Onbeskaamd Afrikaans!

Welkom aan alle nuwe intekenare!

Oor 'n paar dae vertrek ons Mosambiek toe. Dit sal 'n eerste vir ons wees, ons gaan tuis by 'n oord in Inhambane en gaan dan vir 'n paar dae kamp by Vilanculos en oppad trug bly ons oor by XaiXai. Ek hoop om baie fotos te neem an sal natuurlik deel met julle. Die volgende brief sal dus eers so teen 18 Junie beskikbaar wees.

Ek plaas weereens ou  resepte wat vernoem is na beroemde persone, plekke en gebeurtenisse. As jy dalk van nog weet wat ek nie alreeds hier geplaas het nie, stuur asseblief aan my per epos, baie dankie. Sodra ek genoeg van die resepte het sal ek dit in eBoek formaat saamstel.

Ek sien ons Lotto is nog steeds nie beskikbaar nie, probeer gerus die UK Lotto! Om 'n kaartjie te kry is maklik en veilig, ek is al meer as 'n jaar doenig met hulle en het nog nooit probleme opgetel nie. Hulle boerpot is nooit minder as 3 miljoen pond nie en die klein bedraggies wat ek al gewen het, het hulle in Rand in harde kontant aan my uitbetaal. Klik hier om jou kaartjie te kry en droom GROOT.

Weereens het ek lekkerlees Afrikaanse artikels deur onder andere Estelle de Bruyn en Annelie Botes. Ek is seker julle sal dit geniet!  Ook is daar 'n insiggewende artikel deur Dr. S T Potgieter. En dan is daar ook 'n nuwe insetsel oor Suid Afrikaanse vlae.

En onthou tog om my besoekersboek te teken? Hy was vir 'n hele tydjie aflyn maar is nou weer terug.

Ek is nou net mooi  g*tvol om te hoor van die arme voorheen benadeeldes. Goeie tyd, hulle het darem nou al dertien jaar gehad om hulle reg te ruk en iets vir hulleself te probeer doen. Maar nee, die staat sal mos sorg en daarom sit en wag hulle net op beter dae! En as ek weer moet hoor dat iets wat nou verkeerd is die skuld is van die apartheid regime gaan ek siek word, net hier op die rekenaar se sleutelbord! As iets nou nog nie, na dertien jaar, reg is nie, dan is dit vir seker nie apartheid se skuld nie. Die gravy train was nie goed genoeg nie, nou wag ons vir Gautrein. 

Ai tog, wanneer gaan politici hulle neuse uit sportsake hou en met hulle eie sake bemoei?? Nou is daar selfs al wetgewing wat hulle die reg te gee om in te meng. Ek voorspel niks goeds nie, die tyd sal leer.

Die kersie oppie koek is dat motoriste nou 'n addisionele R30 moet betaal by registrasie of hernuwing daarvan om te betaal vir die gemors van 'n nuwe siteem wat hulle in werking probeer stel. In plaas van dat die mense wat verantwoordelik is vir die gemors beboet word, word hulle vergoed! Net in Suid Afrika. Seker weer gunsies vir maatjies.

Soja, nou voel ek effens beter!

Hier is iets nuuts, my belangstelling in ons vlae het begin met 'n besoek aan Kaapstad waar en verskillende vlae daar sien wapper het. Hierdie gaan van nou af 'n gereelde insetsel wees, ek gaan navorsing doen oor al ons ou vlae met bietjie geskiedenis en voorbeelde.

Klein Vrystaat
Vanaf 1876 het 'n aantal Boere grond by die Swazi koning Umbandino gekoop.'n Amptelike regering en grondwet was saamgestel in 1886. Klein Vrystaat was by die Zuid-Afrikaansche Republiek ge-inkorporeer op 2 Augustus 1890

Regs klik hier om Nuusbrief nr, 20 af te laai. Die brief bevat nuus artikels, beleggingsmoontlikhede, studiebeurse, vakante poste en nog baie meer.

Die BEF het kennis gekry van verskeie studiebeurse en werksgeleenthede wat beskikbaar is, vir meer besonderhede, kontaknommers is hieronder.

Regs klik ook hier om die nuutste nuusbrief af te laai.

Sluit nou aan. Maak 'n verskil. Klik hier vir meer inligting

Kontakbesonderhede:
Mnr. Andre Groenewaldt – 082 633 2920 & landlyn: 012 548 6118
Mnr. George Pienaar – 082 338 3295
Faks: 012 548 7242

Hierdie gaan nou 'n gereelde item word. Ek is bly om te sien dat die Boeremusiek tradisie nog so sterk staan....

Joe Hooneberg

Joe was die leier van Die Baanbrekers en het die vierry Engelse konsertina gespeel. Sy orkeslede was Rupert Meyere en Dan Scholtz. Die bekende trekklavierspeler Theo Erasmus se pa was bevriend met Joe en het dikwels kitaar saam met hom gespeel maar was nie lid van Die Baanbrekers nie. Hierdie groep het die Pietersburg Settees op plaat opgeneem. Die nommer is ook bekend as die Resiesbaan Settees.

Bron: 15 Goue Jare:  1989-2004  Boeremusiekgilde

Die verhoogde brandstofprys affekteer almal van ons. Hoekom laat jy nie dat jou korttermynversekeraar vir die verhoging betaal nie? Ek het R400 per maand bespaar deur my korttermynversekering na Dial Direct te verskuif. En die R400  sorg vir my verhoogde maandelikse brandstofrekening! Jy het niks om te verloor nie, Klik hier  vir 'n gratis aanlyn kwotasie en kyk self hoeveel jy kan bespaar!

Kom beleef ‘n stukkie an ons Afrikaner kultuur!!! (soos baie voor jou reeds gedoen het)

R250 per persoon
Is jy in Graad5, 6, 7 of 8?? Lief vir dans? Wil jy leer? Dis die kamp vir jou!!!!
Ondersteun deur: Johannesburg Theatre Acadamy of Dance
Inskrywingsvorms en verdere inligting: Hannetjie du Toit - 084 652 8061

Ek het 'n hele afdeling op my hardeskyf vol resepte wat mense aan my gestuur het, regs klik hier om een van die Word dokumente met resepte af te laai.

Dis gewoonlik 'n gesukkel om geskenke te koop, ek het 'n paar idees wat jy dalk in sal belangstel, klik gerus hier om te gaan kyk. Daar is bv. 'n eBoek met omtrent 2000 Boererate, 'n CD met 50 resepteboeke op (Engels), jy hoef nooit weer 'n resepteboek te koop nie! Ek het nou ook 'n eBoek oor kruie (in Engels, het nog nie tyd gehad om dit te vertaal nie) vir net R50. Klik hier vir betalingsbesonderhede. Ook ander eBoeke en CD's beskikbaar.

Kom ons skop oudergewoonte af met Estelle se bydrae. Sy is verbonde aan die Republikein, die enigste Afrikaanse dagblad in Namibië. Kontak haar gerus, sy hoor graag van julle.

Instandhouding

ARGITEKTUUR is een van die wonderlikste getuigskrifte van die mens se prestasie op sowel skeppende as strukturele gebied. Dit is die kuns en wetenskap van die ontwerp en struktuur van geboue.
Argitektuur manipuleer ruimte, volume, tekstuur, lig en skadu ten einde iets te skep wat prakties asook esteties is.
Ek koester 'n diep, diep bewondering vir die argitekte van ons land. As ek net in Windhoek rondkyk na die pragtige geboue wat sedert onafhanklikwording hier verrys het, kan ek nie anders as om al die argitekte se voete te soen nie.
Aanvanklik het argitektuur ontwikkel uit die mens se behoefte na skuiling, veiligheid en aanbidding. In plekke soos Europa waar die klimaat genadeloos kan wees, moes mense, ná die grotte te klein geword het om almal te huisves, vinnig plan maak om skuilings teen die koue te bou.
In Egipte het die bouwerk van die Farao's nuwe hoogtepunte bereik en strukture soos die piramides en tempels van ouds beïndruk ons vandag nog.
Volgens die Bybel se beskrywing was Salomo se tempel in Jerusalem ook iets om te aanskou en dit is jammer dat die Israeliete so gesondig het dat hul bure besluit het om hulle 'n les te leer en die tempel te vernietig. Ek sou wat wou gee om dit te kon gesien het.
Die Griekse en Romeinse beskawings het weer nuwe tendense na vore laat tree en die oorblyfsels van hulle vernuf laat snak ons nou nog na ons asems.
In die vorige eeu het argitekte soos Charles-Edouard Jeanneret, wat homself tot Le Corbusier herdoop het; Mies van der Rohe, wat goed gesê het soos "minder is meer" en "God is in die besonderhede" en Renzo Piano wat die Pompidou-sentrum in Parys ontwerp het, 'n hele nuwe draai aan die spreekwoordelike argitektoniese bal gegee. Hul geboue is kunswerke wat vandag nog die verbeelding aangryp.
Hoe sou hulle moes voel as hulle vandag by een van hul lewende kunswerke sou instap en sien dat die teëls op die vloere gekraak is, die panele van die mure afgeval het en so stukkend-stukkend daar eenkant lê. Ek ken hulle nie, maar glo my vry, as dit my meesterstuk is wat so traak-my-nieagtig deur die mensdom behandel word, sou ek wippend van woede gewees het.
Om dié rede gaan my hart uit na Namibië se argitekte wie se kreatiewe denke en maande se bloedsweet om die fynere besonderhede van 'n spoggebou te ontwerp, so argeloos deur diegene wat verantwoordelik vir die instandhouding is, verwaarloos word.
Ek praat in die besonder van die Hooggeregshof in Windhoek. Dié aangrypende gebou, wat so onlangs soos Oktober 1997 amptelik geopen is, is in 'n gehawende toestand van verwaarlosing. Hoe het dit gebeur, vra ek myself af, toe ek verlede week 'n hofsaak daar moes bywoon. Dit is skokkend om te aanskou. Dis teleurstellend om die minste te sê.
Is ons land so bankrot dat ons nie die teëls wat gekraak het of die panele wat van die mure afgeval het, kan vervang nie of bietjie Polyfilla meng en 'n kraak kan toestop nie? Miskien het dit met 'n gebrek aan waardering vir die mooi en die estetiese te doen.
Miskien moet ons argitekte ophou om mooi geboue te ontwerp en sommer net 'n blikgehuggie oprig wat jaarliks vervang kan word as dit begin roes.
As ons só omsien na ons argitektuur, kan ek my net indink hoe die nuwe “State House” na 'n paar jaar gaan lyk.
 

Is daar ooit ‘n tyd vir oorlog?

So daag Pretty Nomvula, boorling van ‘n gehuggie op die grasvlaktes van die Transkei, op vir haar 3de skof by Granny. Ek is kwartpad trap-op vir my rustyd. Die foutsoekerige landlady laat Pretty in; ek sien die spanning aan haar wringende hande. Ek groet in Xhosa en haar oë smeek my trap-af. Ek is verskeur tussen Pretty se roep-oë en die landlady se vroeëre dwarsklap om Pretty nié te help nie.
“She’s supposed to be a competent carer and that’s what she gets paid for.”
Koudhartig. Meet alles in silwerlinge. Twee trappe boontoe hoor ek sy praat van blueberry pie. Ek ys. Hoe sal sy begryp dat Pretty van die Transkei kom, en nie weet hoe om blueberry pie te maak nie. Ewe min as wat ek kan dolos gooi, of as wat die landlady ‘n melkbok aan die agterbeen kan vang en uitmelk. Pretty sê net yes, yes, yes. En knie haar uniform se borspant tussen haar bleekgeel handpalms.
Die slaap bly weg. Pretty spook by my. Hoe het sy hier beland? Is daar ‘n familie wat wag vir haar ponde? Kyk haar mama na haar kinders? Leef haar man nog, of het die Afrika-siekte hom gevat? Verlang sy na die laatdaggeur van klam doringhoutvure waarop die waswater en aandkos kook? Mis sy die roep van die hadidas? Papbolletjies gedoop in dunsous. Wasgoed uitvryf by die rivier, singend. Mielies stamp terwyl die Afrika-son op haar skouerblaaie bak. Fynhoutjies optel in die veld. Om haar kindjie te abba.
Nee, liewer opstaan en by die pers fluweel linnekis kniel. Nie om te bid nie; om te buig. Want al weet ek min van Pretty Nomvula, is daar één ding wat ek weet: Sy is baie siele se môrester. Waar sy die moed getap het om van die Transkei tot hier te kom, sal ek net begryp as ek baie lank by die pers linnekis buig.
Toe die landlady se skeermesbek stilraak, seil ek trap-af. Net vinnig beduie van die blueberry pie, maar ek sal nié toekyk hoe word ‘n leeuin uit die Transkei afgeknou nie. En dít deur ‘n kwaadvrou wat nog nooit mielies gestamp het, of hadida-taal verstaan nie.
“Isapa, mama, kom hier. Baleka, hardloop.” Ek lag en wink kombuiskant toe. Toe maak ek soos tannie Bonnie Marais van Bedford. Tannie Bonnie het geroem sy kon vlot Xhosa praat. Terwyl sy in der waarheid nie kon nie. Sy het net ‘n ie-klank vooraan gelas. Ie-kitchen. Ie-tea. Ie-ironing. Ie-brush. Só sê ek Pretty moet mooi en vinnig luister, want die landlady mag my nie betrap nie. Ek ie-egg, ie-pastry, ie-mix en ie-oven, hopende Granny se Alzheimers sal inskop, sodat sy nie oorskinder nie.
“Ie-understand?”
Die leeuin kyk op. “Ja, ek verstaan bietjie baie mooi,” sê sy in Afrikaans en rank haar vingers om my voorarm. “Die Jirre seën vir jou, Nonnatjie.”
Nonnatjie. Mooie naampie in ruil vir die bewaring van haar waardigheid.
Toe breek die ween uit my los in my Englandkombuisie. Oor Pretty. Oor myself. Oor blueberry pie en tannie Bonnie Marais. Oor geelwit handpalms en blankwit oumas. Oor ‘n verdomde geskiedenis waaruit niemand wil leer nie. Die karma van ‘n volk; die karma van die opvolgers. Boereoorloë. Kafferoorloë. Alle oorloë van alle tye. En omdat niemand op die ou end gewen het nie.
Tussen die snikke sirkel Pretty se hand op my skouerblad. “Tula, mama,” en iewers uit haar lyfvoue kom die moederritme van Afrika tot in my murg. “Als is nou-nou weer bietjie beter,” en sy vee haar neus met haar uniformkraag af. “Tula … tula …”

Gaan kyk gerus by hierdie internet boekwinkel, daar is fantastiese ou boeke (in Afrikaans ook!), ek sal my kredietkaart hier lekker kan verniel! Klik hier en gaan kyk rond. Nou nog meer boeke bygekry, heelwat baie ou, baie interessante boeke in Afrikaans ook.

Die Groot Verseboek wat ek bestel het, het intussen hier aangekom en ek is mal daaroor! Gaan kyk gerus na die verkskeidenheid skaars boeke wat beskikbaar is!

Met elke uitgawe fokus ek op 'n Afrikaanse webwerf. Hierdie is my gunsteling tydskrif!

Afrikaanse Lied

Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel:
Ons Blêrkas van Afrikaanse Volksmusiek

DE WET!

Woorde: DANIE THERON; gewysig: P. MCLACHLAN
Musiek: W. TOLSMA; verwerk: CHRIS LAMPRECHT

Wie is die dapper generaal? De Wet!
Wie stry so dapper in Transvaal? De Wet!
Wie is dit wat die trotse Brit so telkens in die stof laat sit?
De Wet, De Wet, De Wet, De Wet, De Wet, De Wet, De Wet!

Wie kom, wie gaan net soos 'n gees? De Wet!
Wie word deur Tommie meer gevrees? De Wet!
Wie is dit wat so elke slag verskyn waar hul hom nie verwag?
De Wet, De Wet, De Wet, De Wet, De Wet, De Wet, De Wet!

Wie ken die pad om koers te hou? De Wet!
Wie is dit wat die moed behou? De Wet!
Wie laat hom van geen vyand paai? Wie toon hom immer ewe taai?
De Wet, De Wet, De Wet, De Wet, De Wet, De Wet, De Wet!

Wat's nuut op Kalie se Boeremusiek webwerf?! Ons het nou 'n eie domein - dis nou vir die wat nie die blad onlangs besoek het nie. Gaan loer gerus by http://kalie.boeremusiek.net

Hierdie webblad is spesifiek daarop toegespits om die: Versameling...Bewaring...en Uitbouing...van Boeremusiek aan te spreek.

Hier sal u meer te wete kom oor die ontstaan en ontwikkeling van Boeremusiek, musikante van toeka en nou, byeenkomste en aktiwiteite van Boeremusiekliefhebbers en sommer alles wat Boeremusiek so lekker maak! Ek wil u aanmoedig om noue kontak met my te behou en om aktief met my te skakel oor wyses waarop ons Boeremusiek lewendig kan hou vir sovele mense wat plesier vind in hierdie besondere aspek van ons Suid- Afrikaanse kultuurerfenis.
 

Agterpad Reisnotas - versamel deur Braham van Zyl

Ek luister mos een Saterdagoggend na Amoré Bekker op RSG waar sy 'n onderhoud voer met Braham van Zyl. Ek kontak hom toe en is nou op sy poslys, hier volg een van sy vertellings. Kontak hom gerus en vra om op sy poslys te kom. (Eposdres onderaan die artikel) Hy stuur 'n 'n gereelde nubrief uit.

NAMAKWA NASIONALE PARK, Kamiesberge: Noord-Kaap
EMMERENTIA DE KOCK, emmerentiad@sanparks.org, skryf:
“Vanjaar is die plante hier by ons in die Namakwa Nasionale Park so geil en groot soos wat hulle in lang jare nie was nie. Op ons buurman se plaas lyk dit asof die veldplante gesaai is. As die weer soos nou hou, en ons so elke 2de week reën kry en die oostewind nie te warm waai nie, kan ons ‘n lekker lang blommeseisoen hê. Daar is baie wat nog kan blom, of weer blom. Ons reënval vir die Skilpad afdeling lyk tot dusver soos volg: April-Mei 210 mm, Junie 68 mm, tot 14 Julie 35 mm”.
“Die volgende plante toon reeds goeie belofte vir vanjaar se blomseisoen:
STRUIKE: Asparagus sp., Peperbos, Fluitjiesbos, Sjielingbos, Skilpadbessie, Wilde roosmaryn, Melkbosse, Taaibos, Salies, Kalwertaaibos, Kloe-kloekie, Lycium sp., Solanum sp., Perdebos, Pokbos, Hermania sp., Skilpadbos, Grootsaadklappiesbrak
BOLLE EN KNOLLE: Blougif, Ramblom, Varkiesknol, Chlorophytum sp., Bobbejaantjie (B. sinuata) en (B. dregei), Uintjie
KRUIDE EN KLEIN STRUIKIES: Kokerdoosblom, Beesblom, Veldkool, Haassuring, Wit en blou sporrie, Indigofera sp., Boesmankers, Oxalis sp., Aandblom (L. tristis), Jamesbrittenia sp., Drumsticks, Felicia sp., Knoppiesopslag, Stinkkruid, Meidestert, Bobbejaantjie, Kappie-blommetjie, Jonkmansknoop, Ramhorinkie
VYGIES: Fyn t’nouroebos, Donkievy, Donkiebos, Swartstamvyebos, Soebatsfontein se vygies
SLINGERPLANTE: Bokhorings
GOUSBLOMME: Namakwaland gousblom, Dassiegousblom, Skaapbos, Bittergousblom, Arctotis sp. (wit), Soetgousblom
AALWYNE Bitteraalwyn, En vele meer !!!!!!”
Namakwa Nasionale Park, Tel/Faks: 027-672-1843

Skryf vir Braham en vra om op sy poslys geplaas te word en ontvang sy reisbeskrywings direk van hom af! e-pos : info@explore-sa.com

Daar bo innie Bosveld stap hasie eendag so deur die gras en kom op 'n borrel mampoer af wat in die son gelê het. Hy vat 'n paar slukke, ma' ie witblits skop hom so lat hy net daar uitpaas. Jakkals kom verby, sien vir hasie en die bottel, dog toe hy sal ook so sluk vat voor hy vir hasie eet. Maar die warm mampoer kap hom ook om. So lê die twee nou daar toe hiëna verby kom, hy kon sy geluk nie glo nie en drink ook aan die bottel; selle storie, val net daar neer, uit-gepaas. Leeu kom toe op die storie af, besluit hy eet nie aan jakkalse en hiëna's nie, en daarby is die haas te klein om eers oor te worrie. Hy vat toe maar 'n paar groot slukke en kort-voor-lank slaan hy ook neer. Met die begin hasie roer, sit regop met 'n hewige hoofpyn. Hy skud sy kop, trek sy ore reg en kyk toe so om hom. Toe sien hy hoe lê leeu, jakkals en hiëna uitgepaas om hom. Hy mompel: "Hel, smaak my mos ek raak aggressief as ek gesuip is!"
 

Laat jou wildste drome waar word, kry 'n kaartjie in die UK Lottery, klik net hier  Die boerpot is gereeld om en by  £11 miljoen, ( R140,000,000), sjoe, dis darem maar baie nulle!! Maar dis nog NIKS! Die Euromillions Lotto staan huidiglik op 181 miljoen Euro, dis om en by R1,719,500,000. Eishhhhhh. Vat 'n kans, wie weet???

Ek is betrokke by hierdie inisiatief van Elsabé, kyk tog asseblief of julle nie ook 'n bydrae kan maak nie, besoek ook hulle webwerf. 

Nuusbrief 11 Mei 2007

Goeiemôre vriende,

Gou-gou bietjie terugvoer gee.

BLOUDAKKIES OUETEHUIS
Ek het besluit om Moedersdag en Vadersdag te kombineer en 'n spesiale "Ouerdag" funksie by die ouetehuis te hou volgende Woensdag die 16e Mei 2007. Dit sal goedkoper wees as om 'n funksie vir Moedersdag en Vadersdag apart te hou! Daar is baie bejaardes wat so alleen is en ek glo dat ons op hierdie manier weer bietjie vreugde in hulle lewens kan bring.

Wat hierdie funksie nog meer besonders gaan maak is dat Manual Escorsio vir oumense gaan kom sing!! Dit is 'n groot voorreg en ek glo dat ons hierdie dag baie spesiaal vir die bejaardes gaan maak!

Ek wil graag 'n lekker gesellige braaivleis vir hulle gee met 'n klein geskenkie vir elkeeen. Almal is welkom om die oggend saam met ons te kom geniet.

Ons kan dit slegs doen met hulp van ons getroue ondersteuners!! Hiervoor het ons natuurlik heelwat vleis nodig wat nogal 'n duur item is. As daar mense is wat hulle weg kan oopsien om vir ons met bydraes hiervoor te help sal ek baie dankbaar wees. Merk net asb by die donasie "ouerdag" dan weet ek waar om dit aan te wend.

PRES. KRUGER KINDERHUIS
Die klein kindertjies kamp hierdie naweek. Dit gons glo by die kinderhuis - die ene opgewondenheid hieroor! Ek moet sê dat ek self ook baie uitsien na hierdie kamp. By die kleintjies is daar drukkies en liefies in oorvloed (anders as by party van die groot kinders).

Ek deel graag hierdie briefie wat ek ontvang het van 'n dame wat jare terug in die Pres. Kruger Kinderhuis was......

More, aan een en elke wat hier lees.
Ek wil net sê, ek was een van die kinders in die Presedent Kruger Kinderhuis.
Dankie vir elkeen van julle wat sy hulp bied en aan elkeen wat nog so getrou sy finansiele hulp bied.
Na tien jaar in die wye wereld kan ek nog elke dag dankie sê op my knie aan die opvoeding ( in daai tyd nie altyd lekker nie) wat aan ons gegee is, wandag maak dit van my 'n beter en sterker mens!!!

KRUIDENIERSWARE
Ons kaste is leeg en die winter is hier! HELP asb! enige kruideniersware is meer as welkom.
Ons vra nie vir luukse kossoorte nie, net die basiese, soos meel, suiker, pasta, soya ens.
Indien u 'n donasie sou wou gee - merk asb by verwysing "kos"

WARM WINTER PROJEK
Daar is alreeds 'n groot aanvraag vir warm klere en komberse. Ons het 'n paar komberse ingekry wat alreeds geallokeer is. Maar ons gaan honderde nodig hê!

Indien u 'n donasie sou wou gee - merk asb by verwysing "komberse"

Gooi maar die ou klere uit. Enige klerasie/artikels wat in 'n goeie bruikbare kondisie is, is meer as welkom asb!

ALGEMEEN
Ek doen hierdie werk alleen en wil net vra dat mense asb maar bietjie geduld met my sal hê!
Dit is nie altyd vir my moontlik om onmiddellik goed te gaan oplaai of e.pos briewe te beantwoord nie! maar ek probeer my beste.

Ek wil vra dat mense - sovêr moontlik - asb donasies by my huis sal aflewer. Ek is darem nou al meer as 'n halwe eeu oud en sukkel werklik somtyds om baie swaar items op en af te laai!

Help my asb om die ander minderbevoorregte mense te kan help!

LIEF 'N OUMA/OUPA projek
Ek het al 'n paar mense gekry wat belangstel - maar ons kort nogsteeds heelwat mense wat 'n oumens wil "aanneem".

Sodra ek die name en al die info reg het - sal ek 'n nuusbrief stuur met al die inligting.

Ek gee volgende week terugvoer oor die Kinderhuis kamp en die Ouerdag by Bloudakkies Ouetehuis.

Groete

Elsabe

Bankbesonderhede:
Danville Hulp Projek
FNB - Brooklyn
Takkode:- 251 345
Tjek rek: 620 546 34128
Swiftkode: FIRNZAJJ926

Aflewerings adres:-

286 Cliffendale rylaan
Faerie Glen
Tel 012 991 3914 Sel 082 8282 551
E.pos - elecnet@mweb.co.za
Webwerf: www.danvillehulp.co.za
PS Bel asb voor jy ry
.

Resepte

Baie dankie aan almal wat vir my hierdie resepte aangestuur het, ek dink ons gaan binnekort 'n lekker versameling bymekaar hê.

In Patriot #108: Patriot Koek, Patriot Poeding, Afrikaner Bond Koek, Jan Smuts-koekies, Jan Ellis poeding, Generaal De la Rey's koek.

In Patriot #109:  Paul Krugerkoek, Vrystaatse Melktert

In Patriot #110: Hertzoggies, Generaal Smutskoekies, Victoria Sponskoek

In Patriot #111: Stormjaers, Ounooienspoeding, Ou Jonkmanspoeding

Soldaatpoeding

Neem ½ lb. niirfet, ½ lb. broodkrummels, ½ lb. klam suiker, di skil fan 'n groot suurlimoen, kap di niirfet fyn, meng dit met di krummels en suiker, kap di limoenskil en giit deur die sop, roper dit by die ander en meng baing goed, sit di mixtuur in klyn koppiis, bak fer 20 minute, keer dit op 'n skotel en gé limoensous daarby.

Afrika's Koekiis
Die resep het verskyn in Di Afrikaanse Koek en Poeding Boek Duer 'n
Frystaatse Dame, Paarlse Drukpers Maats. Beperkt. 1914

3 lb Flour, 1 lb witsuiker, 1 lb botter, telepel soda en 2 telepels
kremetat, met melk of water angemaak.
Dit is die hele resep.

Hiermee 'n variasie van Afrika-koekies in die jare 90.
(lewer 90 koekies)
120 g koekmeelblom (250 ml)
390 g volkoringmeel (750 ml)
120 9 mieliemeel (250 ml)
200 g sagte bruinsuiker (250 ml)
3 ml gemengde speserye
5 ml Kremetart
250 g botter
3 ml Koeksoda
225 ml melk
250 ml karringmelk

Meng meelblom, volkoringmeel en mieliemeel. Voeg bruinsuiKer, speserye en kremetart by. Vryf botter daarby in tot mengsel soos broodkrummels lyk. Los koeksoda op in melk en voeg by meelmengsel. Voeg karringmelk by en meng tot sagte deeg. Skep lepelsvol vam mengsel op gesmeerde bakplate en bak in voorverhitte oond by 180 grade C, 15-20 minute lank tot gaar. Verwyder uit oond en laat afkoel op draadrak.

Variasies
. Maak holte in rou koekies en skep bietjie appelkooskonfyt daarin. Bak soos bo.
. Drup gesmelte sjokolade oor vir 'n soeter koekie.

Boere Soetkoekies

15 Koppies mee1
3/4 Koppie stroop
15 teelepels bakpoeier
6 1/2 Koppies suiker
1 teelepel kaneel .
1 teelepel neut
1/2 teelepel naeltjies
1 teelepel gemmer
6 eiers
1 1/3 pond (660 g) margarien

Meng die droë bestanddele, vryf margarien in. Voeg stroop en eiers by,
meng verder met melk tot 'n stywe deeg. Rol uit en druk af met
drukkertjies. Bak in oond 200°C tot ligbruin.

Fer brandsiikte onder bokke
Neem 2 lb. grease teer en 1 lb. bokfet, smelt deurmakaar, smeer di bokke daarme. Pas op dat dit ni in di oge kom ni.

Fla poeding

Neem 9 yers (eiers), 9 lepels meel, ¼ pond suiker, 1 bottel melk, klop goed deur, smeer 'n doek, sit di deeg daarin en kook fris fer 'n uur in kokende water.

Al Anna se resepte is in eBoek formaat en maak dus ideale geskenke en word sommer met epos gestuur. Vir meer besonderhede, klik hier

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Nog gevleuelde woorde van ST:

Hoe om ongemaklike stiltes in gesprekke te hanteer

So baie van ons raak ongemaklik en ook benoud wanneer ons in gesprekke met mense nie meer weet wat om te sê nie. Jy beland op ‘n funksie langs ‘n vreemdeling en wat moet jy sê? Of jy het met die passasier in die sitplek langs jou ‘n gesprek begin voer en skielik is daar ‘n stilte en jy sit met ‘n mond vol tande. Jy weet op dees aarde nie waaroor om verder te praat nie!

Klink dit bekend? Wel hier is raad om jou uit die ongemaklik situasie te kry en jou sosiaal meer vaardig in die geselskap van vreemdelinge te maak: vra die regte vrae.

Ja, dis so maklik soos dit. Vra die regte vrae. Hiermee kry jy ‘n gesprek maklik aan die gang, en oorkom jy ongemaklike stiltes wat intree.

Nou watter soort vrae kan jy vra? Ek gee vir jou ‘n paar voorbeelde:

1. Vra die persoon uit oor sy werk. Moenie net vra waar werk hy nie. Vra meer oor die aard van sy werk. Probeer ‘n interessante vraag stel. Byvoorbeeld die persoon is ‘n trokdrywer. Vra hom wat sal hy maak as die remme onklaar raak op ‘n steil afdraand. Of wat gebeur by ‘n weegbrug wanneer ‘n trok afgetrek word en ingaan om geweeg te word. Of hoekom het hy die beroep gekies.

2. Vra die persoon oor sy familie. Wanneer hy praat oor sy kinders vra uit oor hulle sport, skole, musieksmaak, maats ens.

3. Vra vrae oor belangstellings. Miskien is hy ‘n mens wat hou van die buitelewe en staptogte. Vra waar het hy al gestap. Watter staproete is sy gunsteling. Is dit nog veilig om op ‘n staproete te gaan. Watter staproete het hy die meeste geniet. Watter interessante staaltjies kan hy vertel wat gebeur op ‘n staproete.

4. Vra die persoon uit oor sport. Watter sport doen hy. Kyk hy sport. Watter span ondersteun hy. Wie dink hy gaan die naweek die krieket of rugby wen. Wat dink hy van konkelary in sport. Daar is letterlik duisende vrae wat jy oor sport kan vra wat ‘n gesprek vir ure aan die gang sal hou.

Ek is seker dat jy aan nog ‘n hele klompie vrae kan dink om te vra. Deur vrae te stel prikkel jy die persoon om te dink en om deel te neem aan die gesprek. Mense hou daarvan om vrae te beantwoord, veral as dit iets is wat vir hulle lekker en van belang is. En wanneer jy vrae daaroor stel voel mense geëerd en meer belangrik.

Jy sal verbaas wees oor hoe gou jy hierdie tegniek kan baasraak en jy meer gemaklik in geselskap sal optree. Jy moet dit net inoefen. Moenie langer wegskram om met ‘n vreemdeling te gesels nie. Jy hoef nie langer dat die gebrek aan selfvertroue jou verhinder om kontak met ander mense te maak nie. Deur van hierdie tegniek gebruik te maak, ontwikkel jy in ‘n goeie geselser en kommunikeerder.

Meeste mense raak moeg van mense wat net oor hulself kan gesels. Wanneer jy nou belangstelling in ‘n ander mense se doen en late toon, is jy ‘n welkome gespreksgenoot en raak jy gou bemind as iemand wat kan luister en verstaan.

Ek is seker daar is lesers wat nog wenke het oor hoe om gemakliker in ‘n sosiale konteks met mense te kommunikeer. Hoe oorkom jy die vrees om met mense te kommunikeer en gesprekke aan te knoop? Stuur asseblief jou idees, gedagtes en wenke oor makliker kommunikasie aan my by st@pitkos.co.za – ek hoor graag van jou.

‘n Sprankie wysheid vir die dag

“Om te verstaan is moeilik. Sodra jy wel verstaan, is aksie maklik” - Sun Yat-sen -
 
Dr ST Potgieter
Tel: 021 949 5007
Sel: 083 227 3683
Epos: st@pitkos.co.za

Soek jy plek om te gaan kampeer? Klik dan hier!

Skooltake?? Klik hier

Vakansieverblyf is altyd 'n probleem, dié mense maak dit makliker om te kry, klik net hier.

Teken hier in op die poslys en lees ook die argiewe.

Om uit te teken, stuur vir my 'n epos en dui jou naam aan asook die eposadres waaronder jy ingeteken is

Kontak my hier.

Druk jou speld op my besoekerskaart!