Ek staan op vir Afrikaans!

Welkom aan alle nuwe intekenare!

Hierdie keer is daar sommer twee pasellas! Die en is 'n resepte eBoek met broodresepte en die ander pasella is 'n kaartjie vir 'n oorsese Lotto, enigiemand kan 'n kans vat. Ek het 10 kaartjies om weg te gee, ek gee een aan die eerste 10 eposse wat ek ontvang. Doen hier aansoek vir jou kaartjie. Hoe klink $120 miljoen vir jou???

Ek het hierdie keer 'n paar wildsvleisresepte, gaan kyk gerus onder Resepte hieronder.

Ons vat een van die dae alweer die pad, die keer natalse Suidkus toe en ook die ou Transkei (Hole in the Wall)
Fotos volgende keer.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Wil jy dalk GROOT droom? Vat 'n kans op die UK Lotto of een van die ander Europese Loterye. Die een het 'n groter boerpot as die ander! Die minimum boerpot is R45 miljoen, sommer gereeld R75 miljoen en hoër! Dis heeltemal veilig om te speel, onthou, jy kan nie wen as jy nie 'n kaartjie het nie! Klik hier  en droom Groot! Die Powerball Lotto is tans $150 miljoen, dis 'n stewige R1,050,000,000!!!

En onthou tog om my besoekersboek te teken? Hy was vir 'n hele tydjie aflyn maar is nou weer terug.

Ek hoor mos nou die oggend 'n insetsel oor hettie op RSG. Ek kontak haar toe en sy gee toestemming dat ek van haar stories hier kan gebruik. Baie dankie, Hettie, jou raad is baie leersaam. Gaan loer gerus na Hettie se webwerf: http://www.etikettie.co.za/

Ek het vir haar 'n vraag gevra, ek plaas die antwoord volgende keer.

Die volgende is afkomstig van Zalome se nuusbrief. Sy woon nou in Arizona en stuur die oulikste briefies uit, alles in Afrikaans, natuurlik. Stuur vir haar 'n epos en teken in: zalome@cox.net

Ek hoor heel tyd hier in Amerika as ek 'n Engelse woord vertaal na Afrikaans toe, hoe beskrywend die woord is. Soos bv. roltrap, hysbak, robot, en so meer. Hier volg nog 'n paar beskrywende woorde wat sommer groot pret is. Ek kan nie onthou wie dit vir my gestuur het nie, maar dankie in elk geval! Party van hulle is so ietwat gewaagd, maar ek kan nie alles sensor nie! Ons praat mos almal Afrikaans!

backseat driver = skouervlieg
balls-up = knaterflater
blind date = moljol / steekproef
brandy = polisiekoffie
buttocks = poeflobbe
cabby hole = vroeteldoos
chaperone = voëlverskrikker
condom = saadsokkie
cycle pants = voëlverklikker
dagga = rondkyktwak
doggie bag = brakkiepakkie / woefkardoes
face-lift = hysbakkies
g-string = holvlos / gatsnaar / snakstringetjie / stertriem / tergtoutjie
go-go girl = wikkeldoedie
gynaecologist = koekeloerder / kwaksalwer / roofkyker
hacker = kraker
hairdresser = dollaklitser
hamburger = frikkadelbroodjie
helmet = pletterpet / harde hoed
hyperlink = hiperskakel
longdrop= dieptroon / doefpoef / plonsput / plonspardoems
make-up = jeugdeeg
maltese poodle = stoepkakkertjie
massage parlour = streelperseelrapper = rymkletser
sales rep = kommissiekabouter / koopseblief
stapler = draaddrukkertjie / papiervampier
stew = vleismoles
stress = gemoedsbekakking
sugardaddy = vroetelvarkie
tantrum = baba-dans / vloermoer
toi-toi = vakbond-vastrap / williewerkie-wals
toiletpaper = boudlint / boudservette / kloofbesem / poeplint
toothbrush = bekskrop

Regs klik hier om 'n skermbeeld vir jou rekenaar af te laai

Alles wat jy wil weet oor Boeremusiek.

Hierdie is die webblad van Kalie de Jager en is spesifiek daarop toegespits om die Versameling...Bewaring...en Uitbouing...van Boeremusiek aan te spreek.

Klik hier om sy webblad te besoek.

Wynand Jacobs

Ekke is ook op Facebook, as jy dalk 'n Facebook profiel het en by myne wil aansluit, klik net hier. Hoe meer siele hoe meer vreugde. My Facebook eposadres is peter@funkymunky.co.za

Mirna is ‘n opvoedkundige sielkundige in Stellenbosch. Sy het onderwys gegee by verskeie skole, o.a. Hoërskool Stellenbosch, Hoër Meisieskool Bloemhof en Jan Krielskool vir leerders met hindernisse tot leer. Sy is ‘n ma, lief vir die kunste, die see en kinders. Jy is welkom om kommentaar en vrae te stuur na mirnafvanwyk@gmail.com

Deel 2 - WEES JOU KIND SE HUISWERK KONSULTANT (Deel 1 in vorige nuusbrief)
Vandag voltooi ek die lys met wenke vir ouers hoe om huiswerk dilemmas binne die UGO stelsel te hanteer.

8. Moedig jou kind aan om lang termyn doelwitte (gebind aan graad verwagtinge) neer te stip op ‘n kalender, kort termyn doelwitte (gebind aan weeklikse take en projekte) op ‘n weeklikse skedule lys en daaglikse doelwitte (gebind aan wat vandag afgehandel moet word) op ‘n daaglikse “te doene” lysie;

9. Moedig jou kind aan om nuwe leerstof te probeer bind aan sy belangstellingsveld, om sodoende volhoubare aandag te ondersteun. Bv. wanneer jou krieketmal kind maalsomme moet maak, bind dit aan lopies per kolfbeurt of winste gemaak by die koeldrank stalletjie;

10. Help jou kind om patrone raak te sien. Bv. wanneer hy ‘n opstel skryf moet, herinner hom aan die beplanning struktuur van ‘n vorige opstel, of onderstreep sleutelwoorde in ‘n wiskundige berekening en vra wat dit beteken het in ‘n vorige soortgelyke som. (Hou goeie voorbeelde om later daarna te verwys.);

11. Leer hulle om hulle lessenaar se werksoppervlak skoon te hou van onnodige goeters- die meeste kinders moet netheid aanleer; hulle word nie daarmee gebore nie;

12. Lei jou kind om eers te breinstorm (brainstorm) rondom onderwerpe vir take en mondelinge. Sukses begin gewoonlik deur die regte keuse te maak. Leer jou kind navorsings-en opsommingsvaardighede. Hulle moet deurentyd daaraan oefen totdat hulle dit onafhanklik kan doen.

13. Leer jou kind tik. Daar is min vaardighede wat hy so nodig gaan kry as die tikvaardigheid. Daar is wonderlike sagteware beskikbaar of betaal ‘n tutor.

14. Gee belonings vir werk wat gedoen is. Kinders moet van vroeg af leer dat inspanning lonend is. Sodoende besef hulle dat hulle die uitkoms kan bepaal as hulle gefokusde inspanning aanwend. Kinders wat glo dat hulle KAN probeer harder; wat weer hulle kanse vergroot om wel sukses te behaal;

15. Versterk en prys produksie. Vertoon en vertel trots van die resultate op hulle harde werk. Wees trots op elke klein verbetering in werkskwaliteit en-etiek. Bewonder wat nou is en hou op om te sê: “Maar jy kan soveel beter…” Jou opregte trots sal genoeg motivering bied om steeds harder te probeer. Druk en negatiewe kommentaar sal moontlik hulle net verder van jou af laat dryf; en

16. Beloon hardwerkendheid en deursettingsvermoë; en nie slegs punte nie. ‘n Kind behoort erkenning te kry vir die manier wat hy werk, bv. take wat betyds ingehandig word, wanneer sy iets sonder jou hulp kan doen en die bereiking van doelwitte-en nie punte nie.

WANNEER KINDERS ‘N KOSBARE VAARDIGHEID MOET AANLEER, IS KONSEKWENTE TOEPASSING VAN KARDINALE BELANG.
As dit is om huiswerk te doen; dan moet daar gereelde huiswerktyd wees. As dit is om spesifieke werksgewoontes of studievaardighede; dan is gereelde herinnering daaraan en die oefen van daardie gewoontes nodig.Deel 2 - WEES JOU KIND SE HUISWERK KONSULTANT
Vandag voltooi ek die lys met wenke vir ouers hoe om huiswerk dilemmas binne die UGO stelsel te hanteer.
8. Moedig jou kind aan om lang termyn doelwitte (gebind aan graad verwagtinge) neer te stip op ‘n kalender, kort termyn doelwitte (gebind aan weeklikse take en projekte) op ‘n weeklikse skedule lys en daaglikse doelwitte (gebind aan wat vandag afgehandel moet word) op ‘n daaglikse “te doene” lysie;
9. Moedig jou kind aan om nuwe leerstof te probeer bind aan sy belangstellingsveld, om sodoende volhoubare aandag te ondersteun. Bv. wanneer jou krieketmal kind maalsomme moet maak, bind dit aan lopies per kolfbeurt of winste gemaak by die koeldrank stalletjie;
10. Help jou kind om patrone raak te sien. Bv. wanneer hy ‘n opstel skryf moet, herinner hom aan die beplanning struktuur van ‘n vorige opstel, of onderstreep sleutelwoorde in ‘n wiskundige berekening en vra wat dit beteken het in ‘n vorige soortgelyke som. (Hou goeie voorbeelde om later daarna te verwys.);
11. Leer hulle om hulle lessenaar se werksoppervlak skoon te hou van onnodige goeters- die meeste kinders moet netheid aanleer; hulle word nie daarmee gebore nie;
12. Lei jou kind om eers te breinstorm (brainstorm) rondom onderwerpe vir take en mondelinge. Sukses begin gewoonlik deur die regte keuse te maak. Leer jou kind navorsings-en opsommingsvaardighede. Hulle moet deurentyd daaraan oefen totdat hulle dit onafhanklik kan doen.
13. Leer jou kind tik. Daar is min vaardighede wat hy so nodig gaan kry as die tikvaardigheid. Daar is wonderlike sagteware beskikbaar of betaal ‘n tutor.
14. Gee belonings vir werk wat gedoen is. Kinders moet van vroeg af leer dat inspanning lonend is. Sodoende besef hulle dat hulle die uitkoms kan bepaal as hulle gefokusde inspanning aanwend. Kinders wat glo dat hulle KAN probeer harder; wat weer hulle kanse vergroot om wel sukses te behaal;
15. Versterk en prys produksie. Vertoon en vertel trots van die resultate op hulle harde werk. Wees trots op elke klein verbetering in werkskwaliteit en-etiek. Bewonder wat nou is en hou op om te sê: “Maar jy kan soveel beter…” Jou opregte trots sal genoeg motivering bied om steeds harder te probeer. Druk en negatiewe kommentaar sal moontlik hulle net verder van jou af laat dryf; en
16. Beloon hardwerkendheid en deursettingsvermoë; en nie slegs punte nie. ‘n Kind behoort erkenning te kry vir die manier wat hy werk, bv. take wat betyds ingehandig word, wanneer sy iets sonder jou hulp kan doen en die bereiking van doelwitte-en nie punte nie.
WANNEER KINDERS ‘N KOSBARE VAARDIGHEID MOET AANLEER, IS KONSEKWENTE TOEPASSING VAN KARDINALE BELANG.
As dit is om huiswerk te doen; dan moet daar gereelde huiswerktyd wees. As dit is om spesifieke werksgewoontes of studievaardighede; dan is gereelde herinnering daaraan en die oefen van daardie gewoontes nodig.

Hierdie wenke het die toets van die tyd deurstaan. Kinders word nie noodwendig “slim” gebore nie; hulle lyk slim omdat hulle slim truuks geleer is en deurlopend goeie gewoontes uitleef. As ouers nie hierdie truuks en gewoontes aan hulle kinders leer nie, het hulle maar ‘n skrale kans om suksesvol te wees.
Seënwense van hart tot hart op julle belangrike taak.

Liewe Dr Roof

Ek is 15 jaar oud en sit graag my hand op my boyfriend se been in die bus.
Ons ry elke dag saam in die bus. Iemand het dit nou die dag gesien en gesê ons gaan in die moeilikheid kom as die onnies uitvind. Hoe nou? Is dit dan
verkeerd?

Baie ongelukkig
Sannie
*******************************************************

Liewe Sannie

Bly weg van jou boyfriend se been. Dit is taboe, onheilig en 'n vreeslike sonde. Nee magtig man, wat word van julle kinders deesdae? Toe ek 15 was het ons met ons fietse in die spruitjie gaan ry, mense se vensters met eiers gegooi, kaal onder die maanlig rondgehardloop en skelm gerook. Maar been vashou!  Genade ons. Dis onwettig!

Maar ek verstaan jou probleem.. Enige kind het behoefte aan liggaamlike kontak. In die goeie ou dae was dit glad nie 'n probleem nie. Lyfstraf was nog wettig, en ons het gereeld liggaamlike kontak op ons boude gehad. Toe vat die regering mos lyfstraf weg. Ek dink dit het die persoonlike kontak net vanaf skool na huis verskuif. Maar toe word dit ook onwettig. Nou wat maak mens nou? Die onnies mag nie meer aan jou vat nie, jou ouers mag nie meer aan jou vat nie. Maar vat sal daar gevat word. So nou soek jy dit op iemand se been?

Hou moed. Ander dag more is jy 16, dan kan jy sy been, sy hand, en ander dinge vashou. Maar nie nou al nie. Het jou ma-hulle nooit vir jou geleer hoe vry werk nie? Ai tog. Ouers van vandag leer nie meer hulle kinders nie.. Kom ek vertel jou.

Voor 7 bad jy saam met seuntjies
Op 8 gril jy vir seuntjies
Op 9 gril seuntjies vir jou
Op 10 giggel jy vir seuntjies
Op 11 giggel seuntjies vir jou
Op 12 giggel julle vir mekaar
Op 13 droom julle van mekaar
Op 14 sit julle langs mekaar
Op 15 maak julle oogkontak
Op 16 het julle seks
Op 17 soen julle
Op 18 hou julle hande vas
Na 18 maak jy wat jy wil. Of jy trou, of jy slaap rond, of jy begin sing en doen albei.

So wag tot jy 16 is, asb. Tot dan toe, wees geduldig en rook eerder.

Hoop dit help jou

Die uwe
Dr Roof

Afrikaans is so 'n mooi taal om in te dig!

Die Doringboom
C. Louis Leipoldt

Kyk, hier is 'n ou kameeldoring, amper kaal;
Sy blaartjies vuil en donkerbruin verbrand;
Sy stam gestrooi met geelgrys stof en sand;
Sy dorings wit as silwer, skerp as staal.
Hier staan hy nog, hoe dor die veld en skraal;
Hou stewig nog teen wind en storm sy stand—
Die oudste doringboom in ons doringboomland,
Wat reeds sy bloeityd tel vir honderdmaal.
Vir jare het hy hier sy goud gestrooi,
Die hele wêreld oor sy geur versprei,
Voor nog 'n witmens hier was of 'n pad;
Vir jare was hy bobaas hier, en mooi
Vol groen en goud: maar nou 's sy tyd verby—
'n Afgeleefde doringboom, droog en glad!

Gaan kyk na my nuwe fotografie webwerf

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Ek beskou Anna Eksteen as die koningin van Resepte eBoeke in Afrikaans. Sy het nou al 'n hele versameling van resepte eBoeke wat enige kossoort dek, en dit in Afrikaans! eResepteboeke is goedkoop en geen posgeld is betaalbaar nie, die boeke word per epos gestuur en is in 'n japtrap by jou.

Klik gerus hier en kyk na die lys van nuwe resepteboeke en bestel gerus een, of sommer 'n paar!

Of bel sommer direk vir Anna - 0822946799

 Dankie, Nandi vir die een

In Derde Laan staan 'n klein huisie met ‚’n pragtige roostuin en ‚’n groot populierboom. Dit is hier waar Theo en sy pa gebly het. Hulle het alleen daar gebly, want sy ma is jare gelede al oorlede.

Almal in die dorp het dié twee se verhouding bewonder. Theo se pa het nie een van sy rugbywedstryde misgeloop nie. Of dit nou mooiweer of stormweer was, jy kon verseker weet, Theo se pa was daar. Hy was sy seun se grootste aanhanger. Ironies, Theo het nooit in 'n wedstryd gespeel het nie; hy was altyd die reserwe. Ná elke wedstryd was sy pa se woorde: "Miskien speel jy volgende keer." Dan het sy pa altyd met sy arm om Theo se skouers daar weggestap.

Sonder enige druk van sy pa se kant, het Theo aangehou oefen en het hy altyd sy beste by elke oefening gegee. Hy het egter deur sy hele hoërskoolloopbaan die reserwebank vol gesit, want - omdat die skool klein was - het hulle net een span in sy ouderdomsgroep gehad. Maar sy pa het steeds getrou al die wedstryde bygewoon.

Dit was voor een van die laaste wedstryde in sy matriekjaar dat 'n tragedie Theo tref. Sy pa is skielik dood. Dit was vir hom 'n baie groot skok. Hy het die afrigter gevra om dié week van die oefeninge verskoon te word. Die afrigter het vir hom gesê: "Theo, neem soveel tyd as wat jy wil, want dis 'n groot verlies wat jou getref het."

Die Saterdag met die wedstryd daag Theo in sy rugbyklere by die wedstryd op. Hy gaan staan voor die afrigter en pleit-vra: "Meneer, kan ek asseblief vandag speel?" Die afrigter het gevoel dat hy met so 'n belangrike wedstryd nie kon bekostig om 'n swak speler in te span nie, maar besluit toe tog om hom te laat speel. Hy het geredeneer: Hoeveel jare lank oefen hy nou al getrou sonder om te speel en boonop is sy pa dood. Ek sal hom 'n kansgee.

Theo speel fantasties en druk selfs die wendrie. Na die tyd stap die afrigter na Theo: "Waar het jy al die tyd hierdie talent gebêre? Jy was briljant." Theo het met trane in sy oë gesê: "Meneer, my pa is in die hemel. Meneer weet hy het getrou al die wedstryde bygewoon, al was hy blind. Wel, vandag was die eerste keer dat hy my kon sien speel. Ek wou vir hom wys … ek kán speel!"

Onthou, ongeag hoe jy nou voel, iemand is trots op jou, dink aan jou, gee om vir jou en is lief vir jou.

God - en al die mense wat lief is vir jou - hou jou in liefde dop.

Regs klik hier om 'n broodresepte eBoek af te laai

Ek het 10 kaartjies gekry om weg te gee vir 'n oorsese Lotto, as jy een wil hê, stuur my 'n epos, die eerste 10 eposse wat ek ontvang kry elkeen 'n kaartjie. Al is jy nie een van die eerste 10 nie, het ek nog goeie nuus vir jou. Klik hier om jou kaartjie aan te vra.

Gaan kyk gerus na die webwerf hieronder om te sien watse wonderlike werk hierdie groep doen.

Webwerf: www.danvillehulp.co.za

Lees asseblief die nuutste nuusbrief Klik hier

Elsabé Blignaut

Huis: 012 991 3914
Sel: 082 828 2551
Epos: Elecnet@mweb.co.za

Anna Eksteen het 'n baie spesiale resepteboek vir my saamgestel "Peterjasie se Boek" - 150 keurresepte soos net Anna 'n boek kan saamstel. As jy een wil bekom, stuur my net 'n epos en ek gee jou my bankbesonderhede, Slegs R50 per eksemplaar, ek stuur dit dadelik per epos. Maak ook die ideale geskenk.

Vir navrae of inligting kontak Danette gerus by 0829236177 of stuur ’n epos na danna.smith@resbank.co.za

Boeredanskamp vir Graad 6 - 12
Die kamp is van 15 - 17 Januarie 2010 by die Voortrekker monument se piekniekterrein.
Inskrywingsvorms is beskikbaar op die Transvaal Voortrekkers se webblad:
of by Hannetjie du Toit hannetjie.dutoit@sanlam4u.co.za 084 652 8061

Ek plaas die net soos ek dit ontvang het:

deskant KleinAub had antie katrina en oom joannes jarrre ge'le'de' lank gebly. so kom die oudag , albei afgemat, klaar met die ou lebe
Sos oudergewonte sit die twee op die voorstoep en gjeel tee drink.
Ou Joannes se'a skielek: "ai my ou vrou", onsie dae raak mos min, so had ek gadenk om vergefnis te vra vor ek die ou asem uitblaas.
Ons es mos almal sondig mense' en so het ek mos misgetrap, ek had jou so par male verneuk."
die ou kerel is op sy senoewes want hy weet ou katrina se hart is erg swak.
maar so vra sy: "en hoeveel male is die verneuk".
Joannes: "ek had mos elke keer n merk op die ou val kierie gamaak".
Katrina: "nou toe laat ons sien".
So bring ou Joannes sy kierie en verbasend is die kierie van bo na onder gemeark - so te' se' ontelbaar.
Ou katrina sug net, en kyk doerie kant met haar pot blou oe' en skewe doek toe en se: neeee' wat, ek is mos ok nie n ingeltjie nie, ek had ook so dan en wan skuuns getrap.
Joannes: "ag so'? nou had jy altemit boek gehou?"
katrina: "ja, ou man, ek het elke keer so een bladsuu uut die bybel geskeur."
Joannes dink dit kan nie so earg wees nie want sy vrou is mos e godsvresende means, miskien 3 blaaie op die meeste.
Toe kom ou katrina uut met die bybel Net met die kale buite omslag.
Joannes: "my trou God katrina, sovel van n gehoerdery - vanaf Genesis tot Openbaring.!"
Oom joannes kry hartaanval op die plek

Man word gevra wat hy vir sy vrou op hul goue huweliksherenking gaan gee.
'Wel op ons silwer huweliksherdenking, het ek haar oorsee gevat, ek sal haar seker nou moet gaan haal!'
 

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

Hier is 'n brief wat in st se jongste nuusbrief verskyn het, nogal insiggewend, lees gerus:

Hel of Hotel
Geskryf deur Celeste de Vries.

Akkomodasie, oggend-, middag- en aandete, opleidingsgeleenthede, werksgeleenthede, biblioteek beskikbaar, mediese dienste en 24 uur per dag sekuriteit, alles heeltemal gratis. Jammer vir die teleurstelling, maar dit is ongelukkig nie 'n 5-ster hotel waarvan ek praat nie, dit is die tronk!

Die tronk is 'n nuwe begin vir baie mense. Dit is 'n plek waar mense soos ek en jy, maar wat die verkeerde keuses gemaak het en dan op die verkeerde pad beland het, gerehabiliteer word. Ons het 'n dag by Voorberg tronk in Porteville spandeer en dit was genoeg om enigiemand te oortuig om so ver moontlik daar weg te bly. Dit het my beslis weereens laat besef dat jy eerder uit ander se foute moet leer, want die lewe is te kort om jou eie foute te maak. Dit is nie so rooskleurig soos dit klink nie, glo my, jy wil nie daar opeindig nie, nie eers al is dit verniet nie.

'n Gekners van slotte, 'n geklingel van sleutels en geskreeu van groot staalhekke wat toegeklap word van die oggend tot die aand. 5 uur elke oggend word jy wakker gemaak, elke dag trek jy dieselfde klere aan, slegs 2 ure per dag sien jy die buitelig en die res van die dag sit jy in 'n yskoue sel saam met klomp ander gevangenes, geen privaatheid en nooit enige stilte nie. Jou lewe word 24 uur van die dag vir jou beheer. Jy kan nooit doen wat jy wil nie. Jou vryheid word totaal en al van jou ontneem. En jy gaan beslis na jou ma se kos verlang!

Dit is 'n plek waar grootmense huil en alle verhoudings opgebreek word. In die nag lê jy in jou bed en hoor 'n gesnik, maar nooit sien jy enigiemand huil nie. Dit breek verhoudinge tussen familielede en vriende op en beroof jou van alle menswaardigheid. Jy is nooit seker van jou lewe nie. Jy word gedwing om te kies om deel te wees van 'n groep, en as jy nie by 'n groep inskakel nie, is jou lewe in gevaar. Jou liggaam word misbruik en die kans is baie goed dat jy verkrag gaan word en heel moontlik MIV/ VIGS gaan opdoen.

Die ergste van alles is, enigiemand kan in die tronk beland vir die geringste dingetjie wat jy verkeerd gedoen het, van moord tot maak nie saak wie of wat jy is nie, selfs al is jy onskuldig.

Dit is hoekom dit so belangrik is om weg te bly van dinge af wat jou daar kan laat opeindig. Moenie onverantwoordelike dinge doen net om jou vriende gelukkig te maak en om "in" te wees by die groep nie. As jou vriende nie jou besluit wil respekteer om jou van iets te weerhou nie dan is hulle nie jou vriende nie. As daar een bitter belangrike les is wat ek geleer het, is dit om die regte vriende te kies. Moenie deurmekaar raak met verkeerde vriende en dan in die tonk opeindig net omdat jy hulle wou beïndruk nie. Die tronk is nie kinderspeletjies nie, jy wil nie daar beland nie. Jou vriende gaan jou nie uit die tronk uit hou nie. Hulle gaan beslis ook nie daar wees om jou te help nie. So hou op om jou te bekommer oor wat jou vriende van jou dink en bly liewer op die regte pad. As jy jou verkeerde vriende los dan sal die Here goeie vriende oor jou pad stuur.

Bly so ver as moontlik van die tronk af weg, geniet elke dag van jou vryheid, kies die regte vriende, los alkohol en dwelms uit en luister vir jou ouers. Sorg dat jy altyd 'n droom het wat jy kan navolg om jou op die regte pad te hou. Indien jy nog nie oortuig is nie, gaan besoek self die tronk en jou oë sal oopgaan. Of jy dit wil glo of nie, dit is 'n realiteit van die lewe. Onthou maar net, die tronk is hel en nie 'n hotel nie.


Jy kan inteken op hierdie nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

Feeste

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier
 

VLAKVARKWORS

25 ml Heel koljander, geskroei, gemaal en gesif
1.5kg Vlakvark, sonder Bene en senings, in blokkies gesny
750g Spek, in blokkies gesny
60ml Sout
10ml Vars gemaalde swartpeper
5ml Speserymengsel (Resep: 60ml witpeper, 5ml gemaalde naeltjies, 15ml vars gemaalde gemmer, 15ml vars gerasperde neutmuskaat alles gemeng)
5ml Suiker Knypie Salpeter
1-2 Knoffelhuisies, fyngemaak
2 Salotte, fyn gekap
80g Skaapderms

Geur vleis- en spekblokkies met geurmiddels en speserye, bedek en laat oornag in yskas staan om geur te trek. MaaI baie grof, voeg knoffel en salotte by en maal nog ‘n keer, effens fyner.
Stop vleismengsel in derms en draai in 120-mm-lengtes. Laat 12 uur by kamertemperatuur hang of gebruik ‘n elektriese waaier. Berook liggies tot goudbruin.
Prut 10 minute in water voor opdiening. Sit met ‘n suurkoolgereg of warm aartappelslaai voor.

VLAKVARK-PEUSELWORSIES

1.5kg Vlakvark, sonder Bene en senings, in blokkies gesny
750g Spek, in blokkies gesny
70ml sout
10ml Vars gemaalde witpeper
5ml Speserymengsel (Resep: 60ml witpeper, 5ml gemaalde naeltjies, 15ml vars
gemaalde gemmer, 15ml vars gerasperde neutmuskaat alles gemeng)
5ml Bruinsuiker Knypie salpeter
60ml Komynsaad, gerooster en fyn gestamp (opsioneel)
20ml Vars gesnipperde OF 10ml droë salie 1 Knoffelhuisie, fyngemaak (opsioneel)
90g Skaapderms

Meng vleis- en spekblokkies met oorblywende bestanddele, bedek en laat oornag in yskas om geur te trek. Maal vleismengsel grof en stop in 75-mm lengtes.
Doop worsies ‘n paar sekondes in kokende water. Verf ‘n bietjie gesmelte botter oor en braai, rooster of posjeer 10 minute in water. Druk op ‘n vadoek droog.
Wenk: Die worsies kan agterna weer verhit word en sal veral lekker smaak as dit in tamatiesous verhit word.

CABANOSSI

3.5kg Wildsvleis, sonder Bene en senings, in repe gesny
3 kg Maer beesvleis, sonder Bene en senings, in repe gesny
1 pak Cabanossi-speserye
1kg ys, Fyngemaal
5kg Spek, in blokkies gesny
400g Derms

Verkoel wilds-en beesvleisrepe tot naby vriespunt, maal fyn en meng met speserye en fyn ys. Maal varkvleis en spekblokkies effens growwer, voeg by wildsvleis mengsel en meng liggies maar deeglik. Stop vleismengsel in derm met deunsnee van sowat 25mm en laat oornag hang om af te droog, of gebruik ‘n elektriese waaier. Berook die volgende dag 2 uur lank, droog soos droëwors, bewaar soos wildsvleis-chorizo, gebruik net so of vries.
?COUNTRY GRILLED WILDSVLEIS

6 Wildsvleis tjops
50ml olie
15ml Suurlemoensap
80ml Medium Cream Sherry
125ml kweper jellie
1 knoffelhuise gekneus
2ml droë tiemie
5ml sout
Swart peper

Meng knoffel, tiemie, olie en suurlemoensap en marineer vleis vir 2 ure. Braai oor kole of rooster vir 15 min. en gooi sout en peper op. Kan ook in oond gebak word. Sprinkel met sjerrie en bedien met kweper jellie.

WILDSVLEIS-SALAMI

2kg Wildsvleis, sonder Bene en senings, in 50-mm blokkies gesny
1.75kg Varkvleis, sonder Bene en senings, in 50-mm blokkies gesny
2 Knoffelhuisies, fyngemaak
20ml Sout
10ml Vars gemaalde swartpeper
10ml Salpeter
125ml Droë rooiwyn
750g Spek in 3mm blokkies gesny
Salami omhulsel, 50mm in deursnee

Meng vleisblokkies met al die geurmiddels, behalwe die wyn en spek.
Maal grof en voeg die wyn by. Meng liggies maar deeglik en maal nog ‘n keer. Voeg gesnyde spekblokkies by. Stop omhulsel baie styf en bind met tou vas. Laat twaalf uur hang om geur te trek en omhulsel te laat droog word.
Berook vier uur en hang tien dae lank op ‘n koel plek om droog te word.

GEVLINDERDE SPRINGBOKBOUD

(8 porsies. Moet nie te gaar gebraai word nie, anders sal dit droog wees. Dit moet nog pienk in die middel wees.)
1 Springbokboud, ontbeen en gevlinder 200 g spek, in repies gesny

Marinade:
750ml (1 bottel) Droë wit wyn
50 ml Asyn
150 ml Olyfolie
5ml Vars gekapte orego
10ml Vars gekapte roosmaryn
2 Knoffelhuisies, fyngemaak
2 Lourierblare
20 Swartpeperkorrels, gestamp

Vlek die dik dele van die boud oop en stop met spek. Meng al die bestanddele vir die marinade en laat vleis twee tot drie dae in die koelkas marineer. Geur die vleis met sout en pe per en braai sowat 20 minute aan elke kant oor warm kole. Bedruip gereeld met marinade.

SPRINGBOKFILET

1 Springbokrugstring, in die vel gehang voor dit uitgesny is.
Marinade:
1 Groot ui, in skywe gesny en in ringe getrek
2 Lourierblare
4 Takkies pietersielie, fyn gekap
5ml Vars gekapte tiemie
50 ml Olie
15ml Worcestersous
15 ml Korrelmosterd
50ml Asyn
Vars gemaalde swartpeper
8 swart peperkorrels

Kook die marinade 30 minute, laat dit koud word en marineer rugstring vir enigiets van vier uur tot twee, drie dae. Verwyder vleis, droog goed af, geur met sout en peper.
Braai sowat tien minute aan elke kant oor warm kole tot die vleis ‘n ligroos kleur kry.

SPRINGBOKLEWER IN NETVET

(16 porsies)
Was die vars geslagte lewer in koue water en trek die dun vliesie af. As dit ‘n ouer dier is, week die lewer 30 minute in karringmelk. Sny dit in repies. Week die netvet in lou soutwater met ‘n lepel asyn in. Sny netvet in vierkante, draai die lewer daarin toe en braai oor stadige kole sodat die vet stadig smelt. As die kole te warm is, smelt die vet nie reg nie. Pas op vir te lank braai.

GESTOPTE ELANDFILET

(8 porsies)
1 Elandfilet
Marinade:
250ml Olie
125ml Asyn
10ml Sout
10ml Worcestersous
10ml Tamatiesous
1 Knoffelhuisie, fyngemaak
10 ml Gerasperde ui
10 Vars roosmarynblare
Vulsel:
250g Varkspek, in blokkies gesny
250g Sampioene, afgevee en fyn gekap
1 Ui, fyn gekap
30g (30 ml) Botter
Sout en vars gemaalde swartpeper
5ml Droë gemengde kruie
50ml Gerasperde Parmesaan kaas
200ml Gerasperde goed beleë Cheddarkaas
3 Snye brood, korsies afgesny en gekrummel Wit muskadel

Maak met ‘n slypstaal ‘n holte deur die lengte van die filet. Gebruik ‘n smallemmes en hol effens uit.
Marinade: Kook al die bestanddele vir die marinade, laat dit koud word en marineer filet sowat 30 minute. Verwyder uit marinade.
VuIsel: Braai spek, samploene en uie in die botter tot die uie sag is en al die vloeistof verdamp het. Geur met sout, peper en kruie. Verwyder van hitte en meng met die kase en krummels. Klam met ‘n bietjie muskadel aan, maar moet dit nie te nat maak nie.
Stop filet met vulsel, geur met sout en peper en braai oor kole.

SPRINGBOKPOTJIE

(6 porsies)
1 Springboknek, in skywe gesaag
1 Springbokblad, ontbeen en in blokkies gesny
500g Swoerdlose spekvleis, gesnipper
1 Blikkie (340 ml) bier
Sout en peper
5ml Fyn naeltjies
10ml Fyn gerasperde neutmuskaat
250ml Asyn
30 ml Worcestersous
80ml Rooiwyn
80ml Tamatiesous
80ml Vrugteblatjang
500g Aartappels, geskrop
350g Murgpampoentjies, in skyfies gesny
250g Wortels, geskraap
250g Sampioene, afgevee

Smoor nek, blad, die helfte van die uie en die varkspek vir 1½ uur in ‘n ysterpot. Voeg die res van die uie by, asook die knoffel en spekvleis. Roer een of twee maal deur totdat die meeste van die vet uitgebraai is. Voeg die bier by , geur met sout en peper en voeg die res van die bestanddele - behalwe die murgpampoentjies, wortels en sampioene by. Bedek en smoor tot vleis byna sag is. Voeg die orige groente by, geur met sout en peper en prut nog 20 minute.

Van die S A Jagters- en Wildbewaringsvereniging, Elandtak, Alberton se resepte eboek

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.