Ek staan op vir Afrikaans!

Welkom aan alle nuwe intekenare! As julle baie resepteboeke wil aflaai gaan kyk by die Argiewe, meeste van die ou nuusbriewe het resepteboeke as pasellas, gaan laai maar na willekeur daar af.

Ek stuur ook 'n Engelse brief uit, elke brief bevat ook 'n pasella resepte eBoek, gaan kyk gerus en laai na hartelus af.

Daar is twee pasellas hierdie keer, 'n eBoek met huishoudelike wenke en ook 'n handige omskakelingstabel, gaan laai hulle af by die Pasella afdeling.

Dis baie koud hier in Alberton, toe besluit ons om vir 'n week St Lucia toe te gaan, daarom is hierdie brief so 'n week vroeg aangesien ons al Vrydag die pad vat. Ek verneem die pad oor Pongola is aanmekaar padwerke met baie Stop/Go situasies. Wonder of dit nie beter sal wees om Durban om te ry nie?

Enige voorstelle?

Ek gee weer terugvoer van Adri met haar Huis Zonnekus projek, kyk gerus verder ondertoe.

My gunsteking brak, Emily, kry ook weer 'n geleentheid, gaan lees gerus wat die bekkige brak kwytraak.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Hier is iets wat werk, jy word nie oornag ryk nie, maar oor 'n tydjie sal dit vir jou ekstra inkomste inbring, al wat dit jou gaan kos is 'n geringe maandelikse fooi. Dis nie 'n foefie nie, ek het ingeteken en ek kry elke maand 'n krediet in my rekening, so dit kos my niks. Sluit gratis aan vir 'n proeftydperk.
Maar jy moet opgradeer om deel te neem aan die wins, dis egter 'n druppel in die emmer. Probeer gerus!

Die hele proses het nou verbeter en dis nou makliker om te begin inkomste kry, sluit gerus aan vir 'n gratis proeftydperk, kyk die kat uit die boom en gradeer dan op om te begin saamspeel! Klik hier en gaan kyk self!

Dit neem 'n rukkie, maar ek het verlede maand net minder as R1000 gekry. Elke bietjie help!

Yes, out of curiosity I visited Be Motivated Today during September 2009, but only joined during August 2010, what a waste of time!!!.
If I knew what was happening during the year I wasted, man, I would have joined immediately after I  read the details of the setup.
I now have a waiting list of seven on my downline (one already joined as Silver), the others are bound to join during November and they are jumping around purely from excitement to get started and its rubbing off on me as well.
Just one question: My intention is to place an invitation advertisement on the rear window of my car, do you think it could shake some people out of their dreams and make them joining us?

Klik hier vir meer besonderhede

Alles wat jy wil weet van die Super 15-reeks, wedstryd vir wedstryd. Loot Eksteen het al die feite saamgevat, sien hieronder. Regs klik net om af te laai. As jy die statistieke weekliks wil ontvang, stuur net vir Loot 'n epos en vra dat hy jou op sy posluys sit.

Super 15 - Wedstryde Super 15 - Logs Super 15 - Data 1 Super 15 - Data 2 Super 15 - Kaarte Super 15 - Statistieke     Custom Search

Wil jy dalk GROOT droom? Vat 'n kans op die UK Lotto of een van die ander Europese Loterye. Die een het 'n groter boerpot as die ander! Die minimum boerpot is R45 miljoen, sommer gereeld R75 miljoen en hoër! Dis heeltemal veilig om te speel, onthou, jy kan nie wen as jy nie 'n kaartjie het nie! Klik hier  en droom Groot! Die Powerball Lotto is tans $150 miljoen, dis 'n stewige R1,050,000,000!!!

En onthou tog om my besoekersboek te teken? Hy was vir 'n hele tydjie aflyn maar is nou weer terug.

Op my koordlose boor se boks verkondig iemand luidkeels: “IMPACT DRIVER DRILL – POWER TO PERFORM”

Dis nie waar nie. Nie met jare oue mure nie! Ek het gelyk soos ‘n muskiet op ‘n Okavango Olifant se vel wyl ek probeer het om die eerste gate in die Alzheimer gedeelte van Huis Zonnekus, se muur te boor! Ek beweeg, maar die boorpunt staan en draai om sy eie gat. En ek besef dat vandag ‘n anderste dag kan uitdraai. ‘n Vrou met PMS EN ‘n boor is dalk nie die regte kombinasie nie, maar ‘n plan is gemaak, en die faktotum het sy elektriese boor gaan haal, en TOE sak die gate gedweë in!

Jip, vandag was nog ‘n dag van PROJEK HUIS ZONNEKUS, oftewel, Fase Twee. Ek was geseënd genoeg om nog ‘n paar rand van persone te ontvang, en kon 10 paneelverwarmers aankoop met die skenkings. Ek het self ‘n paar ekstra gekoop, en ‘die trek’ het met ‘n ysige Suid-Oos in ons rug, weer pad gevat na Milnerton.

Die sitkamertjie van die Alzheimer inwoners het nou paneelverwarmers, asook al die kamers in die gang.

Dit wat oorgebly het, is in die koudste kamers ingesit. Ook die tannie waarvan ek laas vertel het wat so koud lê en kry het, het ene ontvang! Sy het onder haar splinternuwe kombers gelê en ‘n Tex geëet dat die hele bed en kombers vol krummels was! Sy vertel sy spandeer al haar geld op tjoklits – seker die dat ek ‘n spesiale plekkie in my hart vir haar het. Ons gemeenskaplike liefde vir tjoklits!!!

Ek het weereens pakkies ontvang met warm klere, waslappies, serpies, toiletbenodigdhede, en vanmiddag toe ek tuis kom, ‘n groot boks doeke vir die mense wat dit bitterlik nodig het!

Dankie spesiaal aan Etienne en Maxie van STELMED in Stellenbosch vir daardie skenking, en Hansie Conradie by Econo Heat wat vir my die paneelverwarmers te koop aangebied het teen groothandelpryse, en dit by my laat aflewer het teen geen ekstra koste nie! Zeldra Clarkson wat weereens met sakke items opgedaag het. Julle, en die anonieme skenkers van fondse en broodnodige items, asook die mense wat ek reeds per epos bedank het, maak hierdie projek ‘n realiteit. Dit is ‘n wasempie teen die wind, maar vir ‘n paar mense kon ons die afgelope tyd hulle dae ‘n bietjie beter maak!

Dankie Dalene wat gehelp het om waterpasse aan te gee, en die verwarmers uit te pak, en Mirna wat met Muis aan die leiband, die oumense geselskap gehou het. En Deon wat toegelaat het dat ‘n vrou die boorwerk doen, terwyl hy die stofsuier beman, en die rigting aangedui het.

Indien enige verdere gelde inkom, sal dit steeds aangewend word om Fase Twee te voltooi – daar word regtig nog baie verwarmers benodig. Hierdie paneelverwarmers gebruik minder elektrisiteit as ‘n rekenaar, volgens wat die kenners beweer, so dit is ‘n belegging bo enige ander verwarmer.

As jy dus graag wil gee, maar bang is omdat jy nie weet waarheen jou geldelike bydraes sal gaan nie, kontak my asb. Bevestiging van die projek kan ook van die tehuis se bestuurder, Attie van Tonder, telefoon 021 5515689 of 552 2074 gekry word.

Ek het ‘n graad in paneelverwarmers installeer – as iemand sukkel, kontak my gerus. En as jou huis noudie dag gebou is, bring ek my eie boor wat verseker vandag se sementmengsels sal ore aansit!

Groete, en dankie weereens dat julle bereid was om onselfsugtig by te dra. Mag julle dit in meervoud terug ontvang wanneer julle nood het.

Adri van Zyl
amvanzyl@isales.co.za

As enigiemand nog vir Adri op een of ander manier kan help, kontak haar gerus.

Ek het die volgende resep van Anthony Scheepers ontvang, hy reken dis 'n wenner!

KERRIEBOONTJIEPOTJIE

2 Koppies Haricot-boontjies
2 Koppies Nierboontjies
2 Koppies Suikerboontjies
1½ Kg Stowe beesvleis
2 Medium uie gekap
4 Medium geelwortels in ringe gesny
4 Groterige aartappels
4 Vet knoffelhuisies gekneus
2 Selderystingels opgekerf
35 ml Matige kerriepoeier
7 ml Borrie
7 ml Vleis masala
4 Kruienaeltjies
1½ Handvol groenbone opgekerf
10 ml Rooi brandrissie (sonder pitte)
10 ml Vars groengemmer gekneus
¼ Koppie olyfolie
3 Koppies droëvrugte vir ‘n wyle in koue water geweek. (1 elk appelkose, perskes en pruimedante) Die perskes en appelkose kan middeldeur ge- sny word.
1 Blik (410g) heel tamaties, gekap
2 Lourierblare
2 Vingerlengtes pypkaneel
1 Eetlepel growwe sout
1 Biefblokkie
Varsgemaalde swartpeper
Water

Plaas die boontjies in ‘n kastrol en bedek heeltemal met water. Kook die boontjies vir 5 minute en skakel dan die stoof af. Laat staan tot volgende môre in kastrol met water in. Dreineer dan die water. Verhit dan die olie in die swart pot oor vuur en braai die vleis tot bruin. Voeg dan die uie en knoffel by en braai saam met die vleis totdat die uie mooi helder is. Gooi bietjie water by. Voeg dan die naeltjies, pypkaneel en gemmer by en roer goed deur. Na ‘n rukkie kom die seldery en wortels by en die brandrissie. Voeg dan die groenbone by en pak die droëvrugte bo-op. Hou die vloeistof dop en pasop vir brand. Nou kom die droëbone bo-op asook die tamatie en die lourier. Sit die deksel op en laat ‘n wyle prut. Wanneer die bone sag is kom die vleisaftreksel (biefblokkie) opgelos in kookwater by. Sny die aartappels in groterige blokkies en pak bo-op. Strooi baie varsgemaalde swartpeper bo-oor. Kyk of daar genoeg vloeistof in die pot is. Sit die deksel op en prut verder. Wanneer die aartappels sag is kom die kerriemengsel i.e. kerriepoeier, borrie en vleismasala met bietjie water aangemaak by. Sit die deksel terug en laat deurkook. Bedien oor rys.

Ek stuur elke nou en dan fotos in na die Treknature webwerf, gaan kyk gerus na die fotos wat ek op ons reise geneem het en al opgelaai het:  http://www.treknature.com/members/FunkyMunky/photos/

Baie dankie aan Leon van Nierop en ook RSG vir die vergunning om teks van hierdie reeks te gebruik.

Die volledige reeks programme kan  hier gelees word

Regs klik hier om 'n eBoek met Huishoudelike Wenke af te laai en regs klik hier om die handige Omshakelingstabel af te laai.

 Klik net hier , registreer en koop 'n kaartjie. Dis doodveilig, en sodra die transaksie afgehandel is, kan jy begin droom, lekker groot droom. En as jy vir die eerste keer registreer kry jy nog 'n gratis kaartjie ook! Waarvoor wag jy?

Biegtyd

Ma het gesê ek moet opou met my nonsins want syt als gelees wat ek beskryf het op die internet.
Toe sê ma mens moet die waaryt praat. Nou moet ek vir jille die waaryt skryf.
My naam is nie Emily nie. Ma sê sy wou ‘n hont gehad het en haar Emily noem mar toe sy vir my sien het sy niks anders kon dink as MUIS nie. My ore was net so groot soos hille nou is. Maar nou is my ore sterk en vol spiere alkanek steeds nie die diewens hoor as hille ons Lendrovir se ryt ytslaan nie!


My naam is Muis. Ma raas soms met my dan noem sy my MUISHONT en dan lag die mense wat oppie parkie stap met hille honde. Ma sê laasweek sy wil my sommir herdoop na Flooi oor ek dit op my gehad het. Ek weetie van flooie nie. Dan bat ma my met sjampoe dan sê ma ek is ‘n flooieteksie en my passisier gan nou vrek gan. En toe proebeer sy vir my wirmpille in droëwors wegsteek mar ma dink seker ek is dom ek spoeg daai pille net so weer trig! Ma sê ek sal ha bankrod maak van wirmpille koop en sy gee dit makliker vir die katte wat ha stikkent krap. Ma sê sy het opie internet gan lees van how toe geeve jor dok pils mar hille is net so dom soes parlement sê ma.
Jakkirs ek haat pille. Nou moet ek vitel hoekom ek dan Emily was want ek was mos met Alex maaikies mar ek sien hom nie meer nie want ma het my mos yt die skool gevat oor ek nie gevordir het nie toe sê sy ons sal houm skoeling doen mar ma heti tyt vir dit nie so ek lê heeldag en slaap. Ek was bang Alex lees dit en spot my dan by die skool.
Ek was laasnaweek mos weer plaas toe en toe was dit wonderlik want ek het in plaas van Bobtail, BOKtail gevreet. Dis bokdrolle. Ma sê ek het na bokdrolle en stof geryk en ek

moes gan bad voor ek in haar bed kon lê. Ek was vlippen moeg. Ek het heelnaweek gehol en skaduwees gejag en ek het darim nie ‘n pofadir gesien nie want oupa het die naweek voor daai ene by die hys dootgemaak. In die winter ma het gegril.

Ma het vi my 'n kleerkie gekoop wat kinnirs dra en die moue afgeknip vidi pooikies en dan bint sy sommir die lyfie met 'n rekkie vas ma dink 'n Boer maak 'n Plan. Ek kry somir horries want ek lyk soos 'n bloubil en ek is pure Stormer ek het gistraant sommer ani blaf gegan vir Gio toe hy die bal so lelik angeslaan het en toe Brian Habana so hol toe wens ek hy kan vi MY sien hol!
Nou het ek vi jille vitel wie ek dan nou rêdig is. My naam is Muis en ek gan nie ophou skryf nie want ma het gewaarsku dat as ek nie my regte storie skryf nie, ek nooit weer die leptop sal sien nie en ek hou van om met jille amal da byte te gesels.
Groete van Emily wat yntlik altyt Muis is.

Uit: http://skoor.wordpress.com/

Alles wat jy wil weet oor Boeremusiek.

Hierdie is die webblad van Kalie de Jager en is spesifiek daarop toegespits om die Versameling...Bewaring...en Uitbouing...van Boeremusiek aan te spreek.

Klik hier om sy webblad te besoek.

Ek het die foto tydens ons laaste besoek aan Kruger Nasionale Park geneem. Klik die foto om 'n groter weergawe te sien

Ekke is ook op Facebook, as jy dalk 'n Facebook profiel het en by myne wil aansluit, klik net hier. Hoe meer siele hoe meer vreugde. My Facebook eposadres is peter@funkymunky.co.za of kry my by www.facebook.com/Peterjasie

Ek Tweet ook nou en dan op Twitter by @Peterjasie

Mirna is ‘n opvoedkundige sielkundige en Heel Skool Evalueerder in Stellenbosch.  Sy het onderwys gegee by verskeie skole, o.a. Hoërskool Stellenbosch, Hoër Meisieskool Bloemhof en Jan Krielskool vir leerders met hindernisse tot leer.  Sy gee praatjies, skryf artikels, lag en reis die hele land vol.  Sy is ‘n ma, lief vir die kunste, die see en kinders.   Jy is welkom om kommentaar en vrae te stuur na mirnafvanwyk@gmail.com.

Kies jou reaksie

Ek en ‘n kliënt sit gister en reflekteer oor die hoeveelheid emosionele groei en onafhanklikheid wat sy oor die afgelope jaar ervaar het sedert ons sessies begin het-en sy sê huiwerig:100%?
En jy weet wat - sy is reg – sy het gegroei van ‘n oorgewig, rokende, finansiële skuld belaaide en oor-emosionele alleenloper tot ‘n fikser, rookvrye, skuld-vrye jong vrou wat in ‘n verhouding met ‘n ondersteunende jongkêrel is. En in alle eerlikheid was ek net ‘n saamloper op hierdie pad; sy het die moeilike werk self gedoen.
Kom ek verduidelik die stappe wat sy geneem het. Eerstens het sy ‘n lys van al haar skuld gemaak en ‘n doelwit met mylpale tussenin gestel om binne ‘n jaar skuldvry te wees. Sy het haar kredietkaarte opgesny, haar bankbestuurder gevra om haar skulde direk van haar bankrekening te verhaal in paaiemente nog voor sy haar hande daarop kon lê. Hierdie doelwit het sy het sy afgehandel binne 9 maande en sy was so geïnspireerd deur haar sukses dat toe sy begin stap het in die middae, het sy ‘n vriendin saamgenooi en later het sy Pilates begin doen in die privaatheid van haar woonstel. Hier het sy die selfdissipline aangeleer om stadigaan terug te sny op nikotien en ek het haar gehelp met plaasvervangende positiewe gewoontes in plek van al die negatiewes wat met die rook saam gegaan het. Sy het binne 4 maande sigarette se houvas op haar verslaan. Sy het die krag van haar entoesiasme, selfdissipline en positiewe houding ontdek, ten spyte van die trauma van haar pa se selfmoord toe sy 9 was en haar ma se oormatige afhanklikheid van haar. Sy het haar kerk se jeugsessies begin bywoon en ‘n getroue vriendekring opgebou. En kortvoorlank het sy ‘n kêrel ontmoet wat haar vreugdes van die buitelug gedeel het …
Dit is nie ‘n Mills en Boon storie of ‘n outydse feeverhaal nie-dit is die ware verhaal van my kliënt. Hoe het sy dit reggekry? Deur gedurig haar gedagtes en aksies te bestuur deur twee tegnieke: haar selfgesprek te bestuur en om teenoor omstandighede met nadenke te reageer (“respond”) eerder as om slegs daarop te reageer (“react”) (of selfs te oorreageer).
Ek het al baie gesels oor hierdie basiese beginsel van emosionele intelligensie: reageer met nadenke (“respond”) eerder as net reageer (“react”). Al wat dit vra is om ‘n paar sekondes te dink oor wat gebeur nou in myself, die situasie, die ander mense teenwoordig, die moontlike konsekwensies van jou aksie en die aksie wat nodig is. Dit te oorweeg en DAN eers op te tree. Dit kan jou help om slegte besluite, negatiewe woorde en dade te keer; dit help jou om die situasie te beheer deur jouself te beheer. Dit sal jou help om op te hou tydmors, uit te stel, verskonings te soek-in kort: dit help jou om jou oog te hou op jou doelwit-wat dit ook al is.
Volgende keer verduidelik ek die ander kragtige tegniek: hoe om jou selfgesprek (“self-talk”) te bestuur.
Mag jy die beste week tot nog toe hê, van my hart aan joune.

Klik hier om Mirna se ander artikels te lees

Skenk my die kalmte om die dinge te aanvaar wat ek nie kan verander nie, die moed om die dinge te verander wat ek kan en die wysheid om te weet wat die verskil is.

Veral op 'n Maandag oggend!

Dopper Joris en Sy Seiltjie

Onder ‘n boompie by die watersloot
Sit Spekie met haar Joris en vry:
Hy praat van koperledekante
En ‘n skimmelhings wat sy sal ry.
Hy sê dat sy oorlede paatjie
Hom duisend hamels en ‘n ram
-‘n opregte Franse ram – gegee het,
En ‘n woonhuis by die middeldam.
‘n Wa en span met soetveld-osse
‘n Spikkelspan. En hulle trek tog, reg!
En hul bulk, ja, nes die ware duiwel,
Nes die wind trek hulle van die staanplek weg!
En twee sterk koperhoepel-emmers
Het oorlede paatjie ook gegee,
En ‘n ring wat maatjie opgetel het
Toe paatjie siek was by die see.
En ‘n borsspeld vol met rooi klippies,
En ‘n perdesweep met ‘n koperknop,
En ‘n teepot met drie silwer voetjies,
En die deksel het ‘n duif daarop.
En ‘n klok en dertien riempiestoele,
‘n Bulsak en ‘n ledekant,
Twee ingelegde geelhouttafels,
En ‘n prentjie met die plae van Egipteland.
En ook nog ‘n spul met romlary,
‘n Kar op vere en ‘n fariseen,
En ‘n Bybel wat maatjie eens gekoop het
Van die smous Aaron Oepl Behn.
Maar, tog makeer ek nog een ding;
Dit maak my, Spekie, siek van smart:
My wa is sonder buiteseiltjie!
Wil jy my seiltjie wees, my hart?

Pulvermacher (Adam de Smidt)Uit: Het Volksblad, 1873
 

Gaan kyk na my nuwe fotografie webwerf . Sport fotos onlangs bygelas

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Zalome is nog iemand wat probeer om die gebruik van Afrikaans op die internet te bevorder. Sy stuur lekker "kletsbriefies" per epos uit. Daar is twee soorte, een met musiek en een sonder musiek wat dan vinnig aflaai.

Om aan te sluit, klik net op die skakel van die brief wat jy wil ontvang, doen dit van die rekenaar af waar jy die brief op sal wil ontvang. Yahoo sal dan,
'n bevestingsbrief stuur, "Reply" net daarop en dis dan al! Kom sluit aan, dis gratis en dis pret (in Afrikaans).

AFRIKAANS MET MUSIEK:
ZALOME-AFRIKAANS_muso-subscribe@yahoogroups.com

AFRIKAANS SONDER MUSIEK:
ZALOME-AFRIKAANS_geen-muso-subscribe@yahoogroups.com

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier 

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

Die Psigopaat
Die term 'psigopaat' word redelik algemeen gebruik, dikwels sonder werklike kennis hiervan. Vir meeste mense roep 'n psigopaat beelde op van 'n fliek soos "Silence of the Lambs" of van 'n wreedaardige moordernaar. Soms word psigopatie ook verwar met psigose as versteuring.
Nie alle psigopate is egter misdadigers, reeksmoordernaars en verkragters nie; net soos alle misdadigers, swendelaars en moordenaars weer nie as psigopate geklassifiseer kan word nie.
Wat is 'n psigopaat? Dr Robert Hare, 'n kenner op die gebied van psigopatie, omskryf psigopate as na binnegerigte uitbuiters wie sjarme, manipulasie, intimidasie en geweld gebruik om ander te kontroleer en om hulle eie selfsugtige behoeftes te bevredig. Hulle toon 'n gebrek aan gewete en gevoel vir ander mense, en sal koelbloedig vat wat hulle wil hê en doen soos wat hulle goeddink, sosiale norms en verwagtinge verbreek sonder die geringste gevoel van skuld of jammerte."
Een van die eienskappe van 'n psigopaat is sy onvermoë om diepgaande emosies te ervaar. Dit beteken egter nie dat hy nie bekend is met emosies nie, maar hy gebruik dit op meesterlike wyse en op 'n slinkse manier. Sy gedrag en optrede is egosentries en hy gee nie om vir ander mense se gevoelens of vir sosiale verantwoordelikheid nie. Die psigopaat se persoonlike verhoudinge is sonder diepte en dikwels van kortstondige duur, terwyl hy tog sal vertel van sy goeie verhoudinge met mense.
Die psigopaat is bekend vir sy vermoë om te manipuleer. Hy doen dit gewoonlik om op die gevoel van ander te speel om te kry wat hy wil hê. 'n Voorbeeld van hiervan is 'n swendelaar wat 'n meisie trou vir haar geld, haar gebruik en dan los om weer aan te beweeg.
Wanneer die psigopaat hom vasloop of uitgevang word, toon hy gevoel en jammerte. Hierdie jammerte is egter vals en nie ware skuldgevoelens vir onreg en seerkry wat hy iemand anders aangedoen het nie, maar eerder om die gevolge van sy optrede te hanteer.
Die psigopaat staan dan ook bekend as iemand wat nie 'n gewete het nie. Hy toon 'n gebrek aan berou en skuldgevoelens oor 'n misdaad of antisosiale gedrag. 'n Kenmerk van die psigopaat is sy onvermoë om positief uit vorige slegte ervarings te leer. Daarom word baie van die psigopaat se antisosiale of misdadige gedrag herhaal.
Hierdie is maar enkele kenmerke van die psigopaat. Volgende week kyk ons verder hierna. Moet asseblief nie nou rondloop en mense links en regs psigopate noem nie. Die evaluering en diagnosering van 'n gekwalifiseerde professionele kundige persoon soos 'n psigiater is nodig.

'n Sprankie wysheid vir die dag
"'n Psigopaat is 'n persoon met 'n persoonlikheidsversteuring wat gekenmerk word deur 'n geneigdheid tot antisosiale en soms tot geweldadige handelinge en 'n gebrek om skuldig te voel vir hierdie handelinge." -TheFreeDictionary -

Jy kan inteken op my nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

Nuusbrief argiewe

As jy dalk nog baie resepte wil hê, gaan kyk in die argiewe, elke nuusbrief bevat resepte en meeste van hulle het ook nog gratis aflaaibare resepte eBoeke.

Sjokolade koekies

125ml Margarien
125ml Kakao
750ml Hawermout
5ml Vanielje
500ml Suiker
125ml Melk
250ml Klapper

Metode

Smeer die bakplaat met margarien.
Meet die margarien, suiker, kakao en melk af in die kastrol.
Skakel die stoofplaat aan op matige hitte. Plaas die kastrol op die plaat en roer die mengsel tot dit kook.
Skakel die plaat op lae hitte en laat dit presies 5 minute lank kook. Haal die kastrol van die plaat af en plaas dit op ‘n plankie. Skakel die plaat af.
Roer die hawermout, klapper, en vanielje by tot goed gemeng.
Skep klein klontjies met 2 teelepels op die bakplaat terwyl die mengsel nog warm is.
Laat staan tot dit goed afgekoel en styf is.


Skurwejantjies

875ml suiker
400g hoë vet margarien
75ml stroop
5 x 250ml koekmeelblom
5 x 250ml klapper
5 x 250ml hawermout
5ml kaneel
10ml sout
5ml gemmer
5ml fyn neut
3 eiers geklits
20ml koeksoda
60ml melk

Metode

Voorverhit die oond na 180°C. Smeer bakplate
Room die suiker en smeer en voeg die stroop by. Voeg nou alle droë bestanddele behalwe koeksoda by. Voeg die eiers by. Los die koeksoda in die melk op en voeg dit ook by die mengsel. Maak okkerneutgrootte balletjies en druk dit plat op die bakplaat. Bak tot goudbruin.

Spenskoekies

600g hoë vet margarien
500ml suiker
2 eiers
45ml grondboontjiebotter
5ml vanielje
10ml koeksoda
25ml melk
500ml Post Toasties
500ml hawermout
30ml bakpoeier
Sout
125ml gekapte neute
500ml klapper
500ml koekmeelblom of nutty wheat

Metode

Voorverhit die oond na 180°C. Smeer bakplate
Room botter en suiker en voeg die eiers by. Voeg die grondboontjiebotter by en meng goed. Roer die geursel en koeksoda, opgelos in melk, by. Meng nou al die ander bestanddele en voeg dit by die bottermengsel. Vorm balletjies en bak tot goudbruin.


Skotse brosbroodjies

1kg botter
1kg koekmeelblom
500g mielieblom
500g versiersuiker

Metode

Voorverhit die oond tot 150°C. Smeer 3 oondpanne. Meng al die bestanddele goed saam, ‘n elektriese klitser werk maklikste. Druk dit 1 cm dik uit in die oondpanne. Prik die deeg oral-oor met ‘n vurk en bak dit vir 40 min. Laat dit effe afkoel, strooi strooisuiker bo-oor en sny die koekies in reghoeke terwyl nog warm.


Brosbrood

500g botter, sag
1 koppie (250ml) strooisuiker
1 teelepel (5ml) karamelgeursel
2 koppies (500ml) koekmeel
2 koppies (500ml) mielieblom
knypie sout

Stel oond op 140 ºC.

Metode

1. Room botter en strooisuiker tot liggeel en donserig. Klits geursel by.
2. Sif meel, mielieblom en sout saam en roer by bottermengsel. Meng tot sagte deeg.
3. Druk deeg vas in gesmeerde oondpan wat met bakpoeier gevoer is.
4. Prik met vurk gaatjies in deeg.
5. Bak 30min. Stel oond af na 120 ºC. Bak vir nog 2 uur of tot bokant van koekies ferm en ligbruin is.
6. Sny met dun, skerp mes in vingers terwyl dit nog warm is.
7. Laat pan afkoel.
8. Plaas op afkoelrakkie tot heeltemal koud en pak in lugdigte houer.

Lewer ongeveer 30 blokkies

Dadel-en Sjokolade-Vierkante

150g botter
¾ koppie (185ml) bruinsuiker
2 eiers
1 teelepel (5ml) vanielje
1 plak (100g ) donker sjokolade
1 pakkie (100g) kasjoeneute, gekap
1 ¾ koppie (437ml) bruismeel
½ pakkie (125g) dadels, gekap
4 eetlepels (60ml) melk

Stel oond op 180 ºC.

Metode

1. Smeer vierkantige oondbak van 20cm.
2. Room botter en bruinsuiker tot botter liggeel is.
3. Klits eiers goed na elke byvoeging. Voeg ook vanielje by.
4. Breek sjokolade in blokkies en smelt in mikrogolfoond.
5. Voeg gesmelte sjokolade by bottermengsel en klits tot goed gemeng.
6. Roer neute, meel, dadels en melk by tot goed gemeng.
7. Skep deeg in gesmeerde bak en maak gelyk.
8. Bak 30- 35 minute of tot ferm.
9. Laat afkoel en sny in blokkies. Sprinkel gesifte versiersuiker oor
Dadelwieletjies

Vulsel

1 pakkie (250g) dadels, gekap
½ koppie (125ml) rosyntjies
150ml water
1 eetlepel (15ml) brandewyn
1 pakkie (100g) gevlokte amandels, gekap

Deeg
2 koppies (500ml) koekmeel
1 teelepel (5ml) koeksoda
2 teelepels (10ml) kremetart
½ teelepel (2,5ml) kaneel
knypie sout
knypie gemengde speserye
¾ koppie (187ml) strooisuiker
½ koppie (125ml) olie
1 koppie (250ml) water

Stel oond op 180 ºC.

Metode

1. Vulsel: Kook dadels en rosyntjies in water vir 2 minute in mikrogolfoond.
2. Roer brandewyn en amandels by en laat eenkant om af te koel.
3. Deeg: Sif al die bestanddele behalwe suiker, olie en water saam.
4. Roer suiker by gesifte bestanddele. Roer olie en water bymekaar en roer by gesifte bestanddele.
5. Vorm deeg en rol tot redelik dun op ‘n meelbestrooide oppervlak in reghoek van ongeveer 50 cm x 30 cm uit.
6. Smeer vulsel op uitgerolde deeg en rol in breedte op soos ‘n rolkoek.
7. Draai deegrol toe met kleefplastiek en plaas in yskas vir 5 ure.
8. Sny deeg in 1 cm- skyfies, plaas op gesmeerde bakplaat en bak vir 12 minute of tot goudbruin.

Lewer ongeveer 60 koekies

Dadelyskaskoekies

½ pak (250g) botter
1 pakkie (500g) versiersuiker
1 pakkie (250g) dadels
2 eetlepels (30 ml) kakao
1 koppie (250 ml) klapper
2 eiers
1 teelepel (5 ml) vanielje
knypie sout
1 pakkie (200g) Mariebeskuitjies

Metode

1. Verhit botter in ‘n groot kastrol tot sag, maar nie gesmelt nie.
2. Roer versiersuiker by sagte botter en gemeng.
3. Voeg dadels, kakao en klapper by en kook oor medium hitte vir 3 minute.
4. Klits eiers, vanielje en sout en voeg by dadelmengsel, laat kook vir nog 2 minute en verwyder van die hitte.
5. Breek koekies fyn en voeg by dadelmengsel, roer goed en skep in groterige gesmeerde bak. Druk bokant gelyk.
6. Laat oornag in yskas en sny in blokkies.

Lewer ongeveer 60 blokkies


Eet-Maar-Nog-Koekies

Onderste Laag

125g botter
250ml (1k) bruinsuiker
397g (1 blik) kondensmelk
Knypie sout
5ml (1t) vanielje
250ml (1k) klapper
250ml (1k) hawermout
250ml (1k) sultanas
125ml (½k) muesli
50g (½ pakkie) pekanneute, gekap
625ml (2½k) pofrys (Rice Krispies)

Boonste Laag
500g (2 plakke) donkersjokolade
30ml (2e) jogurt by kamertemperatuur

Onderste Laag
Smelt botter, suiker en kondensmelk in kastrol.
Verhit tot kookpunt en kook vir 6 min terwyl dit geroer word.
Verwyder van hitte. Roer sout en vanielje by. Roer goed.
Roer oorblywende bestanddele by.
Druk in gesmeerde, reghoekige oondbak vas.

Boonste Laag
Smelt sjokolade oor dubbelkoker tot glad of in mikrogolf teen 70٪ krag.
Roer jogurt by sjokolade en smeer oor koekies. Laat stol en sny in blokkies.


Gebakte Pienk Sjokoladekoekies

Koekies

2 eiers, geklits
185ml (¾k) strooisuiker
250ml (1k) koekmeel
5ml (1t) bakpoeier
Knypie sout
125ml (1½k) louwarm melk
30ml (2e) olie
3 druppels rooi voedselkleursel
5ml (1t) rooswater

Sous

45ml (3w) romerige aarbeilikeur
125ml (½k) room

Koekies:

Klits eiers en suiker tot liggeel.
Sif meel, bakpoeier en sout saam
Roer melk en olie saam. Voeg meel- en melkmengsels beurtelings by eiermengsel en roer goed.
Roer voedselkleursel en rooswater by.
Spuit hartjievorm-koekpannetjies met kossproei en skep driekwart vol met deeg.
Bak vir 10 min of tot gaar.
Keer uit en plaas op afkoelrakkie.
Sous: Roer likeur en room bymekaar en giet oor warm koekies sodat sous kan intrek.
Sit saam met ‘n vars rosie of wit sjokoladekrulle voor.


Gou-Gou Koekies

Koekies

500g botter, sag
500ml (2k) versiersuiker, gesif
1 250ml (5k) koekmeel
10ml (2t) bakpoeier
Knypie sout
60ml (4e) rooi glanskersies, gehalveer
60ml (4e) groen glanskersies gehalveer
100g (1 pakkie) gevlokte amandels

Versiering

200g (2 plakke) sjokolade, gesmelt.

Stel oond op 180ºC.

Koekies

Room botter en versiersuiker tot liggeel en romerig.
Sif meel, bakpoeier en sout. Roer by bottermengsel tot deeg begin vorm.
Voeg kersies en amandels by en verdeel mengsel in twee. Vorm deeg in wors. Draai in kleefplastiek toe en vries vir vyf uur.
Sny gevriesde deeg in 1cm-skywe en sit op bakplaat wat met bakpapier gevoer is.
Bak 15min of tot goudbruin bo-op.
Skep koekies op afkoelrakkie tot heeltemal afgekoel.

Versiering
Doop helfte van koekie in gesmelte sjokolade.
Sit gedoopte koekies op waspapier sodat sjokolade kan stol.

Klapperkoekie met Vulsel

Koekie

200g botter
125ml (½k) strooisuiker
1 eier, geklits
5ml (1t) vanielje
500ml (2k) koekmeel
7,5ml (1½t) bakpoeier
Knypie sout
125ml (½k) klapper

Vulsel

60ml (4e) botter
187ml (¾k) versiersuiker, gesif
2,5ml (½t) vanielje
10ml (2t) melk

Stel oond op 180ºC.

Koekies
Room botter en suiker tot liggeel en romerig.
Klits eier en vanielje by tot goed gemeng.
Sif meel, bakpoeier en sout saam. Roer klapper by.
Voeg meelmengsel by bottermengsel en meng goed.
Rol deeg in balletjies en sit op bakplaat wat met bakpapier gevoer is. Druk bokant van koekies effens plat.
Bak 12 tot 15 min of tot goudbruin.

Vulsel
Room botter en versiersuiker tot liggeel en donserig.
Voeg vanielje en melk by soos benodig.
Smeer vulsel op koekie en plak nog ‘n koekie bo-op.
Hou koekies in lugdigte blik.

Klapperys

280g versiersuiker
1 ml kremetart
1 blik (397g) kondensmelk
270g droë klapper
koekkleursel van jou keuse

Metode

1. Smeer ‘n vierkantige 20cm bakpan.
2. Sif die versiersuiker en die kremetart saam.
3. Voeg kondensmelk by en meng tot glad.
4. Voeg helfte van die klapper by en roer goed.
5. Meng die res van die klapper in totdat die deeg vaskleef.
6. Verdeel die mengsel in drie en voeg koekkleursel by twee daarvan- kleur een deel helder en die ander een ligter.
7. Druk die dele soos kleure verlang in die pan.
8. Hou een uur in die yskas en sny in blokkies.

Klein Vrugtekoekies

375g botter
1 ½ koppie (375ml) water
1 ½ koppie (375ml) strooisuiker
1 ½ koppie (375ml) pitlose rosyntjies
1 ½ koppie (375ml) gebleikte sultanas
1 pakkie (250g) dadels, gekap
½ pakkie (50g) pekanneute, gekap (opsioneel)
2 eetlepels (30ml) sitrusskil, gekap
½ koppie (125ml) rooi glanskersies, gekap
3 eiers
3 koppies (750ml) koekmeel
½ teelepel (2,5ml) fyn kaneel
knypie fyn gemmer
1 eetlepel (15ml) bakpoeier
1 teelepel (5ml) vanielje

Metode

1. Meng botter, water en strooisuiker.
2. Voeg rosyntjies, sultanas, dadels, skil en kersies by bottermengsel en kook oor lae hitte vir 20 minute op stoof.
3. Verwyder van hitte en laat eenkant afkoel.
4. Stel oond op 140 ºC.
5. Klits eiers en roer by vrugtemengsel.
6. Sif meel, kaneel, gemmer en bakpoeier bymekaar en roer by vrugtemengsel.
7. Skep beslag in gesmeerde muffinpanne en bak 25 minute of tot gaar.

Lewer ongeveer 24 koekies

Maklike Fudge

397g (1 blik) kondensmelk
1 kondensmelkblikkie vol melk
1 125ml (4½k) suiker
60ml (4e) botter
5ml (1t) vanielje
Knypie sout

Metode

Gooi alle bestanddele behalwe vanielje en sout in dikboomkastrol en verhit tot kookpunt. Roer tot suiker opgelos is.
Kook nog 20min oor lae hitte tot strooikleurig. Roer af en toe.
Haal fudge van plaat af en roer vanielje en sout by. Klop met houtlepel of elektriese klitser tot fudge begin dik raak. Wanneer dit by kante van kastrol begin dik raak is dit reg.
Skep fudge in klein, gesmeerde rolkoekbakplaat en laat stol.
Sny in blokkies.

Beskuitjie fudge

1 x 200g marie beskuitjies/tennis beskuitjies in stukkies gebreek
1 x 250g margarien
1 eier

Sif saam:
75ml kakao
500g versiersuiker
1 handvol amandels
1 dop kahlua

Metode

Smelt margarien. Voeg kakao en versiersuiker by. Roer.
Klits eier baie vinnig by.
Haal van stoof af
Roer Kahlua by.
Voeg koekies en amandels by.
Laat stol ‘n rukkie in yskas.
Rol in rolletjies waspapier.
Laat stol.
Sny in skyfies en bedien saam met koffie.
Hou in yskas.

Die Danville Hulpgroep
Gaan kyk gerus na die webwerf hieronder om te sien watse wonderlike werk hierdie groep doen.
Webwerf: www.danvillehulp.co.za

Elsabé BlignautHuis: 012 991 3914
Sel: 082 828 2551
Epos: Elecnet@mweb.co.za

Resepte, resepte,  resepte

Ek het besluit om sake vir my te vergemaklik an al die resepte eBoeke wat ek het (Engels en Afrikaans) op een CD saam te sit. Daar is meer as 110 resepteboeke wat omtrent enige dis bevat wat jy aan kan dink so ek dink nie jy sal nodig hê om ooit weer 'n resepteboek te koop nie. Omtrent al die boeke kom met herverkoopregte (behalwe waar dit anders meld) met ander woorde hulle is nou joune en jy kan maak met hulle wat jy wil selfs ook een vir een van die CD afhaal en herverkoop.

Die prys van die CD is R100 (dis om en by R1 per boek) posgeld uitgesluit

Posgeld is  R20 vir geregistreerde pos en R50 vir Speed Services oornag toonbank tot toonbank.

As jy sou belangstel om een van die CD's te bekom, klik net hier en ek stuur vir jou my bankbesonderhede, gee my ook net jou posadres. Sodra ek dan die CD pos, stuur ek vir jou die spoornommer per epos as bewys dat dit gepos is. As jy R120 deponeer stuur ek dit per geregistreerde pos en as jy R150 deponeer stuur ek dit Speed Services oornag toonbank tot toonbank

Hier is die Afrikaanse boeke:

217 Egte Afrikaanse resepte, Aartappels, Beskuitresepte, Afrikaanse Resepteverskeidenheid, Brood resepte, Vul die beskuitblik, 'n Broodjie vir die blik, Blokkieskoek, Burgers Patties Frikadelle, Brood resepte, Drankies, Drinkgoed, Gemmerbier, Groente, Eet jou groente, Hoender resepte, Happies en Poffers, Kaaskoek, Ietsie anders resepte, Kerskoeke, Karavaan resepte, Kleinkoekies, Kinderlekkerte, Koekiedrukker resepte, Koeke, Likeur, Lekkergoed resepte, Nog resepte, McCain resepte, Moedersdag resepte
Mikrogolf resepte, Peterjasie se boek, Pastageregte, Peterjasie se Kersresepte versameling
Peterjasie se eBoek van vernoemde resepte, Poeding, Peterjasie se Tradisionele SA resepte
Resepte met biltong, Resepteverskeidenheid - ook grootmaat, Slaaie, Sommer net resepte, Sop in die pot, Sop resepte, Terte, Sous, Verskeie resepte 1, Souttert & Pannekoek, Vis en hoender, Veelsydige hoender, Vleisgeregte vir Kersdag, Verskeie resepte 2, Warm en koue drankies, Vleisresepte, Wille samies, Wafels en Pannekoeke, Wors en worsies

Allerlei

Annette se Boererate, Boererate en Verbruikerswenke, Hartstigting dieet, Lennons medikasie, Mate en gewigte, Sop dieet, S A Boererate eBoek, Metrieke omskakelingstabel, Werk van die huis

Hier is die Engelse resepte:

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.