Ek staan op vir Afrikaans!

Welkom aan alle nuwe intekenare! As julle baie resepteboeke wil aflaai gaan kyk by die Argiewe, meeste van die ou nuusbriewe het resepteboeke as pasellas, gaan laai maar na willekeur daar af.

Ek stuur ook 'n Engelse brief uit, elke brief bevat ook 'n pasella resepte eBoek, gaan kyk gerus en laai na hartelus af.

Die pasella hierdie keer is 'n resepte eBoek van Radio OFM wat iemand vir my per epos gestuur het. As julle in hulle opvangsgebied is, luister gerus na hulle.

Die resepte die keer is buitelug/kampeerresepte, gaan kyk gerus na ondertoe.

Ek het nou 'n nuwe gunsteling op die nuusbrief, Emily, of ook bekend as Muis. Sy praat maar Afrikaans op haar manier. Sy is ook 'n ideale onderwerp vir 'n strokiesprent, so as een van julle talk goed kan teken, kom ons span saam en skep 'n wenner strokiesprent. Epos my as jy kans sien. Gaan lees meer oor Muis hieronder.

'n Paar weke gelede luister ek na Derrich se Vat 5 op RSG.  Helena Graham is toe die persoon wat haar herinneringe deel, sy noem toe dat sy skryf ook. Ek kontak haar toe en vra of sy vir my 'n paar stories sal stuur. Sy maak toe so en julle sal van nou gereeld van haar pogings ook hier kan lees.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Alles wat jy wil weet van die Super 15-reeks, wedstryd vir wedstryd.

Regs klik hier om besonderhede van al die wedstryde af te laai.

As jy dalk elke wedstryd se feite wil bekom,  stuur 'n epos aan Loot Eksteen en hy stuur dit direk aan jou.

Custom Search

Wil jy dalk GROOT droom? Vat 'n kans op die UK Lotto of een van die ander Europese Loterye. Die een het 'n groter boerpot as die ander! Die minimum boerpot is R45 miljoen, sommer gereeld R75 miljoen en hoër! Dis heeltemal veilig om te speel, onthou, jy kan nie wen as jy nie 'n kaartjie het nie! Klik hier  en droom Groot! Die Powerball Lotto is tans $150 miljoen, dis 'n stewige R1,050,000,000!!!

En onthou tog om my besoekersboek te teken? Hy was vir 'n hele tydjie aflyn maar is nou weer terug.

Hier is iets wat werk, jy word nie oornag ryk nie, maar oor 'n tydjie sal dit vir jou ekstra inkomste inbring, al wat dit jou gaan kos is 'n geringe maandelikse fooi. Dis nie 'n foefie nie, ek het ingeteken en ek kry elke maand 'n krediet in my rekening, so dit kos my niks. Sluit gratis an ek kyk die kat uit die boom.
Maar jy moet opgradeer om deel te neem aan die wins, dis egter 'n druppel in die emmer. Probeer gerus!

Dit neem 'n rukkie, maar ek het verlede maand net minder as R500 gekry. Elke bietjie help!

Yes, out of curiosity I visited Be Motivated Today during September 2009, but only joined during August 2010, what a waste of time!!!.
If I knew what was happening during the year I wasted, man, I would have joined immediately after I  read the details of the setup.
I now have a waiting list of seven on my downline (one already joined as Silver), the others are bound to join during November and they are jumping around purely from excitement to get started and its rubbing off on me as well.
Just one question: My intention is to place an invitation advertisement on the rear window of my car, do you think it could shake some people out of their dreams and make them joining us?

Klik hier vir meer besonderhede

Ons kerkgroep verwerk ou Kerskaartjies wat ons dan vir die CMR gee om te versprei. As jy dus ou Kerskaarjies het wat jy aan ons wil skenk, kontak my vir my posadres.

Baie dankie vir die van julle wat gestuur het, as julle nog het, stuur gerus asseblief.

Ek stuur elke nou en dan fotos in na die Treknature webwerf, gaan kyk gerus na die fotos wat ek op ons reise geneeem het en al opgelaai het:  http://www.treknature.com/members/FunkyMunky/photos/

Baie dankie aan Leon van Nierop en ook RSG vir die vergunning om teks van hierdie reeks te gebruik.

Rolprente van die Jare 70

In hierdie episode van DIE AFRIKAANSE ROLPRENT GISTER EN VANDAG, 2 rolprente wat die Afrikaanse horison aansienlik verbreed en verryk het, en nog melodramas en verfilmde radioverhale.

SARAH in 1974 is een van die beste Afrikaanse films nog. Dit het ‘n beperkte uitreiking geniet en het nie eers ‘n duik by die loket gemaak nie. Maar as ‘n aardse, getemperde en onderspeelde film oor verbode liefde en versugting, staan hy sy plek vol as ‘n mylpaal.

SARAH onder regie van Gordon Vorster met homself in die hoofrol in die hoofrol, teenoor ‘n besielende Trix Pienaar, gaan oor ‘n moordenaar wat Noord-Kaap toe vlug en by ‘n weduwee op ‘n plaas tussen die duine beland. Hy moet haar help om die plaas weer op te bou. Hulle raak geheg aan mekaar en besef later dat hulle mekaar lief het. Maar wat gebeur as Sarah, uitvind van Karel se verlede. FC Hamman is die kameaman, Gordon Vorster, bekend vir PAPPA LAP, skryf ook die draaiboek en Sonja Heroldt sing die temalied.

Die landelike tonele word liries deur FC Hamman se kamera vasgevang. Die woestyn het nie sedert Jamie Uys se DIRKIE so beeldskoon gelyk nie. Maar dit was die ongedwonge, natuurlike dialoog en die onderspeelde vertolkings wat SARAH gekenmerk het. Ek dink nie Afrikaans het al ooit so mooi geklink soos wanneer Trix Pienaar praat nie.

Maar dan ‘n stimulerende tegniek: Gordon Vorster vertel ook die verhaal van die liefde tussen twee Koi Boesmans wat op die plaas bly... parallel met die van Sarah en Karel. Hierdie parallelle redigering is die rolprent se mees unieke kenmerk, waar die liefde tussen 2 paartjies blom. Die Kois praat hulle eie taal, maar ons het nie nodig om die woorde te verstaan nie. Die spel vertel alles. En tussen die bedwelmende skoonheid van die woestyn, skilder Gordon Vorster as Karel in sy vrye tyd. Sy skilderye word gejukstaponeer met sy verhouding met Sarah en die rustigheid van die diere, veral gemsbokke. Die windpomp vorm ‘n sentrale motief in SARAH en verteenwoordig die lewe wat hierdie twee mense na mekaar en na die landstreek bring. Hier ontdek Sarah dat Karel sy vrou in ‘n oomblik van woede vermoor het. Sal sy hom toelaat om aan te bly? En sal sy hom van die polisie beskerm?

Wanneer die polisie Karel wil arresteer, dood die Boesman hom met pyl en boog. Karel besef daar is geen uitweg meer nie en loop tussen die duine in om te gaan sterf. En dan nog ‘n tema uit SARAH wat reeds klassiek in Afrikaans geword het. SARAH eindig met hierdie liedjie.JANTJIE.
JANTJIE, wat Sonja Herholdt bekend gemaak het, soos gebruik aan die einde van die uitstaande Gordon Vorster-rolprent SARAH.

Aan die einde van die 70’s maak ‘n nuwe talent, wat van SAUK TV af gekom het, sy rolprent debuut. Hy sou later die TV-reeks SHAKA ZULU maak, maar sorg vir die rolprentweergawe van ‘n Ena Murray – roman: PLEKKIE IN DIE SON. Die storie leen hom tot absolute melodrama en oordrewe emosie, maar in WILLIAM C FAURE se hande word ‘n rolprent gemaak wat enige dag langs JANS RAUTENBACH s’n kan staan. Sy regie is beheers, Jana Cilliers se spel is uitmuntend en selfs die kleinste rolletjie word raak geteken in DEWAAL VENTER se keurige en ekonomiese draaiboek. PLEKKIE IN DIE SON gaan oor ‘n gewone vrou, wat met ‘n onsimpatieke man, Eckard Rabe getroud is, en wat besef sy is melaats. Sy beland in in ‘n inrigting vir melaatses. In hierdie ontstelende en realistiese toneel beland sy per ongeluk in die saal waar pasiënte met gevorderde melaatsheid opgeneem word, en sien sy vir die eerste keer wat vir haar wag.

Ongedwonge spel, natuurlike, speelbare dialoog, simpatieke regie sonder melodrama en knap stelinkleding sorg dat PLEKKIE IN DIE SON een van die beste rolprente van die jare 70 word. ‘n Jong Rina Nienaber verskyn as Karen, Jana Cilliers, se man se meisie. Intussen maak Karen vriende met die spitsvondige en naïewe nutsman, Piet Fix, gespeel deur Tobie Cronjé in ‘n stadium wat sy aan diep depressie ly.

Dan kry Karen ‘n brief van haar man, Eckard Rabe, wat haar waarsku dat hulle huwelik nie gaan werk nie en dat hulle die waarheid in die gesig moet staar in PLEKKIE IN DIE SON deur WILLIAM C FAURE. Dit ly tot Karen se senu-instorting.

Maar Karen en haar dokter raak verlief. Maar as Karen gesond word en uit die inrigting vrygelaat word, is haar ontvangs tuis, veral van Karel se hooghartige ma, gespeel deur Hermien Dommisse, koel. Sy keer terug hospitaal toe en sy en die dokter, gespeel deur Regardt van den Bergh, herenig. Melaatsheid kan genees word en daar kleef nie meer ‘n stigma aan nie.

Die jare 70 word gekenmerk deur rolprente wat verbete teen televisie veg, maar die stryd stadigaand verloor. Rina Nienaber speel in Dirk de Villiers se ondeunde DIE SPAANSE VLIEG, Petru Wessels speel in SALOMIEN, Gé Korsten tree op in ‘n romantiese drama LOKVAL IN VENESIë, Koos Roets verfilm Katinka Heyns in DIE SERSANT EN DIE TIGERMOTH en BABBELKOUS EN BRUIDEGOM, Tim Spring maak die gewilde SQUAD-films met Chris du Toit soos DOG SQUAD, Daar is dramas soos SKADUWEES OOR BRUGPLAAS, Anna Neehtling Pohl speel die rol van die onnutsige tant Alie, gegrond op Mike Heine se radioverhaal: DAAR KOM TANT ALIE, en die komedies kom in sarsies: WAT MAAK OOM KALIE DAAR, MY NAAM IS DINGETJIE, TROUDAG VAN TANT RALIE, ‘n vervolg op TANT RALIE SE LOSIESHUIS, asook die romantiese LIEFSTE VEERTJIE en die slapstick komedie DINGETJIE IS DYNAMITE. Franz Marx maak SEUNS VAN DIE WOLKE met Johan van Heerden, broer van Marcel van Heerden as John Hardy teenoor Will Roberts met ‘n gewaagde naaktoneel in die see, en dan is daar ook OLIE KOLONIE. Nie minder nie as 25 Afrikaanse flieks sien die lig in 1975 toe TV se toetspatrone begin wys. Dit is nou asof die Afrikaanse rolprent in ‘n soort histerie is, want hulle word een na die ander uitgedraai. ‘n Stap terug is die rolprentweergawe van Willie van Rensburg se reuse-radio-treffer aan die jare sestig, wat ‘n dekade later die lig sien, Dokter Marius Hugo – die verhaal van ‘n jong dokter en aangenome kind uit die agterbuurtes van Johannesburg wat moes veg teen sy agtergrond!

Dr. Marius Hugo gaan oor ‘n jong dokter, Mieder Olivier, wat verlief raak op die parmantige en beeldskone Dr. Louise, in die fliek gespeel deur Elma Potgieter, wat op haar beurt weer verlief is op die verwaande rykmanskind André. Wanneer Marius diens doen as kelner by ‘n padkafee, ontmoet die drie. Na vele omswerwinge, onder andere na Humansvlei in die bosveld, is daar ‘n baba. Marius wil die baba hê maar Louise wil hom saam met Andre grootmaak. Uiteindelik feins Andre se pa ‘n hartaanval, sodat Marius en Louise bymekaar kan kom.

In 1979 word 9 Afrikaanse rolprente uitgereik, ‘n aansienlike daling van die 25 vier jaar tevore, en veral Franz Marx laat ‘n hele paar rolprente in die 70-er jare die lig sien. Jan Scholtz skryf ‘n draaiboek genaamd WAT JY SAAI met Regardt van den Bergh en Janet du Plessis met ‘n jong, frisgeboude Willie Esterhuizen as ‘n rondloper seun uit ‘n verbeteringskool wat ontsnap. Esterhuizen lewer hier puik spel en bewys dat hy ‘n akteur van formaat was, al ken ons hom vandag net as ‘n komediespeler. Tim Spring doen die regie van WAT JY SAAI en gebruik Richard Clayderman se BALLADE VIR ANNELINE as tema.

TIM SPRING begin as ‘n kamera- en beligtingsman en hy skiet o.a The Magic Garden met Dolly Rathebe. Hy werk hierna op alle moontlike gebiede op rolprentstelle. In die jare 70 begin hy sy eie produksiehuis in Zimbabwe waar hy dokumentêre rolprente en advertensies skiet. Terug in S.A. werk hy as klank- man en redigeerder, voordat hy DOG SQUAD, Dr. Marius Hugo en WAT JY SAAI regiseer. In WAT JY SAAI beland ‘n jong dokter, wie anders as Regardt van den Bergh, op Waterval Boven en raak verlief op die kwaai oom, Cornelis Esterhuyzen, se dogter. Maar haar broer Chrisjan het pas uit die verbeteringskool ontsnap.

Maar dan vat Jan Scholtz se draaiboek die storie verder as wat enige ander draaiboek dit tot in daardie stadium gewaag het – dinge word op die silwerdoek gewys wat nie op die konserwatiewe TV 1-skerm sou deug nie, soos verkragting, bloedskande en aborsie. Tim gebruik die skoonheid van die Waterval Boven-omgewing ten volle en groot dele van die film speel in die buitelug af. Die dokter word daarvan verdink dat hy Dina swanger gemaak het.

Uiteindelik, na ‘n dramatiese hofsaak, kry die dokter en Dina ‘n 6 maande-tronkstraf, opgeskort vir 2 jaar, en die bose broer word 15 jaar tronk toe gestuur. Die dokter en Dina trou.

Hierdie maand se pasella is 'n resepte eBoek van Radio OFM wat ek in my epos ontvang het.
Regs klik hier om die boek af te laai. (1MB)

Deur Helena Graham

My vriendin, wat ek al van Standerd Twee af ken, was eers op n plaasskool Vandat ek haar ontmoet het, het ek haar nog nooit hoor skinder nie, maar as jy na haar kyk, weet jy daar kom n grap....altyd ten koste van haarself.

In die plaasskool, het hulle oorleweringkuns geleer in plaas van lees en skryf en somme doen. Hulle was n paar kinders, met net een onderwys. Hulle grootste werk was gewoonlik om hom te help lood smelt om sinkers te maak of die beeste te gaan keer as hulle te ver van die skoolterrein af wei. Op n dag het daar n inspekteur vir liggaamlike opvoedkunde die skool besoek, maar hulle het niks van liggaamsoefeninge geweet nie. Al die boere in die nabyheid het die dag op die winkel regoor die skool, se stoep kom sit om die chaos te aanskou. Dit was vir baie lank die grap van die jaar, want hulle het meer van loodsmelt as liggaamsoefening geweet Dit nou daar gelaat, want haar ouers het besluit dat sy dorpskool toe moes gaan om darem iets te, want loolsmelt bring n mens nou nie juis ver in die lewe nie.

Sy is later getroud en het twee seuns. Haar man is skielik dood aan n hartaanval en n jaar later weer sy broer. Hartaanvalle het dik geloop in haar man se familie. Haar twee seuns moes toe ook maar vir toetse gaan. Die kardioloog sê toe dat sy ook maar sommer vir n toets moet kom. So gesê en sy maak n afspraak.

Nou kom die “maar”..... Sy het broekiekouse in die winter gedra sonder n broekie daaronder. Ek hoeveel keer gesê n mens moet n broeke onder die kouse aantrek, maar nee, hoekom is dit dan broekiekouse? En so hou sy maar aan broekiekouse alleen dra. Nou kom die afspraak by die kardioloog, met broekiekouse aan. Die man sit natuurlik al die kontroles aan haar op die regte plekke en nou is dit vir die tredmill. Sy klim toe op, maar die kardioloog sê diplomaties dat sy gaan gly en maar die kouse moet uittrek. Ek moet sê sy was nie sleg gebou nie, met al die dinge op die regte plekke.....mooi genoeg vir die kardioloog om te aanskou.

Nou moet die broekiekouse maar uit vir die tredmill uittrek en daar hardloop sy poedelnakend. Alles wat kan wip en skud, doen dit behoorlik en die kardioloog kyk maar gewillig toe. Hy laat haar hardloop tot die sweet haar aftap, maar hardloop sal jy hardloop. Die kardioloog moet tog sy werk deeglik doen! Toe sy wou neersak van moegheid het hy haar eers n glas kouer water aangebied en nog n bietjie laat hardloop....dit was immers wat die man gedink is....hierdie is nou n droomvrou.

Toe sy uiteindelik aantrek, was daar absoluut niks met haar hart verkeerd nie, maar ek dink die man se hart was in sy moer.
Sy het natuurlik vir almal wat ore het om te hoor, daarvan vertel en dubbeld gevou van die lag daaroor. Natuurlik het haar seuns nooit na g’n dokter gegaan waarheen hulle ma gaan nie. Nodeloos om te loop sy nog steeds slegs met broekiekouse alleen.....dokter toe of te not.

 Klik net hier , registreer en koop 'n kaartjie. Dis doodveilig, en sodra die transaksie afgehandel is, kan jy begin droom, lekker groot droom. En as jy vir die eerste keer registreer kry jy nog 'n gratis kaartjie ook! Waarvoor wag jy? Sien verder ondertoe vir besonderhede van die gratis kaartjie.

Die hele van laasweek hoor ek vir ma vertel van oom Jaco en tannie Krista van die Wosonki wat gan kom kyer en ek sien yt dana want ek hou van mense sien. Mar Sarag aand toe gan ma hille yt, en los my alleen om die katte op te pas. Toe gan le ek in my dam (ma se dis my sponsbed, mar ek hoor tannie Trillie praat van 'n dam) en toe kyk ek op die bank en ma het vigeet om die siekspek boksmelk weg te sit, en dit staan op die leerbank waar mens inkom ini hys.
Toe gan byt ek 'n hele gat ini een hoek en kom op melk af! Ek het gevoel soos een wat 'n prys gewen het toe drik ek my lang bek da in en drink 'n hele halflietir yt! Ma was lekir vies toe hille by die hys kom want sy het Jack gedrink en toe het sy nie lis vir sikke goete nie.
Toe kom Sondag en ma moet gan herrigistreer om teen die aaencee te stem en toe stap ons soma soontoe en toe ry ons weer in dorp toe en toe sien ek vi die Wosonkies!!! Oom Jaco dra nogal Pitbull skoene mar hy knor nie eens nie! Ek vistaan nie tannie Krista gee hom 3 pille vir gedrag mar ma vigeet skoon om vi MY pille te bring vir gedrag toe moet ek mar weer stikkies van die tramasienie eet en tannie Krista het vi my my eie chewie gegee so 'n perse en ek is baie gelikkig en dankie tannie Krista en ma hille het gistraant vani tjoklit gehaat wat die Wosonkies vi hille gegee het mar ek kry NIKS toe kry ek darem biltong ek is gek oor biltong ma se ek vreet vi ha bankrot wat is bankrot?
Ek gan mar nie hier virtel van toe ek ma se penties Woensdagaand gevreet het nie mar toe het sy ook koktyls gedrink en toe is dit nie snaaks toe sy tys kom nie nou wil sy nie meer vir my sakgelt gee nie en ek moet nou in die ythoeke vani tyn my poewe maak anirs raas sy want sy se ek weet nou al van beter.
Ma het vir my 'n kar gekoop Vrydag 'n wit Corsa toe se sy nou moet die hond nog net by die bobjane gan liksens kry. Ma praat pitymal baie deemekaar.

Ek moet vi jille vitel ek grawe mos ini tyn an 'n gat! Ma se ek sil nog so grawe dan grawe ek 'n tjinees se voete raak! Nou wat is 'n tjienees? Iemand wat baie nies deer sy nees? Mar nou kyk ek elke keer visigtig of ek nogi die tjienees sien nie. Ma het van my poewe in die gat gegoi so eintlik het ek nou nie meer lis vi grawe nie. Ek weetie vi wat ma dit doen nie mens sal dink sy is 'n kinir mishandeling.
Ma se netou sys nou so lis vi groente sy loop soma hanne viervoet opi grasperk! Ek vistaan nie mar ek sil mar wag lat sy opi grasperk so gan loop lat ek kan sien wat dit met groente te doen het mar ek gan ha byt!
Ek moet nou eers gan want my poote los stof opi leptop en ma het gese sy gan my trig skool toe stier as ek weer morsig is!
Met aller groete van Emily wat nou al vi tannie Graatjie en tannie Krista en oom Jaco metti Pitbulls ken!

Uit: http://skoor.wordpress.com/

Alles wat jy wil weet oor Boeremusiek.

Hierdie is die webblad van Kalie de Jager en is spesifiek daarop toegespits om die Versameling...Bewaring...en Uitbouing...van Boeremusiek aan te spreek.

Klik hier om sy webblad te besoek.

Ekke is ook op Facebook, as jy dalk 'n Facebook profiel het en by myne wil aansluit, klik net hier. Hoe meer siele hoe meer vreugde. My Facebook eposadres is peter@funkymunky.co.za of kry my by www.facebook.com/Peterjasie

Ek Tweet ook nou en dan op Twitter by @Peterjasie

Mirna is ‘n opvoedkundige sielkundige en Heel Skool Evalueerder in Stellenbosch.  Sy het onderwys gegee by verskeie skole, o.a. Hoërskool Stellenbosch, Hoër Meisieskool Bloemhof en Jan Krielskool vir leerders met hindernisse tot leer.  Sy gee praatjies, skryf artikels, lag en reis die hele land vol.  Sy is ‘n ma, lief vir die kunste, die see en kinders.   Jy is welkom om kommentaar en vrae te stuur na mirnafvanwyk@gmail.com.

Ouer-onderwyser verhoudings
Dis terug-skooltoe-tyd vir ouers en kinders-die ideale tyd om ouers te herinner hoe belangrik dit is om onderwysers sover te kan kry om slegs die beste belang vir jou kind te soek.
Ontmoet jou kind se onderwysers, behou en bou aan ‘n verhouding met elke onderwyser-wanneer die onderwyser die gesig sien wat agter die kind staan, word hy gedwing om elke keer te reflekteer, respekteer en met verantwoordelikheid met die kind om te gaan-wat ookal die situasie is. As hy weet hy gaan jou by sportbyeenkomste en skoolaangeleenthede moet groet sal hy heel moontlik makliker die spreekwoordelike ekstra myl met jou en jou kind loop. Woon skoolfunksies by, raak betrokke by verenigings en help waar jy kan. Leer hulle op hulle voorname ken, ruil telefoonnommers en epos adresse uit. Prys hulle wanneer hulle jou beindruk en bedank hulle vir die klein ongevraagde ekstra’s wat hulle vir kinders doen. Dan sal hulle dit soveel makliker volgende keer doen (miskien selfs vir jou kind).
Wanneer jy voel daar is regtig rede tot kommer, maak seker van die feite voor jy op jou witperd spring en die situasie wil stormloop,. Soos ‘n pre-primêre onderwyseres vir ouers by die eerste ouervergadering gesê het: “Ek belowe om nie alles te glo wat jou kind my vertel wat by die huis gebeur nie, as jy alles wat jy hoor in my klas gebeur, met ‘n knippie sout neem.” Jou intensie moet wees om die situasie op te los en te verbeter vir jou kind. Dit is soveel makliker as jy die “goodwill” van die onderwysers en skool in die proses kan behou. Hierdie is werklik een van daardie situasie waar, as jy humeur verloor, jy slegs die saak vir jou kind kan slegter maak.
Tydens die ouer-onderwyser vergadering behou die beginsels vir goeie menslike verhoudings: groet, glimlag, bly kalm, vra vrae eerder as om te beskuldig. Deel jou verwagtinge, wense en vrese met die onderwyser en vra hoe die ouerhuis kan help om die situasie te verlig. Die goue reël in die bestuur van mense verhoudinge (onderwysers is ook mense, ja) bly maar deur al die eeue: behandel ander soos jy ook behandel wil word.
Wanneer jy graag ‘n saak wil aanspreek: maak ‘n afspraak, bel of stuur ‘n brief aan die skoolsekretaresse of die onderwyser self (onthou om jou eie e-pos adres en/of selfoonnommer in te sluit). Hou boek van die datum en as jy langer as ‘n week moet wag, stuur dieselfde brief, wag drie dae en stuur die oorspronklike brief en ‘n brief ter verduideliking aan die vak of graadhoof en versoek ‘n vergadering met beide die graad en klasonderwyser teenwoordig. Begin dieselfde proses met die graad hoof as jy langer as 7 dae moet wag sluit die briewe aan die onderwyser, graad/vakhoof en stuur dit aan die skoolhoof. Daarna is die hiërargie van gesag: die Skoolbestuursliggaam en dan die kringbestuurder by die skool se OBOS (Onderwys Bestuurs en Onderrig Sentrum). Hou natuurlik die bewyse van jou pogings om vergaderings met die skool te reël, ter ondersteuning van jou saak. Ongelukkig moet sommige skole deur hulle ouer gemeenskap tot verantwoordbaarheid gedwing word.
Onderwysers is ook maar net mense – en as jy dink jy wil soms jou tiener inruil vir ‘n ander een - onthou hy sit met ten minste 30 van hulle vir 7 en ‘n half uur per dag, waarvan die meeste ure ‘n gestoei is om hulle net in hulle sitplekke te hou. Ja,hulle het gekies om dit te doen, hulle kry vakansies (om te werk in), en redelike salarisse. Maar hulle word emosioneel blootgestel aan uiters stresvolle omstandighede. Onderwys word tans as een van die tien mees stresvolle beroepe in Suid-Afrika gesien. Onthou dat onderwysers ook oortrokke rekeninge, struwelende kinders, verbrokkelende huwelike en siekte toestande het. Hulle word elke dag gekonfronteer deur misdaad, rebellie en hoogverraad – en dit nog vanuit hulle eie klas!

Uiteindelik is jy, die ouer, die persoon wat verantwoordelik is in hoe ‘n mate jy jou kind se opvoeding lei, begelei en bestuur. ‘n Ouer wat betrokke is by sy kind se skool verseker ‘n pad met minder dorings en slaggate vir sy kind se skoolloopbaan.

Seënwense van my hart aan jou en jou kind

My laaste skof

Helena Graham

Goed is hulle wat altyd verstaan
as ek tas en stuikelend moet gaan –
Wat weet dat my ore soms met moeite kan hoor –
dat ek maklik die draad van n storie verloor.

Goed is hulle wat self sommer weet
dat my oe swak is en ek maklik vergeet.
Ook hulle wat kastig nie sien
dat ek mors as ek hulle bedien

Goed is hulle wat nie hul humeur verloor
al vertel ek dieselfde ou storie weer oor!
Ook hulle wat deur die newels kan dring
as ek gister weer helder na vore wil bring.

Goed is hulle wat my nou nog laat voel
dat hul liefde en agting regtig bedoel.
Ook hulle wat lief is vir my
As ek die laaste skof Huis toe ly.

Gaan kyk na my nuwe fotografie webwerf . Sport fotos onlangs bygelas

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Zalome is nog iemand wat probeer om die gebruik van Afrikaans op die internet te bevorder. Sy stuur lekker "kletsbriefies" per epos uit. Daar is twee soorte, een met musiek en een sonder musiek wat dan vinnig aflaai.

Om aan te sluit, klik net op die skakel van die brief wat jy wil ontvang, doen dit van die rekenaar af waar jy die brief op sal wil ontvang. Yahoo sal dan,
'n bevestingsbrief stuur, "Reply" net daarop en dis dan al! Kom sluit aan, dis gratis en dis pret (in Afrikaans).

AFRIKAANS MET MUSIEK:
ZALOME-AFRIKAANS_muso-subscribe@yahoogroups.com

AFRIKAANS SONDER MUSIEK:
ZALOME-AFRIKAANS_geen-muso-subscribe@yahoogroups.com

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier 

n Brief van Kiwi land!
Ek het getrek maar bly nog op dieselfde plek – maar hoe verduidelik ek dit vir mense in Nieu-Seeland? Ek wil 'n boodskap laat vir my vriend Thys Oosthuizen:
“Vra asseblief vir hom hy moet my in Polokwane skakel” sê ek aan sy sekretaresse.
“Waar??” vra sy en sy klink narerig.
“Polekwane”
“Waar is dit?
“Tussen Mokopane en Makhado in Limpopo” Ek kan hoor wat sy dink.
“Waar is dit?”
“Wel", beduie ek “jy ry van Tswane af, verby Bela-Bela en Modimolle. Ry deur die tolhek en hou reguit verby Makopane, maar hou jou spoed dop, want die spiedies maak geld uit jou as jy daar te vinnig ry. Polokwane is net na Makopane en net voor Makhado” Op hierdie stadium weet ek ook nie hoekom ek die pad moet verduidelik as ek slegs wil hê hy moet my bel nie!
“Nee wag meneer sê sy. “Waar is dié Makhado?”
“Tussen Polokwane en Musina” probeer ek hulpvaardig wees.
“En waar is dit?” vra sy nou duidelik erg verward.
“Musina is tussen Mokhado en Harare” help ek so goed as ek kan.
“Bly jy in Zimbabwe?” vra sy hoopvol.
“Nee in Limpopo” help ek haar reg. Sy sug moedeloos en sê: “Kom ons begin voor”
“Waar is Tswane?”
“Dis maklik sê ek. “Tussen Bela-Bela en Egoli”
“Nee meneer, ek bedoel die dorp”
“Ek ok” sê ek. Ek kan hoor sy is nou by sepies terwyl ek nog by pad beduie is.
“Egoli is anderkant Tswane as jy van Bela-Bela se kant af kom.” sê ek.
“Meneer.” vra sy “is jy getrek?”
“Nee,” sê ek “ek het nie getrek nie, hulle het net die naam verander.”
“Wat bedoel jy hulle het jou naam verander?”
“Nie my naam nie, die dorp se naam.” help ek haar reg.
“Watter dorp se naam?”
“Pietersburg”
“Bly jy in Pietersburg?” vra sy en ek kan hoor daar gaan 'n helder lig vir haar op.
“Nee” sê ek “ek bly in Polokwane maar dit was voorheen Pietersburg.”
“Wragtig?” sê-vra sy.
“Wragtig” bevestig ek.
“So jy skakel van Pietersburg af wat nou Polokwane is?”
“Einste!” sê ek.
“Nou watter ander name het jy dan genoem?” vra sy en ek kan aanvoel dat die vrou 'n erge behoefte het om iets oor die toekomsgeskiedenis van die land te wete te kom.
Toe verduidelik ek:
“Egoli was eers Johannesburg. Tswane is Pretoria. As jy dan Noord ry, kom jy by Bela-Bela wat eers Warmbad was, daarna by Modimolle wat Nylstroom was en Potgietersrus wat nou Makopane is. Na Makopane kry jy Polokwane wat Pietersburg was en daarna Louis Trichardt wat Makhado geword het. Verby Makhado kry jy Musina wat eers Messina was.”
“En Messina is by die Limpopo!” jubel sy.
“Ja,” sê ek, “maar die Limpopo waarvan ek praat is die Provinsie.”
“Nou wat noem julle die rivier?” vra sy.
“Limpopo” sê ek.
“Meneer?” vra sy, “stook jy mampoer?”


'n Bietjie Afrikaanse opvoeding op hierdie dag. Oorvertel as die waarheid,die volle waarheid en niks anders as die waarheid!!!
Op 'n Maandag oggend, het die hele skool soos gewoonlik in die saal vergader. Die skoolhoof het soos gewoonlik sy storie vertel, die eerste rugbyspan
geprys, die skoolkommittee hartlik bedank, die kinders met stories bang gemaak - nie dat ek dink kinders skrik meer vir enigiets minder as die
doodstraf, wat hulle weet hulle nie opgelê kan word nie. Hy betuig verder sy dankbaarheid teenoor die kinders wat hulle siviele eise teen die skool teruggetrek het, en vir die wat nie meer in die klaskamers rook nie.
Op die verhoog staan daar twee kartondose. In hierdie kartondose is daar Bybels wat deur die Gideon organisasie (dis die ouens wat Bybels in hotelle ens. plaas) aan die skool geskenk is. Die idee is om vir alle kinders wat nie Bybels het nie, 'n Bybeltjie te gee. Omdat hierdie nogal 'n noemenswaardige gebaar is, het twee van die Gideon’s mense na die skool gekom om die Bybels te oorhandig. Die twee sit so half eenkant - weg van die onderwysers af.
Toe die hoof klaar is met sy aankondigings, kyk hy so op na die kinders, en sonder om 'n beat te mis, swaai hy sy hand so na die twee Gideon mense se kant toe en sê: "Julle wonder seker wat hierdie twee dose op die verhoog doen?"
Nodeloos om te se die volgende oomblik het chaos uitgebars en die onderwysers rapporteer dat dit onmoontlik was om enigiets die moeite werd vir twee dae in die kinders se koppe te kry, aangesien hulle telkens uitgebars het van die lag. Die arme twee Gideons het nie 'n woord kon inkry nie en die twee dose met Bybels in is onuitgedeel na die hoof se kantoor verskuif.
N.S.Dis hoekom 'n "box" 'n boks is en nie 'n doos nie! Ons het die woord al te veel verniel in Afrikaans.

Die passasier in 'n huurmotor tik die bestuurder op die skouer om hom iets te vra.
Die bestuurder gil, verloor beheer oor die voertuig, ry amper in 'n bus vas, jaag oor die sypaadjie en stop millimeters van 'n winkel venster af. Vir 'n paar oomblikke is alles doodstil. Die drywer sê toe, "Moet dit
asseblief nooit weer doen nie. Ek het my amper doodgeskrik."
Die passasier vra toe om verskoning en sê hy het nie gedink 'n tikkie op die skouer sou hom so laat skrik nie.
Die bestuurder antwoord toe, "Dit is nie werklik jou fout nie. Vandag is my eerste dag as huurmotor bestuurder. Vir die laaste 25 jaar het ek 'n lykswa bestuur!!"
 

As jy dalk nog baie resepte wil hê, gaan kyk in die argiewe, elke nuusbrief bevat resepte en meeste van hulle het ook nog gratis aflaaibare resepte eBoeke.

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

Persoonlike leierskap

Sukkel jy?
Is jy bang?
Jy voel soms
- 'n gebrek aan vordering
- onbevoeg
- rigtingloos
- lamsakkig
- onseker
- net nie goed genoeg nie

Het jy al gewonder hoekom jy nie dié sukses behaal waartoe jy instaat is nie. Jy sou darem beter wou doen. Sommige dae is jy tevrede, maar tog knaag ietsie van 'n stukkie ontevredenheid aan jou. Jy sou meer in jou lewe wou bereik. Maar wat moes jy anders doen? Wat het jy nodig om groter sukses te behaal?

Wat jy nodig het is leierskap in jou lewe.
En jy sê ST, verduidelik 'n bietjie meer.
Wel Cowboy, saal op jou perd, hier gaan ons.

Jy neem die besluit dat jy leier van jou eie lewe word. Dis 'n besluit wat net jy neem. Iemand anders kan nie namens jou hierdie besluit neem nie.

Om leier van jou eie lewe te word het jy vier karaktereienskappe nodig:
· dapperheid
· selfdissipline
· rigting
· integriteit

Hierdie vier kwaliteite moet in jou arsenaal van karakterontwikkeling aanwesig wees. Dis gereedskap ingepak in 'n leier se "toolbox".

Sulke gereedskap val egter nie sommer in die skoot van 'n leier nie. Jy werk daartoe. Jy ontwikkel dit deur elke dag daarop te fokus. Jy leer hierdie kwaliteite aan soos jy 'n goeie gewoonte aanleer. Deur elke dag daarop te fokus, daaraan te werk en die regte dinge te doen.

Om leier te word beteken jy neem beheer van jou lewe. Jy is nie nou meer 'n passasier nie, maar jy is die loods. Jy maak die besluite. Jy neem die kontrole in jou hande.

Skryf hierdie vier kwaliteite in hoofletters op die binnekamer van jou hart:
DAPPERHEID
SELFDISSIPLINE
RIGTING
INTEGRITEIT

Dapperheid - In watter area van jou lewe is jy lamsakkig? Waar en wanneer was jy te bang om jou mond oop te maak, te sê tot hier toe en nie 'n aks verder nie? Laat jy mense wegkom met dinge al weet jy dis verkeerd? Om jou leierskap op te neem beteken jy staan op al is jy bang. Dapperheid beteken om dit te doen waarin jy glo al kry jy kritiek, teenstand, dreigmente, beskuldigings, beswadderinge, neerhalende opmerkings. Jy staan op vir jouself en vir geregtigheid. Wees dapper my vriend, wees dapper.

Selfdissipline - jy kry nie jou besigheid van die grond af nie. Jou drome lê in die stof vertrap. Jy kyk na ander wat sukses behaal en jy sê: "Maar dit kon ek gewees het." Wat jy nodig het is selfdissipline. Jy word nie gebore met selfdissipline nie - jy verwerf dit. Wanneer jy moeg is, hou jy nog 'n uur uit. Wanneer jy wil tou opgooi, byt jy vas. Wanneer probleme opduik, stry jy voort en soek oplossings. Wanneer versoekings kom en jou van koers wil dwing, fokus jy steeds op jou taak. Selfdissipline vra van jou goeie gewoontes waarmee jy moet volhard. Selfdissipline is die wilskrag om uit te hou en aan te hou om die goeie en regte ding te doen.

Rigting - 'n leier beskik oor die visie waarheen hy wil gaan. 'n Leier dui die rigting aan. Wanneer jy leierskap van jou lewe opneem, beteken dit jy moet weet waarheen jy op pad is, wat jou doelwitte is. Nie ander mense se doelwitte en siening vir jou lewe nie - jou eie drome en mikpunte. Jy fokus op prioriteite en dit wat saakmaak; onbenullighede laat jy vir eers eenkant staan. Jy leef doelgerig.

Integriteit - iemand met integriteit lewe nie met verdeelde lojaliteite nie. Leef nie met skynheiligheid en valsheid nie. Integriteit vra van jou opregtheid. Eerlikheid. Jou woord is jou eer. 'n Lewe met integriteit bied aan jou geloofwaardigheid, gee jou 'n groter invloedswaarde en bevorder hoë standaarde.

Die titel van 'leier' word nie aan jou toegeken nie. Jy verwerf dit.
Vier kwaliteite van leierskap. Neem dit aan, maak dit jou eie. Vandag. Môre. Altyd.
Neem die leierskapsrol van jou lewe op.
Besluit.
Moenie twyfel nie. Moenie terugkyk nie.
Jou potensiaal lê vir jare begrawe.
Die tyd het aangebreek.
Skuif die twyfel uit jou gemoed en gedagte. Besluit. Staan op.
Neem beheer.
Breek deur die versperrings van vrees en bekommernis.
Laat die wêreld sien die lig wat jy uitstraal.
Jy is die leier van jou lewe.
Jou potensiaal roep jou. Dit dwing jou om uit jou groef op te staan.
Leierskap: jou plig, verantwoordelikheid en jou roeping.
Jy is nie alleen nie. My gedagtes en gebede is met jou.
Die Skepper van die heelal is met jou.

'n Sprankie Sielkunde vir die dag

"Ware leiers is gewone mense met buitegewone vasberadenheid." - skrywer onbekend -

Jy kan inteken op hierdie nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

GEMENGDE MIELIEPAP

125 g mushrooms
2 blokkies hoender aftreksel
250 ml gemengde groente
50 ml margarien
750 ml water
625 ml mieliemeel
125 ml gerasperde cheddar kaas

 Kook gekapte mushrooms, gemengde groente en hoender aftreksel in die water, voeg dan botter by
 Voeg mieliemeel by en laat prut vir 20 minute
 Voeg kaas by en roer deur – dien dadelik op

MIELIEPAP GENOT

1 blik (410 g) ingedampte melk
500 ml water
10 ml sout
500 ml mieliemeel
50 g botter
500 ml gerasperde cheddar kaas
1 blik (410 g) blik heelpitmielies gedreineer
½ x 250 g pak spek – grofgekap en brosgebraai

 Verhit melk, water en sout tot kookpunt ~ voeg mieliemeel by sodat dit in middle ‘n hopie vorm, maar moenie roer nie
 Verlaag hitte, plaas deksel op en laat pap 5 minute prut
 Roer liggies en laat nog ‘n uur prut
 Roer ¾ van kaas, heelpitmielies en spek by
 Strooi res van kaas bo-oor en plaas deksel op sodat dit kan smelt
of
Skep pap in oondskottel, skep 1 blik (410 g) blik tamatie-en-uie-smoor oor, strooi res van kaas bo-oor en bak vir 30 minute by

KNOFFEL KAAS BOTTERBROODJIE
500 ml koekmeel
15 ml bakpoeier
1 eier
25 ml olie
fyngedrukte knoffel
75 g botter gesmelt
125 ml Cheddar kaas gerasper

 Voorverhit oond tot 240°
 Sif droë bestandele saam
 Klits eier, melk en olie saam
 Meng eier mengsel met droë bestandele en knie liggies
 Deel mengsel in 10 balle en plaas in gesmeerde oondvaste skottel sodat balle aanmekaar raak
 Bak +/- 15 minute of tot goudbruin
 Verwyder uit oond en sprinkel kaas, gesmelte botter met knoffel oor
 Bedien warm

CHAKALAKA BROODJIE
(kan ook muffins maak)

500 ml koekmeel
10 ml bakpoeier
sout & peper na smaak
4 eiers
410g Chakalaka (matige geur /
sterker geur indien verkies)
125 ml Cheddar kaas gerasper

 Voorverhit oond tot 180°
 Sif droë bestandele saam
 Klits eier & chakalaka
 Meng eier mengsel met droë bestandele
 Plaas deeg in gesmeerde broodpannetjie en strooi gerasperde kaas bo-oor
 Bak +/- 45 minute



ROL~BROODJIE

¾ pak deeg (ready made dough)
1 blikkie tamatie puree
250 g spekvleis
1 ui
375 ml gerasperde cheddarkaas

 Voorverhit oond tot 200. Rol deeg uit
 Smeer tamatie puree oor deeg
 Braai spek en ui en smeer oor
 Sprinkel kaas oor
 Rol deeg in lengte op soos swiss rol
 Plaas in gesmeerde broodpannetjie en laat rys eers bietjie voor bak
 Bak half +/- 30 minute
Kan ook enige vulsel soos verkies gebruik

TAMATIE-EN-UIE BROODJIE
1 x 500 g bruismeel
1 pakkie tamatie-en-uie-sop of
tamatieroomsop
2-3 repe swoerdlose spekvleis, gekap
1 ui gekap
15 ml kookolie
1 x 500 ml houer karringmelk

 Voorverhit oond tot 180°
 Meng bruismeel en soppoeier
 Braai spek en ui in verhitte kookolie
 Voeg spek mengsel en karringmelk by droë bestandele en meng goed
 Skep deeg in gesmeerde broodpan en bak +/- 50-60 minute of tot gaar


WALDORF SLAAI

2 uie (gesnipper)
1 greenpeper (in blokkies)
250 g sampioene (in skywe)
1 fyngesnyde slaaiblaar
4 groot wortels (fyn gerasper)
1 blik (410 g) pit mielies (gedreineer)
500 ml bevrore ertjies
1 blik pynappels (blokkies en gedreineer)
100 ml kondensmelk
125 ml mayonnaise
125 ml franse slaaisous
blokkies kaas

 Braai ui, greenpeper en sampioene saam ~ hou eenkant en laat afkoel
 Pak slaai in lae in die volgende volgorde; blaarslaai, wortels, mielies, uie-greenpeper mengsel, ertjies, pynappel, sous, blokkies kaas

Wenk ~ Gebruik diep glas-slaaibak, dit laat die slaai mooi vertoon

“SWEET & SPICY” NOEDELS
500 g noedels
1 greenpeper (blokkies)
1 blik gedreineerde appelkooshalwes in blokkies gesny
“Sweet & Spicy” sous van Knorr

 Berei noedels volgens aanwysings op pak
 Meng greenpeper, appelkoos stukkies en sous by noedels

MIELIEBROODJIE
500 g bruismeel
5 ml sout
1 blik (410 g) blik ingedampte melk
1 blik (410 g) blik roomsoort mielies

 Voorverhit oond tot 180°
 Sif bruismeel en sout saam
 Voeg ingedampte melk en mielies by en meng goed
 Skep in gesmeerde broodpan en bak +/- 60 minute of tot gaar

PYNAPPEL / KOMKOMMERSLAAI
1 blik gesnipperde pynappel
2 middelslag komkommers
(geskil en in dun skywe gesny)

Sous:
250 ml suurroom
2 tel heuning
2 tel suurlemoenskil gerasper
5 ml swartpeper

 Meng al die bestandele vir die sous tot glad
 Meng slaaisous met pynappel en komkommer

KERRIE NOEDEL SLAAI
500 g noedels
1 groot ui (gesnipper)
1 groot greenpeper (blokkies)
(kan ook rooi en geel peper insit vir meer kleur)

Sous:
250 ml tamatiesous
200 ml wit suiker
125 ml olie
125 ml wit asyn
25 ml kerriepoeier (matig)
7 ml sout
2 ml swartpeper
1 ml tabascosous (opsioneel)

 Berei noedels volgens aanwysings op pak
 Voeg ui en greenpeper by noedels
 Meng sous bestandele saam en voeg by noedels

Wenk ~ Meng sous by noedels terwyl dit nog warm is (moenie noedels afspoel nie) ~ die sous trêk dan lekker in die noedels in, roer kort-kort deur
Hoe langer die slaai staan hoe lekkerder ~ die slaai kan ook gebottel word


BROODSLAAI
1 brood (korsie loos) in blokkies gesny
6 eiers (fyngedruk met vurk)
6 eet lp asyn
6 eet lp suiker
1 eet lp mostert poeier
500 ml mayonnaise
blokkies kaas
gurkins in skyfies gesny

 Braai brood blokkies in diep olie en hou eenkant
 Meng eiers, asyn, suiker en mostert poeier saam oor lae hitte – roer gereëld sodat nie aanbrand
 Haal af van hitte voeg mayonnaise by
 Meng brood en sous 1 uur voor opdiening, voeg kaas en gurkins by

MIELIEPAPBOLLETJIES
Gaar mieliemeel pap
250 g spekvleis
2 uie fyn gekap
1 groen soetrissie fyn gekap
1 knoffelhuisie fyn gedruk
1 eier geklits
sout
1 ml rooipeper
50 ml pietersielie fyn gekap

bolletjies in rol:
2 eiers geklits
sagte broodkrummels
olie vir diepvetbraai

 Braai spekvleis tot bros
 Voeg uie, soetrissie en knoffel by en braai tot sag
 Voeg by mieliepap en meng goed
 Voeg die eier, rooipeper, sout na smaak en pietersielie by en meng goed
 Vorm in bolletjies so groot soos okkerneute
 Doop in geklitste eier en dan in broodkrummels, braai in diep olie tot goudbruin


SNOEK OOR DIE KOLE

1 Snoek vooraf gesout
Appelkoos Braaisous:
60 ml mayonnaise
60 ml knoffelbotter
60 ml gladde appelkooskonfyt
of
Mayo-Braaisous:
250 ml mayonnaise
90 ml botter

 Plaas die vis oop met die velkant na onder op die rooster
 Sprinkel peper oor
 Verhit die bestandele vir enige van die braaisouse oor lae hitte en meng goed
 Gebruik ‘n klein kwassie en verf die vleiskant van die vis met die sous
 Braai oor gloeiende kole – nie te warm nie – tot die vis maklik van die graat loskom
 Sit voor met vars brood en slaai of tamatie-en-uie-braaibroodjies

PORTABELLA-SAMPIOENE

Dis sampioene van Denny ~ kyk in die winkels vir die sampioene, hulle word genoem
Portabella sampioene, so groot soos ‘n man se hand en dit kan gebraai word op die
Braai-rooster of in die oond ~ dit bly ferm as dit gaargemaak word

Die sampioene het ‘n groot ruimte aan die onderkant waarin ‘n vulsel geskep kan word ~ gebruik van die volgende vulsels

 Gegeurde botter en vars broodkrummels
Gekrummelde fetakaas en gekapte neute
Kruie en bokmelkkaas
Knoffel-en-roomkaasmengsel


GEBAKTE BROODROLLETJIES MET ROOMSOUS
klaar bereide brooddeeg gerys en afgeknie

sous:
125 g spekvleis gesnipper
1 blik tamatie en uiesmoor
250 ml vars room
swartpeper
vars pietersielie
250 ml cheddarkaas gerasper

 Voorverhit oond tot 100°
 Smeer ‘n plat swartpot of ‘n kasserolbak met botter
 Knyp stukke deeg af en vorm in bolletjies
 Pak die deegbolle taamlik naby aan mekaar in die bak en laat rys goed uit in die oond
 Soteer intussen spek tot gaar, voeg tamatie-en-uiesmoor by en verhit tot kookpunt.
 Laat prut tot effens afgekook ~ verwyder van hitte, roer room by en geur met sous, peper en pietersielie
 Verwyder bak uit oond en verhoog die temperatuur tot 180°
 Giet sous oor die deeg en bak 40-50 minute
 Sprinkel kaas oor en bak 10 minute tot goudbruin


JAMBALAYA RYS
15 ml olie
3-4 streaky bacon
1 gekapte ui
2 selderye gekap
500 ml rou rys
1 liter hoender stock
3 ml sout
3 ml swart peper
3 ml rooipeper (cayenne peper)
1 lourier blaar (bay leaf)
1 greenpeper in blokkies gesny
1 x 410 g blikkie gekapte tamaties
100 g ham in blokkies gesny
200 g hoender blokkies gesny (gaar)
15 ml pietersielie

 Verhit olie en braai bacon tot bros, dreineer bacon
 Braai ui tot sag, voeg seldery en rys by, roer aanhoudend – braai 1 minuut
 Voeg hoender stock, sout, peper, rooi peper en lourier blaar by en prut vir 10 minute
 Voeg greenpeper en tamaties by en laat prut vir verdere, 5-10 minute
 Voeg ham, bacon en hoender by en prut vir 5 minute
 Gooi mengsel in opskep bak en sprinkel met pietersielie ~ genoeg vir 4-6 persone

Die Danville Hulpgroep
Gaan kyk gerus na die webwerf hieronder om te sien watse wonderlike werk hierdie groep doen.
Webwerf: www.danvillehulp.co.za

Elsabé BlignautHuis: 012 991 3914
Sel: 082 828 2551
Epos: Elecnet@mweb.co.za

Resepte, resepte,  resepte

Ek het besluit om sake vir my te vergemaklik an al die resepte eBoeke wat ek het (Engels en Afrikaans) op een CD saam te sit. Daar is meer as 110 resepteboeke wat omtrent enige dis bevat wat jy aan kan dink so ek dink nie jy sal nodig hê om ooit weer 'n resepteboek te koop nie. Omtrent al die boeke kom met herverkoopregte (behalwe waar dit anders meld) met ander woorde hulle is nou joune en jy kan maak met hulle wat jy wil selfs ook een vir een van die CD afhaal en herverkoop.

Die prys van die CD is R100 (dis om en by R1 per boek) posgeld uitgesluit

Posgeld is  R20 vir geregistreerde pos en R50 vir Speed Services oornag toonbank tot toonbank.

As jy sou belangstel om een van die CD's te bekom, klik net hier en ek stuur vir jou my bankbesonderhede, gee my ook net jou posadres. Sodra ek dan die CD pos, stuur ek vir jou die spoornommer per epos as bewys dat dit gepos is. As jy R120 deponeer stuur ek dit per geregistreerde pos en as jy R150 deponeer stuur ek dit Speed Services oornag toonbank tot toonbank

Hier is die Afrikaanse boeke:

217 Egte Afrikaanse resepte, Aartappels, Beskuitresepte, Afrikaanse Resepteverskeidenheid, Brood resepte, Vul die beskuitblik, 'n Broodjie vir die blik, Blokkieskoek, Burgers Patties Frikadelle, Brood resepte, Drankies, Drinkgoed, Gemmerbier, Groente, Eet jou groente, Hoender resepte, Happies en Poffers, Kaaskoek, Ietsie anders resepte, Kerskoeke, Karavaan resepte, Kleinkoekies, Kinderlekkerte, Koekiedrukker resepte, Koeke, Likeur, Lekkergoed resepte, Nog resepte, McCain resepte, Moedersdag resepte
Mikrogolf resepte, Peterjasie se boek, Pastageregte, Peterjasie se Kersresepte versameling
Peterjasie se eBoek van vernoemde resepte, Poeding, Peterjasie se Tradisionele SA resepte
Resepte met biltong, Resepteverskeidenheid - ook grootmaat, Slaaie, Sommer net resepte, Sop in die pot, Sop resepte, Terte, Sous, Verskeie resepte 1, Souttert & Pannekoek, Vis en hoender, Veelsydige hoender, Vleisgeregte vir Kersdag, Verskeie resepte 2, Warm en koue drankies, Vleisresepte, Wille samies, Wafels en Pannekoeke, Wors en worsies

Allerlei

Annette se Boererate, Boererate en Verbruikerswenke, Hartstigting dieet, Lennons medikasie, Mate en gewigte, Sop dieet, S A Boererate eBoek, Metrieke omskakelingstabel, Werk van die huis

Hier is die Engelse resepte:

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.