Ek staan op vir Afrikaans!

Welkom aan alle nuwe intekenare!  Daar is 'n lekker pasella om te gaan aflaai ondertoe.

Ons kom sopas terug van 'n lekker rondry vakansie, ons was onder andere by Laingsburg, Kagga Kamma, Sutherland (brrrr) garies, Pofadder en die Kgalagadi Oorgrenspark. Enigste plek waar ons blomme gesien het was by Skilpad in die Namaqua Nasionale Park. Hieronder is skakels om na die fotos te gaan kyk:

Kagga Album - http://www.facebook.com/album.php?aid=243611&id=741597237&l=be31067162

Sutherland - http://www.facebook.com/album.php?aid=243617&id=741597237&l=ff5500408e

Wildflowers - http://www.facebook.com/album.php?aid=243618&id=741597237&l=7dd7ded05a

Kgalagadi - http://www.facebook.com/album.php?aid=243620&id=741597237&l=be1fcce6bc

Kry inligting oor al die Currie beker en Bokke se wedstryde hierdie jaar. Loot Eksteen het dit mooi saamgevat, gaan kyk ondertoe en laai dit vir jou af.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Custom Search

Wil jy dalk GROOT droom? Vat 'n kans op die UK Lotto of een van die ander Europese Loterye. Die een het 'n groter boerpot as die ander! Die minimum boerpot is R45 miljoen, sommer gereeld R75 miljoen en hoër! Dis heeltemal veilig om te speel, onthou, jy kan nie wen as jy nie 'n kaartjie het nie! Klik hier  en droom Groot! Die Powerball Lotto is tans $150 miljoen, dis 'n stewige R1,050,000,000!!!

En onthou tog om my besoekersboek te teken? Hy was vir 'n hele tydjie aflyn maar is nou weer terug.

Dames - As jy per ongeluk te veel sout by 'n dis gegooi het terwyl dit nog kook, gooi 'n geskilde aartappel by, die sout sal opgetrek word.
Regte Vrouens - As jy te veel sout bygevoeg het, is dit 'n jammerte. Ek het dit gemaak en jy SAL dit eet... of maak jou eie

Dames - Hulp vir hoofpyn: Vat 'n halwe suurlemoen, sny dit in die helfte en smeer dit aan jou voorkop. Die pyn sal weggaan.
Regte Vrouens - Vat suurlemoen, meng dit met tequila, en drink, jy mag dalk nog jou hoofpyn hê, maar so what?

Dames - Sit 'n Klein "marshmallow" in die onderpunt van 'n roomyshorinkie om te keer dat die roomys lek.
Regte Vrouens - Suig net die roomys van onder af. Jy lê seker in elk geval met jou voete in die lug op die bank.

Dames - As 'n koekresep sê jy moet die bodem van die pan met meel strooi, gebruik sommer van die droë koekmengsel, dan sal daar nie wit gemors onder aan die koek wees nie.
Regte Vrouens - Gaan bakkery toe, hulle sal die koek sommer versier ook.

Dames - Gebruik 'n washandskoen om bottels oop te maak wat vassit.
Regte Vrouens - Gaan vra daardie aantreklike nuwe buurman.

Dames - Gooi die oorskietwyn in ysblokhouers, vries dit en gebruik dit later in sous en geregte.
Regte Vrouens - OORSKIETWYN? Wat jy waaaaa kry?   

Ek stuur elke nou en dan fotos in na die Treknature webwerf, gaan kyk gerus na die fotos wat ek op ons reise geneeem het en al opgelaai het:  http://www.treknature.com/members/FunkyMunky/photos/

Baie dankie aan Leon van Nierop en ook RSG vir die vergunning om teks van hierdie reeks te gebruik

Die era van musiekrolprente
As Julie Andrews in THE SOUND OF MUSIC en AUDREY HEPBURN in MY FAIR LADY dit kon doen, kon die Afrikaanse rolprent ook. En so breek die era van die musiekrolprent in Afrikaans aan met ELMO DE WITT aan die stuur. Elmo begin as ‘n regisseur vir Jamie Uys in 1959 met Satanskoraal wat in Mosambiek verfilm is en S.A. se eerste onderwatertoneel bevat. Hy maak ook die kontroversiële TER WILLE VAN CHRISTINE wat godsdiens aanraak en ‘N BEELD VIR JEANNIE oor ‘n beeld van vroue in die konsentrasiekamp in die jare 70. Maar eers maak Elmo DIE DANIE BOSMAN STORIE:
Franz Marx speel die rol van een van S.A. se mees geliefde komponiste in DIE DANIE BOSMAN storie in 1969. Gilbert Gibson skryf die draaiboek, Lance James sing namens Franz Marx en Con Lamprecht is die musikale regisseur. ‘n Doodgewone klerk in die Landboudepartement van die Uniegebou skribbel NOTE in plaas van syfers, en stuur ‘n kwaai boer na sy baas, mnr. Uys toe, gespeel deur Siegfriedt Mynhardt, in plaas daarvan om self die probleem te hanteer.
Kort hierna ontmoet Danie die pragtige Dorothy, Min Shaw. So tussen kontrakte met die SAUK en sy saai werk, stuur Danie vir Dorothy blomme en geskenke. En woerts! Die twee trou en dink hulle kan van liefde, kouewater en musiek oorleef. Maar die depressie tref die land en niemand wil Danie se musiek koop of speel nie... In ‘n interessante eerste word die doek in 16 dele verdeel om Danie en Dorothy se geluk in ‘n montage te bevestig, maar dan deel Dorothy vir Danie die verpletterende nuus mee: sy kan nie kinders hê nie. Dorothy en Danie sit in ‘n park en wroeg oor hul lot... tot Danie ‘n oubaas sien, ‘n ou musikant... wat langs ‘n dam vir hulle viool speel....
Maar geld bly skaars en Danie en Dorothy trek in ‘n kleinerige huisie, vir Danie ‘n KROT, in om geld te spaar. ‘n Welsynswerkster, ‘n klein rolletjie deur die formidabele Dulcie van den Bergh, bring ‘n pleegkind aan wat die Bosmans grootmaak. Maar niemand wil Danie se musiek hê nie en in ‘n oomblik van woede verbrand hy dit.
Danie Bosman raak siek en Dorothy raak swanger. Danie word Kaap toe verplaas en op die maat van sy musiek beleef ons die skoonheid van Kaapstad terwyl Tafelberg buite waghou....
Danie raak al sieker, maar die mense raak bewus van sy musiek en gedurende die simboliese ossewatrek word Boereseun ‘n reuse-treffer. Maar Danie se eerste tjek is ‘n skamele 1 en 6... al het 50,000 plate verkoop... want in daardie stadium word tantieme nie aan komponiste in S.A. betaal nie. Op die hoogtepunt van sy lewe, wanneer Danie ‘n groot uitvoering op radio gee van die Danie Bosman Simfonie, stort hy finaal inmekaar en sterf aan kanker. Gedurende sy sterftoneel vra Danie Dorothy om ‘n belofte. En in Danie se gedagtes die klank en ritme van ‘n trein....
Franz Marx en Min Shaw in DIE DANIE BOSMAN storie, ook genoem: Danie Bosman.
Die jare sestig is ‘n vreemde mengelmoes van aksieprente soos Die Jagters Diamante is Troewe, Boerboel de Wet en die nostalgiese RUITER IN DIE NAG, terwyl komedies nog steeds die botoon voer: Jy is lieflik vanaand, Piet se Niggie, As ons 2 eers getroud is en Die Professor en Die Prikkelpop. Jim Reeves kom Suid-Afrika toe vir KIMBERLEY KIM met ‘n jong Jans Rautenbach, aan wie ek die hele program volgende week wei, en Emil Nofal, maar Elmo de Witt gaan volstoom voort met glansryke musiekrolprente waarin mooi mense, wat nie altyd kan toneelspeel nie, keurige liedjies uit basuin. Die grootste treffer wat S.A. tot in daardie stadium gesien het, was HOOR MY LIED. Ek onthou dat ons dit by die inry gaan kyk het, en dat die motors letterlik kilometers ver gestaan het.
Vier mense skryf HOOR MY LIED se storie in 1967: Basil Stols, AP Du Plessis, Sakkie vd Walt en Elmo de Witt. As assistent kameraman, ‘n man wat self sy merk as later regisseur sou maak: Manie van Rensburg. Na sy geliefde sangeres-vrou se dood beland Gé Korsten is ‘n dokter in ‘n ongeluk waarin sy dogtertjie, Marietjie, Lindie Roux, verlam word. Martin Pols oftewel Mark Condor wat met Gerhard Viviers se stem praat, en Helga van Wyk is verantwoordelik vir die ongeluk. Elmo maak hier van parallelle redigering gebruik wanneer die twee motors na mekaar toe aan spoed. En intussen onthou Dr. Dawid sy geliefde vrou wat deur die heide hardloop en kort daarna oorlede is, gespeel deur Min Shaw.
Maar onheil wag op die pad.....
Verpleegster Lydia en haar verloofde, Helga van Wyk en Martin Pols vry vrolik terwyl die dokter vir Marietjie in die motor sing. En dan... ‘n tragedie!!
Dr. Dawid begin blind word en Marietjie kan nie loop nie... die dialoog was styf en onnatuurlik en die spel deklamerend en geforseerd, maar die mense het na HOOR MY LIED toe gestroom, al was dit net om te hoor hoe Gé vir ‘n hospitaal vol siek kindertjies ‘n liedjie sing. Dit was sentimenteel en soetsappig met stroop oor elke koeksister, maar die mense het weer en weer gaan kyk. En tussenin, Wena Naude as die afkeurende matrone wat toesig hou.
Dr. Dawid raak verlief op die verpleegster Lydia, gespeel deur Helga van Wyk, maar hy kan nie meer opereer nie want hy kan nie meer ordentlik sien nie. Marietjie kan net in New York geopereer word en die karakters vertrek Amerika toe... Ons sien tonele van dr. Dawid en sy geliefde Lydia in New York. Die melodrama volg mekaar in flink tonele op, soos Gé Korsten wat HOW DEEP IS THE NIGHT sing terwyl hy blind word met ‘n jong Dirk de Villiers as een van dr. Dawid se pasiënte wat sy lewe aan hom te danke het. Dr. Dawid hou die een konsert na die ander om geld in te samel, sodat almal uiteindelik Amerika toe vertrek vir Marietjie se operasie. ‘n Oog-spesialis wat dr. Dawid se sig kan herstel, staan hom te woord.... En dan sing Dr. Dawid gee in die buiteland dawerend die titelliedjie van HOOR MY LIED. Hy sing sy hart uit oor sy lewe en sy liefde vir Lydia. En die feit dat beeldskone wonderwerke in die jare sestig, veral in die Afrikaanse fliek, altyd sou moontlik wees.
Dr. Dawid, nou half blind, word deur impressarios raakgesien en saam met sy geliefde Lydia en sy dogtertjie gaan hy aan die einde van die rolprent op ‘n wêreldtoer in HOOR MY LIED.
In daardie dae, 1968, maak ‘n jong Dirk de Villiers opgang met nog ‘n musiekrolprent wat ‘n klein loket-revolusie sou veroorsaak. Franz Marx en Min Shaw in ‘n soort boere-musiekblyspel wat die sjarme van Jamie Uys se onskuldige boere-karakters kombineer met slapstick-komedie, lomp kommuniste as skurke, en ‘n pragtige plaasnooi wat ‘n voorliefde vir jeeps het waarin sy dan uiting gee aan haar liefde vir die wêreld. Mense op die platteland het veral gestroom na ‘n huldeblyk aan die onskuld van ‘n onskuldige boereseun wat betrokke raak by diamantsmokkel, wrede Russe, ‘n vietse Russiese verleidster en ‘n parmantige bobbejaantjie genaamd Filies. JY IS MY LIEFLING was ‘n reuse-treffer.
Dirk de Villiers, wat einde verlede jaar oorlede is, is in 1924 gebore. Hy begin as akteur in rolprente soos Die Krugermiljoene, voordat hy die verhaal vertel van ‘n onskuldige bleeksiel-plaasboer Willie Willeboer wat maats maak met ‘n bobbejaantjie op sy bosveldplaas en verlief raak op die minsame nooi van die plaas langsaan, Min Shaw. In hierdie toneel huppel en kerjakker Willie saam met Fielies die bobbejaantjie rond, voordat Min bietjie later uitgelate agter die stuurwiel van ‘n jeep met ‘n melodie lostrek. Maar sy pluk daardie stuurwiel met soveel mening rond dat die jeep LANKAL die pad moes byster geraak het. Die jeep bly wonderbaarlike stewig op die pad en wat sing is Min!
Die diamant wat gesteel word, word per valskerm oor die bosveld afgegooi en natuurlik beland dit in Willie Willeboer se besit. En hier sit die onskuldige er stort sommer buite en die ondeunde plaasnooi, Mindie konsternasie wat in die Grand Teater in Brakpan losgebars het toe ons JY IS MY LIEFLING daar gaan kyk het, en S.A. se eerste naaktoneel skielik in JY IS MY LIEFLING vertoon is. Franz Marx as Willie Willeboer stort sommer buitekant, en die ondeunde plaasnooi, Min Shaw, kom onverwags om die hoek en sien dit was die bobbejaantjie die afgelope paar weke moes aanskou... ‘n kaal man onder die stort. En terwyl die water stroom en die bobbejaantjie lag en die meisie se oë bewonderend rek, sing die voëltjies en speel die musiek.
En na vele misverstande waarin Willie die diamant in ‘n olifant se boud skiet en die skurke op hul herrie kry, sit Min Shaw weer in haar geliefde jeep, ruk en pluk aan die stuurwiel en besing die skoonheid van haar liefde vir Willie in JY IS MY LIEFLING! Dit was ‘n tyd van absolute onskuld. Die platteland was altyd voorgehou as ‘n ongeskonde paradys, die karakters was suiwer en skoon en enigiemand wat dit gewaag het om hierdie utopia te versteur, is wreed gestraf. Dirk de Villiers maak nog vele rolprente hierna, o.a. Die Spaanse Vlieg, die eerste TV drama oor bruinmense in Afrikaans waarvan ek die draaiboek geskryf het, Jantjie, en die TV-reeks ARENDE. Hier bewys Min Shaw haar liefde aan Willie Willeboer met intense sang gedurende die slottonele van JY IS MY LIEFLING met son ‘n skeutjie van GREEN SLEEVES. Die liefde blom en die maroelas pop as die boeremeisie haar trou aan Willie belowe.
Min Shaw sing oor hoe lekker dit is om die boerseun te kry in JY IS MY LIEFLING

Ado, ons Bouvier rem aan sy loopketting, hy is altyd opgewonde as ons vir ons gereelde middagstappie gaan. Hy het sy gereelde ruikplekkies, dan moet ek maar geduldig wag tot hy sy ruikding klaar gedoen het en ons weer kan aanstap.
Regoor die plaaslike winkelsentrum hoor ons ‘n opgewonde njaf-njaf en ‘n klein kriek van ‘n brak storm van onder ‘n struik uit en rem aan die ketting wat om sy nek vasgemaak is. Ado pluk my amper onderstebo soos hy trek om die dingetjie by te kom.
En dis toe ek hom sien, die boemelaar wat gereeld in die omgewing was tot ‘n paar maande gelede toe hy en sy maat, ek het toe nog gedink dis sy vrou, eendag nie meer te siene was nie. Dankie tog, het ek by myself gedink, nou kan ek en Ado rustig smiddags ons stapding doen.
“Middag oom, jammer oom.” Vra hy verskoning vir sy hond se gedrag. “Ons wou nie pla nie oom.” Hy lyk soos enige ander boemelaar lyk. Lang hare kruip onder sy pet uit, gesig ongeskeer, klere oud maar tog skoon.
“Geen probleem.” laat ek weet en ek rem vir Ado verder, hy loop al terugkykend na die njaffende brakkie tot ons om die draai is en ons ongestoord verder kan stap.
Heeltyd oppad huistoe dink ek aan die man en sy hond. Wie was hulle, waar kom hulle vandaan, hoe het hulle in die haglike omstandighede beland.
By die huis aangekom het ek reeds besluit, ek gryp gou my kamera en ‘n notaboekie, en stap terug tot waar ek hulle gesien het.
“Middag, oom, my naam is Gert, Gert Erasmus.” groet hy my toe ek nader stap en steek sy hand uit.
Ek groet huiwerig.
Ek sien ‘n vrou staan oorkant die pad by die winkelsentrum uitgang met haar kartonbordjie. Karre ry by haar veby, lyk nie of iemand vir haar iets gee nie.
Ek val met die deur in die huis, “Kan ons bietjie gesels? Sal jy omgee om jou storie vir my te vertel en kan ek ook ‘n paar fotos neem?”
Tot my verbasing stem hy in.
“Wag, laat ek net gou vir Bokkie roep” en hard skree hy vir haar, “Bokkie, kom gou hier, die oom wil fotos neem!”
Sy kom oor die pad na ons toe aangestap, gesig beplooid, maar ek reken dis eerder van die lang sonstaan as van ouderdom.
“Middag oom,” en sy steek haar hand uit. Haar greep is stewig, nes syne was, in my gedagtes dink ek dat dit van hulle harde leefwyse is.
Hulle gaan sit op platgedrukte kartonbokse voor my en ek neem sommer op die gras plaas, sommer so agter die struik op die sypaadjie. Oortjies, die brakkie, behaaglik uitgestrek in die laatmiddag sonnetjie.
“Gee julle om as ek ‘n storie oor julle skryf en dalk ‘n paar fotos neem ook? Ek is bereid om te betaal daarvoor” vra ek.
“Dis goed so, oom, ons het niks om weg te steek nie, ons baklei nie, steel nie, pla niemand nie, hierdie bord praat vir ons,” en hy hou die bord op sodat ek kan lees: Hungry no food. Small donation. Please help, I thank you?
“Vertel my bietjie wat het gebeur dat jy hier op die sypaadjie geland het” vra ek vir Gert.
“Wel, oom, ek het Standerd 8 gemaak op Kraaifontein toe word ek motor mechanic wat ek gedoen het tot 1992. Maar ek was intussen vir 7 jaar in die tronk ook”
“Waarvoor was jy in die gevangenis, Gert?” vra ek.
“Haai nee oom, dit kan ek nou nie sê nie, ek het my tyd gedoen en my skuld is betaal, let bygones be bygones”
“My been en rug het ook seergekry, oom, ek het al vyf keer aansoek gedoen vir disability maar daar het nog niks van gekom nie, ek het nou maar opgegee.”
“Ek was getroud ook, in 1964. Vier kinders, twee seuns, twee dogters. Ons praat nie, hulle wil niks van my weet nie” en hy gee ‘n lang sug.
“Ek ontmoet toe vir Maryann in 1992 en ons is van daardie tyd al saam, nee, ons is nie getroud nie, leef meer net so saam”
Janee, dink ek, twee siele wat die lewe uitgewerp het en wat in mekaar nou troos en samesyn vind.
“En jy, Maryann?” vra ek. “Hoe het jy hier gekom?”
“Sorry oom, kan ek maar rook?” vra sy beleefd, ek laat haar begaan.
Sy gee ‘n lang trek aan die sigaret en begin haar storie.
“Ek was in ‘n spesiale skool maar het in Standerd 6 die skool gelos. Toe ek op 17 getroud is het ek al twee kinders gehad. Ons is sommer vinnig geskei. Ek weet waar my kinders is maar hulle stel nie in my belang nie. Die seun is ‘n poliesman.”
“Party dae maak ons so R100, oom” vertel sy verder. “Op ‘n baie goeie dag het ons al R300 gemaak. Ek staan maar met die bord, die mense geen nie as Gert staan nie”
‘n Swartman op ‘n fiets stop by ons, hy roep haar nader, gee vir haar twee fotos wat hy van hulle geneem het.
Maryann kom wys vir ons die fotos. Hulle is poskaart grootte en ek sien Gert, Maryann en Oortjies pryk op die fotos.
“Hy vra ons net R15 per fotos,” sê Gert ewe trots, “ek het hom klaar betaal.”
“Ek lyk mooi in die pakkie, nê?” vra Maryann en hou sodat ek kan sien. Ek voel skielik skaam dat hulle met sulke ou klere kan spog en ons het soveel mooier en nuwer klere.
Ek het intussen agt fotos van hulle geneem en ek verseker hulle dat ek die fotos vir hulle sal gee sodra ek hulle laat druk het. Hulle verseker my dat hulle oor twee dae nog daar sal wees voordat hulle weer vertrek. Hulle gaan glo Komatipoort toe omdat dit warmer daar is, hulle gaan sommer daar bly vir die winter.
“Ons is nog ‘n week hier, oom, dan gaan ons maar weer die pad vat, dit word nou koud saans”
“Waar slaap julle, Maryann?” Vra ek.
“Hier oorkant die pad by die garage is ‘n carwash, oom, sommer daar onder hulle afdak. En as dit dalk reën slaap ons sommer in die garage se toilette.” Laat sy weet.
Ek dink aan die lekker snoesige warm bed by die huis en kry hulle sommer baie jammer. Selfs Ado slaap seker warmer as hulle.
“Ons kan maar ophou vir die dag” sê Maryann, “die parking raak nou vinnig leeg.” Die son mik vinnig horison toe en die luggie raak koeler.
Ek groet en prop ‘n R100 noot in Gert se hand.
“Baie dankie oom, die Here sal jou seën” hy kan my nie in die oë kyk nie.
Daar is ‘n knop in my keel as ek wegstap.
“Moenie die fotos vergeet nie, oom” roep Maryaan agterna.
Hulle vat hulle paar besittings en loop oor die pad na die carwash se afdak. Oortjies aan sy leiband stap gehoorsaam saam.
Ek stap na ‘n warm huis, lekker kos en sagte bed en besef dat ek so baie het om voor dankbaar te wees. Ek prewel ‘n gebed en vra dat ‘n Hoër Hand hulle moet beskerm.

Deur Peter Thomas

Baie dankie, Zalome

DIE-EET
MAER WORD
VERSLANKING
GEWIGSVERLIES
OPLOSSING VAN AL JOU PROBLEME
Dis ampers Lente. Somer is vinnig op pad na Suid Afika. Koop 'n vrolike nuwe handoek en sonbrille. Kry 'n groot nuwe bottel sonskerm. Haal die bikini's en swembroeke uit. Skeer die wolletjies af hou die beentjies glad. Nou is dit tyd om daardie aaklige ekstra kilo's af te gooi!

UITSTEKENDE OEFENING
Skud die kop van links na regs en van regs na links. Doen dit weer en weer 'n keer wanneer jy ookal 'n tweede porsie van enige ryk, nie verslankende voedsel aangebied word!

Dit word gewaarborg, werk uitstekend en kos niks.

In 'n noodgeval gryp die tafelblad vas met 'n stewige greep. Kners die tande opmekaar en haal stadig maar diep asem. Jy sal krag put uit 'n bron wat jy nie geweet het jy het nie. Stoot jouself stadig maar beslis weg van die tafel af elke keer as tweede porsies nagereg of koek bedien word. Of kortliks soos bo aangetoon, wanneer jy ookal 'n tweede porsie van enige ryk, nie-verslankende voedsel aangebied word!

Die manne kan ook maar naderstaan en daardie kop, nek en tafel vasvat oefening doen. Daardie boepmaag moet weg! Daardie afdak moet afgeslaan word. Die sokker bier-sessies was gladnie goed vir jou nie. Daardie ding van vrouens is vet maar mans is net groot, fris en sterk moet end kry. Soek daardie abs onder die spek en wys dit weer 'n slag.

Mans en dames.
Werk aan daadie lyf.
As jy iets het om te wys, wys dit.
Glo my, jy het dit nog.
Al die knoppe en bulte sit nog almal op dieselfde plekke!

Dames julle moet slank en sag en gerond wees.
Die manne gespierd en ferm met 'n stewige agterwêreld!

Daar is net een ding wat jou vet maak en dit is te veel eet!
Beste eetplan is hou dit eenvoudig en tel die kalorië.
Ten minste 30 minute oefening elke dag om mee te begin.
Begin sommer nou en trap die riel op die ritme van die musiek. Begin om die koppie heen en weer te skud.
Dan dans jy. Gaan mal!!

Hoe lank voor jy skoon uitasem is?
Toemaar . . . . jy werk mos nou daaraan!

As hierdie boodskap jou nie terugpluk en wakkerskud die werklikheid in nie dan gee ek moed op met jou!

Sterkte.
Ek het al 6 pond verloor!

Vriendin van my, Anna Eksteen, het hierdie besonderse boekie saamgestel, regs klik hier om dit af te laai.

Hierdie is een van daardie juwele wat op die internet rondswerf en heel per toeval in jou eposbus beland, gewoonlik is die skrywer heel onbekend. Ai, maar Afrikaans kan darem maar lekker beskrywend wees!

Ek sit laat agtermiddag op die stoep - yskoue Castle in die hand, die mal rifrug van my jaag tarentale wat hoenderkos wil steel, vroulief is besig om ʼn rooibokboud (het heel toevallig voor die bakkie ingeloop; julle weet mos) in die oond te druk, toe ek amper die bottel insluk na ʼn moerske slag en gil van agter die waenhuis.

Die rifrug skrik homself in ʼn ander bloedgroep in, vroulief gee ʼn gil wat die dode kan wek, my trotse haan val hom des moers van sy stok en ek mors van die kosbare koudheid.
Kom my jongste knaap om die waenhuishoek gehol met ʼn stofstreep agter hom aan, spoegslierte om die mondhoeke, skreeuend van ver af: "Pa moet gou kom, hier het ʼn lelike ding gebeur!!"

Ek storm soos ʼn wafferse voorspeler die trappe af, slaat oor ons werfkat neer, spring op - so in die verbygaan skop ek die arme kat amper in ʼn gehoortoestelletjie in - en gryp my seun aan die skouers. Die hond raak verbouereerd, gryp my aan die broek. Vroulief, pan in die hand - minus die boud - storm my uit die pad, slaat die hond vir ʼn ses met die pan, gryp my seun by my en hyg: "Is jy oraait? Het jy seergekry?" "Nee, Ma!" met so ʼn vriesbrand stemmetjie, "Dis Jakobus, Ma, hy het die longdrop opgeblaas."

Nou moet ek eers verduidelik: agter die waenhuis het ons ʼn longdrop gebou vir die werkers, vat te veel tyd as hulle eers kaias toe moet loop vir die dinge van die natuur; dinge kan partykeer jaerig raak so met die werk en eet saam. Veral vir Jakobus, my butler, soos ek hom noem.

"Is Jakobus oraait? Leef hy?" hyg skreeu vroulief met ʼn aamborstige Gunston-stem. Nie dat vroulief enigsins rook nie. "Ja, Ma, hy't ʼn vuurhoutjie in die skag afgegooi terwyl hy op die troon gesit het, Ma! Sy kroonjuwele en exhaust is geskroei, Ma!" "Swerwer, gaan kyk of die man nie dood is nie," word ek beveel. Nou met vroulief praat jy nie teë nie, veral as haar stemmetjie so ʼn oktaaf styg.

So staat ek en kyk na Jakobus se agterent en juwele, hy gebukkend, toe Dominee skielik om die hoek kom. Was so beïndruk met die werkinge van metaangas dat ek nie die motor hoor stop het nie.

"En nou, broer?" wil Dominee met ʼn skok in sy stem weet.

Ek skrik my amper bo-op Jakob se rug en probeer terselfdertyd sy broek optrek. Hy brul en gil van die pyn en probeer uit die broek ontsnap.

"Nee, Dominee, man, gee bietjie hand, Jakob wil nie stilstaan nie," hyg ek uitasem.

Dominee ruk hom om, marsjeer stywebeen en baaaaie vinnig terug na sy motor. Ek staan vasgevang tussen Jakobus se pyn en Dominee se gedagtes.

"Te dinges met jou, Dominee," dink ek by myself en trek weer Jakobus se broek af. Met dié draai Dominee om en sy mond gaan oop om iets te sê, maar geen woord kom uit by die aanskoue van die af broek. Hy staat en gaap-gaap soos ʼn vis op droë grond voor hy homself in sy motor boender en met skreeuende bande wegtrek.

Intussen het Jakob homself uit sy broek bevry en daar gaat die man op loop reguit na sy kaia toe. Sy vrou het hom op ʼn afstand sien aankom, vasgesteek, en weer gekyk, ʼn smile op haar gesig gekry en begin om haar bloes los te knoop. (Ek het eers later by Jakob verneem hulle was teen daardie tyd al twee weke nie op "speaking terms" gewees nie.)

Toe Jakob die deur langs haar ingedraf kom, gee sy hom ʼn speelse klap op die boud, op die eina. Die man pak ʼn paar Dunlop-briekmerke teen die grond vas, swaai om en maak vir die sementdam.

In die hardloop besluit Boel, my rifrug, hierdie is ʼn lekker speletjie en hap speels aan Jakob se alie. Jakob trek sy twee boude inmekaar soos ʼn uitgedroogde lemoen en duik vir die dam, saligheid klaar op sy gesig, maar ongelukkig skuur sy twaksak teen die damwal. Borrels met onaardse geluide binne vasgevang bars bo die oppervlak uit.

Al wat Jakob uitkry met sy kop bo die water: "Jo-jo, nooit ek hy poep weer!!"

Kyk, die ding tussen my, Jakob en dominee het geloop pla. ʼn Anderse soort branderigheid hierbinne waar jy nie vatplek kan kry nie, toe gaat maak ek die saak met dominee reg. Hom mooi verduidelik van die omstandighede en gebeure.

Daarna was dominee saf, maar ook nie te saf nie, wou nooit weer alleen saam met my iewers heen ry nie, en by die kerkbasaar het hy mevrou Dominee altyd styf onder sy arm vasgeknyp as ek sou nader staan. Ek dink ook nie dit het gehelp toe ek na maande weer my gesig in die kerk wys, en my seun wat van Amerika besoek, sy oë op die Nagmaaltafel gerig, kliphard laat hoor het: "Jis, pa, ek hou van dié kerk, hulle het shooters!"

Loot Eksteen was gaaf genoeg om die volgende dokumente saam te stel, regs klik op elke skakel en laai die dokument af. Dit sal met elke brief opdateer word.

Currie beker - Wedstryde
Currie beker - Logs
Currie beker - Data
Currie beker - Punte
Currie beker - Statistieke

Toetse - Logs
Toetse - Data
Toetse - Statistieke

Klik hier om vir Loot 'n epos te stuur, dalk kan hy die dokumente vir jou op 'n weeklikse basie stuur

 Klik net hier , registreer en koop 'n kaartjie. Dis doodveilig, en sodra die transaksie afgehandel is, kan jy begin droom, lekker groot droom. En as jy vir die eerste keer registreer kry jy nog 'n gratis kaartjie ook! Waarvoor wag jy? Sien verder ondertoe vir besonderhede van die gratis kaartjie.

Van tyd tot tyd plaas ek stories geskryf deur intekenare, dis vir my 'n plesier en ek weet hoe lekker dit is om jou werk "gepubliseer" te sien.

Die wintersonnetjie is yl buite,maar hier voor die stoof waar ek staan en pannekoek bak is dit onmoontlik warm. So ‘n ses stuks kleuterseuntjies staan tou en wag vir die pannekoek. Soos ek bak so eet hulle. Elkers weer ‘n skoon gelekte bord en ‘n taai kaneelsuiker mond wat dankie sê vir die soveelste pannekoek.
Costa hoeveel pannekoeke het jy al geëet? Die goed maak ‘n knop op mens se maag, jy kan siek word…….. Dertien Tannie, sê die klein Griekse seuntjie met sy swart krulkop. Ek weet hy kon nie soveel gehad het nie, vier koppies meel bak net nie so baie nie, maar vir so ‘n klein lyfie is selfs drie te veel.
Sammy was die eienaar van die kaffee in Swartruggens se hoofstraat en sy seuntjie Cosa een van die mees gewaardeerde maatjies van almal. Hy het elke keer as hy kom speel ‘n pakkie warm slap skyfies en lekkers en warm broodrolletjies saam gebring. My seuns vir wie die kaffeekos ‘n weelde is, staan maklik hulle pannekoek aan hom af. Later bel ek sy ma, hou hom maar dop asseblief, hy kan dalk vanaand nie te lekker voel nie.
Hoeveel seuntjies kan mens kos gee as hulle net sommer daar is as dit etenstyd is. Vir hoeveel sulke ongenooide gaste kan jy opskep voordat die kastrol se boom uitsteek en almal nog nie ‘n eerste bordjie kos gehad het nie? Ek het nooit probeer tel nie, het maar elkers weer voor die stoof gaan staan en skep en skep. Dankie Ma was òns seuns, dankie tannie, was Costa en Pietie, en Jabobus en Christo Meyer. As die kos op was, moes brood en wat daar ookal was, help om die laaste magie vol te kry. So gaan dit maar aan en aan tot die een dag…………
Ek staan voor die stoof, lepel in die hand, die ander kastrolle elkeen met sy eie skepding, die tafel is gedek, maar ek het hoeka geleer dat opskepskottels net baie meer skottelgoed is en dat seuntjies nie vreeslik omgee hoe die kos op die tafel kom nie, net maar dat dit daar is en hoeveel daar is om geëet te word.
Die stapeltjie borde langs my op die kas is op en nog staan twee seuntjies voor my, genade vanaand gaan ek dit nie maak nie dink ek as ek nog vier borde van die rak afhaal. Ek moet nog vir my man skep en ek…… Dan skep ek maar, miskien bietjie aan die skraal kant, maar daar is brood op die tafel. Nee, dis reg tannie, sal brood ôk eet. Dan skraap ek die laaste bietjie van alles vir my man uit. En vanaand is ek honger, hemeltjie tog brom ek, as ek tafel toe drentel om met brood en kaas myself aan die lewe te probeer hou tot môre.
Later as al die kinders huistoe is, staan ek kwaad voor die bak skottelgoed, my maag grom van die brood en ek is moeilik en moeg. Benjamin, Chris, Leon, Johann roep ek hulle kombuis toe… Hier was vanaand nie genoeg kos vir al die seuntjies nie…. As hier weer so baie kinders is as ons eet, gaan ek julle kos vir hulle gee, dan kan die een met die meeste maatjies maar honger gaan slaap.
Later, op ‘n ander dag, roep ek sommer so van die agterdeur af, kom eet…..‘n ry seuntjies sit stowwerig op die stoepmuurtjie, beentjies en skurwe kaal voete al swaaiende heen en weer…Dan staan my vier seuns voor my, waar is Costa en Pietie en Jacobus, wil ek weet. Buite, mompel Benjamin, hulle is nie honger nie….. As ek deur die venster loer, sit hulle nog roerloos op die stoepmuurtjie.
Wil julle nie vanaand saam eet nie, vra ek, Nee tannie, soos een man, ons is nie honger nie. Verslae staan ek daar, is hier ‘n maagsiekte of iets vreesliker as dit in omloop? Julle kan regtig maar kom saam eet nooi ek, is julle siek?... Nee tannie kom dit skaam van Costa. Is hier genoeg kos, Benjamin sê as die kos te min is vir ons almal gaan hy niks kry nie. Huil trek my keel toe as ek die dag onthou, Julle kan maar inkom nooi ek, hier is genoeg kos, Benjamin het seker verkeerd verstaan….Maar hy het nie en vandag is ek nog jammer…………
Ons woon nie meer in die Wes-Transvaal nie en ons kinders is groot, universiteit en hoërskool. Ons woon in Secunda, ons wou nie daar wees nie, maar waar jou brood is……. en ons swyg en eet ons brood……..
Ons Meisiekind is die Desember vakansie by die huis, so ‘n week of wat voor die skole sluit. Weet ma vra sy die aand aan tafel, weet ma hoeveel seuns bly in die middag na skool hier, weet ma hoeveel kinders gee julle kos? Nee ek weet nie.
So vier of ses, vertel sy, hulle kom sommer hier aan, twee met fietse een ry sommer saam met pa van die skool af. Een of twee spring oor die draad hier van die veldjie af en eet en was skottelgoed saam met ons….Die ou wat van die skool af saam ry, se ma kom hom agtermiddag haal, net so skuins voor ma van die werk af kom.
Ek kyk na my man…. Sy oë is op sy bord, maar hy glimlag, die glimlag wat ek so goed ken. “Is so sê hy, vir weke al”. Maar die brood en botter en kaas en alles…… ek koop net soveel elke dag……”Ja ek weet, maar die brood raak nie op nie, daar is altyd genoeg”. 

Alles wat jy wil weet oor Boeremusiek.

Hierdie is die webblad van Kalie de Jager en is spesifiek daarop toegespits om die Versameling...Bewaring...en Uitbouing...van Boeremusiek aan te spreek.

Klik hier om sy webblad te besoek.

Ekke is ook op Facebook, as jy dalk 'n Facebook profiel het en by myne wil aansluit, klik net hier. Hoe meer siele hoe meer vreugde. My Facebook eposadres is peter@funkymunky.co.za of kry my by www.facebook.com/Peterjasie

Mirna is ‘n opvoedkundige sielkundige in Stellenbosch. Sy het onderwys gegee by verskeie skole, o.a. Hoërskool Stellenbosch, Hoër Meisieskool Bloemhof en Jan Krielskool vir leerders met hindernisse tot leer. Sy is ‘n ma, lief vir die kunste, die see en kinders. Jy is welkom om kommentaar en vrae te stuur na mirnafvanwyk@gmail.com

Strategie en vaardighede vir ADHD ADD
Ons is tans besig om te gesels oor die impak van Aandag Afleibaarheid en Hiperaktiwiteit Sindroom (AAHS) en die Aandag Afleibaarheid Sindroom (AAS) op die lewe van gesinne. Hierdie maand deel ek graag leiding tov vaardighede en strategieë wat die lewe van AAHS/AAS lyers makliker sal maak (en veral hulle ouers s’n).
Die volgende metode werk goed vir kinders wat AAS, asook die wat AAHS simptome toon. Dit word die 1-2-3 metode genoem.
Alle take kan opgedeel word in ‘n 1-2-3 proses. 1 is Raak Georganiseerd-die kind begin fokus op wat hy gaan doen en watter material hy gaan nodig hê vir die taak. 2. Bly Gefokus-hou die aandag by die taak en sê “nee” vir afleidings. 3. Maak dit Klaar. Handel af, kontroleer en rond dit af (bv. plaas dit in die regte leêr). Met ‘n meer ingewikkelde taak, soos bv. om ‘n skoolprojek te doen, word die stappe meer, maar die basiese elemente bly dieselfde. Die taak word dan ingedeel in kleiner take, wat heel moontlike oor ‘n paar dae of self weke strek.
‘n Kind moet leer om NEE te sê vir afleidings en gedagtes wat inmeng, met die woorde: “Just do it!” en “Hoe gouer ek klaar maak hoe gouer het ek tyd vir my eie dinge.” Beloon jou kind met ‘n drukkie of ‘n koekie as sy hard probeer om gefokus te bly en veral as sy ‘n taak afhandel.
Jou rol as ouer is om ‘n sagte maar hardnekkige “coach” te wees. Fokus jou kind deur vrae te vra om haar aan die gang te kry en te hou. Gebruik hierdie vrae om jou kind te laat dink wat die stappe is wat die taak van haar gaan vereis. Die genoegdoening wanneer sy in beheer voel is ‘n kragtige motivering. Vra haar gereeld hoe ver sy is, wat nog gedoen moet word en hoe lank dit nog gaan neem. Dit help haar om later haar eie tydsberekening, beplanning en prosesse te monitor.
Moedig jou kind aan om ‘n taak as ‘n reeks vrae en antwoorde te sien. Stel voor dat hy sy hierdie hardop vra en hulle antwoord. Aan die begin kan jy die vrae vra en jou kind dit antwoord. Later kan sy dit self doen.
Dit sal geduld verg om jou kind te leer om take in kleiner stappe op te breek. Dit sal ook tyd neem voordat jou kind hierdie stappe en vrae toepas. Dit mag dalk vir jou makliker lyk om dit sommer vir haar te doen. Dit sal beslis minder geduld van jou verg. Maar dan sal jou kind ook nooit onafhanklik en suksesvol te wees nie. En ontneem jy haar die voorreg om goed te voel oor haar werk en moeite.
Ontwikkel ‘n roetine. Jou kind moet leer om al die vorige aand sy benodigehede vir die volgende dag gereed te kry, en dit op ‘n spesifieke plek neer te sit. Leer jou kind om lysies te maak van verantwoordelikhede in volgorde van belangrikheid of spoedeisendheid en merk dit dan af met groot genoegdoening wanneer dit afgehandel is.
Op hierdie manier leer jou kind konsekwent vaardighede wat hy sal nodig kry en word hy onafhanklik. Hierdie is ‘n ouer se liefdestaak want jy vul jou kind se “toolbox” vol vaardighede wat hy kan gebruik soos die lewe dit vereis. Dit moet konsekwent, met geduld en langdurig gedoen word. En met belonings vir elke oorwinning, oor himself of oor ‘n taak.
Nie net sal dit jou lewe makliker maak nie, maar dit laat ‘n kind voel hy is vaardig, waardig en vul hom met selfvertroue. En hulle sal dit geniet om take af te handel om dan sorgvry hulle tyd aan dinge te wy wat hulle van hou.
Groete van hart tot hart. 

Bitterbessie dagbreek
Ingrid Jonker

Bitterbessie dagbreek
bitterbessie son
'n spieel het gebreek
tussen my en hom

Soek ek na die grootpad
om daarlangs te draf
oral draai die paadjies
van sy woorde af

Dennebos herinnering
dennebos vergeet
het ek ook verdwaal
trap ek in my leed

Pappegaai- bont eggo
kierang kierang my
totdat ek bedroe
weer die koggel kry

Eggo is geen antwoord
antwoord hy alom
bitterbessie dagbreek
bitterbessie son 

Gaan kyk na my nuwe fotografie webwerf . Sport fotos onlangs bygelas

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Zalome, wat nou in Amerika woon, bevorder ook Afrikaans op die net, klik hier om vir haar 'n epos te stuur, vra dan sommer ook besonderhede oor haar briewe wat sy uitstuur. Kom ons ondersteun haar ook! Dit kan net goed wees vir Afrikaans. Hoe meer mense 'n passie het vir Afrikaans en dit op die internet wil bevorder hoe beter vir ons mooi taal.

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier 

Drie vriendinne, een in 'n informele verhouding, een verloof en een 'n lank getroude vrou, ontmoet oor 'n paar drankies na werk.

Hulle besluit om hulle liefdeslewens bietjie op te kikker en die manne In hulle lewens te verras met 'n stoutigheidjie.

'n Week later kom hulle weer bymekaar.

Die enkel meisie sê, "Ek het na my vriend se kantoor gegaan met 'n lang jas aan. Na almal weg is het ek die jas laat val en al wat ek aangehad het was 'n leer korset met swart sykouse en hoëhak skoene. Ons het net daar op sy lessenaar liefde gemaak."

Die verloofde vrou sê, "Toe my verloofde by die huis aankom, het ek vir hom gewag met 'n swart masker, korset, sykouse en hoëhakke. Ons het die hele nag passievolle liefde gemaak, en nou wil hy vroeër trou."

Die getroude vrou sit haar glas neer en sê, "Ek het baie beplanning gedoen. Die kinders is na my ma toe, ek het 'n lang bad geneem met gegeurde olie en my beste parfuum aangespuit. Ek het in 'n stywe leer korset geklim met swart sykouse en ses duim hoëhakke, alles afgerond met 'n swart masker. My man het by die huis gekom, 'n bier en die afstandbeheer gegryp, homself op die bank neergeplak en uitgeroep...
Yes Batman!! Wat eet ons?

Seuntjie klim op die skoolbus, en toe hy gaan sit begin hy sing:
"As my pa 'n leeu was en my ma was 'n leeu, dan was ek 'n leeu welpieeeeeeeee!
As my pa 'n koning was en my ma 'n koninging, dan was ek 'n plinsssssssss!"
Die busdrywer raak kwaad en geirriteerd met die klein seuntjie se gesingery & vra
"As jou pa 'n poephol was, en jou ma 'n straatvrou, wat was jy dan?"
Die seuntjie antwoord, " Sekel 'n busdlywel oom!"
 

As jy dalk nog baie resepte wil hê, gaan kyk in die argiewe, elke nuusbrief bevat resepte en meeste van hulle het ook nog gratis aflaaibare resepte eBoeke.

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

Tien positiewe dinge te doen
Ons dae is dikwels gevul met negatiewe dinge. Goed wat verkeerd loop. Spanning en stres wat op ons pad kom. Konflik wat jou lewe versuur. Probleme wat jou dag omkrap en jou soms laat rondrol in die bed. Te midde van al die slegte gebeure, is daar wel dinge wat jy kan doen om 'n positiewe ambiance aan jou dag te verleen:

• Maak tyd vir 'n stille uur. In al die gejaag en spanning is dit goed om 'n breek te neem. Kom 'n slag weg van die televisie, die verkeer op die paaie, die stamp en stote van 'n winkelsentrum. Sit jou foon op "silence" vir sestig minute. Kan jy dit doen? Probeer dit!

• Gaan stap 'n lang ent. Stap laat jou ontspan, bring rustigheid in jou gemoed en gee gesonde oefening. Terwyl jy stap, kry jy tyd om met jouself te gesels, jou kop skoon te kry. Stap is bevordelik vir gesondheid en lewenslus.

• Maak 'n lysie van twintig dinge wat jy nog graag in jou lewe nog wil doen. Skryf dit neer. Kry dan vir jou plakkaat, 'n stapel ou tydskrifte, 'n skêr en gom. Soek in die tydskrifte prente wat hierdie dinge teenwoordig. Knip dit uit, plak dit op die plakkaat. So begin jy jou drome en doelwitte visueel formuleer.

• Kry 'n bietjie empatie met jouself. Wanneer jy deur trauma, spanning, hartseer of slegte tye gaan, wees genadig met jouself. Jy hoef nie altyd die sterkste te wees nie. Jy hoef nie alles altyd perfek te doen nie. Jy kan maar soms huilerig wees of dalk sommer net hartseer wees. Aanvaar dat jy soms 'n fout kan maak. Vertroetel jouself met genade en simpatie.

• Glimlag en wees vriendelik met iemand wat jy die eerste keer vandag ontmoet. Bring 'n titsel sonskyn in iemand anders se lewe. Jy sal die vrugte daarvan pluk. Gee vir iemand omgee en liefde, 'n drukkie, reik uit en luister met begrip. Met jou glimlag en sagte woord, kan jy 'n stukkie van Jesus na jou naaste bring.

• Gaan sit op 'n rots by die see en kyk uit oor die wye groot oseaan. Ervaar net weer die wonderlike gawe om te kan leef. Die lewe is 'n geskenk van God.

• Moenie jou tyd mors met negatiewe mense wat jy nooit tevrede kan stel nie. Sulke mense is uitputtend en emosioneel afbrekend. Waar jy 'n keuse het, spandeer jou tyd met positiewe en optimisties gelowige mense.

• Eet 'n goeie gesonde en gebalanseerde ete. En geniet dit!

• Bêre jou woede en skuif dit weg. Ja, die lewe is vol frustrasie, maar sommige mense het die gewoonte om elke dag kwaad te word. Mense wat voortdurend kwaad is vir alles en almal versuur die lewe. Sulke mense kan nooit gelukkig wees nie. Sien weer die goeie in 'n situasie, lag vir jouself en geniet die fantastiese voorreg om net te kan leef en lief te hê.

• Maak 'n tyd, elke dag, om intens Bybel te lees en te bid.

Iemand het op 'n keer gesê dat 'n positiewe houding soos 'n kettingreaksie is wat positiewe denke en gebeure tot gevolg het. Dit is die vonk wat uitsonderlike resultate lewer. Moenie dus wag dat positiwiteit by jou deur afgelewer gaan word nie. Jy kan vandag reeds begin met die aanskakeling van die kettingreaksie van positiewe gevolge in jou lewe.

'n Sprankie wysheid vir die dag
"Positiwiteit smeer af soos skoenpolitoer. Voor jy jou kom kry, is almal vol daarvan." - Anoniem -  

Jy kan inteken op hierdie nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

Konfyt by die potbrood


Ek het al in die verlede geskryf oor potbrood as ‘n bykos vir jou potjiegereg.

Brood, en veral potbrood kan egter ook op sy eie geniet word. So, volgende keer as jy ‘n potbrood maak om saam met jou potjiegereg te geniet, maak nog een wat jy later saam met lekker tuisgemaakte konfyt kan geniet.

Toe begin ek soek na lekker konfytresepte. ‘n Vriendin van my, Anna Eksteen, stuur toe vir my een van haar eBoeke met die title “Herinnering an ouma se spens”, en daar kry ek toe die resepte waarna ek soek.

Anna het al ‘n hele reeks resepte eBoeke saamgestel, vir meer inligting kontak haar gerus kontakinligting hieronder.

In alle geval, hier is ‘n paar minder bekende konfytresepte wat jy gerus kan probeer! Met ‘n lekker potbrood en ‘n verskeidenheid van hierdie konfyte gaan jou vriende weer en weer kom kuier!

Hierdie een het ek nog nie probeer nie, maar dis verskillednd van die gewone en ek is seker dit kan net lekker wees:

ROOSBLAARKONFYT

500g donkerrooi roosblare
500ml water
500ml witsuiker
45ml suurlemoensap
15ml rooswater

Was roosblare goed af. Voeg water by roosblare in 'n kastrol. Prut tot sag. Verwyder van hitte. Roer suiker en suurlemoensap by en roer tot suiker opgelos is. Plaas kastrol terug op stoof en kook oor matige hitte vir ongeveer 40 minute. Roer voortdurend. Voeg rooswater by en kook nog 5 minute. Skep klein bietjie konfyt op metaalwasbak. As dit 'n balletjie vorm en so bly is die konfyt reg, anders moet dit nog bietjie kook. Laat konfyt bietjie afkoel en skep in gesterileerde flesse.

Tamatiekonfyt was nog altyd een van my gunstelinge, met soetrissie by kan dit net ‘n wenner wees!

SOETRISSIE EN APPELKOOSKONFYT

250g gedroogde gekapte appelkose
250g pitlose rosyntjies
2 liter witwynasyn
1 liter ryswynasyn
800g gekapte uie
10g gekapte knoffel
500g bruinsuiker
20g sout
45g gemaalde gemmer
30g gemaalde koljander
30g geelmosterdsaadjies
10g rissievlokkies

Gooi die asyn, rosyntjies en appelkose in 'n pot en laat staan die mengsel oornag. Voeg die oorblywende bestanddele by en prut op die stoof totdat die blatjang dik is. Stoor in gesterilliseerde bottels. Maak sowat 2,5 liter.

Korrelkonfyt is 'n tradisionele gunsteling en heerlik met skons en snoek. (Natuurlik ook met potbrood)

KORRELKONFYT

2kg sultana druiwe (geweeg na stokkies verwyder is)
1,2kg wit suiker
20ml suurlemoensap.

Spoel die druiwe goed af. Maak lae druiwe en suiker in 'n swaarboompot en los die suiker op oor lae hitte. Verhoog die temperatuur, voeg suurlemoensap by en kook die konfyt tot die stroop so dik is soos heuning. Verwyder van die hitte. Skep enige skuim af en skep konfyt in gesteriliseerde bottels. Bedek met gesmelte kerswas of sirkeltjies waspapier wat in brandewyn gedoop is. Laat afkoel en seël die bottels.

Baie van ons het ‘n kumkwatboom in die tuin en on sweet nie gewoonlik wat om met die vrugte te doen nie, probeer gerus hierdie resep:

KUMKWATKONFYT

Weeg die hoeveelheid kumkwats af en sny 'n kruisie aan die onderkant van elk. Voeg net genoeg water by om die koemkwats te bedek. Verhit dit tot kookpunt en kook dit so sag dat 'n vuurhoutjie maklik deur die skil gedruk kan word. Weeg net soveel wit suiker af as die koemkwats geweeg het. Voeg die suiker by die vruggies asook die sap van een suurlemoen vir elke 1kg koemwats wat gekook word. Verhit die mengsel stadig tot kookpunt en roer dit aan die begin gereeld om die suiker te laat oplos. Kook die koemkwats oor matige hitte en begin die stroopdikte ná 'n halfuur toets. Skep 'n bietjie stroop op 'n koue piering. Laat dit afkoel en stoot dit met die voorvinger. As dit rimpels vorm, is dit dik genoeg. Die vruggies moet helder vertoon en deurgekonfyt wees. Skep die pitte wat uitgekook het en die skuim af. Bottel die konfyt warm en verseël dit dadelik.


Vra vir jou buurman of hy vir jou van sy kwepers sal gee, dan probeer jy die volgende resep:

KWEPERKONFYT

500g kweper, geskil en in stukke gesny
water, vir kook van kwepers
200g suiker
1 suurlemoen, versap
1 lemoen, versap
steranys, een vir elke kweper

Kook die kwepers in water tot dit sag is. Dreineer en voeg die suiker, suurlemoensap, lemoensap en steranys by. Laat toe om 2-3 ure teen baie lae hitte te prut tot die kweper diep-oranje in kleur is en die stroop dik is. Gooi in gesteriliseerde bottel en bedek met suikerstroop. Omdat steranys 'n sterk smaak het, kan dit bygevoeg word volgens jou voorkeur, maar in hierdie resep is ongeveer een steranys per kweper wat gebruik word bygevoeg. Maak sowat 220g.

Ek smul altyd lekker aan turksvye maar het nooit gedink om konfyt daarvan te maak nie! Probeer gerus die volgende resep:

TURKSVY FYNKONFYT

Skil 1kg ryp turksvye dun af en sny dit in klein stukkies op. Voeg 625ml water by, verhit dit tot kookpunt en kook dit 'n kwartier lank met die deksel op. Haal die kastrol van die stoof af. Voeg 375g witsuiker, die sap van 'n halwe suurlemoen, 1 knoets gekneusde, gedroogde gemmerwortel en 'n knippie sout by die warm turksvymoes. Verhit die mengsel stadig tot kookpunt en roer dit aan die begin totdat al die suiker opgelos is. Kook dit oor matige hitte totdat die konfyt helder en dik is. Verwyder die gemmer en gooi dit weg. Skuim die konfyt af, indien nodig. Bottel dit warm en verseël dit wanneer afgekoel.

Nouja, nou het julle genoeg idees om julle potbrood sommer baie lekkerder te laat proe. Jy sal meer as een brood moet bak as jou vriende eers aan al jou nuwe konfyte begin proe het.

Lekker smul! 

Ek soek nou ook "ongewone" konfytresepte, nie die gewone appelkoos en perske nie. Hoe lyk dit, as jy daardie ekstra lekker konfytresep het stuur gerus aan my per epos

My nuwe resepte eBoek CD - 60 boeke op een CD

Ek het besluit om al die Afrikaanse resepte eBoeke wat ek het op en CD te sit, dis omtrent al die resepte wat mens ooit sal nodig hê. Nou hoef jy nooit weer 'n resepteboek te koop nie en teen minder as R1.70 per boek is dit baie billik.

Hier is die lys van boeke:

101 Kraakvars slaaie, 101 Onweerstaanbare poedings, 110 Spyskaarte vir die werkende vrou
5 Beste van alle geregte, 217 Egte Afrikaanse resepte, Aartappels, Beskuitresepte, Afrikaanse Resepteverskeidenheid, Brood resepte, Vul die beskuitblik, 'n Broodjie vir die blik, Blokkieskoek, Burgers Patties Frikadelle, Brood resepte, Drankies, Drinkgoed, Gemmerbier, Groente, Eet jou groente, Hoender resepte, Happies en Poffers, Kaaskoek, Ietsie anders resepte, Kerskoeke, Karavaan resepte, Kleinkoekies, Kinderlekkerte, Koekiedrukker resepte, Koeke, Likeur, Lekkergoed resepte, Nog resepte, McCain resepte, Moedersdag resepte, Mikrogolf resepte, Peterjasie se boek, Pastageregte, Peterjasie se Kersresepte versameling, Peterjasie se eBoek van vernoemde resepte, Poeding, Peterjasie se Tradisionele SA resepte
Resepte met biltong, Resepteverskeidenheid - ook grootmaat, Slaaie, Sommer net resepte, Sop in die pot, Sop resepte, Terte, Sous, Verskeie resepte 1, Souttert & Pannekoek, Vis en hoender, Veelsydige hoender, Vleisgeregte vir Kersdag, Verskeie resepte 2, Warm en koue drankies, Vleisresepte, Wille samies, Wafels en Pannekoeke, Wors en worsies

Allerlei

Annette se Boererate, Boererate en Verbruikerswenke, Hartstigting dieet, Lennons medikasie, Mate en gewigte, Sop dieet, S A Boererate eBoek, Metrieke omskakelingstabel, Werk van die huis

Die CD kos R100, geregistreerde posgeld ingesluit (dis om en by R1.60 per boek). Met Fastmail koerier, volgende dag aflewering, kos dit R130.

As jy die Fastmail metode verkies kan ek vir jou onmiddelik 'n spoornommer (tracking number) gee, dit sal jou gemoedsrus gee aangesien jy 'n oorbetaling moet maak aan iemand wat jy nie ken nie.

Klik hier om my bankbesonderhede te kry, onthou om ook jou posadres te verskaf

Anna se Kombuis
Ek beskou Anna Eksteen as die koningin van Resepte eBoeke in Afrikaans. Sy het nou al 'n hele versameling van resepte eBoeke wat enige kossoort dek, en dit in Afrikaans! eResepteboeke is goedkoop en geen posgeld is betaalbaar nie, die boeke word per epos gestuur en is in 'n japtrap by jou. Klik gerus hier en kyk na die lys van nuwe resepteboeke en bestel gerus een, of sommer 'n paar! Of bel sommer direk vir Anna - 0822946799

Die volledige lys van al Anne se boeke is onderaan, bestel gerus Pa se Boek as Vadersdag geskenk, daar is nog tyd oor, die boek word per epos gestuur.

Kletskous
Ons nooi almal hartlik uit om te kom klets by www.kletskous.co.za Ons het veral 'n groot tekort aan aandkletsers. Almal wat Afrikaans kan praat is baie welkom ons sien graag nuwe gesiggies in die kamer. Groete Moggy

Kinderstories op CDEen van die hoofdoelstellings van my webwerf en nuusbrief is om Afrikaans te bevorder. Hier is nog 'n besonderse manier, kinderstories op CD.STORIEKLUB lede ontvang 2 nuwe storie cds elke maand! Versamel al 48 CDs oor 2 jaar, of kanselleer jou lidmaatskap wanneer jy wil (minimum lidmaatskap-periode van 3 maande). Laai die intekenvorm af en betaal met gerieflike maandelikse debietorders.As jy dalk sou belangstel, klik net hier.

Wapadrand BoeredansgroepVir navrae of inligting kontak Danette gerus by 0829236177 of stuur ’n epos na danna.smith@resbank.co.za

Gratis oorsese Lotto kaartjie
Elke eerste keer registreerder kwalifiseer vir 'n gratis kaartjie in een van die groot oorsese Lotto trekkings, as jy dus nog NIE voorheen geregstreer het nie, gaan as volg te werk:

Om te begin, klik hier:
Nou moet jy eers registreer, klik Register/Registreer
Vul die vorm in.
Jy sal ‘n epos ontvang waarop jy moet bevestig.
Nou is jy geregistreer en kan begin speel.
Gaan weer na die skakel hierbo, klik op Sign in/ Teken in
Klik dan aan die regterkant op Account Balance/Rekening Saldo en jy sal sien in watter Lotto jy ‘n gratis kaartjie of “voucher” het. As daar nog niks wys nie, byt net vas, hulle laai elke voucher met die hand.
As jy dan een ry op daardie Lotto speel sal jy sien dat jy niks verskuldig is nie.
Jy sal die dag na die trekking ‘n epos ontvang met die nommers wat getrek was asook jou nommers.

Tuiswerk/Tuisinkomste Hier is iets wat werk, jy word nie oornag ryk nie, maar oor 'n tydjie sal dit vir jou ekstra inkomste inbring, al wat dit jou gaan kos is 'n geringe maandelikse fooi. Dis nie 'n foefie nie, ek het ingeteken en ek kry elke maand 'n krediet in my rekening, so dit kos my niks. Klik hier vir meer besonderhede

Die Danville Hulpgroep
Gaan kyk gerus na die webwerf hieronder om te sien watse wonderlike werk hierdie groep doen.
Webwerf: www.danvillehulp.co.za

Elsabé BlignautHuis: 012 991 3914
Sel: 082 828 2551
Epos: Elecnet@mweb.co.za

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.