Onbeskaamd Afrikaans!

 

 

Nommer 130

Besoek my Webwerf

15 November 2008

 
 

Bloedrivier

Eg Afrikaans

Die Knoop

Ons Dorp

Woes

Vuurvlieg

Afriforum

Voortrekker Monument

Steve se Spoegblok

Blanke Ekonomiese Forum

PRAAG

Rieme

ATKV

 

Teken Besoekersboek

 

Vorige Nuusbriewe

Epos

Wees gegroet!

Welkom aan alle nuwe intekenare! Hier is sommer baie leesstof, so sit terug en geniet jouself.

Ek probeer die brief kort hou, maar as ek eers begin sit ek maar net by en kyk hoe lank is dit nou. Maar dis ideaal vir die van julle wat tuis is of nie veel werk het nie, ten minste kan julle nou besig lyk as julle niks het om by die werk te doen nie.

Ons gaan bietjie met vakansie na Egipte en ook Engeland, sal om en by die 6de Desember terug wees, hopelik met hope fotos en stories. Die volgende brief sal dus eers later in Desember uitgaan, ek wil darem eers al die fotos uitsorteer en oplaai. As iemand onlangs in Egipte was, laat my weet asseblief, ek kan doen met al die wenke wat ek kan kry

Ek gaan verder met die alfabet met die resepte, gaan kyk maar verder na onder na Resepte.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Ek het 'n verskeidenheid skrywers wat bydraes lewer, gaan lees gerus ondertoe.

Wil jy dalk GROOT droom? Vat 'n kans op die UK Lotto, die minimum boerpot is R45 miljoen, sommer gereeld R75 miljoen en hor! Dis heeltemal veilig om te speel, onthou, jy kan nie wen as jy nie 'n kaartjie het nie! Klik hier  en droom Groot!

En onthou tog om my besoekersboek te teken? Hy was vir 'n hele tydjie aflyn maar is nou weer terug.

Estelle de Bruyn

Estelle is werksaam by die Republikein, die enigste Afrikaanse dagblad in Namibi. Sy het spesial versoek dat ek die volgende plaas, ek doen dit met graagte:

Beroemde Paartjies

Nou die aand voor die TV sit en grns ek 'n tissue-boks dolleeg oor die fliek Tristan & Isolde.
Hoekom is al die mooiste liefdesverhale so hartseer? Dit wil-wil vir my lyk of die groot liefdes oor die millennia, hetsy geskiedkundig of legendaries, tot tranetrekker eindes gedoem was.
Kyk nou maar vir Lancelot en Guinevere; Mark Anthony en Cleopatra; Abelard en Heloise; Romeo en Juliet; Simson en Delila en Salomo en die koningin van Skeba wat nie een 'n "en hulle het lank en gelukkig saamgeleef"-einde beskore was nie. Dieselfde met die arme Tristan en Isolde.
Hulle leef in ons letterkundige herinneringe voort as tragedies. Ons is saam met hulle bly dat hulle mekaar ten minste ontmoet het en die liefde beskore was, al was dit nie tot in lengte van dae nie. Dis juis die feit dat hulle sogenaamde "star crossed lovers" was, wat hulle so besonder in ons kollektiewe geheue maak. As dit nie vir hul noodlottige liefdeslewe was nie sou ons net aan Lancelot as dapper gedink het, Guinevere as mooi, Mark Anthony 'n politikus by uitnemendheid, Cleopatra wat in donkiemelk gebad het, Abelard en Heloise wat albei slim en wysgerig was, Simson wat sterk was en Delila wat geslepe was, Salomo wat slim was en die koningin van Skeba wat mooi was. Wat sou ons oor Romeo en Juliet kon s behalwe dat hulle tienderjariges was wie se ouers vyande was?
Met ander bekende paartjies uit die verlede, werklik of fiktief, het dit darem skynbaar bietjie beter gegaan. Die Bybel vertel nie die besonderhede van hul latere lewes nie, maar dit lyk darem of Adam en Eva se huwelik nie in die egskeidingshof geindig het na hulle uit die paradys geskop is nie. Barbie en Ken is nou al vir amper 40 jaar saam en lyk nie 'n dag ouer as toe hulle winkelrakke die eerste keer getref het nie.
Bonnie en Clyde het saam-saam in Mei 1943 die tydelike met die ewige verwissel toe hulle in 'n lokval in Louisiana doodgeskiet is, arme Bonnie 'n skamele 23 jaar oud. Robin Hood en sy Maid Marian was so verlief dat sy haar by sy bende rowers, The Merry Men, aangesluit het. Klaarblyklik het hulle saam oud geword daar in die woude van Nottingham.
Lady en haar Tramp leef steeds gelukkig saam op die silwerdoek soos Tarzan en Jane.
Hoewel koningin Victoria van Engeland haar geliefde Albert vroeg aan die dood afgestaan het en tot haar dood swart gedra het as teken van rou vir haar geliefde, het hulle darem 21 gelukkige jare saam gehad waarin die egpaar nege kinders gehad het.
En wie kan die passievolle dog stormagtige huwelik van Napoleon en Josephine vergeet. Ondanks albei wat verskeie ander buitemuurse verhoudings gehad het, was hulle onafskeidbaar. Sy het uiteindelik ingestem om van hom te skei sodat hy weer kon trou om kinders te h. Haar naam was egter op sy lippe op sy sterfbed jare later op die eiland St Helena.
Ai, die wonders van die liefde, die hartseer van 'n verlore geliefde en die manier wat ou stories uit lank gelede, of dit nou mitologies of werklik soos die verhaal van Tristan en Isolde, nou die aand op TV was, 'n mens steeds kan aangryp.
Ek bly maar 'n aartsromantikus!

Die Slag van Bloedrivier - 170ste herdenking

Dit is hierdie jaar die 170ste jaar na die slag van Bloedrivier en dit word herdenk met spesiale feeste wat op verskeie plekke in die land gehou gaan word. Bloedrivier Gelofte 170 begin op 21 November by die Voortrekkermonument. Vanaf 21 November tot 6 Desember word Bloedrivier gebring na die volgende dorpe:
* Krugersdorp
* Bronkhorstspruit
* Witbank
* Middelburg
* Standerton
* Bethal
* Ermelo
* Piet Retief
* Newcastle
* Vryheid

Die Krugersdorp been geskied op 22 November 2008 by die Paardekraalmonument.

Die Bloedrivier Gelofte-herdenkingskomitee verskaf verskeie items vir die program.
Gedurende hierdie fees word die gelofte herbevestig en elke feesganger kry die geleentheid om op 'n baie spesiale manier hom/haar te vereenselwig met die Gelofte van Bloedrivier.

Die Bloedrivier Herdenkingskomitee voorsien die die volgende items:

* 'n Kakebeenwa wat deur die dorp getrek gaan word.
* Coreen en haar orkes.
* Antieke Bybel en teologiese boeke uitstalling waarvan die oudste boek in 1645 gedruk is.
* Perde vir optog.
* Geskiedkundige vlae vir optog en ander gebruik.
* Spreker wat ook gelofte herbevestig.
* Verkope van DVDs en boeke oor die slag van Bloedrivier.
* Verkope van historiese vlae en verskeie ander items.

Daar word 'n bus gereel vanaf Pretoria vir hierdie dag. Indien u belangstel om met die bus te kom, kontak asb vir Johan Joubert by louwjoubert@gmail.com

Reageer op die persoonlike boodskap hier

Facebook

Ekke is ook op Facebook, as jy dalk 'n Facebook profiel het en by myne wil aansluit, klik net hier. Hoe meer siele hoe meer vreugde. My Egipte en Engeland fotos gaan daar ook wees.

Lawwe Boererate

Ek glo vas dat meeste van ons ou Boeterate regtig werk, maar daar is party van hulle wat darem 'n bietjie dik vir 'n daalder is, in die volgende paar uitgawes gaan ek 'n paar hier weergee. My kommentaar in blou.

Mens gaan nogal sukkel om deesdae van die bestanddele te kry:

ASMAMaak n stukkie itermagodop fyn en gooi dit op die kole en die sieke moet sy gesig daaroor hou en die rook inasemdit sal dat die bors ooptrek. (Aan winkelier " Hou jy dalk itermago aan?")

ASMAKnopdagga moet in koelte drooggemaak worden dan gekook word en getrek word soos tee (sal dit nie beter wees as mens dit rook nie?)

ASMAGooi 6 eiers in n bottel rum en skud totdat dit dik is. Neem 3 maal per dag 1 teelepelvol daarvan. (Ag nee! Maak die eiers gar vir ontbyt en drink dan die rum skoon!)

ASMAGebruik klip dagga wat in die rantjies groei. Die kinders is gek daarna om dit uit te trek en te suigdit is soetmaar die blare is bitter. Sit dit en brandewyn en laat trek en drink smorens en saans. (Wag maar tot die kinders uitving jy kan dit rook!)

ASMAEet 1 teelepelvol uitgebraaide hoendervet 3 keer per dag. (Dan is jou asma genees, maar dan sukkel jy met cholesterol!)

ASEMSlegte asemGorrel met waterstofperoksied gemeng met waterdit sal die reuk heeltemal vernietig. (dalk jou keel ook!)
 

My Boererate eBoek bevat bykans 2000 Boererate en kos maar net R60, ek stuur dit sommer per epos.
Kontak my vir besonderhede  peter@peterjasie.co.za

Peter Thomas Fotografie

Gaan kyk na my nuwe fotografie webwerf Ek het onlangs nog fotos bygesit.

Die Peterjasie webwerf

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Anna se Kombuis

Ek beskou Anna Eksteen as die koningin van Resepte eBoeke in Afrikaans. Sy het nou al 'n hele versameling van resepte eBoeke wat enige kossoort dek, en dit in Afrikaans! eResepteboeke is goedkoop en geen posgeld is betaalbaar nie, die boeke word per epos gestuur en is in 'n japtrap by jou.

Klik gerus hier en kyk na die lys van nuwe resepteboeke en bestel gerus een, of sommer 'n paar!

Of bel sommer direk vir Anna - 0822946799

Gratis Kersfeesresepteboek met elke bestelling

Flexi Club punte beskikbaar 

Flexi Club punte beskikbaar. Betaal slegs die oordragskoste en neem die maandelikse paaiment oor van punte wat ekstra aangekoop is.

Kontak Nandi by 0724604717

Africana en ander boeke

Maroela Boeke en Tierberg Boeke - Ek het hulle Oktober katalogus sopas ontvang. Regs klik hier om dit af te laai.
Daar is ook 'n groot versameling Africana te kry by www.abebooks.com . Tik net Africana in die soekblokkie

Dieet

Ek word ook gereeld gevra of ek weet van 'n dieet wat werk. Meeste dite werk, die probleem is om die gewig af te hou sodra jy verloor het wat jy wou verloor. Die beste wat ek van weet is Weight Watchers. Jy verloor stadig maat seker en jy word ook gemonitor. Sodra jy jou teikengewig bereik het verminder jou maandelikse lidmaatskap. Jy is teen daardie tyd in 'n gesonde eetgewoonte en jy kan dus jou gewig behou en beheer. As dit regtig so belangrik is dat jy gewig verloor is die  die weg om te vat.

Hier is drie dite wat ook werk, regs klik op die skakels en laai hulle af. Baie belangrik! Raadpleeg egter eers jou dokter voor jy met enige van hulle begin, ek aanvaar geen verantwoordelikheid as iets sou skeefloop as gevolg van die gebruik van enige van die dite nie.

Hartstigtings dieet
Sop dieet
3-dag-dieet

Sterkte! 

Boeremusiek baanbrekers

Hierdie gaan nou 'n gereelde item word. Ek is bly om te sien dat die Boeremusiek tradisie nog so sterk staan....

Marius Louw

Marius Louw kom 'n lang pad met Boeremusiek. Sy loopbaan het in die Vaaldriehoek begin waar hy bevriend geraak het met Frikkie de Bruyn, 'n kranige kitaarspeler. In Mosselbaai speel hy in Allen Green se orkes en saam neem hulle aan verskeie TV kompetisies deel. Marius stig later sy eie orkes en wen 'n TV kompetisie. Marius is 'n man met vlugtige vingers maar s 'n man mag nie die note so rol dat jy die wysie verloor nie. Deesdae speel hy en Manie Bodenstein die pragtigste duette saam en maak beurte om te harmoniseer! Pragtige musiek om na te luister.

Bron: 15 Goue Jare:  1989-2004  Boeremusiekgilde  

Pasella

Regs klik hier om die resepte eBoek Delicious Diabetic Recipes af te laai. Ek word gereeld gevra vir diabetiese resepte, so hier is die boek weer.

Die Danville Hulpgroep 

Elsab en haar span vrywilligers doen wonderlike werk onder ons minder bevoorregtes, lees gerus haar brief:
En help asseblief as jy enigsins kan? Hulle het enige hulp wat hulle kan klry broodnodig, en dis vir ONS mense!

Goeiemre vriende,

Oor slegs 56 dae is dit Kersfees!!

Die tyd raak min en alles word nou op n drafstappie gedoen! Heerlik, Heerlik! Met 'nklein bietjie moeite gaan daar letterlik honderde kinders en bejaardes se harte bly gemaak gaan word! Is dit nie die beste gevoel/gedagte op aarde nie?

Die relings vorder fluks en die eerste 15 geskenkpakkies het ingekom! Lekker om sommer Kersfees in Oktober te h!

Daar is baie beloftes gemaak en ek glo dat dit sal realiseer. Dit is 'nenorme taak en organisasie om alles betyds gedoen en in te kry - maar net soos die vorige 6 jaar sal ons Hemelse Vader voorsien, want wat gedoen gaan word is tot voordeel en vreugde van so baie oues en kinders! BAIE DANKIE aan almal wat bereid is om te help en ook BAIE DANKIE aan die persone wat alreeds bygedra het.

Net gou weer die verloop en benodighede vir hierdie funksies:-

Kersgeskenke:- Kontak ons gerus in vir 'nwenslys of twee. Geskenk se waarde moet asb R80-00 wees. Artikels word net in 'nplastieksakke met die persoon se wenslys of naam daarop geplaas. Ons plaas dit in eenvormige geskenksakke. Geskenke moet asb so gou as wat moontlik is afgelewer word sodat ons kan sien wat nog benodig word. Die eerste funksies begin op die 21ste November 2008 (Sien funksie datums heelonder aan brief)

Lekkergoedpakkies (kinders):- Ons benodig 2000 lekkergoedpakkies vir die kinders asb!!!! In elke pakkie sit ons:- 'nKoeldrank, pakkie skyfies, pakkie springmielies, gemende lekkergoed en koekies asb.

Lekkergoedpakkies (bejaardes/volwassenes):- Ons benodig 1000 lekkergoedpakkies vir die volwassenes asb!!!! In elke pakkie sit ons:- 'nKoeldrank, pakkie skyfies, pakkie springmielies, gemende sagte lekkergoed en koekies asb.

En net wanneer ons dink ons het alles is in en gedoen - is dit tyd vir die Kersfeeskospakke!

Hierdie is ook groot werk maar dit is baie belangrik dat almal in ons minderbevoorregte groepe Oukersdag, Kersdag en die dag daarna 'nheerlike bord kos sal h !!

Kersfeeskospakke:-

'nKospak gaan ons vanjaar R400-00 kos en dit is werklik min as jy in ag neem dat dit vir 'ngemiddelde gesin van 5 mense - vir 3 dae eetgoed gaan voorsien. (Wat kos een maaltyd vir ons eie gesinne?)

Voorstel vir inhoud van kospak

2.5kg Suiker
2kg Rys
5kg Mieliemeel & 2.5 kg Koekmeel
1 x Macaroni / Spaghetti
Koffie
Tee
2 liter Langlewe melk
500gr Ultramel vla
Beskuitjies
Jellie
Konfyt
1 liter olie
Aanmaak Koeldrank
Lekkergoed
1 Blikkie tamatie en uie sheba
2 Blikkies boeliebeef
1 Blikkie Pilchards in tamatiesous
2 Blikkies suikermielies
1 Blikkie ertjies
1 Blikkie gemengde groente
1 pakkie beet
2 Hoenders
1 x 500gr margarien
Vars groente

'n Lag en 'n Traan!

'n 60 jarige man vra:- Ruikweerder onder die arm of 3 paar kouse of skoene nr 12 asb.
'n 72 jarige man vra:- Skeerroom of aftershave en reukweerder of Vleis vir 'nbraai asb
'n 67 jarige man vra:- Muur oorlossie wat op hang of Ruikgoed wat onder arm spuit asb
n 66 jarige man vra:- Skeer items of Koekies en lekkers of 1 stel xl nagklere asb
n 79 jarige man vra:- Toiletware of Biltong en droe wors of Vleis
n 71 jarige man vra:- Skeerseep of sakdoeke of kouse asb
n 80 jarige man vra: Biltong of enige iets wat lekker is of spuitgoed asb
n 78 jarige man vra:- Toaster (2 snytjies) of Gerrie Pretorius DVD of Huisgenoot skouspel DVD Dit kan maar ge-copy wees !!!! asb
n 77 jarige man vra:- Nescafe Classic f Big weggooi skeermesse of sokkies groot asb!
n 65 jarige vrou vra:- Handoek of kruideniersware of Room en n sepia of iets lekkers asb
n 63 jarige vrou vra:- Hand menger of plat koekpan of bad olie asb
n 65 jarige vrou vra:- Duvet of lankens vir bed of bread toaster of Rose spuitgoed of lekker biltong asb.
n 77 jarige vrou vra:- Deken of lakens vir dubbelbed en spuit goed asb
n 76 jarige vrou vra:- Oil of Olay produkte of enige Queensize beddegoed veral n duvet asb
n 69 jarige vrou vra:- Pirex middelslag ronde glasbak of Helderrooi mat om voor zink te gooi of somer slippers nr 6 asb
n 72 jarige vrou vra:- Body lotion of hand lotion of pink lipstiffie asb
n 77 jarige vrou vra:- Reukwater of biltong of lekkers asb
n 84 jarige vrou vra:- Lekker eetgoed of droe wors en biltong asb
n 79 jarige vrou vra:- Dove shower gel Dove body cream Dove seep asb
n 90 jarige dame vra:- Huisplant of koekies of toilet iets asb!

Nou daar het ons dit! My keel trek toe en joune ? ? ?

Tot volgende keer - Mooi Loop

Elsabe

Bankbesonderhede:

Danville Hulp Projek
FNB - Brooklyn
Takkode:- 251 345
Tjek rek: 620 546 34128
Swiftkode: FIRNZAJJ926

Aflewerings adres:- (of kontak Elsab vir alternartiewe afleweringsadres)
286 Cliffendale rylaan
Faerie Glen
Tel 012 991 3914 Sel 082 8282 551
E.pos - elecnet@mweb.co.za
Webwerf: www.danvillehulp.co.za
PS Bel asb voor jy ry 

Peterjasie se Boererate eBoek

eBoek met om en by 2000 Boererate, net R60. Ek stuur sommer per epos en jy betal dan die bedrag in my rekening in, so maklik soos dit. Kontak my vir betalingsbesonderhede. Ook in Engels beskikbaar, laat my maar net weet. Met elke bestelling gee ek gratis afskrif van "Boererate en Verbruikerswenke" eBoek
 

 

Click Here Now!

Click Here Now!

Dial Direct Insurance

 
Afrikaanse Gedigte

Nog iets nuut, ek skryf ook nou en dan en op sy tyd kan ek posie ook lees. Ons Afrikaanse onnie op skool was besonders en het my 'n liefde daarvoor laat aankweek. Dit wys net weerens hoe 'n mooi taal Afrikaans is.

Rooigrondtronk
Eugne Terre'Blanche

Drie uur smidags, 'n bietjie voor afhoktyd
staan ons in twee rye, en word soos skape getel
daarna agter traliehek en staaldeur toegesluit
en droom ek alleen tot die mre in my sel

Soos soggens, die middag ook pap
maar dan styf met 'n lepel vaal geel sop
dit met hom tot ons mre weer in rye uitstap
met le maag en vol weemoed krop

Dit is melktyd op die plaas
netnou huppel die kalwers vry oor die veld
maar hier, die skor gemor van bandiete en blikborde wat raas
as hulle sing van slappap en flou poeiermelk

Halt, nie 'n tree verder gaan
die drade, elektries gelaai
laat jou stom stilstaan
en jy moet omdraai

Omdraai, na wat
'n sel met diefweer vensters
'n Potplant, jou duurste skat
en jou hart op die vuil vloer, flenters!!

Hulle het aan die rowe gekrap
wat tyd probeer heel
maar agter seldeure, toegeklap
kan wat gebreek het, nooit weer heel
 

Dankie aan  Woorde.co.za

Nuut op my webwerf 

Die Magaliesbergse Aandlied  

Die Stem van Suid-Afrika

'n Nuwe Lewe na die Seer - Charmaine Lerm
 
st se Pitkos 

st se  pitkos

Klik hier om st se webwerf te besoek
en om in te teken op sy weeklikse nuusbrief

Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee n leser.

Nog gevleuelde woorde van ST:

Jou tyd, jou lewe

Tyd is die een 'kommoditeit' wat jy nie kan opgaar, spaar, koop en verkoop nie. Tyd is 'n meester waarmee jy nie kan onderhandel nie; onverbiddellik stap die tyd aan en jy kan niks daaraan doen nie. Jy kan nie aan die tyd ontsnap nie, elke dag bring jou nader aan die groot gelykmaker, naamlik die dood.

Hoeveel tyd het jy oor? Kom ons s jy leef totdat jy 80 jaar oud is. Trek dan jou huidige ouderdom daarvan af en vermeningvuldig dit met 12. Indien jy 47 oud jaar is, sal die som dus so lyk: (80 - 47) x 12 = 33 x 12 = 396. Wel, jy het dan 396 maande nog oor om te leef. En soos jy weet vlieg maande teen 'n verbysterende spoed verby!

Nou moet jy onthou, soos jy die een maand na die ander aftel, so dryf jou lewe na sy einde toe. Jy kan dit nie keer nie, jy kan die proses nie stop nie. Dit gebeur net eenvoudig, en jy het nie beheer daaroor nie.

Die belangrike vraag is egter wat gaan jy doen met hierdie maande van jou? Gaan jy die meeste hiervan produktief gebruik, of net sommiges? Hoe wil jy dit spandeer? Gaan jy tyd sinvol gebruik, of sal jy aan die einde van jou lewe kom en nie veel h om te wys nie. Die keuse l in jou hande - jy is geskape as mens met 'n keuse. God laat jou toe om in hierdie lewe keuses te maak, want jy is nie soos 'n robot geprogammeer om 'n spesifieke roete of baan met jou lewe te volg nie. Jou keuses vandag is mre se realiteite.

Dis daarom belangrik dat jy nadink wat jy met jou oorblywende tyd op aarde wil doen. Hoe wil jy dit gebruik? Wat is daar wat jy wil bereik? Wat is vir jou belangrik - net om die lewe ten volle te geniet f wil jy 'n nalatenskap van waarde laat?

'n Goeie oefening is om 'n lysie van twintig dinge saam te stel wat jy nog in hierdie lewe wil doen. Dit kan dinge wees soos om:

die hoogste berg in Afrika naamlik Kilimandjaro uit te klim
'n jaar sendingwerk in die Midde-Ooste te doen.
met 'n rugsak deur Europa te stap.
te kunsklasse te neem en te leer skilder.
betrokke te raak by die versorging en hulp aan straatkinders.
'n Harley te koop en deur Amerika te toer.

Hierdie lysie moet die idees bevat van wat jy graag wil doen en bereik. Moenie in die slagyster trap om volgens ander mense se idees van sukses en doelwitte te leef nie.

Dit is maklik om in te val by ander mense se verwagtinge. Dink maar aan die tyd toe jy op skool was en jou ouers vir jou ges wat wat hulle dink jy moet studeer, waar jy moet werk, waarnatoe jy moet mik. Dit gebeur ook in ons volwasse lewe. Jy is dalk 'n onderwyser en die skoolhoof roep jou op 'n dag in en s: "Weet jy NAAM, hier gaan binnekort die pos van 'n departementshoof oop in ons skool. Ek wil graag h dat jy aansoek doen, want jy beskik oor goeie kwaliteite om in aanmerking vir bevordering te kom." En jy voel gevlei oor die aanbod, "Mmm... ek waardeer dit soveel wat die hoof van my dink, ek wil hom nie graag teleurstel nie." Diep binne jou het jy egter hierdie eienaardige begeerte om eintlik te bedank en om 'n avontuur toergids te word, maar jy voel jy sal ondankbaar voorkom as jy hoof afwys - veral omrede hy soveel vertroue in jou stel.

Het jy al 'n soortgelyke ondervinding gehad? Waarskynlik ja, want dit gebeur heel dikwels in 'n mens se lewe.

Miskien om 'n ekstreme voorbeeld te gebruik: kom ons s iemand het vir Paulus ges, "Nee man, waar kom jy nou aan hierdie idee van jou om op sendingreise te wil gaan. Daar is soveel beter dinge om met jou lewe te doen. Dink aan al die ellendes wat jy vir jouself gaan opsaal. Daar is geen sekuriteit en 'n goeie pensioenfonds in die bedryf van sendingwerk wat jy wil aanpak nie. Om nie eers te praat van 'n mediese fonds nie. Kom laat ek vir jou ander rigtings wys waarin jy uitstekend met jou talente kan doen; rigtings wat jou meer stabiliteit verleen en 'n inkomste verseker."

Hoeveel armer sou Paulus nie aan die einde van sy lewe gewees het nie. En ons sou nie eers van hom geweet het nie, maar omrede hy sy passie uitgeleef het, baat ek en jy nog van sy nalatenskap.
Fokus waarnatoe jy wil gaan met jou lewe. Wat is vir jou belangrik, wat is dit wat jy wil doen? Watter waardes is vir jou belangrik?

'n Kort tydjie is ek en jy gegun op planeet Aarde. Ons het een kans, een geleentheid. Hoe gaan jy dit benut?

'n Sprankie wysheid vir die dag

"Sommige suksesse ly skipbreuk omdat totaal onnodige bysake in berekening gebring word." - Sigmund Graff -


Dr ST Potgieter
Tel: 021 949 5007
Sel: 083 227 3683
Epos:
st@pitkos.co.za 

Kos stories - Frik Lombaard

Groente of Vrugte

Hierdie vraag kan net soos die hoender of eier vraag n mens lank besig hou. n Definisie van vrugte is die vleiserigge deel van n plant wat ontstaan uit n blom en pitte het. n Vrug is volgens die botaniste die sagte deel van die plant waarin die pit is. Groente daarteen kom van plante af met sagte stingels af.

Vrugte word in drie groepe verdeel naamlik vrugte met sade in soos bv lemoene en waatlemoene. Dan kom die vrugte met pitte wat dadels insluit. En die laaste groep is natuurlik dro vrugte. Met hierdie definisies in die hand het botaniste begin om groente en vrugte te klassifiseer. Boontjies en ertjies word deur botaniste gesien as vrugte en nie groente, vir die eenvoudige rede dat boontjies en ertjies pitte het.

Komkommers en murgpampoentjies word ook beskou as vrugte. So van komkommers gepraat ek het n ruk gelede n komkommer geneem, botter in n pan gesmelt. Komkommer skywe daarin gebraai en suiker oorgegooi en dit opgedien. Heerlike warm en soet komkommer gereg. Die huismense het nie geweet wat hulle geet het nie.

Die klassifikasie van groente en vrugte hang ook net af van die wreld deel en die eetgewoontes van daardie wreld deel. In die grootste deel van die wreld word komkommers geag n groente te wees.

Soos in die diereryk is daar ook families in groente. So bv behoort kool, blomkool en radyse tot dieselfde familie. Die interessantste familie van groente is aartappels, groen en rooi pepers, eiervrug en tabak behoort aan dieselfde groente familie. Ek het maar altyd aan tabak gedink as n plant en nooit as n groente nie.

Volgens die botaniese definisie is die tamatie n vrug. Die vraag of n tamatie groente of vrugte is het al n draai gaan maak in die Amerikaanse Hooggeregshof. Hulle moes die besluit neem om te bepaal of daar handel gedryf kan word met tamaties. Hulle redenasie was dat aangesien tamaties gebruik word in die voorbereiding van kos dit n groente moet wees en nie n vrug nie.

Die tamatie is in 1554 die eerste keer haarfyn beskryf in Itali waar dit die pomi doro (appel van goud) genoem is. Die tamatie wat beskryf was, was n geel tamatie wat nie juis hier by ons baie bekend is nie.

Maak nie saak of dit of die tamatie groente of vrugte is nie, dit bly net lekker. Maak nie saak of iets groente en vrugte is nie, dit bly gesond en iets wat ons maar in ons dite moet inwerk en verkieslik rou. Daar is net twee groentes wat ek mense sal aanraai om van weg te bly en dit is tabak en dagga.

Probeer maar gerus om die debat van groente of vrugte te voer in die familie. Dit kan n interessante debat oplewer.  

Agterpad Reisnotas - versamel deur Braham van Zyl

Ek luister mos een Saterdagoggend na Amor Bekker op RSG waar sy 'n onderhoud voer met Braham van Zyl. Ek kontak hom toe en is nou op sy poslys, hier volg een van sy vertellings. Kontak hom gerus en vra om op sy poslys te kom. (Eposdres onderaan die artikel) Hy stuur 'n 'n gereelde nuubrief uit.

NOREE VALLEI; Robertson distrik: Wes-Kaap
WESSEL CONRADIE het my gekontak nadat ek en Amore oor die agterpad gesels het waarvoor jy daar by Robertson se Rooiberg Kelder van die R62 afdraai, en dan al teen die berge langs aanhou tot by Worcester se De Wet Kelder, daar langs die N1. Wessel se grootwordwreld l in die Noree vallei, digby die Rooiberg Kelder.
Hy vertel, Ons is toe nou die Saterdag hier weg op die pelgrimstog na Noree. Dis mos so half met gemengde gevoelens wat n ou na agtien jaar na jou geboorteplek teruggaan, want jy weet mos nie hoe dinge daar verander het nie.
Daardie doodstil bolope van die Noree rivier is werklik n plek waar jou siel vrede kan kry. Opmerklik hoe vas baie mense aan hulle wortels is, en nog vaster word soos die lewensjare toeneem. My seun Gert, wat baie belangstel in varswatervisse, het daardie dag, wat vir hom onbekende vissies was, in die rivierloop bokant Naald-se-Oog raakgesien. Dit was toe in werklikheid n bedreigde soort, nl die inheemse Breederivier Rooifin, voorheen bekend as Burchells Redfin.
Die artikel: www.wynboer.co.za/recentarticles/200603bio.php3 beskryf hoe hierdie vissies onlangs in die dieper poele van die Noree rivier in die Vinkrivier area ontdek is, toe Rooiberg kelder se aansoek om lidmaatskap van die Biodiversiteit en Wyn Inisiatief hanteer is.
Ek en my vrou het so twee jaar gelede op die Tierhoek Gasteplaas (tel 023 626-1191) daar in die Goree-vallei gekuier, en ek moet s Wessel oordryf nie as hy s dat dit n baie besondere wreld is nie. Ek het ook nou kort gelede Die Kliplapa (tel 023 626-5929) wat in n weggesteekte kloof daar naby is, ontdek. Dis die ideale plek vir iets soos n troue, of waar n geheime bosberaad gehou kan word. 

Skryf vir Braham en vra om op sy poslys geplaas te word en ontvang sy reisbeskrywings direk van hom af! e-pos :
info@explore-sa.com

Glimlag!
 
 

Hierdie is en van daardie kostelike skryfsels wat op die internet rondswerf en toe ook in my eposbus beland het sonder 'n aanduiding wie die skrywer is en of daar kopireg op is, so hier is hy, lekker lees en lag:  My pa het toe besluit genoeg is genoeg. Net voor Krismis het pa besluit lat hy wil oplaas 'n generator koop, oorlat hy moeg was virrie krag onderbrekings.

Generator

My Oupa dink 10% is krag onderbrekings, die anner 90% is die Munispaliteit se geld wat my pa innie borrelstoor bel. My pa s dit maak nie saak nie, of dit nou daai simpel mannetjie vannie cownsil is wat sy krag afsny, of daai simpel mannetjie van eskom, hy worrie nie, hy wil 'n generator h.

Nou ja, toe gat ons winkels toe om die ding te koop. Oppie kaart want my Pa s my ma se kaart is baie lekker, jy koop net op Budget se rekening.
Jy koop en jy vertel die mense om dit op Budget se rekening te sit. Ek weet nie lekker wie Budget issie, maar ek weet my pa sit alles op Budget se rekening.
Ek reken die Budget outjie gat darem lekker moerig wees as hy uitvind wat my pa alles op sy rekening koop.

In elk geval ons gat loop koop toe die generator ding, en dis mooi daar waar die moeilikheid begin.

Kyk, as julle dink my pa weet niks van kamp af nie, of van karre af nie, of van vroumense af nie, dit is tog goed wat 'n mens kan sien, dan moet julle weet, hy weet bokkerol van krag af, dis wat my ouma s, dis so.

Maar my pa worrie nie, toe hy eers daai generatortjie gestart kry, toe dink hy lat hy 'n elektriese ingeneer is. Dis glo slim ouens wat krag verstaan.

Toe is my pa slim genoeg om te weet, solank daai generatortjie loop, solank maak hy krag, maar as hy stop, dan is hy net 'n stuk blik, met 'n fancy Japanese naam.

So, voor my pa die ding aan die krag loop koppel, toe swiets hy eers die generatortjie af, en hy s vir my " Dawie, as 'n ou met krag werk, dan moet jy slim wees, en nugter" Wel my pa is nie een vannie twee nie, so toe beginne ek worrie.

Maar ek het verniet geworrie, toe my pa daai drade vat, en hy shok nie, toe weet ek hy weet waarvan hy praat. Toe maak hy die drade mooi skoon solat die koper uitsteek en hy is toe reg om die masjien aan die kragpunt te koppel.
Nou ja, toe sit ek lekker en kyk hoe my slim pa die kragonderbreking ding onner die knieg kry, en ek worrie niks nie, oorlat ek kan sien my pa weet van.

Toe maak my pa daai swietsbord innie kombuis oop, en hy maak reg om sy generatortjie se drade aan die swietsbord se drade te koppel. Dis glo solat as die krag afgaan, dan start my pa net sy generatortjie en die se krag sal die swietsbord maak werk.

Daar is 'n gesegde wat die grootmense gebruik, hulle se lat as die Akkies die fan tref, dan is daar moeilikheid. Daai ooms wat so s het nog nie gesien wat gebeur as die swietsbord se krag my pa tref nie.

Kyk ooms, toe my pa so oppie leertjie staan en hy konnek daai generatortjie se krag draad so aan die swietsbord se rooi draad, toe smaak dit vir my my pa is aan die hartaanval kry of hy kry 'n senuwee instorting of 'n eleptiese aanval of 'n stroke offe ding.

Die way wat my pa daai swietsbord ruk en pluk dog ek my pa gat die ding uit die muur uit ruk en net 'n gat daar los. Nie syne nie, maar een innie muur daar waar die swietsbordtjie was.

Maar die swietsbordtjie moef nie, en my pa hou nie op ruk nie, en hy skreeu ook. Ek dog dis van woede wat my pa so skreeu oorlat hy nou kwaad is virrie swietsbordtjie. Hy dans ok oppie leer en gooi sy dikkerige lyfie rond bo op daai leer asof hy nou inne jaaif kompetisie deelneem.

Net toe ek vir my pa wil waarsku lat hy vannie leer gaan afval, toe gebeur dit, hy val van daai leer af, maar hy val nie grond toe soos 'n mens moet nie, toe verstaan ek hoekom party mense s " hy't daar afgemoer"
want daai wassie 'n val nie, daai wasse afmoer. Miskien hoekom Koeberg se moer weg is, lyk met die krag saam het 'n ou maar probleme met die moere.

In elk geval, kyk my pa val toe lat dit lyk asof hy geskiet is, maar sy lyf gee nog so 'n paar rukke met die wat hy so deur die lug trek, nes daai ouens op TV wat innie swembad induik en dan sulke s draaie innie lug maak.

Toe dit vir my lyk dat my pa sy kop gaan misval en op sy allie val, toe skrik ek, want my ma s my pa het 'n harde kop maar hy is 'n lamgat, ek wil toe nie h my arme pa moet sy gat verder lam maak nie. Maar toe is ek te laat, toe val my arme pa plat op sy blaker.

Maar toe sit my pa en jaaif, toe voel ek darem beter oorlat ek kan sien hy is nie heeltemal 'n lamgat nie, oorlat hy sy boude toe lekker vinnig wikkel.

Toe ek my pa se oge so kyk, toe sien ek hy trek vir my gesigte ok, maar ek het nooit geweet my pa kan sy oge so omdop nie, ek sien net die wit soos hy jaaif. Toe klap ek maar hande vir my pa se trieks oorlat ek nie weet wat anners om te doen nie.

Toe kom my oupa ingehardloop om te sien wat gebeur met die geskreeu.
Toe vat oupa so aan my pa en toe begin oupa ok Jaaif. Toe dog ek dis 'n paartie toe beginne ek ok jaaif solat hulle kan sien ek kan ok jaaif.

Toe gat die ligte skielik af en toe hou oupa en pa op jaaif en toe staan ek ok maar daar rond. En kyk wat gat my pa nou met die generatortjie doen.

Toe my pa daar opstaan, toe sien ek hy het oppie plug geland wat aan die draad vas is wat aan die swietsbord vas is, wat toe aan my pa vas is oorlat die plug binne in my pa se boud ingesteek het.

Toe gebeur daar 'n vreeslike ding, my pa vat daai genratortjie wat Budget nog moet betaal, en hy gooi daai ding binne innie bure se swembad en hy ruk daai draad uit die swietsbordtjie uit soos 'n sweepslag.

Die outjie vannie cownsil het toe gekom en ons swietsbordtjie weer toegemaak, en ons krag weer by die paal gaan loop aansit en toe is alles weer normaal, behalwe lat ons nou nie weer 'n generatortjie het nie.

So het dit toe gegaan voor Krismis, ek sal vir julle skryf en vertel wat toe Krismis gebeur hoor?
 

Die klein dogtertjie kniel langs haar bedjie toe haar mamma s sy moet haar gebedjie wat sy geleer het ops.
"Liewe Jesus, sen die seuntjies en sen die dogtertjies en elke fokken hasie."
"Haai nee" s mamma, dis "elke volk en nasie"!

Plaaswerker aan boer (op radio).
Jonas: Baas ekt di vark getrap meddi bakkie, Hys sharp, ma hy sit vas by bulbar, hy skrou banja!
Boer: Jonas, vat die 303 agter die seat, skiet hom, en gooi hom op bakkie!

20 min later

Jonas:
Eish baas, heddi vark geskiet, manou ek sukkel om di blou lig van sy motorbike by die gril uit te haal!!
 
Voetspore

Onthou om elke Vrydagmiddag om 18h00 op TV2 na my gunsteling program, Voetspore te kyk. Ek sou SOO graag so 'n avontuur wou meemaak!
 

 
Resepte

Hier is resepte van 'n Word dokument wat iemand my lank gelede gestuur het, ek begin sommer heel voor en werk deur die alfabet:

Roly Poly

'n Gunsteling nagereg vir die soettand
Stroop:
1 koppie suiker
2 koppies water
1 teelepel bottter
teelepel vanielje essens
Kook tot stroop.
Koek:
1 koppie koekmeel
1 teelepel bakpoeier
knippie sout
1 eetlepel botter
2 teelepels suiker
1 eier
Vryf botter in dro bestanddele. Maak aan met geklitste eier - deeg moet rolbaar wees - voeg bietjie melk by indien te styf
Rol deeg uit in reghoek en smeer appelkooskonfyt oor. Rol op soos rolkoek
Gooi stroop oor en bak by 180grade vir 40 min of tot bruin en gaar
Bedien met vla.


Romerige Hoenderlewerpasta

Soteer 2 gesnyde uie en 1 knoffelhuisie in botter tot sag
Voeg 300 g hoenderlewers by en soteer tot effe bruin
Voeg 250 ml hoenderaftreksel by en laat prut 20 minute lank
Voeg 1 buisie uitgedrukte spekvleissmeer by
Verhit tot deurwarm
Meng liggies met gaar penne-pasta


Roomtert

Kors:
1 pakkie Marie Beskuitjies (Gooi in plastiek sak en rol dit fyn)
Meng krummels met 125 gram gesmelte margarien en druk dit eweredig vas in 'n 2 liter Pyrex bak.
Vulsel:
125 ml Vars room
1 Orley Whip met 2 sakkies kunsroom in
2 x blikkies kondensmelk
125ml suurlemoensap
Klits 1 en 2 saam totdat punte begin vorm.
Vou die kondensmelk se inhoud daarin, moenie klits nie.
Gooi nou die suurlemoensap by en roer liggies totdat alles mooi gemeng is.
Plaas in yskas vir ongeveer 12 ure.


Rum-en-Rosyne Tert

1 pakkie tennis beskuitjies
1 Blik kondensmelk
2 sakkies orley whip
7ml rum geursel
koppie pitlose rosyne
Bedek rosyne met warm water en laat staan vom uit te swel.
Klits Orley Whip styf en voeg kouer kondensmelk, geursels en rosyne by. Pak laag op laag en plaas in die yskas. Bedien koud.

Rysslaai

250 ml Rou rys
15 ml Matige kerriepoeier
2,5 ml Sout
750 ml Dun hoendersop
1 Tamatie
1 Groen soetrissie
250 ml Ingemaakte geelperskeskywe
30 - 45 ml Perskestroop
30 ml Fyn gekapte ui
30 ml Mayonnaise
5 ml Suiker
Slaaiblare
Kook rys, kerriepoeier en sout in die sop tot gaar.
Skil tamatie, haal pitte uit en kap res van tamatie op.
Doop soetrissie 1 minuut lank in kookwater ontpit en kap in stukkies.
Sny perskeskywe in stukkies.
Meng nou al die bestanddele by die res en skep op slaaiblare.

Sagopoeding

1 koppie sago
4 eeteel suiker
2 eeteel margarien
5 koppie melk
3 eiers
Kook sago in melk tot gaar. Gooi suiker en margarien by, dan geklitste eiers. Bak tot bruin.


Seekos en Pastagereg

Gemengde seekos, hoeveelheid afhangend van hoeveel persone.
Visspeserye - genoeg!
Thai speserye
knoffel
sout en peper
tobascosous (ops, of iets anders, tobasco sous ongelooflik duur)
pietersielie
"Spring onions"
uie
tamatie
sjerrie
room
pasta (ops)
Braai uie, tamatie, pietersielie, sampioene en seekosmengsel saam, roer gedurig.
Voeg al die geurmiddels en sjerrie by en prut so vir 'n halfuur.
Voeg room by en prut vir 5 minute.
Meng met gaar pasta of bedien net so as 'n voorgereg.

Semelroombeskuit

1 kg Bruismeel
8 x 250 ml Semels
500 ml Witsuiker
5 ml sout
500 gr Margarien of Bottter
1 liter Room (of room en ingedampte melk)
Verhit oond tot 180C. Smeer twee rolkoekpanne van 40 x 27 x 2
Meng die bruismeel, semels, witsuiker en sout saam en frummel die smeer daarin. Voeg die room by en meng goed
Druk deeg eweredig met spaan in panne
Sny die deeg in vierkante van ongeveer 4 x 6cm
Bak beskuit ongeveer 45 minute tot gaar en effens bruin
Keer versigtig uit op draadrak en laat afkoel Wanneer koud, sny stukke los deur vurk in snymerke te steek
Droog beskuit uit in koel oond
(Voer panne uit met waspapier of bakpapier want die beskuit is baie bros en geneig om vas te sit.
As die deeg bietjie droog is, kan bietjie ekstra melk bygevoeg word)

Sjokolade Krakelinge

2 e Kakao
2 k suiker
1 t essens
k melk
125 g botter
2 k oats
1 k klapper
Sit neute, kers, ens by (opsioneel)
Gooi 1st 5 bestanddele bymekaar. Sit in mikrogolf smelt & roer kort-kort
As dit kook - kook vir 5 minute
Gooi res by en meng. Skep op waspapier telepels vol.

Sjokolade Mousse (ook lekker by sjokolade koek as versiersuiker)

50 ml vla
50 ml Kakao
175 ml suiker - meng bogenoemde saam met bietjie melk van die 500 ml
500ml melk - kook die melk
15 ml gelatien
30ml kouewater - meng dit en hou eenkant
510 g Idealmelk
Meng vla, kakao, suiker en voeg van 500 ml melk by
Kook res van die melk Gooi by vla mengsel, en gooi terug in kastrol en kook dit net op. Roer aanhoudend.
Meng gelatien en kouewater en laat staan om dik te word.
Gooi dan die gelatien by melkmengsel. Roer to dit opgelos is.
Laat afkoel. Klop Idealmelk styf en vou in die mengsel.

Koue Sjokoladepoeding

Plaas op stoof: 4 koppies melk en 1 Eetlepel margarien
Meng:
4 Eetlepels vlapoeier (hoogvol)
3 Eetlepels kakao
1 teelepel koffiepoeier
1 Koppie suiker
teelepel sout met klein bietjie melk
Roer hierdie mengsel by kokende melk. Laat weer kook. Verwyder van stoof.
Klits 2 eiers goed en klits vinnig in by mengsel.
Gooi in bak en laat koud word in yskas. Bedien met vla.

Sjokolade Vrieskastert

45 ml (3 e) botter
45 ml (3 e) strooisuiker
250 m (1 k) fyngekapte gemmerkoekies
15 ml (1 e) kakao
45 ml (3 e) water
310 ml (1 k) dik room styf geklop
15 ml (1 e) brandewyn
1 groot eier
Smeer 'n 1 kg broodpan liggies met botter of bespuit. Voer uit met bakpoeier en smeer weer
Smelt botter en suiker in kastrol. Verwyder van plaat en voeg beskuitjieskrummels by. Roer deur en laat afkoel
Druk die helfte van die mengsel op die bodem van die broodpan vas en verkoel.
Los die kakao in die water op en vou by die room in. Roer brandewyn by
Klits die eierwit tot dit stywe punte vorm en vou in
Giet die mengsel oor die beskuitjies in die pan. Maak gelyk en strooi die orige krummelmengsel bo-oor
Bedek en bevries ongeveer 2 - 3ure verkieslik oornag tot hard
Keer uit en bedien met sjokoladesous (Genoeg vir 6 mense )

Sjokoladekoek

6 eiers, geskei
1 koppies koekmeel
1 koppies strooisuiker
koppie kookolie
koppie kookwater
3 eetlepels kakao
1 teelepel sout
3 teelepels bakpoeier
1 teelepel vanieljegeursel
Klits geel van eiers, voeg suiker by en klits goed. Los kakao op in kookwater, voeg olie by en voeg dit dan by die eiermengsel en meng goed.
Voeg meelblom, sout, bakpoeier en vanielje by en meng alles goed. Klits eierwitte styf en vou in. Bak by 180 grade vir 35 minute in groot oondpan.
Kook die volgende bestanddele saam en gooi warm oor die koek:
2 koppies suiker
2 koppies koue water
1 teelepel vanieljegeursel
2 groot eetlepels koffie
Laat die koek nou heeltemal afkoel. Smeer 1 blik karamelkondensmelk bo-oor. Klits 2 sakkies Orley Whipp styf en smeer oor koek. Strooi 'flake' oor.

Sjokoladekoek met sous

Meng:
1 k koekmeel
1 k suiker
t sout
2 t bakpoeier
Meng:
k kakao
k kookwater
k kookolie
4 eiers (geel alleen)
4 t vanielje-essens
Meng bestanddele no. (A) en (B)
Klits eierwitte styf, vou by die mengsel in.
Bak vir 30 min by 180 in 'n glasbak.
Sous:
Smelt: k suiker
Blik Ideal melk
Gooi oor warm koek.
Laastens:
Meng blik Ideal melk met sjokolade en smelt. Gooi dan oor koek.

Slaaisous 1

1 teel. mosterdpoeier
1/2 teel. sout
1/4 teel. peper
1/2 koppie kondensmelk
1 eiergeel
1/4 koppie slaaiolie
1/4 koppie asyn
Meng dro bestanddele, en voeg by kondensmelk.
Klits eiergeel en voeg by. Voeg eers olie en laastens asyn by en meng goed.
Laat staan 'n rukkie en voeg by slaai.

Slaaisous 2

1 eetl meelblom
1/4 teel. sout, peper
2 eetl suiker
3/4 teel. dro mosterd
2 eiers, effens geklits
3/4 koppie melk
1/4 kop botter
1/2 koppie asyn
Sif dro bestanddele. Voeg res stadig by. Roer oor kokende water tot mengsel begin dik word. Laat afkoel. Gooi oor slaai.

Skakels/Advertensies

Soek jy plek om te gaan kampeer? Klik dan hier!
Skooltake??
Klik hier
Vakansieverblyf is altyd 'n probleem, di mense maak dit makliker om te kry, klik net hier.

Nieltjie se Stories - Kinderstorie CD in Afrikaans - Klik hier

Lees alles oor Bloedrivier: Klik hier
150x90cm ou Suid-Afrikaanse vlae te koop @ R125 elk, posgeld uitgesluit. - Kontak gerus Roelof of Ronel by 012-3332932
Skoorkos is 'n blog wat resepte in geselsvorm, in Afrikaans, vir die gretige kosmaker bevat.
Ons gaan gewoonlik Carnival City of Gold Reef City toe as ons wil gaan fliek, uiteet of op die masjiene wil speel. Ek het egter 'n veel makliker manier gekry om te speel, Silversands aanlyn casino! Doen dit sommer van jou rekenaar af. Jy sluit aan, speel eers met speelgeld en probeer dan die regte ding. Probeer gerus,
 Klik hier  en geniet.
Boeredanse -
Verdere inligting oor die dansgroep: Danette Smith, Danna.smith@resbank.co.za
Sel: 082 923 6177
Oorvloed - klik hier

Teken in /Teken uit / Kontak

Teken hier in op die poslys en lees ook die argiewe.

Om uit te teken, stuur vir my 'n epos en dui jou naam aan asook die eposadres waaronder jy ingeteken is

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.