Ek staan op vir Afrikaans!

Welkom aan alle nuwe intekenare!

Hierdie keer het ek twee aflaaibare resepte eBoeke, een met Tertresepte en die ander het Kleinkoekieresepte, net in tyd vir die Feesegety.

Hierdie sal die laaste Patriot vir 2009 wees. Desember gaan nogal besig wees, ons kry besoekers van Engeland en ek gaan hulle bekendstel aan Kruger Park, biltong, pannekoek, boerewors, koeksisters, bobotie en nog 'n hele klomp ander goed. Oor Kersfees gaan ons kamp by Rustenburg kloof (23 tot 28ste), so as nog van julle daar gaan wee, laat my weet seblief

Dan wil ek ook net vir al julle intekenare 'n Geseënde Kersfees en Voorspoedige 2010 toewens. En ry tog asseblief versigtig as julle in die vaksnsie op die pad gaan wees.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Wil jy dalk GROOT droom? Vat 'n kans op die UK Lotto of een van die ander Europese Loterye. Die een het 'n groter boerpot as die ander! Die minimum boerpot is R45 miljoen, sommer gereeld R75 miljoen en hoër! Dis heeltemal veilig om te speel, onthou, jy kan nie wen as jy nie 'n kaartjie het nie! Klik hier  en droom Groot! Die Powerball Lotto is tans $150 miljoen, dis 'n stewige R1,050,000,000!!!

En onthou tog om my besoekersboek te teken? Hy was vir 'n hele tydjie aflyn maar is nou weer terug.

Moet nooit vergeet nie........

Een van die hoofdoelstellings van my webwerf en nuusbrief is om Afrikaans te bevorder. Hier is nog 'n besonderse manier, kinderstories op CD.

STORIEKLUB lede ontvang 2 nuwe storie cds elke maand! Versamel al 48 CDs oor 2 jaar, of kanselleer jou lidmaatskap wanneer jy wil (minimum lidmaatskap-periode van 3 maande). Laai die intekenvorm af en betaal met gerieflike maandelikse debietorders.

As jy dalk sou belangstel, klik net hier.

Regs klik hier om 'n skermbeeld vir jou rekenaar af te laai, dis 'n foto wat ek by Hole in the Wall geneem het.

Alles wat jy wil weet oor Boeremusiek.

Hierdie is die webblad van Kalie de Jager en is spesifiek daarop toegespits om die Versameling...Bewaring...en Uitbouing...van Boeremusiek aan te spreek.

Klik hier om sy webblad te besoek.

Gysie Meyer

Ekke is ook op Facebook, as jy dalk 'n Facebook profiel het en by myne wil aansluit, klik net hier. Hoe meer siele hoe meer vreugde. My Facebook eposadres is peter@funkymunky.co.za

Mirna is ‘n opvoedkundige sielkundige in Stellenbosch. Sy het onderwys gegee by verskeie skole, o.a. Hoërskool Stellenbosch, Hoër Meisieskool Bloemhof en Jan Krielskool vir leerders met hindernisse tot leer. Sy is ‘n ma, lief vir die kunste, die see en kinders. Jy is welkom om kommentaar en vrae te stuur na mirnafvanwyk@gmail.com

Kindermishandeling is tans weer baie in die kollig: seksuele, fisiese en emosionele mishandeling. Maar daar is een soort mishandeling wat oral in die land plaasvind (selfs in jou huis) wat ek nog niemand oor hoor praat het nie-“materiële mishandeling” of ook bekend as ”die-gee-van-stuff”.
Ek sien dit so gereeld in my praktyk: studente wat rondval met geen dryf, ambisie of sin in die lewe nie, soekend na konsekwente liefde en geborgenheid op al die verkeerde plekke-seks, dwelms en partytjies. Volwassenes wat verslaaf is aan plastiese snykunde, intenet pornografie, prostitute, sigarette, dieëte, drank en werk slegs om ‘n hol kol êrens in hulle siele te vul. Oral is daar die versmagting na MEER en omdat menslike verhouding soveel energie vra-kry hulle dit maklik in KOOP van “stuff”.
En omdat die ouers gedryf word deur “stuff”, is dit vir hulle makliker wanneer hulle kind na tyd en menslike kontak, gesels en intieme verhoudings smag –hulle te paai met die koop van meer “stuff”. En so begin die bose kringloop van geslag tot geslag.
Ek sien dit veral in welvarende families maar ek sien dit ook in enkel ouer- en probleemgesinne waar emosionele moegheid, bekommernis en skuldgevoelens ouers dryf om maar liewers te koop as om eerlikheid, tyd en emosionele energie te gee om aan hulle kinders se behoeftes te probeer voldoen. Dit kan wissel van die koop van gemorskos tot die nuutste elektroniese speelgoed. Wat leer ons kinders en gesinne uit hierdie lewenstyl? Dat “stuff” emosionele behoeftes (tydelik)kan vervul?
Ek sal nooit die raad van Suster Lillian, ons plaaslike borsvoeding-en geboorte ghoeroe vergeet nie: “’n baba kan in ‘n ou laai as ‘n bedjie en tweedhandse kleertjies groot gemaak word en gelukkig wees, maar as hy nie gereelde menslike kontak, liefdevolle aanraking en kreatiewe spel beleef nie, maak jy ‘n sielsieke kind groot”. Baie kras-maar daar is besliste navorsing wat elkeen van haar stellings bevestig.
En nou is dit op die vooraand van die grootste tyd van “materiële mishandeling”: Kersfees. Nogal ironies, nê? Gaan jy maar net gee? En gee? En nogmaals toegee?
Of gaan jy jou eie tyd gee deur na te dink, na te vors, te beplan hoe om volgende jaar van jouself en jou tyd aan jou kinders te gee? Om geskenkies te maak saam met jou kinders, in plaas van om te koop? Om saam met jou kinders ‘n tiende van julle Kersfees- inkopies aan die armes en minderbevoorregtes te gee? Om in plaas van kosmaak die heel tyd, of voor die televisie lê-te gaan stap of plant of bak of maak of speel SAAM met jou kinders? Met geduld en konsekwentheid waardes en gewoontes aan jou kinders te leer wat die mensdom en die planeet tot voordeel sal strek?
Dan gee jy die GROOTSTE GESKENK-waarvan Jesus ons voorbeeld was: dan gee jy liefde-in-aksie, dan gee jy jouself.
Seëngroete van hart tot hart.

Hier is paar "anderste" Boererate met tong-in-die-kies kommentaar van my kant af:

BLOEDVINTE…Wanneer die bloedvinte ryp is..dan moet jy die pitte uitdruk en na ‘n miershoop neem. Sit dit waar die miere werk…en soos die miere die pitte wegdra…dan word die bloedvint gesond. (Ek is in die stad, waar kry ek 'n miershoop?)

BRAND…Brandwonde - sit gansmis op die brandplek (Ganse is maar skaars hier)

BRAND…Smeer sommer gou bietjie moskonfyt op die brandplekke. (Nog nooit! Mens mors nie so met moskonfyt nie!)

BRAND…Strooi kalk baie dik oor die brandwonde….dit sal verhoed dat blase vorm en sal genesing help. (Wat??? O, ek sien dis KALK!)

BRAND…Vat bietjie beesmis en voeg bietjie asyn by en meng deurmekaar en sit op ou lappie en sit op brandplek. Dit trek die brand uit en verhoed dat blasies vorm. (Aha, hier kom dis mis nou in die prentjie)

BREUK…Breuk by kind, klowe 'n wilgerboom en trek kind daardeur. (As die kind anderkant uitkom is die breuk die minste van sy probleme)

BREUK…Die kind moet so gou moontlik in ‘n warm bad gesit word. Lig sy bene hoër as sy kop en druk die breuk dan terug. Draai ‘n pennie of halfkroon toe met watte en sit op die breukplek en bind baie styf vas. Moenie dat die kind huil nie…ander spring die breuk weer uit. (Wonder of ons huidige gels ook sal werk?)

BREUK…Laat die persoon met die breuk wanneer dit groeityd is… onder ‘n perskeboom sit. Maak nou ‘n driekantige winkelhaak in die stam en skeur ‘n stuk bas los. Neem ‘n stukkie skoon watte en vryf die breuk warm…en sit nou die watte tussen die bas en die stam en bind stewig vas. Die breuk sal nou aan die boom vorm.(En dan kry ons gekrokte perskes?)

Zalome, wat nou in Amerika woon, bevorder ook Afrikaans op die net, klik hier om vir haar 'n epos te stuur, vra dan sommer ook besonderhede oor haar briewe wat sy uitstuur. Kom ons ondersteun haar ook! Dit kan net goed wees vir Afrikaans. Hoe meer mense 'n passie het vir Afrikaans en dit op die internet wil bevorder hoe beter vir ons mooi taal.

Elke eerste keer registreerder kwalifiseer vir 'n gratis kaartjie in een van die groot oorsese Lotto trekkings, as jy dus nog NIE voorheen geregstreer het nie, gaan as volg te werk:

Om te begin, gaan na:

http://ads.playukinternet.com/tracking/go/urlid/345/afftxtid/48/affid/343

Nou moet jy eers registreer, klik Register/Registreer
Vul die vorm in.
Jy sal ‘n epos ontvang waarop jy moet bevestig.
Nou is jy geregistreer en kan begin speel.

Gaan weer na die skakel hierbo, klik op Sign in/ Teken in
Klik dan aan die regterkant op Account Balance/Rekening Saldo en jy sal sien in watter Lotto jy ‘n gratis kaartjie of “voucher” het. As daar nog niks wys nie, byt net vas, hulle laai elke voucher met die hand.
As jy dan een ry op daardie Lotto speel sal jy sien dat jy niks verskuldig is nie.
Jy sal die dag na die trekking ‘n epos ontvang met die nommers wat getrek was asook jou nommers.

Afrikaans is so 'n mooi taal om in te dig!

Vryheidslied
Jan F E Celliers

Vrome vad're fier en groot!
Deur vervolging, ramp en nood,
was hul leuse, tot die dood:
Vryheid! Vryheid!

Erfnis van hul moed en trou
is die grond waar ons op bou.
Juigend tot die hemelblou:
Vryheid! Vryheid!

Ere wie die dood mag lei
om te rus aan hulle sy,
met die sterwenswoord te skei:
Vryheid! Vryheid!

Op dan, broers en druk hul spoor,
voorwaarts, broers, die vaandel voor,
laat die veld ons krygsroep hoor:
Vryheid! Vryheid!

Woes geweld mag hoogty hou,
kettings mag ons lede knou,
maar die leuse bly ons trou:
Vryheid! Vryheid!

Jukke mag vir slawe wees,
manneharte ken geen vrees,
duld geen boei vir lyf of gees:
Vryheid! Vryheid!

Gaan kyk na my nuwe fotografie webwerf

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Ek beskou Anna Eksteen as die koningin van Resepte eBoeke in Afrikaans. Sy het nou al 'n hele versameling van resepte eBoeke wat enige kossoort dek, en dit in Afrikaans! eResepteboeke is goedkoop en geen posgeld is betaalbaar nie, die boeke word per epos gestuur en is in 'n japtrap by jou.

Klik gerus hier en kyk na die lys van nuwe resepteboeke en bestel gerus een, of sommer 'n paar!

Of bel sommer direk vir Anna - 0822946799

Hier is iets wat werk, jy word nie oornag ryk nie, maar oor 'n tydjie sal dit vir jou ekstra inkomste inbring, al wat dit jou gaan kos is 'n geringe maandelikse fooi. Dis nie 'n foefie nie, ek het ingeteken en ek kry elke maand 'n krediet in my rekening, so dit kos my niks. Klik hier vir meer besonderhede

Rol af na die Resepteafdeling hieronder.

Gaan kyk gerus na die webwerf hieronder om te sien watse wonderlike werk hierdie groep doen.

Webwerf: www.danvillehulp.co.za

Lees asseblief die nuutste nuusbrief Klik hier

Elsabé Blignaut

Huis: 012 991 3914
Sel: 082 828 2551
Epos: Elecnet@mweb.co.za

Anna Eksteen het 'n baie spesiale resepteboek vir my saamgestel "Peterjasie se Boek" - 150 keurresepte soos net Anna 'n boek kan saamstel. As jy een wil bekom, stuur my net 'n epos en ek gee jou my bankbesonderhede, Slegs R50 per eksemplaar, ek stuur dit dadelik per epos. Maak ook die ideale geskenk.

Vir navrae of inligting kontak Danette gerus by 0829236177 of stuur ’n epos na danna.smith@resbank.co.za

Boeredanskamp vir Graad 6 - 12
Die kamp is van 15 - 17 Januarie 2010 by die Voortrekker monument se piekniekterrein.
Inskrywingsvorms is beskikbaar op die Transvaal Voortrekkers se webblad:
of by Hannetjie du Toit hannetjie.dutoit@sanlam4u.co.za 084 652 8061

Ek kry hierdie in my epos, weet nie wie dit geskryf het nie, maar ek deel dit hier: (klink vir my al te veel na Nataniël)

Vanoggend terwyl ek (minding my own business-as men normally do) op die snelweg ry, kyk ek oor my skouer en sien 'n vrou hier langs my ... in 'n splinternuwe Polo, met haar gesig tot teenaan die tru-spieëltjie gedruk, besig om maskara aan te sit.

Kan jy dit glo?

Ek het net vir 'n paar sekondes weggekyk, maar toe ek my weer kon kry, is sy halfpad oor in my baan, nog steeds besig met haar blerrie maskara.

Nou kyk, as 'n man skrik ek normaalweg nie maklik nie. Maar die vroumens het my so die horries gegee dat ek my elektriese skeermes uit my hand laat val het, wat op sy beurt die "Steak & Kidney pie" uit my ander hand laat glip het en 'n gemors op die "gearlever" laat los het.
In die hele deurmekaarspul - terwyl ek die kar probeer stuur met my knieë -glip die selfoon toe weg van my oor, drop in die vuurwarm Wimpy koffie tussen my bene, verbrand vir grootseun en die tweeling dat ek gil van pyn en natuurlik my sigaret voor in my hemp laat val.

Die gevolg: my selfoon in sy maai, my broek papnat, my nasaat masjien uit aksie vir wie weet hoe lank, my beste hemp vol gate gebrand en ek het boonop 'n belangrike oorsese oproep verloor.

Blerrie vroumens-bestuurders.....................

Die vliegtuig het sy topsnelheid bereik, en die kaptein kondig aan: "Welkom aan boord vlug 293 van Johannesburg na Kaapstad. Die weer op ons pad lyk goed. Sit gerus terug en geniet die vlug saam . . . O, FLIPPEN....HEL...

Stilte volg. 'n Paar sekondes later praat die kaptein weer.

"Dames en here, ek is jammer as julle geskrik het, maar ek het per abuis warm koffie op my skoot gemors. Julle moet sien hoe lyk my broek se voorkant!"

Dis toe dat een van die passasiers vir hom skree: "Het jy enige idee hoe lyk my broek se agterkant?"
 

Nuusbrief argiewe

As jy dalk nog baie resepte wil hê, gaan kyk in die argiewe, elke nuusbrief bevat resepte en meeste van hulle het ook nog gratis aflaaibare resepte eBoeke.

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

Twaalf eienskappe om na te streef

Meeste van ons streef daarna om onsself te verbeter. Ons almal maak egter foute, doen verkeerde dinge, en as ons beroemd is laat dit ons koerante beland. Ons maak soms dom besluite en tree verkeerd op. Ja, dis maklik om in die slaggate van die lewe te val, maar is daar iewers riglyne vir jou om van jouself 'n beter mens te maak? Watter karaktertrekke kan ek navolg in die soeke om my as persoon te ontwikkel en groei as mens te ervaar?

Wel, die raad en advies sal sekerlik verskil afhangende van wie dit gee. Menings sal dus hieroor wissel, maar ek het twaalf eienskappe geneem uit die Handleiding van die Mens wat ek reken vir ons 'n goeie koers aandui:

1. Bied vergifnis: Wanneer jy onreg en onregverdigheid ervaar het, is dit moeilik om die persoon te vergewe wat jou dit aangedoen het. Soveel mense loop deur die lewe, vir jare, met 'n bitterheid en kwaadheid in hulle harte en siele oor die leed wat hulle aangedoen is. Maak jou egter los daarvan, vergewe die persoon wat teen jou oortree het, en beweeg aan met jou lewe. Kolossense 3:13: "Verdra mekaar en vergewe mekaar as die een teen die ander 'n klag het; soos Christus julle vergeef het, so moet julle ook doen." Moenie gaan wraak soek en in koerante jou vyande aanval of in beswadderinge betrokke raak nie. Vergeef die wat teen jou gesondig het en stap aan, vorentoe, na jou bestemming toe, sonder om terug te kyk.

2. Moenie gierig lewe nie: Ons leef in 'n tyd waar 'n mens se sukses (en ook jou oorlewing) in terme van geld bereken word. So baie dinge draai om geld. Jy werk vir 'n salaristjek, vir kommissie, jy kyk of jy geld het om dinge te kan bekostig, jy maak voorsiening vir jou oudag, wanneer jy op vakansie gaan bereken jy eers hoeveel dit gaan kos. Ja, amper alles draai maar om geld of die tekort aan geld. Maar daar is belangriker dinge as geld. Kolossense 3:1-2 en 5: "Soek die dinge daarbo waar Christus is en aan die regterhand van God sit. Bedink die dinge wat daarbo is, nie wat op die aarde is nie... maak dood dan julle lede wat op die aarde is, naamlik... slegte begeertes en gierigheid." Daar staan ook geskrywe in I Timótheüs 5:9: "Maar die wat ryk wil word, val in versoeking en strikke en baie dwase en skadelike begeerlikhede wat die mense laat wegsink in verderf en ondergang." Let wel, ek sê nie jy moet soos 'n armoedige lewe nie, en nie jou finansiële beplanning doen en voorsiening maak nie. Maar daar is 'n besliste waarskuwing teen gierigheid, want gierigheid was al baie mense tot val en ondergang.

3. Bid gereeld: 'n Besondere eienskap en voorreg is om te kan bid. Om gereeld elke dag te kan bid. Gebed bied aan jou die geleentheid om met die Skepper van die heelal te kommunikeer. Doen dit, sonder ophou. Kolossense 4:2: "Volhard in die gebed en waak daarin met danksegging."

4. Fokus op die ewige lewe: Ons leef op aarde, leef met ons geliefdes, ons doen ons werk en geniet ons sport, ons kyk televisie, en ons eet en drink asof ons vir altyd hier op aarde sal lewe. Partykeer leef ons asof ons nie sal sterwe nie. Die meeste mense wat hierdie nuusbrief nou lees, sal waarskynlik oor vyftig jaar dood wees. Daarom help dit nie om so vreeslik te fokus net op die kort tydjie hier op aarde en skoon te vergeet van die ewige tyd hierna nie. Filippense 3:20: "Want ons burgerskap is in die hemele..." Daar staan ook geskrywe in I Timótheüs 5:12: "Stry die goeie stryd van die geloof, gryp na die ewige lewe, waartoe jy geroep is..."

5. Leef met blydskap: Die lewe druk ons, daar is baie trane en verdriet, doodslag en wreedheid, korrupsie en onbevoegdheid, moordenaars wat wegkom, onregverdigheid, wanhoop op die toekoms. Ja, ons leef inderdaad in moeilike tye. Jy kan toelaat dat die dinge vir jou te veel raak, jy kan in depressie verval, in spanning leef en stuurs en negatief na die lewe kyk. Maar jy kan egter ook met 'n blydskap en positiwiteit lewe - dit is 'n keuse wat jy maak. Filippense 4:4: "Verbly julle altyd in die Here; ek herhaal: Verbly julle!"

6. Moenie slegte dinge doen nie: Lewe 'n goeie lewe, doen die regte dinge en vermy om verkeerde dinge te doen. Dikwels is dit juis die verkeerde keuses en handelinge wat veroorsaak dat ons in 'n verknorsing beland en dan kla ons oor die noodlot wat teen ons is. Kolossense 4: 8: "Maar nou moet julle ook dit alles aflê, naamlik toorn, woede, boosheid, laster, skandelike taal uit julle mond."

7. Leef rustig: Die wêreld waarin ons lewe is 'n deurmekaar gejaagde lewe. Ons woeker voort, bemoei ons te veel met ander mense se sake, verlustig ons in die sogenaamde helde se penaries en kaskenades en spandeer ons dae met nuttelose plesier en 'n gejaag. Hou op om rond te hardloop en ander te beïndruk. Wees eerder rustig en kalm in wat jy doen, fokus op die goeie vir jou lewe, en arbeid getrou in jou roeping. I Thessalonicense 4:11: "...en julle eer daarin te stel om rustig te lewe en julle eie sake te behartig, en met julle eie hande te werk."

8. Wees goed vir jou naaste: Ons is dikwels so besig met ons eie lewe, met ons werk en met ons plesier dat ons die arme miskyk, die omsien na die behoeftiges nalaat. Jy het egter 'n taak en opdrag om ook na die arme, die weduwee en die wees, die man in sy nood en ellende, raak te sien en 'n helpende hand uit te steek. I Thessalonicense 5:11: "Daarom, bemoedig mekaar en bou die een die ander op, soos julle ook doen." Salomo het ook gesê (Spreuke 14:31): "Wie die geringe verdruk, versmaad sy Maker, maar hy wat hom oor die behoeftige ontferm, eer Hom."

9. Wees 'n lewende voorbeeld: Hierdie is 'n moeilike een. Ons almal maak foute en dikwels besef ons nie die impak van ons voorbeeld op ander mense nie. Ons woorde en dade, ons voorbeeld, beïnvloed ons vriende, ons eggenote, ons kinders en die mense rondom ons. Titus 2:7: "Betoon jou in alles 'n voorbeeld van goeie werke, met onvervalstheid in die leer, waardigheid, opregtheid."

10. Leef ingetoë: Die HAT het die volgende beskrywing van ingetoë: "Wat hom onthou van uitspattighede; vry van buitensporighede; besadig, gematig, stemmig... op 'n gematigde, beheerste, ingetoë wyse." Mense wil dikwels met uitspattighede die samelewing te skok, met doen en late wys hulle is baas, en met hulle rebelsheid die aandag op hulle vestig en om 'n punt te bewys. Met luide en harde geskreeu, met gebare en geswaai van arms, met luukse motors en duur huise, wil hulle ander mense beïndruk. Wees eerder ingetoë, nederig en gefokus op jou roeping. Hiermee sê ek nie dat jy jou kop soos 'n skilpad in sy dop moet terugtrek nie, sê ek nie dat jy nie moet opstaan vir dit wat reg is nie, sê ek nie jy moet nie jou talente uitleef nie, sê ek nie dat jy nie leierskap op jou moet neem nie. Wat ek wel lees is dat jy dit alleskan doen en steeds ingetoë kan wees. Wat ek ook weet: baie mense het hierdie prinsiep geminag en daardeur 'n bespotting geword of 'n gat vir hulself gegrawe. Hou maar net die koerante dop en jy sal voorbeelde vind. Titus 2: "Die ou manne moet nugter wees, waardig, ingetoë... die ou vroue moet ook in hulle gedrag wees soos heiliges betaam... sodat hulle die jong vroue kan leer om versigtig te wees, hulle mans en kinders lief te hê, ingetoë te wees... vermaan die jong manne net so om ingetoë te wees." Die wyse Salomo het gesê (Spreuke 17:27): "Wie sy woorde inhou, besit kennis; en hy wat kalm is van gees, is 'n man van verstand."

11. Doen wat reg is: Makliker gesê as gedoen, maar kies die eerlike opsie, die eerbare weg. Staan by jou beginsels al kos dit jou ook geld en aansien. Salomo het gesê (Spreuke 16:8): "Liewer 'n bietjie met geregtigheid, as 'n menigte van inkomste met onreg." Dus my liewe vriend, d oen wat reg is en verkry vrede in jou hart en siel.

12. Moenie in stryery betrokke raak nie: Staan jou man, sê jou sê, mag waar wees en jy behoort dit ook so te doen. Stel dus jou saak en hoe jy dinge insien. Dis egter nie nodig om 'n uitgerekte argument betrokke te raak nie. Elkeen is immers geregtig op sy eie menig. Soveel byeenkomste is bederf met 'n nuttelose argumentasie. Soveel gesinne leef met stukkende bande as gevolg van rusies. Soveel geskeurde verhoudinge as gevolg van twis. Salomo het gesê (Spreuke 20:3): "Dit is 'n eer vir 'n man om van twis weg te bly, maar elke sot breek los."

Daar is sekerlik veel meer punte en beginsels wat belangrik is. Die uitnodiging is daar vir jou om dit self te gaan opsoek in die Bybel. Gaan doen navorsing, lees hieroor na en beywer jou om elke dag meer en meer die mens te word wat God wil hê jy moet wees.

'n Sprankie wysheid vir die dag
"Die vrees van die Here is die beginsel van kennis; sotte verag wysheid en tug." -Spreuke 1:7 -

Jy kan inteken op hierdie nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

Feeste

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier
 

Hier so skuins voor die Feesseisoen is dit tyd vir koekies en terte, hier is twee handige resepteboeke. Ek gaan nie die resepte en vir een weergee nie, laai maar self die eBoeke af en geniet die voorbereidings!

Regs klik hier om 'n eBoek met Kleinkoekie resepte af te laai

Regs klik hier om 'n eBoek met Tertresepte af te laai.
 

Kletskous
Ons nooi almal hartlik uit om te kom klets by www.kletskous.co.za Ons het veral 'n groot tekort aan aandkletsers. Almal wat Afrikaans kan praat is baie welkom ons sien graag nuwe gesiggies in die kamer. Groete Moggy

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.