Ek staan op vir Afrikaans!

Welkom aan alle nuwe intekenare! Die pasella hierdie keer is 'n resepteboek wat ek sopas ontvang het en ek deel dit sommer dadelik, alles oor Wafels en Pannekoeke, gaan laai dit af by die Pasella afdeling.

Ek stuur hierdie brief effens vroeg uit aangesien ons weer gaan rondreis, 'n week by Mnarani Beach Club in Kenya en dan direk daarna Hazyview Cabanas, in Hazyview natuurlik. Wil weer bietjie gan fotos neem in Kruger. Fotos en beskrywing volgende keer.

Daar is weer 'n verskeidenheid lekker resepte verder ondertoe.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Wil jy dalk GROOT droom? Vat 'n kans op die UK Lotto of een van die ander Europese Loterye. Die een het 'n groter boerpot as die ander! Die minimum boerpot is R45 miljoen, sommer gereeld R75 miljoen en hoër! Dis heeltemal veilig om te speel, onthou, jy kan nie wen as jy nie 'n kaartjie het nie! Klik hier  en droom Groot!

En onthou tog om my besoekersboek te teken? Hy was vir 'n hele tydjie aflyn maar is nou weer terug.

Ek hoor mos nou die oggend 'n insetsel oor hettie op RSG. Ek kontak haar toe en sy gee toestemming dat ek van haar stories hier kan gebruik. Baie dankie, Hettie, jou raad is baie leersaam. Gaan loer gerus na Hettie se webwerf: http://www.etikettie.co.za/

Ek sal graag wil hoor wie van ons kan met eerlikheid sê dat 'n ekstra geldjie nie handig te pas sal kom nie. Ek het 'n rukkie terug 'n bladsy saamgestel met wat ek dink werkbare idees is om so 'n ekstratjie te verdien, sonder 'n groot aanvanklike uitgawe. Klik hier om na die bladsy te gaan. As jy nog idees het, laat weet my asseblief en ek las dit by.

Ek is egter nog heeltyd op die uitkyk na moontlike werkbare idees. Is dit nie snaaks dat meeste van die mense wat met sulke "skemas" vorendag kom altyd eers 'n bedrag geld wil hê alvorens hulle hul "groot geheim" met jou sal deel nie.

Ek het myself belowe dat ek nooit in sulke skemas belang sal stel nie, as die ou sou sê, maak eers jou geld en dan betaal jy my, wel, dis 'n ander saak.

Ek kry nou die dag iets per epos wat effens anders is, daar is 'n gratis toetstydperk, koste is net R45 per maand as jy sou besluit om aan te sluit met 'n 100% geld terug waarborg as jy oortuig is dat dit nie gaan werk nie. Dit het dus an my persoonlike kriteria voldoen en ek het sonder huiwering aangesluit en my toestemming gegee om die R45 per maand te verhaal. As niks gebeur nie, kanselleer ek net en kry my geld terug. Aan die ander kant, wie weet?

Nou gee ek jou die geleentheid om self te gaan kyk, dis egter net vir Suidelike Afrika lande. Alles gebeur outomaties, jy kry selfs jou eie webbladsy alreeds vir jou saamgestel, stuur die skakel net uit aan jou kontakte en oortuig hulle om dit te probeer, niemand kan iets verloor nie, probeer is die beste geweer.

Hier is die skakel: http://www.BeMotivatedToday.net/23373

As jy enigsins skepties is, ignoreer hierdie stuk en lees verder aan die nuusbrief, as jy soos ek nuuskierig is, klik en gaan kyk wat gaan daar aan, teken selfs in vir die proeftydperk en kyk wat gebeur. Ek self het sopas aangesluit dus weet ek ook nie veel nie, maar soos ek altyd sê, ek is gewillig om enigiets eenkeer te probeer. Wie weet, dalk werk dit net.

Ek is nogal beindruk deur die mense, my glad gebel en welkom geheet, wou hoor of ek onseker was oor iets of enige vrae gehad het. Werklik professioneel!

Nog 'n skermbeeld wat jy kan aflaai. Ons was baie gelukkig om drie jagluiperds reg langs die pad te sien toe ons laas in Kruger was. Regs klik net hier om die skermbeeld af te laai.

Alles wat jy wil weet oor Boeremusiek.

Hierdie is die webblad van Kalie de Jager en is spesifiek daarop toegespits om die Versameling...Bewaring...en Uitbouing...van Boeremusiek aan te spreek.

Klik hier om sy webblad te besoek.

George Hughes

Ekke is ook op Facebook, as jy dalk 'n Facebook profiel het en by myne wil aansluit, klik net hier. Hoe meer siele hoe meer vreugde. My Facebook eposadres is peter@funkymunky.co.za

Mirna is ‘n opvoedkundige sielkundige in Stellenbosch. Sy het onderwys gegee by verskeie skole, o.a. Hoërskool Stellenbosch, Hoër Meisieskool Bloemhof en Jan Krielskool vir leerders met hindernisse tot leer. Sy is ‘n ma, lief vir die kunste, die see en kinders. Jy is welkom om kommentaar en vrae te stuur na mirnafvanwyk@gmail.com

Baie dankie vir al die briewe, vrae en kommentaar. Verlede maand het ek begin gesels oor maniere hoe om pro-aktief oor dissipline van jou kinders te dink en te doen. Hierdie goeie raad kry ek by Becky Bailey en dit mag selfs help om beter met jou man of baas oor die weg te kom!

1. Moedig jou kind op ‘n positiewe manier aan in goeie en moeilike tye. Goeie verhoudings (die basis van makliker dissipline) word nie gebou deur jou kind af te kraak om sodoende sekere gedrag teweeg te bring nie.

Beginsel: Aanmoediging bemagtig.
Toepassing: Wees jou kind se grootste ondersteuner. Maak hom bewus van die feit dat hy dinge self kan doen en planne maak deur vooraf te DINK. Vra gereeld: “Hoe het jy dit reg gekry? Watter gedagtes het jy gedink? Hoe het jy met jouself gepraat? Watter planne het jy gemaak?” wanneer hy suksesvol was. En wanneer hy sukkel: “Watter planne kan jy maak? Hoe kan ek help?”

2. Neem terug die beheer.

Beginsel: Wie ook al jy en jou kinders glo in beheer is van die verhouding en die situasie, is gewoonlik.
Toepassing: In plaas van om te sê: "Jy maak dat ek nou hierdie kar gaan stop” sê, "Ek stop nou die kar tot al die veiligheidsgordels vas is en almal veilig is.” En doen dit dan, kalm en beheersd. In plaas van om te sê: "Julle maak my mal," sê, "Ek gaan diep asemhaal en myself kalm kry. Dan sal ek weer met julle kom praat. So leer jy jou kinders ook tegnieke om hulle self te beheer.

3. Moenie jou kind te gevolge van sy keuses, woorde en dade spaar nie.

Beginsel: Emosionele pyn help jou kind om te weet dat hy volgende keer dit anders moet doen.
Toepassing: Help jou kind om die teleurstellende keuses te verwerk. Bied empatie en nie lesings nie oor sy swak keuses. In plaas van om te sê: "Ek het jou gewaarsku om nie jou CD skool toe te neem nie. Dis jou eie skuld", sê "Ek kan net dink dat jy baie ontsteld is oor jou CD gesteel is, sal jy dit volgende keer anders doen?” Empatie sal jou kind toelaat om volgende keer na jou raad te luister omdat hy kan sien dat jy omgee. Preek help net dat hy JOU kan blameer vir alles wat verkeerd geloop het!

Belangrikste, wys jou liefde en speel met hulle! Kinders grootmaak is ‘n reis en nie ‘n bestemming nie. Partykeer is daar baie ongelukkigheid langs die pad, maar as jy konsekwent, liefdevol maar met duidelike reëls en grense, dit doen, mag dit selfs ‘n avontuur wees!

Groete van hart tot hart.

Wys My Die Plek
C. Louis Leipoldt

Wys my die plek waar ons saam gestaan het,
Eens, toe jy myne was -
Vroeër, voor jou liefde vir my getaan het,
Vroeër, toe jy myne was.
Kyk, dis dieselfde; die silwer see
Blink in die sonskyn, soos lang verlee
Dit eenmaal geblink het, 'n welkomsgroet
Vir ons liefde wat uithou en alles vergoed.

Wys my die plek waar ons saam gekniel het,
Eens, toe jy myne was -
Vroeër, toe een siel vir ons saam besiel het,
Vroeër, toe jy myne was.
Kyk, dis dieselfde; die hemel, blou,
Lag soos voorheen op my en op jou;
Dit skitter nog altyd 'n welkomsgroet
Vir ons liefde wat uithou en alles vergoed.

Wys my die plek waar ons saam geloop het,
Eens, toe jy myne was -
Vroeër, toe ons harte so veel gehoop het,
Vroeër, toe jy myne was.
Kyk, dis dieselfde! Net jy nie. Vra,
Wie van ons twee moet die meeste dra ?
Jy wat vergeet het - of ek wat boet
Vir my liefde wat uithou en alles vergoed ?

Darem maar mooi, nê??

Gaan kyk na my nuwe fotografie webwerf

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Ek beskou Anna Eksteen as die koningin van Resepte eBoeke in Afrikaans. Sy het nou al 'n hele versameling van resepte eBoeke wat enige kossoort dek, en dit in Afrikaans! eResepteboeke is goedkoop en geen posgeld is betaalbaar nie, die boeke word per epos gestuur en is in 'n japtrap by jou.

Klik gerus hier en kyk na die lys van nuwe resepteboeke en bestel gerus een, of sommer 'n paar!

Of bel sommer direk vir Anna - 0822946799

Ek kry die volgende stukkie per epos en wil dit graag deel. Afrikaans is darem 'n baie mooi taal, mooi stories soos hierdie klink darem so reg in Afrikaans. geniet dit!

Die omie kom gebukkend, skuifelend die pad afgestap, sy verkreukelde hoed styf in sy hand vasgeklem. Die plooie trek donker dongas oor sy gesig, en sy oë is dof en blou. Sy klere hang soos 'n meelsak om hom,
sy skoene het al beter dae gesien. Sy hare wapper in drie slierte om sy voorkop, sonverbrand.
"Boetie! Boetie!" roep hy na my. Ek gee hom een kyk en kyk dan anderpad. Net nog 'n boemelaar, net nog 'n bedelaar.
"Boetie! Boetie!" roep hy weer.
Ek draai my rug op hom en sluit die motordeur oop.
 "Boetie, boetie! Wag, ek wil met jou praat." Sy stem is skor.
 "Seker van al die drank," dink ek, klim in die motor en sluit die deur.
 Hy struikel van die sypaadjie af, kom krom, oud en verwaarloos na my aangestap. Ek skakel die motor aan, kry trurat en verlaat hom, eensaam en alleen.
 "Kry vir jou werk. Maak soos ek maak, dit bring geld, dan kan jy suip tot jy omval," gaan deur my gedagtes. Ek kry eerste rat, wikkel die petrolpedaal en laat hom in 'n stofwolk agter. Ek sien in die truspieël hy beduie, hande omhoog.
 "Ja, f*k jou ook," sê ek hardop, "net soos jou soort is - as jy nie iets kry nie, is ek altyd die skuldige."
 By die huis vertel ek vir Vroulief van die voorbarige bedelaar, van wat ek dink ek gesien het. Vroulief is dadelik Moeder Hen: "Waar slaap die arme man vanaand?  Dit lyk asof dit gaan reën."
 "Moenie oor hom worrie nie, sy soort het altyd 'n plan, hy wurm hom met 'n sak wyn iewers in 'n kombers toe en verdrink die dag van môre. Plaas dat hy karre oppas, dit sal daai drankgeldjies meer kosbaar maak."
 "Swerwer, jy is 'n harde man. Wat daarvan as hy drink? Hy is ook net 'n mens, net soos jy," berispe Vroulief.
 "Wat, 'n man soos ek? Se gat, vrou! As hy 'n man was, het hy 'n manier gesoek om 'n geldjie te verdien vir sy lustigheid. Nou wil hy my geld bedel, dit waarvoor ek gewerk het, met my sweet, my arbeid .. Se dinges, vrou! Kom ons vergeet nou die episode, ek is klaar spyt ek het jou vertel."
 Vroulief stap kop onderstebo kombuis toe, ek maak my gemaklik op die stoep, bier in die hand. "Kan ook nie jou bek hou nie," mompel ek. My hond kom lê onder die stoel en ek voer hom 'n stukkie biltong. Hy lek my hand dankbaar.
 Eensklaps staan vrou in die deur. "Swerwer, ek het vir die man 'n pakkie kos gepak, ons vat dit nóú vir hom. Een van die kinders se komberse is ook oor die muur, ons vat dit ook."
 Ek ken die stemtoon, onverbiddelik: "Vrou, is jy mal? Die man is seker lankal weg. Gaan skep op, ek is honger," probeer ek walgooi.
 "Swerwer, as jy nie wil ry nie, sal ek," druk sy dit uit.
 Ek weet teëpraat gaan nie help nie, my mooi van môre se dag hang hiervan af. Ek staan op, vat die motorsleutels, en draai half vermakerig na haar: "Nou kom, as jy hom wil kos gee, doen dit self."
 Ons ry in stilte, met slegs die geruis van bande. Vroulief klou die pakkie op haar skoot vas.
 Voor die koöperasie stop ek op dieselfde plek. In die lig van die voertuig sien ek hom op die sypaadjie sit, sy kop op sy knieë, hande wat hang tot op die grond.
 "Sien jy, wat het ek jou gesê? Klaar dronk." Vrou ignoreer my, maak die deur oop en skud die omie aan sy skouers. Stadig lig hy sy kop; trane stroom oor sy wange.
 "Nog donnerse dronkverdriet ook", dink ek.
 "Omie, ek het ietsie gebring om te eet", praat Vroulief sag en vat sy hande in hare.
 Die omie se lyf begin ruk, hy huil nou openlik, trane stroom deur die dongas.
 "Nooientjie, dis nie ek nie. Die tannie by die huis het in die bad geval. Sy kan nie opstaan nie. Ons foon werk al twee weke nie meer nie.
Ek het asma, ek kon nie verder nie. Ek het 'n kêrel probeer stop, maar hy het weggejaag ... sonder om te luister. Al wat ek kon doen, was om te bid.
God het vir my 'n engel gestuur. Asseblief, gaan help die tannie .. asseblief, gaan help haar."
 Ek sit met 'n knop in my keel, trane wil oor die walle stroom, die hartseer is diep en skerp. My gemoed is stukkend, my siel in opstand.
Waar en wanneer gaan ons besef: "Ek is my broer se herder"?
Skrywer onbekend

Al lankal lus vir lekker wafels of pannekoeke? Geen probleem, regs klik hier en laai die resepteboek af. (1.75MB)

Gaan kyk gerus na die webwerf hieronder om te sien watse wonderlike werk hierdie groep doen.

Webwerf: www.danvillehulp.co.za

Lees asseblief die nuutste nuusbrief Klik hier

Elsabé Blignaut

Huis: 012 991 3914
Sel: 082 828 2551
Epos: Elecnet@mweb.co.za

eBoek met om en by 2000 Boererate, net R60. Ek stuur sommer per epos en jy betaal dan die bedrag in my rekening in, so maklik soos dit. Kontak my vir betalingsbesonderhede. Ook in Engels beskikbaar, laat my maar net weet. Met elke bestelling gee ek gratis afskrif van "Boererate en Verbruikerswenke" eBoek

Vir navrae of inligting kontak Danette gerus by 0829236177 of stuur ’n epos na danna.smith@resbank.co.za
 

Koos werk by 'n Dokter .Die Dr. sou die dag uitstedig wees en vra toe vir Koos om 'n ogie te hou oor die pasiënte. Die volgende dag kom die Dr terug en vra vir Koos hoe dit toe gegaan het met die pasiënte. Koos sê
daar was drie pasiënte wat hy gehelp het en die Dr vra toe hoe hy hulle gehelp het en hy sê :
"Die eerste pasiënt het ingekom met 'n lelike hoes en toe gee hy vir hom Benelyn vir die hoes. Die tweede pasiënt het ingekom met 'n vreeslike allergie en toe gee ek vir hom Allergex. Die Dr was baie beïndruk en vra wat van die derde een. Nee, sê Koos daar het 'n dame ingekom, haar kaal uitgetrek en op die ondersoek tafel gaan lê en vir hom gesê : 'Ek het vier jaar laas 'n man gesien
''O Hel' sê die Dr 'En wat doen jy toe, Koos?
''Nee', sê Koos 'Toe gooi ek vir haar Eyegene in haar oë'!!!

HOE OM POSITIEF TE BLY!!
1. Probeer alles tweekeer:
'n Grafskrif het gelui:
"Tried everything twice...both times were moerse nice!"

2. Behou jou grapgat vrinne
Die suurgatte trek jou onder.
(Sorg dat JY nie daai suurgat is nie!)

3. Hou aan leer..
Leer meer oor skete, etiket, enigiets.
Moenie toelaat dat jou brein muf nie!

4. Geniet die eenvoudige dinge.

5. Lag dikwels, lag lank en lekker.
Lag tot jou blaas lek!
En as jy 'n pel het wat lekker nonsens praat,
spandeer meer tyd saam met haar/hom.

6. Trane kom.
Tjank dat die snot spat, en beweeg dan aan.
Die enigste mens wat ALTYD regdeur jou lewe  by jou is, is jyself.
LEWE terwyl jy nog lewe het.

7. Omring jouself met dit waaroor jy mal is,
Of dit nou pelle, familie, diere, sentimentele junk, musiek,plante, of kitch is.
Jou huis is JOU plek!

8. Bewaar jou gesondheid:
As jy OK is, moenie nonsens aanjaag nie,
As jou kop raas, sluit by 'n 'support group' aan,
As jy nie lekker is nie, kry hulp.

9. Moenie op loop gaan met skuldgevoelens nie..
As daar te lope is, doen dit in die winkels, in jou tuin, in die bosveld, langs die see of selfs in vreemde lande.

10. Sê vir jou mense dat jy vir hulle lief is, gee drukkies op strepe .... more trek jy dalk jou hout-jas aan, dan's dit te laat!

Ouers wat duidelik nie gereeld kerk toe gaan nie, beland met kinders en al in 'n Nagmaal diens.
Met die bediening van die wyn, sê die seuntjie:
"Jislaaik Pa , hulle het shooters"
 

st se pitkos

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

Bekommernis

Vandag se nuusbrief wil ek geensins uit 'n akademiese hoek of van 'n sielkundige kant benader nie. Ek gaan ook nie eers probeer slim wees omtrent hierdie onderwerp nie. Ek wil net 'n paar gedagtes mens tot mens, en, hart tot hart met jou wissel oor bekommernis. Ja, bekommernis kan inderdaad in jou gemoed kom lê soos 'n blok beton.

Nie alle mense gaan gebukkend onder finansiële stres en spanning nie. Daar is mense wat geredelik dinge onder beheer het; daar is diegene wat tydens die resessie steeds goeie geld maak. Maar daar is baie mense wat werklik swaarkry in hierdie slegte ekonomiese tye, en wie snags met groot angs en kommer in hul harte gaan slaap. Daar is mense wat in die donkerte van die nag wakker skrik, die swartheid instaar sonder hoop en uitkoms. Mense wat skrik wanneer die telefoon lui, wat te bang is om pos te gaan uithaal, wat loop in 'n waas van paniek en bekommernis. In ons land Suid-Afrika gaan dit inderdaad sleg met 'n groot klomp mense. Ja, bekommernis vreet jou op en wanhoop oor jou situasie en jou gesin se toekoms neem skrikwekkende afmetings aan.

Dit is ook nie net finansiële nood wat bekommernis in harte meebring nie. Daar is ook 'n swaarmoedigheid oor die talle verkeerde dinge in ons land. Dikwels lyk die toestand hopeloos, daar hang 'n donker onrustigheid oor die korrupsie en onreg wat ons waarneem. Ons lees dit in die koerante en sien dit in televisieprogramme. Soms kom die gedagte by 'n mens op: "Het ek nog werklik enige kans in hierdie lewe? Alles loop verkeerd, is daar uitkoms?"

Wanneer dit met 'n mens goed gaan, voel jy "on top of the world" en in volle beheer van sake en dinge. Wanneer jy vir iemand in voorspoed vra hoe dit gaan, antwoord hy: "Dit kan nie beter nie. Die lewe is 'n lied." Dit is juis hierdie kontras wat maak dat mense perspektief op die lewe en die sinvolheid van die lewe verloor. Jy sukkel om te oorleef; ander floreer in oordadigheid. Ek sien nou die aand op televisie in 'n program 'n vrou wat in haar kaia net 'n bed met nat komberse het. Sy het nie borde, koppies, eetware, bedkassie, stofie in haar kaia nie. Sy het niks. Net 'n enkelbed met nat komberse. Dis al. Dan hoor ek van regeringslui wat motors koop van miljoene rande. Partytjies wat der duisende rande beloop en oorvloei van milddadigheid.

Mense verloor dikwels hul empatie en begrip vir die mede-mens met wie dit nie so goed gaan nie. Mense, wie leef in welvarendheid en goeie seën, verstaan nie regtig die probleme van 'n ander nie. Die bedelaar sal jou kan vertel van die harde oog en afjak van ryk mense. Dit is eers wanneer jy deur die meule self gaan dat jy werklik in jou hart begrip vorm vir ander se swaarkry. In jou nood en diep angs oor jou eie situasie verstaan jy nie hoe die land se pawiljoene juigend volgesit word, terwyl die rampspoed dreig om jou huishouding te oorspoel nie. Verstaan jy nie hoe mense bekommerd kan wees oor die beuselagtigheid van 'n kleurskema vir hulle nuwe kombuis, terwyl koskaste in menige huishoudings leeg staan nie. Onverstaanbaar hoe mense kan kla met 'n wit brood onder die arm, maar jy wonder waar jou brood môre vandaan gaan kom.

Een van die kenmerkende eienskappe van 'n mens is die stryd om selfbehoud. Ek moet so werk en lewe dat ek nie ondergaan nie. My lewensbootjie moenie wegsink in die stroom van die lewe nie. Nog meer - ek veg ook vir die behoud van my gesin. Maar dan kom storms wat dreig om die behoud en welstand van die familie te vernietig. Dit is 'n skrikwekkende gedagte wanneer jy besef ek en my familie is besig om die lewenstryd te verloor. Wanhopige bekommernis neem jou lewe oor.

Jy mag diep en werklik bekommerd wees oor jou situasie. Jy mag voel jy het die einde van jou kragte bereik. Daar is nie veel hoop oor nie. Benoudheid oorheers jou daaglikse bestaan en jou denke. Ek ken nie jou situasie nie, weet ook nie presies in watter situasie jy jouself bevind nie. Maar ek wil graag die volgende stappe voorstel:

· Maak 'n opsomming van jou situasie. Ontleed jou probleme en skryf dit neer.
· Bid ernstig tot die Here en vra Hom om jou te help. Al kan jy net een kreet gee: "Help Here!"
· Probeer die oorsaak van jou probleme bepaal. Dikwels moet 'n mens onder die oppervlak delf vir die werklike oorsaak van die probleem.
· Watter dinge in jou lewe moet jy laat gaan? Aan watter aspekte kan jy nog iets doen? Kom uit by essensie van jou bestaan.
· Gaan praat met iemand wat jou van raad en advies kan voorsien.
· Kry al die moontlike oplossings vir jou situasie.
· Neem 'n besluit (al is dit 'n moeilike besluit) en gaan tot aksie oor.

Ja, bekommernis dryf inderdaad die hoop en die lewenslus uit jou uit. Jy is bang tot die dood; jy weet nie watter kant toe nie. Bekommernis verlam jou dat jy later geen perspektief oor het op uitkomste en oplossings nie. Volg asseblief bostaande stappe, fokus daarop met alles wat jy het, en miskien gee dit weer vir jou rigting en hoop op die toekoms.

Die wêreld daar buite is taai en moeilik. Jy vrees dalk die skuldeisers wat buite rondloop om jou te verslind. Jy vrees die toekoms en is bekommerd oor die dag van môre. Kom ons wees daar vir mekaar. Kom ons dra mekaar se laste, ons reik uit na ons naaste en ons vra die Here vir bystand en genade.

Ek dink aan jou.

'n Sprankie wysheid vir die dag

"Wees nie bevrees nie, want Ek is met jou; kyk nie angstig rond nie, want Ek is jou God. Ek versterk jou, ook help Ek jou, ook ondersteun Ek jou met my reddende hand." - Jesaja 41:10-

My Praktyk
Een van die aspekte waarop ek fokus in my praktyk is beroepsvoorligting. Soveel studente beland in verkeerde studierigtings en beroepe wat hulle uiteindelik jare en der duisende rande kos. Beroepstoetsing en voorligting kan baie help om die regte keuse te maak. Ek sien ook volwassenes met betrekking tot beroepe. Dikwels voel 'n persoon vasgelope en gefrustreerd in sy / haar huidige beroep. Dan is goed dat 'n mense daaroor gesels, besin en kyk na ander moontlikhede. Volgende keer gesels ek oor 'n volgende aspek van my praktyk.

Die artikel oor multivlak bemarking is steeds in die pyplyn - ek het nog nie vergeet nie.

Jy kan inteken op hierdie nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

Feeste

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier
 

Tuisgemaakte Likeur
Koffieroomlikeur (lewer 500 ml)

1 blikkie kondensmelk
170g blikkie ingedampte melk
7 ml vanielje geursel
10 ml sterk kitskoffiepoeier (aangemaak met bietjie kookwater)
12,5 ml gliserien
250 ml Whisky
Meng bestanddele, gooi in 'n bottel en verseël.
Laat staan minstens 7 dae lank.
Skud gereeld.

Roomlikeur (lewer 750 ml)

1 blik kondensmelk
250 ml vars room
125 ml Whisky
125 ml Brandewyn
2 eiergele
10 g donker sjokolade gesmelt
12,5 ml vanielje geursel
Meng die bestanddele saam in 'n menger of versapper.
Klits vir ongeveer 15 minute.
Hou koel en bedien.

Koffielikeur (lewer 1,7 l)

500 ml water
500 g wit suiker
250 ml sterk swart koffie (moerkoffie)
375 ml vodka
375 ml rietspiritus (Cane)
200 ml desertwyn
25 ml vanielje geursel
Kook stroop van water en suiker, voeg dan koffie by en meng. Laat afkoel.
Voeg vodka, rietspiritus, desertwyn en vanielje by. Laat koud word.
Gooi in bottels en verseël. Laat staan 3 - 4 weke voor gebruik.

Tunagereg

1 Blik Tuna (kan meer gebruik)
1 Blik Sweetcorn
2 Eiers
1 Blik Idealmelk
Uie & greenpeper
1 k Kaas
Meng alles saam en bak in die oond teen 180° C.

Uie-Koekies

1 pk. bruismeel (1 lb)
1 teel bakpoeier (opsioneel)
1/2 koppie botter
1/2 koppie kaas
1 teel sout
knippie rooi peper
2 fyngerasperde uie
Meng soos vir skons. Maak ronde bolletjies, druk plat met vurk op bakplaat. Bak teen 200 Grade C tot bruin.

Veelsydige Koelkasvrugtetert

1 pakkie jellie (80g)
1 blikkie ingedampte melk (410g) oornag in koelkas gelaat
1 teelepel bakpoeier
1 eetlepel suiker
1 blikkie ingelegte vrugte, bv. Gemende vrugte, perskes, koejawels of iets soortgelyks
1 pakkie tennisbeskuitjies, suikerbroodvingers of self rolkoekskyfies vir kors
Laat ingedampte melk oornag in koelkas.
Klits melk en bakpoeier tot skuim.
Gooi stroop van vrugte af en kook.
Maak nou die jellie aan met die gekookte vrugtesous.
Roer jelliepoeier goed in vrugtesous terwyl dit nog kook, tot opgelos, en laat dan tot goed afgekoel.
Sny die vrugte in die melkmengsel in en klits effens tot gemeng.
Klits die suiker in die jelliemengsel in.
Klits nou die jelliemengsel in die vrugtemengsel in.
Pak beskuitjies of dun gesnyde rolkoekskyfies onder in 'n glasbak as kors.
Gooi die mengsel oor die beskuitjies en laat staan in koelkas om verder goed af te koel en
te stol.
Versier met klapper, koekiekrummels of roomrosies, soos verkies.

Vetkoek in Skottelbraai

2 koppies koekmeel
40ml suiker
10ml bakpoeier
knippie sout
2ml gemengde speserye
2ml kaneel
1ml gemaalde naaltjies
2 ekstra groot eiers (geklits)
250ml kookwater
30g rosyne of korente
olie vir diepbraai
Sif droë bestanddele saam.
Klits eiers en meng met kookwater. Meng droë bestanddele geleidelik in totdat gladde deeg verkry is.
Roer die rosyne by.
Verhit olie in die CADAC skottelbraai en braai 3 tot 4 lepelsvol beslag in warm olie tot poffering en goudbruin. Draai om en braai anderkant ook liggies.
Verwyder van olie en dreineer op kombuispapier. Bedien warm. (Lewer omtrent 15 vetkoekies)

Vetkoekies

375 ml ongesif afgemeet koekmeelblom
15 ml bakpoeier
10 ml suiker
5 ml sout
500 ml gaar koue rys
410 g (1 blik) geroomde suikermielies
125 ml melk
1 eier
kookolie vir vlak braai
Sif die koekmeelblom, bakpoeier, suiker en sout saam. Vou die rys en suikermielies in die gesifte bestanddele in.
Klits die melk en eier saam tot gemeng. Voeg dit by die meelmengsel en maak aan tot 'n sagte deeg.
Skep eetlepelsvol deeg in matig warm kookolie. Braai die vetkoek eers aan die een kant tot goudbruin: dit moenie te vinnig braai nie.
Braai dan aan die ander kant goudbruin.
Dreineer die gaar vetkoeke op kombuispapier en sit warm voor. Heerlik saam met stroop of heuning.

Vet-Vrye All-Bran Beskuit

250 g All-bran + 100 g klapper
1 kg bruismeel
400 g suiker
2 t bakpoeier
1 t sout
1 k sonneblomsade/pekanneute
500 ml appelsap
½ t asyn
½ t koeksoda
½ k afgeroomde melk
3 eiers
Meng ½ t asyn, ½ t koeksoda en ½ K afgeroomde melk (eie karringmelk!). Laat staan 'n rukkie.
Klits 3 eiers saam met 500 ml appelsap. Voeg droë bestanddele by en meng alles saam.
Gooi in een groot of twee kleiner gesmeerde pan(ne).
Bak + 1 uur by 160?C. Sit foelie bo-oor. Sny met elektriese mes.

Vetvrye Kaassous

Hierdie witsous bevat geen kaas of botter nie, en tog is dit so smaakryk dat jy (en jou gaste) dit waarskynlik nie sal agterkom nie. Gebruik dit saam met gekookte groente, geposjeerde vis en selfs om Lasagne te maak.
Verhit 2 koppies vetvrymelk in 'n swaarboom kastrol.
In 'n ander houyer, meng 6 eetlepels vetvrye melk en 4 opgehoopte teelepels mielieblom tot 'n baie gladde pasta.
Wanneer die melk begin kook, haal van die stoof af en roer die mielieblom pasta daarin.
Sit terug op die stoof en roer aanhoudend totdat dit kook.
Wanneer dik en glad, meng met fyngemaakte grasuie, 'n skeutjie sjerrie, 'n teelepel groente aftreksel (in poeiervorm) asook 'n eetlepel sagte bruinsuier, Engelse mosterd en sout, peper en rooipeper na smaak.
Hierdie is regtig 'n baie lekker resep en ek los soms van die laaste goed uit, en dit bly steeds lekker.

Vinnige Karringmelkbeskuit

Meng:
7 koppies koekmeel
6 teelepels bakpoeier
1 teelepel koeksoda
1 teelepel sout
1/2 teelepel kremetart
Klits:
2 eiers
2 koppies karringmelk
1 koppie suiker
125 g gesmelte margarien
Verhit oond tot 180º C
Voeg al die bestanddele bymekaar. Druk in plat bakplaat
Bak vir halfuur en sny in blokkies. Draai beskuitjies om.
Bak vir nog 'n halfuur by 160º C. Droog uit.
(Sommer kort en saaklik)

Vinnige Melktertresep

Dit maak 2 ronde gewone silwer voelie bakkies vol of anders die gewone glas vierkanttige tertbakke vol. Gebruik 'n kors van jou keuse.
1 Blik kondensmelk
50 ml Maizena
50 ml Vlapoeier
1 Eier
1 L Melk
Essense (Vanilla)
Kaneel
Gooi die blik kondensmelk in n pot en maak die lee blik vol melk in gooi saam met die kondensmelk.
Gooi altesaam 3 blikke melk saam met die 1 blik kondensmelk. Roer aanmekaar tot kook.
Vat die laaste melk en meng dit saam met die eier, vlapoeier en Maizena.
Sodra die melk/kondensmelk gekook het gooi die laaste melk mengsel met vla ens. by. Maak seker jy roer deeglik. Dit is geneig om vinnig vas te brand. Roer vir so 8 min en gooi die essense by.
Nou kan jy die mengsel in jou bak gooi en dadelik kaneel oorgooi.
Los vir so rukkie buite totdat dit afgekoel het dan kan jy dit in die yskas sit. (Maak asb. net seker dat die mengsel n bietjie dukker geword het voordat jy dit oorgooi.)
Die tert stol vinnig. Wat ek gewoonlik doen is ek kook die kondensmelk en melk in die begin in die mikrogolf dan hoef ek nie aanmekaar te roer nie en dit brand ook nie vas nie. Ek maak net seker dat dit nie oorkook nie.

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.