Ek staan op vir Afrikaans!
Jou ma se taal!
Dit is ons erns.

Welkom aan alle nuwe intekenare! As julle baie gratis resepteboeke wil aflaai gaan kyk by die Argiewe, meeste van die ou nuusbriewe het resepteboeke as pasellas, gaan laai maar na willekeur daar af.

Ek stuur ook 'n Engelse brief uit, elke brief bevat ook 'n pasella resepte eBoek, gaan kyk gerus en laai na hartelus af.

Die winter is nou al goed aan die gang, in 'n paar dae is die son veronderstel om te draai en dan behoort dit namate stadigaan warmer te word. Moeilik om te glo!

Die pasella hierdie keer is 'n eBoek met vleisresepte, gaan maar na die pasella afdeling en laai dit af.

Die resepte is weer 'n lekker verskeidenheid, gaan loer hieronder.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Teken hier in op die nuusbrief: http://www.peterjasie.co.za/nuusbrief,html

Doen dit sommer self, klik hier. As jy nie internet toegang het nie, stuur my epos met jou ou en nuwe adres.

Bo en behalwe die Afrikaanse en Engelse resepte eBoeke het ek nou ook 40 stokou Engelse resepteboeke bygesit. Baie van hulle is oor die 100 jaar oud. Hulle is digitaal geskandeer met ander woorde as jy die .pdf oopmaak sien jy die werlike bladsye van die oorspronklike boek. As jy 'n versamelar van resepteboeke is sal jy die boeke regtig interessant vind.

Gaan kyk onder vir 'n lys van die ou boeke en ook hoe om die CD te bestel.

Ek wil graag in verbinding tree met enigiemand wat die Brachy behandeling asook bestraling behandeling ondergaan het vir prostaat kanker. Epos my asb by peter@peterjasie.co.za

Soekblokkie

Ek het van my stories en fotos in een dokument saamgestel, dis lekkerlees Afrikaans en 'n versameling van my fotos. Ek wil dit graag wyd en syd laat versprei. Dis heeltemaal gratis al wat jy hoef te doen is om op die skakel te regs klik en dit af te laai (om en by 4MB) Peterjasie in Woord en Beeld

Stuur sommer aan die mense op jou poslys ook wat dit mag geniet. Dit kan ook 'n lekkerlees geskenk wees.

Dis weer sulke tyd. As jy wil uitvind waar die vissies hulle bevind kan jy die volgende "Sardine Hotline" skakel - 0839139495

Werk is skaars, elke jaar maak derduisende jongmense klaar met skool, en wat dan? Die volgende artikel wat ek uit mieliestronk.com hier plaas kan dalk bietjie lig werp op die probleem.

HULLE skuil in jou garage, in jou buitekamer, in jou kombuis en in die kinderkamer. Jy sal hulle in tydskrifadvertensies vind, in jou buurman se huis en by jou werk. Hulle is reg voor jou oë in die groente uit jou eie tuinakkertjie . . . in die stapels papiere langs jou rekenaar se laserdrukker . . . agterin jou bakkie . . . en iewers in jou kop.
Jy hoef ook nie ’n genie te wees of ’n magistergraad in besigheidsbestuur te hê om hulle in winste om te skep nie. Om sakegeleenthede raak te sien, is dikwels so maklik as om probleme in die samelewing te identifiseer en om maniere te kry om dit op te los.

Vindingryke mense wat byvoorbeeld die veilige haakspeld uitgevind het, of die balpuntpen, die kosverwerker en die oopmaak-ringetjie aan die koeldrankblikkie, was almal doodgewone sterfllinge wat op ’n dag ’n briljante idee gekry en werk daarvan gemaak het.

Maar dis natuurlik nie net uitvinders wat briljante idees het nie. Baie mense met hul eie besighede het hul stokperdjies, belangstellings en talente in bevredigende en dikwels winsgewende ondernemings verander -- bloot deur ’n behoefte in die wêreld om hulle op te merk en ’n manier te vind om daarin te voorsien. Jy kan ook.

Hierdie artikel is ’n samevoeging van die idees van verskeie gerekende sakekenners oor hoe om die bul by die horings te pak en ’n entrepreneur te word. Wie weet, jou heel eerste tree na ’n lewe as jou eie baas begin dalk net hier!

Word entrepreneurs gebore of gemaak?

VOLGENS Mauritz Bekker van die Entrepreneurial Business School (EBS), wat in die onderrig van entrepreneursvaardighede spesialiseer, dink die meeste mense waarskynlik dat daar slegs ’n paar entrepreneurs gebore word. Die rede is dat ons samelewing tot dusver betreklik min ware entrepreneurs opgelewer het.

Die oorsaak hiervan, sê Marius, is weer ’n kultuur waarin ons van kleins af gekondisioneer word om werksoekers pleks van werkskeppers te wees -- iets wat in die vroeëre ekonomiese klimaat nie ’n probleem was nie. Maar in ons veranderende wêreld hang dit grotendeels van entrepreneurs af om die nypende tekort aan werkgeleenthede hok te slaan.

Hoewel entrepreneurs steeds oor sekere ingebore eienskappe moet beskik op suksesvol te wees, moet ook onthou word dat basiese vaardighede inderdaad aangeleer word.

Kenners wat vir hierdie artikel genader is, stem boonop saam dat ons ons nie moet laat inperk deur ’n houding van ``ek kan nie’’. Die allegoriese verhaaltjie van vlooie in ’n kartonboks illustreer hoe futiel só ’n lewensuitkyk kan wees.

Vlooisirkus-mense, word vertel, weet van ’n vreemde ding wat gebeur wanneer hulle vlooie ``tem’’. As vlooie in ’n kartonboks geplaas en die deksel op die boks gesit word, spring hulle eers herhaaldelik op en af sodat hulle hul ``koppe’’ keer op keer bo teen die ``plafon’’ stamp. So spring hulle voort totdat hulle geleer het om hul spronge net tot ’n sekere hoogte onderkant die deksel te beperk.

As ’n mens daarna die deksel afhaal, sal die vlooie nie uit die boks spring nie. Hulle het hulself so gekondisioneer, om slegs lae spronge uit te voer, dat hulle om die dood nie meer hoog kan spring nie.

So is dit ook met baie mense. Hulle beperk hulself en bereik nooit hul potensiaal nie. Net soos die vlooie spring hulle nie hoër nie, omdat hulle -- jammerlik vasgeval in hul eie ``kartonboks’’ -- vas glo dat hulle tot niks meer in staat is nie.

Vyf sleutels tot sukses as ’n entrepreneur

DAAR is baie vaardighede wat ’n entrepreneur laat slaag, skryf Ken Lawson in sy boek Guide to Managing Your Career (in die beroemde KISS-reeks van Dorling Kindersley). Lawson beskou egter die volgende vyf eienskappe as noodsaaklik:

* Visionêre denke – jy moet groot en positief kan dink en ’n langtermyn-visie hê.

* Die vermoë om jou klante te kan gee wat hulle wil hê, wat ook al gebeur. As jy dit nie doen nie, sal hulle hulle tot iemand anders wend wat dit wel kan doen.

* ’n Mededingende instink. Jy sal waarskynlik te staan kom teen andere wat soortgelyke produkte of dienste kan verskaf. Jy sal bokant hulle moet uitblink – sommer ver bokant hulle.

* Deursettingsvermoë. Die kans is goed dat jou onderneming nie oornag gaan slaag nie. Jy sal lang tye van onsekerheid en vertwyfeling moet kan deurstaan.

* Deeglikheid. Met jou eie besigheid sal jy gedurig ’n oneindige klomp besonderhede moet hanteer. Jy kan sukkel as jy iemand is wat jou nie eintlik aan die klein dingetjies steur nie.

Alle sakekenners stem saam met Lawson dat durf (``guts’’) en deursettingsvermoë (``perserverance’’) onontbeerlik vir ’n entrepreneur is. Maar verskeie sou ook enkele ander eienskappe op sy lysie wou sien. Soos om ’n liefde vir die saak te moet hê wat ’n mens aanpak. En natuurlik die nugtere sakesin om nie halsoorkop in ’n onderneming in te storm sonder die nodige geld nie.

’n Groot sakewerf op die Internet, BusinessTown.com, stel dit pront: ``Die lewe is te kort om ’n besigheid te begin wat jou nie bevrediging en vreugde gee nie.’’ En wat die geld daarvoor aanbetref: ``Jy moet genoeg aanvangskapitaal hê plus voldoende kontant om ’n positiewe kontantvloei vir minstens die eerste jaar te handhaaf.’’

Tien beginsels vir ’n suksesvolle onderneming

REG in die begin reeds, selfs nog voor jy met jou nuwe besigheid begin, sê die kenners, moet jy die sekere beproefde sakebeginsels op die punte van jou vingers ken. Hier is ’n samevatting uit verskillende bronne:

* Kennis is mag. Trouens, alle goeie skakemanne sal jou vertel dat die nodige kennis die heel eerste ding is wat jy moet verkry as jy met ’n nuwe onderneming wil slaag. Lees op, studeer, ondersoek eers alles grondig omtrent die rigting waarin jy jou wil begewe. Onthou, dit kan die allerbelangrikste beroepskuif wees wat jy in jou hele lewe maak. Moenie net indons en duim vashou nie.

* Hou die aanvangskostes so laag as moontlik. Talle hoogs geslaagde ondernemings is met minimale kostes begin. Waar administrasiekoste en uitgawes tot die mininium beperk word, veral baie vroeg in die ontwikkeling van die besigheid, kan dit uiteindelik uitstekende vrugte afwerp.

* Maak seker dat jou onderneming voorsien in ’n behoefte wat in die mark bestaan. Ook dat daar ’n volgehoue vraag na jou produk of diens sal wees. Natuurlik is ’n kennis van die bedryf en die mark hier belangrik -- wat weer aansluit by die eerste punt hierbo.

* Beplan om op ’n haalbare wyse te groei. Die besighede wat die suksesvolste is, is dié wat bereikbare teikens nastreef -- gewoonlik nie dié wat vinnig enorme winste wil maak nie.

* Wees aanpasbaar. Geslaagde private besighede wat nie deur burokratiese rompslomp ingeperk word nie, kan hulle vinnig by nuwe modes en tegnologieë aanpas en het ’n hegte verbintenis met hul klante.

* Maak seker dat jy ’n geldplan het. Ook ’n begroting en ’n manier waarop jy jou maandelikse resultate kan meet. As jy nie weet hoe dit geldelik met jou besigheid gaan en jy geen spesifieke finansiële oogmerke vir die kort of lang termyn het nie, laat jy toe dat die spreekwoordelike noodlot oor jou vordering beslis. Dis geen goeie praktyk nie!

* Sluit diegene in wat na aan jou is. As ’n mens ’n verandering maak,
word jou huweliksmaat en naaste familie ook te nouste geraak. Maak seker dat jy hulle van die heel begin af in jou besluitnemings en beplannings ken. Verandering plaas verhoudings onder spanning. As julle die oorgang saam deurwerk, raak dit soveel makliker vir almal.
* Handhaaf ’n balans tussen werk, speel en jou gesin. Dis uiters belangrik vir langtermyn-sukses. Ons werk ons almal in die begin ’n ruk lank oor ’n mik om dinge op dreef te kry, maar as dit te gereeld en te lank gebeur, is dit ’n gevaarteken dat ’n mens besig is om perspektief te verloor. Jy moet gereeld kan uitspan om jou batterye te herlaai. Bestee ook tyd aan jou gesin, want as hulle swaar kry, is dit byna seker dat jou besigheid ook gaan swaar kry.

* Bly altyd ingestel op die sleutelfaktore wat jou klante uitstekende waarde vir hul geld gee. Moet nooit vergeet dat hulle byna altyd ’n keuse het om van iemand anders se produkte of dienste gebruik te maak nie.

* Les bes, stel ’n sakeplan op. Lees meer daaroor direk hieronder.

Die vyf komponente van ’n sakeplan

DIE MEESTE nuwe entrepreneurs is bra traag om ’n sakeplan op skrif te stel en tog is dit die ruggraat van enige besigheid. Dit moet ’n geskrewe oorsig van alle aspekte van jou nuwe onderneming wees -- van die ekonomiese lewensvatbaarheid daarvan tot ’n ontleding van jou sakevooruitsigte.

Daar is baie verskillende soorte sakeplanne en verskeie boeke wat jou verskillende formate daarvan sal bied. Joseph Anthony, skrywer van Working for Yourself, reken egter dat enige sakeplan die volgende vyf komponente moet bevat:

* Konsep -- ’n opsomming van jou sake-idee, jou ``doelwit-verklaring’’, tesame met ’n kort beskrywing van waar jou besigheid in die mark inpas en hoekom dit sal slaag.

* Detail -- ’n grondige beskrywing van jou besigheid, asook ’n diepgaande verduideliking van die produk of diens wat jy beplan en sy nut vir diegene wat dit sal koop en/of gebruik.

* Markprofiel -- ’n volledige beskrywing van jou klante, jou mededingers, die nodigheid van jou produk of diens, en die welstand en lewenskragtigheid van die mark. Dis nie raaiwerk nie. Dit moet op versigtige, deeglike navorsing berus.

* Strategie -- jou uitvoerige plan om jou produk of diens op die mark te plaas. Dit sluit in wat jy jou onderneming gaan noem, hoe jy dit gaan beskerm en watter tariewestruktuur jy gaan gebruik.

* Operasie/Produksie -- ’n deeglike bespreking van die bemarking van jou produk of diens, met verwysings na onder meer kantoorruimte, produksieskedules, inventarisse, voorrade, verskaffers, lisensies, versekering en hoe gehoor gegee sal word aan enige bestaande besigheidsregulasies.

Die kuns om geld te kry

VRA is vry, het die ou mense altyd gesê -- en weier daarby. Maar as jy ’n lening móét aangaan vir jou onderneming, sorg dat jy jou potensiële geldskieters só imponeer dat hulle kwalik kan weier om met jou sake te doen.

Wees gereed om vrae omtrent jou besigheid te beantwoord, en om om oop kaarte te speel oor jou geldsake soos dit was, is en hopelik nog sal wees. Hoe meer deurdag jou plan is en hoe meer vertroud jy daarmee is, des te indrukwekkender sal jy vertoon. Bring desnoods jou rekenmeester saam.

Berei jou voor om hulle te vertel waarvoor jy die geld wil gebruik. ’n Blote ``ek het die geld nodig’’ wek geen vertroue nie en sal dit laat lyk of jy die saak nie goed deurdink het nie. Verstrek die nodige besonderhede.

Stel ’n plan vir terugbetaling van die geleende geld voor. Baie plekke het ’n sekere buigsaamheid. Potensiële geldskieters sal dit waardeer dat jy daaraan dink om hulle terug te betaal en nie net om die geld te kry nie.

En dan is dit seker nie nodig om aan jou te vertel dat netjiese klere ’n veel beter indruk as verslonsdheid maak nie.

Die stig van ’n besigheid in Suid-Afrika

SAKE kan in Suid-Afrika gedoen word deur maatskappye (openbaar en privaat, insluitende filiaal- of dogtermaatskappye), geslote korporasies, vennootskappe, alleen-eienaars, gesamentlike ondernemings en takke van buitelandse maatskappye.

Elkeen van hierdie besighede word op sy eie manier saamgestel. Enige sewe of meer mense kan byvoorbeeld ’n openbare maatskapppy vorm. Daarteenoor kan een of meer mense ’n private maatskappy saamstel.

Wanneer ’n besigheid in ons land gevestig word, moet ’n sakelisensie (onbepaald geldig) van die plaaslike owerheid verkry word. Twee kategorieë besighede, dié wat kosprodukte hanteer en dié waar mense vergader, soos plekke vir vermaak, moet egter jaarliks opnuut lisensies van die betrokke munisipaliteit kry.

Soorte besighede wat vanuit die huis bedryf kan word

BAIE mense wat vanuit hul huis werk, sal jou vertel hoe lekker dit is om nie meer elke dag kantoor toe en terug te pendel nie. Hier is maar enkele werke waarvoor die eie huis as kantoor en/of ``fabriek’’gebruik kan word:

* Konstruksie: huisverbeterings, die verf van huise, binnenshuise versiering.

* Persoonlike dienste: haarversorging, massering, onderrig in byvoorbeeld wiskunde of Engels, musieklesse.

* Ander dienste: boekhouding, vertaling, kopieskryf, rekenaarprogrammering, versekering, verkoop van eiendom, motorherstelwerk, spyseniering.

* Vervaardiging en verwerking: die raam van portrette en skilderye, stoffeerwerk, naaldwerk, soetgebak, houtwerk.

BELANGRIK: Voordat jy met ’n tuisbedryf begin, stel net eers vas of jy nie daarmee enige plaaslike regulasies van jou dorp of stad oortree nie.

Ten slotte

OM as ’n nuwe entrepreneur te slaag, verg vasbyt. Baie mense droom daaroor, maar het eenvoudig nie die drif en ywer om te volhard nie. In hierdie artikel het ons egter by die dromers verbygekyk na die daders -- en hulle ’n paar riglyne gegee oor hoe om te begin. As jy tot hier gelees het, is jy bes moontlik een van hulle.

Indien wel, is nog nuttige raad aan jou om nie oorhaastig te wees nie. Wees kalm en rustig -- beplan versigtig. Goeie beplanning is eintlik ’n voorvereiste as ’n mens in vandag se harde sakewêreld bo wil uitkom met ’n eie besigheid. Ewe belangrik is harde werk, ’n gedurige taksering van waar jy is en waarheen jy op pad is, die voorsiening van produkte van ’n hoë gehalte en uitmuntende diens. Natuurlik sal ’n bietjie geluk langs die pad ook help.

Voorts kan dit jou loon om ’n gewoonte van lewenslange leerdery te maak. Jy gaan baie leer as jy van beroep verander om ’n entrepreneur te word, maar die verwerwing van kennis kan nie ophou sodra jou besigheid gevestig is nie.

Verandering gaan vir die voorsienbare toekoms ’n blywende deel van die Suid-Afrikaanse lewenswyse wees. Die sukses van jou besigheid gaan ook afhang van jou vermoë om jou by maatskaplike en tegnologiese veranderings aan te pas.

Hou dus aan met lees, skryf jou in vir kursusse en verbreed jou kennis en begrip van die wêreld om jou.

En baie welkom in die kring van die vooruitstrewendes!

Ek het 'n rukkie gelede die volgende idees bymekaar gesit, dalk kan dit ook help.

Ek wonder nou al vir 'n geruime tyd wat mens van die huis af kan doen om 'n ekstra geldjie te verdien sonder om 'n klomp geld uit te gee of om advertenie na advertensie te beantwoord wat jou belowe dat jy duisende sal verdien deur koeverte te vul en dan werk dit nie. Nie almal van ons is bemarkers of het die kontakte om polisse of iets dergeliks te gaan verkoop nie.
Toe begin ek dink en vra bietjie rond en kom met 'n paar idees te voorskyn om die bal aan die rol te sit.
Wat jy ookal besluit om te doen, hier is 'n paar goue rëels:

- wees eerlik en hou jou woord, as jy sê jy gaan iemand terug bel by 'n spesifieke tyd, doen dit voor daardie tyd.
- volg altyd op, vind uit of die diens wat jy gelewer het op standaard was. Maak reg waar jy fouteer het op jou onkoste.
- gaan die ekstra myl. Wat jy ookal doen, sit daardie ekstra bietjie by, dit maak wat jy doen net soveel beter as 'n ander persoon wat dieselfde diens verrig.

Soek na 'n diens wat nie in jou omgewing verrig word nie, of as so 'n diens wel verrig word, vind maniere om dit beter, vinniger, goedkoper te verrig.

Jy gaan nie oornag ryk word nie maar talle suksesvolle besighede het klein begin!

Hier is die idees wat ek alreeds het, as jy iets kan byvoeg, doen dit gerus, dalk help ons net iemand om weer op die been te kom. Julle kan vir my ePos stuur met enige voorstelle.

Almal moet eet. Baie mense het nie die tyd om daagliks toebroodjies te maak nie en gaan koop ten duurste by hulle werk se kafeteria middagete. By ons werk het 'n dame daagliks etenstyd by ons werk opgedaag met die heerlikste vars toebroodjies. Haar pryse was billik en sy het elke dag verskillende toebroodjies gehad. Op nat koue dae het sy pannekoek gehad en somtyds ook sop.

Hier is wat jy doen. Vra by kenisse wat hulle by hulle werk vir middagete geniet. Bied aan om dit beter en goedkoper te voorsien. Neem 'n paar voorbeelde en oortuig hulle Jy kan jou pryse billik hou en tog 'n wins maak. As hulle daarvan hou is jy in en kan jy dan daagliks aan hulle toebroodjies voorsien. neem 'n meningspeoling en vra wat hulle sou verkies vir afwisseling. Probeer vetkoek met verskillende vulsels, gebruik jou verbeelding! Vir verjaarsdae kan jy koek voorsien en vir hulle partytjies versnaperings. Vir die wat dit so verkies kan jy pap en sous voorsien. Jy kan dan die firma as verwysing gebruik om uit te brei na 'n volgende firma en so aan.

Meeste mense besit deesdae rekenaars. Dit gee my 'n groot kramp as daar iets verkeerd gaan met my komper en ek moet alles uitprop, dit in die motor laai en na die plaaslike komperwinkel neem. As my komper breek wil ek dit in my huis en nog dieselfde dag reggemaak hê!

Hier is jou kans as jy in staat is om kompers te herstel. Werk van jou huis, adverteer plaaslik en bied aan om na jou kliënt se huis te gaan en die werk daar te doen of dit daar af te haal en terug te besorg! Ek sal vir seker so iemand ondersteun!

Jy is 'n gekwalifiseerde haarkapster en sit by die huis. Weet jy hoeveel oumense sit in ouetehuise of by hulle huise en kan nie by winkels uitkom om hulle hare te gaan sny of "perm" nie?

Al het jy geen kwalifikasie nie, gaan was hulle hare en doen algemene versorging. Hulle sal dit vreeslik waardeer! Neem die wat nie meer kan bestuur nie winkels toe, daar is vele sulke geleenthede.

Hier is jou kans, besoek die plaaslike ouetehuise en doen jou ding daar by hulle. Jy hoef natuurlik nie te stop by ouetehuise nie, die plaaslike kerke weet van lidmate wat oud is en nie meer kan rondry nie, nog meer kliënte!

Baie mense sit met hope langspeelplate wat hulle nie meer na kan luister nie omdat mens nie meer platespelers te koop kan kry nie. As jy 'n komper het is dit redelik maklik om plate om te sit op CD's. Adverteer plaaslik en dan in naburige dorpe, ek sien gereeld advertensies van mense wat wil weet hoe om hulle ou plate op CD te sit.

Hier is iets lekkers! Die rëel van partytjies! Baie ma's het vandag net nie die tyd om kinderpartytjies te rëel nie. Bied die diens in jou omgewing aan. Sorg dat jy alles doen, die ma en haar kind en die gaste moet net opdaag en hulleself geniet. En dan natuurlik betaal ook! Gebruik jou verbeelding, ek is seker jy sal 'n sukses daarvan maak. Adverteer plaaslik en as jy goed is sal "word of mouth" die res vir jou doen, sommer gou sal jy hulp moet kry en jou besigheid sal begin uitbrei. Dit hoef natuurlik nie by kinderpartyties op te hou nie, gebruik jou verbeelding!

Met misdaad wat deesdae hoogty vier is dit altyd 'n bekommernis as mense met vakansie weggaan. Diere moet kosgegee word, plante moet natgemaak word, pos moet uit die posbus gehaal word.

Bied hierdie diens in jou omgewing aan. Ek wens ek kan 'n betroubare persoon kry om ons honde kos te gee en van ons plante nat te maak as ons met vakansie of selfs net vir 'n naweek weggaan! Bou vir jou gereelde klandisie op en as jy betroubaar is sal hulle vir jou adverteer. Adverteer ook om na diere om te sien by jou plaaslike veearts.

Baie mense sit met ou fotos van geliefdes wat met die tyd gevou of gekrap geraak het. As jy 'n komper en die regte sagteware het kan jy die fotos so goed soos nuut herstel, bied sommer aan om dit vir hulle te raam ook!

As jy in 'n vakansiedorp woon is daar ook geleenthede. Baie mense het vakansiehuise en as hulle na 'n lang reis arriveer wil hulle nie nog gaan kruideniersware koop, die yskas en vrieskas aansit en die bier laat koud word nie. Hier is 'n geleentheid vir iemand om so 'n diens te verrig, gaan gesels met die mense as hulle weer daar vakansie hou, asook met ander families wat ook met vakansie is. Baie huise word verhuur en dieselfde diens sal nodig wees wanneer die vakansiegangers arriveer!

Oorweeg 'n stalletjie by jou plaaslike vlooimark. Hier in ons omgewing is hulle net naweke en vakansiedae oop so dit neem nie al jou tyd in beslag nie nie. Op jou "af" dae kan jy voorraad vervaardig! As jy handig is met iets soos houtwerk, klere maak of enigiets interessant kan maak is daar geleentheid. Ek het by die Waterfront in Kaapstad 'n ou gesien wat papier doilies lamineer en hulle dan vir 10 keer hulle oorspronklike prys verkoop! So lyk dit fantasties op 'n skinkbord en kan oor en oor gebruik word. Al wat dit verg is 'n bietjie verbeelding!

Een van ons kerk se omgeegroepe het op 'n Saterdagoggend op 'n lëe erf worsbroodjies verkoop en net vir die oggend R1600 wins gemaak. Ek is nie seker of mens moet toestemming daarvoor kry nie, maar ek plaas dit hier as 'n idee! Een van die plaaslike supermarke verkoop ook elke Saterdag oggend worsrolletjies op hulle stoep en dit het al 'n instelling geword om daar te gaan koop, wie wil tog kosmaak op 'n Saterdag?

Op pad Hartebeespoortdam toe by Lanseria veby is daar 'n stalletjie, Pete's Boerewors Rolls, en ek sien altyd motors wat daar stilhou. Ek sien hy brei nou uit want 'n paar kilometers verder het hy nou al 'n tweede stalletjie. Een ding is seker, in kos is daar geld!

Nog op die onderwerp van kos, ek sien in die industriëele gebied naby ons is daar 'n paar mense wat uit omgeboude ou karavane middagete aan die fabriekswerkers voorsien. Hulle moet 'n klein fortuintjie maak!

As jy sweisapparaat het en handig is daarmee is daar ook geleenthede. Ek soek die ander dag vir iets waarop ek die tuinslang kan oprol. Die supermarkte vra 'n klein fortuin daarvoor en ek koop toe 'n heel werkbare een langs die pad vir R60. Dis nou tuinmaak seisoen en so iets sal in aanvraag wees. Ons het van hierdie waterspuite wat jy aan die tuinslang skroef, dit lê dan op die gras en spuit. Ons wou dit van 'n hoogte af laat spuit en my swaer maak toe 'n eenvoudige staander wat jy in die gras indruk en die spuit gly bo op in 'n gleuf in. Siedaar, probleem opgelos.Hierdie en soortgelyke item is ideaal om op 'n vlooimark te verkoop.

Daar is 'n dame in ons kerk wat vreeslik lekker koeke, beskuit en beskuitjies bak. Sy adverteer nie en almal weet hoe om met haar in verbinding te tree as hulle iets spesiaals wil hê. Jy bel haar net en plaas 'n bestelling en in 'n dag of twee gaan haal jy dit af. Begin om koeke vir julle kermis se koektafel te bak, maak seker jou naam en foonnommer is beskikbaar en as hulle daarvan hou sal die mense jou begin kontak. As jy goed is kan jy ook vir die plaaslike tuisnywerheid bak, maar jou wins is dan minder.

Ek kry 'n advertensie in my posbus van mense wat op weeksdae 'n maaltyd by jou huis kom aflewer. Die koste is R19.99 per bord en die verskeidenheid is groot, van bobotie tot skaapnek potjie. Elke maaltyd het ook groente by. Ideaal vir werkende mense wat nie tyd het vir koskook nie.Jy kry 'n maand se spyskaart vooruit so jy weet wat jy gaan kry. Ek dink so iets kan in groot dorpe of stedelike gebiede werk.

Die Pasella hierdie keer is 'n resepte eBoek met Vleisresepte, regs klik hier om dit af te laai

Klik hier om die artikel te lees.

Klik net hier , registreer en koop 'n kaartjie. Dis doodveilig, en sodra die transaksie afgehandel is, kan jy begin droom, lekker groot droom. En as jy vir die eerste keer registreer kry jy nog 'n gratis kaartjie ook! Waarvoor wag jy?

Hier is die lys van beskikbare Lotto s en die huidige boerpotte:

Powerball US $86,000,000
SuperEnaLotto EU €21,800,000
MegaMillions US $22,000,000
MegaSena US $21,300,000
EuroMillions EU €15,000,000
UKLottery UK £9,300,000
ElGordo EU €7,800,000
SuperLottoPlus US $10,000,000
FranceLoto EU €5,000,000
OzPowerball US $2,900,000

Sjoe, dis darem maar groot geld!

Ekke is ook op Facebook,  kry my by www.facebook.com/Peterjasie

Volkslied van Transvaal

Ken jy die Volk vol heldemoed
en tog so lank verkneg
Hy het geoffer goed en bloed
vir Vryheid en vir reg
Kom burgers! laat die vlae wapper
Ons lyding is verby
Roem in die sege van onse dapp'res
'n Vrye volk is ons!
'n Vrye volk, 'n Vrye volk
'n Vrye, Vrye volk is ons!

Ken jy die land so min bekend
en tog so heerlik skoon
Waar die natuur haar wonders skenk
en kwistig stel ten toon
Transvalers! Laat ons feeslied galm
waar vas ons volk moet staan
waar onse vreugdeskote g'knalt
Daar is ons vaderland!
'n Heerlik land, 'n Heerlik land
Dit is, Dit is ons vaderland!

Ken jy die staat, nog maar 'n kind
in wêrelds statery
maar tog deur magtig Brits bewind
weleer verklaar as vry
Transvalers! edel was ons strewe
en pynlik onse smaad
maar God wat uitkoms het gegewe
sy lof vir eie staat
loof onse God! loof onse God!
loof onse God vir land en staat!

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Zalome is nog iemand wat probeer om die gebruik van Afrikaans op die internet te bevorder. Sy stuur lekker "kletsbriefies" per epos uit. Daar is twee soorte, een met musiek en een sonder musiek wat dan vinnig aflaai.

Om aan te sluit, klik net op die skakel van die brief wat jy wil ontvang, doen dit van die rekenaar af waar jy die brief op sal wil ontvang. Yahoo sal dan,
'n bevestingsbrief stuur, "Reply" net daarop en dis dan al! Kom sluit aan, dis gratis en dis pret (in Afrikaans).

AFRIKAANS MET MUSIEK:
ZALOME-AFRIKAANS_muso-subscribe@yahoogroups.com

AFRIKAANS SONDER MUSIEK:
ZALOME-AFRIKAANS_geen-muso-subscribe@yahoogroups.com

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier 

Dit is April en die Boesmans in die Kalahari vra hulle nuwe stamhoof, "Spaarwater Kruiper", of dit hierdie winter matig of koud gaan wees.
Omdat hy stamhoof is in meer moderne tye, het hy nooit die ou geheime geleer nie.
Wanneer hy die lug bestudeer, kon hy nie voorspel hoe die winter gaan wees nie.
Nieteenstaande het hy besluit om dit veilig te speel en hy verklaar dat dit 'n koue winter gaan wees en hulle moet begin brandhout bymekaar maak ter voorbereiding. Hy is egter 'n praktiese man en na 'n paar dae kry hy 'n plan. Hy stap na 'n publieke telefoon by die nasionale pad, skakel die weerburo en vra, "Gaan die komende winter koud wees in die Kalahari?"
"Ja dit lyk so." bevestig die een wat geantwoord het.
Hy gaan terug na die stam en gee instruksie dat hulle nog meer hout bymekaar moet maak.
'n Week later skakel hy weer die weerburo.
"Lyk dit nog steeds na 'n baie koue winter?" vra hy
"Ja, dit gaan baie koud wees." Kom die antwoord.
Hy gaan terug en beveel hulle om elke stukkie hout wat hulle kan vind, op te tel.
Na twee weke skakel hy weer.
"Is julle heeltemal seker dat dit baie koud gaan wees?" vra hy
"Absoluut" kom die antwoord, "dit lyk al hoe meer of dit een van die koudste winters ooit gaan wees."
"Wat maak julle so seker?"
"Ons satelliet fotos wys die Boesmans maak bedonnerd hout bymekaar, en hulle is nooit verkeerd nie!"

‘n Man raak verlief op 'n vrou se voorkoms en 'n vrou raak verlief op 'n
man se woorde. Dis hoekom vrouens grimering dra en mans lieg...

Jan gaan dood, kom in die hel aan.
Duiwel: Drink jy??
Jan: Ja!
Duiwel: Maandae drink ons heeldag.
Jan: Nice!
Duiwel: Rook jy?
Jan: Ja!
Duiwel: Dinsdae rook ons heeldag.
Jan: Baie nice!
Duiwel: Dobbel jy?
Jan: Ja!
Duiwel: Woensdae dobbel ons heeldag.
Jan: Great!
Duiwel: Doen jy drugs?
Jan: Ja!
Duiwel: Donderdae doen ons heeldag drugs.
Jan: Fantasties!
Duiwel: Is jy gay?
Jan: Nee.
Duiwel: Ooeee... jy gaan Vrydae haat!

'n Plaaswerker steel ‘n skaap by ‘n boer.
Die boer trek hom vas en gee vir hom 'n dice.
“As jy van 1 tot 5 gooi, dan b%#@*& ek jou!” sê die boer.
Die werker vra, “En as ek 'n 6 gooi?”
Die boer antwoord, “Wel, die reëls sê dan kan jy weer gooi!”

Man in Brakpan stuur sy vrou om te gaan inkopies doen.
Sy kom terug met 3 kaste bier, 2 kaste brandewyn, 1 kas cane, 1 kas Coke en 2 brode.
Hy kyk haar vraend aan toe sy die goed aflaai: “Kry ons kuier mense?”
“Nee!” antwoord sy.
Man: “Nou hoekom koop jy so baie brood?”

Eerste dag van universiteit spreek die rektor die eerstejaars toe:
“Die meisieskoshuise is verbode terrein vir die mansstudente.
As jy daar binne gevang word, is dit R50 boete vir die eerste oortreding.
As jy weer gevang word R100, derde keer is dit R150, ensovoorts. Verstaan julle? Enige vrae?”
Stem van agter in saal: “Wat kos ‘n seisoenkaartjie?”

Strip ‘n skoolmeisie nou onlangs haar moer vir my,
Sy vra vir ‘n donasie vir haar skool se nuwe swembad -- toe gee ek haar ‘n liter water.
Blerrie ondankbare ding!

‘n Multi-miljoenêr verjaar en besluit om ‘n buitelug-partytjie langs sy privaat krokkedildam te gooi.
Later die aand toe almal lekker getrek is, kondig hy aan dat hy ‘n duisend rand sal gee aan enigeen wat met die krokkedil in sy dam sal stoei.
Sy woorde was skaars koud toe is Koos in die dam en jy sien net water spat soos hy en die krokkedil te kere gaan! Nie lank nie en Koos klim uit die dam, bebloed en safaripak aan flarde – maar die krokkedil dryf witpens bo op die water.
Die verbaasde miljoener sê toe: "’n Belofte is ‘n belofte, Koos, hier’s jou duisend rand."
Koos, briesend: "Ek soek nie jou geld nie, ek soek net die donner wat my in die dam gestamp het!!"

Man kom tuis om te sien hoe sy vrou haar tasse pak.
"Ek gaan Durban toe," sê sy. Ek hoor daar is mans wat R200 betaal vir wat ek verniet vir jou doen."
Die man dink vir ‘n oomblik, en begin in stilte sy tas ook te pak.
"En wat maak jy nou?" wil sy vrou weet.
"Ek gaan saam," se die man. "Ek wil graag sien hoe iemand leef op R400 'n jaar!"

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

Lees is 'n avontuur
Volgens Charles Jones sal die mens wat jy vyf jaar van vandag af gaan wees in 'n groot mate van twee dinge afhang: die boeke wat jy lees en die mense wat jy jou vriende maak.
Dis oor die eerste saak van boeke lees - en ook tydskrifte, koerante en internet - wat ek graag 'n paar gedagtes met jou deel. Volgens Jones is jou toekoms in gedrang wanneer dit by lees kom. Vir jou om as mens te groei is dit nodig om meer kennis op te doen. Lees bly een van die mees kosbare bronne vir inligting, menings en feite.
Sommige mense stagneer in hul omstandighede. Hulle het steeds dieselfde idees, dieselfde probleme en dieselfde ou klagtes. Dis mense wie se enjin in die lewe stol en nie verder as sekere omstandighede kan beweeg nie.
Die mens is geskape as 'n wese om nuuskierig te wees en altyd meer te wil weet. Dis immers hoe ontwikkeling plaasvind, nuwe uitvindsels bedink, probleme opgelos en vooruitgang bewerkstellig word.
Ons is dikwels die mening toegedaan om kennis te verwerf jy by 'n universiteit of kollege moet inskryf om 'n formele kwalifikasie te kry. Ons leef vandag egter in 'n tyd waar inligting meer vrylik beskikbaar is as ooit te vore. Met die druk van 'n paar knoppies op jou rekenaar het jy toegang tot 'n onbeperkte skatkamer van informasie oor bykans enige onderwerp onder die son.
Op rakke in boekwinkels kry jy die wonderlikste boeke. In hierdie boeke skryf top kundiges en deel hul kennis en ervaring met jou. Sulke kennis is relatief goedkoop, want jy kry hier informasie waarvoor jy andersins ten duurste sou betaal.
En dan is daar altyd 'n biblioteek waarby jy kan aansluit. Wat 'n wonderlike voorreg om by 'n biblioteek in te stap en tussen boeke te kies en keur. Die boeke dan uit te neem en by die huis te lees en te bestudeer.
In koerante deel skrywers en kenners hul kundigheid en idees oor 'n wye verskeidenheid van onderwerpe - nuus, sport, finansies, kunste, beleggings en so meer.
Lees is 'n avontuur wat jou insig en kennis verbreed om as mens te groei en soveel meer te maak van die omstandighede en die wêreld waarin jy leef.
Wat moet jy lees? Jy kan enigiets lees. Daar is geweldig baie inligting beskikbaar. Jy kan lees van tuinbou, geskiedenis van die mensdom, ruimte-reise, mediese ontwikkeling, heldedade van mense, selfontwikkeling, finansiële kennis, nuwe ontdekkings, navorsing op verskillende terreine. Dit is self goed om oor die geskiedenis te lees, want dit gee aan jou perspektief op jou lewe en die verwantskap met die verlede, die hede en die toekoms. Daar is soveel om op te lees en jou menswees daardeur te verryk. Hierdie soort lees is ingestel om jou kennis te verbreed. Dit dissiplineer en oefen jou brein en help jou om krities en innoverend te dink. Jy kan egter ook lees vir die plesier verbonde aan lees. 'n Lekker storieboek is ook goed vir stimulasie van die brein en help dikwels met die ontlading van stres en eensaamheid. Die enigste lees wat seker nie veel help nie, is wanneer jy met 'n negatiewe gesindheid en weerstand lees.

Ons het nou kortliks gesels oor die waarde van lees. Kom ek probeer die waarde van lees opsom:
• Verbeter jou woordeskat en spelvermoë.
• Maak jou keurig en afgerond as mens.
• Verbeter jou analitiese en kritiese denke.
• Verbeter jou kreatiewe denke.
• Vermeerder jou kennis en verbreed jou horisonne.
• Maak jou kalm en ontspanne en verlig verveling.
• Ontwikkel jou skryfvaardighede.
• Verbeter jou fokus, konsentrasievermoë
• Verbeter jou geheue.
• Dit ontwikkel en versterk jou breinkrag.
• Vermeerder jou algemene kennis.
• Gee jou iets om oor te praat in geselskap.
• Gereelde lees verbeter jou self-dissipline.
• Jy kan enige plek lees en dus enige plek leer.
• Relatief goedkoop ontspanning.
• Relatief goedkoop akademiese / opvoedkundige inligting.
• Dek die wêreld oop en jy ervaar verrassings.
• Verander jou lewe positief.

Drie aanhalings waarmee ek wil afsluit:

"Ek vind televisie baie opvoedkundig. Elke keer as iemand die televisiestel aansit, gaan ek na 'n ander kamer en lees 'n boek." - Groucho Marx

"Hoe meer jy lees, hoe meer dinge sal jy leer. Hoe meer dinge jy leer, hoe meer plekke sal jy besoek." - Dr. Seuss

"Boeke is die stilste en die mees konstante van vriende; hulle is die toeganlikste en mees wyse van raadgewers en is meer geduldig as onderwysers." - Charles William Eliot

Goed ek gaan nie nou langer skryf nie, want ek wil 'n boek gaan kry om te lees.

Lekker lees!
'n Sprankie wysheid vir die dag
"Jy het nie nodig om boeke te verbrand om 'n kultuur te vernietig nie. Al wat jy moet doen is om mense te kry om op te hou lees." - Ray Bradbury -

Jy kan inteken op st se nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

Nuusbrief argiewe

As jy dalk nog baie resepte wil hê, gaan kyk in die argiewe, elke nuusbrief bevat resepte en meeste van hulle het ook nog gratis aflaaibare resepte eBoeke.

Melktert met ‘n verskil

1 L (4 k) volroommelk
2 kaneelstokkies (of roer 1/2t kaneel poeier by)
60 ml (¼ k) vlapoeier
80 ml (1⁄3 k) mielieblom
1 blik (397 g) kondensmelk
100 g STORK BAKE, in blokkies gesny
1 eier, geklits
2 pakkies (200 g elk) Tennis-beskuitjies
gemaalde kaneel

Verhit 750 ml (3 k) van die melk saam met die kaneelstokkies tot net onder kookpunt.
Laat 10 minute staan en verwyder die kaneelstokkies.
Meng die vlapoeier en mielieblom met die res van die melk en die kondensmelk tot glad.
Voeg by die warm melk, plaas terug op die plaat en bring tot kookpunt.
Roer voortdurend.
Laat prut tot verdik en gaar.
Haal van die plaat af en klits die STORK BAKE en eier by.
Pak ’n laag Tennis-beskuitjies in ’n bak van 35 x 20 cm.

Maalvleis en Mielie Frikkadelle

650g maalvleis
160ml vars broodkrummels
10ml Worcestersous
500ml gaar mielierys (gruis)
400ml Cheddarkaas, gerasper
olie vir braai.

Meng alle bestanddele behalwe kaas.
Vorm vleismengsel in 16 plat koekies.
Plaas op 8 van die koekies kaas en bedek met ander koekies.
Druk kante stewig vas om te verhinder dat kaas gedurende braaiproses uitloop.
Braai in vlak olie tot gaar.
Lewer 4-6 porsies.

TWEE KEER OPSKEP GROENBOONTJIES

Bestanddele:
500 g groenboontjies, diagonaal in skuins stukkies gesny
3 e olyfolie
1 groot ui, fyn
1-2 knoffelhuisies, fyn
40 g tamatiepuree (pasta)
2 tamaties, in blokkies
250 ml groente aftreksel van blokkie of poeier (liefs een waar groen kruie in sit)
sout
peper

Metode:
1. Sorteer uie en knoffel tot sag in die olyfolie.
2. Voeg die tamatiepuree daarby en bak bietjie sodat die suur smaak daarvan weggaan.
3. Doen nou al die ander bestanddele daarby en kook saggies tot alles goed gaar is en tot die vog ‘n dikker sous vorm.

Boereworspastei

(Bedien ses)
500 g boerewors (oorskiet van braai werk goed)
3 eiers, geklits
1 klein blikkie soetmielies
botter, melk, sout en peper
6 medium aartappels, geskil (of een sakkie aangemaakte Smash)
1 k gerasperde Cheddarkaas
Braai boerewors, ontvel en sny in dik skywe.
Kook aartappels tot gaar. Geur met 'n klont botter en 'n bietjie melk.
Voeg soetmielies, ¼ van die kaas en geklopte eiers by. Klop mengsel tot romerig.
Pak boereworsskyfies in 'n oondvaste bak en skep aartappelmengsel oor.
Druk mengsel plat met vurk. Strooi gerasperde kaas oor.
Bak tot kaas gesmelt is en plek-plek bruin begin word.

Cremora Yskastert

500g sakkie Cremora
1 koppie yskaswater
2 blikkies kondesmelk
250ml suurlemoensap
1 pakkie tennisbeskuitjies
Gooi Cremora in mengbak. Voeg yskaswater by (dit moet yskaswater wees) en klits tot glad. Voeg kondesmelk bly en hou aan klits.
Voeg nou die suurlemoensap by, nie alles op een slag nie, anders word dit nie styf nie. Klits die heel tyd en gooi so kort-kort 'n spuit suurlemoensap by. Dit moet so ongeveer 15 min neem om die hele botteltjie in te spuit. Teen die tyd is die mengsel baie dik.
Pak tennisbeskuitjies in bak uit en skep mengsel bo-oop, en krummel beskuitjies bo-oor. Dit kan dadelik geëet word of in die yskas gebêre word vir later.

Geglasuurde Wortelkoek
Glasuurbestanddele:

½ Koppie suiker
¼ Teelepel bakpoeier
Koppie karringmelk
Koppie botter
1 Eetlepel ligte goue stroop (Corn Syrup)
½ teelepel Vanielje-ekstrak
Meng al die glasuurbestanddele, behalwe die Vanielje-ekstrak, in kastrol op stoof terwyl jy dit roer tot kookpunt.
Voeg Vanielje-ekstrak by en meng goed. Laat mengsel afkoel terwyl die koek voorberei word.

Koekbestanddele:
2 Koppies koekmeel
1 Eetlepel Vanielje-ekstrak
1 Koppie suiker
2 Koppies fyn gerasperde wortels
1 Teelepel bakpoeier
1 Koppie gekapte neute
¾ Teelepel sout
1 Koppie strooi klapper ("Coconut")
1 Eetlepel anys
½ Koppie goue rosyntjies
3 Eiers
1 Koppie gedreineerde fyn pynappels
½ Koppie olie
¾ Koppie karringmelk
Geklopte room (opsioneel)
Meng koekmeel, bakpoeier, anys en sout deur 'n sif in een bak.
Neem 'n ander bak en roer/meng die eiers, karringmelk, olie en vanielje-ekstrak saam. Voeg die wortels, pynappels, klapper, rosyntjies en neute by hierdie mengsel en meng goed.
Meng nou sowat die helfte van die koekmengsel goed daarby. Voeg dan orige helfte van koekmengsel by en meng ook goed deur.
Smeer 'n groterige oondbestande glasbak (Pirex) en gooi die deeg daarin. Sprei die deeg om die pan te vul. Bak in oond teen 350 grade C vir 40 minute.
Wanneer koek uit die oond kom, steek baie gaatjies oral in koek met 'n stokkie. Gooi nou die afgekoelde glasuurmengsel eweredig oor koek en laat sous intrek vir sowat een uur.
Sny in redelike blokkies om te bedien. Strooi anys en/of strooisuiker oor of bedien met room.

Gemmer Yskastert

1½ pakkie gemmerkoekies (200 g elk)
¾ koppie gouestroop
3 eetlepels vlapoeier
1½ koppie kookwater
Kook stroop en water saam. Meng die vlapoeier by stroop.
Breek gemmerkoekies in stukke.
Meng alles en gooi in 'n gesmeerde vorm en laat stol. Bedien met geklopte room.

Kerrie Boontjies

1 kg groenbone gekerf
2 uie, in ringe gesny
375 ml hoenderaftreksel
2 knoffelhuisies, fyngedruk
250 ml asyn
¼ koppie suiker
5 ml sout
5-10 ml kerriepoeier
knippie rooipeper
15 ml mielieblom gemeng met bietjie water
Plaas die groenboontjies, uie, hoenderaftreksel en knoffel in 'n middelmatige swaarboomkastrol en laat ongeveer 10 minute sonder die deksel vinnig kook tot net gaar.
Meng die asyn, suiker, sout, kerrie en rooipeper.
Voeg by die boontjies en laat net opkook.
Verdik met bietjies-bietjies mielieblom tot die mengsel mooi bind. Laat afkoel en bottel.

Kerrietert

2 koppie meelblom
1/2 koppie margarien
2 eeteel kookolie
2 teel bakpoeier
1 teel sout
1 eier
Sif meel, bakpoeier en sout. Vryf botter in meel todat dit soos mieliemeel lyk.
Gooi kookolie in holte. Klits eier baie goed en voeg by.
Maak aan met water tot slap deeg - Rol uit.
Vulsel:
1 kg gemaalde vleis, ui, aartappel, kook tot sag.
Voeg kruie by en gegeskilde tamatie.
Laaste 2 teel kerriepoeier. Laat afkoel.
Skep in kors en bedek met kors.
Bak in matige oond tot bruin. Bedien saam met slaaie.

Melkkos

125 g spaghetti, in korter stukkies gebreek (ek gebruik sommer macaroni)
150 ml koekmeel
5 ml sout
50 ml witsuiker
1l melk
3 ekstra groot eiers, geskei
50 ml margarien
3 ml vanieljegeursel
1 ml amandelgeursel (ek sit dit nie in nie)
Kook die spaghetti in genoeg vinnig kokende soutwater tot gaar en dreineer
Meng die droe bestanddele en meng met 250ml koue melk. Klits die eiergele en voeg by.
Verhit die res van die melk en die botter. Voeg 'n klein bietjie hiervan by die meelmengsel en roer dan alles by die res van die melk.
Verhit oor lae hitte tot die mengsel kook en verdik. Roer gedurig om te verseker dat die eiers nie skif op die bodem nie. Voeg die spaghetti by
Klits die eierwitte tot dit sagte punte vorm en vou saam met die vanielje- en amandelgeursel by die gaar melkkos in.
Strooi kaneelsuiker oor en dien op in sopborde met ekstra suiker indien verkies
Genoeg vir 4 mense

Melkkos

500ml melk
2 eetl (maw 50 ml) koekmeel
2 eetl margarine
bietjie sout
Klits alles goed in 'n bak en sit dan in die mikro - hou aan kook (op 100%) totdat dit styf is MAAR jy moet dit kort-kort roer - elke 1 minuut – anders maak dit klonte.
Sodra dit dan styf is - jy sal sien dit het dan ook darem al so 'n keer of wat geborrel - dan gooi ek net lekker baie kannelsuiker in
Roer deur en skep in bakkies - ek gooi dan sommer weer kaneelsuiker bo-oor. Lekker eet.

Souskluitjies
Kluitjies:

250 ml koekmeelblom
10 ml bakpoeier
2 ml sout
50 ml margarien / botter
1 eier
100 ml melk
Sous:
500 ml kookwater
25 ml margarien / botter
kaneelsuiker
Sif droë bestanddele saam. Vryf 50 ml margarien in tot mengsel soos broodkrummels lyk.
Klits eier en melk saam, roer by meelmengsel in en meng tot 'n sagte deeg.
Voeg nog melk by indien nodig.
Verhit water en 25 ml margarien tot kookpunt.
Skep lepelsvol deeg in kokende water. Sit deksel op en laat kook 15 minute. Moenie deksel oplig terwyl kluitjies kook nie.
Skep kluitjies met 'n gleuflepel uit in 'n diep opskepskottel. Strooi kaneelsuiker oor.
Kook water waarin kluitjies gaar gemaak is weer. Voeg kaneelsuiker by en giet oor kluitjies. Jy kan nog water byvoeg indien nodig.

Ekstra Inkomste

Hier is iets wat werk, jy word nie oornag ryk nie, maar oor 'n tydjie sal dit vir jou ekstra inkomste inbring, al wat dit jou gaan kos is 'n geringe maandelikse fooi. Dis nie 'n foefie nie, ek het ingeteken en ek kry elke maand 'n krediet in my rekening, so dit kos my niks. Sluit gratis aan vir 'n proeftydperk.
Maar jy moet opgradeer om deel te neem aan die wins, dis egter 'n druppel in die emmer. Probeer gerus!

Die hele proses het nou verbeter en dis nou makliker om te begin inkomste kry, sluit gerus aan vir 'n gratis proeftydperk, kyk die kat uit die boom en gradeer dan op om te begin saamspeel! Klik hier en gaan kyk self!

Dit neem 'n rukkie, maar ek het verlede maand net minder as R1000 gekry. Elke bietjie help!

Yes, out of curiosity I visited Be Motivated Today during September 2009, but only joined during August 2010, what a waste of time!!!.
If I knew what was happening during the year I wasted, man, I would have joined immediately after I  read the details of the setup.
I now have a waiting list of seven on my downline (one already joined as Silver), the others are bound to join during November and they are jumping around purely from excitement to get started and its rubbing off on me as well.
Just one question: My intention is to place an invitation advertisement on the rear window of my car, do you think it could shake some people out of their dreams and make them joining us?

Klik hier vir meer besonderhede

Die Danville Hulpgroep
Gaan kyk gerus na die webwerf hieronder om te sien watse wonderlike werk hierdie groep doen.
Webwerf: www.danvillehulp.co.za

Elsabé BlignautHuis: 012 991 3914
Sel: 082 828 2551
Epos: Elecnet@mweb.co.za

Resepte, resepte,  resepte

Ek het besluit om sake vir my te vergemaklik an al die resepte eBoeke wat ek het (Engels en Afrikaans) op een CD saam te sit. Daar is meer as 110 resepteboeke wat omtrent enige dis bevat wat jy aan kan dink so ek dink nie jy sal nodig hê om ooit weer 'n resepteboek te koop nie. Omtrent al die boeke kom met herverkoopregte (behalwe waar dit anders meld) met ander woorde hulle is nou joune en jy kan maak met hulle wat jy wil selfs ook een vir een van die CD afhaal en herverkoop.

Die prys van die CD is R100 (dis om en by R1 per boek) posgeld uitgesluit

Posgeld is  R20 vir geregistreerde pos en R60 vir Speed Services oornag toonbank tot toonbank.

As jy sou belangstel om een van die CD's te bekom, klik net hier en ek stuur vir jou my bankbesonderhede, gee my ook net jou posadres. Sodra ek dan die CD pos, stuur ek vir jou die spoornommer per epos as bewys dat dit gepos is. As jy R120 deponeer stuur ek dit per geregistreerde pos en as jy R150 deponeer stuur ek dit Speed Services oornag toonbank tot toonbank

Hier is die Afrikaanse boeke:

217 Egte Afrikaanse resepte, Aartappels, Beskuitresepte, Afrikaanse Resepteverskeidenheid, Brood resepte, Vul die beskuitblik, 'n Broodjie vir die blik, Blokkieskoek, Burgers Patties Frikadelle, Brood resepte, Drankies, Drinkgoed, Gemmerbier, Groente, Eet jou groente, Hoender resepte, Happies en Poffers, Kaaskoek, Ietsie anders resepte, Kerskoeke, Karavaan resepte, Kleinkoekies, Kinderlekkerte, Koekiedrukker resepte, Koeke, Likeur, Lekkergoed resepte, Nog resepte, McCain resepte, Moedersdag resepte
Mikrogolf resepte, Peterjasie se boek, Pastageregte, Peterjasie se Kersresepte versameling
Peterjasie se eBoek van vernoemde resepte, Poeding, Peterjasie se Tradisionele SA resepte
Resepte met biltong, Resepteverskeidenheid - ook grootmaat, Slaaie, Sommer net resepte, Sop in die pot, Sop resepte, Terte, Sous, Verskeie resepte 1, Souttert & Pannekoek, Vis en hoender, Veelsydige hoender, Vleisgeregte vir Kersdag, Verskeie resepte 2, Warm en koue drankies, Vleisresepte, Wille samies, Wafels en Pannekoeke, Wors en worsies

Allerlei

Annette se Boererate, Boererate en Verbruikerswenke, Hartstigting dieet, Lennons medikasie, Mate en gewigte, Sop dieet, S A Boererate eBoek, Metrieke omskakelingstabel, Werk van die huis

Hier is die lys van baie ou Engelse resepte eBoeke

A Calendar of Dinners with 615 recipes - 1922
A Dozen dainty recipes for preparing wartime canned meats - 1920
A Home Guide - or a book by 500 ladies - 1877
Aunt Carolines Dixieland Recipes - 1922
A Practical Dictionary of Cookery - 1200 tested recipes - 1898
Best recipes for baking - pre 1908
Buckeye Cookery and Practical Housekeeping - 1877
Burke's Complete Cocktail and tasty bite recipes - 1936
Catering for special occasions with menus and recipes - 1911
Diabetic Cookery - recipes and menus - 1917
Fifty Choice Recipes for Spanish and Mexican Dishes - 1905
Fifty valuable and delicious recipes made with corn meal - 1917
Heart of the Wheat - a book of recipes - 1910
Hospitality - recipes and entertainment hints for all occasions - 1922
Hotel Management - quantity food recipes
Household hints and recipes - 1877
Ice Cream - practical recipes for making ice cream - 1886
Information for everybody - 1859
Jane Hamiltons Recipes - 1909
Just the thing - dainty dishes at small cost - 1899
Larger cookery book of extra recipes - 1891
Leather Manufacture - 1891
Light entertaining - a book of dainty recipes for special occasions - 1910
Mom's Cookbook
On Uncle Sam's Water Wagon - 500 recipes for delicious drinks that can be made at home - 1919
Our candy recipes - 1919
Practical Household Cookery - 1000 recipes - 1891
Preserves and Pickles - 1912
Recipes - dainties, salads and clever hints - 1919
Recipes for the preserving of fruit vegetables and meat - 1908
The Candy Maker's Guide - 1896
The Housekeeper's Friend - 1897
The Hygenic Cookbook - 1881
Tried and Tested Recipes - 1921
Two Hundred and Seventy Five Wartime Recipes - 1918
Two hundred recipes for cooking in casseroles - 1914
Two hundred recipes for making desserts - 1912
War Time Cookery - 1917
Wheatless Recipes - 1918
Wrinkles and Recipes, including farming and household hints - 1877

Hier is die Engelse resepte:

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.