Ek staan op vir Afrikaans!

Dit is ons erns.

Welkom aan alle nuwe intekenare! As julle baie gratis resepteboeke wil aflaai gaan kyk by die Argiewe, meeste van die ou nuusbriewe het resepteboeke as pasellas, gaan laai maar na willekeur daar af.

Ek stuur ook 'n Engelse brief uit, elke brief bevat ook 'n pasella resepte eBoek, gaan kyk gerus en laai na hartelus af.

Die pasella hierdie keer is 'n resepte eBoek met warm en koue drankies resepte, ideaal vir die somer wat nou voorlê.

Die resepte is sommer 'n hele verskeidenheid lekker resepte, gaan kyk hieronder en geniet!

Ons Kaapse reis was baie interessant. Amper 5000 kilometer gery maar elke oomblik geniet. Weer ou plekke gesien en nuwe plekke ontdek, weereens agtergekom dat ons darem maar in 'n mooie land woon.
Klik gerus hier om die fotos op Facebook te gaan besigtig

Oor 'n paar dae ry ons weer Kruger toe, hopelik speel al die diere en voëls saam en ons kry 'n paar mooi fotos.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Doen dit sommer self, klik hier. As jy nie internet toegang het nie, stuur my epos met jou ou en nuwe adres.

Bo en behalwe die Afrikaanse en Engelse resepte eBoeke het ek nou ook 40 stokou Engelse resepteboeke bygesit. Baie van hulle is oor die 100 jaar oud. Hulle is digitaal geskandeer met ander woorde as jy die .pdf oopmaak sien jy die werlike bladsye van die oorspronklike boek. As jy 'n versamelar van resepteboeke is sal jy die boeke regtig interessant vind.

Gaan kyk onder vir 'n lys van die ou boeke en ook hoe om die CD te bestel.

Alles wat jy wil weet van die Wêreldbeker, wedstryd vir wedstryd. Loot Eksteen het al die feite saamgevat, sien hieronder. Regs klik net om af te laai. As jy die statistieke weekliks wil ontvang, stuur net vir Loot 'n epos en vra dat hy jou op sy posluys sit.

Wêreldbeker 2011       Skedule Punte Logs Spelpunte Uitslae Statistieke     Toets statistieke       Soekblokkie

Wil jy dalk GROOT droom? Vat 'n kans op die UK Lotto of een van die ander Europese Loterye. Die een het 'n groter boerpot as die ander! Die minimum boerpot is R45 miljoen, sommer gereeld R75 miljoen en hoër! Dis heeltemal veilig om te speel, onthou, jy kan nie wen as jy nie 'n kaartjie het nie! Klik hier  en droom Groot! Die Powerball Lotto is tans $150 miljoen, dis 'n stewige R1,050,000,000!!!

En onthou tog om my besoekersboek te teken? Hy was vir 'n hele tydjie aflyn maar is nou weer terug.

Baie dankie aan die van julle wat bydraes gemaak het, dit word opreg waardeer.

Kerrie Afval Potjie

Bestanddele:
1 skaapafval, skoon gemaak
1 liter water (4k)
12,5 ml botter of margarien
2 uie, gekap
10 ml kerriepoeier (2t)
5 ml borrie (1t)
5 ml sout (1t)
10 ml suiker (2t)
12,5 ml asyn-opsioneel
mielieblom, aangemaak met 'n bietjie water


Metode:
Plaas die afval in 'n potjie, voeg die water by en plaas die deksel op.
Laat die vleis opkook en skep dan die skuim wat bo-op vorm, af.
Kook die afval ongeveer 4 tot 6 uur oor lae hitte. Vul die water aan, indien nodig.
Voeg die sout en asyn, asook die uie en aartappels by, en laat dit met die deksel op prut totdat die aartappels gaar is.
Skep die oortollige vet af. Verdik die sous met aangemaakte mielieblom.
Kook ongeveer 45 minute lank in 'n drukkastrol. Die gaarmaaktyd van afval hang af van die ouderdom van die skaap. Kyk liewer gereeld hoe sag die afval al is, ook wanneer dit in die drukkastrol gaargemaak word, anders kook dit dalk te pap.**
Smelt die botter of margarien en soteer die uie daarin totdat dit deurskynend is.
Voeg die kerriepoeier en borrie by en braai dit effens. Voeg die uie en aartappels by die afval, strooi die sout oor en voeg die suiker by.
Roer dit goed deur. Kook dit totdat die aartappels gaar is. Proe, en voeg nog geurmiddels na smaak, asook die asyn, by. Verdik die sous met mielieblom (indien nodig).

Ek het 'n rukkie gelede 'n paar idees saamgeslaan oor hoe om dalk 'n ietsie ekstra van die huis te verdien.

Klik hier om na daardie bladsy te gaan.

Ek stuur elke nou en dan fotos in na die Treknature webwerf, gaan kyk gerus na die fotos wat ek op ons reise geneem het en al opgelaai het:  http://www.treknature.com/members/FunkyMunky/photos/

Baie dankie aan Leon van Nierop en ook RSG vir die vergunning om teks van hierdie reeks te gebruik.

Die volledige reeks programme kan  hier gelees word

Regs klik hier om 'n resepte eBoek met warm en koue drankie resepte af te laai.

 Klik net hier , registreer en koop 'n kaartjie. Dis doodveilig, en sodra die transaksie afgehandel is, kan jy begin droom, lekker groot droom. En as jy vir die eerste keer registreer kry jy nog 'n gratis kaartjie ook! Waarvoor wag jy?

Emily hou nog steeds vakansie, dalk is sy weer volgende keer hier

Uit: http://skoor.wordpress.com/

Alles wat jy wil weet oor Boeremusiek.

Hierdie is die webblad van Kalie de Jager en is spesifiek daarop toegespits om die Versameling...Bewaring...en Uitbouing...van Boeremusiek aan te spreek.

Klik hier om sy webblad te besoek.

Ekke is ook op Facebook, as jy dalk 'n Facebook profiel het en by myne wil aansluit, klik net hier. Hoe meer siele hoe meer vreugde. My Facebook eposadres is peter@funkymunky.co.za of kry my by www.facebook.com/Peterjasie

Ek Tweet ook nou en dan op Twitter by @Peterjasie

Mirna is ‘n opvoedkundige sielkundige en Heel Skool Evalueerder in Stellenbosch.  Sy het onderwys gegee by verskeie skole, o.a. Hoërskool Stellenbosch, Hoër Meisieskool Bloemhof en Jan Krielskool vir leerders met hindernisse tot leer.  Sy gee praatjies, skryf artikels, lag en reis die hele land vol.  Sy is ‘n ma, lief vir die kunste, die see en kinders.   Jy is welkom om kommentaar en vrae te stuur na mirnafvanwyk@gmail.com.

Lag jouself gesonder
Stres is die reaksie van a persoon op sy aanname dat ‘n spesifieke situasie bedreigend is vir sy/haar fisiese, emosionele of persoonlike veiligheid. Dit is ‘n hoogs persoonlike aanname van bedreiging-werklik of onwerklik. Wanneer ‘n persoon stres ervaar skei die brein ‘n oorvloed van adrenalien en hormone af, veral kortisol, wat die normale liggaamlike funksionering tydelik verhinder. Op die lange duur ondergaan organe en die brein strukturele beskadiging as gevolg van hierdie chemiese stowwe-veral geheue en kognitiewe vaardighede word beperk.
Wat kan jy doen om jouself en jou kind te beskerm teen hierdie negatiewe impak? Medikasie kan help gedurende ‘n intense moeilike tyd, maar dit behoort die laaste keuse van ondersteuning te wees. Daar is natuurlike en selfs prettige maniere om weerstand te bied teen die dodelike gevolge van stres.
Die eerste vraag is om jouself te vra is: Is hierdie ding wat my bang maak rerig of oordryf ek? As die bedreiging eg is, is die volgende stap om dit te hanteer, om dit onskadelik te stel of om maniere te kry om dit gemakliker te hanteer.
Ons kan onsself beskerm teen die kaping van stres. Byvoorbeeld: wanneer Immunoglobulin A (IgA) in die brein vrygestel word beskerm dit die liggaam teen bakterie en viruses. Vyf minute van die herroeping van ‘n situasie wat mens briesend van woede gemaak het onderdruk IgA vir ses ure. MAAR, vyf minute van ‘n vertroetelende omgee of ‘n gelukkige oomblik verhoog IgA vir ses ure in die liggaam. Let wel: mens hoef nie eers die versorging te ontvang nie, selfs al voel mens net die omgee-of dit van ‘n troeteldier of vriend of vreemdeling af kom-kan dit jou gesonder maak.
Lag kan die beste medisyne wees. Die fisiologiese studie van lag het selfs sy eie naam…: “gelotogie”. Lag en glimlag se invloed op die menslike senuweestelsel en die res van die liggaam is nog nie heeltemaal uitgepluis nie. ‘n Nuwe studie veld genaamd neuro-immunologie bestudeer die interaksie tussen die brein en die immuunstelsel. Dit is ‘n wisselwerking wat die metodiek en tegnieke van sielkunde, neurowetenskap en immunologie saambind. Psigoneuro-immunologie se fokus is gewoonlik hoe stres die senustelsel beinvloed en siekt-toestande veroorsaak. Studies toon dat lag die outonome senustelsel, stres hormone en neuro oordragstowwe beinvloed. Byvoorbeeld, 60 minute van die kyk van ‘n snaakse fliek wys die verlaging van drie beskadigende brein chemiese stowwe, insluitend kortisol.
Oefening is nog ‘n goedkoop, natuurlike manier om jou immuniteit, energie vlakke en positiwiteit te versterk. Dit kan enige oefeninge insluit van seks tot tuinmaak. Dit is beter as dit so bietjie inspanning verg-die brein en liggaam word dan oorspoel met positiewe energie vir die brein, liggaam en verstand.
Voor jy ingee aan negatiwiteit, self verwyt, woede, angs en moedeloosheid: vra-“Is hierdie bedreiging werklik of oordryf ek?” Begin dan om die vrees te verwerk. Hou jou energie vlakke hoog en sterk deur positiewe gedagtes en aktiwiteite te beoefen, lag en oefen-dit kan jou gesonder en gelukkiger hou-en langer laat lewe!
Vreudevolle gedagtes gaan uit van my na jou.

Klik hier om Mirna se ander artikels te lees

Hier is weer een van Minette Brink se lekkerlees stories:

Die een wat nou die dag in ‘n supermark “N$ 12 VIR ‘N KOMKOMMER?” gegil het, was ek.
En dan het die ou groen dingetjie meer gelyk soos ‘n jong aspersie op steroids.
Hartseer tamaties wat verlep oor die rakke lê en loer, ingeduikte miniatuur aartappels, verrotte appels, dié dryf my na vrywillige skeurbuik.
Ek verneem onlangs by ‘n vriend in die handel dat dieselfde sakkie aartappels wat in Suid-Afrika R30 kos, hier by ons ‘n volle N$60 kos.
Nou vra ek jou. Watter vorm van vervoer word ingespan om die sakkie hier te kry? In ‘n vergulde houer uitgevoer met purper satynlap? Word elke aartappel individueel per hand oor die grens gehelp? Begelei deur die president self?
Nee, werklik, so kan dit nie aangaan nie.
Dit my jare geneem om vrywilliglik brokkoli, blomkool en boontjies in te neem. My ma was so trots. Maar nou het my gesondheid begin ly onder die druk van onbesonne pryse.
Toe krap ek gisteraand in een van die vele bokse wat na die laaste trek (en glo my, dit was beslis die laaste trek) nog nie uitgepak is nie. Daar val die dagboek uit wat ek op die kibbutz gehou het en skielik staan die mense wat ek lankal vergeet het en al die sports daar in die vreemde na tien jaar weer voor my.
Dis die oplossing, dink ek na die traantjies van nostalgie opgedroog het.
Ons moet ‘n kibbutz-sisteem in hierdie land implementeer.
Iewers moet die regering tog ‘n stuk (of meer) grond oorhê waar haweloses selfonderhoudend kan raak deur groente aan onse eie mense te voorsien. Dit sal seker nie die maklikste projek op aarde wees nie, maar ek glo dat dit op die lange duur ‘n reuse sukses kan wees.
Dink net, ‘n plasie net buite Windhoek waarheen ‘n mens oor naweke kan ry en die kinders hoenders kan rondjaag en bokke voer. Dan kan die “kibbutzwerkers” handgemaakte items uitstal en kos verkoop.
Sodra die groente in volle glorie op die landerye pryk, kan ‘n “Boeremark” (oeps, deesdae moet ek dit seker ‘n “Dankie-dat-ek-nog-my-plaas-het mark noem..) Saterdagoggende gehou word waar lede van die publiek teen sonop die heel varste groente teen die heel laagste pryse kan koop. So ‘n “first come first serve”-bedryf.
Begin sommer ‘n steenmakery ook sodat al die aanbouings vir ‘n skooltjie, ‘n industriële kombuis, ‘n amfiteater en ‘n kliniek sommer self gedoen kan word.
Ja, ek is ‘n dromer en seker nie lekker in voeling met al die papierwerk, finansies, logistieke probleme, bla-bla-bla nie, maar as dit in Israel kan werk, hoekom kan ons dit nie hier maak werk nie? Die tronke is mos oorvol. Span eerder die lede in wat “petty crimes” gepleeg het om in die grond te skoffel en al daai slegte gewoontes met harde arbeid uit te sweet. Teen drie etes per dag wat hulle self aan geplant, geploeg en geoes het. Sal dit nie ook sommer die menswaardigheid terugploeg nie?
Maar terwyl ek wag vir die minister van landbou om my te kontak vir die volledige uitleg rondom my briljante konsep, sal ek maar die vitamienpilletjies bly sluk en my groente boikot deurvoer. Al voel my tande losserig en is my gesig redelik geel, maar aan ‘n N$10 avokado sal jy my nie sien kou nie…

Die vlakte
Jan F.E. Celliers

Ek slaap in die rus van die eeue gesus,
ongesien, ongehoord,
en dof en loom in my sonnedroom,
ongewek, ongestoord.
Tot die yl-bloue bande van die ver-verre rande
skuif my breedte uit,
wyd-kringend aan die puur al-omwelwend asuur
wat my swyend omsluit.

Jong aarde se stoot het my boesem ontbloot
bo die diep van die meer;
en volswanger van lewe 't oor die waat're geswewe
die gees van die Heer.
Uit die woelende nag van haar jeugdige krag
brag die aarde voort
Lewiatansgeslagte, geweldig van kragte -
storm-ontruk aan haar skoot.
Diep in my gesteente berg ek hul gebeente -
die geheim van hul lewe en lot;
maar gewek uit die sode herleef uit die dode,
na die ewig hernuwingsgebod,
die van d' verlede in vorme van d' hede,
in eindeloos komme en gaan;
wat die dood my vertrou 't, ek bewaar dit as goud,
en geen grein sal 'k verlore laat gaan.

As die son oor my vloer in die more kom loer,
en die dou van my lippe kom kus,
dan kyk ek net stom met 'n glimlag om
en ek le maar weer stil in my rus.
Hog bowe die kim op sy troon geklim,
is hy heer van lewe en dood;
na wil of luim gee hy, skraal of ruim,
verderf of lewensbrood.

Uit die gloeiende sfeer brand hy wreed op my neer,
tot my naaktheid kraak en skroei,
en my koorsige asem in bewende wasem
al hygend my bors ontvloei.
In sy skadetjie rond om sy stam op die grond
staat 'n eensame doringboom,
soos die Stilte op haar troon, met dorings gekroon,
wat roerloos die eeue verdroom.
Geen drop vir die dors aan my stofdroe bors:
my kinders* versmag en beswyk,
en die stowwe staan soos hul trek en gaan
om my skrale dis te ontwyk.

Soos 'n vlokkie skuim uit die sfere se ruim
kom 'n wolkie aangesweef,
maar hy groei in die blou tot 'n stapelbou
van marmer wat krul en leef -
kolossaal monument op sy swart fondament,
waar die bliksem in brul en beef.
En o, met my is die windjies bly:
hul spring uit die stof orent
en wals en draai in dwarrelswaai
oor my vloer, van ent tot ent:
die gras skud hul wakker om same te jakker,
tot hy opspring uit sy kooi
en soos mane en sterte van jaende perde
sy stingels golf en gooi.

Met dof-sware plof, soos koeels in die stof,
kom die eerste drupples neer,
tot dit ruis alom soos deur die gebrom
en gekraak van die donderweer.
Met kloue vooruit om te gryp en te buit
jaag 'n haelwolk langs verby,
soos 'n perde-kommande wat dreun oor die lande
vertrap en gesel hy-
en sy lyke-kleed sien ek ver en breed
in die awendson gesprei.

Stil in die duister le 'k so en luister
hoe die spruite gesels en lag;
maar bowe die pak van my wolkedak
het die maan al lank gewag:
nou breek en skeur hy 'n baan daardeur
om te deel in my vreug benede;
hy sprei die waas van sy romig-blou gaas-
en ek lag so stil-tevrede.
Plek op plek, soos die wolke trek,
sweef die skaduwees onder mee,
soos eilande wyd oor die waat're verspreid
op die boesem van die grote see.
Met 'n afskeidskus gaan die maan ook ter rus,
en ek wag op die daeraad-
so skoon en so mooi soos 'n fris jong nooi
wat lag in haar bruidsgewaad.

Oor die bukte se rug slaat die gloed in die lug
van die brande wat ver-weg kwyn,
en doringbome fluister in rooi skemerduister
van gevare wat kom of verdwyn.
Uit slote en plas, uit die geurende gras,
styg 'n danklied op ten hemel;
en dis net of ek hoor hoe die kriekies se koor
weergalm uit die sterre gewemel,
waar werelde gaan op hul stille baan
tot die einde van ruimte en tyd.
So, groots en klaar, staat Gods tempel daar,
wyd - in sy majesteit.

Gaan kyk na my nuwe fotografie webwerf . Sport fotos onlangs bygelas

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Zalome is nog iemand wat probeer om die gebruik van Afrikaans op die internet te bevorder. Sy stuur lekker "kletsbriefies" per epos uit. Daar is twee soorte, een met musiek en een sonder musiek wat dan vinnig aflaai.

Om aan te sluit, klik net op die skakel van die brief wat jy wil ontvang, doen dit van die rekenaar af waar jy die brief op sal wil ontvang. Yahoo sal dan,
'n bevestingsbrief stuur, "Reply" net daarop en dis dan al! Kom sluit aan, dis gratis en dis pret (in Afrikaans).

AFRIKAANS MET MUSIEK:
ZALOME-AFRIKAANS_muso-subscribe@yahoogroups.com

AFRIKAANS SONDER MUSIEK:
ZALOME-AFRIKAANS_geen-muso-subscribe@yahoogroups.com

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier 

Altyd gewonner,maar nou weet ek...........

Rum en ys - beskadig you lewer......
Vodka en ys - beskadig jou pankreas......
Brandewyn en ys - beskadig jou brein......
Cane en ys - beskadig jou sig.........
wyn en ys - beskadig jou stappie.....
whiskey en ys - beskadig jou beursie....
gin en ys - beskadig jou reputasie...
Dit lyk vir my YS IS BLEDDIE GEVAARLIK!!

Wat is manlik en vroulik van meel?
Mieliemeel en koekmeel.

Man wil sy van verander.
Vrou by Binnelandse Sake vra:
"Hoekom, wat's fout met u van?"
Man: "My van is Nis "
Dame: "Wat's fout daarmee?"
Man: "Skakel my kantoor en vra vir Mnr. Nis "
Die dame skakel en vra vir Mnr. Nis .
Ontvangsdame aan ander kant:
"Is dit Mnr A.Nis of Mnr P.Nis?"

Vraag: Wat is die verskil tussen 'n donderstorm en 'n spoedlokval?
Antwoord: By die eersgenoemde kan jy die bliksem sien.

Vraag: Wat noem jy 'n boemerang wat nie wil werk nie?
Antwoord: 'n Stok.

Die ou omie lê in die hospitaal, op pad teater toe. ñ Jong blonde verpleegster
kom ingetrippel met sy verslag in die een hand en ñ bakkie met skeergoed in die
ander hand.
"Goeiedag oom! Af met die broekie vir my!"
"Nou vir wat, Nursie, wat wil jy nou maak?"
"Ek wil jou skeer, Oupa, want ons gaan jou mos vandag besny!" antwoord sy.
"Nee, man, ek is hier vir ñ oog operasie!" gil die ou omie verskrik.
Nou verloor sy haar humeur: "Kyk, Oupa, ek het nie tyd vir nonsies nie, hier
staan dit in jou verslag: VERWYDERING VAN DIE HORINGVLIES!"
 

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

Riglyne by hantering van dwelmprobleem by kinders
Baie ouers sit vandag met die vrees dat hulle kinders met dwelms kan deurmekaar raak. 'n Klompie jare gelede sou ons nog dink dat dit sommer ouvrou stories is of dat dwelms by skoolkinders eerder 'n uitsondering is.

Daar is egter ontstellende berigte en gerugte dat dwelms maklik bekombaar is. Dwelms is nie meer iets ver weg nie, maar is reeds in die strate hier naby aan ons huise.

Wanneer ek met ouers in die praktyk praat, is die probleem dikwels dat hulle vermoed dat hul kind dwelms gebruik, maar is nie seker nie.

Wat is dwelmmisbruik? 'n Eenvoudige beskrywing is dat dwelmmisbruik die gebruik is van enige chemiese stof (wettig of onwettig en wat alkohol insluit) wat fisiese, verstandelike of sosiale skade aan die persoon of aan die mense naby hom of haar meebring.

Vermoed jy dus dat jou kind met dwelms gebruik, is dit goed om na die drie aspekte te kyk, naamlik:

 fisies,
 verstandelik
 emosioneel / sosiaal

Byvoorbeeld op fisiese vlak kan jou kind begin swak eet of al meer onnet op sy persoon raak. Verstandelik ondervind hy al meer konsentrasie probleme en kan sy redenasies absurd raak. Sosiaal begin jou kind hom al meer onttrek en raak buierig. Kurt Cobain - popster held van der duisende tieners en wat sy eie lewe geneem het - het gesê: "Dwelms is 'n mors van tyd. Dit vernietig jou geheue en jou selfrespek, en elke ding wat daarmee saam met jou eiewaarde te doen het."

Dit is ook belangrik om te let op die invloed en skade wat dwelmgebruiker op die mense rondom hom het. Een voorbeeld is die sosiale skade aan die huisgesin. 'n Dwelmgebruiker beïnvloed die ander kinders se funksionering en ook die gesin se sosiale kontak na buite. So kan ouers te bang wees om mense oor te nooi, want hulle weet nie op watter sosiaal onaanvaarbare wyse hul kind gaan optree nie.

Hier volg 'n paar pertinente waarskuwingstekens waarop jy as ouer bedag kan wees. Hierdie tekens is ook van toepassing wanneer jy vermoed 'n volwasse vriend met dwelms of alkoholmisbruik deurmekaar is:

• Lang periodes sonder slaap of verloor eetlus.
• Verloor onverklaarbaar gewig.
• Sukkel om te konsentreer.
• Skoolwerk gaan agteruit.
• Het nuwe vriende wat verdag voorkom.
• Sy neus bloei dikwels.
• Hy en/of sy klere ruik vreemd.
• Oormatig aktief, senuweeagtig of geïrriteerd.
• Humeurig en bakleierig - buie veranderlik.
• Pupille kan abnormaal groot of klein wees.
• Oë kan pienk of bloedbelope wees - dra sonbril om dit te verberg.
• Gebruik skielik groot hoeveelhede geld.
• Distorsie van persepsies en die realiteit.
• Netheid en gehalte van (skool)werk neem af.
• Raak slordig op sy persoon.
• Raak geheimsinnig oor sy doen en late.
• Vermy om gesprekke te voer.
• Raak al meer sku vir mense / vermy oogkontak.
• Gebruik alkohol of 'n middel om te "cope".
• Kom in aanraking met die gereg op grond van 'n bedwelmde toestand.
• Ontken of probeer drinkgewoontes of dwelmgebruik wegsteek.
• Vermy sosiale geleenthede waar daar nie drank of dwelms beskikbaar is nie.
• Arriveer beskonke by die werk of skool.

Dit is vir enige ouer 'n skok wanneer jy agterkom dat jou kind by dwelms betrokke is. Ouers wonder dan hoe hulle die saak moet benader en hanteer.

Een ding wat jy as ouer nooit moet doen en dit is om die saak ter wille van vrede te ignoreer nie. Moenie hoop dat die probleem gaan oorwaai nie, want dit gaan nie. Hoe eerder iemand gehelp word, hoe beter.

Jy moet met jou kind hieroor praat. Probeer om simpatiek en taktvol met jou kind in gesprek te tree. Dit is egter belangrik dat jy 'n besliste standpunt inneem.

Die hantering van 'n dwelmprobleem by jou kind is so 'n sensitiewe en komplekse saak dat jy gewoonlik van buite hulp moet inkry. Raadpleeg 'n kundige persoon hieroor en klop aan by 'n organisasie of rehabilitasiesentrum wat jou kan help.

Daar is vir dinge wat ek voorstel wat ouers kan doen:

1. Kry inligting: Woon seminare, praatjies en lesings by waar oor dwelms gepraat word. Rus jou as ouer toe met die nodige kennis en inligting. Wanneer jy op hoogte is van al die gevare en tekens van dwelms is dit soveel makliker om voorkomend op te tree en jou kind te help.

2. Kry professionele hulp: Wanneer jou kind met dwelms deurmekaar raak of jy vermoed dit - gaan spraak 'n kundige op die gebied soos 'n sielkundige of dokter. Klop aan by Sanca vir hulp.

3. Raak betrokke by jou kind: Ons leef vandag in tye waar ouers en kinders bymekaar verby leef. Dit kan gebeur dat ouers so besig is met hulle beroep, sosiale aktiwiteite en dinge dat jy nie meer weet wat in jou kind se lewe aangaan nie. Raak betrokke, gesels met jou kind, woon sy sportgeleenthede by, ken sy maats, besoek oueraande, spandeer tyd met jou kind, weet wat aangaan in sy lewe.

4. Waardes en Norme: Jou kind gaan sekere waardes en norme leer. Dit is deel van grootword en deel van menswees. Die vraag is watter waardes en norme gaan jou kind leer? Die waardes van sy vriende of die waardes wat jy vir hom gee? Jy kan slegs jou waardes en norme op jou kind oordra indien jy genoegsame kwaliteit en kwantiteit tyd met jou kind spandeer. Skep 'n goeie ouer-kind verhouding sodat jy die belangrike waardes kan oodra.

'n Sprankie gedagte vir die dag
"Baie ouers dink dis 'n moeilike onderwerp om met hul kinders die gevare van dwelms en alkohol te bespreek. Hulle weet nie wat om te sê, wanneer om te sê en waar om te begin nie. Die gevolg is hulle begin wanneer dit te laat is." - Jennifer Stater -

Jy kan inteken op my nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

Nuusbrief argiewe

As jy dalk nog baie resepte wil hê, gaan kyk in die argiewe, elke nuusbrief bevat resepte en meeste van hulle het ook nog gratis aflaaibare resepte eBoeke.

YSKAS TERT

1 Blikkie Ideal-melk (volroom)
½ Koppie suiker
1 Pakkie Tennis beskuitjies
1 Pakkie Pynappel jellie
1 Blik fyngemaakte pynappels
1 Koppie Kookwater


METODE

Maak jellie aan en laat koud word
Klop ideal melk styf.
Voeg suiker by
Meng jellie by melkmengsel saam met pynappels
Pak tennis beskuitjies in bak
Gooi vulsel in
Krummel beskuitjies bo-oor en laat staan vir 15 minute
Plaas in yskas en oornag


SKUIMKOFFIE

500 ml Sterk koffie
200 ml Clover langlewende melk, louwarm
Warmsjokalade poeier
Suiker na smaak

METODE

Giet die koffie in twee koppies
Skuim die melk met ‘n klitser
Skep baie skuim in elke koppie, versoek na smaak en roer deur
Skep die res van die skuim bo-op elke koppie koffie
Besprinkel met warm sjokolade poeier

PIENK POEDING

250 ml Room
500 ml Aarbei Jogurt
1 Pakkie aarbei jellie
397g Kondensmelk
250g Maaskaas
1 Pakkie aarbei instant poeding
1 Pakkie tennisbeskuitjies
Botter
1 Eetlepel vlapoeier
1 Koppie warm water

METODE

Klits room styf en voeg kondensmelk, jogurt en maaskaas by
Voeg droë instant poeding by
Meng goed deur
Verkrummel tennisbeskuitjies met botter
Plaas in bak as kors
Voeg mengsel in bak

Begin eers met die volgende stappe as die tert gestol het

Maak jellie aan met 1 koppie warm water
Voeg vlapoeier by
Kook in mikrogolf tot gaar
Gooi oor gestolde tert

MALVALEKKERS TERT

1 Pakkie Malvalekkers (Marsmallows)
1 Blikkie kondensmelk
1 Pakkie suurlemoen jellie
1 Pakkie tennisbeskuitjies
250 ml Kookwater

METODE

Maak jellie aan met kookwater
Gooi dan die kondensmelk by
Pak tennisbeskuitjies in ‘n gesmeerde bak
Sny malvalekkers in sirkels of blokkies
Pak malavalekkers bo-op tennisbeskuitjies
Gooi jellie mengesel bo-oor
Plaas in yskas vir 1 uur lank

BILTONG HAPPIES

Sny brood happiegrootte
Meng marmite en botter, smeer op brood
Sit 2 snye op mekaar
Smeer ook rondom
Rol in fyn biltong
Bedien

MERINGUEKOEKLAE

200G (2 pakkies) haselneute
8 Eierwitte
250 ml (1 k) Strooisuiker
187 ml (3/4) Mielieblom (Mezina)
knypie sout

VERSIERSEL

100 g donker sjokolade
30 ml botter
30 ml melk
250 ml room
2,5 ml vanielje
Vars vrugte soos aarbeie, appelliefies

METODE

Stel oond op 180ºC
Kap neute fyn
Klits eierwitte styf en klits suiker by tot goed gemeng
Meng gekapte neute, mezina, en sout saam
Meng neutmengsel by eierwit mengsel
Voer koekpanne met mengsel
Maak gelyk bo-op en bak 30 minute
Laat koeke goed afkoel

VERSIERSEL

Smelt sjokolade, botter en melk saam
Laat bietjie afkoel en smeer versigtig oor elke koeklaag
Klits room saam met vanielje styf
Smeer oor koeklae en rond af met vars vrugte
Klits eiers, room en sout saam en giet oor kors

BEESSTERT BROODJIE

1 Pak Bruismeel (500g)
1 Pak Beesstert soppoeier
1 500ml Karringmelk
125 ml Gerasperde kaas
Knypie rooipeper

METODE

Verhit die oond tot 180ºC
Smeer ‘n broodpan
Meng die bruismeel, soppoeier en karringmelk goed saam
Skep die deeg in die pan en maak dit gelyk
Strooi die kaas en peper oor
Bak 1 uur lank
Keep op ‘n draadrak uit en laat afkoel

SPEK EN EIERBROOD

4 Snye brood
6 Repespek sonder vet
2 Eiers
250 ml Gerasperde kaas
250 ml Melk
Margarien

METODE

Verhit die oond tot 190ºC
Smeer die snye brood aan een kant met margarien
Plaas brood met gesmeerde kant onder in oondvaste bak en pak spek bo-op
Klit die eiers, voet die melk en kaas by en meng
Gooi dit oor die brood-en-speklae en laat dit 15 minute staan
Bak 35-40 minute op die oondrak
Sit dit warm voor

KAAS EN SPEK VLEIS BROODJIES

8 Repespek, gebraak & fyn gesny
250 ml Bruismeel
10 ml Botter
150 ml Melk
15 ml Worcestersous
200 ml Kaas, gerasper
15 ml Tamatiesous
Knippie sout

METODE

Verhit die oond tot 200ºC
Sif die bruismeel en sout saam en vryf die botter met jou vingerpunte in tot die mengsel soos broodkrummels lyk
Voeg die kaas en spekvleis by en meng liggies
Meng die melk, tamatiesous en worcestersous saam en voeg by die droë bestandele
Meng liggies alles deurgemeng is
Bak 20 – 25 minute lank of tot gaar
Dien warm op saam met botter en kaas

UIE EN KAAS BROODJIE

875 ml Bruismeel
500 ml Karringmelk
125 ml Melk
1 Pak Wit uiesoppoeier
½ kop Gerasperde kaas
1 Eier geklits
Knippie kaneel

METODE

Verhit die oond tot 180ºC
Meng meel, soppoeier, karringmelk en helfte van die kaas
Gooi melk in leë karringmelkhouer
Skud en voeg by mengsel
Voeg eier by en meng goed
Skep in ‘n gesmeerde broodpan
Strooi res van kaas en kaneel oor

LEPEL BROOD

450 ml Melk
300 ml Mieliemeel
4 Eiers, geskei
50 ml Margarien, gesmelt
5 ml Sout

METODE

Verhit die oond tot 180ºC
Smeer ‘n diep oond pan en smeer met margarien
Verhit die melk tot kookpunt
Verwyder van die hitte en roer die mieliemeel geleidelik by tot glad
Plaas terug op die hitte en laat kook tot die mengsel verdik het
Roer elke nou en dan
Voeg die sout asook gesmelte margarien by
Verwyder van die hitte en laat heelwat afkoel
Klits die eiergele en vou die mengsel in
Klits die eierwitte styf en vou ook by die mengsel
Skep in die voorbereide bak en bak 35 – 40 minute lank of tot gaar
Dien warm op saam met botter

ROER BROOD

500 ml Koekmeel
500 ml Melk
7 ml Koeksoda
10 ml Suurlemoensap
500 ml Volkoringmeel
60 ml Bruinsuiker
15 ml Sout
Papawersaad

METODE

Verhit die oond tot 190ºC
Smeer ‘n broodpan goed met botter
Meng al die bestandele saam
Skep in die broodpan
Spinkel papawersaad bo-oor

BIER BROODJIE

1 kg Bruismeel
10 ml Sout
2 Blikkies bier

METODE

Verhit die oond tot 190ºC
Sit die bruismeel en sout saam
Voeg die bier by en meng goed met ‘n houtlepel
Smeer 6 leë blikkies deeglik met botter
Verdeel die deeg in 6 gelyke dele en skep in die gesmeerde blikkies
Bak vir 30 minute tot deeg uitgerys is
Laat effens afkoel en keep uit op ‘n draadrak
Gebruik ‘n eetmes om die broodjies effens los te wikkel en keer versigtig uit
Sit voor met botter en kaas

PAMPOEN BROODJIES

500 ml Gaar pampoen fyn gedruk
125 ml Kookolie
500 ml Koekmeel
2 ml Kaneel
5 ml Koeksoda opgelos in 30 ml melk
375 ml Suiker
2 Eiers geklits
2 ml Neutmuskaat
2 ml Sout

METODE

Verhit die oond tot 180ºC
Klits die suiker en kookolie by die fyn pampoen
Voeg die eiers by en klits goed
Sif die droë bestandele saam
Roer dit by die pampoen en suikermengsel
Voeg die koeksoda en melk by
Sekp die deeg in ‘n gesmeerde broodpan
Bak vir 30 minute
Heerlik by braaivleis

BRAAIVLEIS BROODTJIE

500 ml Gerasperde wortels
30 ml Olie
500 ml Mieliemeel
5 ml Sout
425 ml Kookwater
15 ml Heuning
2 ml Rooipeper
4 Eiers geskei

METODE

Verhit die oond tot 180ºC
Voer broodpanetjies met bakpapier
Smeer die pannetjies met botter
Meng wortel, kookwater, olie en heuning saam
Sif mieliemeel, peper en sout saam en voeg by die worterlmengsel
Klits eiergele en voeg by die mengsel
Klits eierwitte tot styf en vou dit liggies in by die mengsel
Skep mengsel in pannetjies
Bak 45 – 50 minute lank

SJOKOLADEMELK MET MALVALEKKERS

50 ml Sjokoladesous
500 ml Clover vars volroom melk
Malvalekkers

METODE

Gooi sjokoladesous al om die binnekant van ‘n lang glas
Verhit die melk en giet in die glas
Versier met malvalekkers

MELKTERT

8 Teelepels Koekmeel
12 Teelepels Custard
½ Koppie Suiker
1,5 Liter Melk
1 ml Sout
40 ml Botter
4 Eiers geskei
4 Pakkies Tennisbeskuitjies

METODE

Maak kors van tennisbeskuitjies
Kook melk, suiker en sout saam
Meng meel, custard met ‘n bietjie melk om pasta te vorm
Gooi pasta by gekookte melk
Roer aanhoudend om klonte te voorkom
Roer aanhoudend totdat mengsel dik word
Laat effens afkoel en roer eiers by pasta
Gooi in pan en strooi kaneel bo-oor

ERTJIES EN KAASSLAAI

500 g Bevore ertjies
½ kop Cheddarkaas (blokkies gesny)
¼ kop Mayonaise
¼ kop Gekapte groen salot uie
¼ kop Suurroom
30 ml Gekapte pietersielie
Sout en peper na smaak

METODE

Kook ertjies in soutwater tot sag
Dreineer en laat afkoel
Meng res van die bestandele saam
Geur met sout en peper
BRUINRYS EN HEELPIT MIELIES SLAAI

500 ml Gaar bruinrys
410g g Heelpit mielies (Gedreineer)
1 Engelse Komkommer (in blokkies gesny)
1 Bossie stingeluie (gekap)
1 Rooi of groen soetrissie (ontpit & gekap)

SLAAISOUS

150 ml Jogurt
25 ml Gerasperde ui
25 ml Suurlemoensap
1 Huisie knoffel (fyn gemaak)
3 ml Aangemaakte mosterd
50 ml Gekapte pietersielie
25 ml Agurkies (gekap)
Sout en peper na smaak

METODE

Meng bestandele vir slaai en plaas in bak
Gooi bestandele in slaaisous in ‘n voedsel verwerker en verwerk tot glad
Giet slaaisous oor slaai net voor opdiending
Meng goed om egalig te bedek

KAASSLAAI

½ Blaarslaai grof gebreek
6 Agurkies in ringetjies gesny
Blikkie pynappelsstukkies (gedreineer)
½ Brood se croutons
Cheddar kaas in blokkies gesny

Meng al die bestandele en plaas in glasbak

SOUS

397 g Kondensmelk
1 eetl Kookolie
2 eetl Asyn
Sout en swartpeper na smaak

Meng alles saam
Gooi sous oor net voor opdiening

NOEDELSLAAI

1 pak Skroef of skulpnoedels
1 Ui
125 ml Asyn
200 ml Suiker
1 Green peper
250 ml Tamatiesous
125 ml Olie
25 ml matige kerriepoeier

METODE

Kook die noedels tot sag
Laat dit goed dreineer
Ontpit die green peper en sny fyn
Skil en kap die ui fyn
Meng die noedels, ui en soetrissie in ‘n slaaibak
Meng die tamatiesous, asyn, olie, witsuiker, kerriepoeier, en green peper saam
Giet dit oor die noedelmengsel en meng liggies.
Laat afkoel

PASTA SLAAI

1 Pakkie French slaaisous (botteltjie of aangemaak)

1 Pakkie gekrulde noedels

Kook noedels tot sag.
Laat baie goed afkoel.
Gooi french slaaisous oor.
Roer deeglik deur.

PATATASLAAI

4 Selderystingels (in skyfies gesny)
125 ml Pietersielie
250 g Wit sampioene (gewas en in dun skywe gesny)
6 klein Uie gekap

SOUS

300 ml Olie
60 ml Sojasous
3 Knoffelhuisies (fyngedruk)
60 ml Sesamesaad
125 ml Suurlemoensap
10 ml Heuning
30 ml Medium droë sjerrie
60 ml Koljanderblare

METODE

Meng al die bestande vir die sous in ‘n fles met deksel en skuld goed
Hou eenkant
Kook die pasta
Dreineer goed
Moenie die pasta afspoel nadat dit gedreineer is nie, ander sal die sous nie goed kleef nie
Gooi sous oor voor opdiening

WORTELSLAAI

450 g geelworterls (geskil en grof gerasper)
75 g radyse (gewas en in skyfies gesny)
1 Groot Lemoen (geskil en in skyfies gesny)
60 ml Gekapte pietersielie

SLAAISOUS

90 ml Olie
60 ml Lemoensap
2,5 ml Sout
30 ml Suurlemoensap
5 ml Heuning

METODE

Meng al die bestandele van sous saam
Meng al die boonste bestandele saam
Giet slaaisout bo-oor
Verkoel in yskas tot opdiening

TUNA SLAAI

500 ml Gaar rys (koud)
250 ml Gerasperde wortels
25 ml Gekapte ui
37 ml Blatjang
10 ml Suurlemoensap
200 g Tuna (gedreineer en gevlok)
250 ml Gekapte selderye
250 ml Mayonaise
5 ml Kerriepoeier
Sout en peper

METODE

Meng die rys, tuna, wortels, seldery en uit
Meng die Mayonaise, blatjang, kerriepoeier, suurlemoensap, en sout en peper saam
Voet die sous net voor opdiening by die slaai en meng liggies
Bedien koud

SUIKERMIELIESLAAI

410 g Geroomde suikermielies
4 Piesangs (in skywe gesny)
25 ml Mayonaise
½ Pynappels (in blokkies gesny)
1 Ui (fyn gekap)

METODE

Meng alles goed saam

AARTAPPELS SLAAI

6 Klein aartappels (gekook)
1 Bossie bronkors
250 g Tamatie (kersies)
100 g Sampioene (in skywe gesny)

SLAAISOUS

100 ml Slaaiolie
50 ml Asyn
10 ml Gekapte pietersielie
2. Knoffelvlokkies (fyn gekap)
Sout en peper

METODE

Meng al die bestandele in ‘n slaaibak
Plaas bestandele vir slaaisous in ‘n fles en skud goed
Giet sous oor slaai net voor opdiening

WARM KAAS EN AARTAPPEL SLAAI

4 Groot Aartappels
2 Repe Spekvleis (gebraai en gekap)
120 g Soetvlei kaas (in blokkies gesny)
125 ml Franse slaaisous

METODE

Kook aartappels in kookwater tot sag
Trek skil af en sny in blokkies
Plaas in bak
Voeg kaas blokkies by en meng
Sprinkel spekvleis oor
Verhit slaaisous maar moenie kook nie
Giet oor slaai
Sprinkel grasuie oor en bedien dadelik

SAMPIOENE SLAAI

400 g Sampioene (gesny)
1 Klein blikkie pynappelstukke
6 Hard gekookte eiers (gesny)
1 kop Mayonaise
Suurlemoenpeper
Suurlemoensap
Fondor

METODE

Good fondor, suurlemoenpeper en suurlemoensap by gesnyde sampioene
Voeg eiers en pynappelstukke by
Meng saam met Mayonaise
Bedien so gou as moontlik

RYS SLAAI

500 ml Rys (rou)
2 Knoffelhuisies (fyngedruk)
Olie
500 ml Mayonaise
820 g Perskes (skywe gedreineer)
2 Groen soetrissies (in ringe gesny)
2 Uie (in ringe gesny)
50 ml Kerriepoeier
60 ml Blatjang

METODE

Kook die rys in soutwater tot sag
Dreineer die rys en laat afkoel
Soteer die soetrissie, knoffel en uie in die olie tot sag
Voeg kerriepoeier by en braai vir 1 minuut
Voeg die mayonaise en blatjang by
Meng die kerriemengsel, perskesskywe en rys saam
Skep in slaaibak
Verkoel tot voor opdiening
Dien op saam met koue vleis of braaivleis

GEBAKTE AARTAPPELSLAAI

30 ml Botter
310 ml Melk
Swart peper
6 Medium aartappels (geskil en sag gekook)
30 ml Meelblom (koekmeel)
125 ml Mayonaise
Sout

METODE

Verhit die oond tot 180ºC
Smeer oondbak
Smelt die botter in ‘n pan
Voeg die koekmeel by en roer tot glad
Voeg die melk geleidelik by en roer tot die sous kook en verdik
Geur na smaak met sout en swartpeper
Verwyder van hitte en roer mayonaise by
Sny die aartappels in skywe en plaas in die gesmeerde oondbak
Giet die sous oor die aartappels
MENGEL SLAAI

4 Slaaiblare
2 Skywe pynappels in blokkies gesny
125 ml gaar ertjies
1 Ui (fyn gekap)
1 Komkommer (in blokkies gesny)
1 Appel (in blokkies gesny)
3 Dadels (in blokkies gesny)
250 ml Mayonaise

METODE

Laat week die slaaiblare vir 10 minute lank in soutwater
Dreineer dit
Meng die res van die bestandele liggies saam
Skep in slaaimengsel op die slaaiblare

VERVERSINGS – KOEKSISTERS

3 Eiergele geklits
250 g Koekmeel
3 – 4 t Suur room
1 t Suiker

Meng alles saam en knie goed deur.
Rol uit en sny in repies
Bak in warm olie tot goudbruin
Gooi stooi suiker oor

ONWERKLIKE TERT

4 Eiers
50 ml Margarine
250 ml Suiker
125 ml Koekmeelblom
2 ml Sout
3 ml Bakpoeier
500 ml Melk
250 ml Klapper
5 ml Vanielje

METODE
Plaas bestanddele in 'n mengbak en klits goed totdat al die bestanddele goed gemeng is.
Giet in 'n gesmeerde oondvaste 24 cm tertbord en bak sowat 45 - 55 min. by 180°C of totdat die bo-kors goudbruin is en die vlavulsel gestol is.

VARKTJOPS MET HEERLIKE SOUS

6 groot varktjops
125ml blatjang
bietjie knoffel
250ml koppie kookwater
125ml koppie mayonnaise
125ml koppie tamatiesous
1 pakkie bruin uiesoppoeier

Braai tjops goudbruin aan beide kante.
Meng die sousbestanddele bymekaar en gooi oor die tjops wat in 'n oondvaste skottel gesit is, sit foelie oor en bak vir 1 uur in die oond.

GEBAKTE AARTAPPELS

Gebruik middelmatige tot groot aartappels.
Prik hulle met ‘n vurk om te voorkom dat hulle bars.
Bak in ‘n warm oond by 220C vir 40-50 minute lank.
Rol dit saggies heen en weer in ‘n doek tussen die hande net voordat dit opgedien word, om dit melerig te maak.
Sny ‘n kruisie bo in die aartappels en druk hulle effens sodat ‘n bietjie bo by die opening uitkom.
Sit ‘n klontjie botter bo-op.

VLASKYWE

1 pak Cream cracker-beskuitjies
1 blik Kondensmelk
1 lt Melk
125 g Margarine
4 Eiers
175 ml Mielieblom (mazena)
1 ml Sout
100 ml Appelkooskonfyt
50 ml Klapper

Bedek slegs die boom van ‘n vierkantige tertbak uit met beskuitjies.
Verhit kondensmelk, melk oor matige hitte to kookpunt, roer dit aan die begin tot die kondensmelk opgelos is.
Klits die eiers, mielieblom en sout to gemeng. Roer dit vinnig met ‘n draadklopper by die melkmengsel in sodra die begin kook en roerkook dit to glad en dit.
Skep die warm vulsel dadelik op die beskuitjies in die tertbak sonder om hulle te veel te verskeur. Bedek die vulsel met nog beskuitjies.
Smelt die konfyt en smeer dit liggies oor die beskuitjies.
Roer die klapper oor matige hitte in ‘n braaipan tot dat dit begin verbruin (Oppas dat dit nie te donker word nie). Strooi dit oor die konfyt
Verkoel die tert tot styf.
Sny dit in vierkante net voor opdiening.

Ekstra Inkomste

Hier is iets wat werk, jy word nie oornag ryk nie, maar oor 'n tydjie sal dit vir jou ekstra inkomste inbring, al wat dit jou gaan kos is 'n geringe maandelikse fooi. Dis nie 'n foefie nie, ek het ingeteken en ek kry elke maand 'n krediet in my rekening, so dit kos my niks. Sluit gratis aan vir 'n proeftydperk.
Maar jy moet opgradeer om deel te neem aan die wins, dis egter 'n druppel in die emmer. Probeer gerus!

Die hele proses het nou verbeter en dis nou makliker om te begin inkomste kry, sluit gerus aan vir 'n gratis proeftydperk, kyk die kat uit die boom en gradeer dan op om te begin saamspeel! Klik hier en gaan kyk self!

Dit neem 'n rukkie, maar ek het verlede maand net minder as R1000 gekry. Elke bietjie help!

Yes, out of curiosity I visited Be Motivated Today during September 2009, but only joined during August 2010, what a waste of time!!!.
If I knew what was happening during the year I wasted, man, I would have joined immediately after I  read the details of the setup.
I now have a waiting list of seven on my downline (one already joined as Silver), the others are bound to join during November and they are jumping around purely from excitement to get started and its rubbing off on me as well.
Just one question: My intention is to place an invitation advertisement on the rear window of my car, do you think it could shake some people out of their dreams and make them joining us?

Klik hier vir meer besonderhede

Die Danville Hulpgroep
Gaan kyk gerus na die webwerf hieronder om te sien watse wonderlike werk hierdie groep doen.
Webwerf: www.danvillehulp.co.za

Elsabé BlignautHuis: 012 991 3914
Sel: 082 828 2551
Epos: Elecnet@mweb.co.za

Resepte, resepte,  resepte

Ek het besluit om sake vir my te vergemaklik an al die resepte eBoeke wat ek het (Engels en Afrikaans) op een CD saam te sit. Daar is meer as 110 resepteboeke wat omtrent enige dis bevat wat jy aan kan dink so ek dink nie jy sal nodig hê om ooit weer 'n resepteboek te koop nie. Omtrent al die boeke kom met herverkoopregte (behalwe waar dit anders meld) met ander woorde hulle is nou joune en jy kan maak met hulle wat jy wil selfs ook een vir een van die CD afhaal en herverkoop.

Die prys van die CD is R100 (dis om en by R1 per boek) posgeld uitgesluit

Posgeld is  R20 vir geregistreerde pos en R60 vir Speed Services oornag toonbank tot toonbank.

As jy sou belangstel om een van die CD's te bekom, klik net hier en ek stuur vir jou my bankbesonderhede, gee my ook net jou posadres. Sodra ek dan die CD pos, stuur ek vir jou die spoornommer per epos as bewys dat dit gepos is. As jy R120 deponeer stuur ek dit per geregistreerde pos en as jy R150 deponeer stuur ek dit Speed Services oornag toonbank tot toonbank

Hier is die Afrikaanse boeke:

217 Egte Afrikaanse resepte, Aartappels, Beskuitresepte, Afrikaanse Resepteverskeidenheid, Brood resepte, Vul die beskuitblik, 'n Broodjie vir die blik, Blokkieskoek, Burgers Patties Frikadelle, Brood resepte, Drankies, Drinkgoed, Gemmerbier, Groente, Eet jou groente, Hoender resepte, Happies en Poffers, Kaaskoek, Ietsie anders resepte, Kerskoeke, Karavaan resepte, Kleinkoekies, Kinderlekkerte, Koekiedrukker resepte, Koeke, Likeur, Lekkergoed resepte, Nog resepte, McCain resepte, Moedersdag resepte
Mikrogolf resepte, Peterjasie se boek, Pastageregte, Peterjasie se Kersresepte versameling
Peterjasie se eBoek van vernoemde resepte, Poeding, Peterjasie se Tradisionele SA resepte
Resepte met biltong, Resepteverskeidenheid - ook grootmaat, Slaaie, Sommer net resepte, Sop in die pot, Sop resepte, Terte, Sous, Verskeie resepte 1, Souttert & Pannekoek, Vis en hoender, Veelsydige hoender, Vleisgeregte vir Kersdag, Verskeie resepte 2, Warm en koue drankies, Vleisresepte, Wille samies, Wafels en Pannekoeke, Wors en worsies

Allerlei

Annette se Boererate, Boererate en Verbruikerswenke, Hartstigting dieet, Lennons medikasie, Mate en gewigte, Sop dieet, S A Boererate eBoek, Metrieke omskakelingstabel, Werk van die huis

Hier is die lys van baie ou Engelse resepte eBoeke

A Calendar of Dinners with 615 recipes - 1922
A Dozen dainty recipes for preparing wartime canned meats - 1920
A Home Guide - or a book by 500 ladies - 1877
Aunt Carolines Dixieland Recipes - 1922
A Practical Dictionary of Cookery - 1200 tested recipes - 1898
Best recipes for baking - pre 1908
Buckeye Cookery and Practical Housekeeping - 1877
Burke's Complete Cocktail and tasty bite recipes - 1936
Catering for special occasions with menus and recipes - 1911
Diabetic Cookery - recipes and menus - 1917
Fifty Choice Recipes for Spanish and Mexican Dishes - 1905
Fifty valuable and delicious recipes made with corn meal - 1917
Heart of the Wheat - a book of recipes - 1910
Hospitality - recipes and entertainment hints for all occasions - 1922
Hotel Management - quantity food recipes
Household hints and recipes - 1877
Ice Cream - practical recipes for making ice cream - 1886
Information for everybody - 1859
Jane Hamiltons Recipes - 1909
Just the thing - dainty dishes at small cost - 1899
Larger cookery book of extra recipes - 1891
Leather Manufacture - 1891
Light entertaining - a book of dainty recipes for special occasions - 1910
Mom's Cookbook
On Uncle Sam's Water Wagon - 500 recipes for delicious drinks that can be made at home - 1919
Our candy recipes - 1919
Practical Household Cookery - 1000 recipes - 1891
Preserves and Pickles - 1912
Recipes - dainties, salads and clever hints - 1919
Recipes for the preserving of fruit vegetables and meat - 1908
The Candy Maker's Guide - 1896
The Housekeeper's Friend - 1897
The Hygenic Cookbook - 1881
Tried and Tested Recipes - 1921
Two Hundred and Seventy Five Wartime Recipes - 1918
Two hundred recipes for cooking in casseroles - 1914
Two hundred recipes for making desserts - 1912
War Time Cookery - 1917
Wheatless Recipes - 1918
Wrinkles and Recipes, including farming and household hints - 1877

Hier is die Engelse resepte:

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.