Ek staan op vir Afrikaans!

Welkom aan alle nuwe intekenare!  Gaan laai jou gratis resepteboek af by Resepte hieronder. Sommer 'n hele klom kampkosresepte!

My nuwe resepte eBoek CD is nou beskikbaar, 60 resepteboeke sowel as Boererate op een CD, sien verder ondertoe vir besonderhede en lys van boeke. Gaan kyk gerus na die verskeidenheid van boeke wat op die CD is verder ondertoe.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Custom Search

Wil jy dalk GROOT droom? Vat 'n kans op die UK Lotto of een van die ander Europese Loterye. Die een het 'n groter boerpot as die ander! Die minimum boerpot is R45 miljoen, sommer gereeld R75 miljoen en hoër! Dis heeltemal veilig om te speel, onthou, jy kan nie wen as jy nie 'n kaartjie het nie! Klik hier  en droom Groot! Die Powerball Lotto is tans $150 miljoen, dis 'n stewige R1,050,000,000!!!

En onthou tog om my besoekersboek te teken? Hy was vir 'n hele tydjie aflyn maar is nou weer terug.

Baie dankie aan Leon van Nierop en ook RSG vir die vergunning om teks van hierdie reeks te gebruik:

Die Afrikaanse rolprent het in 1916 begin met DE VOORTREKKERS. Dit is gevolg deur Sarie Marais en Moedertjie in 1931.
Die mense het swaargekry in daardie dae. Dit was die dae van Die Groot Depressie en armoede. Rolprente het weerspieël wat gebeur het, en VADERTJIE LANGBEEN in 1953, gegrond op Jean Webster se DADDY LONGLEGS, het die tragiese, maar ook inspirerende verhaal vertel van ‘n weeskind wat in ‘n weeshuis beland het en toe die kans gekry het om haar slag te bewys.
Rita Bornman, Yvonne Theron en Esther Mentz het die vroulike hoofrolle gespeel asof hulle vir die verhoog speel met weinig kamera-bewegings waar die kamera nie geïnterpreteer het nie, maar net waargeneem het.
Pierre de Wet se regie was uitbundig en flambojant.
Patrick Mynhardt is die ywerige Barrie Cilliers, wat op Gertruida verlief raak, maar haar hart is by Vadertjie Langbeen wat sy nog nooit gesien het nie. Ons weet egter wie hy is. Dan doen die rolprent iets baie gewaagd, wat beslis oorgeneem is uit die Amerikaanse rolprente van daardie tyd. Wanneer Vadertjie Langbeen op ‘n oorsese reis vertrek, is daar ‘n montage waar sy reis van een eksotiese plek na ‘n ander meng om sy reis binne 2 minute af te handel. ‘n Stap vooruit vir die Afr rolprent van daardie tyd.

En uiteindelik moet Vadertjie Langbeen bieg wie hy is... en hy en Gertruida, ONTMOET uiteindelik en raak verlief. Die arme weeskind het met sy hulp, verander in ‘n pragtige swaan op universiteit wat nou gereed is om die lewe aan te durf. VADERTJIE LANGBEEN was een van Pierre de Wet se mees suksesvolle rolprente.
Maar die volk het genoeg gehad van lyding en lang gesigte. Vóór VADERTJIE LANGBEEN het PIERRE DE WET besef: die mense wil vermaak word. Hulle wil ook lag nadat hulle gehuil het. En toe maak hy DR. KWAK, gegrond op KNOCK van Jules Romains in 1948. Die musiek wys presies watter rolprent om te verwag.

‘n Nuwe dokter kom op ‘n idilliese plattelandse dorp aan met Pierre de Wet self in die hoofrol. Maar niemand op die dorp word ooit siek nie! Maar die dokter laat hom nie van stryk bring nie. Teenoor bekende spelers soos Gert van den Bergh, pa van Regardt vd Bergh, neem hy die dorp op horings! En skielik die groot uitpeul-oë van nog ‘n fors in die Afrikaanse rolprent van daardie dae: Al Debbo in een van sy eerste rolprentrolle as ‘n hakkelende inwoner wat nie herwaarts of derwaarts weet nie. Hier is Dr. Kwak besig om die mense van die dorp te organiseer en te mislei.

Hier doen Pierre de Wet iets nuuts. Hy maak meer staat op visuele humor, nie net dialoog nie. Dr. Kwakdoen liggaamsoefeninge. In ‘n eerste vir daardie tyd word ‘n geraamte in ‘n lae kameraskoot tussen sy bene deurgesien terwyl hy ‘n stuitige dans met die gebeente uitvoer. Gehore was histeries. ‘n Vrou in die gehoor moes gelawe word so het sy gelag.
Dr. Kwak is trots op sy nuwe praktyk, al kom die mense hom NET met ipekonders sien. En teen die muur waarskuwings soos PASOP VIR KIEME terwyl Dr. Hendrikus Hermanus Kwak trots sê: ‘Ek het te veel verstand vir ‘n politikus, daarom het ek in die medisyne gestudeer!” Hier waarsku die fietse ontvangsdame / verpleegster vir Dr. Kwak dat hy gaan swaarkry op Bergdal! Luister na die verfynde uitspraak, die oordrewe manier van praat en die deklamering – als van die verhoog af geneem.

Maar, danksy die hulp van die sagmoedige onderwyser, Mnr. Kopifa die apteker en BIE BIE BIE EN KIE-vendusie-afslaers raak die dokter tuis en werk alles uit vir die beste!

In die laat 40’s is daar steeds kostuumdramas soos SIMON BEYERS met Pierre de Wet en Eugene Heyns. Die Britse rolprent-tydskrif SIGHT AND SOUND beskryf de Wet as S.A. se nuwe wonderkind. Hy maak in 1949 een van sy grootste treffers. En die plakkaat kondig trots aan: SUID-AFRIKA SE EERSTE MUSIEKBLYSPEL: KOM SAAM VANAAND!!

Die Vader van die Afrikaanse rolprent, Pierre de Wet, kry ‘n stewige groep spelers bymekaar. Frans Engels skryf die draaiboek wat Pierre terstond verwerk en aanpas. Die storie: ‘n Ryk familie word sleg deur die Depressie geslaan. ‘n Moedige ma verduidelik aan haar dogter, Eugenie Heyns as Louise, dat hulle vendusie sal moet hou en van hul kosbaarste besittings afstand sal moet doen as hulle kop bo water wil hou.

En dis net hier waar nog ‘n baanbreker-komediant kans kry om sy slag te wys. Hy sou in feitlik elke Pierre de Wet rolprent hierna optree: Die geliefde Frederik Burgers wat tegelyk die tragiese en die komiese, die absurde en die geïdealiseerde saam in vertolking weergee.
KOM SAAM VANAAND wat, ten spyte van sy foute, steeds vandag gesien word as die eerste Afrikaanse musiekblyspel met bekendes soos Betsie de la Porte, Dirk Lourens en Hannes Uys, die pa van die bekende satirikus Pieter-Dirk Uys. Die geliefde boere-orkesleier, Hendrik Susan, tree ook in die rolprent op saam met die Braamfontein Jeugbondgroep olv Charles Manning, terwyl Jan Pohl en Danie Bosman se musiek ook gebruik word. Franz Engels skryf die draaiboek wat Pierre aanpas en die room van die musiekbedryf soos Con Lamprecht, Anton de Waal en Nico Carstens vir diens oproep. Hier tree Frederik Burgers voor die gehoor op en laat hulle in die paadjies rondrol van die lag.

Tjoeksie, Louise se sussie, beland in ‘n ongeluk as ‘n vleuelklavier op haar val en haar verlam. Sy kan net ‘n operasie bekostig as ‘n groot konsert gehou word waar geld ingesamel word. Die konsert is ‘n reuse sukses en skaterlag die mense vir Frederick Burgers en Al Debbo se manewales. En ‘n mens kry die indruk dat van hulle komiese sketse geimproviseer is. En so word Burgers gepromoveer na twee van sy bekendste rolprente soos AS ONS TWEE EERS GETROUD IS en PIET SE TANTE, gegrond op die klug: CHARLEY’S AUNT deur Brendan Thomas.
‘n Onnutsige student... ‘n baie volwasse Frederick Burgers kan geskors word omdat hy “ondeund” was. Maar sy ryk tante gaan ‘n ruim skenking aan die universiteit maak wat sal verhoed dat Piet geskors word. Die probleem is: sy is nie tans in die land nie en Piet wil aanhou swot. Piet fopdos as die ryk Mevrou Opperman en ontmoet die professor wat Piet wil skorsnatuurlik raak die professor verlief op mev Opperman en erg vatterig... Wat gewerk het met Frederick se spel was sy klipgesig, ook genoem dead-pan in Engels, waarin hy sy spel vir die kamera begin aanpas het en nie meer vir die verhoog nie.

Pierre de Wet het beslis geleer uit sy vorige produksies, want dié slag word al meer moderne rolprenttegnieke gebruik soos ‘n kamera wat krenk-bewegings uitvoer, met ander woorde dit beweeg van ‘n karakter se voete na sy gesig, daar is ‘n inzoem na belangrike klugtige voorwerpe en selfs ‘n sogenaamde swish pan waar die kamera vinnig van een voorwerp na ‘n ander ruk in plaas van om net in een redigering daarheen te sny. O ja... en dan, natuurlik, moes Frederick Burgers as Piet Louw ook nog sing. Die mense het tegelyk gelag en saamgesing. Een van die hoogtepunte uit PIET SE TANTE.

Die misverstande wat plaasvind wanneer die ander studente, almal hopeloos te oud om nog as studente deur te gaan, was die rede vir die rolprent se groot sukses. Maar groot is Piet se vernedering as hy, nog in vroueklere aangetrek, gekonfronteer word met die regte mevrou Opperman. Die kwaai professor is natuurlik woedend en jaag Piet rond sodat almal in die slottoneel, soos ‘n behoorlike klug betaam, in die swembad beland.

Pierre de Wet maak nog ‘n klomp rolprente soos JY IS LIEFLIK VANAAND, oom Piet se plaas , Hier’s ons weer, Altyd in My drome en ‘n Plan is ‘n boerdery in die vroeë vyftigs.
Maar dan word die Universiteit van Stellenbosch opgehemel en dien die swart-en-wit-rolprent MATIELAND as een van die beste advertensies nog wat die pragtige universiteit ooit kon kry. MATIELAND het ‘n yl verskonng vir ‘n storie gehad. Maar een ding is verseker: die studentegees, die pragtige dorp en die natuurskoon is ten volle benut. Hier word die skoonheid van die dorp en universiteit gewys en alles lyk absoluut idillies. Jan Perold dink die storie uit en Pierre de Wet skryf die draaiboek.

Die aantreklike Steyn de Jager speel die rol van ‘n boerseun, Andries, wat Stellenbosch toe kom. Maar hy wil eintlik rugby speel. Sy pa, wie anders as Frederick Burgers wat teen die tyd ‘n loket-naam was wat tienduisende mense getrek het, het egter ‘n appeltjie te skil met die professor wat Andries onder hande neem en nie daarvan hou dat hy met sy mooi dogter uitgaan nie. Maar Andries is dol oor Stellenbosch soos hy aan sy pa en ma per brief erken. Terwyl hierdie musiek speel word studentebedrywighede gewys waar meisies ‘n bed in die straat dra, verwarde eerstejaars die eerste keer op kampus aankom en geordende chaos heers met tonele van studente wat boeke koop en by die Ou Hoofgebou aankom. Maar elke liewe student lyk so onskuldig dat botter nie in sy mond kan smelt nie.

Andries is oorweldig deur wat hy sien en besluit: dit was die beste keuse nog in sy lewe. En hy kry Stellenbosch van meet af aan lief. Luister na die noukeurige woordkeuses wat te geleerd vir ‘n rou 18-jarige is wat eerder na ‘n man van 30 lyk. Luister na die amper blatante advertensie vir hierdie pragtige universiteitsdorp. Alles is prentjieboekmooi en rein en onskuldig.

Gou pluk Andries sy baadjie uit en raak ‘n bobaas rugbyspeler wat die nooientjies se fyn voetjies onder hulle uitslaan. Maar in die agtergrond BLY sy pa se vyandskap met Andries se professor, want sien, Andries se pa het sy nooi van die professor afgevry, en nou is die einste nooi Andries se ma... Hier hoor Andries van sy onnutsige kamermaats hoe ‘n wonderlike aster Vicky Potgieter is en dat sy net wag vir die regte boerseun.

Die rolprent was naïef en suiwer... ek wonder of die studente destyds hulleself in die fliek herken het, want selfs vir daardie tyd was die beeld van studentelewe darem ‘n snapsie te Skitterblink. Maar uiteindelik speel Andries vir Stellenbosch se eerste span rugby en kry hy die nooi EN die rugbybal. Met haar handjie in sy hand stap hulle gelukkig oor die Coetzenburg se rugbyveld pieke toe. En, wie weet, sê die rolprent indirek: Dalk word Andries nog eendag Eerste Minister!

Na 'n lang afwesigheid is minette trug, ek gaan elke keer een van haar stories plaas, hulle is geskryf toe sy nog verbonde was aan 'n koerant in Namibië. Kontak Minette hier.

Kettingbriewe

DIE anderdag kry ek weer een van daai kettingbriewe wat ek binne twee sekondes vir ‘n halfmiljoen mense moet aanstuur anders gaan my rekenaar ontplof/ek vir ewig sonder liefde wees/my toonnaels ingroei.
Ek wil heeltemal crack as dit gebeur, want al is ek nie vreeslik bygelowig nie, is daar tog altyd die krapperige gewonder dat ek wel die ridder kan ontmoet/tien miljoen pond van 'n wildvreemde tannie in Skotland kan erf/die Nobelprys vir letterkunde kan wen.
Pure simpelgeit.
En laat ek nou net een keer dit waag om die gemors aan te stuur aan al die kontakte op my adreslys, DAN reageer al die pêlle oor die aardbol skielik met vreeslike drif. Vir maande sal jy niks van hulle hoor nie, maar stuur net een gemorspossie en kyk wat is die reaksie. Hulle verwens jou tot in ewigheid.
Gewoonlik is hierdie kettingbriewe vol geluk twee duisend jaar gelede deur 'n monnik onder in die kelder van die een of ander obskure kasteel begin.
Die betrokke brief is ook al nege en tagtig keer om die wêreld (hoe weet hulle dit?) en as jy dit durf waag om die ketting te breek -- oee, -- wees bang, wees baie bang.
Dan het die 'skrywer' van die brief nog die vermetelheid om goed te sê soos 'een man in die VSA het die brief as gemors afgelag en die ketting verbreek. Twee minute later is sy kar gesteel, het sy vrou hom gelos, is hy afgedank, het hy masels gekry en uit 'n hoë gebou geval. Gelukkig kon hy onthou in watter vuilgoeddrom hy die kettingbrief gegooi het en het hy met koorsagtige haas tienduisend kopieë gemaak en almal in sy onmiddellike omgewing daarmee lastig geval. Binne 'n uur was sy vrou terug, is hy heraangestel, maar as besturende direkteur met 'n splinternuwe Volvo, die masels het opgeklaar en die beheerliggaam van die gebou waaruit hy geval het, het buite die hof geskik vir twee miljoen dollars.'
Hoe kan hulle 'n mens so bang praat? Natuurlik gaan jy aan die bewe as jy dink watter ellendes jou alles kan tref as jy nie dadelik begin afdrukke maak nie.
Deesdae dwing ek myself om dadelik die delete-knoppie te druk as dit lyk soos een van daai briewe. Wat die hart nie van weet nie, kan hy nie oor treur nie, of so iets.
Amper net so erg soos die geluksbriewe is die soppy mense wat vir jou 'n slide show stuur van wollerige diertjies wat deur koringlande rol, spekwang babatjies met vlerkies wat op pienk wolkies sit en kwyl, plate en plate vol wuiwende kosmosse en die diep, diep boodskap by elke prentjie soos: 'Daar sal weer 'n kwetterende gelag wees na die trauma' of 'Ek is altyd daar vir jou, al praat ons nooit en as ek dood is, sal jy in my hart wees.'
Die ergste van alles is dat jy en die afsenders van die diep woorde mekaar beswaarlik ken en jy het ook geen idee waarom die persone jou gekies het as die teiken van hulle emosionele ontlading nie. En behoede jou as jy weier om die hele bedryf weer terug te stuur na die afsender (dit het weer iets te make met die skakel wat nie gebreek moet word nie), dan kry jy sulke skreef ogies en 'n 'hmf, wil mos nie my vriendin wees nie' wanneer julle verby mekaar in die gang skuur. Nee, regtig.
Sou hulle die moeite gedoen het om my eers te leer ken, sou hulle baie vinnig geleer het dat ek altyd my oë begin rol as iemand lostrek met woorde van wysheid. (So gebore, ek het regtig geen beheer daaroor nie.)
Ek weet die skattige prentjies word seker met die beste bedoelings gestuur maar hou nou asseblief op. Dit maak my briesend as ek by my werkies probeer uitkom en tussen al die hordes e-posse eers vir 'n halfuur moet wag vir 'n verwerkte weergawe van Psalm 23 met byklanke en lugfoto's om klaar te speel.
En raai wat, ek SAL baie geluk hê van nou af. Al het ek in die afgelope week vyf geluksbriewe in vlamme laat opgaan.
Geduld is 'n gawe.

Ek het die volgende ontvang van vriendin Anna Eksteen. Soos ek haar ken gaan dit weer 'n uithaler boek wees en ideale geskenk vir Moedersdag, of selfs vir enigiemand anders. Hier is wat sy skryf, kontak haar gerus. Die boek is 'n eBoek en word per epos gestuur, dus kan jy dit reeds voor Moedersdag al ontvang.

Soos julle weet is dit eersdaags die 9de Mei Moedersdag.

Ek is tans besig met die samestelling van 'n oulike resepteboek met die titel LIEWE VRIENDIN, KOM ONS PAK 'N PIEKNIEKMANDJIE en wil ek by jou hoor of jy my nie asseblief sal ondersteun deur een van dit te bestel vir Moedersdag nie?

Nou sal julle my vra hoe bring ek Moedersdag en Liewe vriendin bymekaar, en my antwoord is as volg:

1. Baie keer is 'n mens se beste vriendin jou eie moeder of jou skoonmoeder.
2. Baie van ons het nie meer 'n mammie nie en sal ons dit graag aan iemand wil gee wat hul plek ingeneem het.
3. Dalk wil jy jou vrou net bederf vir die spesiale moeder wat sy vir jou kinders is.
4. Dalk is daar net iemand van wie jy weet wat 'n opkikkertjie nodig het, al is sy nie 'n moeder nie en al het sy nie 'n moeder nie, Hierdie e-boek is vir ALLE vroue, en nie net diegene wat die titel ma, moeks, mammie of moeder dra nie. My beskeie mening is dat elke vrou met natuurlike moederinstink gebore word, en dus in haar wese die moederlike / vriendin rol op een of ander stadium in haar lewe vertolk. Of dit is vir jou eie kinders, vir jou lewensmaat , of toe jy ‘n klein dogtertjie was vir jou poppe ma-ma gespeel het en of dit is dat jy vir die hondjies, katjies of voëltjies kos gee. Die moederinstink / vriendin sal daar altyd wees, so ook die behoefte om te versorg, te bederf, te beskerm en te vertroetel. Al hierdie dinge, is ma /vriendin wees dinge, en alle vroue het 'n begeerte daartoe.
5. Dalk wil jy jouself net bederf want jy is jou eie beste vriendin. Niemand ken jou so goed soos jy jouself ken nie.

Die boek handel oor vriendskap en liefde en 'n piekniekmandjie en al die lekker eet wat daarmee gepaard gaan. Dit bevat verskillende kossoorte (soet en southappies) (sosaties) (doopsouse) (koue soppe) (verskeidenheid brode) ( lekkernye ) (drankies en vele meer) vir 20 verskillende piekniekmandjies en sommer net allerhande mooi en besonderse sêgoed oor vriendskap, en 'n idee of wat om vir die spesiale persoon as geskenkie te gee.
Die boek sal voltooi wees die 5de Mei en sal die 6de vir jou aangestuur word. Die prys daarvan is R60 elk.

Anna Eksteen

Epos: anna_se_kombuis@yahoo.com

Ek het besluit om al die Afrikaanse resepte eBoeke wat ek het op en CD te sit, dis omtrent al die resepte wat mens ooit sal nodig hê. Nou hoef jy nooit weer 'n resepteboek te koop nie en teen minder as R1.70 per boek is dit baie billik.

Hier is die lys van boeke:

101 Kraakvars slaaie, 101 Onweerstaanbare poedings, 110 Spyskaarte vir die werkende vrou
5 Beste van alle geregte, 217 Egte Afrikaanse resepte, Aartappels, Beskuitresepte, Afrikaanse Resepteverskeidenheid, Brood resepte, Vul die beskuitblik, 'n Broodjie vir die blik, Blokkieskoek, Burgers Patties Frikadelle, Brood resepte, Drankies, Drinkgoed, Gemmerbier, Groente, Eet jou groente, Hoender resepte, Happies en Poffers, Kaaskoek, Ietsie anders resepte, Kerskoeke, Karavaan resepte, Kleinkoekies, Kinderlekkerte, Koekiedrukker resepte, Koeke, Likeur, Lekkergoed resepte, Nog resepte, McCain resepte, Moedersdag resepte, Mikrogolf resepte, Peterjasie se boek, Pastageregte, Peterjasie se Kersresepte versameling, Peterjasie se eBoek van vernoemde resepte, Poeding, Peterjasie se Tradisionele SA resepte
Resepte met biltong, Resepteverskeidenheid - ook grootmaat, Slaaie, Sommer net resepte, Sop in die pot, Sop resepte, Terte, Sous, Verskeie resepte 1, Souttert & Pannekoek, Vis en hoender, Veelsydige hoender, Vleisgeregte vir Kersdag, Verskeie resepte 2, Warm en koue drankies, Vleisresepte, Wille samies, Wafels en Pannekoeke, Wors en worsies

Allerlei

Annette se Boererate, Boererate en Verbruikerswenke, Hartstigting dieet, Lennons medikasie, Mate en gewigte, Sop dieet, S A Boererate eBoek, Metrieke omskakelingstabel, Werk van die huis

Die CD kos R100, geregistreerde posgeld ingesluit (dis om en by R1.60 per boek). Met Fastmail koerier, volgende dag aflewering, kos dit R130.

As jy die Fastmail metode verkies kan ek vir jou onmiddelik 'n spoornommer (tracking number) gee, dit sal jou gemoedsrus gee aangesien jy 'n oorbetaling moet maak aan iemand wat jy nie ken nie.

Klik hier om my bankbesonderhede te kry, onthou om ook jou posadres te verskaf

 Klik net hier , registreer en koop 'n kaartjie. Dis doodveilig, en sodra die transaksie afgehandel is, kan jy begin droom, lekker groot droom. En as jy vir die eerste keer registreer kry jy nog 'n gratis kaartjie ook! Waarvoor wag jy? Sien verder ondertoe vir besonderhede van die gratis kaartjie.

Regs klik hier om 'n skermbeeldfoto af te laai. Ek het dit onlangs by Lochvaal geneem.

Alles wat jy wil weet oor Boeremusiek.

Hierdie is die webblad van Kalie de Jager en is spesifiek daarop toegespits om die Versameling...Bewaring...en Uitbouing...van Boeremusiek aan te spreek.

Klik hier om sy webblad te besoek.

Ekke is ook op Facebook, as jy dalk 'n Facebook profiel het en by myne wil aansluit, klik net hier. Hoe meer siele hoe meer vreugde. My Facebook eposadres is peter@funkymunky.co.za

Mirna is ‘n opvoedkundige sielkundige in Stellenbosch. Sy het onderwys gegee by verskeie skole, o.a. Hoërskool Stellenbosch, Hoër Meisieskool Bloemhof en Jan Krielskool vir leerders met hindernisse tot leer. Sy is ‘n ma, lief vir die kunste, die see en kinders. Jy is welkom om kommentaar en vrae te stuur na mirnafvanwyk@gmail.com

Laingsburg

Ek moes al deur baie trauma en persoonlike verliese strompel in my kort lewe, insluitend om vir die dood te knipoog. Die een ondervinding wat my lewe so aangrypend verander het dat ek altyd aan my lewe in terme van “voor” en “na” hierdie episode dink is die feit dat ek die groot vloed van Laingsburg in 1981 oorleef het. Om op ‘n dak te sit wyl mense voor jou oë verdrink en onseker is of al jou geliefdes veilig is, is ‘n ondervinding wat ‘n mens se verwysingsraamwerk 360 grade verander. Ek het elke enkele besitting binne 24 uur te verloor, uitsluitend my lewe, ‘n Bybel en ‘n sak vol onderklere! Eendag sal ek vertel van daardie dag maar vandag wil ek graag deel wat ek uit daardie skrikwekkende ondervinding kon leer.
Daardie dag het ek geleer dat ‘n mens kan die dood in die gesig staar en totaal rustig daaroor wees. Hieruit het ek geleer om die dood nie langer te vrees nie, maar te respekteer.
Om alles wat jy het te verloor en om slegs ‘n paar badkamerteëls oor te hê van wat jy eers jou tuiste kon noem, leer ‘n mens dat wat jy het, eintlik genoeg is. Jy het nie eintlik meer en meer en meer nodig nie. Jy het eintlik net nodig om dit wat jy het, meer en meer te waardeer. Jy leer dat wat onontbeerlik in die lewe is, is werklik die dinge wat jy nie kan sien nie-soos ons lees in The Little Prince. Liefde, gesondheid, verhoudings en geluk-onder andere.
Ek het geleer dat die Dood definisie gee aan die Lewe. Sonder die Dood sou ons ‘n ongemotiveerde lui lot gewees het, met geen dryf om elke dag tot die volste te lewe nie.
Ek het geleer om die lewe in sy volheid te omhels-soos Thoreau gesê het: “to suck out the marrow of life”. Eenvoudig omdat elke dat regtig jou laaste kan wees.
Die filosofiese knyptang is natuurlik dat dit menslik onmoontlik is om elke dag voluit te lewe, want ‘n mens raak so opgevang in elke dag se kleinighede. Ek het wel ‘n manier ontdek hoe ek elke dat “amper voluit kan lewe”. Ek beskryf dit in ‘n frase wat gereelde lesers nou al sal herken: “selfbewuste lewe”. In die sielkunde word dit in verskillende terme beskryf, meestal in die term “mindfulness living”. Dit beteken om elke minuur van die dag te weet waarheen jou tyd gaan, sodat jy daardie minuut kan laat tel, al is dit net in volkome “niksdoen”. Dit beteken ook om te weet wat jy voel en wat andere moontlik voel. Toevallig is dit ook die basis van wat ons vandag ken as “emosionele intelligensie”.
Ek het geleer om genot te put uit selfs die kleinste plesiertjie terwyl jy kan, om vir die meeste mense life te bly solank as wat jy kan, om sterk maar sag te wees, om elke situasie en elke mens met soveel humor as moontlik te hanteer en dat sagtheid meer regkry as aggressive. Ek probeer om meestal te lewe vanuit hierdie persoonlike waarhede. En ek slag. Meestal.
Seënwense van hart tot hart.

HONDBYT…As ‘n hond jou gebyt het moet jy van sy hare afsny en op die bytplek sit…dit sal dat die kwaad uittrek
HOOIKOORS…Meng bloed met dieselfde hoeveelheid bitterappelsap en ruik daaraan.
HOOIKOORS…Snuif 'n bietjie tafelsout soos gewone snuif.
INFLAMMASIE…Prik 'n hond se oor, neem 10 druppels bloed saam met suiker om inflammasie te breek
INFLAMMASIE…Verbrand 'n bokhoring in die vuur, maal fyn en gee vir die persoon 1/2 teelepelvol in.
JIG…Bedel by iemand 3 klein aartappeltjies en dra dit in ‘n sakkie op jou heup…manspersone dra dit sommer in die broeksak.
JIG…Sny ‘n bandjie van ‘n likkewaanvel en sit ‘n gespe daaraan. Dra dit waar die pyn is.
KANKER…Slag ‘n slang af en sny die vel in repe en sit op die kankerplek…vervang soos nodig tot die kanker gesond is.
KANKER…Vat skilpadlewer..sny oop en sit net so op die kankerplek.

Dwaalster

Deur Eugène Terre'Blanche

Tussen volmaakte sterre
Hang ’n goudkleur maan
En ek grawe na herinneringe diep gebore
Na die dwaalster se ontstaan

In watter vreemde nag
Het die skitter ster uit sy baan
Met groter glimkrag
Sy eie koers gegaan

Dwarsoor die melkweg se wit
Het hy gillend en glimmend gegly
In sy afdraande rit
By planete en sterre verby

Op die rand van die afgrond
Het Hy gestaan
Met hande deur spykers verwond
En Hy gryp my, want ek wou saam

Gaan kyk na my nuwe fotografie webwerf . Sport fotos onlangs bygalas

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Zalome, wat nou in Amerika woon, bevorder ook Afrikaans op die net, klik hier om vir haar 'n epos te stuur, vra dan sommer ook besonderhede oor haar briewe wat sy uitstuur. Kom ons ondersteun haar ook! Dit kan net goed wees vir Afrikaans. Hoe meer mense 'n passie het vir Afrikaans en dit op die internet wil bevorder hoe beter vir ons mooi taal.

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier

Gesprek tussen Gatiep en Gammat laas week in Kaapstad:
“Dja Broe, die niewe S.A. es darem nie so sleg. Nie,
Die petrol gaatOP ...
Die brood gaat OP ...
maar die krag gaat darem AF”

Die satan besoek Kaapstad en loop Gatiep raak.
“Hallo Gatiep, weet jy wie ek is sê ou Niek
"Nay", sê Gatiep, "gie my a hint"
Satan sê, "ek is die Prins van Darkness"
"Djislaaik" sê Gatiep, "djy's dan seker die CEO van Eksdom"

Gatiep word deur 'n verkeerskonstabel afgetrek,
Verkeerskonstabel: Gatiep ek sien net een van jou hoofligte werk.
Gatiep: Ja konstabel dit is load shedding ek sal later die ander enetjie aanswitch.


U word uitgenooi na 'n "knyp die kat innie donker" partytjie.
Met trots geborg deur Eksdom.
Tyd: Sien Eksdom Beurt Krag Skedules.
Plek: Sien Eksdom Beurt Krag Skedules.
Voel jou daar!

Baba beer sit in sy klein stoel by die tafel. En kyk na sy klein pap bordjie:
"Wie het my pappies ge-eet?”
Pappa beer kyk na sy groot pap bord:
"Wie de duiwel het my pap ge-eet?" Grom hy.
Mamma beer se kop verskuin om die kombuis deur.:
"Ek het nog nie die blerrie pap gemaak nie. Want die krag is al weer af!“

Die volgende dringende aankondiging gister in ’n persverklaring deur Eksdom uitgereik:

“In ons voortgaande veldtog om enerie te bespaar is die lig aan die einde van die tonnel afgeskakel en sal hy so bly tot verdere kennisgewing.
Sal u dus so gaaf wees om alle drome en hoop op die toekoms op eis te plaas
Ons vra omveskoning vir enige ongerief wat deur hierdie situasie veroorsaak is

Van: http://www.eksdom-jokes.co.za/

As jy dalk nog baie resepte wil hê, gaan kyk in die argiewe, elke nuusbrief bevat resepte en meeste van hulle het ook nog gratis aflaaibare resepte eBoeke.

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

'n Boer is dood

Op sy plaas, vandag, lê die Boer Eugene Terblanche begrawe, in die grond van die land wat hy so vuriglik liefgehad het. Vermoor.

Op die verhoë, en dit word gewys oor die televisieskerms van die land, het die leier van die jeugbeweging van die regerende party sy gewraakte lied "kill the boer" gesing.

Dit stem mense onrustig, sommiges praat van 'n rasse aardbewing (op die televisieprogram Fokus Sondagaand) wat in Suid-Afrika kan plaasvind. Daar is onsekerheid; daar is vrees vir 'n groter rassekonflik wat oor die land kan spoel. Meer as 3000 boere reeds vermoor. Sommige op die aakligste denkbare wyse. 'n Gespannendheid in die lug oor al die dinge wat rondom ons gebeur.

Ek is van mening dat die meerderheid mense in ons land vredeliewend is en met hulle gewone lewe en werk wil voortgaan. Daar is egter aanhitsers wat om 'n politieke rede, magslustige rede, of watter rede ookal, dinge sal opstook en mense sal opsweep. Die meeste mense, van alle rasse en kultuurgroepe, wil in liefde met hul naaste lewe, vir hulle familie sorg en vir hul kinders 'n veilige land gee waarin hulle kan woon en werk. Waar jy in vryheid kan leef, waar jy kan lag en sing, en jou godsdiens kan beoefen, waar jy 'n toekoms het. Dis waarskynlik waarom mense in hul duisende Suid-Afrika verlaat, omrede hulle nie meer 'n toekoms vir hulself hier aan die suidpunt van Afrika sien nie.

Ek is seker die meeste soldate in die Tweede Wêreldoorlog was ook vredeliewende mense wat 'n normale lewe wou voer, vir hulle familie wou sorg. In vrede en rustigheid vir hul kinders 'n toekoms wou skep. Nie oorlogsugtige mense nie. Maar iewers het, agter duistere skerms, 'n klompie mense gesit en gedink en oorlog beplan. En mense is in hul honderdduisende opgeroep na die slagveld toe. Miljoene is doodgeskiet, doodgemaak en vermink, gesinne is uitmekaar geskeur, stede en lande is verwoes. Die skade aan menselewens onberekenbaar.

Wat gaan in Suid-Afrika gebeur? Ek weet nie.

Is daar iets wat ons kan doen? Moet ons die wapen opneem? Onsself gereedmaak vir die oorlog? Wel, ek dink dis altyd 'n goeie (noodsaaklike) idee om jouself en jou gesin en huis en haard te beveilig. Die misdaad en moord en doodslag vra dat jy dit doen. Ek sê nie jy moet oorlog maak nie, glad nie, maar dis nodig om veiligheidsbewus en paraat te wees [dis egter nie nuwe nuus nie, 'n mens hoor en lees gereeld van die beveiliging van jouself en jou mense]. Mag ons 'n burgeroorlog gespaar bly. Mag ons vrede in ons land kry.

Maar is daar meer wat ons kan doen? Eposse en gesprekke doen die rondte vir gebede vir ons land en sy mense. Ek wil hierby aansluit. As ons nog nooit tevore gebid het nie, is dit verseker nou die tyd om dit te doen. Ek sê nie jy moet saamtrek op groot sportstadions nie (jy kan dit ook doen), maar in jou binnekamer moet jy jou verootmoedig voor die God wat hemel en aarde gemaak het. Doen dit elke dag, dit moet deel word van jou lewenspatroon. Bid tot die God wat steeds in beheer van die heelal is. Daar in jou binnekamer kan jy intree vir jouself, vir jou dierbares, vir jou volk, vir jou land, vir hulle wat in nood en ellende verkeer. Jy kan daar inskakel en aanklop by die Alfa en die Omega, die Begin en die Einde, die Eerste en die Laaste.

In Jesaja 41:13 staan: "Want Ek, die Here jou God, gryp jou regterhand aan, Ek wat vir jou sê: Wees nie bevrees nie, Ek help jou."

Psalm 50:15: "En roep My aan die dag van benoudheid: Ek sal jou uithelp, en jy moet My eer." Of dit nou angs en vrees is vir jou persoonlike omstandighede, finansiële probleme, benoudheid oor jou verhoudinge, bekommernis oor jou land en volk, of watter probleem ookal, jy kan die Here aanroep in jou benoudheid. Jy voel soms onder in die put van moedeloosheid. Bang, want jy weet nie wat die toekoms inhou nie. Soms lyk dinge so donker vir jou. Hy sal jou uithelp. En jy moet die Here eer.

Ja, dis onstuimige tye, daar was al voorheen moeilike situasies, en daar sal sekerlik in die toekoms weer wees, maar die Here ons God is altyd, deur die eeue en geslagte heen, daar vir Sy kinders. Ook vir jou.

'n Sprankie wysheid vir die dag
"Omdat jy die woord van my lydsaamheid bewaar het, sal Ek jou ook bewaar in die uur van beproewing wat oor die hele wêreld kom om die bewoners van die aarde op die proef te stel." - Openbaring 3:10 -

'n Laaste gedagte oor Eugene Terblanche. Hy was 'n man wat onverskrokke geglo het vir die saak waarvoor hy staan. Noudat hy fisies vermoor is word in die pers karaktermoord op hierdie man gepleeg - noudat hy nie meer daar is om homself te verdedig nie. My medelye en goeie wense vir sy gesin, familie en vriende.

Jy kan inteken op hierdie nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

Regs klik hier om 'n Word dokument af te laai, propvol kampkosresepte

Anna se Kombuis
Ek beskou Anna Eksteen as die koningin van Resepte eBoeke in Afrikaans. Sy het nou al 'n hele versameling van resepte eBoeke wat enige kossoort dek, en dit in Afrikaans! eResepteboeke is goedkoop en geen posgeld is betaalbaar nie, die boeke word per epos gestuur en is in 'n japtrap by jou. Klik gerus hier en kyk na die lys van nuwe resepteboeke en bestel gerus een, of sommer 'n paar! Of bel sommer direk vir Anna - 0822946799

Kletskous
Ons nooi almal hartlik uit om te kom klets by www.kletskous.co.za Ons het veral 'n groot tekort aan aandkletsers. Almal wat Afrikaans kan praat is baie welkom ons sien graag nuwe gesiggies in die kamer. Groete Moggy

Kinderstories op CDEen van die hoofdoelstellings van my webwerf en nuusbrief is om Afrikaans te bevorder. Hier is nog 'n besonderse manier, kinderstories op CD.STORIEKLUB lede ontvang 2 nuwe storie cds elke maand! Versamel al 48 CDs oor 2 jaar, of kanselleer jou lidmaatskap wanneer jy wil (minimum lidmaatskap-periode van 3 maande). Laai die intekenvorm af en betaal met gerieflike maandelikse debietorders.As jy dalk sou belangstel, klik net hier.

Wapadrand BoeredansgroepVir navrae of inligting kontak Danette gerus by 0829236177 of stuur ’n epos na danna.smith@resbank.co.za

Gratis oorsese Lotto kaartjie
Elke eerste keer registreerder kwalifiseer vir 'n gratis kaartjie in een van die groot oorsese Lotto trekkings, as jy dus nog NIE voorheen geregstreer het nie, gaan as volg te werk:Om te begin, gaan na:
http://ads.playukinternet.com/tracking/go/urlid/345/afftxtid/48/affid/343Nou moet jy eers registreer, klik Register/Registreer
Vul die vorm in.
Jy sal ‘n epos ontvang waarop jy moet bevestig.
Nou is jy geregistreer en kan begin speel.
Gaan weer na die skakel hierbo, klik op Sign in/ Teken in
Klik dan aan die regterkant op Account Balance/Rekening Saldo en jy sal sien in watter Lotto jy ‘n gratis kaartjie of “voucher” het. As daar nog niks wys nie, byt net vas, hulle laai elke voucher met die hand.
As jy dan een ry op daardie Lotto speel sal jy sien dat jy niks verskuldig is nie.
Jy sal die dag na die trekking ‘n epos ontvang met die nommers wat getrek was asook jou nommers.

Tuiswerk/Tuisinkomste Hier is iets wat werk, jy word nie oornag ryk nie, maar oor 'n tydjie sal dit vir jou ekstra inkomste inbring, al wat dit jou gaan kos is 'n geringe maandelikse fooi. Dis nie 'n foefie nie, ek het ingeteken en ek kry elke maand 'n krediet in my rekening, so dit kos my niks. Klik hier vir meer besonderhede

Die Danville Hulpgroep
Gaan kyk gerus na die webwerf hieronder om te sien watse wonderlike werk hierdie groep doen.
Webwerf: www.danvillehulp.co.za

Elsabé BlignautHuis: 012 991 3914
Sel: 082 828 2551
Epos: Elecnet@mweb.co.za

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.