nou al begin dink aan nuwe wintersklere!! - onthou ons asb wanneer julle die klerekaste ruil. Ons het werklik baie klere en huishoudelike items nodig wat in 'n goeie werkende toestand is.

KRUIDENIERSWARE

Ons het altyd kruideniersware nodig. Onthou ons maar asb wanneer daar kruideniersware gekoop word -elke blikkie kos wat ons kry help om die honger te stil.

BELASTING VERLIGTING

Soos in al die vorige briewe - ons is geregistreer en kan 'n belastingkwitansie vir donasies uitreik. Daar is nog kans vandag vir 'n donasie - help ons asb om die minderbevoorregte mense te kan help.

Indien u vir 'n kwitansie gevra het maar dalk nog nie ontvang het nie - herinner my asb met die volle besonderhede. Ek pos dit nog hierdie week.

Dit dan die nuus - weereens dankie aan almal wat ons getrou bystaan.

Mooi week

Elsabe

Bankbesonderhede:

Danville Hulp Projek
FNB - Brooklyn
Takkode:- 251 345
Tjek rek: 620 546 34128
Swiftkode: FIRNZAJJ926

Aflewerings adres:-

286 Cliffendale rylaan
Faerie Glen
Tel 012 991 3914 Sel 082 8282 551
E.pos - elecnet@mweb.co.za
Webwerf: www.danvillehulp.co.za

PS Bel asb voor jy ry
 
Vlugkaartjies en hotelle

Vergelyk die rederye, kry die billikste pryse en bespreek dan  hier
.
Resepte

Aartappel Pannekoeke

Bestandele:

5 Medium Aartappels gerasper
2 eiers geklits
1ui gerasper
250 ml meel
5ml bakpoeier
75 ml melk
150 ml olie

Metode:

Meng eier sout & peper met die gerasperde uie
Sif meel & bakpoeier by
Voeg dan die melk dan die olie by die mengsel en meng goed
Voeg die aartappels
Dik beslag, gebruik 2-3 lepels vol vir een pannekoek.
Die resep kan ook dubbel aangemaak word ( vir 6-8 persone as jy dit dubbel aanmaak)

Deeg skelmpies

1 1/2 kop. meelblom.
1/4 tl. sout.
1 1/2 tl. bakpoeier.
peper.
1 eier.
1 kop. melk.

Klits eiers en melk goed. Roer stadig by meel, sout en bakpoeier. Doop stukkies hoender of enige koue vleis daarin en bak in warm olie.

Kaasstrooitjies

3 kop. meelblom.
1 tl. sout.
250 g. ( 1/2 lb. ) gerasperde cheddarkaas.
250 g. ( 1/2 lb. ) margarien.
3 tl. bakpoeier.
1/2 tl.rooipeper.

Rasper kaas. Meng botter, meel en al die ander bestanddele saam. Kaas laaste by. Maak aan met water of melk tot stywe deeg. Rol dun uit en sny in repe. Bak teen 230 Grade C tot ligbruin.

Karringmelk sjokoladekoek

2 kop. meelblom.
1/2 kop. botter.
1/2 kop.warm water.
2 eiers.
1 tl. kremetart.
1 tl. koeksoda.
1 1/2 kop. suiker.
1/4 kop. kakao.
1/2 - 1 kop. karringmelk.
2 tl. vanielje.
sout.

Sif dro bestanddele. Klop smeer en suiker tot room. Voeg goed geklitste eiers by en dan kakao gemeng met warm water. Voeg dro bestanddele om die beurt met melk by. Voeg vanielje by. Bak vir 20 - 30 minute ( of langer ) teen 180 Grade C.
Vir 'n groot koek verdubbel bestanddele.

Kondensmelkkoekies

685 g. meelblom.
455 g. botter.
4 tl. bakpoeier.
1 blik kondensmelk.
1 tl. suurlemoengeursel.
1 kop. strooisuiker.
sout.

Room botter en suiker en voeg kondensmelk by en meng goed. Sif meelblom, bakpoeier en sout en voeg by botter mengsel. Smeer pan en skep teelepelsvol in pan en bak teen 190 Grade C vir + - 12 minute.

Yskaskoekies

2 pk. tennisbeskuitjies.
1 x 250 g. margarien ( gesmelt)
1 blik gekookte kondensmelk.
1 pk. versiersuiker.
1 dl. koffie - ekstrak.
1 dl. vanielje.
okkerneute.

Meng alles saam behalwe beskuitjies & okkerneute. Breek beskuitjies in. Druk vas in gesmeerde bak. Strooi gekapte okkerneute oor en plaas in yskas. Wanneer gestol, sny in blokkies. Die koekies kan lank gebre word.

Roosterkoek

( Heerlik met braaivleis.)
2 kop. meelblom.
1 tl. koeksoda.
2 onse botter.
1/2 tl. kremetart.
1/2 tl. sout.
dikmelk.
Sif dro bestanddele saam. Vryf botter daarin. Meng met melk tot 'n sagte rolbare deeg. Rol 'n halfduim dik uit en sny in reghoeke. Plaas op 'n gesmeerde plaat of rooster oor kole. Bedien warm met botter.

Kaneelbolletjies

50 ml. gladde appelkooskonfyt.
125 ml. ( 1/2 kop.) margarien.
5 ml. ( 1 tl.) koeksoda.
25 ml. ( 5 tl.) kookwater.
375 ml. ( 1 1/2 kop.) koekmeelblom.
knippie sout.
Stroop :
330 ml. witsuiker.
500 ml. ( 2 kop.) kookwater.
12 ml. ( 2 1/2 tl.) fyn kaneel.

Voorverhit oond tot 180 Grade C en smeer 'n kleinerige oondbak met botter of bespuit met kleefwerende kossproei. Meng konfyt en margarien deeglik. Los koeksoda in kookwater op, voeg by konfytmengsel en meng. Sif meel en sout by en meng tot 'n deeg. ( Dis 'n baie sagte deeg.) Skep teelepelsvol van die mengsel in voorbereide oondbak. Verhit suiker, kookwater en kaneel oor lae hitte tot suiker gesmelt is en bring tot kookpunt. Giet warm stroop oor bolletjies en bak ongeveer 25 minute lank. Sit warm voor met roomys.
Genoeg vir 4-6 mense.

Ystervarkies

Hierdie is 'n staatmaker

350g (625ml) Bruismeel
7ml bakpoeier
1ml sout
125g botter of margarien
250g (325ml) suiker
4 eiers

Stel oond op 200C (400F) en smeer twee bakpanne van 18 x 28 x 3cm. Sif bruismeel, bakpoeier en sout saam. Klop botter en suiker tot romerig. Klop eiers een vir een by bottermensel en meng goed na elke byvoeging. Voeg gesifde
bestanddele bietjiesgewys by en roer tot alles net gemeng is. Skep in panne, maak gelyk en bak 15 - 20 minute. Keer uit op draadrak en laat afkoel.
Sny in blokkies van sowat 3 x 3cm.

Stroop

375ml kookwater
600g (750ml) suiker
1ml sout
15g (30ml) kakao
15g (15ml botter of margarien
5ml vanieljegeursel
400g (5 x 250ml) klapper

Meng kookwater, suiker, sout en kakao in 'n dubbel kastrol, oor kookwater. Doop koekblokkies vinnig in stroop en sorg dat al sy vier sye bedek is. Rol in
klapper en plaas op draadrak. Hou in koelkas.
Lewer 8-9 dosyn

Ou Boereraat

Sooi brand: 1 mespunt magnesia in 'n half kelki water 3 maal op 'n dag.

Eet 4 of 5 amandels elke dag, dit help ook

Ou Resep

Arm Mans Poeding

lb Flour
1 koppi suiker
1 koppi melk
1 yer
botter so groot as 'n yer
knypi sout
2 hoge telepeltjes "Baking Poeier"

Smeer 'n doek en strooi met meel. Maak di poeding an met melk, botter en yer, sit in di doek, bind fas en sit dit in kokende water, kook fer 1 uur, sit 'n bord in di pot foor jy die poeding insit anders gan dit fas sit. Di sous is hiironder:

1 koppie wit suiker
1 yer
1 telepel flour
1 klontji botter

Meng alles, roer kokende water daarby, maak glad an met di water, laat net opkook, haal af en gooi 10 druppels fannilla of limoen essens daar bij.

Resepte uit Anna se Kombuis

Al Anna se resepte is in eBoek formaat en maak dus ideale geskenke en word sommer met epos gestuur. Vir meer besonderhede, klik hier

Iemand soek nou die dag by my 'n resep vir Bar One Poeding, ek kry dit toe wraggies in een van Anna se resepte eBoeke

OUTYDSE SOUSKLUITJIES

KLUITJIES

250 ml koekmeelblom
10 ml bakpoeier
2 ml sout
50 ml margarien / botter
1 eier
100 ml melk

SOUS
500 ml kookwater
25 ml margarien / botter
kaneelsuiker

Sif dro bestanddele saam. Vryf 50 ml margarien in tot mengsel soos broodkrummels lyk. Klits eier en melk saam, roer by meelmengsel in en meng tot 'n sagte deeg. Voeg nog melk by indien nodig. Verhit water en 25 ml margarien tot kookpunt. Skep lepelsvol deeg in kokende water. Sit deksel op en laat kook 15 minute. Moenie deksel oplig terwyl kluitjies kook nie. Skep kluitjies met 'n gleuflepel uit in 'n diep opskepskottel. Strooi kaneelsuiker oor. Kook water waarin kluitjies gaar gemaak is weer. Voeg kaneelsuiker by en giet oor kluitjies. Jy kan nog water byvoeg indien nodig.

st se pitkos

st se  pitkos

Klik hier om st se webwerf te besoek
en om in te teken op sy weeklikse nuusbrief

Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee n leser.

Nog gevleuelde woorde van ST:

Vyf belangrikste dinge in jou lewe

Ek het vandag n belangrike vraag om jou te vra. Wat is die vyf belangrikste dinge in jou lewe? Dink n oomblik hieroor na. Wat is dit wat regtig saakmaak in jou lewe?

So baie mense verval in n sekere lewenspatroon en groef sonder om na te dink wat eintlik nou belangrik is. Kry jy tyd om stil te sit en n opname te maak watter dinge nou eintlik jou lewe sinvol en die moeite werd maak? Eendag wanneer jy op die ouetehuis se stoep sit en terugkyk op lewe, wat sal dit wees wat jy graag met jou lewe wou doen en bereik het?

Dis nodig om soms uit die rat race te klim en weer te fokus op die dinge wat in jou lewe belangrik is en wat inpas by die mens wie jy is.

Maak vandag n lysie van vyf belangrike dinge wat werklik saakmaak en jou na aan die hart l.

Byvoorbeeld:

1. my kinders
2. my seevakansies
3. my eggenoot
4. gesondheid
5. geloof

of wat jy ookal op jou lysie wil sit.

Die volgende stap is om te bepaal hoe jy meer tyd, aandag en energie kan gee aan die vyf dinge op jou prioriteitslysie. Jy sal graag meer van jou lewenstyd hieraan wil gee, want dis die belangrikste dinge. Terselfdertyd wil jy afskaal op minder belangrike dinge wat nie werklik saakmaak en jou lewe verryk nie. Sny dus aan die tydmorsers in jou lewe en kry jou fokus reg.

Byvoorbeeld: indien jou kinders op jou lysie is, sal jy vir jouself afvra of jy genoeg tyd met hulle spandeer - genoeg kwaliteit en kwantiteit tyd. Die tyd en aandag wat jy aan jou kinders gee, is dit tekenend daarvan hoe kosbaar hulle in jou lewe is? Of aanvaar jy maar jou kinders as vanselfsprekend rondom jou? Wys jou waardering en erkenning aan jou kinders; beleef en geniet die voorreg om jou kinders by jou te h; lag saam met jou kinders en deel goeie oomblikke met hulle; gebruik elke dag as n geleentheid om n stukkie bousteen in die verhouding tussen julle te l.

Nog n voorbeeld: gesondheid. Vra jouself die vraag af wat jy doen om hierdie belangrike item op jou prioriteitslysie die nodige tyd en aandag te gee. Jou lewensstyl en kwaltieit hang van jou gesondheid af. Gee jy werklik genoeg aandag hieraan? Oefen jy gereeld, eet jy reg, skakel jy slegte gewoontes uit? Dis eers wanneer jy jou gesondheid verloor dat jy besef hoe ontsettend bevoorreg n mens is om goeie gesondheid te h. Leef met groot dankbaarheid wanneer jy gesond is en pas jouself op.

Wat is die vyf punte op jou lysie? Watter ernergie, tyd en aandag gaan jy vandag begin om daaraan te skenk?

n Sprankie wysheid vir die dag

Jy is nie net verantwoordelik vir wat jy doen nie, maar ook vir wat jy nie doen nie. Laotse  

Dr ST Potgieter
Tel: 021 949 5007
Sel: 083 227 3683
Epos:
st@pitkos.co.za

Skakels

Soek jy plek om te gaan kampeer? Klik dan hier!

Skooltake?? Klik hier

Vakansieverblyf is altyd 'n probleem, di mense maak dit makliker om te kry, klik net hier.

Teken in /Teken uit / Kontak

Teken hier in op die poslys en lees ook die argiewe.

Om uit te teken, stuur vir my 'n epos en dui jou naam aan asook die eposadres waaronder jy ingeteken is

Kontak my hier.

Druk jou speld op my besoekerskaart!