Ek staan op vir Afrikaans!
Jou ma se taal!
 

Welkom aan alle nuwe intekenare! As julle baie gratis resepteboeke wil aflaai gaan kyk by die Argiewe, meeste van die ou nuusbriewe het resepteboeke as pasellas, gaan laai maar na willekeur daar af.

Ek stuur ook 'n Engelse brief uit, elke brief bevat ook 'n pasella resepte eBoek, gaan kyk gerus en laai na hartelus af.

Jammer oor die vertraging in die uitstuur van die brief, maar dinge was regtig rof in die laaste paar weke. Ons kom nou net van Kruger terug en ry Sondag weer soontoe. Dan is ons skaars tuis en ons is oppad Kgalagadi toe vir twee weke. Ek weet dis rof, maar iemand moet dit doen!

Elk het nou 'n weird versoek, ek is opsoek na 'n trourok, oud en gebruik natuurlik, maar wat net daar rondhang en spasie opneem. Nee, ek is nie 'n crossdresser nie, ek wil dit vir fotos gebruik. Dink daaroor en laat my per epos weet. baie dankie!

Ons neem ook nou "Foto booth" fotos by troues en 21ste verjaardae. Maak 'n ideale foto gasteboek. Johannesburg omgewing.

Vra as jy meer wil weet

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Teken hier in op die nuusbrief: http://www.peterjasie.co.za/nuusbrief.html

Kontak my per epos: peter@peterjasie.co.za

Doen dit sommer self, klik hier. As jy nie internet toegang het nie, stuur my epos met jou ou en nuwe adres.

Bo en behalwe die Afrikaanse en Engelse resepte eBoeke het ek nou ook 40 stokou Engelse resepteboeke bygesit. Baie van hulle is oor die 100 jaar oud. Hulle is digitaal geskandeer met ander woorde as jy die .pdf oopmaak sien jy die werlike bladsye van die oorspronklike boek. As jy 'n versamelar van resepteboeke is sal jy die boeke regtig interessant vind.

Hierdie CD kan ook 'n lekker Kersgeskenk wees!

Gaan kyk onder vir 'n lys van die ou boeke en ook hoe om die CD te bestel.

Ek het die volgende ontvang van iemand wat die CD bestel het:

Dankie. Ek het die cd ontvang met resepte. Ek sal graag daar reageer. Eerstens is dit(in goeie afrikaans) moerse goeie waarde. Baie dankie.

Soekblokkie

Ek het van my stories en fotos in een dokument saamgestel, dis lekkerlees Afrikaans en 'n versameling van my fotos. Ek wil dit graag wyd en syd laat versprei. Dis heeltemaal gratis al wat jy hoef te doen is om op die skakel te regs klik en dit af te laai (om en by 4MB) Peterjasie in Woord en Beeld

Stuur sommer aan die mense op jou poslys ook wat dit mag geniet. Dit kan ook 'n lekkerlees geskenk wees.

Boodskap van Elsabe

Goeiemôre vriende.

Vir 13 jaar begin ek altyd my winter nuusbrief met...... Hoe koud is die windjie en skraal..........
En oor al die jare bly dit maar presies dieselfde noodroep! Die winter is hier en ek dink ons gaan bibber hierdie jaar!. So eers gou dankie sê aan almal wat bygedra het – BAIE DANKIE - en dan begin die groot bedel alweer!
Wat ‘n voorreg is dit nie............... Om te weet dat ons, net soos al die vorige jare weer gaan inspring om groot verligting bring waar dit nodig is! In ons harte is ons verseker dat ons weer rekord getalle komberse en ander warm klere sal kan uitdeel. So ons Warm Winter projek is nou amptelik geloods!!

OP ‘N ANDER HEERLIKE NOOT!
Nou na al die jare se beloftes vir huisies vir van ons hawelose mense het dit uitendelik gebeur!!!!!!
16 van ons gesinne wat by die Andeon projek vir tot so lank as 8 jaar gebly het, het uiteindelik hulle huisies gekry. Ons is so dankbaar! Dit is die “upside”... nou vir die “downside” ... ons het meubels, linne, gordyne, kos ens ens ens nodig om hulle goed gevestig te kry. Gooi maar asb enige goeie bruikbare artikels oor na hierdie gesinne toe – groot asb.
Daar is nou weer plek op die plot vir ander hawelose mense maar ongelukkig val van die huisies nou letterlik uitmekaar en ons het dringend hulp hier nodig. Persone wat wil betrokke raak kan Arnold direk kontak by Sel: 0727095490

WARM WINTER PROJEK
Die winter is hier!! Ons moet nou dringend en baie vinnig warm klere en komberse bymekaar maak en uitdeel. Die kinders het truitjies en warm klere nou bitter nodig.
Stuur maar asb alles wat nie meer pas nie vir ons! Veral mansklere!
HUIDIGE SITUASIE
Ons moet nou die projek se versekering hernu wat R7130-53 per jaar is (publieke aanspreeklikheid ens ens ens) en dan ook al die gewone verpligtinge nakom. Die winter is op ons, en ons het ekstra fondse nodig vir komberse, medisyne en kos. Elke moontlike bystand is nou nog meer welkom as ooit tevore – groot asb.
Dit gaan elke jaar hierdie tyd maar swaar. Ons het nou darem nog kruideniersware vir die hierdie week se kospakkies vir die enkel gesinne en dan is dit ook weer klaar. (kos is mos iets wat nie hou nie ) Dan is ons rakke weereens totaal en al leeg.
Die Huis van Beskerming moet onderhou word met kos en elektrisiteit ens en die gesin van 4 is nogsteeds daar.
Ons opregte dank aan elkeen wat bydra om verligting te bring vir ons kinders en bejaardes in nood! Niks hiervan is natuurlik moontlik sonder die hulp en genade van ons Vader nie! Alle eer en dank aan hom!
Intussen het ons soos altyd enige goeie bruikbare/skoon artikels en klere nodig. Kruideniersware kom altyd eerste op die lys en met die winter om die draai is daar die groot behoefte vir warm klere en komberse!
Ek kan maar net mooi vra... HELP asb om ons in staat te stel om verligting vir die mense in nood te bring – GROOT ASB

WEBTUISTE www.danvillehulp.co.za
Groete
Elsabe

Gaan kyk gerus na die webwerf hieronder om te sien watse wonderlike werk hierdie groep doen.
Webwerf: www.danvillehulp.co.za

Elsabé BlignautHuis: 012 991 3914
Sel: 082 828 2551
Epos: Elecnet@mweb.co.za

Sondag, 16 Junie is Jeugdag, Soweto-dag.

Baie mense glo dat die gebeure van 16 Junie 1976 die einde van apartheid ingelui het. Die opstande in Soweto op daardie dag is aanvanklik bloot aangevuur deur ontevredenheid oor die toekenning van dranklisensies aan sekere biersale in die omgewing, maar weldra is politieke inhoud aan die ontevredenheid gegee en het betogers te kenne gegee dat hulle in opstand was teen die invoering van Afrikaans as ’n onderrigtaal in sekere skole.

Die nou reeds bekende foto van die dooie kind Hector Pieterson wat deur ’n ouer kind weggedra word, het die wêreld se verbeelding aangegryp en ’n beeld in die internasionale psige vasgelê van weerlose kinders wat deur polisiemanne afgemaai is.

Maar die werklikheid van daardie dag was anders as wat dikwels gepropageer word.
Dit was nie net Hector Pieterson en ander jong aktiviste van die ANC en die swart bewussynsbeweging van destyds wat op daardie tragiese dag gesterf het nie. Trouens, die prentjie wat homself op 16 Junie 1976 in Soweto afgespeel het, was anders as wat dikwels vertel word.

Twee destydse staatsamptenare mnr. JNB Esterhuizen en dr. LM Edelstein, wat welsynswerk in Soweto gedoen het, het die oggend van 16 Junie 1976 Soweto binnegery soos elke dag tevore om hulle dagtaak in die township te gaan verrig.

Iets was egter nie pluis nie maar toe mnr. Esterhuizen dit besef , was dit te laat.
Hy is om 10:55 daardie oggend deur die leerlinge van Isaacson Hoërskool oorval en langs sy motor doodgeslaan. Luidens die nadoodse ondersoek het merke op sy klere en liggaam daarop gedui dat die gewelddadige kinders probeer het om hom ook te verbrand.

Slegs 25 minute later, omstreeks 11:20, is dr. Edelstein in ‘n kantoor van die Jeugsentrum in Jabavu aangeval. Hy is in die kantoor bewusteloos geslaan en later na buite gesleep waar hy deur die betogers doodgeslaan is. Sy erg verminkte lyk is ure later eers gevind.

Die wreedaardige manier waarop hierdie twee ongewapende weldoeners om die lewe gebring is, staan in skrille kontras met die sogenaamde “heiligheid” van die dag soos dit deur die heersende orde aangebied word. Dis nou 36 jaar na die gebeure van 1976 en die jeugdiges van daardie tyd, oftewel die “klas van 1976” is nou deel van die heersende orde.

Ironies genoeg is dit vandag die Afrikaner wat taalmiskenning, kulturele vandalisme, gewelddadige misdaad en onoortuigende polisiewerk aan die hand van hierdie selfde sogenaamde “klas van 1976” ervaar. Die situasie is so ernstig dat verskeie kommentators reeds na die huidige bewind as ’n tirannie van die meerderheid verwys.

Soos in die res van die Afrikaner se geskiedenis, is daar dalk een ding wat ons as `n minderheid van daardie dag se gebeure kan leer, naamlik dat geen gemeenskap hoef terug te staan wanneer dit kom by die opeis van hul regte nie.

 Saterdag vlieg ‘n klomp malletjies op tv weg op die Cape Epic.

So tussen my popcorn en brannas wonder ek of ek nie ook maar moet fiks word nie want daar is ‘n paar vrek mooi boudjies op daai baasiekels, maar ek is so verdomp unfit ek kry milt steek as ek toilet toe loop.

Ek het mos hoeka vir die kinders elkeen ‘n grend baaisiekel gekoop op rekening nogal en nou ry ek hulle met die kar skool toe en daai helse duur martelpype staan en oproes in die garage.

Nou kyk ek waar op die ding is die carrier vir toebies en padkos maar die simpel ding het net so draad rakkie vir water sê die laatie. Water en wat? Daar sal nooit ‘n bottel J&B inpas nie!

Ek moes seker gekyk het vir een of ander weight limit want as ek ‘n 3 liter Toyota bakkie op sy knieë trek as ek inklim gaan iets sy alie sien op die ou draadraampie.

Die kinders het loop dekking slaan onder die vêrste bed in die huis met een of ander sign wat sê “Ek ken nie daai ou nie…”.

Het julle geweet Spandex broeke het ook ‘n rek limiet? Dis soos om daai maer vroutjie van 7de laan, Hilda, se super small bloomer om ‘n blou walvis se gat te probeer trek.

Jou aambeie skuif tot onner jou oksels.

Dank Vader die pienk fiets se ketting lyk soos iets wat mens in Richardsbaai se hawe vergeet het van die roes en ek pick die geel een van die laaitie. Ek het een van die kinders se Helmets geleen al kon die twee net uit decency vir my gesê het dis ‘n skateboard helmet.

Nou onthou, ek het laas fiets gery toe ‘n Chopper nog ‘n professionele resies bike was en ek beklim die stukkie draadrank terwyl ek aan die prieël vashou om nie om te dinges nie.

So met die been oorgooi gee die spandex op en flash ek my vrou in die kombuis wat haar alie afskrik en ek hoor net koppies val in die wasbak.

Nou moet ek my gewone PT broek dra maar die saal is vir iemand gemaak met minder boud-cleavage as ek en so met die sitslag verdwyn daai saal met my nuwe onnerbroek en die helfde van die PT broek die onnoembare in en verstaan ek skielik wat ‘n wedgie from hell is. Dis finkenol teen wat ek nou beleef!

Die arme fietsie se shocks lê halfpad verby hul optop level en al is die tyres 104.7 BAR gepomp lyk hulle steeds pap, maar vandag word ons fiks!!!!

Nou die wat die plek ken waar ek woon, weet van die enigste koppie in die omtrek net agter die huis. Nou as ek hom nou kan uittrap en terugkom sal ek in ‘n kort rukkie fiks wees, reken ek.

Vader, die munisipaliteit se lorries kom nie eers daar uit nie en na ‘n ongoddelike strawwe , bloedswetende, asembenewede eerste 12 meter vang ek lift met ‘n bakkie op tot bo.

Afkom lyk makliker…

Nou die wat nie fietsry ken nie, weet seker nie dat die voorbriek nie goed werk op ‘n afdraend nie.

Nevermind, met my skateboard helmet, Pt broek driekwart in my watchemaycallit, vellies en rugbykouse bespring ek daai martelpyp bo-op die koppie ten aanskoue van ‘n ander gesinnetjie Cape-Epic wannabe’s. Die ma druk sommer die dogtertjie se oë toe want ek het later by die ambulansman gehoor ek het bout-cleavage gegooi vir Afrika.

Toe die predikant my kom besoek het vanoggend wou hy weet of ek so in die afkom dalk ‘n bees in volle vaart met een of ander geel ding in sy alie daar sien afkom het.

So op sy droë manier kan hy ok maar ‘n drup wees.

To hell met fiks word. Boude is mooier op TV en my gips kom anyway eers oor vier weke af.

-Groete Petrus

Outeur onbekend
 

My broer en Lieb Bester was bure in Oudthoorn in die weermag. Elke jaar is daar n
groot konsert gehou vir al die hogere inwoners van Oudthoorn en ook vir offisiere wat
spesiaal uitgenooi is.

Hulle het een jaar besluit om die amper-onmoontlike te doen en n konsert in die Kango-
grotte beplan. Daar is bankies ingedra met kniekombersies vir ingeval dit koud sou
word. Die troepe is geleer hoe om die gaste na hulle plekke te neem…alles haarfyn,
Army Style!

Lieb was natuurlik besig met die konsert se optreding en musiek. My broer was in be-
heer van die logistiek. Hy het n klavier laat uitmekaarhaal, in die grotte ingedra en die
goeie musiekstudente het hom weer aanmekaar gesit en ingestem.

n Spesiale sangeres is genooi om te kom sing. Daar is vir haar n kamer in die hotel in
n hotel bespreek, n motor is gereël om haar op George se lughawe te gaan haal. Daar
is n mooi ruiker in haar kamer afgelewer.

Ongeveer 2 uur voor die aanvang van die konsert, kry my broer die gevoel, soos ek ook,
van “konstabel Hondsegedagte” Hy bel die hotel om te hoor of sy gelukkig is en hy
ontdek dat sy gladnie opgedaag het nie, sonder om hulle te laat weet.

Hy en Lieb was natuurlik diep in die moeilikheid en Lieb het gedink dis die einde van sy
loopbaan. Hulle moes maar koppe bymekaarsit en n plan maak. Die destydse bevel-
voerder het net gesê daar sal n konsert wees en klaar.

Al raat was om na die verskeie groepe wat net van die grens af gekom het te gaan en te
vra wat hulle kan opdis. Elke groep moes die beste kies en gou oefen voor Lieb.
Hulle het heelwat talent gekry onder die wat kon sing of klavier of ander instrumente
kon bespeel.

Natuurlik moes die Kaapse Korps ook deelneem. Daar was n outjie van die Kaapse
Vlakte wat goed kon briekdans en hulle het dit maar vir laaste te los. Lieb en my
broer het maar agter gestaan en my broer moes Lieb maar help bid.

Toe dit die outjie van die Kaapse Korps se beurt is, begin hy briekdans soos hulle nog
nooit tevore gesien het nie. Toe hy op sy kop staan en dans met die “strobe lights”
wat teen die grot se kante hom van alle kante belig, staan almal op en gee hom n staande
ovasie.

Lieb het nie sy pos verloor nie en almal het daarop aangedring dat daar elke jaar n
konsert net deur die troepe gehou moes word. Almal se basse was gered.

En ou Lieb speel nog lekker in Villa Rosa!
 

Almal in die Armykamp het hom so genoem. Of hy `n regte naam gehad het, weet ek nie. Snotkop het langs ons in T60 gebly. Hy het meer raas gekry as die troepe wat oorkant in die barakse gebly het.

Hy het oom Idioot in T64 se kat eendag met `n waterpistool binne-in `n kaktusbos ingespuit. `n Helse geskreeu het ons buitetoe laat hardloop. Die kat het erger as `n ystervark geskreeu wat se penne uitgeruk word. Snotkop het so al om die kaktusbos gedans en Indiaankrete gesing.

Ousus het hom `n skuinsklap oor die kop gegee en gesê hy moet sy kak laat staan.

Sus Sexy het die huis ingehardloop en vir Sant Major gebel. Die kat se pyngevulde skreeu kon jy nou al drie sirkels ver hoor. Ek en sus Dimpels het gestaan en huil. Sus Blondie het ons getroos en gesê Sant Major sal nou-nou hier wees en hy`s sterk en Snotkop sal pakkry, ons moenie worrie nie.

Sant Major en oom Swannie het met die Lugmag se rooi Brandweer- Land Rover opgedaag.

Snotkop was obviously spoorloos weg. Sant Major het vir oom Idooit gebel om sy kat te kom haal. Niemand het geweet of die kat dit gaan maak nie. Hy het nou net slap daar tussen die dorings vasgesit.

Oom Swannie het hom met `n lang net uitgewikkel en die kat het begin spin.

Oom Idioot het sy kat, wat soos `n ystervark lyk in `n sagte handdoek toegerol. Hy het elke lang doring self uitgetrek en vir Snotkop, wat weer iewers uitgekruip het gegil.

Hy`t gesê dat hy vir Snotkop by duin 7 sal gaan aflaai as sy ma nie kyk nie en dan vir hom sou wegry sonder om `n waterbottel te los.

Oom Swannie het vir Snotkop van agter gegryp, oor sy been gegooi en `n warm loesing gegee – met `n skoon sakdoen sy vuil gesig afgevee en `n dogbiscuit in die hand geprop. Snotkop het hom om sy been gevat en gevra of hy op die rooi Land Rover mag klim. Oom Swannie het hom voor laat inklim en die hawkie-talkie laat gebruik na die basis. Snotkop het self vir hulle laat weet dat alles weer pluis is. Snotkop het twee dae lank met `n smile geloop. Hy was egter hoogs beὶndruk deur oom Idioot se dreigement en het sy kat vir baie lank vermy.

Een Nuwejaarsnag het Snotkop weer by oom Swannie pakgekry. Oom Swannie het hom gekry waar hy in die Offisiere menasie se badkamer sit en krekkers brand. Die lawaai het 5 troepies en oom Swannie soontoe laat hardloop. Dit was in die 80`s waar terroriste reeds 2 menasies in een jaar laat ontplof het met petrol wat in muurligte gesit was. Dus was almal weer `n helse vuur te wagte.

Niks het vlam gevat toe hulle op hom afkom nie, maar sy gat wel.

Snotkop was net so oor 4 jaar, anders kon hy groot moeilikheid opgetel het. Niemand het hom beskuldig van terrorisme nie, maar soms het oom Swannie vir hom gesê hy`s `n regte klein terroris.

Suster Wanlis, die kwaai siekeboeg suster, en elke troep se nagmerrie, moes menigmaal vir Snotkop vier sirkels terugstuur huistoe. Hy het tussen die siek troepe in die beddesaal gaan kuier net wanneer hy kon. Hy`s altyd daar weg met handevol lekkergoed wat hy uit die troepe gepraat het. Soms het Sister `n houertjie pitseersalf saamgestuur huistoe. Dit was elke Armykind se las een of ander tyd.

Sy haasbek en blouselblou oë wat duiweltjies kon dans, kon niemand weerstaan nie.

Almal se seun – Snotkop!

Blonde bolletjie lag – stoutgat – VERBY!

Snotkop se ma gil eendag beangs. Ons storm buitetoe.

Hy sit op hul huis se dak met `n blikkie kondensmelk. Weier om af te klim, sê hy weet nie hoe nie. Ons weet hў weet presies hoe.

Ons sien die Kamferboom langs die huis. Stille getuie van die weg boontoe. Die Armyhuise is in vuurhoutjieboks-vorm gebou met plat dakke. Dus is hy veilig as niemand hom pla nie.

Ousus bel vir Sant Major. Sant Major swets in troepietaal. Hy sê hy gaan vir Snotkop en sy ma kom donner oor sy die kind op `n dak laat klouter. As hy een been in sy lyf breek, gaan hy haar sommer aankla by die welsyn! Sant Major vergeet in sy woede dis SNOTKOP!!

Niks en niemand stuit hom as hy op `n missie is nie. Veral nie sy sagte ma wat staan en huil en smeek dat hy moet afkom ondertoe nie.

Oom Swannie was binne ses minute daar. Snotkop se blikkie kondensmelk leeg. Die sirene en groot rooi wa van die Lugmag Brandweer het Snotkop laat belangstel wat om hom aangaan. Hy`t die leë blikkie op sus Dimpels se kop gegooi.

Snotkop was seuntjie gelukkig en hoogs in sy noppies met oom Swannie en die lang leer wat hom kom red het. Hy het weer `n pakslae gekry, maar het vir weke lank prentjies met stokke in die soutgrond geteken. Elke prent was van brandweerwaens met lang lere.

As jy saans `n bulderstem hoor wat skreeu: ” SNOOOOOOOOOTKOP!!!”, moes jy weet sy pa is tuis, maar Snotkop nie. Snotkop het menigmaal loop TV kyk by enige huis in die sirkel wat se deur nog oop gestaan het. Soms het hy tussen ons ses meisies aan die slaap geraak, dan het Sant Major hom oor die heining vir sy pa gaan gee.

Snotkop was Army domein. Amal het help grootmaak aan die wilde kind met die sagte oë.

Snotkop se ma was die dag net oorkant die soutstraat by die Army-tandarts. Snotkop was stil die dag, besig om met sy fietsie al in die sirkel te ry. Geen kattekwaad wat in die blonde koppie broei nie.

Die tyd toe ek en Ousus gelyk gil, was die vlamme reeds deur die vensters sigbaar. Die gordyne het buitetoe gewapper in geel en rooi vlamme. Baie rook het by die deur uitgebol. Ruite het begint ontplof na buite. Skerwe glas het deur die lug getrek. Oom Atlas Rot se skaaphond het begin tjank.

Ousus het my onderstebo gestamp om by die huis in te hol. Die foon het getttttrrrr soos sy die nommer draai.

Die sirenes was kras. Drie rooi waens het aangejaag gekom.

Die manne was stil en vinnig. Spuitslange was blitsig afgerol. Boë water het oor vlamme gespuit wat al aan die dak lek

Elektriese klappe het geskiet soos AK`s op outomaties.

Na 35 minute was alles geblus. Net swart rook het nog in die lug gehang.

Snotkop se ma was terug van die tandarts af. Sy kon nie huil toe oom Swannie uit die puin van die huis strompel met `n klein swart bondeltjie lyfie nie. Haar gesig was wit, traanloos, haar oë dood.

Oom Swannie het hom in `n silwer sak toegerits en in die arms van `n appie laat los.

Hy`t teen `n rooi wa gaan val en HARD gehuil. Snot-trane, swart roet en sout strepe sy verwronge gesig vol.

Almal wou so huil. Niemand behalwe oom Swannie kon dit dadelik uit die hart uit huil nie. Ons het gehoop dis net `n Snotkop grap en dat Sant Major netnou weer sal sê dis oraait.

Dit was nooit.

Ps. Niemand weet hoe die brand veroorsaak was nie. Die Armyhuise se elektrisiteit was toe al oud. Die hele kamp was 2 jaar later ontruim agv van brande wat al hoe meer ontstaan het, sonder dat iemand kon sê waarom.
 

Ek het nou al my Afrikaanse resepte eBoeke gebruik, as iemand dalk het laat weet asseblief!

Vir nog pasellas gaan kyk na my nuusbrief argiewe, meeste nuusbriewe het gratis resepte eBoek wat jy net kan aflaai. Gaan na www.peterjasie.co.za/argiewe.html

Klik net hier , registreer en koop 'n kaartjie. Dis doodveilig, en sodra die transaksie afgehandel is, kan jy begin droom, lekker groot droom. En as jy vir die eerste keer registreer kry jy nog 'n gratis kaartjie ook! Waarvoor wag jy?

Hier is die lys van beskikbare Lotto s en die huidige boerpotte:

Powerball US $86,000,000
SuperEnaLotto EU €21,800,000
MegaMillions US $22,000,000
MegaSena US $21,300,000
EuroMillions EU €15,000,000
UKLottery UK £9,300,000
ElGordo EU €7,800,000
SuperLottoPlus US $10,000,000
FranceLoto EU €5,000,000
OzPowerball US $2,900,000

Sjoe, dis darem maar groot geld!

Ekke is ook op Facebook,  kry my by www.facebook.com/Peterjasie

ons is gatvol

onder die blou van onse hemel
staan die president se straler
200 miljoen om sy kaias mooi te maak
en die volk loop kaler en kaler

plaasgrond lê soos wit olifante
onbewerk en ongeploeg
ons betaal belasting en hou ons bekke
... ons is gatvol, ons is moeg

die paaie is vol potholes
malema verduister tendergeld na sy tribe
spietkops kan nie behoorlik skryf nie
maar jy kan loskom met ń bribe

ń bees word barbaars keelaf gesny
terwyl zuma wééreens trou
pap en vleis vir die paartie
in tradisionele drag, sy vyfde vrou

plakkerskampe by die duisende
skiet op sommer so oornag
almal kry gratis water
en steel by eskom krag

ek werk met kriminele
poligraaf elke liewe dag
sien die haat in hulle oë
wat steel en moor en verkrag

skuins voor Potgietersrus
staan plaasmoord-kruise geplant
ń hele berg vol daarvan
ons is níks in moedersland

ek dank weer die Here
vir goeie gene en gesonde verstand
ek kan alles bereik in die lewe
sonder om klip te gooi en te brand

Van Solovlug

Alles wat jy wil weet oor die huidige Super 15 seisoen. Regs klik net en laai af na jou rekenaar

AS jy dit elke week wil ontvang, stuur 'n epos aan Loot Eksteen en vra dat hy dit vir jou aanstuur

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Zalome is nog iemand wat probeer om die gebruik van Afrikaans op die internet te bevorder. Sy stuur lekker "kletsbriefies" per epos uit. Daar is twee soorte, een met musiek en een sonder musiek wat dan vinnig aflaai.

Om aan te sluit, klik net op die skakel van die brief wat jy wil ontvang, doen dit van die rekenaar af waar jy die brief op sal wil ontvang. Yahoo sal dan,
'n bevestingsbrief stuur, "Reply" net daarop en dis dan al! Kom sluit aan, dis gratis en dis pret (in Afrikaans).

AFRIKAANS MET MUSIEK:
ZALOME-AFRIKAANS_muso-subscribe@yahoogroups.com

AFRIKAANS SONDER MUSIEK:
ZALOME-AFRIKAANS_geen-muso-subscribe@yahoogroups.com

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier 

 Sommer met die intrapslag hou ek niks van die Ingelsman wat my kleindogter hier by ons kom aansleep nie. Vir weke al sien ons uit na haar kuiertjie uit London en aan die begin kon ons nie fout sien, dat sy nou haar Ingelse boyfriendjie wou saamnooi op 'n onvergeetlike toer saam met Oupa en Ouma deur die Kruger Wildtuin nie.

Uiterlik nie 'n onaangename seun nie, maar toe die bleeksiel sy bek oopmaak en my met "Hello Gramps" groet, is my moer klaar suur. Sulke voorbarige vermetelheid. Met die pap handjie waarmee hy bladskud, skud ek hom amper uit sy oorbel en hy het reeds een verloor.

Maar opgedress vir die okkasie hoor. Leerstewels wat amper tot by sy knieë kom, sy khakibroek al die pad ingedruk. Met sy dik belt se gèspe sal mens 'n olifant met twee houe kan doodslaan.

Wat die man als gelees het oor Suid-Afrika weet ek nie, maar aan die belt is 'n waterbottel, 'n mes wat amper sy stewels raak, 'n moon-bag met 'n rooi kruis op en een van daai kanariegeel selfone met die baie knoppies.

Die man dra 'n swart t-shirt wat sê rook is verbode en iets van die aardbol wat warm word. Maar ek weet, die Wildtuin is nie speletjies oor Desember nie. Warm gaan die man beslis warm kry en rook gaan ek beslis rook, al het Kleinpop my agteraf gewaarsku dat die man so bietjie opgewonde oor tabakgebruik kan raak.

Die man is goed in tale ook. Al drie Afrikaanse woorde by Kleinpop geleer. 'Dankie, kak en lekka.' Alles is kak of lekka. Kleinpop is lekka. Ons paaie is kak. Die son is kak. Ouma se koeksisters is lekka. Vreeslik puntenerig oor kos ook, die mannetjie. Eet nie vleis nie, eet nie dit nie, eet nie dat nie, daai moet eers gekook word voor hy sal drink ens, ens. Ek kon dit nog vat toe die man iets van "kak SUV" sê toe hy in die kombi klim, maar toe die man "kak music" op my Klipwerf mompel, steek ek summier my pyp op. Sommer so in die ry, soos ek altyd maak.

Kleinpop probeer nog verbouereerd keer, maar Oupa leer die man nog bietjie Afrikaans: "F*k jou, in my Van rook ek, broer." Die man leer vinnig en maak sy eie Afrikaanse kombinasies: "F*k, this rook is lekka kak, dankie."

Maar met 'n man wat nie vleis eet nie, gaan dit maar lekka kak in die wildtuin. Teen dag drie is die man se slaaiblare wat hy in Phalaborwa se Spar gekoop het al heel vrot. Sy dieet bestaan uit Ouma se padkos- koekisters, Nik-Naks en braaivleispap sonder sous. Teen aand vier is hy honger genoeg om sy vegetariese geloof te verloën. Natuurlik nie openlik nie. Vang ek vir Kleinpop uit, toe sy ongemerk 'n tjop of drie na die man se tentjie toe smokkel.

Dag vyf ruik ons al vroegoggend vegetariese maag- reaksies op vleis. Net mooi in die middel van nêrens en op die dag se hitte kom klop die man op my skouer hier voor in die kombi, so in die ry. "I MUST go!" beduie die man na sy poephol - asof ek nie lankal kon ruik wat hy wil doen nie.

Ek stop maar die kombi naby 'n laagte boompies. Dit is in elkgeval so warm, geen dier sal dit in die omgewing waag nie. "There," beduie ek hom na die boompies. "No ways!" protesteer die mannetjie toe. Ek beduie vir die mannetjie in my beste Engels dat daar "no ways" is dat hy verder my kombi se binnelug met sy buikwinde gaan ontsier. As hy nie nou sy ding gaan doen nie, gaan hy verder stap. "Gee vir die man kakpapier," beveel ek vir Kleinpop. Die man weet nou al genoeg van Afrikaans om te smeek "No, I want nice paper please!"

Soos iemand wat oor duwweltjies stap, benader die Ingelsman sy natuurtoilet. Na 'n rukkie verdwyn hy agter die boompies Ons kyk maar almal versigtig in die omgewing om die man darem betyds te waarsku, sou daar dalk ongediertes nader sluip. Nou een ding van die Wildtuin. As een kar stop, stop almal agter hom om te kyk watse diere kyk die voorste

kar. Veral so op die middaghitte as daar min is om te sien. Die Ingelsman het skaars gehurk, voor die Land Rover agter ons stop. Die gesinnetjie bespied die rigting wat ons kyk. Hulle wil ook sien wat ons sien. Verkykers word uitgehaal. Nog voertuie stop.

Een ou klim uit met 'n groot kamera op 'n driepoot. Nog karre stop. Na vyf minute lyk dit soos die Dakar Rally wat wil afskop. Groepies brawes staan teen die reëls orals buite hul karre en kyk met lang lense. Party klim bo-op hul voertuie se dakke vir 'n beter uitsig.

Wild was besonders skaars hierdie jaar. Nou of daar werklik een was, weet ek nie, miskien

was dit 'n oorywerige verbeelding in 'n desperate soeke na diere. Maar toe die ou so ses karre van ons af skree "Leeu, ek sien hom!" weet ek die Ingels- man verstaan meer Afrikaans as wat ons gedink het. Met al die mense wat so staan en kyk na die veld agter hom, kry die kreet nog eerbaarheid ook.

Soos 'n lus foksterriër wat hitte geruik het, peul die man uit sy bostoilet uit en hardloop vir die kombi. Die broek om die enkels laat die man so paar keer pens en pootjies neerslaan, maar sy herstel is elke keer merkwaardig. Sy roete na die eindpaal is een stofbol soos die man beweeg.

By die kombi aangekom is die man se broek darem min of meer heuphoogte, maar in die veld lê 'n lang mes en 'n kanariegeel selfoon. Die Ingelsman soek dit klaarblyklik nie terug nie. Die konvooi karre agter ons, ry stadig verby, terwyl die Ingelsman sy broek en asem op die regte plekke kry.

Te oordeel aan die hoeters en gesigte het die mense waarde vir geld in die wildtuin gekry.

Na die vakansie is Kleinpop heel uit haar Ingelsman uit. Dié het sommer vroeg 'n vlug London toe gevat. Sy wil hom nie weer sien nie. Miskien was dit die nagedagte aan die ongebruikte toiletpapier.

Miskien was dit die klein, bleek, swaaiende voorgedagte……
 

1) Baas toets blond se wiskunde: "As ek vir jou R5 miljoen minus 10% gee,
hoeveel trek jy af?" Blond: "Als Meneer!.... Skoene, rok, bra, pantie
-FLIPPEN ALLES!"

2) 'n Engelssprekende vrou gee geboorte. Sy vra die 'blonde' Afrikaanse
suster aan diens: "Is it a boy?" Suster: "Nee mevrou, dit is 'n wit kind."

3) Gatiep: Gammat, wasse honne het djy?
Gammat: Haskies.
Gatiep: Ek vra wasse honne het jdy man....
Gammat: Haskies!!!!!!!!
Gatiep: Ag voetsek - Djou dowe blik--m !

4) Koos maak 'n ongeluk. Hy se vir die polisieman: "Ek vermoed die
bestuurder van die ander kar is dronk." Polisieman: "Ai meneer, die ander
kar is dan 'n koei.....!"

5) Mike vra Kallie - Is Portugal ver? Kallie se nee, hy glo nie, want daar
was Portugese saam met hom op skool en hulle het almal met fietse gery!

6) Man hardloop kaal in die bos. Twee olifante sien hom. Een sê:'Kyk hoe
maer is hy!' Die ander een sê: ' G'n wonder nie, kyk waarmee moet hy eet!'

7) Man vat sy siek vrou Dokter toe. Na die ondersoek sê die Dokter vir man,
'Ons het hier met 'n baie lelike ding te doen.'
Man sê: 'ek weet Dok, maar sy is regtig goed vir die kinders'.

8) AVBOB ADVERTENSIE:
Koop jou gat nou en sien hom later!

9) Al die diere in die woud het bymekaar gekom om 'n nuwe koning te kies.
Almal is daar, leeu, olifant, renoster, hulle wag net vir bobbejaan om
hierdie brief klaar te lees .....
 

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

Gedagtes oor Depressie

Depressie is al genoem die siekte van ons tyd, die kanker van die gees. Depressie is die onwelkome besoeker in menige lewe. Dit bestaan in verskillende vorms, neem verskillende maskers aan. Depressie ontsien niemand - kom voor onder enige klas, ryk of arm, geleerd, slim of dom, mans, vroue en kinders, oud en jonk. Daar is dan ook letterlik honderde boeke en artikels hieroor geskryf. In ons bespreking maak ek hoofsaaklik gebruik van Dr Harold H. Bloomfield & Peter McWilliams (in How to heal Depression); Paul Gilbert (in Counselling for Depression); Izak de Villiers (in Depressie) en persoonlike ervaring uit my praktyk:

Reeds oor die 2000 jaar gelede het die Griekse geneesheer Hippokrates dit geďdentifiseer en melancholia genoem. En dit wil lyk of baie mense, wat beroemdes en bekendes insluit, aan hierdie siektetoestand gely het. So word gemeen dat Koning Salomo depressie gehad het. So ook musiek komponeerders soos Gustave Mahler, Tchaikovsky, Sibelius; politieke leiers soos Abraham Lincoln en Winston Churchill; skrywers, digters, kunstenaars, akteurs soos Ingrid Jonker, Edgar Allen Poe, Barbra Streisand, Peter Sellers, John Lennon; predikers soos Martin Luther en Billy Graham - letterlik deurstroom depressie alle samelewingsvlakke en beroepe.

Mysteriously and in ways that are totally remote from normal experience, the gray drizzle of horror induced by depression takes on the quality of physical pain.
- William Strron -

Ons gebruik dikwels die term depressie in ons alledaagse gesprekke, byvoorbeeld: "My rugbyspan maak my so depressief wanneer hulle so vrot speel," maar eintlik is jy net ongelukkig oor hulle swak spel. Of: "Dit is regtig depressief om hier te werk," maar eintlik bedoel jy dat jy verveeld is met jou werk. Daar is egter 'n groot verskil om ongelukkig te wees en depressie. Jy kan byvoorbeeld ongelukkig wees oor 'n nare ding wat met jou gebeur het, maar jy kan jouself troos en steeds in kontak met die węreld bly. Wanneer jy egter depressief is, raak jy geďsoleer van mense, jy sny jouself van jou eie emosies af, gee nie meer om nie, en jyself word jou grootste vyand.

Wat is depressie? Depressie is 'n intense neerslagtigheid (bedruktheid, teneergedruktheid) wat in die reël gepaardgaan met gevoelens van ontoereikendheid, onsekerheid, pessimisme omtrent die toekoms, asook sosiale onttrekking en verlaagde psigomotoriese aktiwiteite (Psigologie Woordeboek van Louw e.a.)

Depressie affekteer 'n mens in verskillende aspekte van funksionering (Paul Gilbert in Counselling for Depression):

Motivering: Apatie. Die verlies van energie en belangstelling, sake blyk futiel en sinloos te wees, hopeloos sonder uitsig.

Emosioneel: Depressiewe en swartgallige gemoedstemming, plus 'n leegheid, woede of gegriefdheid, wrewel, angs, skaamheid, skuldgevoelens.

Kognitief: Swak konsentrasie, negatiewe idees oor die self, die węreld en die toekoms.

Fisiologies: Slaapversteurings, verlies van aptyt, veranderinge in hormone en brein stowwe.

Depressie kan verskil in terme van lengte en intensiteit van die simptome, hoe lank dit duur en hoe dikwels dit voorkom. By individue kan dit dus wissel van lig tot matig tot 'n baie intense en ernstige depressie. Depressie kan 'n akute ontstaan hę (binne dae of weke) of kan oor 'n lang tydperk kom (maande of selfs jare.) Depressie kan chronies wees (byvoorbeeld, langer as twee jaar), of van korter duur (herstel binne weke of maande) of dit kan 'n sikliese patroon toon.
Dan is daar ook verskillende vorms van depressie wat onder verskillende omstandighede manifesteer soos nageboortelike depressie, endogene depressie, reaktiewe depressie, unipolęre depressie, bipolęre depressie, depressiewe neurose, anaklitiese depressie, geagiteerde depressie, gemaskeerde depressie. Ek bespreek egter nie al die verskillende soorte van depressie nie, maar gaan volstaan om kortliks te verwys na twee soorte (aangepas uit Psigologie Woordeboek van Louw e.a.):

Endogene depressie: Dit is 'n depressie wat teruggevoer kan word na 'n biologiese of fisologiese basis, soos byvoorbeeld 'n biochemiese wanbalans in die brein; 'n genetiese predisposisie.

Reaktiewe depressie: Dit is 'n depressie wat veroorsaak word deur 'n eksterne gebeurtenis, wat gewoonlik die verlies van iets insluit soos die afstaan van 'n geliefde aan die dood, verlies van 'n ledemaat, afgedank word by die werk, 'n verhouding wat skeefgeloop het.

Joy, affection, desire, pride, humor are all drained away. What makes life worth living disappears slowly, relentlessly until nothing seems to be left. Anhedonia creeps in and claims the person who once laughed with you, who once hugged you, who once loved to be first on the hill to catch the new powder snow. The lights go out one by one. It is the death of the spirit.- Maryellen Walsh -

Wat van selfmoord? Selfmoord doen homself soms voor as 'n opsie. Daar is verskillende sielkundige teorieë oor die dryfkrag of motivering agter 'n selfmoord of poging tot selfmoord. Navorsing toon dat depressie 'n hoë korrelasie met selfmoord toon (J.F. Prinsloo en D.A. Louw in Suid-Afrikaanse Handboek van Abnormale Gedrag.)

Daar is 'n klomp psigodinamiese faktore wat 'n rol speel en 'n mens moet versigtig wees om dit nie te verooreenvoudig nie, want die mens is kompleks en jy verstaan nie altyd die gedagtes, motiewe en konflikte in 'n ander persoon se gemoed nie. Dorothy Rowe (in Breaking the Bonds) meen dat selfmoord en fantasering hand aan hand gaan. Wanneer ek doodgaan, is ek tog ontslae van hierdie węreld en al sy probleme. Ek sal wegdompel in 'n lekker rustige donkerte. 'n Verbeeldingsvlug is soos 'n fliek wat jy kyk, jy kan weer terugspeel, tonele oorspeel, kyk wat die ander mense se reaksie op jou dood is. Jy kan dit selfs redigeer om dit te laat eindig soos wat jy dink dit behoort te wees. Maar 'n fantasie is nie die werklikheid nie. Die realiteit kan jy nie weer terugspeel en redigeer nie. Wanneer iets nie uitwerk soos jy daarvan hou nie, kan jy dit nie sny en verander nie. Maar ons het 'n keuse, en die keuse is om te bly lewe. Die doel van die lewe is om dit te leef. Een lewe leef dit - ek het die keuse om myself te wees, maar neem ek my lewe weg - kan ek dan myself nog wees? Lewe is die werklikheid. Laat ons ja sę vir die lewe en die keuses wat ons maak.

Maar goed, jy het nou beland in hierdie donker gat van depressie? Hoe gaan jy daaruit kom en hoe sal jy kan ja sę vir die lewe; wat kan jy doen omtrent jou depressie? Kom ons kyk na 'n paar oplossings en dinge wat nodig is:

· Moet ek 'n dokter gaan sien? Ja, indien die depressie 'n ernstige probleem raak, is dit die beste om 'n professionele persoon te konsulteer. Jou huisdokter kan vir jou help en ook medikasie voorskryf - veral 'n huisdokter wat belangstelling in depressie toon en bereid is om 'n goeie diagnose te maak. Ook goed om 'n psigiater in die verband te spreek, wat dan 'n deeglike evaluering en diagnose kan maak en na die mediese kant omsien. Gewoonlik werk die psigiater saam met 'n sielkundige (of 'n ander gekwalifiseerde gesondheidsberader) wat die psigoterapeutiese deel van die behandeling hanteer. Wonderlik as die psigiater en sielkundige in 'n span-poging saamwerk om jou te help.
· En wat van medikasie? Daar is 'n hele paar antidepressante op die mark. Gewoonlik is dit nie afhankliheidsvormend nie. Die verskillende soorte medikasies werk verskillend, maar die oorkoepelende effek is dieselfde: die neurosenders in die brein word in balans gebring, sodat die nodige harmonie in die brein kan herstel. Die medikasie werk geleidelik. Wees dus geduldig en moenie dit sommer stop gebruik, wanneer dit nie in die eerste paar dae die gewenste uitwerking het nie.
· Bespreek die uitwerking van antidepressante met jou geneesheer - veral as daar probleme voorkom soos dat dit nie met jou akkodeer nie of as die newe-effekte te erg is. Moenie te lank wag nie, sodat die dokter vroegtydig 'n ander medikasie kan voorskryf wat beter vir jou is.
· Eet goeie gesonde kos en gebruik natuurlike aanvullings. 'n Dokter kan toets watter aanvullings jy kort. Gebruik vitamiene, voedsel en multiminerale aanvullings van 'n produk waaroor goeie navorsing gedoen is - maak seker van wat jy in jou liggaam inneem.
· Pas jou liggaam goed op. Doen gereeld oefeninge. Wanneer jy depressief is, moet jy aan die beweeg kom. Gaan stap, draf, gym, doen joga, aërobiese oefeninge, raket sportsoorte, dans. Kry 'n goeie massering, ry fiets, gaan swem. Bou jou liggaam op, maak dit sterker, meer buigsaam.
· Hou op rook. Vermy alkohol. Skei uit met slegte gewoontes wat jou liggaam en siel skade aandoen.
· Lees boeke en luister na klank of video kassette wat vir jou inligting kan gee oor depressie, maar wat jou tot nuwe tegnieke en maniere motiveer om jou lewenstyl te verbeter. Wanneer jy byvoorbeeld in jou motor ry kan jy na 'n goeie kasset luister wat jy jou motiveer en dan gebruik jy sommer die tyd produktief.
· Skakel in by 'n groep wat jou kan ondersteun. Dit kan jou familie of gesin wees, vriende of vorm 'n ondersteuningsgroep met ander wat ook deur depressie gaan of gegaan het. Dan kan julle mekaar bel, kaartjies stuur, bemoedig, inligting sirkuleer en byeenkomste reël - dit moet net nie verander in 'n 'wroeggroep' nie.
· Werk aan die verhoudinge met mense naaste aan jou. Byvoorbeeld, in die huwelik - jy lei aan depressie en is lus vir niks. Maak nou 'n punt daarvan om jou eggenoot uit te neem vir 'n fliek of om 'n ent te gaan stap. Dink aan goed wat jy lank terug gedoen het wat baie lekker was, en nooi jou wederhelf saam. Hierdie aksiestap van jou is reeds 'n eerste stap om van die onbuigsaamheid en stagnasie van depressie ontslae te raak.
· Depressie kan ontstaan as gevolg van finansies. Sorg dat jou finansies in orde is. Moenie op skuld en op die kredietkaart koop nie. Moenie onnodige dinge koop nie, moenie geld op dobbel verspil nie. Werk noukeurig met jou geld, sodat finansiële probleme nie jou toestand vererger nie.
· In 'n toestand van depressie sien 'n mens gewoonlik alles as swartgallig. Leer om weer dankbaar te wees vir alles rondom jou. Wees dankbaar vir die klein dingetjies. Vir die son wat skyn, die blomme wat jy kan sien en ruik, vir hande en voete, die lag van kinders wat jy kan hoor. Deel hierdie dankbaarheid met ander. "Dit was baie lekker, dankie," as jy 'n lekker appeltert proe wat iemand vir jou gegee het.
· Doen iets kreatief. Skryf 'n storie. Skilder iets waarvan jy hou. Maak 'n gedig. Skryf 'n lied en neem dit op. Sluit aan by 'n amateur toneelgeselskap. Werk in die tuin, spit en plant, en verander. Doen 'n kursus in pottebakery. Daar is talle goed waarin jy jou kreatiwiteit kan uitleef.
· Luister na musiek. Kies lekker goeie musiek, want dit kan baie opbeurend wees. Musiek vertolk ook jou emosies en is terapeuties van aard.
· 'n Goeie uitbundige lag is goeie medikasie vir die depressiewe gemoed. Kyk na 'n goeie komedie, luister na 'n goeie humorisitiese vertelling of grap. Leer om weer te lag.
· Slaap is baie belangrik. Neem 'n lekker warm bad, luister na musiek en wees rustig in die halfuur voor slapenstyd. Indien slaap ontwyk, vra jou dokter 'n slaappil wat jy kan gebruik en wat nie teenwerkend met enige ander medikasie is wat jy gebruik nie.
· Kry iets afgehandel of anders los dit heeltemal. Onafgehandelde dinge werk op jou senuwees en maak jou meer depressief. Stel 'n teikendatum vir wanneer jy iets wil afhandel. Fokus daarop en doen dit. Indien jy nie meer kans sien vir 'n saak of 'n projek nie, neem die besluit dat dit nie meer vir jou is nie, en sny dit heeltemal uit jou gedagte en lewe uit - moenie tyd mors op goed wat jy nie meer wil doen nie. Wees realisties, konsentreer eerder jou tyd en energie op 'n saak of projek wat jy sinvol binne 'n vasgestelde tyd kan voltooi.
· Hou 'n dagboek. Skryf neer jou gevoelens, emosies, wedervaringe, alles wat jy probeer het en jou frustrasies. Behalwe dat dit 'n plek is waar jy al jou trane kan uitstort, is 'n dagboek ook 'n rekordhouding van jou vordering in jou stryd teen depressie en kan jy terugverwys na sekere gebeurtenisse en hoedat jy op 'n sekere tydstip gevoel het.
· Positiewe afleiers. Die toestand van depressie veroorsaak dat jy in 'n negatiewe en pessimistiese toestand ingaan. Kry positiewe afleiers wat jy kan gebruik, sodra jy voel 'n depressiewe episode is aan die kom. Positiewe afleiers is iets soos 'n gunsteling lied wat jy op jou CD kan luister, of blom wat jy kan gaan ruik, 'n gebed wat jy kan opsę, drink van water of vrugtesap, die uitsoek van plantjies in 'n kwekery, 'n ent wat jy gaan stap. Daar is talle sulke positiewe afleiers wat jy eintlik reeds so kan programmeer dat wanneer die teneergedruktheid toeslaan, jy dit outomaties begin doen.
· Bly besig. Harde werk wat die sweet laat tap, is sommer goeie terapie vir 'n swartgallige dag!
· Dit is belangrik om jou denkpatrone reg in te stel. Moenie 'n saak of gebeurtenis oordryf nie. Vermy oordrewe uitdrukkings soos dit was nou die domste, swakste, treurigste, jy is besig om my dood te maak as jy so kla en so meer. Maar ook nie na die anderkant toe oordryf nie. Iemand het jou te teleurgestel of te nagekom, moenie dan met 'n-ag-wat-dit-maak-nie-saak-nie tipe repons vorendag kom nie. Probeer om akkuraat en presies te sę hoedat jy voel. Dit sal jou denke en gevoelens meer toepaslik en rasioneel hou.
· Neem verantwoordelikheid vir jou gedagtes en response. Daar is 'n vryheid daarin dat niemand jou hierdie gedagtes kan ontneem nie. Al sit hulle jou ook in die tronk of in 'n konsentrasiekamp, in jou gedagtes kan jy vry wees. Maak die keuse dat niemand jou met opmerkings of beledigings sal seermaak nie. Jou innerlike krag is dit wat jou deur die lewe en depressie kan dra. Kom in kontak met daardie gees van krag wat in jou gesetel is.

Die mure van die donker tronk van depressie kan afgebreek word. Buite is daar vir jou lig en lewe. Depressie is nie waaroor dit eintlik hier gaan nie, maar dit gaan oor dié herstel, dié oorwinning wat jy behaal en dié terugneem en beheer neem van jou lewe!

'n Sprankie wysheid vir die dag
"Depressie word vertroetel deur 'n leeftyd se on-rou en on-vergifnis van seerkry." - Penelope Sweet -



Jy kan inteken op st se nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

Nuusbrief argiewe

As jy dalk nog baie resepte wil hê, gaan kyk in die argiewe, elke nuusbrief bevat resepte en meeste van hulle het ook nog gratis aflaaibare resepte eBoeke.

Die Danville Hulpgroep
Gaan kyk gerus na die webwerf hieronder om te sien watse wonderlike werk hierdie groep doen.
Webwerf: www.danvillehulp.co.za

Elsabé BlignautHuis: 012 991 3914
Sel: 082 828 2551
Epos: Elecnet@mweb.co.za

Resepte, resepte,  resepte

Ek het besluit om sake vir my te vergemaklik an al die resepte eBoeke wat ek het (Engels en Afrikaans) op een CD saam te sit. Daar is meer as 110 resepteboeke wat omtrent enige dis bevat wat jy aan kan dink so ek dink nie jy sal nodig hê om ooit weer 'n resepteboek te koop nie. Omtrent al die boeke kom met herverkoopregte (behalwe waar dit anders meld) met ander woorde hulle is nou joune en jy kan maak met hulle wat jy wil selfs ook een vir een van die CD afhaal en herverkoop.

Die prys van die CD is R100 (dis om en by R1 per boek) posgeld uitgesluit

Posgeld is  R20 vir geregistreerde pos en R60 vir Speed Services oornag toonbank tot toonbank.

As jy sou belangstel om een van die CD's te bekom, klik net hier en ek stuur vir jou my bankbesonderhede, gee my ook net jou posadres. Sodra ek dan die CD pos, stuur ek vir jou die spoornommer per epos as bewys dat dit gepos is. As jy R120 deponeer stuur ek dit per geregistreerde pos en as jy R150 deponeer stuur ek dit Speed Services oornag toonbank tot toonbank

Hier is die Afrikaanse boeke:

217 Egte Afrikaanse resepte, Aartappels, Beskuitresepte, Afrikaanse Resepteverskeidenheid, Brood resepte, Vul die beskuitblik, 'n Broodjie vir die blik, Blokkieskoek, Burgers Patties Frikadelle, Brood resepte, Drankies, Drinkgoed, Gemmerbier, Groente, Eet jou groente, Hoender resepte, Happies en Poffers, Kaaskoek, Ietsie anders resepte, Kerskoeke, Karavaan resepte, Kleinkoekies, Kinderlekkerte, Koekiedrukker resepte, Koeke, Likeur, Lekkergoed resepte, Nog resepte, McCain resepte, Moedersdag resepte
Mikrogolf resepte, Peterjasie se boek, Pastageregte, Peterjasie se Kersresepte versameling
Peterjasie se eBoek van vernoemde resepte, Poeding, Peterjasie se Tradisionele SA resepte
Resepte met biltong, Resepteverskeidenheid - ook grootmaat, Slaaie, Sommer net resepte, Sop in die pot, Sop resepte, Terte, Sous, Verskeie resepte 1, Souttert & Pannekoek, Vis en hoender, Veelsydige hoender, Vleisgeregte vir Kersdag, Verskeie resepte 2, Warm en koue drankies, Vleisresepte, Wille samies, Wafels en Pannekoeke, Wors en worsies

Allerlei

Annette se Boererate, Boererate en Verbruikerswenke, Hartstigting dieet, Lennons medikasie, Mate en gewigte, Sop dieet, S A Boererate eBoek, Metrieke omskakelingstabel, Werk van die huis

Hier is die lys van baie ou Engelse resepte eBoeke

A Calendar of Dinners with 615 recipes - 1922
A Dozen dainty recipes for preparing wartime canned meats - 1920
A Home Guide - or a book by 500 ladies - 1877
Aunt Carolines Dixieland Recipes - 1922
A Practical Dictionary of Cookery - 1200 tested recipes - 1898
Best recipes for baking - pre 1908
Buckeye Cookery and Practical Housekeeping - 1877
Burke's Complete Cocktail and tasty bite recipes - 1936
Catering for special occasions with menus and recipes - 1911
Diabetic Cookery - recipes and menus - 1917
Fifty Choice Recipes for Spanish and Mexican Dishes - 1905
Fifty valuable and delicious recipes made with corn meal - 1917
Heart of the Wheat - a book of recipes - 1910
Hospitality - recipes and entertainment hints for all occasions - 1922
Hotel Management - quantity food recipes
Household hints and recipes - 1877
Ice Cream - practical recipes for making ice cream - 1886
Information for everybody - 1859
Jane Hamiltons Recipes - 1909
Just the thing - dainty dishes at small cost - 1899
Larger cookery book of extra recipes - 1891
Leather Manufacture - 1891
Light entertaining - a book of dainty recipes for special occasions - 1910
Mom's Cookbook
On Uncle Sam's Water Wagon - 500 recipes for delicious drinks that can be made at home - 1919
Our candy recipes - 1919
Practical Household Cookery - 1000 recipes - 1891
Preserves and Pickles - 1912
Recipes - dainties, salads and clever hints - 1919
Recipes for the preserving of fruit vegetables and meat - 1908
The Candy Maker's Guide - 1896
The Housekeeper's Friend - 1897
The Hygenic Cookbook - 1881
Tried and Tested Recipes - 1921
Two Hundred and Seventy Five Wartime Recipes - 1918
Two hundred recipes for cooking in casseroles - 1914
Two hundred recipes for making desserts - 1912
War Time Cookery - 1917
Wheatless Recipes - 1918
Wrinkles and Recipes, including farming and household hints - 1877

Hier is die Engelse resepte:

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.