Onbeskaamd Afrikaans!

 

 

Nommer 125

Besoek my Webwerf

15 Junie 2008

 
 

Bloedrivier

Eg Afrikaans

Die Knoop

Ons Dorp

Woes

Vuurvlieg

Afriforum

Voortrekker Monument

Steve se Spoegblok

Blanke Ekonomiese Forum

PRAAG

Rieme

ATKV

 

Teken Besoekersboek

 

Vorige Nuusbriewe

Epos

Wees gegroet!

Welkom aan alle nuwe intekenare! Hier is sommer baie leesstof, so sit terug en geniet jouself.

Ek gaan verder met die alfabet met die resepte, gaan kyk maar verder na onder na Resepte.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Ek het 'n verskeidenheid skrywers wat bydraes lewer, gaan lees gerus ondertoe.

Wil jy dalk GROOT droom? Vat 'n kans op die UK Lotto, die minimum boerpot is R45 miljoen, sommer gereeld R75 miljoen en hor! Dis heeltemal veilig om te speel, onthou, jy kan nie wen as jy nie 'n kaartjie het nie! Klik hier  en droom Groot!

En onthou tog om my besoekersboek te teken? Hy was vir 'n hele tydjie aflyn maar is nou weer terug.

Doen met 'n miljoen

Ons gaan gewoonlik Carnival City of Gold Reef City toe as ons wil gaan fliek, uiteet of op die masjiene wil speel. Ek het egter 'n veel makliker manier gekry om te speel, Silversands aanlyn casino! Doen dit sommer van jou rekenaar af. Jy sluit aan, speel eers met speelgeld en probeer dan die regte ding. Probeer gerus,  
 Klik hier
 en geniet.

Estelle de Bruyn

Estelle is werksaam by die Republikein, die enigste Afrikaanse dagblad in Namibi. Sy het spesial versoek dat ek die volgende plaas, ek doen dit met graagte:

Vrydag die Dertiende

EK glo nie aan tokolossies f dat swart katte ongeluk bring nie. Ek dra nie knoffel om my nek om die vampiere weg te hou nie. As die weer swaar is, gooi ek ook nie my spiels met lakens toe nie. Oor die algemeen kan ek met n skoon gewete s dat ek my min steur aan bygelowe en ouvroustories.
Tog sal ek nie sommer willens en wetens onder n leer deurloop nie, maar dis n ander saak, want die ou op die leer kan dalk n verfblik op jou kop laat val. Dus niks sinistrs aan die leer-lopery nie, bloot praktiese redes.
Vrydae is nog altyd lekker want dit beteken die begin van die naweek, en nie eers as di dag op die 13de van die maand val, sal dit my afsit nie.
Maar verlede week het die Vrydag-die-dertiende spook behoorlik geloop.
Dit begin met n aanvanklike onskynlik mindere irritasie toe Boeta se motor se battery pap is toe hy moet ry. Dit vererger toe die motor ingesleep moet word vanwe n swetterjoel ander probleme en die tjrrie op die koek is die astronomiese rekening wat die motorpetalje uiteindelik oplewer.
Maar, soos my Ouma sou s, nog is het einde niet. Die groot hond is kruppel toe ek by die huis kom. Sy steun en kreun as sy moet opstaan en huppel pynlik op drie pote om te kom groet. Die veeartspille kos meer as n besoek aan die skoonheidstegnoloog en die haarkapper saam.
Na di spulletjie Vrydag-die-dertiende wedervaringe, is ek bang om agter my lessenaar by die werk op te staan en vir my in die kombuis te gaan teemaak, want ek vrees dat ek die kookwater oor my hande gaan uitgooi of dat my voet aan my stoel sal vashaak en ek sal neerslaan. Ek skrik elke keer as die telefoon lui, want ek weet nie wie nou weer bel om watter slegte nuus oor te vertel nie.
Dis sulke tye wat n mens teen 20 kilometer n uur huis toe ry; by elke stopteken en robot baie seker maak van die aankomende verkeer; by voorbaat benoud is as jy die afstandbeheerdrukkertjie wat die garagedeur moet oopmaak, druk omdat jy nie weet of die wonderlike renweer dalk meegebring het dat die motortjie nat geword het nie.
Tuis maak jy seker al die deure en vensters is toe en dat alles in orde is voor jy versigtig jou sit voor die TV kry, vas van voorneme om so min moontlik te doen om die reeds wankelrige ekwilibrium van die dag verder te treiter. En net as jy dink: nou sien ek di vermeende ongeluksdag reg en niks kan verder skeefloop nie, begin die eerste sagte druppels op die dak val en ..... weg is die TV-sein.
Jy gooi handdoek in, sit die TV en die ligte af en stap sleepvoet kamer toe om jou kop te gaan neerl en in die welverdiende vergetelheid van n droomlose slaap die laaste ure van die dag uit te sien.
Maar, die muses lag lekker en knipoog vir mekaar. Langs die bed, ongesiens deur jou vaak o in die donker, het die kat n reuse dooie duisendpoot vir jou kom neersit waarop jy trap en dan soos n wafferse paalspinger die lug in seil om weg te kom van die krakerige gruwel onder jou voetsool.
Met n slaak van verligting trek jy uiteindelik die duvet oor jou kop en s dankie dat Vrydag die dertiende net af en toe verbykom.
En voor jy aan die slaap raak, wonder jy oor swart katte en of jy maar tog in die toekoms n stringetjie knoffel om jou nek moet hang nie.  

Hulp vir die mense by Coronation Park - Krugersdorp dam

Ek het ondersoek ingestel en het vasgestel dat hierdie nood werlik bestaan. - 

Goeie dag aan almal,

Ek gaan sommer met die deur in die huis val, die belangstelling, die hulp, die oproepe en die e-posse was absoluut oorweldigend. Voordat ek verder gaan wil ek eerste ons Hemelse Vader dank vir sy wonderlike seeninge oor hierdie projek, en aan ieder en elk baie baie dankie. Ek het in my wildste drome nie gedink dat ek hierdie soort belangstelling sou ontlont nie, dit is met een woord wonderlik, en ek sal nooit genoeg dankie kan se vir julle mense wat so goedhartig en bedagsaam is wat my in hierdie reuse taak wil bystaan nie, nogmaals baie baie dankie.

Ek wil tweedens net omverskoning vra, omdat ek nou eers by julle kan uitkom, verstaan asseblief dat ek nie elke e-pos individueel kan beantwoord nie, ek sou dit baie graag wou doen, maar dit sal n onbegonne taak wees. Die meeste van my tyd spandeer ek fisies by die kamp, daar word baie donasies afgelewer, ek wil ek baie graag ieder en elk ontmoet maar selfs dit word n onmoontlike taak, Hugo, sy vrou Irene, Thea en Simon, die twee kokke neem ontvangs van goedere, en elke skenker moet n boek teken.

Jammer ook vir die ongerief, ek kan ongelukkig nie altyd julle oproepe neem nie al probeer ek hoe hard, daarom sal e-pos kommunikasie net maklike wees indien jy wel die fasiliteit besit. Huidiglik hanteer ek en vrywilligers, ongeveer 120 oproepe/navrae per dag tussen 3 fone, en ongeveer 150 tot 250 e-posse per dag. Ek sal op latere stadium vir elke skenker weer wil dankie se.

Net so ongelooflik soos die nuus oor hierdie kamp vir julle aanvanklik geklink het, het ons intussen van nog heelwat ander BLANKE kampe verneem, en is besig om hulle te besoek en alreeds voorsien ons van die oortollige klere, komberse en kos. Dan is daar ook n totaal van 26 sopkombuise in Krugersdorp alleen, en so voorsien ons ook aan hulle waar en wanneer ons kan. Die jongste is n klompie blankes in Nelspruit wat tussen die bosse woon, en geen heenkome het nie. Sodra ek meer inligting het, en sodra ek by al hierdie kampe besoeke afgele het, sal ek u meer inligting kan verskaf Ek vertrou dat u my handeling sal goedkeur, en met my sal saamstem dat ons nie net aan Coronation/Kroningspark in Krugersdorp kan voorsien as daar soveel ander nood in ons midde is nie. Ek se weer ONS MOET ONS MENSE HELP.

Sedert my oorspronklike e-pos uitgestuur is, wil ek net meld dat daar intussen (veral die laaste 2 weke) nog sowat 30 mense by die kamp ingeneem is.

Die goeie nuus is dat daar al verskeie persone uitgeplaas is om te gaan werk op plase en elders, en dit gaan goed met hulle.

Die mees algemene inligting wat julle egter verlang gaan ek kortliks hieronder uit een sit.

FISIESE ADRES:
Coronation Park/ Kronings Park
Coronation weg,
KRUGERSDORP.

Aangesien spasie en stoorplek baie beperk is in n woonwa park, sal ons dit waardeer indien soveel en sover dit moontlik is, enige skenkings na die volgende depot gestuur en afgelewer kan word So is dit dan ook net makliker om van hieraf die verspreiding te doen.

HOOF DEPO POSADRES
128 BOUNDERY RD cor. JUICE STREET POSBUS 5928
(JUST OFF BEYERS NAUDE DRIVE) CRESTA
HONEYDEW 2118

DEPOTS vir skenkings:
KEMPTON PARK Stefni van Zyl -- 083 268 3330 (Laai donasies asb by haar af aangesien sy dit nie kan gaan optel nie)
SASOLBURG Elsie Theunissen -- 084 555 4884 of 016 973 2813
RANDFONTEIN Paula Prinsloo - 011-821-3321 Botha Plotte, Randgate.
ORANGE GROVE Lori Richter 082 459 1962 of 011 805 3080
RUSTENBURG Annelie/ Whitey Henning 079 494 5020 /041 590 1552.
RUSTENBURG - Andre en Annie de Jager 072 140 4771.
CARLTONVILLE: Robbie Black 082 655 8822 Silverton Radiators se perseel, Bothastraat 29, Carltonville.
RANDBURG Mara Scholtz 083 309 1154 (Na ure asb. 17h00 tot 19h00)
NELSPRUIT Jaco en Debbie 082 560 3036 of 013 741 1734
NABOOMSPRUIT Niek Botha 083 271 7019 -- Plot 20 Woodlands
PIETERSBURG Corrie Willemse 015 297 0946
RANDPARK RIF Petra Swiegers (woning) 35 Adelaar Crescent, Randparkrif. 083 267 7707

n Laaste versoek, wees asseblief net bietjie verdraagsaam indien ons nie gou genoeg by julle kan uitkom nie. Dit is n enorme projek, die Here is net so goed vir ons, en te dankie aan julle natuurlik. Dit verg groot organisasie, beheer uit oefen, moed, genade en baie geduld. Vervoer is tans n groot probleem, daarom sal dit ons lewens baie maklike maak indien die goedere afgelewer kan word (net n versoek, nie n vereiste nie.)

Nogmaals baie baie dankie,
Vriendelike groete,
PETRA SWIEGERS.
083 267 7707. (8vm tot 4nm)

petren@iafrica.com

Huisgenoot

Die volgende storie wat ek geskryf het, het sopas ook in Huisgenoot verskyn, vir die van julle wat nie Huisgenoot kry nie, hier is dit:

Ek sal mooi kyk, Pa.
Peter Thomas

My ma se voorliefde vir ʼn spesifieke lied van Neil Diamond was vir my opvallend en dit het my altyd verstom. Veral as ek sien hoe sy die trane probeer wegsteek telkens as sy dit hoor. Die lirieke gaan oor n ou man wat alleen sonder kinders sterf, maar n geskenk nalaat:

Morningside, the old man died
And no one cried
They simply turned away
And when he died
He left a table made of nails and pride
And with his hands he carved these words inside:
For my children


My ma se sterk emosies oor die lied het my diep geraak, maar ek het nie geweet hoekom nie. Dit sou ek eers veel later uitvind

My storie begin toe ek op vierjarige ouderdom n stiefpa kry: ʼn lang, lenige, saggeaarde oom met sielvolle o. Hy het vinnig pa geword en ek en hy het goed oor die weg gekom . Hy het nooit veel emosie gewys nie, sy emosie was in sy o. Daar kon jy agterkom of hy onder andere opgewek of treurig was. Ek kan nie onthou dat ek hom ooit kwaad gesien het nie. Dis die besonderse mens wat hy was.

Ek kon nooit verstaan hoekom my ma sy van aangeneem het, maar aangedring het dat ek my van behou nie. Dit was nie vir my reg nie. Dis dalk die rede hoekom dit soms vir my gevoel het iets skort so ʼn bietjie met ons pa-seun-verhouding. Di ding met die van wat dan nou anders was.

Hy het goed vir ons gesorg. Een keer per jaar het hy vir my en my ma vir twee weke Margate toe gestuur vir n sorgelose alsbetaalde vakansie. Hy self het nooit vakansie gehou nie; was te besig om dag in en dag uit sy winkel aan die gang te hou.

Sy passie was sy houtwerk. In sy kamertjie, in die agterplaas. Hy het die mooiste goed gemaak: leeslampe, staanlampe, tafeltjies, kombuisornamente. Vra maar en hy kon dit maak. ʼn Mens kon ook die liefde waarmee hy elke item spesiaal vir jou gemaak en met trots oorhandig het, duidelik aanvoel.

Dis om en by die tyd dat my ma my vertel het hoekom die liedjie Morningside haar so bewo maak. Dit het haar aan my pa herinner. Net soos in die liedjie, maak hy hierdie mooi goed, en net soos in die liedjie het hy niemand om dit aan na te laat nie. Hy het geen kinders van sy eie nie en ek is mos sy stiefkind. Min het ek geweet

Ek was veertien toe ons een nag kennis kry dat die winkel besig was om af te brand. Teen dagbreek het my pa tuisgekom en nie veel gepraat nie, maar, aan die verslae uitdrukking in sy o, kon ons sien dat alles tot niet was. Die versekering het verval en Pa, toe al in sy vyftigs, moes van vooraf begin. Die verskaffers was hom goedgesind en vasberade het hy weer die besigheid op die been gebring, die keer op n baie kleiner skaal.

Elke middag na hy tuisgekom het, is hy na sy werkskamer waar hy ontvlugting gesoek het en wonderlike houtwerk opgetower het.

Na skool het ek my ouerhuis verlaat en die lewe het sy gang gegaan. Ek het maar selde gaan kuier. Soms het selfs maande verby gegaan. Maar elke keer, na ʼn besoek, is ek met n stukkie unieke houtwerk van hom daar weg; ʼn lamp, n tafel of iets besonders vir die huis.

My ma is ʼn paar jaar later oorlede en ek is intussen getroud. My pa het baie lief geraak vir ons dogtertjie. Sommer gou het hy vir haar die pragtigste handgemaakte popmeubels opgetower.

Hy was al diep in sy tagtigs toe n niggie hom oorreed om by hulle te gaan woon. Ek was die dag daar toe hy sy meubels, wat hy nie kon saamneem nie, verkoop het. n Boer van die omgewing het sy geliefde houtwerkmasjiene kom oplaai en ek het n treurige uitdrukking in sy o gesien asof hy besef het dat daar nou n einde aan sy passie gekom het. Sy skouers het vir my sommer ewe skielik baie meer gebo gelyk, daardie dag.

Ons het probeer om so dikwels moontlik te gaan kuier. Hy het nou meestal maar gesit en lees om die dae om te kry. Tog het sy o dadelik liefdevol geglinster elke keer as hy ons sien.

n Jaar later kry ons tyding van n beroerte-aanval. Sy voltydse tuiste was nou die siekeboeg van ʼn ouetehuis. Toe ons weer gaan kuier, is hy in ʼn rystoel en net een kant van sy gesig praat met ons. Met ons vertrek het daardie emosievolle o het ons stil agterna gekyk.

Toe kom die tyding van die tweede beroerte. Hierdie keer was hy in die hosorg afdeling en permanent bedlend. Geskok het ons na die eens lang man gekyk waar hy klein en in ʼn patetiese bondeltjie onder die komberse gel het. Hy kon nie praat nie. Ek het stil by hom gaan sit en sy hand vasgehou.

Toe dit tyd was om te vertrek het ek sy hand n drukkie gegee en net ges: Dankie, Pa, dankie vir alles wat Pa vir my gedoen het.

Hy het my hand saggies terug gedruk en sy o het warm en opreg na my gekyk. Sy liefde was voelbaar en ek het gesukkel om my emosie vir hom te verberg. n Traan het oor sy wang gerol en op die kussing geval.

Skielik het ek geweet wat hy probeer s. Ek het in sy o gelees dat hy my van die eerste dag af as sy eie seun beskou het! Ek het gewens my ma was daar om die liefde en emosie in sy o te sien toe hy my probeer laat verstaan dat hy graag al sy houtwerkgoed aan my nalaat.

Toe ons terugry was my hart baie seer, maar ook vol onverklaarde emosies. Emosies wat ʼn seun vir sy eie pa voel. En ek, ek het n eie pa gehad!

Ek het geweet dat ek hom nie weer lewend sou sien nie. Dit was ook so. Ons was net vier mense by sy verassingsdiens wat in die eetkamer van die ouetehuis plaasgevind het.

Die woorde van die liedjie Morningside het weer by my opgekom:

Morningside, the old man died
And no one cried
They simply turned away


By die huis aangekom, het ek van vertrek na vertrek gestap en al die goed wat hy oor die jare gemaak het, met deernis aangeraak.

Dankie, Pa, ek sal mooi na jou goed kyk, Pa

Lize Kuhn se Briewe uit Singapoer

Nog iets nuuts, lees van Lize se wedervaringe in Singapoer. Julle kan haar kontak by lize.e.kuhn@gmail.com

Hier is die brief wat Lize my die dood voor die o gesweer as ek dit sou publiseer, sy het toe maar ingestem dat ek dit plaas, hier is dit nou, ongesensor! Baie dankie, Lize!

Ek het vandag 'n hele paar antwoorde gekry waaroor ek gewonder het as ek in 'n publieke toilet kom. Ek weet nou waarvoor die spesiale troggie daar is waarin mense hulle voete was as hulle uit die toilet kom. Ek weet ook hoekom die plakate agter toiletdeure geplak is wat jou waarsku dat jou voet kan gly as jy op die toiletsitplek probeer staan en hoekom die Chinese eintlik hul skoene voor die deur uittrek voordat hul die huis binnegaan en hoekom die vloere altyd papnat is.

Gewoonlik werk die knypers baie goed, goed genoeg sodat daar genoeg tyd is om eers die toilet skoon te maak voordat ek dit gebruik of om te kan uithou totdat ek by die huis is. Vandag was egter anders, ek moes toilet toe. Ek snol die trappe op in die winkelsentrum en ek bid stilletjies dat daar tog nie 'n lang tou mense moet staan nie.........daar gekom en ek s dankie tog daar is nie 'n tou nie, maar die enigste twee toilette is beset. Ek wag, begin naderhand op en af loop in die toilet en skree hardop in my binneste : "maak tog net gou, die nood is hoog". "n Deur gaan oop en ek storm binne, steek vas en wil net omdraai om liewer vir die ander toilet te wag maar besef ek kan nie langer wag nie .......en gaan maar binne. Voor my is die gat in die grond, maar voordat ek by daardie gat kan uitkom is daar eers twee trappies wat ek moet op. Lankal is my omgewing ge "scan" .........geen toiletpapier, vloer papnat en uit my handsak ruk ek my pakkie natlappies in dieselfde beweging wat ek hom oor die hak agter die deur hang. ( Natlappies moet ek h want ek sien nie kans om die waterpyp wat spesiaal vir afspuit is te gebruik nie..........vandaar die papnat vloere en die afwesigheid van toiletpapier. )

Ouma..........waar is jy nou !!! jy het my nooit geleer van hierdie gate in die grond nie, en hier staan ek vandag voor een helse toets. Ouma het my geleer dat dogtertjies baie saggies moet piepie, so sag dat jy jouself nie kan hoor nie..............geen probleem tot nou toe nie, maar het Ouma nie van hierdie gate in die grond geweet nie of hoekom het sy my nie geleer hoe om hierdie affre te gebruik nie, of was gate in die grond te fnsie in haar tyd? .......... Kom suster, daar is nie tyd vir dink nie, af met daai broek............nee o hel........die vloer is nat en my broekspype gaan natword.

Skielik het ek te min hande want ek het nie neersitplek vir natlappies nie!! Die lappies word onder my ken vasgeknyp, die broekspype word tot amper hier bo in my lieste getrek, ook maar goed ek het nie 'n stywe kniebroek aangetrek vanoggend nie. Nou is dit die optog met die twee trappies om mooi netjies wydsbeen te gaan staan op die spesiale voetjies wat vir jou op die grond gemerk is. Dankie, nou weet ek ook ek moet muur toe kyk en nie deur se kant toe soos met 'n gewone toilet nie. Ek het laaaankal gedurende hierdie paar vlietende oomblike gewonder watter kant toe 'n mens nou eintlik moet gaan sit. Dankie tog bid ek verder dat ek nie 'n lang top of oorhemp aan het nie want ek sou nie genoeg hande h om dit k nog vas te hou nie.

Nou moet hierdie vyftigjarige bene wydsbeen sak............ag hel, ek is nie 'n gimnas nie en ek kan verdomp nie sien nie want ek moet die natlappies onder my ken vasknyp en ek skeur omtrent my oogspiere om vorentoe te kan sien. Ek kan nie behoorlik sien nie maar probeer my bes tussen die gespat en geraas en woeps..........daar het ek dit nou!!! Nou weet ek hoekom hulle voete was as hul uit die toilet kom en hoekom skoene voor die deur uitgetrek word !! Wonder wat Ouma van die petalje sou s. En dankie tog die deur kon sluit want ek wou nie die iemand wees wat per ongeluk die deur oopmaak met die lomp vrou daarbinne nie.

Nou die aftog..........klere regrek sodat ek die lappies onder my ken kan uitkry om my voete droog te maak. "Like hell" sal ek my voete in daardie trog gaan was...........sodat almal kan weet wat gebeur het !!! Not even, not me!! Beurtelings balanseer ek my op een been sodat ek elke voet kan droogmaak met my lappies.............sjoe en nog 'n dankie dat ek genoeg lappies by my gehad het.

Ek stap daar uit soos 'n kat met 'n piering room want ek het vandag iets reggekry waarvoor ek nog altyd bang was. Buite wag Dolf ewe geduldig soos altyd en ons begin aanstap. Na 'n paar minute kon ek hierdie oorwinning nie langer vir myself hou nie en s vir hom : Pappa.............vandag het ek ge squad...........gewat..... vra hy. Ge "squad" man......... op daardie simpel gate van hulle in die grond. Ek kon nie sy kommentaar hoor nie want toe tref die werklikheid my en ek lag sonder ophou, ek dink hy het saam begin lag.

Hoekom moet dit nou so moeilik wees !! Die lekkerste en maklikste 'squad' bly maar in die veld in die dro grond toe ons kinders was. Eers slaan die stoffies op en daarna kom die warm stoom so lui-lui uit die grond gekruip en daar was geen geraas waaroor Ouma kon baklei nie.

Peter Thomas Fotografie

Gaan kyk na my nuwe fotografie webwerf

Die Peterjasie webwerf

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Anna se Kombuis

Ek beskou Anna Eksteen as die koningin van Resepte eBoeke in Afrikaans. Sy het nou al 'n hele versameling van resepte eBoeke wat enige kossoort dek, en dit in Afrikaans! eResepteboeke is goedkoop en geen posgeld is betaalbaar nie, die boeke word per epos gestuur en is in 'n japtrap by jou. Klik gerus hier en kyk na haar resepteboeke en bestel gerus een, of sommer 'n paar! As jy besluit om van haar boeke te bestel en jy noem dat jy daarvan hier te hore gekom het, sluit sy my Kampkosresepteboek gratis in!

Groot nuus! Anna het sopas nog drie samestellings die lig laat sien!
(1) n Bordvol peuselhappies
(2) Japtrap etes-Sonder al die sjlep
(3)Souse, doopsouse, smere en botters.
Prys R50 elk.
Indien sy bewys van betaling ontvang, stuur sy n samestelling van 15 verskillende blatjang resepte.

Kontak sommer dadelik vir Anna en plaas jou bestelling:   anna@minimax.cc . of 0822946799

Africana en ander boeke

Maroela Boeke en Tierberg Boeke - Ek het hulle nuutste katalogus sopas ontvang. Regs klik hier om dit af te laai.
Daar is ook 'n groot versameling Africana te kry by www.abebooks.com . Tik net Africana in die soekblokkie

Boeremusiek baanbrekers

Hierdie gaan nou 'n gereelde item word. Ek is bly om te sien dat die Boeremusiek tradisie nog so sterk staan....

Neels Mattheus

Die man van die Baai. Soos oorlede Nic Potgieter altyd ges het: Hy het te gou gegroet. Neels was die eerste wenner in die 1980-94 TV Boeremusiek kompetisiereeks. Hy het 'n nuwe dimensie aan Boeremusiek gegee wat slaafs deur baie orkeste later in die kompetisie nagevolg is. Neels was 'n fyn kenner van musiek en dit het ten volle in sy konsertinaspel tot uiting gekom. Hy was ook 'n goeie organiseerder en het wonderlike Boeremusiekfeeste vir die Gilde in die Baai georganiseer.

 

Bron: 15 Goue Jare:  1989-2004  Boeremusiekgilde  

Pasella

Regs klik hier om 'n resepte eBoek met allerlei resepte af te laai

Peterjasie se Boererate eBoek

eBoek met om en by 2000 Boererate, net R60. Ek stuur sommer per epos en jy betal dan die bedrag in my rekening in, so maklik soos dit. Kontak my vir betalingsbesonderhede. Ook in Engels beskikbaar, laat my maar net weet. Met elke bestelling gee ek gratis afskrif van "Boererate en Verbruikerswenke" eBoek
 

 

Click Here Now!

Click Here Now!

Dial Direct Insurance

 
Webwerf Soeklig
Gaan kyk gerus hier, jy gaan lank hier besig bly! Lekker Afrikaans en alles Afrikaans.

Afrikaanse Gedigte

Nog iets nuut, ek skryf ook nou en dan en op sy tyd kan ek posie ook lees. Ons Afrikaanse onnie op skool was besonders en het my 'n liefde daarvoor laat aankweek. Dit wys net weerens hoe 'n mooi taal Afrikaans is.
Hier is iets wat op die internet rondswerf:

Uit Hemelhout Is Ons Gesny

Uit hemelhout is ons gesny,
'n klein ou skippie ek-en-jy.
Met liefde is ons neergesit,
Op golwe groot en kruine wit.

Dit is 'n onbekende see,
Waar HY vir ons die rigting gee.
Met toringsliefde langs die pad,
Sal HY ons om die rotse vat.

HY het vir ons ook vis gevang.
Ons vasgehou in die stormbang.

HY het 'n hawe voorberei,
Waar al SY skippies veilig bly.
Skippies ek skippies jy...
Uit hemelhout is ons gesny!

Kos stories - Frik Lombaard

Maak daardie foute reg

Dit gebeur baie dat n mens, terwyl jy met kos besig is, jou aandag afgetrek word en jy nie seker is wat jy laas gedoen het nie of jy gooi sout in die bredie en die soutpot se deksel kom af en daar daal n ton (dit proe so) sout na benede. Jy hoor jou gunsteling liedjie speel op die radio wat in die kamer staan, en wanneer jy terugkom in die kombuis dan het die rys wat 3 minute gelde nog reg was aangebrand. Sulke dinge gebeur mos net wanneer jy dit nie kan bekostig nie. Jy het die laaste groente en vleis gebruik om sop te maak of jy kry gaste vir ete.

Daar is ook natuurlik foute wat jy nie kan regmaak nie. Dit is foute soos om n appeltert te bak en as jy die tert sny dan is dit kluitjie en jy kom agter jy het vergeet om die eiers in te gooi. Vra my dit het my al oorgekom. Iemand anders in my huisgesin het eendag n piesangbrood gebak. Nadat die piesangbrood uit die oond gekom het sien sy die piesangs l op die tafel. Vir sulke foute het ek nie raad nie maar vir die glipsies is daar wel raad.

Wanneer jy te veel sout in die sop of bredie gegooi het kan jy altyd nog water byvoeg om die sout te verdun. Dit kan dalk probleme veroorsaak aangesien jou bredie dan n waterige sous sal h. Die ander en maklikker manier is om n aartappel te neem, af te skil en dan net so in die bredie of sop te gooi. Die aartappel sal die meeste van die sout intrek. Wanneer die meeste van die sout so ingetrek is in die aartappel kan jy dan net die aartappel uithaal en weggooi. Dit is mos nou maklik genoeg.

As jy dalk eendag patats of wortels te sag kook is dit die einde niet. Gryp jou Kook en Geniet nader en soek dadelik n soufle resep. Die saggekookte patats en wortels maak n heerlikke soufle. Dit sal ook n heerlikke verandering maak van die daaglikse gewone groente. Miskien begin die kinders dan hulle groente eet.

Almal ken seker daardie reuk van gebrande kos. Dit gebeur as jy net gou iets anders wil doen. Terwyl jy nog so rustig is met die ander dinge dan tref daardie reuk jou. As jy eers die snuf in die neus gekry het is dit al te laat. Jy sal wat jy ook al gekook het moet van nuuts af weer kook, want die brand smaak kry jy nie uit die kos uit nie. Maar wat gemaak met die pot of pan ? Laat die pot of pan eers goed afkoel. Ek het al probeer om sout en asyn oplossing in die pan of pot te sit vir n lang ruk, maar dit werk nie altyd so goed nie. Maar gelukkig is hier ander raad. Nadat jy die meeste van die gebrande kos verwyder het moet jy water en materiaal sagmaak (Fabric Softner)middel in die pot of pan gooi. Laat dit oornag staan en maak dan die pan moeiteloos skoon.

As jy nou per ongeluk die brood nie geber het nie en dit is effens hard kan jy darem nog iets daarmee maak. Sit dit in die mikrogolf vir n paar sekondes. Smeer die een kant met margarien en sit kaas daarop en rooster in die oond. Die huismense sal nie eers agterkom dit os drie dae gelede se vars brood wat hulle eet nie. Sny die brood in blokkies en rooster in die oond. Jy kry dan heerlikke croutons. Wat ek kan onthou is dat my Ma die snye brood redelik dik gesny het. Sy het dit dan elke snytjie brood in drie of vier repe gesny. Dit het dan oond toe gegaan om teen n lae hitte uit te droog. So het sy menigmaal vir ons regte Ouma beskuit gemaak.

Muf in kos kan jou redelik siek maak. As jy muf op kaas kry kan jy net die muf afsny en weggooi. Die res van die kaas is nog reg om te eet. As jy die maag daarvoor het kan jy gerus n stukkie van die muwwerige kaas eet. Dit gee die kaas nogal n heerlikke smaak. Muf op kaas is mos medisyne en kan jou nie skade aandoen nie. Met die ander kosse is daar net een raad en dit is asblik toe.

Ek hoop die raad gaan julle eendag help.

Agterpad Reisnotas - versamel deur Braham van Zyl

Ek luister mos een Saterdagoggend na Amor Bekker op RSG waar sy 'n onderhoud voer met Braham van Zyl. Ek kontak hom toe en is nou op sy poslys, hier volg een van sy vertellings. Kontak hom gerus en vra om op sy poslys te kom. (Eposdres onderaan die artikel) Hy stuur 'n 'n gereelde nuubrief uit.

GEOLOGIE in die toerismebedryf
Danie Barnardo is n geoloog wat op ons Vredefort-Koepel gesels van 23 September gereageer en n hele klomp interessante inligting aangestuur het. Hy skryf, Daar is so baie geologiese interessante plekke in ons mooi land. Dis iets waaroor ek passievol is.
As ons SA se grootte in ag neem, bevat ons land 'n feitlik volledige geologiese geskiedenis van die aardkors, van 3500 miljoen jaar gelede (die Baberton area) tot die mees onlangse (die duine langs ons kus). Daar is ook die Bosveldkompleks (waar al die chroom en platinum gemyn word en wat die grootste sg. gelaagde stollingskompleks in die wreld is), en die Witwatersrand se goudafsettings (by verre die grootste ter wereld), die Karookom met sy ongelooflike fossielrekord, die Kaapse plooiberge en Tafelberg, en nog baie meer. Ons behoort baie meer te maak van ons land se ongelooflike geologie, want dit kan toerisme geweldig bevorder.
Hy skryf dan verder dat daar in Suid-Afrika verskeie meteoriet-impakkraters is. Vredefort sn is die grootste en, met n ouderdom van 2 020 miljoen jaar, die oudste daarvan ter wreld. Dit was aanvanklik ongeveer 300 km in deursnit, maar vandag is die grootste deel van die oorspronklike krater wegverweer. Net die sentrale deel is nog redelik sigbaar, en dit is ongeveer 60km in deursnit. Hierdie oorblywende deel is te sien in die sirkelvormige randjies wat jy rondom Parys sien. Die Parysgraniet, wat in die sentrum van die koepel voorkom, is baie gesog as 'n graniet vir geboue, vloere en kombuisblaaie.
Sowat 50 km noord van Pretoria se middestad is die Tswaing krater. Dit is met n deursnee van net meer as 1 km baie kleiner, maar dit is baie meer indrukwekkend as die Vredefortkoepel, omdat jy met een oogopslag die hele krater kan sien. Hierdie krater is sowat 200 000 jaar oud en is veroorsaak deur 'n meteoriet van so 50 meter in deursnit (ongeveer so groot soos 'n halwe rugbyveld). Tswaing is een van die jongste en bes bewaarde meteorietkraters in die wereld. Daar is 'n wandelpaadtjie wat jou tot onder in die krater lei (dis sowat 50 meter diep) en waar jy ook soms van die wild wat daar is, kan sien Dit is gele op 'n plaas van sowat 2 000 hektaar en word as 'n museum bestuur. Jy kom daar deur die Onderstepoortpad te volg en dan met die Soutpanpad deur Soshanguve tot by die krater aan te hou.
Naby Graaff-Reinet is nog 'n klein impakkrater, met die naam Kalkkop. Op die grens met Botswana in die Noord-Wes Provinsie is die Morokweng krater, wat ook 'n meteoriet-impakkrater is, maar wat minder bekend is en nie baie duidelik sigbaar is nie, omdat dit grootliks deur Kalaharisand bedek word.
Die publikasie Meteorite Impact! The danger from space and South Africa's mega-impact the Vredefort Structure deur Reimold & Gibson (2005) is 'n goeie bron van inligting oor sulke kraters. Kyk op die Raad vir Geowetenskap (Council for Geoscience) se webblad by www.geoscience.org.za of bel Thelma Swart by 012 841-1017 vir inligting oor nog meer soortgelyke publikasies van hierdie organisasie.

BOEKE OOR GEOLOGIE vir die leek.
Geoloog Danie Barnardo het twee interessante geologie boeke wat ook vir die leek verstaanbaar is, aanbeveel.
Die eerste het so pas verskyn en is Geological Journeys : A travellers guide to South Africas rocks and landforms, deur Norman & Whitfield. Dit is in n toerismestyl geskryf en gaan juis oor interessante landvorme wat die geskiedenis van die aardkors vertel, en waarvan die vindplekke boonop maklik langs ons toerisme roetes bereikbaar is.
Die tweede boek is The story of earth and life: A South African perspective on a 4.6 billion year journey" deur McCarthy & Rubidge wat op n bietjie meer ernstige geologie konsentreer, maar waarvan die inhoud tog ook deur n leek verstaan sal kan word.
Ek het hierdie twee boeke by Exclusive Books in die Tygervallei Sentrum raakgeloop. Dit kos R194 en R204 onderskeidelik.
 
Skryf vir Braham en vra om op sy poslys geplaas te word en ontvang sy reisbeskrywings direk van hom af! e-pos :
info@explore-sa.com

Glimlag!
 
 


Koos vat sy gesin Kaap toe vir 'n vakansie.
Jannie speel op die strand en maak maatjies met 'n kleurlingetjie.
Na hulle 'n rukkie gespeel het s Jannie vir sy maatjie:
"Jy's seker 'n local, want ek sien jou voortanne is weg."
Die maatjie sien Jannie se draadjies en s vir hom:
"En djy's seker van Gauteng?"
"Hoe't jy geweet?" vra Jannie.
"Want ek sien djy het burglar bars op djou tanne!"

'n Parlementarir aan die woord:
"Me. Speaker, die begroting vir die weermag se wapentuig beloop R250 miljoen.
70% van die weermagpersoneel het vigs.
Sal dit nie goedkoper wees as ons die mense bloot beveel om die vyand te byt nie?"

Eksamenflaters
1. Waarvoor word beesvelle gebruik? om die bees binne te hou
2. Wat is outobiografie? dis die ontstaan en geskiedenis van die motorkar
3. Noem 5 dinge wat melk bevat? kaas, botter en 3 koeie
4. Wat is die verlede tyd van eet? Honger
5. Wat is die verkleinwoord van Oupa? Kleinseun
6. Wat is die teenoorgestelde van kleinneef? kleinteef
7. Wat is die doel van die kies- en oogtande? die kiestande kou die kos en die oogtande kyk dat hulle die kouwerk goed doen.
8. Voltooi die volgende idioom: Hoe meer haas... hoe groter haaspastei
9. Wat is die meervoud van kabeljou? kabeljulle
10. 'n Sin met "ter aarde bestel..." "Wie op ter aarde bestel so 'n groot koek?"
11. Formule vir 'n sirkel se omtrek: "paai straal kordaat"
12. Wat is teenoorstaande hoeke? Hoeke wat vir mekaar kyk
13. Waarom is die seun in die verhaal gestraf? Omdat hy sy eie virgin van die volkslied gesing het.
14. Wat is 'n terminale siekte? As jy op die lughawe siek word!
15. Vertaal in Afrikaans: "I beg your pardon?" HuH?
16. Wat noem ons iemand wat velle looi? Onderwyser
17. Wat kry jy as jy jou melktande wissel? Pepermenttande

Die baas se wiskunde is nie te goed nie en hy vra sy blonde sekretaresse:
"As ek jou R5,5 miljoen min 17% gee, wat sal jy aftrek?
Sy: "Als meneer, my rok, skoene, bra en G-string ALS!!"

Die twee ou skool pelle, Piet en Koos, loop mekaar raak na twintig jaar. "Haai, ou Piet, jy lyk goed man. Wat het jy met jou lewe gedoen na skool?" vra Koos.
"Nee," s Piet, "ek het Tale gaan swot op Tukkies en het my Honneurs behaal. Daar het ek toe ook my vrou ontmoet. Sy skryf gedigte en prosa en het 'n Meestersgraad in Letterkunde. My seun is 'n konsertpianis in
Amerika vir die Amerikaanse Philharmoniese orkes en my dogter is die hoofballerina in London se balletgeselskap.... Julle moet een aand oorkom dan hou ons 'n kultuur-aand. En wat het jy met jou lewe gedoen,
Koos?"
"Nee," s Koos, "ek was mos al op skool al 'n bietjie bakleierig en het toe na skool maar 'n bokser geword. Daar het ek ook my vrou ontmoet, die dogter van 'n promotor, en in daai tyd kon vrouens mos nie boks nie toe
begin sy met karate en sy het haar black belt gekry voor ons eerste kind. Ons seun het onlangs sy nasionale kleure gekry in stoei en my dogter verteenwoordig ons land in Judo.... Julle moet een aand oorkom dan moer ons julle."
 

 
Resepte

Hier is resepte van 'n Word dokument wat iemand my lank gelede gestuur het, ek begin sommer heel voor en werk deur die alfabet:

Gepeperde Hoederlewers

Braai 1 gesnyde ui in 30 ml olyfolie tot sag
Voeg 2 fyngekapte knoffelhuisies en 225 g hoenderlewertjies by en soteer tot
lewers gaar is
Voeg 2 ml dro salie, 5 ml sout, 5 ml peper en 'n knippie pimento (allspice) by
Druk grofweg fyn met 'n vurk
Spek op snytjies geroosterde brood en rond af met ekstra gebraaide uie en
grasuie

Gemmerkoekies

500 g margarien
1 kg geelsuiker
5 eiers
500 g goue stroop - maak lou in kookwater
1,5 kg koekmeel
15-20 g koeksoda
15-20 g kremetart
50 ml fyn gemmer
5 ml sout
Room margarien en suiker. Voeg eiers een vir een by. Voeg stroop by.
Meng dro bestandele saam. Voeg dro bestandele by margarien mengsel.
Los oornag in yskas.
Maak balletjies - druk met vurk plat.
Bak by 180-200C maak barsies waar gedruk is met vurk.

Gesondheidsbeskuit
Smelt saam en laat afkoel:
500 gm margarine
2 koppies suiker (of 1 koppie suiker en 1 koppie heuning)
Meng saam:

3 koppies meel
1 koppie wheatbix
1 koppie semels
2 koppies oats
3 koppies nutty wheat
2 teelepels koeksoda
50 ml bakpoeier (10 teelepels)
1 teelepel sout
500 ml karringmelk
1 koppie klapper
Gekapte neute (opsioneel)
Meng karringmelk by gesmelte botter/suiker.
Meng al die dro bestanddele. (Dit is nie 'n stywe deeg nie maar dit is wel klewerig).
Druk met hande in 2 groot oondpanne.
Bak in oond van 180C vir 10 minute.
Stel oond af na 160C en bak vir verdere 30 minute.
Sny in repe (liniaal-breedte) en dan in vingerlengte.
Droog uit in oond by 100C vir 4-5 ure (eie keuse).

Gesondheids-Koringslaai

3 k koring gekook
1 k vars of ingemakte geel perskes gekap
1 k vars pynappel gekap
1 k fyn gekapte selery
k fyn gekapte groenrissie
k fyn gekapte ui
3 E gekapte pietersielie
k rosyne
k sonneblomsaad
Meng ("toss") alles saam
Sous
k sonneblomolie
2 E suurlemoensap
1 t kerriepoeier + t borrie
1 t Sojasous of 'worcester' sous
1 E heuning
Meng bestanddele en gooi oor slaai.

Gestolde Wortelslaai

1 medium blik 'crushed' pynappelstukke
4 koppies gerasperde wortels
1 pakkie pynappeljellie
3 teelepels gelatine (aangemaak met 2 eetlepels lou water)
halwe teelepel sout
kwart koppie suiker
2 teelepels suurlemoensap
1 blik Nestle Room
Gooi sap van pynappelstukke af, 1 koppie. Voeg 2 koppies water by 1 koppie pynappelsap en laat kook.
Haal af van stoof en laat afkoel. Voeg jellie, suurlemoensap, sout, gelatine en suiker by.
Laat afkoel tot dikte van wit van 'n eier. Rasper 4 koppies wortels by.
Voeg fyn pynappelstukkies by afgekoelde jelliemengsel.
Voeg geklopte room by. Gooi in vorm en laat stol.

Grenadella Yskastert

1 blik Ideal melk
koppie strooisuiker
1 blik grenadellamoes
1 pakkie lemoenjellie
1 pakkie tennisbeskuitjies
1 koppie kookwater
Maak jellie aan met kookwater en laat afkoel. Klop verkoelde melk tot styf.
Vou suiker geleidelik by. Klop goed. Vou moes en jellie by.
Klop tot romerig. Pak laag beskuitjies en gooi laag vulsel. Herhaal tot klaar.
Rasper beskuitjies en strooi bo-oor. Plaas in yskas.

Grenadella-Kaaskoek

In die resep is daar nie 'n gesukkel met deeg of krummels nie. Meng net die bestanddele in 'n voeselverwerker, gooi dit in 'n tertbak en bak in die oond.
Genoeg vir: 8-10
Bereidingstyd: 15min, plus verkoeltyd
Oondtemperatuur: 160 grade C
200 g ricotta
500 g vetvrye gladde maaskaas
3 groot eiers
200 g strooisuiker
15ml suurlemoensap
100ml grenadellamoes
Spuit 'n ronde 20cm tertbak met kleefvrye kossproei.
Sit die kaas, eiers, strooisuiker en suurlemoensap in 'n voetselverwerker en pols tot die mengsel glad is. Oppas dat jy dit nie te veel meng nie.
Gooi die mengsel in die bereide tertbak en bak dit in 'n voorverhitte oond vir sowat 35 - 40 minute, of tot dit gestol het. Haal uit die oond en laat heeltemal afkoel.
Smeer die grenadellamoes bo-oor die kaaskoek sodra dit afgekoel het. Verkoel in die yskas tot etenstyd.

Griekse Klappertert

Room die drie bestanddele baie goed:
125 g margarien
250 ml suiker
3 eiers
Voeg saam en meng by eerste drie bestanddele:
500 ml klapper
250 ml meelblom
3 tl bakpoeier
'n knippie sout
250 ml lou melk
Gooi mengsel in twee gesmeerde tertpanne en bak vir 35 minute by 180.
Berei intussen die stroop:
250 ml suiker
250 ml water
1 tl vanielje
Kook saam vir 5 minute.
Wanneer die tert uit die oond kom, gooi die sousie oor en siedaar! Dit is nog verleideliker as jy 'n homp room bo-op skep.

Heerlike Broodjie

1 pak vetkoek deeg (die wat jy by die supermarkte of bakerye koop)
1 gekapte ui
1 teelepel gekapte knoffel
'n keuse van biltong of 'bacon' (Opsioneel)
1 koppie kaas in blokkies gesny
Plaas deeg (nog in plastieksak) vir 1 minuut in mikrogolfoond (Mikrogolf- oond moet op DEFROST gestel wees).
Haal deeg uit plastieksak en maak dit sommer met die hand redelik plat.
Sprinkel uie, knoffel, kaas en biltong/ 'bacon' oor die deeg.
Rol deeg toe en plaas in gesmeerde broodpan.
Bak 1 uur by 180C in oond.
Haal uit en geniet.
Broodjie is heerlik terwyl nog warm, en heerlik saam met braaivleis.

Hoender Pastaslaai

1 Heel hoender
Sprite
pasta van jou keuse
hoenderspeserye
blatjang
sout/peper na smaak
knoffel (ops)
mosterd
uie
Wit sampioene
Kook hoender in sprite tot sag, ontbeen en sny in stukkies, moenie sous weggooi nie.
Sny sampioene in skyfies. Soteer uie en sampioene in bietjie olie.
Plaas hoenderstukkies terug in kastrol, voeg al die ander bestanddele behalwe pasta by, voeg nog Sprite by indien nodig.
Bring tot kookpunt en prut tot sappig.
Kook pasta soos normaalweg, dreineer, voeg hoender mengsel by en meng goed.
Bedien met 'n mengelslaai.

Hoenderbredie

1 kg Hoender
Sout & Peper
1 Pakkie Sampioensop
250 ml macaroni
125 g botter of margarien
2 uie in blokkies gesny
4 tamaties in blokkies gesny
125 ml ongesifte koekmeelblom
200 ml Water
250 ml Kaas
Geur hoender met sout & peper en kook tot sag. Ontbeen en sny vleis in stukke.
Vul hoendersous met water aan tot 625 ml. Voeg soppoeier by, roer gereeld & kook tot dik.
Kook macaronistukkies in soutwater to sag & dreineer.
Smelt botter in 'n groot kastrol. Voeg uie by & braai tot sag. Voeg tamaties by & kook 'n rukkie.
Meng meel met water en roer by tamatiesous. Voeg sop by & roer tot gemeng. Voeg hoender, kaas & macaroni by, meng en laat 'n paar minute prut.
Sit warm voor met rys en 'n slaai. (6 - 8 persone.)

Baie ou Boereraat

Sooi-brand: 1 Mespunt magnesia in 'n halfkelki water 3 maal op 'n dag. Eet 4 of 5 amandels elke dag, dit is oek goed.

My Boererate eBoek bevat bykans 2000 Boererate en kos maar net R60, ek stuur dit sommer per epos.
Kontak my vir besonderhede  peter@peterjasie.co.za

st se pitkos

st se  pitkos

Klik hier om st se webwerf te besoek
en om in te teken op sy weeklikse nuusbrief

Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee n leser.

Nog gevleuelde woorde van ST:

10 Praktiese dinge vir gelukkig-wees
Hoe kan 'n mens 'n hunkering na "om gelukkig te wees" bevredig? Hoe ervaar jy 'n gelukkige tevredenheid in jou lewe? Filosowe, sielkundiges, teolo, dokters, motorwerktuigkundiges en karavaankampeerders het elkeen sy eie siening en filosofie hieromtrent.

Maar in hierdie artikel wil ek nou nie te diep filosofies raak nie, maar tien praktiese dinge kortliks bespreek wat ek glo gaan help om van jou 'n meer gelukkige mens te maak.

1. Kyk na die sterrehemel
Jy moet ten minste een maal 'n maand op die grasperk op jou rug gaan l en vir 'n halfuur na die sterrehemel kyk. Nog beter as jy uit die stad kan kom en dit iewers op die platteland doen waar die sterrehemel meer helder en groots is. Hier in die stad verdof duisende liggies die sterre sodat jy die nagtelike hemelruim nie werklik in volle glorie kan ervaar nie.

2. Gee gereeld vir liefdadigheid
Maak 'n punt daarvan om op 'n gereelde basis vir 'n liefdadigheidsorganisasie van jou keuse geld (of wat benodig word) te skenk.

3. Gaan fliek
Lees resensies en hou jou ore oop vir 'n goeie fliek. Probeer een maal 'n maand 'n lekker fliek te gaan kyk. Sommige van die Hollywood flieks is prul en nie die moeite werd nie - indien jy geleentheid het - gaan kyk na van die skitterende kunsflilms wat vertoon word. 'n Fliek-geleentheid moet 'n lekkerkry ondervinding wees met springmielies en koeldrank en pret.

4. Besoek plekke
Besoek plekke wat jy nog nie voorheen besoek het nie. Indien jy vir n nie ver kan reis nie, gaan kyk in jou omgewing na plekke wat jy nog nie besoek het nie, soos museums, kunsgalerye, 'n rivier of berg, natuurreservaat, 'n dam, winkeltjies in die stil deel van die dorp. Hier is byvoorbeeld mense wat in Kaapstad hul lewe lank bly, en nog nooit voet op Tafelberg gesit het nie. Beplan en spaar geld vir jou oorsese reis na verre lande waarvan jy nog altyd net gedroom het.

5. Ontwikkel jou politieke siening
Dink na oor die geskiedenis en die lewe van mense en volkere en ontwikkel jou visie hieroor. Verkry 'n siening oor h die wreld 'n beter plek gemaak kan word.

6. Gaan kerk toe
Daar is min dinge so goed as om op 'n aanbiddingsdag in 'n kerk te sit en deel van 'n gemeenskap van gelowiges te wees en die Skepper te lofprys en te aanbid.

7. Doen iets anders
Doen iets wat jy nog nooit voorheen gedoen het nie. Dit is sieldodend om altyd dieselfde dinge te doen jaar in en jaar uit. Doen iets anders, probeer iets anders - komaan, jy het net een lewe om die verskeidenheid van alles rondom jou te ervaar. Kry waardering vir die feit dat jy die geskenk van lewe ontvang het, en begin dinge doen.

8. Verbeter jou voorkoms
Skaf vir jou nuwe parfuum aan. Sny jou hare in 'n aantreklike styl wat jou mooier en pragtig laat lyk. Koop vir jou 'n kledingstuk wat jou op jou beste laat vertoon. Betaal eerder twee keer soveel vir dit wat jy regtig wil h as vir iets wat nie eintlik in jou smaak is nie. Lyk goed, voel goed.

9. Luister na musiek
Luister gereeld na musiek waarvan jy hou. Speel - veral op 'n wintersaand voor die kaggel - jou ou gunsteling musiek. Onthou, 'n mens behoort ook ten minste een maal 'n jaar 'n popkonsert of musiekuitvoering by te woon.

10. Stap in die natuur
Dit is kos vir die siel om in die natuur wees. Pak 'n rugsak, trek jou stapskoene aan en tel daardie wandelstok op vir 'n dag in die berge en bosse en riviere. Of gaan hou piekniek onder die groot akkerbome. Gaan swem in die waterpoel onder die waterval. Ruik en leef en geniet die natuur.

As jy hierdie tien dinge gedoen het en jy voel nie meer positief en gelukkig nie, gaan terug na Mars waar jy vandaan kom.

Ek dink daaraan om 'n boekie saam te stel oor dinge wat jou gelukkig maak, en ho om gelukkig te word. Stuur jou gedagtes, wenke en idees vir my aan en ek neem dit moontlik op en gee jou erkenning daarvoor.


'n Sprankie wysheid vir die dag

"Geluk is 'n soort aksie." - Aristoteles -
Dr ST Potgieter
Tel: 021 949 5007
Sel: 083 227 3683
Epos:
st@pitkos.co.za

Skakels

Soek jy plek om te gaan kampeer? Klik dan hier!
Skooltake??
Klik hier
Vakansieverblyf is altyd 'n probleem, di mense maak dit makliker om te kry, klik net hier.

Nieltjie se Stories - Kinderstorie CD in Afrikaans - Klik hier

Lees alles oor Bloedrivier: Klik hier
150x90cm ou Suid-Afrikaanse vlae te koop @ R125 elk, posgeld uitgesluit. - Kontak gerus Roelof of Ronel by 012-3332932

Teken in /Teken uit / Kontak

Teken hier in op die poslys en lees ook die argiewe.

Om uit te teken, stuur vir my 'n epos en dui jou naam aan asook die eposadres waaronder jy ingeteken is

Kontak my hier.

Druk jou speld op my besoekerskaart!