Ek staan op vir Afrikaans!

Welkom aan alle nuwe intekenare!  Gaan laai jou gratis resepteboek af by Pasella hieronder. Hierdie keer is dit 'n eBoek met mikrogolf resepte.

Hierdie uitgawe se resepte is sommer net 'n mengelmoes van lekker resepte, gaan kyk gerus hieronder.

Die sokker kom nou al nader, dit kom al by my ore uit en gaan nog erger word. Ek hoop maar alles werk mooi uit en dat dit nie net 'n groot verleentheid vir ons sal wees nie. Ek hoop maar  as alles verby is dat al die stadions onderhou word en dat hulle nie ten gronde sal gaan nie. Ons praat weer oor 'n paar jaar!

My nuwe resepte eBoek CD is nou beskikbaar, 60 resepteboeke sowel as Boererate op een CD, sien verder ondertoe vir besonderhede en lys van boeke. Gaan kyk gerus na die verskeidenheid van boeke wat op die CD is verder ondertoe.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Custom Search

Wil jy dalk GROOT droom? Vat 'n kans op die UK Lotto of een van die ander Europese Loterye. Die een het 'n groter boerpot as die ander! Die minimum boerpot is R45 miljoen, sommer gereeld R75 miljoen en hoër! Dis heeltemal veilig om te speel, onthou, jy kan nie wen as jy nie 'n kaartjie het nie! Klik hier  en droom Groot! Die Powerball Lotto is tans $150 miljoen, dis 'n stewige R1,050,000,000!!!

En onthou tog om my besoekersboek te teken? Hy was vir 'n hele tydjie aflyn maar is nou weer terug.

Baie dankie aan Leon van Nierop en ook RSG vir die vergunning om teks van hierdie reeks te gebruik:

 Die mense sit ademloos in Parys en wag vir een van die eerste bewegende rolprente om te begin. Die ligte verdof... en dan gebeur dit... Mense stroom uit ‘n fabriek, ander mense loop in die straat verby. Oulik, maar nutteloos, sê die geldmanne. Wie wil nou na ‘n fliek kyk oor mense wat van links na regs oor ‘n rolprentdoek loop?

Maar toe die rewolusie. Die regisseur van THE GREAT TRAIN ROBBERY, Edwin S. Potter, laat ‘n trein in 1903 donderend op die kamera afstoom sodat dit lyk of die lokomotief die gehoor gaan plattrap. Pandemonium bars los. Mense vlug, vroue word flou, ander storm uit. En toe weet die vervaardigers: die era van die Groot Verbeelding is hier. Die nuwe uitvindsel sou ‘n rewolusie veroor-saak! En toe rig ‘n skurk sy rewolwer op die kamera rig en trek ‘n skoot af!

Mense in die teater kap om en die era van die fliek word gebore waar mense hulle so inleef in wat op die doek gebeur, dat hulle nie tussen werklikheid en illusie kan onderskei nie... Die kleinboet van die kunsvorms word ook die mees kragtigste en geliefde.... En in Suid-Afrika word die eerste rolprent op ‘n baie vreemde plek gebore.... agter... op ‘n ossewa.....

Die Anglo-boere-oorlog breek uit. En die publiek, honger vir nuus oor veldslae, soek inligting. En William Dickson is daar met die eerste kameras om die oorlog geskiedkundige oomblik vas te vang... Reuse, lomp kameras word agter op ossewaens geplaas en reis deur die slagvelde op soek na die stories agter die geweerskote. Mense sterf, kanonne skiet, soldate sterf en die kamera sien dit.

Dickson se ambisie as rolprentmaker dryf hom om CNN met dekades vooruit te loop, en die eerste nuusfilm ter wêreld te skiet en die eerste Suid-Afrikaanse rolprent word op film verewig. THE ANGLO BOER WAR begin in 1899 ‘n tradisie maak van film in S.A. wat ons een van die eerste lande te maak om ‘n logiese opeenvolging van beelde te verfilm, ‘n sg dokumentêr as jy wil wat sin maak. Dit word as een van die eerste rolprente ter wêreld gesien. William Dickson was Thomas Eddison se assistent.

En Eddison is hoeka die vader van die eerste rolprentbeweging. Drie dae nadat die oorlog uitbreek, ry hy met loodsware toerusting oor die 200 kilogram swaar, wat op ‘n ossewa staangemaak is, kyk hy deur die lens, sien die oorlog en verfilm boer teen Brit maar met ‘n simpatieke oog na Brittanje.

Hy reis van die slagvelde van Ladismith na Kaapstad, van Bloemfontein na Pretoria... En dis hier waar hy die statige hysing van die Union Jack met groot respek en eerbied verfilm. En waar hy die vordering van die Britse magte met ‘n skerp kamera-oog dophou.

Die eerste rolprente in S.A. was stilrolprente sonder klank. Jy kon ‘n speld hoor val in die reuse ou teaters. Soms het iemand klavier of orrel gespeel om die emosie van die beelde te probeer weergee. Een van die eerste aksieprente in 1910 was Rufe Taylor se opruiende storie oor wat toe in Suid-Afrika gebeur het: THE KIMBERLEY DIAMOND ROBBERY...

Die diamantstormloop na Kimberley is uitgebeeld as skurke probeer om die diamante te kaap en van die delwers af te vat. Die kamea was staties en die mense stokkerig, maar die beelde was daar. Terwyl hy aan THE KIMBERLEY DIAMOND ROBBERY gewerk het, het Taylor ook kort aktuele programme gemaak wat vandag bekend is as NUUSFILMS.

Dit was die voorloper van AFRICAN MIRROR, nuusfilms wat weekliks in teaters gewys is en wat die politiek en ander gebeure van die dag vasgevang en aan ‘n honger publiek gewys het... Mense kon eerstehands kyk na nuusprogramme oor die ontstaan van Johannesburg, die Johannesburg-staking van 1914 en die woeste heerskappy van die Foster-bende, alles in wit en swart, maar die beelde beweeg. Die mense waai vuis, skreeu kamera toe en gooi hul hoedens in die lug. En Rufe Taylor vang dit wys en vertoon dit aan die publiek wat skielik voel: Hulle is DAAR!!.

Terwyl D.W. Griffith se meesterstuk THE BIRTH OF A NATION in 1915 in Amerika opslae maak, pak Suid-Afrika een van sy eerste epiese rolprent aan. Dingaan moor die Trekkers uit. En die slag van Bloedrivier verander die rivier in rooi water. Die magnaat Isadore William Schlessinger gee geld vir DE VOORTREKKERS in 1916. Die doek was in twee verdeel met Afrikaanse titels aan die een kant en Engelse titels aan die ander kant. Generaal Louis Botha was een van die eerstes om die rolprent te sien. Hy was aangedaan en meegevoer en verklaar: “Dit is hoe dit gebeur het. DE VOORTREKKERS is historiese akkuraat!”

Schlessinger knap die EMPIRE TEATER op as een Johannesburg se fliekpaleis waar DE VOORTREKKERS kan wys. Gustav Preller skryf die draaiboek en tegnici plaas flitskaarte tussen gevegstonele en moedelose mense wat oor die Drakensberge trek en die sweep klap. ‘n Ervare Britse regisseur wat na S.A. verhuis, Harold Shaw wys die moedige stryd van die Voortrekkers teen die natuur, die Britte en die impi’s. Duisende ekstras word gebruik in van die grootste massatonele wat ooit in S.A. verfilm is.

Dick Cruikshandks met Tom Zulu as Dingaan was die eerste spelers wat opgetree het. Mense het verstom gekyk hoe reuse-skares krygers die Voortrekkers bestorm en omsingel en hoe hulle terugveg. Al was daar nie klank nie loop die emosies hoog. Mense skreeu aanmoedigings in teaters, vroue huil, kinders kyk met verstarde oë en die Groot Trek herleef weer. DE VOORTREKKERS beleef sy premiere op 16 Desember 1916 in die Krugersdorpse stadsaal waar duisende mense saamtrek. Die reaksie was oorweldigend. Mense sing en gee applous vir die eerste groot Afrikaanse rolprent. Die Paardekraal Monument word terselfdertyd in gebruik geneem. DE VOORTREKKERS word uit die perspektief van die Voortrekkers vertel en kritici vra: “Maar waar is die ander perspektief? Hoekom sien ons net die een kant van die saak?” Maar die publiek stroom na ons eerste lokettreffer: DE VOORTREKKERS. Skielik kry tam woorde in geskiedenisboeke viriele en potente BEELD wat beweeg.

Schlessinger, ‘n Amerikaner wat via Ierland Suid-Afrika toe gekom het, stig ons eerste rolprentmaatskappy African Amalgamated Theatres en bou ons eerste rolprentateljee waar die KILLARNEY WINKELSENTRUM duskant Houghton vandag staan: Die Killarney Rolprentateljees. En hier is vele Afrikaanse rolprente gebore.

Schlessinger dink: Maar sal dit nie nog beter wees as mense kan tee drink en toebroodjies eet terwyl hulle na nuus- en ander films kyk nie, en die vlooifliek of tearoom cinemas begin in 1925. En toe dink Schlessinger: Hoe gaan ek mense trek om terug te kom? Hoe prikkel ek hulle nuuskierigheid en:

Hy kry die idee om kort uittreksels en hoogtepunte uit films te wys wat nog kom. En daar’s hy: die lokfilm word in S.A. gebore.
Wat mense aan DE VOORTREKKERS geraak het en in twee kampe verdeel het, was die woeste baarde van die mans, die uitspattige voortrekkerrokke van die vroue en die wreedheid van die Zoeloes wat glo oordoen was. So erg was die gevegte oor die kostuums op stel dat van die spelers die kostuums uitgetrek het en geweier het om verder aan DE VOORTREKKERS te werk omdat dit hul voorouers kwansuis sou verkleineer.

DE VOORTREKKERS was asemrowend suksesvol en baan die weg vir ander soortgelyke rolprente. THE SYMBOL OF SACRIFICE volg in 1931. Maar dit was die storie van ‘n nooi onder ‘n groen doringboom in die ou Transvaal, SARIE MARAIS in 1931, wat saam met MOEDERTJIE kop en skouers uitstaan as ‘n baanbrekerrolprente wat ‘n trotse Afrikaanse rolprentkultuur laat ontstaan het.  Hier was Afrikaanse stories oor Afrikaanse mense wat die Afrikaanse kultuur bevorder het.
ESTELLE: O Johan. Ek het jou lief en ek sal jou altyd liefhê. Ek sal altyd net jou Sarie wees.... En toe... ‘n wagkamer... ‘n stasie... twee bedroefde ouers.... ‘n vrou van skynbaar losse sedes... ‘n polisieman... en die verlore seun wat terugkom... almal wag vir.... DIE TREIN....

Hennie-Boet het geld gesteel.... hy is uit die tronk vrygelaat... en hy keer terug na sy ou grysaard van ‘n pa en sy moedige ma om ‘n bekentenis te doen.
MOEDERTJIE het die volk aangegryp met sy tragiese uitbeelding van ‘n ouerpaar wat in ‘n stasiewagkamer katkisasies met die verlede hou. En skielik is sy daar.... ‘n vrou met kaal arms en te veel grimering wat doelloos voor haar uitstaar. Hennie Boet is nog nie daar nie... Die pa stap nader en spreek die dame versigtig aan.
 As ek nog ‘n jongkêrel was ----

Die spel in Moedertjie, veral van Stephane Faure as die ma en Joan du Toit as die meisie was oordrewe, oorgeartikuleer en met ‘n deklamering vir die agterste sitplekke in ‘n leë teater. Die handgebare was groot en oordrewe. Die gesigte in profiel vir die kamera, die uitdrukkings oordadig pynlik. Maar hulle het AFRIKAANS gepraat en het die feit betreur dat ‘n boereseun deur die stad en bendes verlei is om die spoor byster te raak, geld te steel en in die tronk te beland.

MOEDERTJIE word ingelei deur ‘n flitskaart wat sê:
‘n Klankrolprentverwerking van IN DIE WAGKAMER deur J F W Groskopf. 1914. Weggeskuil in die harjie van die Bosveld staan die huisie van Tante Koester...

In die rol van die tragiese Hennie Boet is die vader van die Afrikaanse rolprent. ‘n Akteur wat later talle rolprente as regisseur sou vervaardig EN DIE Afrikaanse rolprent na ‘n volgende vlak van vermaak sou neem: PIERRE DE WET. Sy karakter, Hennie, sou aan die einde van Moedertjie, soos Anna Karenina, hom uit skaamte voor die trein werp .omdat hy sy ouers en nooi wat hy in die steek gelaat het en wie se hart hy gebreek het.... nie langer in die oë kon kyk nie. Stephane Faure in swart rok en Voortrekkerkappie treur oor die onregverdigheid van die lewe en die tragedie van ‘n verlore seun wat deur die stad en bendes verlei is.

Sarie Marais, sê die destydse filmmakers, was die naaste wat die Boerevolk aan ‘n tweede volkslied sou kom. Sarie, wat so ver van my af woon nog voor die oorlog het begin se tragiese verhaal moes vertel word. In beeld en in Afrikaans.
Destyds het die storie gegaan oor ‘n Krygsgevangene Jan ( William Matthews, wat terugkom S.A. toe na die Anglo-Boere-oorlog. Joan du Toit, ook in Moedertjie, is die treurende Sarie. Jan droom van die dag wat hy na sy eie Sarie Marais sou teruggaan wat onder ‘n doringboom by ‘n idilliese waterval, suiwer in haar liefde en verlatenheid, op hom sou wag.
Jare later, in 1949, sou C FRANCIS COLEY dieselfde storie neem en dit “moderniseer” met Helen Faul as Sarie, Johann Nell as die boereseun Johann, Anna Cloete as Aletta en ‘n jong Wena Naude as tant Annie. Musiek deur Hendrik Susan en sy orkes en die draaiboek: C J Hattingh. Terwyl hierdie musiek speel wys die kamera die skoonheid van S.A. tot dit stop by die groen doringboom in die Ou Transvaal.

Die mees gewaagde deel van die rolprent was Helen Faul wat kaal in die rivier geswem het en per ongeluk deur ‘n geskokte maar aangenaam verraste Johann gesien is. Na verskeie misverstande en liefde wat nie wil sterf nie, sterf Johann in ‘n skermutseling met die vyand en Sarie word blind.

Nasietrots moet versterk word, sê die Afrikaner. In 1938 voltooi AFP PRODUCTIONS DIE BOU VAN ‘N NASIE. Dit sou ons beeld in die buiteland versterk en word gemaak ter viering van die inwyding van die Voortrekkermonument. Geld is geskenk deur die S.A. Spoorweë en Hawens. Die rolprent begin met Bartolomeus Diaz se besoek in 1486 en eindig met Uniewording in 1910. Die eerste titels spel presies waaroor die rolprent sou gaan:
 “Hierdie is a sage van hoë ideale en stoere deursettingsvermoë, die storie van die mak maak van ‘n woeste land, die tem van woestaards en die bou van ‘n nasie.”
Die rolprent beleef sy glanspremiere vol hoogwaardigheidsbekleërs op 29 Mei 1939 in die Empire Teater. Dit word gevolg deur “‘n Nasie hou koers” in 1940 deur Dr. Hans Rompel toe 8 nabootsings van Groot Trekke uitgebeeld is. Die plakkaat wys ‘n trotse boer met ‘n veldhoed, gespierde arms en ‘n fakkel wat opkyk na die toekoms en aankondig: ‘N NASIE HOU KOERS.

In hierdie dae word nog reuse-teaters gebou soos die Colosseum in Jhb en die Alhambra in Kaapstad. Die eerste advertensies word in 1938 geskiet toe William Boxer die Alexander Rolprent ateljees stig en advertensies verfilm. Hier kon mense in gerief kyk na die volgende Afrikaanse rolprent: J Sinclair se DOGTER VAN DIE VELD in 1933 oor ‘n Voortrekkermeisie, Sannie Grobbelaar en haar ouers wat in die wrede Afrika probeer oorleef teen die aanslae van die natuur.

Nog rolprente oor die Voortrekkers volg soos ONS STAAN ‘N DAG OOR in 1942, gegrond op die ware verhaal van twee kinders wat in die wildernis verdwaal en deur ‘n Boesman gered word. C.J. Langenhoven se DONKER SPORE met Gideon Roos en Esther Mentz volg in 1944, en daarna kom PINKIE SE ERFENIS in 1946 en DIE WILDSBOUDJIE in 1946.

Maar het Afrikaanse rolprente net bestaan uit snuif en trane? VADERTJIE LANGBEEN het ook ‘n tragiese agtergrond gehad, maar hier word ‘n ontroerende storie vertel van die Sonskynweeshuis waar Gertruida Adendorff deur ‘n weldoener, Vadertjie Langbeen gered word wat sy nooit ontmoet tot aan die einde nie. Hy help haar om koers te kry....

Na 'n lang afwesigheid is minette trug, ek gaan elke keer een van haar stories plaas, hulle is geskryf toe sy nog verbonde was aan 'n koerant in Namibië. Kontak Minette hier.

Jan Rabie se huis

IN Strandloperstraat op Onrusrivier staan ‘n verlate huisie geduldig en wag.
Nie ‘n opvallende huisie nie, inteendeel, ‘n huisie so toegegroei en toegemaak dat ‘n mens hom maklik in die verbyloop sal verbykyk in ruil vir die indrukwekkende woning oorkant die straat.
Maar vir die gelukkiges was dié ‘n huisie vol weet, van woorde, van herinneringe, van tye wat vir ewig verby is.
Jan Rabie se huis.
Ek leun ongenooid oor die skewe tuinhekkie en probeer met oë toe en ander sintuie oop om ‘n stukkie van die wonders wat daarbinne was, te voel.
Te luister na die gesprekke wat oor bottels rooiwyn, bakke seekosse en ryprooi tamaties, uit hierdie tuin, tussen die legendes van ons menswees gevoer was.
Om te probeer sien wat Marjorie Wallace kaalvoetig onder die gedruis van Uys Krige en Chris Barnard se stemme geskilder het. Om André P. Brink se bydraes te probeer verwerk en te wonder, waar is die betowering van woordsamesyn nou heen?
Om te leer hoe om net een keer met die intensiteit van ‘n Ingrid Jonker lief te hê en die moed te kan kry om Breytenbach se woorde te steel en vir ‘n man in ‘n ver, ver land te sê, ek mis jou so, ek stik vir jou ‘n brief.
Maar die vensters bly stom en al wat beweeg is die swart waghond wat huil.
En ek wil huil omdat ek niks ooit kan vashou nie, omdat ek nie die agteruit vooruitgang van die mensdom kan terughou nie. Want die towenaars van toé is almal hier weg.
En ek is seer omdat ek nie deel kon wees en met kindsbene die kans gehad het om onder tafelpote daarbinne te lê en kennis van die aand vir die donker vorentoe op te doen nie. Omdat dit nooit weer só mens sal wees nie.
Sewe dae by die Silbersteins was nie lank genoeg nie, mnr. Leroux, en waarheen moet ek heen met al Breytenbach se boenks om die druppende waterkraan in my tuin?
Het ek die geld gehad sou ek die huisie wou betaal en hom net so laat staan vir vorentoe se onthou. Uit dankbaarheid vir hulle wat my lewe met woorde vol boeke en boeke vol drome kon vul.
Want weldra sal die stootskrapers van ontwikkeling ingestoot kom en plek maak vir knophuise vol nikswetende vakansiegangers en niemand sal ooit glo dat dit heiligskennis is nie.
En aan die straatkant van die tuinhekkie is daar net die skerp lig van realiteit en die waghond se blaf en al wat ek kan doen is om te vra, seën my, Jan Rabie, seën my met insig om jou huisie se spoke myne te maak, sodat ek in ‘n laaste poging wél eendag die kans kry om my eie woordhuis te bou.
En wanneer die tyd aanbreek om my vleeshuis te verlaat, mag ek die eer van my eerste glas rooiwyn saam met jou aan die anderkant kry?
Tot dan sal ek elke kans benut om jou en jou vriende lewend te hou en al julle woorde in my hart bewaar, want ek kan die stootskrapers van alle kante hoor kom.
In Strandloperstraat op Onrusrivier staan ‘n verlate huisie geduldig en wag en toe ek die skewe tuinhekkie onder my arms loslaat, kon ek sweer ek het iemand hoor fluister: my hand van stof kan die rotse nie trotseer nie, maar die meeue kan…

Paypal is seker die populêrste manier om veilige betalings deur middel van die internet te stuur en ontvang. Meer as 200 miljoen mense maak van Paypal gebruik om betalings te ontvang en aankope te doen. Alles sonder dat jou kredietkaartnommer of bankbesonderhede ooit bekend gemaak word.  Mens kan aankope maak van handelaars in 76 lande en betalings ontvang van mense in om en by 190 lande. Tot onlangs kon Suid Afrikaners wel 'n Paypal rekening hê maar daar was geen manier om fondse van jou tjekrekening na Paypal oor te plaas of geld vanaf jou Paypal rekening oor te plaas nie. Nou het FNB egter 'n ooreenkoms met Paypal aangegaan en nou is dit moontlik om fondse oor en weer oor te plaas.

Dit maak die internasionale mark nou beskikbaar vir Suid Afrikaners. Nou kan mens jou produkte oor die internet wêreldwyd oor die internet adverteer en verkoop en die koper kan gerus wees dat sy bankbesonderhede veilig is.

Kontak FNB vir verdere besonderhede of gaan na hulle webwerf.

Hand aan hand met die beskikbaarheid van Paypal aan Suid Afrikaners is nou ook die beskikbaarheid van eBay. eBay wat sover ek weet die grootste veilings weberf op die internet is. Mens kan letterlik enigiets op eBay koop of verkoop. Mense wat ek ken in Amerika maak 'n bestaan uit eBay wat 'n versamelaars mekka is. Hier is nou geleentheid om van alles wat jy nie meer wil hê nie, ontslae ta raak. Glo my, iemand, êrens sal daarin belangstel en op jou item bie. Paypal is die voorkeur betaalmeganisme van eBay.

Kortliks werk dit so. Sluit aan by eBay. ( www.ebay.com ) Besluit watter item jy op veiling wil sit. Omdat jy in Suid Afrika is en jy die item aan die koper sal moet pos, stel ek voor dat jou item klein en lig is om posgeld te bespaar en daardeur die posgeld asook die prys laag te hou. Kom ons neem aan die item het jou R20 gekos. Jy wil ten minste R40 daarvoor hê plus jou posgeldonkoste, kom ons neem aan die posgeld is R10. Jou reserwe prys moet dus R50 wees om R20 wins te maak. Neem 'n foto van jou item en plaas dit op eBay, veilings hou gewoonlik 'n week. Jy kan daagliks dophou wie op jou item bie en wat die huidige bod is. Aan die einde van die week kontak jy en die koper mekaar, hy betaal die bedrag in jou Paypal rekening is en jy pos die item. As jy gelukkig was, is die hoogste bod veel meer as die reserwe prys en jy maak 'n lekker wins.

eBay werk op 'n vertroue basis. Sodra 'n transaksie afgehandel is, plaas jy 'n kommentaar op die koper se eBay en hy plaas 'n kommentaar op joune. As alles glad verloop het is albei kommentare positief en jy begin so 'n rekord opbou van positiewe verslae. Dit sal toekomstige kopers gerusstel dat jy eerlik en betroubaar is.

Voorbeelde van items wat ek al suksesvol op eBay verkoop het: seëls , muntstukke, "comics", boeke, gaan kyk gerus self op die eBay webwerf wat alles daar op veiling is. Ek kan jou verseker dat as jy eers in die ding is, is dit vet pret en dit kan winsgewend ook wees!

Daar is 'n geringe koste by die plasing van jou item en nog 'n geringe koste as die item verkoop, geen verdere koste as die item nie verkoop nie.

Vra my maar as jy meer wil weet.

Dankie vir Loot Eksteen vir die volgende interessante inligting oor die Super 14 rugby.

Regs klik op die skakels om die dokumente af te laai:

Super 14 - 2010

Super 14 - Franchises

Ek het besluit om al die Afrikaanse resepte eBoeke wat ek het op en CD te sit, dis omtrent al die resepte wat mens ooit sal nodig hê. Nou hoef jy nooit weer 'n resepteboek te koop nie en teen minder as R1.70 per boek is dit baie billik.

Hier is die lys van boeke:

101 Kraakvars slaaie, 101 Onweerstaanbare poedings, 110 Spyskaarte vir die werkende vrou
5 Beste van alle geregte, 217 Egte Afrikaanse resepte, Aartappels, Beskuitresepte, Afrikaanse Resepteverskeidenheid, Brood resepte, Vul die beskuitblik, 'n Broodjie vir die blik, Blokkieskoek, Burgers Patties Frikadelle, Brood resepte, Drankies, Drinkgoed, Gemmerbier, Groente, Eet jou groente, Hoender resepte, Happies en Poffers, Kaaskoek, Ietsie anders resepte, Kerskoeke, Karavaan resepte, Kleinkoekies, Kinderlekkerte, Koekiedrukker resepte, Koeke, Likeur, Lekkergoed resepte, Nog resepte, McCain resepte, Moedersdag resepte, Mikrogolf resepte, Peterjasie se boek, Pastageregte, Peterjasie se Kersresepte versameling, Peterjasie se eBoek van vernoemde resepte, Poeding, Peterjasie se Tradisionele SA resepte
Resepte met biltong, Resepteverskeidenheid - ook grootmaat, Slaaie, Sommer net resepte, Sop in die pot, Sop resepte, Terte, Sous, Verskeie resepte 1, Souttert & Pannekoek, Vis en hoender, Veelsydige hoender, Vleisgeregte vir Kersdag, Verskeie resepte 2, Warm en koue drankies, Vleisresepte, Wille samies, Wafels en Pannekoeke, Wors en worsies

Allerlei

Annette se Boererate, Boererate en Verbruikerswenke, Hartstigting dieet, Lennons medikasie, Mate en gewigte, Sop dieet, S A Boererate eBoek, Metrieke omskakelingstabel, Werk van die huis

Die CD kos R100, geregistreerde posgeld ingesluit (dis om en by R1.60 per boek). Met Fastmail koerier, volgende dag aflewering, kos dit R130.

As jy die Fastmail metode verkies kan ek vir jou onmiddelik 'n spoornommer (tracking number) gee, dit sal jou gemoedsrus gee aangesien jy 'n oorbetaling moet maak aan iemand wat jy nie ken nie.

Klik hier om my bankbesonderhede te kry, onthou om ook jou posadres te verskaf

 Klik net hier , registreer en koop 'n kaartjie. Dis doodveilig, en sodra die transaksie afgehandel is, kan jy begin droom, lekker groot droom. En as jy vir die eerste keer registreer kry jy nog 'n gratis kaartjie ook! Waarvoor wag jy? Sien verder ondertoe vir besonderhede van die gratis kaartjie.

Regs klik om 'n foto af te laai wat ek onlangs in Mosselbaai geneem het

Alles wat jy wil weet oor Boeremusiek.

Hierdie is die webblad van Kalie de Jager en is spesifiek daarop toegespits om die Versameling...Bewaring...en Uitbouing...van Boeremusiek aan te spreek.

Klik hier om sy webblad te besoek.

Johnny Booyse

Ekke is ook op Facebook, as jy dalk 'n Facebook profiel het en by myne wil aansluit, klik net hier. Hoe meer siele hoe meer vreugde. My Facebook eposadres is peter@funkymunky.co.za

Mirna is ‘n opvoedkundige sielkundige in Stellenbosch. Sy het onderwys gegee by verskeie skole, o.a. Hoërskool Stellenbosch, Hoër Meisieskool Bloemhof en Jan Krielskool vir leerders met hindernisse tot leer. Sy is ‘n ma, lief vir die kunste, die see en kinders. Jy is welkom om kommentaar en vrae te stuur na mirnafvanwyk@gmail.com

Lewensles in karakter

Baie dankie vir almal wat so positief gereageer het op die vorige brokkie . Dit het lesers geraak op verskeie vlakke: party is herinner aan hulle eie waarhede, party het nuwe insigte verkry en party het ‘n slag positiewe besluite geneem tov hulself en hulle gesinne.
Vandag wil ek ‘n ware verhaal en les in karaktervolle lewensingesteldheid met julle deel. Baie dikwels hoor mens dat daar nie meer rolmodelle vandag nie. Maar die waarheid is dat ons nie meer die helde raaksien nie, miskien omdat ons waardes so versmelt het met die breë samelewing dat ons nie meer eerbare gedrag herken nie. Maar inderwaarheid is daar navolginswaardige gedrag elke dag te vinde.
Die een skool se se laaste naelloper in die aflosresies het die stokkie sowat 20 meter voor die volgende skool se kampioen ontvang-die agteros was lank, gespierd, aantreklik en vinnig. Die hele pawiljoen was op hulle voete. Die spoed waarmee die tweede hardloper die spasie verkort het, was asemrowend. 10 meter voor die eindstreep het hy die voorste hardloper verbygesteek en terwyl hy dit doen, sy hand opgesteek en ‘n nare handgebaar vir hom gewys. Een skool snak na hulle asems en die ander skool vier fees. Na die tyd het die verloorder deur die gemaal gebeur om die wenner geluk te wens-maar die wenner het sy rug op ordentlikheid en die gelukwensing gekeer-en verder die respek van baie toeskouers verloor.
Alhoewel die storie effens interessant is, is wat die volgende dag in een van die skole gebeur het insiggewend. Die “verloorder” het die kampioen in die oë van sy skool geword, en die “wenner” is met minagting geheen. Kinders het tuis gekom met ‘n mondvol oor hoe om eervolle lewens te lei-die skool het die geleentheid aangegryp om kinders op te voed en nie net te leer nie.
Gryp jy sulke geleenthede aan om karaktervolle en eerbare keuses te onderstreep vir jouself en gesin ? Herinner jy jouself gedurig dat jy lewe in diensbaarheid tot ander- om die wêreld ‘n beter plek te maak?
Alhoewel die kampioen die wedloop gewen het, het hy die respek van die toeskouers verloor - het hy die toets van karakter verloor. Jy kan wen en nog steeds ‘n “loser” wees .
‘n Ryk sakeman, ‘n kliënt van my, kla ander dag by my dat hy die respek van kollega’s en die vrees van werknemers gewen het , maar die een ding wat van kristal gemaak is-sy familie-verloor het. Deur te dink dat hulle hom sy ontrouheid en afwesigheid sal vergewe, is hy nou ‘n gerespekteerde, ryk en EENSAME ou man.
Ongelukkig leer ons sulke lesse soms eers wanneer dit laat is. Ons lewe net een keer op aarde-besluit binne watter reëls en waardes jy van nou af sal leef. En leef elke dag eerbaar en “self-bewustelik” volgens hulle.
Seënwense van hart tot hart. 

Vir al die hikkers onder ons, na dese sal julle nooit meer hik nie:

HIK...Gooi asyn oor 1 teelepel suiker sodat dit net nat is...en eet dit..die hik sal dadelik stop.
HIK… Maak die persoon skrik en die hik gaan weg.
HIK…7 handevol water sonder om asem te haal stop hik onmiddelik
HIK…As jy hik drink een teelepeltjie asyn en die hik verdwyn dadelik.
HIK…Drup so 20 druppels wit dulcies in 1 eetlepel suiker en eet dit.
HIK…Gooi 1 teelepel koeksoda in ‘n ½ glas water en roer..drink dit…. herhaal elke 2 uur solank jy nog hik.
HIK…Laat die persoon wat hik sy vingers in sy ore sit teryl jy vir hom ‘n glas water ingee om te drink…die hik sal weg wees.
HIK…Meng 1 groot eetlepel koffie en 1 eetlepels wit teesuiker in ‘n koppie en gooi dan kookwater op en laat trek. Neem 1 eetlepelvol elke 2 ure tot die hik gestop het…dit kan so 12 ure neem.
HIK…Neem ‘n paar druppels terpentyn op suiker en die hik sal verdwyn.
HIK…Neem ‘n swart hoenderveer en stop dit in papier en rook dit. Sluk bietjie van die rook en die hik sal weg wees.
HIK…Neem 9 slukkies water agtermekaar sonder om asem te haal en die hik sal weg wees.
HIK…Neem een eetlepel wit asyn en hik sal ophou
HIK…Neem sagte…groen koringblare en sit in ‘n skoon lap en stamp baie goed. Druk die sap goed uit en drink daarvan.
HIK…Rook hoendervere
HIK…Se die rympie op terwyl jy jou asem inhou. Se dit 7 keer…so vinnig as jy kan. Ek en die hik gaan oor die see…Die hik bly daar…En ek kom weer.
HIK…Sit ‘n groot teelepel wonderkroonessens in ‘n ¼ koppie warm water en roer en drink elke 1 ½ uur.
HIK…Sit 1 teelepel heuning in ‘n ½ glas water en drink dit sonder om asem te haal.
HIK…Sit so ‘n ¼ teelepeltjie fyn neut op jou tong en suig dit as jy hik.
HIK…Stamp ‘n knoffelhuisie fyn en suig die sap deur ‘n skoon lappie en drink dan 1 teelepelvol. Dir hik sal weg wees.

Die Oorwinnaars
Eugene N Marais

By die kindergrafte uit die Konsentrasiekamp van Nylstroom

Oorwinnaars vir ons volk,
bly u vir al wat beste in ons is 'n ewig' tolk;
nooit weer sal vyandsvoet u stof so diep vertrap en smoor
dat ons u langer nie kan sien - en hoor.
Nie onse Helde, wat die magtig' leër
op glansryk' velde kon weerstaan en keer;
nie onse Seuns, wat aan die galg en teen die muur
die diepe liefde vir hul eie moes verduur;
nie onse Moeders, wat met bloeiend hart en seer,
in swart Getsemane die ware smart moes leer;
nie onse Generaals, vereer met krans en riddersnoer;
- was waardig vir ons volk die hoë stryd te voer
en te oorwin.
Nie ons, met vuile hand en hart ontrou was waardig
om die vaandel hoog te hou.
Maar u, o bleke spokies, in U kermend', klagend' wee,
staan voor ons ewiglik beskermend - uit die lang verlee.  

Gaan kyk na my nuwe fotografie webwerf . Sport fotos onlangs bygalas

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Regs klik hier om 'n resepte eBoek met Mikrogolf resepte af te laai.

Gaan kyk gerus na die webwerf hieronder om te sien watse wonderlike werk hierdie groep doen.
Webwerf: www.danvillehulp.co.za

Elsabé BlignautHuis: 012 991 3914
Sel: 082 828 2551
Epos: Elecnet@mweb.co.za

Zalome, wat nou in Amerika woon, bevorder ook Afrikaans op die net, klik hier om vir haar 'n epos te stuur, vra dan sommer ook besonderhede oor haar briewe wat sy uitstuur. Kom ons ondersteun haar ook! Dit kan net goed wees vir Afrikaans. Hoe meer mense 'n passie het vir Afrikaans en dit op die internet wil bevorder hoe beter vir ons mooi taal.

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier

Paramedic word tydens 'n kragonderbreking geroep na 'n huis waar 'n vrou in kraam is.
Daar aangekom is die enigste bron van lig 'n flits wat die 3-jarige Jannie vir hom moet vashou.
Groot oog kyk Jannie na alles tot waar die paramedic die baba aan sy voetjies oplig en sy boudjies hard slaan.
Die paramedic vra, "en wat dink jy hiervan Jannie?".
Jannie antwoord, "die klein donnel moeth ini eethteplek nie daa ingekluip het nie, MOEL hom wee!!!"

As jy dalk nog baie resepte wil hê, gaan kyk in die argiewe, elke nuusbrief bevat resepte en meeste van hulle het ook nog gratis aflaaibare resepte eBoeke.

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

Aspirasie in die werkplek

Wat maak 'n persoon suksesvol in sy werk? Daar is 'n hele aantal faktore wat dit bepaal soos belangstelling, aanleg, vermoeëns en so meer. Een van die belangrikste faktore is egter 'n mens se aspirasie.

Aspirasie is die drang of strewe na 'n droom. Dit is soortgelyk aan ambisie, met ander woorde 'n sterk begeerte om sekere ideale te verwesenlik en doelwitte te bereik.

Hoe belangrik is aspirasie in jou loopbaan? Die antwoord hierop lê in elke persoon se unieke menswees opgesluit. Jy bepaal self hoe belangrik of nie-belangrik is aspirasie vir jou. Vir een persoon is dit feitlik allesoorheersend om die boonste sport in sy beroep te bereik - hy het 'n brandende ambisie wat hom dryf om 'n groot sukses van sy loopbaan te maak.

Daarteenoor kan 'n ander persoon nie oor veel aspirasie in sy beroep beskik nie. Hy wil eerder sy tyd en energie versprei na ander fasette in sy lewe soos sport, stokperdjies, reis, vriende en familie. Nie een van hierdie genoemde persone is verkeerd nie. Jou aspirasies in jou loopbaan moet by jou menswees inpas, en by aspekte wat vir jou belangrik is.

Dit is ook nodig om te onderskei tussen die verskillende soorte aspirasies wat jy kry. Een persoon wil graag die hoogste sport in sy beroep bereik. Voorbeeld: hy wil nie net 'n onderwyser wees nie, maar streef daarna om departementshoof te word. Daarna op die leer van sy aspirasies is skoolhoof, vakadviseur, inspekteur, ajunk-direkteur en sy groot mikpunt is Direkteur van Onderwys.

Teenoor dit staan die persoon wat oor 'n ander tipe aspirasie beskik. Hy is ook 'n onderwyser, maar sy aspirasie is om die beste onderwyser in sy vakgebied te wees. Hy stel nie belang in bevorderingsposte nie, want sy ambisie is geleë in sy kwaliteit as onderwyser - hy wil 'n onderwyser by uitnemendheid wees.

Aspirasie is dus 'n persoonlike saak. Soms word ons op sleeptou geneem deurdat ander mense aan jou wil voorskryf wat jou ambisie in die lewe moet wees. Wanneer hul idee van aspirasie nie met jou idee ooreenstem nie, sal hulle jou maklik as 'n lamsak afmaak. Elke mens het egter die reg en verantwoordelikheid om die hoogte en diepte van sy eie ambisie te bepaal.

Moet 'n mens oor aspirasies beskik? Beslis ja. Hoewel aspirasie van mens tot mens verskil, is dit nodig dat jy wel 'n sekere maat van ambisie in jou beroep uitoefen. Ambisie gee jou dryfkrag, dit gee sin en betekenis aan jou loopbaan. Jy moet immers weet waarheen met jou beroepslewe wil gaan, anders eindig jy gefrustreerd en ongelukkig in jou loopbaan op.

Die volgende faktore is belangrik vir aspirasie in jou beroep:

· Aspirasie vra doelwitte
Dit is belangrik dat jy besluit wat in jou lewe belangrik is. Moenie toelaat dat ander mense jou voorskryf nie. Jy moet die reg opneem om oor jou eie lewe keuses te maak. Besluit self waarheen jy met jou lewe wil gaan. Wat is dit wat jy graag in jou loopbaan wil bereik?

· Aspirasie vra van jou energie en tyd
Sommige mense leef in 'n droomwêreld. Hulle het groot drome en ideale, maar dit bly net by praatjies en niks kom daarvan nie. Wanneer jy in jou hart 'n vurige begeerte het vir sukses, beteken dit jy moet energie en tyd daaraan bestee. So sal jy op kursusse kan gaan, oortyd werk en ekstra insit om by jou aspirasies uit te kom.

· Aspirasie vra opoffering
Bevordering, sukses en deurbrake kom met opoffering; dit val nie sommer net in jou skoot nie. Jy moet bereid wees om op te offer. Wanneer ander mense ontspan en 'n goeie tyd het, werk jy aan jou droom. Wanneer ander tou opgooi, is jy bereid om deur te druk. Lees gerus die biografieë van suksesvolle mense en jy sien hoe belangrik is opoffering om jou aspirasies te bereik. Lees byvoorbeeld die biografie van ons hartpionier Chris Barnard. Groot aspirasies vra gewoonlik groot opoffering.

· Aspirasie vra kundigheid
Wanneer jy aspireer na 'n sekere droom en doelwit, sal jy langs die pad ervaar dat jy sekere tegnieke, vaardighede en kundigheid kortkom. Die bereiking van jou aspirasies is direk gekoppel aan jou bereidheid en jou vermoë om jou kundigheid te verbeter; jou tegniek en vaardigheid verder te ontwikkel. Dis nodig om somtyds uit jou gemaksone te beweeg om sodoende nuwe horisonne te ontdek en moontlikhede te ontgin.

· Aspirasie vra balans
Balans is nodig anders tuimel jy oor na die een kant en verloor iets van jou menswees en potensiaal. Hoewel jy dus met groot geesdrif jou ambisie najaag in jou beroepslewe, sorg ook vir 'n gesonde balans met ander aspekte in jou lewe.

Kortom: aspirasie is nie net vir die leiers en bestuurders in die werkplek nie, maar elkeen wat in 'n beroep staan behoort na te dink, te beplan en met oortuiging die aspirasies van sy hart en verstand te volg.

'n Sprankie wysheid vir die dag
"Vermy kleinlike mense wat jou ambisie as nietig beskou. Die werklike magtiges sal jou laat voel dat jy ook groot kan wees. Moenie dat ander jou moed laat verloor nie." - Mark Twain -

Jy kan inteken op hierdie nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

APPELKOOS PAASBROOD
1 pakkie gis
250ml louwarm water
100ml louwarm melk
25g suiker
20g botter gesmelt
5ml sout
400g broodmeel
100g gedroogde appelkose
50g amandels, gerooster, gekap
10ml suurlemoenskil
30ml heuning

Meng gis, water, melk, suiker en botter. Sif sout en broodmeel saam en voeg by gismengsel. Knie deeg totdat dit elasties word. Laat deeg rys in ‘n louwarm plek vir 30 minute. Meng appelkose, amandels, suurlemoenskil en heuning. Rol verdubbelde deeg uit en skep appelkoosmengsel bo-op. Rol deeg op en plaas in langwerpige broodpan. Laat rys vir 30-45 minute. Bak teen 190C vir 20-30 minute of totdat die brood ligbruin en uitgerys is. Verwyder uit oond en laat afkoel. Lewer 4 porsies.

BAHAMA RUMKOEK
KOEK
315g koekmeel
270g suiker
15ml bakpoeier
1ml sout
110g botter, gesmelt
250ml melk
2 eiers, liggies geklits
60ml rum
5ml vanieljegeursel
250ml gemengde, gekapte neute

RUMSOUS
125g botter
250ml suiker
65ml water
125ml rum

Voorverhit die oond tot 180C. Smeer ‘n ringkoekpan van 22cm. Sif die meel, suiker, bakpoeier en sout saam. Plaas die botter, melk, eiers en rum in ‘n mengbak van ‘n elektriese menger, gebruik die menger se spaan om die mengsel te verroom. Voeg die meelmengsel by en klop tot die beslag goed gemeng is. Roer die vanielje geursel en neute by. Giet die beslag in die voorbereide pan en bak 30-40 minute of tot die koek terugwip wanneer jy liggies in die middel daarop druk. Smelt die botter en suiker vir die sous in die water in ‘n klein kastrol. Bring tot kookpunt, verwyder van die hitte en voeg die rum by. Giet oor die warm koek – laat heeltemal wegsink voor jy die koek uitkeer.

BEENMURGSOUFFLE
125g botter
125ml koekmeel
5ml Dijon mosterd
500ml volroommelk
150ml room
5 ekstra groot eiers geskei
sout, peper en neutmuskaat na smaak
125ml gerasperde parmesaankaas
beenmurg van 5 gesaagde murgbene, sowat 3cm dik

Smeer 8 ramekinbakkies goed met botter. Smelt die botter. Roer die meel stadig by en roer sowat ‘n minuut oor ‘n lae hitte. Geur met mosterd. Voeg die melk stadig by terwyl aanhoudend geroer word. Maak seker dat die mengsel glad en sonder klonte is. Voeg dan die room by en bring tot kookpunt terwyl gedurig geroer word. Geur met sout, peper en neutmuskaat en roer die kaas by. Laat effens afkoel. Klop die eiergele deeglik en voeg dit by afgekoelde witsous mengsel. (tot hier kan jy dit 2 uur voor die tyd berei en laat staan – bedek dan met ‘n vel waspapier om te voorkom dat dit ‘n velletjie vorm. Vou egter die eierwitte teen die einde in.) Voorverhit die oond tot 190C. Klits die eierwitte styf. Vou dit liggies by die witsous in. Skep in die voorbereide bakkies en druk ‘n paar stukkies beenmurg in elk. Bak sowat 15-20 minute of tot goudbruin en gepof. Sit onmiddelik voor.

BIERBREDIE
60ml olie
1 groot ui, gekap
2 knoffelhuisies, gekap
80ml koekmeel
sout en varsgemaalde swartpeper na smaak
250ml bier
1kg stowe beesvlleis, in 15mm blokkies gesny
250ml rooiwyn
375ml beesvleisaftreksel
50g tamatiepasta
15ml gekapte vars of 5ml droë gemengde kruie
3 wortels in ringe gesny
3 aartappels, geskil en in kwarte gesny

Verhit 2 eetlepels van die oli in ‘n groot kastrol oor matige hitte en braai die ui en knoffel tot sag en bruin. Skep dit met ‘n gaatjieslepel uit en hou eenkant. Geur die meel met sout en peper en rol die vleisblokkies in die meel om dit te bedek. Die meel kan ook in ‘n plastieksak gesit word en dan kan die vleisstukkies daarin geskud word. Braai die vleisblokkies in kleiner hoeveelhede in dieselfde kastrol as waarin die ui gebraai is tot bruin. Voeg nog olie by indien nodig. Nadat al die vleis gebraai is, skep dit terug in die kastrol saam met die gebraaide ui en knoffel. Voeg die bier, rooiwyn, aftreksel, tamatiepasta en kruie by. Sit die deksel op, bring tot kookpunt, verlaag die hitte en laat dit 30 minute prut. Voeg die wortels en aartappels by en laat nog 50-60 minute prut tot die vleis sag is. Sit voor saam met rys. Lewer 4-6 porsies.

BYBELKOEK
50ml melk (Rigt 4:19)
15ml heuning (1Sam 14:26)
1 koekie vars of 10ml droë suurdeeg (Matt 13:33)
850g koekmeelblom (Matt 13:33)
5ml kaneel (Hoogl 4:14)
1ml sout (Lev 2:13)
500g gedroogde vye (Hah 3:12)
250g rosyntjies (1 Sam 30:12)
100g gepelde amandels (Num 17:8)
250g botter (Spr 30:33)
300ml suiker (Jer 6:20 in Engelse Bybel)
3 eiers (Jer 17:11)
100ml water (Gen 8:3)

Smeer ‘n diep koekpan van 23cm in deursnee en voer die boom en sye met waspapier uit. Plaas die oondrak op die tweede posisie van onder af en voorverhit die oond tot 160C. Verhit die melk en heuning saam tot sterk lou. Voeg die suurdeeg by en laat dit staan totdat dit ‘n skuimbol bo-op vorm. Sif die koekmeelblom, kaneel en sout saam. Sny die vye fyn. Sny die rosyntjies en amandels ook fyn en meng dit met die helfte van die vye. Meng hierdie vrugtemengsel met die meelmengsel. Verroom die botter en suiker saam. Roer die eiers een vir een hierby en klop goed na elke byvoeging. Voeg die vrugte-en-meelmengsel by en meng. Voeg die suurdeeg by en roer tot gemeng. Skep die deeg in die pan en maak dit gelyk. Bak dit vir 90 minute of tot gaar. Laat dit effens in die pan afkoel en keer dit dan versigtig uit. Kook die oorblywende vye en water saam tot ‘n smeerbare pulp. Smeer dit oor die koek en laat dit afkoel.

DONKER GEMMERKOEK
125g margarien
125g strooisuiker
2 eiers, geklits
10ml gouestroop
15ml melasse
220g meelblom
3ml gemmerpoeier
3ml bakpoeier
125g verglansde gemmer, grof gekap
30g gekapte okkerneute

Voorverhit die oond tot 180C. Smeer ‘n ronde koekpan liggies en voer die boom met bakpapier uit. Verroom die margarien en suiker deeglik. Klits die eiers, stroop en melasse by. Sif die meel, gemmer poeier en bakpoeier saam en roer by die mengsel in. Vou laastens die gemmerstukkies in en skep die mengsel in die voorbereide koekpan. Sprinkel die gekapte neute oor en bak 60-70 minute of tot ‘n toetspen skoon uitkom. Keer die koek uit en laat op ‘n draadrak afkoel. Lewer 1 klein koek.

DOZI SE BROODJIE
500ml witbroodmeel
12.5ml bakpoeier
5ml koeksoda
2ml sout
125ml sagte botter
185ml sagte bruinsuiker
2 eiers, goed geklits
5ml amandelgeursel
2ml vanieljegeursel
80ml pynappelsap
185ml geblikte fyn pynappel, gedreineer
250g droëvrugte koekmengsel
125ml rooi of groen glanskersies, gekap

Sif die witbroodmeel, bakpoeier en sout saam. Room diie botter, suiker en eiers. Voeg die amandel en vanieljegeursel by en meng. Roer die meelmengsel by die eiermengsel in. Giet die pynappelsap by en vou die pynappel, koekmengsel en kersies in. Giet dit in ‘n voorbereide broodpan en bak 1 uur of tot deurgaar by 180C. Laat die koek eers heeltemal in die pan afkoel voor jy dit uitkeer.

GEMMER EN KANEELMADELEINTJIES
2 groot eiers
80ml heuning
80ml sagte bruinsuiker
210ml koekmeel
3ml bakpoeier knypie sout
3ml elk fyn gemmer en kaneel
125ml botter, gesmelt
kaneelsuiker om oor te strooi
kolwyntjiepannetjie

Voorverhit die oond tot 180C en spuit ‘n kolwyntjiepannetjie met kleefwerende kossproei. Bring ‘n kastrol halfvol water tot kookpunt. Meng die eiers, heuning en suiker in ‘n hittebestande glasbak. Sit die bak op die kastrol met kookwater en klop die eiermengsel met ‘n elektriese klitser tot lig en skuimerig. Maak seker die boom van die glasbak word nie warm nie, anders kan die mengsel skif. Haal van die hitte af. Sif die droë bestanddele by die eiermengsel en vou in. Vou die botter in en bedek met kleefplastiek. Laat staan vir 30 minute. Skep die mengsel in die pan en maak die bokante gelyk. Bak vir sowat 10 minute tot goudbruin. Keer uit en laat op ‘n draadrakkie afkoel. Strooi kaneelsuiker oor. Lewer 8 porsies.

GEMSBOK EN PATATPOTJIE
1kg gemsbokrugstring, in kleiner blokkies gesaag
50ml olie
1 ui, in ringe gesny
1 groot knoffelhuisie, gekneus
sout en varsgemaalde swartpeper
1 lourierblaar
5ml droë tiemie
3 naeltjies
750ml vleisaftreksel
2 groot patats, geskil, in skywe gesny
50ml mediumroom sjerrie

Verhit 2 derdes van die olie in ‘n groot pot en braai die vleis daarin tot goudbruin. Skep die vleis uit en hou eenkant. Verhit die res van die olie en braai die ui en knoffel ‘n minuut lank. Skep die vleis weer terug en geur met sout en vars gemaalde swartpeper. Voeg die kruie en speserye asook vleisaftreksel daarby. Bedek, verlaag die hitte en laat prut tot vleis sag is. Rangskik die patats bo-op die vleis, besprinkel met die sjerrie en kook not 20-30 minute tot die patats ook sag gekook is. Geur met sout en peper indien nog benodig. Lewer 4-6 porsies.

GRONDBOONTJIEHAPPIES
625ml Rice Crispies
125ml grondboontjiebotter
125ml gouestroop
60ml droë klapper
ekstra klapper vir bedekking

Meng al die bestanddele saam totdat dit egalig gekombineer is. Neem opgehoopte teelepels van die mengsel en rol dit in bolletjies in die palm van jou hand. Plaas in ‘n skottel wat ekstra droë klapper bevat en rol die bolletjies daarin om die buitekant deeglik te bedek. Plaas eenkant om uit te droog in ‘n lugdigte houer. Lewer 32 snoepbolletjies.

HASELNEUT PEERKOEK
375ml haselneute
10ml gerasperde lemoenskil
125ml koekmeel
125ml suiker
40g botter
1 ekstra groot eier
1 eierwit
15ml marsala of enige ander soetwyn
6 vars pere
gekapte aarbeie en skywe droëpeer vir versiering

Voorverhit die oond tot 180C. Smeer ‘n reghoekige tertpan van ongeveer 32cm x 11cm en 2cm diep. Maak die haselneute goed fyn in die voedselverwerker en voeg die res van die bestanddele, behalwe 4 van die pere, een vir een by en verwerk tot goed gemeng. Druk vas in die pan. Sny die orige pere in dun skywe en pak bo-op die koek. Bak sowat 50-60 minute tot stewig. Laat afkoel en sny in skywe. Versier met droëpeerskywe en gekapte aarbeie. Lewer 1 langwerpige koekbrood.

Anna se Kombuis
Ek beskou Anna Eksteen as die koningin van Resepte eBoeke in Afrikaans. Sy het nou al 'n hele versameling van resepte eBoeke wat enige kossoort dek, en dit in Afrikaans! eResepteboeke is goedkoop en geen posgeld is betaalbaar nie, die boeke word per epos gestuur en is in 'n japtrap by jou. Klik gerus hier en kyk na die lys van nuwe resepteboeke en bestel gerus een, of sommer 'n paar! Of bel sommer direk vir Anna - 0822946799

Kletskous
Ons nooi almal hartlik uit om te kom klets by www.kletskous.co.za Ons het veral 'n groot tekort aan aandkletsers. Almal wat Afrikaans kan praat is baie welkom ons sien graag nuwe gesiggies in die kamer. Groete Moggy

Kinderstories op CDEen van die hoofdoelstellings van my webwerf en nuusbrief is om Afrikaans te bevorder. Hier is nog 'n besonderse manier, kinderstories op CD.STORIEKLUB lede ontvang 2 nuwe storie cds elke maand! Versamel al 48 CDs oor 2 jaar, of kanselleer jou lidmaatskap wanneer jy wil (minimum lidmaatskap-periode van 3 maande). Laai die intekenvorm af en betaal met gerieflike maandelikse debietorders.As jy dalk sou belangstel, klik net hier.

Wapadrand BoeredansgroepVir navrae of inligting kontak Danette gerus by 0829236177 of stuur ’n epos na danna.smith@resbank.co.za

Gratis oorsese Lotto kaartjie
Elke eerste keer registreerder kwalifiseer vir 'n gratis kaartjie in een van die groot oorsese Lotto trekkings, as jy dus nog NIE voorheen geregstreer het nie, gaan as volg te werk:Om te begin, gaan na:
http://ads.playukinternet.com/tracking/go/urlid/345/afftxtid/48/affid/343Nou moet jy eers registreer, klik Register/Registreer
Vul die vorm in.
Jy sal ‘n epos ontvang waarop jy moet bevestig.
Nou is jy geregistreer en kan begin speel.
Gaan weer na die skakel hierbo, klik op Sign in/ Teken in
Klik dan aan die regterkant op Account Balance/Rekening Saldo en jy sal sien in watter Lotto jy ‘n gratis kaartjie of “voucher” het. As daar nog niks wys nie, byt net vas, hulle laai elke voucher met die hand.
As jy dan een ry op daardie Lotto speel sal jy sien dat jy niks verskuldig is nie.
Jy sal die dag na die trekking ‘n epos ontvang met die nommers wat getrek was asook jou nommers.

Tuiswerk/Tuisinkomste Hier is iets wat werk, jy word nie oornag ryk nie, maar oor 'n tydjie sal dit vir jou ekstra inkomste inbring, al wat dit jou gaan kos is 'n geringe maandelikse fooi. Dis nie 'n foefie nie, ek het ingeteken en ek kry elke maand 'n krediet in my rekening, so dit kos my niks. Klik hier vir meer besonderhede

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.