Ek staan op vir Afrikaans!

Dit is ons erns.

Welkom aan alle nuwe intekenare! As julle baie gratis resepteboeke wil aflaai gaan kyk by die Argiewe, meeste van die ou nuusbriewe het resepteboeke as pasellas, gaan laai maar na willekeur daar af.

Ek stuur ook 'n Engelse brief uit, elke brief bevat ook 'n pasella resepte eBoek, gaan kyk gerus en laai na hartelus af.

En so het nog 'n jaar verbygesnel. Baie van julle sien seker uit na 'n heerlike rustydperk, dalk by 'n lekker vakansieoord, ander van julle, soos ons, bly tuis. Nog ander moet egter werk. Ek het altyd graag gedurende Desember gewerk. Die verkeer was heel draaglik, die atmosfeer by die werk was stemmig en rustig en daar was ook al die werks-etes en Kerspartytjies. Ek hou nie daarvan om Desember met vakansie te gaan nie, die te besig, te warm en te duur. Een voordeel van op kierieverlof wees is dat ons buite seisoen kan gaan.

Ek wil graag aan almal 'n Geseënde Feestyd toewens. Ry versigtig en kom weer veilig tuis.

Gemmerbier is net die regte ding vir die warm somerdae, die een pasella hierdie keer is 'n eBoek met gemmerbier resepte. Die tweede pasella is  'n boek wat ek saamgestel het met Feesresepte. Gaan na die pasella afdeling ondertoe en laai na haartelus af.

Die resepte is 'n lekker Boerekos versameling, gaan gerus ondertoe en gaan loer.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Teken hier in op die nuusbrief: http://www.peterjasie.co.za/nuusbrief,html

Waar kan ek van dit kry asseblief?

Laat my weet as jy kan help

peter@peterjasie.co.za

Dankie

Doen dit sommer self, klik hier. As jy nie internet toegang het nie, stuur my epos met jou ou en nuwe adres.

Bo en behalwe die Afrikaanse en Engelse resepte eBoeke het ek nou ook 40 stokou Engelse resepteboeke bygesit. Baie van hulle is oor die 100 jaar oud. Hulle is digitaal geskandeer met ander woorde as jy die .pdf oopmaak sien jy die werlike bladsye van die oorspronklike boek. As jy 'n versamelar van resepteboeke is sal jy die boeke regtig interessant vind.

Gaan kyk onder vir 'n lys van die ou boeke en ook hoe om die CD te bestel.

Klik hier om te gaan kyk na al wat 'n statistiek is oor Springbok rugby asook sie afgelope seisoen

Soekblokkie

Ons gaan in die Holiday Inn bly!
Toe ek gister navraag doen oor die koste by 'n luukse ouetehuis, kwoteer hul my R855.00 per dag.
Die Holiday Inn kwoteer, na pensioenaris- en langtermyn-afslag, net R590 per dag.
Ontbyt is ingesluit, en Dan is daar nog 'n ontspannings-uur in die middag ook.
As ons Dan in die Holiday Inn bly laat dit R265 per dag vir middag-en aandete in enige restaurant van ons keuse, of kamerdiens-etes. Of dit kan vir wasgoed, fooitjies of spesiale TV-flieks gebruik word.
Plus, hul verskaf ook 'n spa, swembad, gimnasium, eetkamer, wasmasjien en droër, die daaglikse koerant, ens.
En Dan ook nog gratis tandepasta, skeermesse, sjampoo, seep en opknapper!
Gee R25 se fooitjies per dag en die hele personeel hardloop agter jou aan om jou te bedien.
Hul behandel jou soos 'n kliënt, en nie soos 'n pasiënt nie.
Ek gaan my kar verkoop, want daar's 'n busstop reg voor die voordeur onder die dak, en pensioenarisse ry verniet!
Daar's boonop nog 'n gholfkarretjie wat jou gratis rond ry op die perseel as jy bietjie vars lug soek! En indien jy ander vriendelike mense wil ontmoet, neem net die bus Sondae kerk toe.
Vir afwisseling neem die heen-en-weer busdiens na die lughawe, en geniet 'n ete by die baie oulike restaurante daar. Terwyl jy daar is, vlieg sommer êrens heen, Anders spaar jy te veel en hoop jou geld net op.
En jy hoef ook nie vir ewig in dieselfde hotel te bly nie, jy kan van die een Inn na die ander Inn trek met dieselfde voordele.
Wil jy graag die Bahamas besoek? Holiday Inn is daar ook!
Breek die TV? Het die ligte geblaas? 'n Nuwe matras? Geen probleem, hul maak alles dadelik reg of vervang met 'n nuwe. Boonop vra hul Dan nog om verskoning vir jou ongerief.
Daar's ook nog die wagte wat jou snags oppas. Elke dag loer die kamerbediende in om te hoor hoe dit gaan. As nodig bel sy sommer die ambulans . Of vir AVBOB.
Indien jy dalk Val en jou heup of 'n arm breek, betaal Holiday Inn se versekering die mediese koste en 'n pyntoelaag. Dan opgradeer hul jou na 'n luukse suite vir die res van jou lewe!
En natuurlik is dit geen probleem as die kinders kom kuier nie. Hulle sal gereeld kom kuier, want nou word dit sommer 'n kort vakansie, veral as jy Dan by Margate se Holiday Inn is. En die kleinkinders swem in die kinderpoel, waar 'n opasser na hul kyk.
Die waglys vir ordentlike ouetehuise is maande of jare lank, terwyl die Holiday Inn jou sommer vandag al sal inneem.
Waarvoor kan mens meer vra?
Ek oorweeg dit ernstig om vroeër af te tree!
 

Koop een geskenk en stuur dit sommer aan almal per epos, vriende, familie of kollegas. Spaar 'n fortion aan posgeld. Ek stel twee van my resepte eBoeke beskikbaar teen net R60, Peterjasie se Boek en ook Peterjasie se Feesresepte. As jy sou belangstel, stuur my 'n epos en ek gee vir jou my bankbesonderhede. Ek epos die boeke onmiddelik vir jou.  ( peter@peterjasie.co.za )

Baie dankie aan Leon van Nierop en ook RSG vir die vergunning om teks van hierdie reeks te gebruik.

Die volledige reeks programme kan  hier gelees word

Regs klik hier  om 'n eBoek met Feesresepte af te laai. Regs klik hier om 'n eBoek met Gemmerbier resepte af te laai.

Deel 3

Thomas A. Edison het die fonograaf — die voorloper van die grammofoon — reeds in 1872 uitgevind en in 1880 begin plate (silinders) maak maar Boeremusiekplate is eers in 1930 vir die eerste keer gemaak! Met ander woorde 50 jaar later! Dit sou 'n geweldige hupstoot aan Boeremusiek gegee het as daar in die negentiende eeu reeds plate gemaak was want dit kon baie van die raaiwerk uitgeskakel het.
Sodra 'n plaat gemaak word kry dit 'n matrysnommer. Sodra iemand anders dieselfde nommer op plaat wil sit moet dieselfde matrysnommer gebruik word met 'n /1 of /A agtervoegsel. Op die manier word die belange van die oorspronklike komponis beskerm. Die gewoonte is om die nommers wat nie aan 'n komponis toegeken kan word nie, tradisioneel te noem. Hierdie gebruik is egter ook nie sonder haakplekke nie en lei tot velerlei misdrywe wat nie regverdig teenoor die komponis is nie.
Kom ons keer terug na die 19de eeu en Boeremusiek!
Sir Charles Wheatstone het 'n baie belangrike patent in 1829 geregistreer. Sy eerste free reed instrument, wat hy die Symphonian noem — die voorloper van die Wheatstone konsertina — sien die lig. Vir doeleindes van hierdie boek geniet die Wheatstone konsertina voorrang omdat dit die konsertina is wat baie populêr onder die Boeremusikante was en nog steeds is — veral die Anglo–chromatiese model.
Sommige ander lede van die free reed familie is die akkordeon, mondfluitjie en orrel. Die eerste free reed instrument is uit China afkomstig en bekend as die Naw en is 5000 jaar oud!
Flip Delport, bestuurslid van die Noordwestak, is tans besig met omvattende navorsing oor die konsertina asook ander ou musiekinstrumente.
Flip verduidelik: By hierdie instrument word wind deur die longe verskaf. Dit word deur die mond geblaas en vingers word as kleppe gebruik om gaatjies in die bamboespypies, wat resonerende klankkamers is, af te sluit en oop te maak. Die klank word geproduseer deur 'n metaaltongetjie waarvan die punt vry in beweging vibreer.
Teen die einde van die 18de eeu en vroeg in die negetiende eeu is 'n hele reeks nuwe musiekinstrumente ontwikkel waarvan heelwat op die lees van die Sheng geskoei was. Hieronder val die Aura of Mundaeoline (Die woord Mundaeoline is 'n samestellng van mond, Griekse windgod en viool d.w.s. 'n windviool wat met die mond gespeel word) — 'n voorloper van die harmonica of mondfluitjie. Volgens verkoopstatistiek was die mondfluitjie die gewildste vrytongetjie instrument ooit! Meer nuwe instrumente het die lig gesien en binne die volgende 50 jaar sou instrumente soos die akkordeon, mondfluitjie, traporreljie, konsertina en bandoneon en al hulle variasies, die lug vul met nuwe klanke.
Te midde van al hierdie nuwe ontwikkellinge in Europa het Sir Charles Wheatstone in Engeland die Sheng begin moderniseer en meganiseer en hy patenteer in 1829 sy Symphonium – die voorloper van die Wheatstone konsertina.
Terwyl Sir Charles Wheatstone in Engeland besig was, het Carl Friedrich Uhlig in Chemnitz Duitsland sy konzertina ontwikkel. Wat veral belangrik is, is die feit dat hy van die begin af 'n diatoniese konsertina gebou het m.a.w. die in en uit van 'n noot het verskil.

Intussen is die Boere in Suid Afrika onbewus van hierdie gebeure en speel hulle Boeremusiek rustig voort op hulle mondfluitjies, traporrels, viole en tweery boerekonsertinas, meesal Höhners.
Dit is belangrik om daarop te let dat Wheatstone op hierdie stadium (1840), op sy Engelse Vierry konsertina met die 48 knoppies gekonsentreer het. Ene Rigondi was destyds 'n virtuoos van hierdie konsertina. 'n Ander konsertinaspeler van hierdie tydperk was Alexander Prince wie se musiek in 1898 op 'n Edison silinder — no. 23081 — opgeneem is. Nog 'n kenmerk van die Engelse Vierry konsertina was sy koppe met meer rye waarvan die bandjies in die duime gepas het en nie oor die hele hand soos ons dit vandag ken nie. Die sogenaamde Engelse konsertina was nog nie vervaardig nie!

Uit 15 Goue Jare , saamgestel deur Kalie de Jager

Klik net hier , registreer en koop 'n kaartjie. Dis doodveilig, en sodra die transaksie afgehandel is, kan jy begin droom, lekker groot droom. En as jy vir die eerste keer registreer kry jy nog 'n gratis kaartjie ook! Waarvoor wag jy?

Hier is die lys van beskikbare Lotto s en die huidige boerpotte:

Powerball US $86,000,000
SuperEnaLotto EU €21,800,000
MegaMillions US $22,000,000
MegaSena US $21,300,000
EuroMillions EU €15,000,000
UKLottery UK £9,300,000
ElGordo EU €7,800,000
SuperLottoPlus US $10,000,000
FranceLoto EU €5,000,000
OzPowerball US $2,900,000

Sjoe, dis darem maar groot geld!

 Dit het in die Gemeentebrief van Kuilsrivier verskyn:

Liewe liewe Jesus,

Ek hoop nie ek is te laat met my briefie nie, want oupa is baie siek.
Nou wil ek net gou-gou vir Liewe Jesus vertel wat oupa van hou, sodat as hy in die hemel kom, als reg sal wees.

Liewe Jesus, sę tog vir ouma sy moet die afval en doekpoeding reghou, want ek dink oupa sal honger wees as hy daar kom. Jesus weet mos self hoe ver is Die hemel van die aarde af en as mens so ver gery het, is mens baie honger. Sorg asseblief dat daar baie boeke is, want oupa het graag gelees toe hy nog jonk was. Hy hou niks van katte nie, want hy
sę dit laat sy bors toetrek. Hy is mal oor honde, so dit sal goed wees as liewe Jesus vir Brak wat verlede jaar dood is, daar kan hę.

O ja: Liewe Jesus, oupa snuif en net Singleton, dit sal nie help om anner snuif te koop nie. Liewe Jesus gaan net die geld mors.

Dan een laaste ou gunsie: My oupa het nooit van blink goeters gehou nie, en ek lees in die Bybel die strate in die hemel is van goud. Ag Jesus, dis nie dat oupa ondankbaar is nie, maar hy sal eerder daarvan hou om in die veld tussen die voëltjies en diere te bly. So asseblief, as ouma daar in die blink strate bly, laat sy asseblief dadelik bos toe trek, want as oupa daar kom, sal sy by hom wil wees.

Ek dink ek het nou als gesę wat ek moet.

Stuur hierdie xxx vir ouma.

Ek lief Liewe Jesus duisend.

Alles wat jy wil weet oor Boeremusiek.

Hierdie is die webblad van Kalie de Jager en is spesifiek daarop toegespits om die Versameling...Bewaring...en Uitbouing...van Boeremusiek aan te spreek.

Klik hier om sy webblad te besoek.

Ekke is ook op Facebook, as jy dalk 'n Facebook profiel het en by myne wil aansluit, klik net hier. Hoe meer siele hoe meer vreugde. My Facebook eposadres is peter@funkymunky.co.za of kry my by www.facebook.com/Peterjasie

Ek Tweet ook nou en dan op Twitter by @Peterjasie

Mirna is ‘n opvoedkundige sielkundige en Heel Skool Evalueerder in Stellenbosch.  Sy het onderwys gegee by verskeie skole, o.a. Hoërskool Stellenbosch, Hoër Meisieskool Bloemhof en Jan Krielskool vir leerders met hindernisse tot leer.  Sy gee praatjies, skryf artikels, lag en reis die hele land vol.  Sy is ‘n ma, lief vir die kunste, die see en kinders.   Jy is welkom om kommentaar en vrae te stuur na mirnafvanwyk@gmail.com.

Mirna sal weer volgende jaar met ons wees nadat sy 'n welverdiende breek geniet het 

Klik hier om Mirna se ander artikels te lees

Ek hou van Steve, hy inspireer my. Lees wat skryf hy:

Soveel versoeke hiervoor.
Veral na die Voortrekkermonument konsert (foto onder).
Hierdie woorde kan jy hoor op my konsert, elke aand, voordat ek ONS SAL DIT OORLEEF sing.
Dit was vreemd om dit neer te skryf, want ek doen dit elke aand anders en sommer uit my kop uit.
En die spoeg spat, ja:

“Toe U2 Suid-Afrika toe kom, koop ek my kaartjies heel eerste. R5000 vir twee kaartjies.
Ek wag al twintig jaar daarvoor. Ek het ’n orkes begin danksy U2.
Ek het al hulle liedjies geken en veral van hulle sanger gehou. Soos Bono sou ek ook verveeld raak om ’n popster te wees.
Daar moet meer wees in die lewe as om ’n popster te wil wees. Saterdagaand sien ek my held in Johannesburg. Ek’s reg.
Maar Vrydagaand sing ek eers in Alldays. Dis vêr noord. Warm bosveld.
Die aanloopbaan lê sommerso langs die verhoog tussen die doringbome.
Die volgende oggend vra die Boer of hy sy familie aan my kan kom voorstel. Natuurlik sê ek.
Toe hulle inkom, sien ek vier opgekerfde mense voor my. Ek maak nog ’n dom grap.
Ek vra die Boer of dit ’n leeu of luiperd was wat hulle aangeval het.
Nee, sê hy. Dit was ’n mens.

Ek weet nie wat om te sê nie. Ek verskoon myself en loop vliegtuig toe. Kyk nie om nie. Ek wil wegkom.
Ek waai vir die opgekerfde mense. Ek wil nie weet nie. Ek wil Bono gaan kyk in Johannesburg.
Toe ek land in Pretoria klim ek in my kar en jaag deur.
Toe ek oor die Jukskei ry hoor ek Bono sê dat dit okei is om Struggle liedjies soos KILL THE BOER te sing.

Ek slaan my brieke aan, maak my venster oop en smyt my kaartjies in die Jukskeirivier.
Ek draai om en gaan huis toe.

Dis nie blerrie okei nie, meneer Bono.
Want voordat jy weer WITH OR WITHOUT YOU sing, sal ons meer Boere verloor het as wat julle mense verloor in Ierland.
En ons SAL ’n Boer verloor voor Sondag.
Ons Afrikaners staan meer Boere af aan die dood as wat daar soldate sterf in Irak en Afganistan saam.
Dit is nie okei nie, meneer Bono.
Waar is jou humanitêre grootbek nou dat die sterftesyfer hoër is ooit?
DIT IS NIE OKEI NIE.

Want elke keer as daar ’n Boer sterf, verloor ek en jy iets.
Verloor jy ’n stukkie taal, ’n stukkie kultuur, ’n stukkie identiteit en godsdiens.
Verloor ons die voorreg van ’n Afrikaanse grappie om ’n braai.
Verloor ons die voorreg van nagereg. Van Hertzogkoekies en Jan Ellis Poeding.
Verloor ons die voorreg van Psalm 23, in Afrikaans.
Verloor ons ’n Gesang wat sê ek sien ’n nuwe hemel kom.
Verloor ons ’n stukkie Sheila Cussons, ’n stukkie Elizabeth Eybers, Eugene Marais en AG Visser.
Verloor ons NP van Wyk Louw en Brolloks en Bittergal.
Verloor ons die voorreg van CJ Langenhoven en om op ’n rots te staan en skree: ek sal antwoord op jou roepstem en sal offer wat jy vra.
Verloor ons die FAK, verloor ons Suikerbossie. Verloor ons Hasie Hoekom Is Jou Stert so kort.
Verloor ons die voorreg van Voortrekker erfenis al langs die N1 af.

Totsiens Louis Trichardt, Totsiens Pietersburg, Totsiens Naboomspruit, Totsiens Nylstroom, Totsiens Warmbad en Totsiens Pretoria. Wie de donner was Tswane in elk geval!?
Kom ek vertel jou wie was Pretorius, Potgieter, Maritz, Generaals Botha, Delarey, Hertzog en Smuts.
Elke keer as daar ’n Boer sterf verloor ons die voorreg van die Groen en Goud, verloor ons die Springbok, verloor ons vir Danie Craven en Frik du Preez.

Verloor ons ’n bladsy in die geskiedenis sillabes van ons eie land.
Verloor ons die voorreg van EEN klaskamer in Afrikaans.
Verloor ons die voorreg van EEN enkele Afrikaanse universiteit.
Dit is nie okei nie.

Sê ek jou dit als om jou swaar te maak?
Nee.
Ek sê jou dit om jou lig te maak. Jou te bevry. Kyk na jou arms. Het jy vergeet watter bloed vloei in jou are?
Jy kom van voorouers uit Europa wat geweier het om onderdanig te wees aan enigiemand.
Toe pak hulle hul tasse. Waarnatoe? New York toe?
Ha! Na die gat kant van Afrika toe. Hier moes hulle weer onderdanig wees.
Twee keer. Waarnatoe trek hulle? Terug New York toe?
Ha! Binneland toe op ’n geelhout kakebeenwa met tien osse en ’n touleier.
In elke oorlog waarin jou voorouers betrokke was, was hulle verreweg die minderheid.
Dan wen hulle! Dan wen hulle!
En wanneer hulle verloor, dan gaan hulle op hulle knieë en sê Dankie, God, ons sal dit oorleef.
Ek sê jou vandag.
Ons sal dit oorleef.”

(Skrywer: Onbekend)
Ek is n pa. Soms moet ek my soos n pa gedra. In die ou dae was dit albasters, tolle en ketties. Dinge het verander. So twee weke gelede fluister die twee stoutgat buurkinders oorkant die straat mos die woorde "GOLD REEF CITY" vir my laaitie.
Nou wat kan n man nou doen? Jy gaan maar GRC toe. Oukei, so beloer ek mos hulle webwerf. Nananana, lyk heel mak, hier en daar n ry en n rol of twee. Ek wil in elk geval ook in die myn afgaan. So trek ek my plakkies aan, kam my hare en daar gaan ons, die hele fendêmillie.
Ons kom nogal vroeg daar aan. Ek kap manhaftig twee worsbroodjies weg, en n halfliter melk, en besluit om maar die pa-seun vo•tjies-vleg ding te doen en ry saam met sy eerste rit genaamd die Wegholtrein. Eers gedink die ding is vir kleuters, tot hy sywaarts ook begin beweeg. Effe ongemaklik gevoel toe ons afklim. Waggel toe maar agter die mannetjie aan na die volgende een. Hoor hom voor ek hom sien. Klink soos n Boeing wat land.
Toe gewaar ek die groot naambord: Anakonda!
Ek het al gehoor van die goed. Nog net n tuinslang van naby gesien. Maar nou ja, ek's mos die PA van die huis, dra die broek, issie n sissie nie. Ek maak my arms bak, en ek loop fier en regop teen die dekplank op. Ek gaan die donner ry. Wat kan nou eintlik verkeerd gaan? Eerste fout is die lang tou waarin jy moet wag. Gee jou kans om te sien wat doen die ding aan mense.
Toe hy die tweede keer kom stop, klim daar so n jong student af met spiere waar ek voue het. Hy skiet n kat net daar oor die reling. Nou weet ek, my twak is uitgeknip en afgerol vir my. Ons beurt. My klein snotneus trek kleinkoppie, maar ma kyk my uit. Dis hier waar 'n mens maar maak of jy windgat en manlik is. Hou my ken hoog en knyp die boude styf.
'n Mens klim in die ding en maak soos n vlermuis, jy hang half onderstebo. Die veiligheidstaaf wil nie oor my hoenderborsie nie, so toe hou ek maar my lyf Ville Valo, en maak myself dun. Haak die belt een gaatjie te styf . . . dink ek. KLANG KLANG KLANG KLANG . . . en kom ons neuk nie rond nie . . . skielik is ek so bang dat ek n nieraanval kry . . .
Dan draai die etterse ding en dan MOER HY NA BENEDE MET DIE SPOED VAN DIE HEILIGE FLIPPEN WIT ELAND. Glo my maar, vergeet van enige kar, bike, vliegtuig of wat ookal jou maatstaf is waarmee jy manlikheid meet, die ding gee gas soos niks wat ek al ooit gevoel het nie. Maar of dit nou nie genoeg is nie, gaan voeter die ding onderstebo met jou. Ek voel daai worsrolletjie hier teen my ribbes. Nee wag, ek voel sy tekstuur, elke enkele veseltjie en grein van hom.
Kêrels, ons kom uit daai eerste draai met die spoed van flippen wit lig. Ek wil hê hy moet stop. Ek bid vir die eerste keer in 22 jaar. Dit werk, ons maak weer gelyk. Toe slaan ons daai tweede kurwe. Korter radius as die eerste. Ons moer so vinnig daar deur dat ek een van my plakkies verloor.
Eers onderstebo, dan deur twee reghoekige draaie waartydens ek tien jaar ouer word. En toe kurk-flippen-trekker hy met ons. Klits daai flippen broodjie en die melk laat dit lyk soos daai gemors wat jy oor bobotie gooi. Nog n draai en, ag te hel daarmee, traak nie wat vroutjie of die wêreld van my dink nie, toe skree ek soos n Namibiese vlaktevlermuis wat se sonar gekalf het.Ons kom daai stasie binne teen 200 km/h en net vir die grap en net vir die pret, briek hy doodstil binne 10 tree. Ek sit net daar, versteend, te bang om te roer. Alles in een slag verloor. My trots, my valstande en my worsbroodjie.
Vroutjie wil nog soos n wafferse Eva, ooo! en aaa! en kom ons ry weer die slang, maar ek bly dikbek en naar en hou voet by stuk ek wil huis toe gaan.
Die slang in die paradys was sekerlik ook n Anakonda...
 

'n Kersnaglegende

"Waar Judas, volgens die genade wat hom verleen is,
een nag in die jaar ronddwaal om hom af te koel
op die Noordpoolysveld." - Ou legende.

Op Kersnag, as die noorderligte
Die Noordpoolys met silwer spoel,
Klim Judas uit die hel se hitte
Om op die ysveld af te koel.

'n Enkele nag, uit al die nagte
Wat altesaam 'n jaargang tel,
'n Enkele nag, uit al die nagte
Waar elke nag gedurig kwel,

Is syne. As die Noordpoolligte
'n Gloed van goud stort op die wit
Van eeue-oue see-ysrotse,
Dan klim hy op om daar te sit.

Stok-oud - nog ouer as die rotse,
En bleek - nog bleker as die ys,
Met oë dowwer as die sterre
Waaroor die skemerdons vergrys,

Sit hy daar eensaam en verlate,
Met net die ys rondom; alleen,
En tog omring deur spookgedagtes
Wat op die ysveld staan en ween,

Gedagtes uit sy kinderjare:
Oliewenhout se grysgroen loof;
Lemoen se goud en dadelpalme;
Die donker-koel, groen bergekloof;

Die kudde skape op die weiveld;
Die mure van Jerusalem;
Die glinsterkoepel van die tempel;
Johannes met sy silwer stem;

Die soekende wyse uit die Ooste;
Die blink ster bo die bakermat;
Getsémané se smartvol vrede;
Sy eie duurgekoopte skat;

Sy bloed'rig dertig silwerlinge;
Die stuwende skaar se swaar gedruis
In optog na die martelheuwel;
Die doringkroon, die riet, die kruis -

Dis algar syne. As die ligte
Die brandwond op sy bors bestraal,
Dan sien hy hoe die spookgedagtes
Weemoedig oor die ysveld dwaal,

Soos skimme wat in droomgesigte
Gesien word, of as koors jou kwel,
Gedaantes uit berou gebore,
En uit vertwyfling saamgestel.

Omring deur stralende prag en glorie,
Daar waar die yskoud ysveldgeur
Sy lawende koelte oor hom uitstort
En elke ysrots blink met kleur,

Met blou saffier wat in die dieptes
Versterk word tot 'n donker groen,
Met geel wat die karbonkel uitdaag,
En teerste pers en perlemoen;

Omring deur al sy spookgedagtes
Wat uit die verste verte wink,
Stok-oud, gebroke, afgemartel,
Met nog net krag om t'rug te dink,

Dwaal Judas op die Noordpoolysveld
Op Kersnag, sy genadenag -
Die enkele nag uit al die nagte
Wat troos kan gee of smart versag.

En in die blink straal wat die ligte -
Die noorderligte - op hom giet,
En in die goud- en reënboogkleure
Wat deur die yskoud rotse skiet,

Bespeur hy met sy dowwe oë,
Gemartel deur die eeue heen:
'n Aalmoes wat sy siel kan lawe,
'n Troos wat afdaal soos 'n seën.

Op Kersnag, as die noorderligte
Die Noordpoolys met goud bestraal,
Klim Judas uit die hel se hitte
Om op die ysveld rond te dwaal;

Op Kersnag, as die kandelare
Met kerkgewyde kerse pryk,
En vreuggeskal van Kersnagkore
Tot teen die verste sterre stryk,

Dwaal Judas op die Noordpoolvelde,
Stokoud, gebroke, en alleen,
En soek na wat sy siel kan lawe:
'n Troos wat afdaal soos 'n seën.

C Louis Leipoldt

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Zalome is nog iemand wat probeer om die gebruik van Afrikaans op die internet te bevorder. Sy stuur lekker "kletsbriefies" per epos uit. Daar is twee soorte, een met musiek en een sonder musiek wat dan vinnig aflaai.

Om aan te sluit, klik net op die skakel van die brief wat jy wil ontvang, doen dit van die rekenaar af waar jy die brief op sal wil ontvang. Yahoo sal dan,
'n bevestingsbrief stuur, "Reply" net daarop en dis dan al! Kom sluit aan, dis gratis en dis pret (in Afrikaans).

AFRIKAANS MET MUSIEK:
ZALOME-AFRIKAANS_muso-subscribe@yahoogroups.com

AFRIKAANS SONDER MUSIEK:
ZALOME-AFRIKAANS_geen-muso-subscribe@yahoogroups.com

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier 

Laas nag lê ek in my bed en
kyk na die bome se blare wat
ritsel in die wind,
die magdom blink sterre, pragtige hemelruim,
eindlose horison, die oneindige heelal ...
en skielik dink ek ... aan die
nuwe Suid Afrika en besef ...

... waar de donner is my dak ?

Moeilike Ouvrou in hof vir winkel diefstal.
Landdros; "Wat het jy gesteel?"
Sy: " n Blik perskes."
Landdros: Hoeveel was daarin?
Sy: "6"
Landdros : "Ses dae tronkstraf.
Haar ouman uit die banke..........
"Sy't n groot blik ertjies ook gevat!

Onlangs op Facebook gesien: Deborah Mc Mahon sê toe haar sensusopnemer vra, hoeveel afhanklikes het jy, sy as volg geantwoord het:
7 miljoen onwettigge immigrante
14 miljoen werkloses
2 miljoen in die tronk, Swaziland, Zimbabwe plus die 535 idiote in die SA regering.
Sy sê die antwoord was nie aanvaarbaar nie.

Jannie se ma sê vir Jannie om sy Pa te bel en te vra hoe laat hy huis toe kom van gholf af.
Jannie bel en sê agterna vir sy Ma: "Daar's 'n vrou wat sê hy kannie nou praat nie!"
Later kom Pappa by die huis en Mamma gee hom 'n vreeslike oorveeg dat sy oê traan en sy tande klap.
Pappa heel verbaas: "Wat de hel was dit voor?"
Mamma sê vir Jannie: "Sê PRESIES vir jou Pa wat die vrou gesê het toe jy gebel het!"
Jannie: "THE SUBSCRIBER U HAVE DIALLED IS NOT AVAILABLE RIGHT NOW.
PLEASE TRY AGAIN LATER."

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

Hoe maak jy dat mense van jou hou
Ons wil almal baie graag hê dat mense van ons moet hou. Maar hoe doen ons dit, hoe kry ons dit reg?
Ek bespreek so 'n paar idees en gedagtes hieromtrent aan die hand van Dale Carnegie se boek Hoe om Vriende te wen en Mense te beïnvloed. In my praktyk, waar ek baie mense konsulteer, het ek gesien en waargeneem wat dit is wat maak dat mense van jou hou of nie, en ek sluit 'n paar persoonlike waarnemings en wenke in. Dan het my skoonma my nog altyd daarop gewys wat ek kan doen, sodat sy van my sal hou - ek grap sommer, my skoonmoeder is baie lief vir my (en ek vir haar.) Die res van die wenke het ek uit my duim gesuig:
• Ons moet leer om nie so maklik te oordeel nie. Probeer verstaan waarom mense doen wat hulle doen, probeer begryp wat hulle situasie en omstandighede is - wat hulle motief is. Moenie kritiseer en oordeel nie.
• Ontwikkel 'n egte belangstelling in mense.
• Glimlag wanneer jy mense ontmoet. Glimlag in die teenwoordigheid van mense. Glimlag wanneer jy oor die telefoon praat. Nors en stuurse mense skrik ander af. Wanneer jy wil hê dat mense van jou hou - glimlag!
• Wees vriendelik.
• Onthou mense se name. 'n Mens se naam is vir hom of haar baie belangrik. Mense is gesteld daarop hoedat jy hul naam uitspreek of dat jy dit reg skryf. Vir mense verteenwoordig hul naam wie hul is.
• Mense hou daarvan om oor hulself te praat. Vra mense uit en moedig hulle aan om te praat. Word 'n goeie luisteraar en mense sal van jou hou.
• Praat oor wat die ander persoon interesseer. Dit werk soos 'n bom. Mense praat graag oor dit waarin hulle belangstel, oor hul werk, oor hulle mening oor aktuele sake, oor dinge wat hulle van hou om te doen. Jy raak gou vir ander vervelig wanneer jy net oor jouself praat en jou eie belangstellings vooropstel. Verbeel jou jy is 'n TV-aanbieder van jou eie "talk-show" en vra uit en geniet jou gas se vertellings oor sy of haar se doen en late.
• Laat die ander persoon belangrik voel. Laat die persoon met wie jy praat voel dat hy of sy die belangrikste persoon op planeet aarde is, en bedoel dit opreg.
• Toon respek vir 'n ander se mening. Vermy om vir mense te sê dat hulle verkeerd is. Afbrekende kritiek en om jou eie beuel te blaas, maak jou verseker nie meer gewild nie.
• Vermy argumente. Die beste manier om 'n argument te vermy is om dit te vermy. In sekere sake is 'n konfrontasie nodig - doen dit so gou as wat dit nodig is en kry dit op 'n ordentlike manier agter die rug. Maar vermy onnodige twis en geredekawel wat net die humeure opjaag en niks verder bereik nie
• Sê wanneer jy verkeerd is - doen dit dadelik. Bied jou opregte verskoning aan wanneer jy iets verkeerd gesê of gedoen het. Jou apologie gaan maak dat jy meer vriende wen.
• Sien humor in 'n saak. Mense hou van mense wat humor kan toon, wat maklik kan lag en met wie dit gemaklik is om om te gaan. Mense met 'n nors en stuurse uitdrukking en bitterbek, moenie verwag om oorval te word van mense wat van jou gaan hou nie.
• Wees positief en 'n optimis. Ek sê gewoonlik vir mense om weg te hardloop van negatiewe mense, want hulle parasiteer op jou energie en lewenslus. Morbiede mense wat net die swartkant van alles sien en voortdurend daaroor kla, skrik my totaal af. Positiewe mense, optimisitese mense trek ander aan. Jy wil mos graag vriende maak en mense nader aan jou trek - wees 'n blymoedige en positiewe mens met borrelende lewenslus.
• Kry innerlike vrede en rustigheid in jou gemoed, want dit wat binne 'n mens is, straal uit na buite toe. Die vrede en rustigheid wat jy uitstraal, maak dat mense graag in jou teenwoordigheid sal wil wees.
• Wees lief vir mense.
• Leef goeie maniere teenoor ander uit en wees bedagsaam.
The most important single ingredient in the formula of success is knowing how to get along with other people.
- Theodore Roosevelt -

John Kehoe (in Money Success & You) sê dat 'n studie getoon het dat die volgende tien kwaliteite die meeste geadmireer word:
1. Sin vir humor
2. Opregtheid
3. Eerlikheid
4. Oopheid en ontvanklikheid
5. Positiewe houding
6. Medelye en empatie
7. Geduld
8. Goeie luister vermoë
9. Selfvertroue
10.Goedgemanierdheid
Evalueer jou aan die hand van bostaande kwaliteite en eienskappe. Of nog beter, laat iemand wat jou ken en wie met jou eerlik sal wees, jou evalueer en terugvoering gee. Werk dan doelgerig om jouself te verbeter in die areas waar jy dit nodig het.
Hier is 'n goeie stukkie wysheid:
The next time you face a customer who has every right to be upset, say something like this: 'I don't blame you for feeling as you do. If I were you, I'd feel exactly the same way. What would you like for me to do?' These are magical, healing words, and you'll be surprised at how reasonable people become when they believe you are on there side. If you are angry, why not try this. Write a letter. Pour out all of your feelings, describe your anger and disappointment. Don't hold anything back. Then put the letter in a drawer. After two days, take it out and read it. Do you still want to send it? I've found that anger and pie crusts soften after two days.
- H. Jackson Brown, Jr -
Daar is mense wat sal sê dat hulle nie instaat is om te verander nie. Maar natuurlik kan jy verander - jy kan baie dinge verander. Geen rede waarom jy nie sekere kwaliteite en eienskappe kan verbeter nie. Jy moet net die wil en motivering daartoe hê. Programmeer jou brein met positiewe boodskappe soos "ek kan dit doen," of "wanneer ek iemand ontmoet gaan ek glimlag en sy naam onthou," of "ek gaan my regtig instel om te luister wat iemand sê en om presies te verstaan hoekom dit haar standpunt is."
Wie ander mense bly wil maak, moet vreugde in homself hê.
Wie die wêreld wil verwarm, moet vuur in homself dra.
Wie ander mense wil help, moet sagte hande hê, sodat hy nie seermaak nie.
Wie vrede wil bring, moet eers in sy eie hart vrede gevind het.
- Phil Bosmans -
Beteken dit nou dat ek nooit my standpunt mag stel nie, dat ek nou sommer elke Jan Rap se vloerlap is en net daar is om almal te plesier. Nee, baie beslis nie. Ek moet steeds die egte, outentieke EK bly en wees - daar is egter soveel natuurlike en normale menslike response wat ek kan gebruik om goeie menseverhoudinge te handhaaf al is dit in 'n konfliksituasie. Response teenoor ander mense wat sal maak dat hulle meer van my hou. Ek verloor myself nie in die proses nie, maar verbeter inderwaardheid my karakter en geaardheid.
'n Sprankie wysheid vir die dag
"Neem afguns uit 'n karakter en jy sal vind die moontlikhede om vriendskappe te sluit is nou groter." - Elizabeth B. Custer -

Jy kan inteken op st se nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

Nuusbrief argiewe

As jy dalk nog baie resepte wil hê, gaan kyk in die argiewe, elke nuusbrief bevat resepte en meeste van hulle het ook nog gratis aflaaibare resepte eBoeke.

Klits eiers en sou effens. Voeg koekmeelblom by en meng goed. Voeg water by om stywe deegte vorm. Skep in borde en strooi kaneelsuiker oor.

Ekstra Inkomste

Hier is iets wat werk, jy word nie oornag ryk nie, maar oor 'n tydjie sal dit vir jou ekstra inkomste inbring, al wat dit jou gaan kos is 'n geringe maandelikse fooi. Dis nie 'n foefie nie, ek het ingeteken en ek kry elke maand 'n krediet in my rekening, so dit kos my niks. Sluit gratis aan vir 'n proeftydperk.
Maar jy moet opgradeer om deel te neem aan die wins, dis egter 'n druppel in die emmer. Probeer gerus!

Die hele proses het nou verbeter en dis nou makliker om te begin inkomste kry, sluit gerus aan vir 'n gratis proeftydperk, kyk die kat uit die boom en gradeer dan op om te begin saamspeel! Klik hier en gaan kyk self!

Dit neem 'n rukkie, maar ek het verlede maand net minder as R1000 gekry. Elke bietjie help!

Yes, out of curiosity I visited Be Motivated Today during September 2009, but only joined during August 2010, what a waste of time!!!.
If I knew what was happening during the year I wasted, man, I would have joined immediately after I  read the details of the setup.
I now have a waiting list of seven on my downline (one already joined as Silver), the others are bound to join during November and they are jumping around purely from excitement to get started and its rubbing off on me as well.
Just one question: My intention is to place an invitation advertisement on the rear window of my car, do you think it could shake some people out of their dreams and make them joining us?

Klik hier vir meer besonderhede

Die Danville Hulpgroep
Gaan kyk gerus na die webwerf hieronder om te sien watse wonderlike werk hierdie groep doen.
Webwerf: www.danvillehulp.co.za

Elsabé BlignautHuis: 012 991 3914
Sel: 082 828 2551
Epos: Elecnet@mweb.co.za

Resepte, resepte,  resepte

Ek het besluit om sake vir my te vergemaklik an al die resepte eBoeke wat ek het (Engels en Afrikaans) op een CD saam te sit. Daar is meer as 110 resepteboeke wat omtrent enige dis bevat wat jy aan kan dink so ek dink nie jy sal nodig hê om ooit weer 'n resepteboek te koop nie. Omtrent al die boeke kom met herverkoopregte (behalwe waar dit anders meld) met ander woorde hulle is nou joune en jy kan maak met hulle wat jy wil selfs ook een vir een van die CD afhaal en herverkoop.

Die prys van die CD is R100 (dis om en by R1 per boek) posgeld uitgesluit

Posgeld is  R20 vir geregistreerde pos en R60 vir Speed Services oornag toonbank tot toonbank.

As jy sou belangstel om een van die CD's te bekom, klik net hier en ek stuur vir jou my bankbesonderhede, gee my ook net jou posadres. Sodra ek dan die CD pos, stuur ek vir jou die spoornommer per epos as bewys dat dit gepos is. As jy R120 deponeer stuur ek dit per geregistreerde pos en as jy R150 deponeer stuur ek dit Speed Services oornag toonbank tot toonbank

Hier is die Afrikaanse boeke:

217 Egte Afrikaanse resepte, Aartappels, Beskuitresepte, Afrikaanse Resepteverskeidenheid, Brood resepte, Vul die beskuitblik, 'n Broodjie vir die blik, Blokkieskoek, Burgers Patties Frikadelle, Brood resepte, Drankies, Drinkgoed, Gemmerbier, Groente, Eet jou groente, Hoender resepte, Happies en Poffers, Kaaskoek, Ietsie anders resepte, Kerskoeke, Karavaan resepte, Kleinkoekies, Kinderlekkerte, Koekiedrukker resepte, Koeke, Likeur, Lekkergoed resepte, Nog resepte, McCain resepte, Moedersdag resepte
Mikrogolf resepte, Peterjasie se boek, Pastageregte, Peterjasie se Kersresepte versameling
Peterjasie se eBoek van vernoemde resepte, Poeding, Peterjasie se Tradisionele SA resepte
Resepte met biltong, Resepteverskeidenheid - ook grootmaat, Slaaie, Sommer net resepte, Sop in die pot, Sop resepte, Terte, Sous, Verskeie resepte 1, Souttert & Pannekoek, Vis en hoender, Veelsydige hoender, Vleisgeregte vir Kersdag, Verskeie resepte 2, Warm en koue drankies, Vleisresepte, Wille samies, Wafels en Pannekoeke, Wors en worsies

Allerlei

Annette se Boererate, Boererate en Verbruikerswenke, Hartstigting dieet, Lennons medikasie, Mate en gewigte, Sop dieet, S A Boererate eBoek, Metrieke omskakelingstabel, Werk van die huis

Hier is die lys van baie ou Engelse resepte eBoeke

A Calendar of Dinners with 615 recipes - 1922
A Dozen dainty recipes for preparing wartime canned meats - 1920
A Home Guide - or a book by 500 ladies - 1877
Aunt Carolines Dixieland Recipes - 1922
A Practical Dictionary of Cookery - 1200 tested recipes - 1898
Best recipes for baking - pre 1908
Buckeye Cookery and Practical Housekeeping - 1877
Burke's Complete Cocktail and tasty bite recipes - 1936
Catering for special occasions with menus and recipes - 1911
Diabetic Cookery - recipes and menus - 1917
Fifty Choice Recipes for Spanish and Mexican Dishes - 1905
Fifty valuable and delicious recipes made with corn meal - 1917
Heart of the Wheat - a book of recipes - 1910
Hospitality - recipes and entertainment hints for all occasions - 1922
Hotel Management - quantity food recipes
Household hints and recipes - 1877
Ice Cream - practical recipes for making ice cream - 1886
Information for everybody - 1859
Jane Hamiltons Recipes - 1909
Just the thing - dainty dishes at small cost - 1899
Larger cookery book of extra recipes - 1891
Leather Manufacture - 1891
Light entertaining - a book of dainty recipes for special occasions - 1910
Mom's Cookbook
On Uncle Sam's Water Wagon - 500 recipes for delicious drinks that can be made at home - 1919
Our candy recipes - 1919
Practical Household Cookery - 1000 recipes - 1891
Preserves and Pickles - 1912
Recipes - dainties, salads and clever hints - 1919
Recipes for the preserving of fruit vegetables and meat - 1908
The Candy Maker's Guide - 1896
The Housekeeper's Friend - 1897
The Hygenic Cookbook - 1881
Tried and Tested Recipes - 1921
Two Hundred and Seventy Five Wartime Recipes - 1918
Two hundred recipes for cooking in casseroles - 1914
Two hundred recipes for making desserts - 1912
War Time Cookery - 1917
Wheatless Recipes - 1918
Wrinkles and Recipes, including farming and household hints - 1877

Hier is die Engelse resepte:

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.