Onbeskaamd Afrikaans!

Welkom aan alle nuwe intekenare! Hier is sommer baie leesstof, so sit terug en geniet jouself. Welkom ook A3!

Ek gaan verder met die alfabet met die resepte, gaan kyk maar verder na onder na Resepte.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Ek het 'n verskeidenheid skrywers wat bydraes lewer, gaan lees gerus ondertoe.

Wil jy dalk GROOT droom? Vat 'n kans op die UK Lotto, die minimum boerpot is R45 miljoen, sommer gereeld R75 miljoen en hoër! Dis heeltemal veilig om te speel, onthou, jy kan nie wen as jy nie 'n kaartjie het nie! Klik hier  en droom Groot!

En onthou tog om my besoekersboek te teken? Hy was vir 'n hele tydjie aflyn maar is nou weer terug.

Ons gaan gewoonlik Carnival City of Gold Reef City toe as ons wil gaan fliek, uiteet of op die masjiene wil speel. Ek het egter 'n veel makliker manier gekry om te speel, Silversands aanlyn casino! Doen dit sommer van jou rekenaar af. Jy sluit aan, speel eers met speelgeld en probeer dan die regte ding. Probeer gerus,  
 Klik hier  en geniet.

Ek het die artikel hieronder in die verlede al gebruik, maar dit was onvolledig en sonder erkenning aan die skrywer. Ek plaas hierdie besonderse artikwel dus weer, met haar toestemming en erkenning aan haar. Dankie, Corlietha.

Alt in die hemelkoor
deur
© Corlietha Swart

Haar oë was groot en kinderlik-onskuldig met net ’n sweempie van die ondraaglike pyn wat sy verduur toe sy vra: “Mamma, kan ek alt sing in Liewe Jesus se hemelkoor? Juffrou Annalie sê ek is ’n alt, want ek kom nie die hoë note van Stille Nag by nie.”

Ek het my vinnig weggedraai om kwansuis nuwe water in die vaas van die pienk rose te tap en my trane het ongesiens in die wit hospitaalwasbak gedrup toe ek met my rug na haar gekeer, sê: “Ek is seker Liewe Jesus het nog vir jou ’n plekkie tussen die alte, liefie.” Toe ek ’n rukkie later met droë oë omdraai, was sy vas aan die slaap, haar skraal handjie beskermend om die lyfie van haar geliefde bruin teddiebeer.

Sy was ses jaar oud, my enigste kind en deurtrek van die kanker. Die dokter het simpatiek verduidelik dat ek en my man ons in die loop van die volgende week gereed moes hou vir die ergste. Hulle kon niks meer vir haar doen nie. Sy kon huis toe gaan vir Kersfees. Dit was immers Desembermaand. Vreugdemaand, ’n maand vir samesyn. ‘n Kind word gebore; my kind is sterwend...

Haar laaste wens was dat sy vir oulaas ’n dag by haar kleuterklasmaatjies wou gaan speel. Juffrou Annalie het reeds op ’n mooi, taktvolle manier aan die kleutertjies vertel dat hulle nog net een keer met Jaminda kon speel en dat sy daarna moes weggaan om by Liewe Jesus in die hemel te gaan speel. Jaminda self het ook geweet dat Liewe Jesus vir haar wag en ek het met ’n knop in my keel na my man gekyk as sy kinderlik opgewonde raak oor dié vooruitsig.

My meisiekind se laaste skooldag het op ’n skamele sesjarige ouderdom aangebreek. Sy het vroegoggend vir my beduie van watter blomme in die tuin ek vir juffrou Annalie moes pluk. “Van daai geles, Ma. Juffrou Annalie sê altyd ek is ’n regte Sonstraaltjie in haar lewe.” Die klein, bruin skooltassie was gelaai van die speelgoed. Ek gun jou die lekkerste speeldag van jou lewe, my kind, het ek bewoë gedink toe ek haar uit die motor in die rolstoel tel.

Die kleuterklassie het die ene oë, maar verskrik, agter juffrou Annalie bly staan toe ons klaskamer toe begin beweeg. Jaminda se beste maantjie, Knoxie, het huiwerig vorentoe getree. “Kan ék Jaminda stoot, Tannie?” en ek het, dankbaar vir dié gebaar, oorgegee aan my klein helpertjie. Dit het die ys gebreek.

Binne oomblikke was die hele klas om die rolstoel geskaar. Dirkman het verneem of die rolstoel se wiele Slime in het, terwyl Emma en Fransien wou weet of die inspuitings seer was. Ek en juffrou Annalie het verwese eenkant trane afgevee en toe dapper begin deelneem aan die kleuters se skynbaar gewone gesprek. Na ’n uur se gesels kon ek sien dat die opwinding besig was om sy tol te eis. Jaminda se oë was baie blink in haar bleek gesiggie. Toe vra sy of sy iets kan sê voor ons huis toe gaan. Juffrou Annalie het al die kleuters voor haar op die mat laat sit.

Wat daarna gebeur het, het my van alle woorde gestroop. Ek het al in my enigheid begin wonder waarom die bruin tassie saamgekom het. Jaminda het die tassie oopgeknip en elkeen van haar vyftien kleutermaatjies by name vorentoe geroep. Op vyftien van haar geliefkoosde speelgoed het sy name met papiertjies en kleeflint vasgeplak. “Emma, jy moet my porselien-teestelletjie kry – dink aan my as jy en jou poppe tee drink. Dirkman, hier is my fietspomp – jou fiets se wiele is mos altyd pap. Fransien, hier is my hartjiehangertjie waarvan jy so baie hou, As jy hom oopknip, is daar ’n foto’tjie van my in.”

So het die pynlike uitdelery aangehou. En toe kom Knoxie, haar spesiale maatjie, aan die beurt. Ek het my nek gerek, maar die bruin tassie het vir my leeg gelyk. Het Jaminda van Knoxie vergeet? Maar nee, Jaminda het haar mees geliefde speelding van haar skoot af opgetel, een laaste kyk in die bruin teddiekraalogies gegee en hom toe met ’n besliste trekkie om haar mond vir Knoxie aangegee. “Pas Teddie mooi op, want ek is baie lief vir hom. Vat ook my bruin tassie – ek het klaar jou naam in die deksel geskryf. Juffrou, ek moet nou huis toe gaan. Kan ons vir oulaas Stille Nag sing?” Bewerig het sy opgestaan en tussen die alte gaan staan en nog nooit het Stille nag so na-aan dié van ’n engelekoor geklink nie.

In die motor op pad huis toe het sy teruggesit, vir my gekyk, geglimlag en toe ’n laaste tevrede sug gegee. Ek het met trane in my oë besef: Jaminda het so pas aangemeld as alt by die hemelkoor…

24 September (Vakansiedag) by Celtis Dal, Centurion. Alleenlopers van oral kuier saam vir die dag. Bespreking noodsaaklik. Ligte middagete ingesluit.
Cotie 076 105 7747

Estelle is werksaam by die Republikein, die enigste Afrikaanse dagblad in Namibië. Sy het spesial versoek dat ek die volgende plaas, ek doen dit met graagte:

Advertensies

WAT sou ons lewens sonder advertensies gewees het?
Hoe sou 'n mens geweet het watter motor in jou prysklas die naaste aan jou droom is? Hoe sou jy geweet het wie het klein hondjies wat hulle wil verkoop? Die lys is eindeloos.
Aan die ander kant kan ek beslis doen sonder die rommeladvertensies ("spam") wat ongevraagd in my e-posbus beland en met heelwat moeite en (on)geduld een vir een geblok moet word om verdere aflewerings te verhoed.
In Amerika het 'n media monitoragentskap bereken dat die besteding aan advertensies in 2005, US$144.32 miljard (N$1 073.80 miljard) beloop het. PricewaterhouseCoopers beraam dat wêreldwye besteding aan advertensies vanjaar US$385 miljard (N$2 864.62 miljard) beloop.
Kenners verskil oor die presiese bedrag wat jaarliks in Namibië aan advertensies bestee word, maar dit is veilig om te sê dat dit meer as N$100 miljoen is. Ons bruto binnelandse produk vanjaar word bereken op N$50,6 miljard en ons nasionale begroting vir 2007/2008 is N$18,4 miljard. Maak self die somme (ek het probeer en dit nie reggekry om uit te werk watter persentasie van die wêreldbesteding aan advertensies ons plaaslike ekonomie uitmaak nie). Dit is veilig om te sê dat dit maar 'n fraksie daarvan is.
Advertensies word deur elke moontlike medium: televisie, radio, tydskrifte, koerante, die internet en groot buitemuurse kennisgewingborde oorgedra. Dit kan ook op supermarktrollies, die mure van lughawens, aan die kante van busse en oor die openbare aankondigingdiens van winkelsentrums gesien en gehoor word. Inderdaad op enige plek waar mense daaraan blootgestel kan word.
Die advertensiebedryf se oorsprong strek terug in die deinserige verlede met kommersiële boodskappe en die bekendstelling van politieke veldtogte wat in ruïnes in antieke Arabië aangetref is. Die Egiptenare het papirus gebruik om verkoopboodskappe op plakkate uit te basuin.
Rotstekeninge in Asië, Afrika en Suid-Amerika word ook beskou as 'n antieke advertensievorm.
Met die ontwikkeling van die drukkerskuns in die 15de en 16de eeu, het advertensies hul verskyning in handbiljette gemaak en in die 17de eeu het advertensies in koerante in Engeland begin verskyn.
Met groeiende ekonomie in die 19de eeu het die advertensiebedryf saam gegroei en kleinadvertensies het hul verskyning in koerante in Amerika begin maak.
In die 1960's het die advertensiebedryf 'n gedaanteverwisseling ondergaan met 'n meer wetenskaplike benadering tot marknavorsing en 'n oplewing in die kreatiwiteit van die skeppers en ontwerpers van advertensies.
Bemarking deur die internet het nuwe deure vir adverteerders geopen, iets wat vandag nog aan die ontwikkel is.
Nou die dag kry ek 'n e-pos van ou advertensies wat vandag só polities inkorrek is, dat 'n mens net jou hande kan saamslaan in die wete dat dié soort advertensies vandag nie die paal sou haal nie.
Die een lui: "Eet, eet, eet ! & bly altyd maer. Vet, die vyand wat jou lewe verkort, word verban. Hoe? Met gesuiwerde lintwurms in 'n bottel verpak. Maklik om te sluk." (Ek gril so groot soos wat ek is, toe ek dié een lees.) En die sigaretadvertensies is genoeg om die Minister van Gesondheid en Maatskaplike Dienste na ietsie sterks te laat gryp: "Chesterfield: sit 'n glimlag in jou rook". "Volgens herhaalde nasionale opnames rook meer dokters Camels as enige ander sigaret" en "Kom ons wees eerlik, jy kan môre deur 'n bus omgery word, so steek liewer nou 'n sigaret aan!"
Ja-nee, die advertensieveld is 'n interessante een waarvan ons lank nog nie die einde gesien het nie.

Ek het laaskeer genoem van kitsmieliepap. Ons kry toe besoekers van Amerika af en ek vra toe dat hulle vir my van hulle "Grits" saambring. Ek het al so baie van hulle Grits gehoor en wou uitvind wat dit eintlik is.

Dit blyk toe net mieliemeel te wees, effens growwer gemaal as on eie mieliemeel, maak net sulke lekker mieliepap en jy kook dit ook net vit 5 minute en dan is dit gaar!

Ek hou daarvan om met toebroodjies te eksperimenteer, ek het nou 'n mede-eksperimenteerder in Adri, elke keer wat ek met 'n idee kom, verbeter sy daarop. Ek sit byvoorbeeld gerasperde biltong op lekker vars brood, dan kom sy met die voorstel dat ek heuning ook nog daaroor moet drup.
Hier is nog een van Adri se voorstelle:
Vat 'n blikkie tamatievis - daai pilchards. Dan haal jy die vissies uit die sous, breek dit in kleiner stukkies, girts swartpeper daaroor, 'n skeut suurlemoensap en sit dit op die brood. As jy baldadig wil wees, rasper cheddar by daai vis in. 'n Regte Hilda resep. Maar tog so lekker!

Ek het 'n resepteboek saamgestel met Wille Samies. Klik hier en ek stuur dit vir jou per epos.

Ek gaan nou die dag deur my ou backups en ek kom op 'n dokument af genaamd Minette nuut. Nou dit was lankal nie meer so nuut nie, maar nogtans ongebruik. Dis dus met groot lekkerkry dat ek weer een van Minette se artikels gebruik.

Johnny Depp
Minette Brink

EN is daar toe laasweek ʼn oproerigheid in die kantoor. Met dié ooplanbedryf is hoor en sien allesbehalwe privaat.
“Wie’s die Johnny Depp,” brom Gene oor sy tekenbord.
Die helfte van die vroumense se ore spits op aandag (myne inkluis.)
‘Oe en aa’ almal gelyk oor dié pragstuk van ʼn man en ‘het jy die en daai moewie gesien’ en ‘oy, hy was darem sexy in Pirates of the Caribbean, make-up en al.’
Maar hoekom wil Gene weet?
“Man, daai Sean is op my kys. Ek moes vanoggend saamry lughawe toe om die Johnny-perd te gaan oplaai. Sê toe ek’s gʼn lus nie. Nou’s hulle hier en ek moet nou saam kom en ʼn bier drink. Ek’s mos nie lus nie. Ken mos nie die man nie,” en Gene val weg met ‘n intensiewe geteken van ʼn ander aard.
Teen daai tyd is hier vlammende wange en ʼn paar hygende borskaste oor dié verbysterende stuk inligting.
Johnny Depp. Saam met daai Sean. Hoekom, wat, waar, hoe laat, gons dit.
Gene kyk ons aan asof ons regtig versteurd is. Ek weet nie, hulle ken mekaar al jare, hy kom chill glo hier vir ʼn paar dae. Maar bel vir Sean en vind uit, brom Gene geirriteerd.
En nie links nie, spring Stella oppie foon en styg ons temperature soos haar oë al groter raak. “Is Johnny saam met jou…sal hy met ons praat…ok, ons is oppad,” en daar seil Stella en fotograaf by die trappe af.
Intussen bel my suster uit Pretoria en ek hiperventileer die nuus vir haar. Haar semi-histeriese gille hits my verder aan. Gryp my handsakkie en probeer iemand kry om saam met my agter die eerste span aan te jaag.
Maar die ‘sinici’ (of eerder die meer ervares hier) laat my ietwat vertwyfeld oor dié halsoorkop goedgelowigheid.
Ek trippel heen en weer soos ʼn senuagtige dressperd oor sal-ek-sal-ek-nie, sênou, sênounie.
Toe ek amper blou in die gesig van verwardheid is, besluit ek om self vir Sean te bel.
“Blablabla en is Johnny Depp regtig saam met jou,” blaker ek dit uit.
ʼn Lang stilte aan die ander kant. Ek kry visioene van Sean wat sy hand oor die gehoorstuk hou en vir sy beroemde silwerdoek boesembuddie beduie dat daar nog ʼn swooning, drooling dowwe dolla oppad is.
“DEPP?” blaf Sean.
“Ja,” piep ek benoud, want hy is ʼn besige man wat nie sommer daai Ierse humeur getoets wil hê.
“Nou wat de blou %^&* sal Johhny Depp hier maak? Johnny COOK is hier, my groot pêl van jarrre! Waar kom julle aan die snert?”En hy brul van die lag.
Baie rooi in die gesig moes ek toe die hele Gene-verslag oordra en Sean crack heeltemal op. “Gene raak oud, miskien moet ons pille kry,” giggel hy en ek sê toe maar stil-stil dankie en koebaai.
Seweduisend skreef-oge laat Gene koud.
Tot vandag toe hou hy vol dit wàs Depp, nie Cook nie.
Stella en fotograaf het nonchalant teruggekom kantoor toe en nie vir een oomblik laat blyk dat hulle ook met rooi gesigte moes terugdraai nie.
Want in dié bedryf weet mens nooit of sênou, sênounie môre se voorblad kan verander nie.

Ek glo vas dat meeste van ons ou Boeterate regtig werk, maar daar is party van hulle wat darem 'n bietjie dik vir 'n daalder is, in die volgende paar uitgawes gan ek 'n paar hier weergee.

Mens gaan nogal sukkel om deesdae van die bestanddele te kry:

BORS…Vir bors wat toetrek doen die volgende. Smeer ongebleikte linne met bokvet, strooi skoorsteenroet daaroor en plaas op die bors..

BOSLUISBYT…Vat ‘n spinnekop nes wat in klei gemaak is en maak dit nat en smeer aan die bytplek.

BRAND…Sit gansmis op die brandplek.

GAL…Neem ‘n veldmuis…die gestreepte soort en braai mooi bruin…en eet.

My Boererate eBoek bevat bykans 2000 Boererate en kos maar net R60, ek stuur dit sommer per epos.
Kontak my vir besonderhede  peter@peterjasie.co.za

Gaan kyk na my nuwe fotografie webwerf Ek het onlangs nog Cheetah fotos bygesit.

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Ek beskou Anna Eksteen as die koningin van Resepte eBoeke in Afrikaans. Sy het nou al 'n hele versameling van resepte eBoeke wat enige kossoort dek, en dit in Afrikaans! eResepteboeke is goedkoop en geen posgeld is betaalbaar nie, die boeke word per epos gestuur en is in 'n japtrap by jou. Klik gerus hier en kyk na haar resepteboeke en bestel gerus een, of sommer 'n paar! As jy besluit om van haar boeke te bestel en jy noem dat jy daarvan hier te hore gekom het, sluit sy my Kampkosresepteboek gratis in!

Groot nuus! Anna het sopas nog drie samestellings die lig laat sien!
(1) n Bordvol peuselhappies
(2) Japtrap etes-Sonder al die sjlep
(3)Souse, doopsouse, smere en botters.
Prys R50 elk.
Indien sy bewys van betaling ontvang, stuur sy n samestelling van 15 verskillende blatjang resepte.

Kontak sommer dadelik vir Anna en plaas jou bestelling:   anna@minimax.cc . of 0822946799

Maroela Boeke en Tierberg Boeke - Ek het hulle nuutste katalogus sopas ontvang. Regs klik hier om dit af te laai.
Daar is ook 'n groot versameling Africana te kry by www.abebooks.com . Tik net Africana in die soekblokkie

Nuusbrief van Elsabe:

Goeiemôre vriende,

Net gou vinnige terugvoer oor die huidige projekte.

ANDEON
Ons het dringend nog 2 houthuisies nodig. Indien daar persone is wat dalk hiermee kan help sal dit werklik baie waardeer word. Het verlede week 1 huisie opgerig. - Baie dankie aan die persone wat bygedra het.

BEYERS BYTJIES KLEUTERSKOOL
Hierdie kleuterskool in Danville het werklik ook hulp nodig. Dit is 'n baie netjiese perseel met toegewyde onderwyseresse. Ons wil graag in die toekoms ook meer by hulle betrokke wees.

Ons het gister 50 komberse met 'n pakkie sop in elke sakkie daar afgelewer. Foto's sal later die week op die webwerf wees.

WARM WINTER DINEE/DANS 22 AUGUSTUS 2008
Ons het hierdie funksie gereël vir fondsinsameling vir die Danville Hulp Projek.

Op die oomblik het ons nogsteeds 'n krisis met die kaartjie verkope! Nog net 11 tafels is "verkoop" en daar is 50! (10 persone per tafel) Ons kan dit ook nie kanselleer nie.

Plek: Utopia (Union Caterers - Lynwoodweg Pretoria)
Datum: 22 Augustus 2008
Tyd : 19:00
Drag: Formeel ( nie "black tie" nie, maar pakke klere en aanddrag vir dames)

Prys: R250 per persoon. Hierdie is ook 'n ideale geleentheid vir besighede om hulle personeel erkenning te gee en op 'n sosiale vlak saam met hulle te verkeer (Kersfees in Augustus!) - ten bate van liefdadigheid! Ek sal 'n belastingkwitansie hiervoor uitreik (wat dan weer teen die persoon se privaat of besigheids belasting afgeskryf kan word)

Die saal gaan pragtig gedrapeer wees. Die 5 gang maaltyd is uit die boonste rakke. Daar gaan baie "gelukkige trekkings" wees oa. 'n Foto sessie by Elsabe Burger van Blessed Babies, juwele van Miglio en vele meer!

Ons het 'n getekende Blou-bul bal en hemp wat op vendusie gaan asook pragtige matte. Jammies Jamneck is die seremoniemeester. Die hele funksie is uiters stylvol en gaan 'n fees wees. Daar gaan moontlik ook 'n paar bekende vermaaklikheids persone wees.

HELP my asb deur kaartjies te koop of verkoop - dit is werklik 'n krisis nou en ons het almal se hulp dringend hiermee nodig.

AFLAAI PUNTE

CENTURION - Herman 012 6650926 Highveld Liquor store
WINGATE PARK Bernadette van der Walt
754 Kendrew Straat
Sel: 083 469 3682 na 14:00 in die week en enige tyd oor 'n naweek.
Skakel eers asb

PIERRE VAN RYENEVELD PARK - Annetjie en Danie - Cell 082 4456 453 - Tooks Corner No 1 Pierre van Ryneveld anajo@nedcor.co.za

ROOIHUISKRAAL - Werdi - Cell 083 2559 362 H:012 6618396 werdi@mweb.co.za

ROOIHUISKRAAL - Elsabé Wentzel, Pelican Laan 11,
tel (h) 661-5591 of 083 2873166
Ek is normaalweg van so 18:00 af by die huis. Bel en laat weet asb.

FAERIE GLEN - Elsabé� 286 Cliffendale rylaan Faerie Glen . Tel 991 3914 Cell 082 8282 551

SINOVILLE - Nelia van Zyl, Pointsettia weg 394,Sinoville
Tel H 567 7329, Cell 082 447 7847
Skakel haar ook asb voordat julle aflewer

WAVERLEY- Rina Minnaar, Bosloerie straat 889, Waverley,
Huis tel: 332-1113, Sel: 082 333 5677

Mooi loop
Elsabe
Bankbesonderhede:
Danville Hulp Projek
FNB - Brooklyn
Takkode:- 251 345
Tjek rek: 620 546 34128
Swiftkode: FIRNZAJJ926

Aflewerings adres:-
286 Cliffendale rylaan
Faerie Glen
Tel 012 991 3914 Sel 082 8282 551
E.pos - elecnet@mweb.co.za
Webwerf: www.danvillehulp.co.za
PS Bel asb voor jy ry

Hierdie gaan nou 'n gereelde item word. Ek is bly om te sien dat die Boeremusiek tradisie nog so sterk staan....

Pat Maloney

Bron: 15 Goue Jare:  1989-2004  Boeremusiekgilde  

Ek is nou nie juis 'n groenteliefhebber nie, papats wat in suiker gebraai is kan gaan. Maar ek weet daar is van julle wat daarvan hou.
Regs klik hier om Groenteresepte af te laai. Dankie Elzeth vir die resepteboek. Vegatari

eBoek met om en by 2000 Boererate, net R60. Ek stuur sommer per epos en jy betal dan die bedrag in my rekening in, so maklik soos dit. Kontak my vir betalingsbesonderhede. Ook in Engels beskikbaar, laat my maar net weet. Met elke bestelling gee ek gratis afskrif van "Boererate en Verbruikerswenke" eBoek
 

Nog iets nuut, ek skryf ook nou en dan en op sy tyd kan ek poësie ook lees. Ons Afrikaanse onnie op skool was besonders en het my 'n liefde daarvoor laat aankweek. Dit wys net weerens hoe 'n mooi taal Afrikaans is.

LEER WANNEER JY KAN
Moenie ʼn luiaard wees nie

Daar was twee broers, Jan en Piet,
Jan het geleer, maar piet, verniet
Dat Ma en Pa mooi met hom praat,
Maar niks help nie, wat hy word kwaad.

Nou jaar vir jaar, so gaan dit aan,
Jan leer sy beste wat hy kan,
Maar agter, ver, het Piet gebly,
En Jan was hom heel ver verby.

Jan sy eksamen deur gegaan,
Dus altyd voorwaarts, altyd aan,
En later was ʼn Prokureur,
Het deur probeer om meer te leer.

Maar wat van Piet, die luiaard, hy
Kan niks verdien, geen werk kan kry,
Moet nou hout kap, vir stukkies brood,
En slaaf is hy en ook halfdood.

Van sulke lesse moet jy leer,
Dat luiaard maak homself net seer.
Skolier moet aanhou te studeer,
Aanhou studeer nog meer en meer.

Dankie aan Karel Ark van Woorde.co.za
 

Die program op TV nou die aand het my weereens die belangrikheid van reg eet laat besef-Peter

Eet en Gesondheid

Ons almal weet seker dat eet en gesondheid hand aan hand gaan. Soos met alles moet daar perke wees. Die Wêreldgesondheidsorganisasie (WGO) het onlangs ‘n studie gedoen oor hoe mense moet eet en wat mense moet eet. Volgens hulle is geprosesseerde kosse die oorsaak dat baie mense so oorgewig is.

Die geprosesseerde voedsels het hoë inhoude van vet, suiker en sout. Volgens die WGO behoort ‘n mens se dieet uit 55% Koolhidrate, 10% Protein, 10% suiker en 10% vet te bestaan. Soutinname behoort tot 5 g per dag beperk te word. Verder beveel hulle ook aan dat ons sowat 400 g groente en vrugte per dag moet eet. Maar eet is nie al wat help nie. Daar moet ook redelike fisiese aktiwiteite gekoppel aan die dieet te wees.

Hierdie is alles goed en wel, maar ek het my eie teorie omtrent gesond eet. Gesonde en fikse mense gaan ook net so dood aan hartaanvalle as wat ons grotes doodgaan.

‘n Ander studie wat gedoen is deur die Amerikaanse Instituut vir Kankernavorsing het bevind dat braaivleis ‘n risiko inhou vir jou gesondheid. Hulle het bevind dat wanner vleis gebraai word daar HCA’s in Engels is dit Hetrocyclic amines, vrygestel en dit sit aan die vleis. Wanneer die vet op die kole drup en daar spring ‘n vlam op, dan word daar PAH’s vrygestel (Policyclic Aromatic Hydrocarbons). Nou dat die HCA’s en PAH’s die kanker veroorsaak.

Hoe om die probleem te bowe te kom is om jou vleis in foelie gaar te maak. Maar ons Suid Afrikaners is nie bang nie so ons sal nog gereeld ons vleis so op die kole gooi. Hoekom is alles wat so lekker is nie goed vir jou nie?

Aangesien ons nie nou meer kan vetterige kosse en braaivleis kan eet nie moet ons nou maar kyk om meer vesel in ons dieet te kry. ‘n Mens behoort so 30 g vesel ‘n dag in te kry. Vesel, so word beweer, help om jou spysverteringstelsel in tip top kondisie te hou. Dit help ook in gewigsverlies en verminder ook die gevare van maagkanker.

Vesel absorbeer water en wanneer jy dit eet absorbeer dit die water in die maag en laat jou versadig voel. So wat en watter kosse kan mens eet om genoeg vesel in jou liggaam in te kry ? Baked beans op roosterbrood sal sorg dat jy sowat 10 g vesel inkry. ‘n Sny bruinbrood bevat ongeveer 3 g vesels. ‘n Halwe koppie All Bran Flakes bevat 10 g vesel. ‘n Appel het ongeveer 4 g vesel.

‘n Mens sal seker nooit presies weet wat reg is om te eet en wat nie. Wat ek het bv teen die studie van braaivleis is dat as dit so gevaarlik is hoekom het 90% van alle Suid Afrikaners nie kanker nie ? Hoekom is daar mense wat presies reg eet en genoeg oefeninge doen nou al in hulle grafte agv hartaanvalle, party so jonk as 24. Hoekom is daar gereeld sterftes aan hartaanvalle van mense wat Comrades hardloop.

Wat ek eintlik probeer sê is eet waarvoor jy lus is, maar hou tog net matigheid voor oë. Moet jouself nie probeer om alles wat lekker is te ontsê nie, want more is jy miskien nie daar nie.

Ek luister mos een Saterdagoggend na Amoré Bekker op RSG waar sy 'n onderhoud voer met Braham van Zyl. Ek kontak hom toe en is nou op sy poslys, hier volg een van sy vertellings. Kontak hom gerus en vra om op sy poslys te kom. (Eposdres onderaan die artikel) Hy stuur 'n 'n gereelde nuubrief uit.

Van Suurbraak tot Riversdal, berg langs: Wes-Kaap Provinsie
Kempie Rheeder van Welgemoed in die Kaap, skryf en vertel van ‘n besonderse pad wat al teen die voet van die Langeberg vanaf Swellendam, by Suurbraak en Heidelberg verby, tot by Riversdal loop.
Hierdie pad waarvan Kempie vertel, is een van my gunsteling agterpaaie, en ek het ook al heelwat toere daarlangs begelei. Dit draai so ‘n paar km oos van Swellendam by die R324 na Suurbraak van die N2 af. Van Suurbraak af gaan dit by die Grootvadersbosch Natuurreservaat verby en oor die heuwels na Heidelberg.
By Heidelberg ry jy by die golfbaan verby noordwaarts, berg se kant toe, en draai dan by die pad na die Gysmanshoekpas skuins die heuwel uit. Bo aangekom, kan jy jou aan ‘n reg rondom landskap verkyk. Daarvandaan gaan die paadjie al teen die Langeberg se voet op en af deur klowe en oor heuwels, om digby Riversdal weer by die Garciapas se R323 teerpad aan te sluit. Kort voor Riversdal kan jy ook na die Korinterivierdam, waar akkommodasie beskikbaar is, afdraai.
Reisigers wat van Riversdal se kant begin, kan met die R323 uit die dorp uit ry en kort by die Oakdale Landbouskool links afdraai na die Korinterivierdam. Dis ook die bergkloofpad wat hierbo beskryf is.
Iewers langs hierdie bergpad, nader na Heidelberg se kant toe, kan jy noordwaarts, berg in, na die Gysmanshoekpas afdraai. Dit was op ‘n tyd ‘n amper onbegaanbare bergpaadjie oor die Langeberg, maar is deesdae met gewone motorrygoed ook heel rybaar. Hierdie Gysmanshoekpas volg so half en half dieselfde pad as wat die ou Paardekop wapad gevolg het. Aan die noordekant van die Langeberg bring Gysmanshoek se pad jou by ‘n T-aansluiting by ‘n oos-wes grondpad uit, waar jy weswaarts na Barrydale se kant kan draai, of ooswaarts na Riversdal, Ladismith of Vanwyksdorp.

Skryf vir Braham en vra om op sy poslys geplaas te word en ontvang sy reisbeskrywings direk van hom af! e-pos : info@explore-sa.com

Koos van der Merwe werk by 'n Dokter
Die Dokter sou die dag uitstedig wees en vra toe vir Koos om 'n ogie te hou oor die pasiënte.
Die volgende dag kom die Dokter terug en vra vir Koos hoe dit toe gegaan het met die pasiënte.
Koos sê daar was drie pasiënte wat hy gehelp het en die Dokter vra toe hoe hy hulle gehelp het en hy sê :
Die eerste pasiënt het ingekom met 'n lelike hoes en toe gee hy vir hom Benelyn vir die hoes.
Die tweede pasiënt het ingekom met 'n vreeslike alergie en toe gee hy vir hom Alergex.
Die Dokter was baie beindruk en vra wat van die derde een.
Nee, sê Koos daar het 'n dame ingekom, haar kaal uitgetrek en op die ondersoektafel gaan lê en vir hom gesê : "Ek het vier jaar laas 'n man gesien . "
"O Hel" sê die Dokter "En wat doen jy toe, Koos?"
"Nee", sê Koos "Toe gooi ek vir haar Eyegene in haar oë"!

Na ons grassnyer gebreek het en nie meer wou werk nie, het ek aanhoudend by my man geneul om dit te laat regmaak, maar om een of ander rede het die versoek nooit by hom ingesink nie. Ek dink toe aan ‘n oulike plan om my punt te maak. Toe my man daardie middag by die huis kom, kry hy my al sittende in die lang gras besig om die gras met ‘n naaldwerkskêrtjie af te knip. Hy het my so ‘n rukkie gestaan en kyk en is toe die huis in. Na ‘n paar minute
kom hy terug en gee my ‘n tandeborsel en sê dat as ek klaar is ek net sowel die oprit kan vee.
Die dokters sê hy sal leef maar dit sal ‘n lang tyd wees voor hy weer sal glimlag…
 

‘n Jongman, wat graag ‘n verjaardagpresent vir sy nooi wou koop, het sy suster saamgeneem, om hom te help om die regte persent te koop.
Sy kies toe ‘n paar handskoene wat hy vir sy meisie koop.
Die suster koop toe vir haarself ‘n paar broekies.
Die meisie in die winkel maak toe ‘n foutjie. Sy ruil die twee pakkies per abuis om. Die meisie kry toe die handskoene, en die arme ou, kry die broekies wat hy gaan pos met die briefie wat as volg lees.

Liefste Gertruitjie,
Ek stuur vir jou die brief en die persentjie, om jou te wys dat ek nie jou verjaarsdag vergeet het nie. Ek het gedink jy sal daarvan hou, want ek het gesien jy trek nooit sulke goed aan as ons uitgaan nie, en dit is nou koud in die aande.
Ek het die dame in die winkel dit laat aanpas, en sy lyk baie mooi daarmee. Sy het my ‘n paar gewys wat sy al twee jaar dra en dit makeer nog steeds niks. Ek wou eers die langes koop, maar my suster sê die kortes is beter, want dit is makliker om ‘n vinger in te kry. EK wens ek kon dit die eerste keer vir jou aantrek.
Truitjie, die meisie in die winkel sê, as jy dit uittrek, moet jy altyd bietjie daarin blaas, want dit sal ‘n bietjie klam wees van die sweet, en dit mag later onaangenaam ruik. Sy sê, sy gooi altyd bietjie lyfpoeier in hare wanneer sy dit uittrek.
Ek hoop jy sal daarvan hou.
Met Liefde.
Fanie. 
 

Boeredanse – Ons KAN!

'n Groep kinders wat wissel tussen Graad 5 en 7, het op die 18de Julie die Volksdans spesialisasie voltooi wat deur Die Voortrekkers aangebied word. Die spesialisasie behels dat hulle ’n hele paar tradisionele boeredans passies moet kan uitvoer. Die groep het met die spesialisasie begin in Januarie tydens ’n danskamp wat aangebied is deur Danette Smith. Met baie lag, sweet en pret is die naweek afgesluit met ’n piekniek en vertoning voor hul verbaasde ouers en grootouers.

Hulle het ondermeer die polka, mazurka, setees en die wals onder die knie gekry en het groot bewondering van die toeriste wat die Voortrekker Monument besoek uitgelok. Toeriste het, tot groot vermaak van die kinders, saamgedans en elke optrede het gelei tot baie fotos en geselsies.

Die kinders het, ten spyte van besige skoolprogramme, tyd gemaak om oefeninge by te woon en het die saamdans soveel geniet dat hulle ook in September aan die Nasionale Eisteddfod gaan deelneem. Volkspele, met samesang as begeleiding, is ’n bekende item in die eisteddfod, maar hierdie groep doen boeredanse met boeremusiek as begeleiding.

Danette Smith is van mening dat ons Afrikaner kultuur se dansvorm baie meer sigbaar moet word en dat dit defnitief ook ’n plek verdien in ons land se kultuur kringe. Watter beter manier is daar om ons dansvorm te bewaar as om dit vir kinders aan te leer.

Die volgende kamp vind plaas by die Voortrekker Monument van 16 – 18 Januarie 2009. Kinders vanaf Graad 5 is welkom al is hulle nie lede van Die Voortrekker beweging nie. As jy lus is vir pret en lekker dans is dit die geleentheid.

16 Augustus 2008 word daar vir die ouers ook ’n geleentheid geskep om ’n paar van hierdie dansvorme aan te leer tydens ’n informele eendag kursus by die Voortrekker Monument as deel van ’n kultuurnaweek wat aangebied word deur Wapadrand Kommando.

Verdere inligting oor die danskamp/groep:
Danette Smith
Danna.smith@resbank.co.za
Sel: 082 923 6177
 

Hier is resepte van 'n Word dokument wat iemand my lank gelede gestuur het, ek begin sommer heel voor en werk deur die alfabet:

Kerrie Boontjies

1 kg groenbone gekerf
2 uie, in ringe gesny
375 ml hoenderaftreksel
2 knoffelhuisies, fyngedruk
250 ml asyn
¼ koppie suiker
5 ml sout
5-10 ml kerriepoeier
knippie rooipeper
15 ml mielieblom gemeng met bietjie water
Plaas die groenboontjies, uie, hoenderaftreksel en knoffel in 'n middelmatige swaarboomkastrol en laat ongeveer 10 minute sonder die deksel vinnig kook tot net gaar.
Meng die asyn, suiker, sout, kerrie en rooipeper.
Voeg by die boontjies en laat net opkook.
Verdik met bietjies-bietjies mielieblom tot die mengsel mooi bind. Laat afkoel en bottel.

Kerriesouttert

Kors:
250 g margarien
1 teel bakpoeier
2 koppie meelblom
1/2 koppie kookwater
Gooi kookwater oor margarien.
Laat afkoel en roer meel en bakpoeier in.
Meng deeglik en bêre in koelkas tot nodig
Vulsel:
500 gm maalvleis
1 groot ui, gerasper
2 aartappels, gerasper
sout en peper
Kook al die bestanddele vir 10 minute.
Meng 1 eetl kerrie, 1 eeteel klapper en 1 eeteel bladjang
Voeg by kokende vleismengsel.
Vul ongebakte kors en bak 20 minute in warm oond.

Kerrietert

2 koppie meelblom
1/2 koppie margarien
2 eeteel kookolie
2 teel bakpoeier
1 teel sout
1 eier
Sif meel, bakpoeier en sout. Vryf botter in meel todat dit soos mieliemeel lyk.
Gooi kookolie in holte. Klits eier baie goed en voeg by.
Maak aan met water tot slap deeg - Rol uit.
Vulsel:
1 kg gemaalde vleis, ui, aartappel, kook tot sag.
Voeg kruie by en gegeskilde tamatie.
Laaste 2 teel kerriepoeier. Laat afkoel.
Skep in kors en bedek met kors.
Bak in matige oond tot bruin. Bedien saam met slaaie.

Kersiegenot

3 eierwitte
2½ k versiersuiker
1 1/3 k margarine
2 pakkies mariebeskuitjies
1 ¼ k glanskersies
2 ½ k klapper
5 ml vanilla
Klits eierwitte tot styf. Sif versiersuiker en klits by eierwitte.
Smelt botter. Breek beskuitjies fyn. Sny glanskersies in kwarte.
Meng botter, beskuitjies, glanskersies, klapper en vanilla goed met eierwitmengsel.
Druk in pan, verkil en sny. (5 dosyn)

Kitssouthappie vir TV

1 blikkie soutvleis
15 ml Royal bakpoeier
2 eiers
melk en water gemeng, genoeg om slap deeg te vorm
500 ml meelblom sout olie gekapte pietersielie
Maak vleis fyn met vurk en voeg meel, bakpoeier, geklopte eiers, sout en pietersielie by vleis.
Meng met water en melk tot slap deeg. Verhit olie in diep kastrol.
Gooi lepelsvol van vleismengsel in olie; dit draai self om.
Braai tot bruin en laat afkoel.
Gekapte uie kan ook bygevoeg word indien verkies.

Koejawel-Yskastert

1 groot blik koejawels
1 blikkie kondensmelk
1 pakkie suurlemoenjellie
1 swiss roll
250 ml room
Gooi sap van koejawels af (± 1½ koppie).
Voeg 1 koppie kookwater by sap, maak warm en voeg jellie by tot opgelos.
Sny koejawels redelik fyn.
Meng koejawels met kondensmelk. Meng met stroop.
Sny swiss roll in skywe en pak in tertbak en gooi koejawelmengsel bo-oor.
Sit in yskas. Laat stol oornag. Klits room tot styf en sit bo-oor.

Koffie-Yskastert

1 pak. Tennisbeskuitjies
2 sakkies Orley Whip
sjokolade versiersuiker
1 koppie sterk, swart koffie - koud
Week beskuitjies vinnig in koue koffie.
Dan dun lagie versiersuiker en dan lagie room. Rasper Peppermint Crisp oor elke lagie room.
Boonste laag room. Versier met vermicilli of peppermint crisp.

Korslose Souttert

250 gm koue vleis (enige soort)
250 gm gerasperde cheddar kaas
2 koppie melk
2 teel mosterd
2 teel pietersielie
sout en peper
4 eiers
2 teel fyn ui
2 eeteel meelblom
Meng alles in gesmeerde bak. Bak in 'n matige oond tot gestol.

Koue - Gaarvleis Tert

2 koppie gaar gemaalde vleis
1 koppie koue gaar aartappel in blokkies gesny
1 blik klein heel sampioene
1 meduim ui
1 eeteel tamatiesous
1/4 tl.sout
1 eier
1 eeteel botter
gerasperde kaas
1 eeteel worcestersous
1/2 koppie melk
Dreineer sampioene maar bewaar water.
Smelt botter in kastrol,voeg sampioene en fyngesnyde ui by en braai tot ligbruin oor lae hitte.
Voeg vleis en aartappels by, braai vir nog 2 minute.
Voeg al die bestanddele by behalwe eier, melk en kaas.
Voeg sampioenwater by en laat net opkook. Skep vulsel in voorbereide kors, verkieslik aartappelkors. Klits melk en eier saam, giet bo-oor.
Sprinkel gerasperde kaas oor en sit hier en daar 'n stukkie botter. Bak vir omtrent 20 minute in warm oond teen 220°C.

Koue Sagopoeding

4 koppie melk.
1 koppie melk.
4 eiers.
1 koppie kookwater.
1 koppie sago.
1 koppie suiker.
1 p. jellie
Kook 4 koppie melk en sago saam. Meng orige melk, suiker en eiergele en voeg by sagomengsel.
Los jellie in kookwater op en voeg by mengsel.
Klop wit van eier styf en vou in. Plaas in yskas.

Koue Water Gemmerbier

12 bottels water.
6 koppies suiker.
1/2 blokkie suurdeegm
1/2 pakkie wynsteensuur.
2 eetl gemmer.
1/2 pakkie kremetart.
handvol rosyne.
Kook 4 bottels van die water met gemmer en suiker.
Voeg nou die ander bestanddele saam, sowel as die suurdeeg en rosyne.
Tap in bottels na 24 uur.

Lae-Vet Wortelkoek

Spray 'n cook
1 k meel (All purpose flour)
1 k volkoring meel
1¾ k suiker
2 t kaneel
2 t bakpoeier
1 t neutmuskaat
2 t sout
1 k appelsap
2 k karringmelk
6 eierwitte
3 k gerasperde wortels
3 k gekapte neute (Walnuts)
Verhit oond tot 180°C. Sprei 'n 23 x 23 cm pan met Spray 'n cook.
Meng twee meelsoorte, suiker, kaneel, bakpoeier, neutmuskaat en sout.
Klits met elektriese klitser in 'n groot mengbak appelsap, karringmelk en eierwitte.
Voeg meelmengsel by en meng goed. Roer wortels en neute by.
Gooi in pan en bak + 40 min.

Versiersuiker:

225 g lae-vet roomkaas
225 g vet-vrye roomkaas
1 t botter
2 k versiersuiker
1 t vanieljegeursel
Meng alles saam en versier koek. Sny koek in 16 snye.

Vervanginstegnieke:
Vervang olie met karringmelk en appelsap
Gebruik eierwitte i.p.v. heel eiers
Verminder suiker en neute, voeg meer volkoringmeel by
Versiersel: Vervang gewone versiersel met vet-vrye roomkaas

Lekker Fudge in Mikrogolf

1 Blik Kondensmelk
1 Blik Kookwater
3 Eetlepelsvol Goue Stroop
6 Koppies Suiker
1 Koppie Koekmeel
1 Eetlepelvol Asyn
250 Gram Wit Margerien (Wooden Spoon)
1/2 ('n Halwe) Teelepelvol Cream of Tartar
1 Teelepelvol Vanilla Essence
Meng alles behalwe Cream of Tartar en Vanilla.
Kook alles op Hoog in Mikrogolf Oond - Kook vir 8 minute. Roer goed.
Kook vir 6 minute.
Roer 1/2 Teelepelvol Cream of Tartar in bietjie water opgelos by. Kook vir nog 20 minute.
Roer goed en voeg Vanilla by en klop flink tot dik.
Gooi in gesmeerde 30 by 45 cm pan uit. Koel af en sny in blokkies.

Liquifruit Tert

1 Groot Liquifruit of enige ander vrugtesap
1 Pakkie Orley Whip
2 Pakkies Jellie Selfde geur as koeldrank
1 Pakkie tennisbeskuitjies
Verhit Liquifruit en jellie saam.
Klits Orley Whip tot styf. Meng met Jellie megsel.
Plaas beskuitjies onder in 'n bak en giet mengsel oor. Sit in yskas tot gestol.

Maalvleisgereg

500 g maalvleis
250 ml koue water
5ml sout
2 ml peper
100 ml blatjang
250 ml rou rys afgespoel
uie
410 g minestronesop
285 g geroomde sampoeine
500 ml kookwater
Meng maalvleis, koue water, sout, peper. Kook vinnig sonder deksel, tot vloeistof weg is.
Skep maalvleis in 'n bak. Smeer blatjang oor, Strooi rys oor, Strooi sop oor, dan sampioene en laaste kookwater.
Sit deksel op of foelie. Bak 1 ½ uur by 180° C

Maaskaas Tert 1

1 houer gladde maaskaas
1 blikkie kondense melk
1 pakkie kits poeding (vir die eintlike resep sê hulle vanilla kitspoeding, maar jy kan ander geure ook gebruik en dan gee dit 'n heel ander en lekker smaak aan die tert)
1 pakkie Marie beskuitjies
Botter
Kaneel
Klits die maaskaas en kondensmelk saam tot goed gemeng.
Gooi nou die kitspoeding poeier bo-oor en klits vir 1 minuut lank.
Maak die mariebeskuitjies fyn en meng met gesmelte botter en gooi 'n bietjie kaneel by.
Vat 'n tert bord, druk die koekie mengsel plat op die bodem.
Gooi nou die maaskaas mengsel daarin.
Vir versiering kan jy of gerasperde sjokolade bo-op sit of gebruik sommer 'n flake wat fyn gemaak is.
Sit dit in die yskas om te stol.

Maaskaas Tert 2

2 x 250 g Geroomde Maaskaas
1 Blik Kondensmelk
1 eetlepel Suurlemoensap
1 Blik vrugte (youngberrie of aarbeie)
1 Rolkoek
Vlapoeier of Maizena
Klits Kondensmelk, Maaskaas, Suurlemoensap saam tot dik.
Pak 'n laag rolkoek in bak.
Gooi mengsel oor en maak gelyk.
Smeer vrugte daaroor.
Gooi vrugtesap in kastrol en kook.
Verdik met vlapoeier of maizena.
Gooi oor tert en verkoel in yskas

Malvapoeding 1

1 koppie meelblom
1 teel. koeksoda
1 eeteel botter
1 eier
1/2 koppie melk
1 eeteel asyn
1/2 koppie suiker
sout
Room botter, suiker en eier. Meng asyn en koeksoda en voeg by bottermengsel.
Voeg meel en sout by en maak aan met melk. Bak in matige oond tot gaar.
Gooi sous oor warm gaar poeding.
Sous:
1 koppie Carnation melk
1 koppie kookwater
1 kop suiker
Kook saam en gooi oor poeding

Malvapoeding 2

2 eiers ( by kamertemperatuur )
210 gm strooisuiker ( 250 ml)
15 ml appelkooskonfyt
150 gm koekmeelblom ( 315 ml)
knippie sout
5 ml koeksoda
30 ml botter
5 ml asyn
125 ml melk
Sous:
250 ml room
100 gm suiker ( 125 ml)
100 gm botter
125 ml Suid-Afrikaanse Brandewyn

Berei poeding:

Klits eiers en strooisuiker deeglik saam tot lig en donsig.
Klits appelkooskonfyt by. Sif droë bestanddele 3 maal saam.
Smelt botter en voeg by asyn en melk.
Vou droë bestanddele beurtelings met melkmengsel by eiermengsel in. Giet beslag in middelslag-gesmeerde oondvaste skottel.
Bak in voorverhitte oond teen 180 Grade C vir sowat 45 minute.
Berei sous:
Smelt sousbestanddele saam en giet bo-oor poeding sodra dit uit die oond kom.
Steek gaatjies in poeding met vurk om sous te help intrek.
Dien warm op saam met room.
Hoop dat ek van hulp kon wees. Bak dit, en geniet dit.

Marshmallow Tert

1 blik kondensmelk
1 blik crushed pynappels
1 pakkie tennis- of mariebeskuitjies
botter
Gesnipperde marshmallows
Meng kondensmelk, pynappels en marshmallows goed saam
Krummel kors van mariebeskuitjies of tennisbeskuitjies met ¼ botter
Giet mengsel bo-oor kors en plaas in yskas om te stol.

Marshmallow Tert 2

Beskuitjiekors (Tennisbeskuitjies en gesmelte botter)
Vulsel:
1 blikkie kondensmelk
½ koppie suurlemoensap
1 koppie room, styfgeklop
16 marshmallows, in stukkies gesny
1 blik crushed pynappel, goed gedreineer
6 kersies opsioneel
neute, opsioneel
Meng kondensmelk en suurlemoensap. Klits room tot styf en voeg by.
Meng marshmallows en pynappel in. Gooi in kors.
Versier met fyn beskuitjies of kersies of neute.

Melkkos

125 g spaghetti, in korter stukkies gebreek (ek gebruik sommer macaroni)
150 ml koekmeel
5 ml sout
50 ml witsuiker
1l melk
3 ekstra groot eiers, geskei
50 ml margarien
3 ml vanieljegeursel
1 ml amandelgeursel (ek sit dit nie in nie)
Kook die spaghetti in genoeg vinnig kokende soutwater tot gaar en dreineer
Meng die droe bestanddele en meng met 250ml koue melk. Klits die eiergele en voeg by.
Verhit die res van die melk en die botter. Voeg 'n klein bietjie hiervan by die meelmengsel en roer dan alles by die res van die melk.
Verhit oor lae hitte tot die mengsel kook en verdik. Roer gedurig om te verseker dat die eiers nie skif op die bodem nie. Voeg die spaghetti by
Klits die eierwitte tot dit sagte punte vorm en vou saam met die vanielje- en amandelgeursel by die gaar melkkos in.
Strooi kaneelsuiker oor en dien op in sopborde met ekstra suiker indien verkies
Genoeg vir 4 mense (Ek maak dit sommer in die mikrogolf - baie minder kans vir flops)


Melkkos 2

500ml melk
2 eetl (maw 50 ml) koekmeel
2 eetl margarine
bietjie sout
Klits alles goed in 'n bak en sit dan in die mikro - hou aan kook (op 100%) totdat dit styf is MAAR jy moet dit kort-kort roer - elke 1 minuut – anders maak dit klonte.
Sodra dit dan styf is - jy sal sien dit het dan ook darem al so 'n keer of wat geborrel - dan gooi ek net lekker baie kannelsuiker in
Roer deur en skep in bakkies - ek gooi dan sommer weer kaneelsuiker bo-oor. Lekker eet.

Melktert met Kondensmelkbolaag

30 ml (2 eetl) Margarien
125 ml (½ kop) Suiker
2 Eiers, geskei
125 ml (½ kop) Koekmeelblom
5 ml (1 tl) Bakpoeier
Knippie sout
500 ml (2 kop) Melk
Bolaag
1 blik (397g) Kondensmelk
125 ml (½ kop) Suurlemoensap
2-3 Tennisbeskuitjies (gekrummel) (opsioneel)
Klits margarien en suiker saam. Voeg eiergele by suikermengsel en meng goed.
Voeg droë bestanddele bymekaar.
Voeg meelmengsel by eiermengsel, daarna die melk. Meng goed.
Klits eierwitte styf en vou in mengsel.
Smeer 28cm tertbak en gooi mengsel in.
Bak by 180°C vir ± 30 minute of totdat dit gaar is en ligbruin bo-op.
Meng kondensmelk en suurlemoensap saam.
Wag totdat tert 'n bietjie terug gesak het nadat dit uit die oond gehaal was. Smeer kondensmelk mengsel bo-op warm tert
Krummel Tennisbeskuitjies bo-oor.

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Nog gevleuelde woorde van ST:

Kry waardering van die ander geslag

'n Paar jaar gelede het ek die "Defending the Caveman" vertoning beleef. Daarom was dit lekker om dit onlangs ook in Afrikaans te kon ervaar, naamlik "Groet die Grotman". Die week daarna het ek ook "Groet die Grotvrou" gesien.

Hierdie vertonings gee nogal 'n goeie insig in die verskille tussen mans en vroue. Veral die "Groet die Grotman" slaag myns insiens goed daarin om die verskille tussen die twee geslagte sinvol uit te lig. Die vertrekpunt is dat mans en vroue oor duisende jare heen verskillende rolle ontwikkel het en dit is steeds vandag in ons gene, gedagtes en gedrag sigbaar.

Hoe beter jy hierdie verskille tussen mans en vroue verstaan en begryp, hoe meer suksesvol kan jy in 'n verhouding met die teenoorgestelde geslag verkeer. Jy verstaan dan ook die teenoorgestelde geslag se behoeftes, wense en gedrag beter. Ons kan maklik geïrriteerd raak met die optrede en maniertjies van die teenoorgestelde geslag, maar met beter begrip is aanvaarding van die ander geslag soveel makliker.

Die man se rol oor die jare was om as jagter en beskermer op te tree. Die man het met sy spies uitgegaan en diere doodgemaak vir kos. Wanneer die man suksesvol was in sy jagtog het hy die bewondering van die stam en vroue gekry. Die swakker jagter en meer sensitiewe man wat nie 'n dier kon doodmaak nie, is deur die vroue as minderwaardig beskou. Dus hoe sterker, aggressiewer en meer suksesvol die man was hoe meer het hy vroue se bewondering gekry.

Dit word ook gesê dat die suksesvolle jagter - as die held van die stam - geleentheid gekry het om seksueel met die vroue te verkeer as beloning vir die kos wat hy ingebring het. Met ander woorde dis die suksesvolle jagter wie se gene van geslag tot geslag oorgedra is. Manne sal vandag nog uitgaan as jagters en poog om suksesvol te wees en vroue te beïndruk. Die man is dus geneties geprogrammeer om 'n suksesvolle jagter te wees, want hierdeur verkry hy sy kos en seksuele omgang met vroue.

Die moderne man leef steeds met hierdie genetiese predisposisie om suksesvol te wees en nie foute te maak nie. Hy doen dit om die vrou in sy lewe te beïndruk. Om sukses op die jagveld te kon wees moes die oerman leer om te kon fokus op een ding, en dit is om sy prooi dood te maak. Hierdie dryfkrag is steeds gesetel in die gene van vandag se manne. Die moderne man is dus ingestel en geprogrammeer om op een ding op 'n keer te fokus. Dit is die rede waarom 'n man infokus op een ding soos die televisie of rekenaar en homself daarin 'verloor'. Soms kan dit 'n vrou frustreer, want anders as 'n man is sy meer instaat om verskillende take gelyk te doen.

Die oervrou se rol was teenoorgestelde van die man. Sy moes by die grot bly, kinders grootmaak en haar besig hou met die ander vroue se geselskap. 'n Belangrike aspek van die vrou was om haarself mooi te maak, sodat sy aantreklik vir 'n man sou wees.

Hoe mooier die vrou was hoe groter was haar kanse dat 'n man in haar sou belangstel en vir haar sou versorg. Dit het daartoe gelei dat vroue baie ingestel geraak het om hulself mooi vir die man te maak. Die vrou is dus oor die eeue heen geprogrammeer om haarself begeerlik vir die man te maak.

Terwyl die man in die jagveld was moes die vrou die kinders versorg en ook die grot skoonmaak en versier. Die vrou se taak was dus meer om en by die huis. Vandag is dit steeds so dat 'n vrou emosioneel die huisgesin versorg en 'n tuiste vir haar gesin wil skep.

Daarom moet die man verstaan dat 'n vrou haarself mooi vir hom maak en dat sy emosioneel 'n behoefte het aan die erkenning en waardering van haar man. Wanneer 'n man dus teveel aandag en tyd aan ander dinge spandeer soos werk, gholf en kuier saam met sy vriende, is dit baie sleg vir die vrou. Sy maak haar juis mooi en skep 'n lekker huisatmosfeer ter wille van die man - en sy benodig sy erkenning hiervoor. Daarom is dit nodig dat 'n man sy vrou se gevoelens respekteer en vir haar vertel hóé hy haar waardeer.

Hierteenoor wil 'n man ervaar dat hy gerespekteer en waardeer word as 'n suksesvolle en sterk versorger in die oë van die vrou wat hy liefhet. Daarom is dit nodig dat 'n vrou vir 'n man erkenning sal gee vir sy manlikheid en vir hom vertel hy is die held in haar lewe.

Hierdie is redelike veralgemenings en ek wil nie enige man of vrou hiermee stereotipeer nie, maar tog is hier ook groot elemente van waarheid hierin. Wanneer jy die basiese hiervan verstaan, is dit soveel makliker om in 'n beter verhouding met jou maat van die teenoorgestelde geslag te staan en sy of haar waardering te kry.

'n Sprankie wysheid vir die dag

"Onthou, Ginger Rogers het elke ding gedoen wat Fred Astaire gedoen het, maar agteruit en in hoë hakskoene." - Faith Whittlesey -  

Die boekie "Staan op vir Jouself" is beskikbaar en sluit onder andere verwerkte artikels van my in. Die boekie is 56 bladsye. Koste is R40 per boekie en R20 posgeld indien aan u gepos moet word. Die boekie is ook beskikbaar by my praktyk. "Staan op vir Jouself" is vir elkeen wat droom om uit die ashope, uit die ellende en hartseer van die lewe op te staan. Die werklikheid en die statistieke dui daarop dat mense vasgevang sit in hul mislukkings, hartseer, pyn en teleurstellings. 'n Swak selfbeeld en vrese hou mense terug om hul volle potensiaal te ontgin. In hierdie boekie sal jy op 'n praktiese, nie-nonsens manier en sonder die gebral van spogwoorde 'n gids vind om jou drome te herwin en vir jouself op te staan. Hierdie boekie is nie net 'n boekie vir jouself nie, maar 'n ideale geskenk en aanmoediging vir iemand wat vasgevang sit in sy / haar omstandighede en weer rigting en aanmoeding benodig om op te staan.
Die R60 kan inbetaal word by:
Naam: ST Potgieter
Bank: Standard
Tak: Tyger Manor
Takkode: 052-749
Rekening: tjek / lopend
Rekeningnommer: 030496764
Die deposito bewys - plus jou naam en posadres - kan gefaks word na 0866336674. Spoedig sal jy "Staan op vir Jouself" in ontvangs neem.

Dr ST Potgieter
Tel: 021 949 5007
Sel: 083 227 3683
Epos: st@pitkos.co.za

Soek jy plek om te gaan kampeer? Klik dan hier!
Skooltake?? Klik hier
Vakansieverblyf is altyd 'n probleem, dié mense maak dit makliker om te kry, klik net hier.
Nieltjie se Stories - Kinderstorie CD in Afrikaans - Klik hier
Lees alles oor Bloedrivier: Klik hier
150x90cm ou Suid-Afrikaanse vlae te koop @ R125 elk, posgeld uitgesluit. - Kontak gerus Roelof of Ronel by 012-3332932
Skoorkos is 'n blog wat resepte in geselsvorm, in Afrikaans, vir die gretige kosmaker bevat.

Teken hier in op die poslys en lees ook die argiewe.

Om uit te teken, stuur vir my 'n epos en dui jou naam aan asook die eposadres waaronder jy ingeteken is

Kontak my hier.

Druk jou speld op my besoekerskaart!