Ek staan op vir Afrikaans!
Jou ma se taal!
Dit is ons erns.

Welkom aan alle nuwe intekenare! As julle baie gratis resepteboeke wil aflaai gaan kyk by die Argiewe, meeste van die ou nuusbriewe het resepteboeke as pasellas, gaan laai maar na willekeur daar af.

Ek stuur ook 'n Engelse brief uit, elke brief bevat ook 'n pasella resepte eBoek, gaan kyk gerus en laai na hartelus af.

Ek besef die die middel van die jaar, maar dit word nou al hoe moeiliker om resepte pasellas op te spoor.  Hierdie keer is dit 'n resepte eBoek met vleisgeregte vir Kersfees. Vleis is vleis en mens kan seker lekker eet enige tyd van die jaar, nie so nie? Gaan na die Pasella afdeling en laai die biek gratis af.

Wintertyd is soptyd, gaan af na die resepte afdeling en verlustig jou aan al die lekker sopresepte

Die resepte is weer 'n lekker verskeidenheid, gaan kyk gerus hieronder.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Teken hier in op die nuusbrief: http://www.peterjasie.co.za/nuusbrief,html

Doen dit sommer self, klik hier. As jy nie internet toegang het nie, stuur my epos met jou ou en nuwe adres.

Bo en behalwe die Afrikaanse en Engelse resepte eBoeke het ek nou ook 40 stokou Engelse resepteboeke bygesit. Baie van hulle is oor die 100 jaar oud. Hulle is digitaal geskandeer met ander woorde as jy die .pdf oopmaak sien jy die werlike bladsye van die oorspronklike boek. As jy 'n versamelar van resepteboeke is sal jy die boeke regtig interessant vind.

Gaan kyk onder vir 'n lys van die ou boeke en ook hoe om die CD te bestel.

Ek is seker maar laf, maar deesdae begin ek al hoe meer bewus word van tyd wat verbysnel en wat jy nooit weer sal kan ervaar nie. Mie liewe Afikaanse onnie, Ou Johnny het dit so raak gestel toe hy iemand beskryf wat oud word, hy het gesê sy baadjie raak koet agter, so mooi.

Laat mens dink...

Jy kry elke oggend R86 400 in jou persoonlike rekening gedeponeer,

Maar die reels
1. Jy moet alles spandeer, dit wat jy nie spandeer het nie word terug gevat, jy mag nie die geld oordra in 'n ander rekening nie.
2. Die speletjie kan enige oomblik gestop word sonder 'n waarskuwing, jy kan nie 'n nuwe rekening oopmaak nie...

Wat sou jy persoonlik doen? Sal jy alles koop vir jouself en almal wat vir jou saak maak? Selfs vir sekere mense wat jy nie ken nie, want jy kan onmoontlik so baie op een dag spandeer.

Die speletjie is eintlik waar en die naam is REALITEIT!!!

Elkeen van ons besit so bankrekening, ons sien dit net nie, die naam is "TYD"

Elke oggend as jy wakker word is daar reeds 86 400 sekondes in jou rekening gedeponeer... 'n gawe van die LEWE, as jy gaan slaap word alles terug gevat wat jy nie gebruik het nie.
Dis vir altyd verlore,!!!

So wat gaan jy doen met jou sekondes? Is dit nie dalk meer werd as dieselfde bedrag in geld?

Geniet elke sekonde, PASOP TYD SNEL BAIE VINNIGER AS WAT JY DINK!!!

Soekblokkie

Ek het van my stories en fotos in een dokument saamgestel, dis lekkerlees Afrikaans en 'n versameling van my fotos. Ek wil dit graag wyd en syd laat versprei. Dis heeltemaal gratis al wat jy hoef te doen is om op die skakel te regs klik en dit af te laai (om en by 4MB) Peterjasie in Woord en Beeld

Stuur sommer aan die mense op jou poslys ook wat dit mag geniet. Dit kan ook 'n lekkerlees geskenk wees.

Ek is onlangs met O.V.O. gediagnoseer: Ouderdomgedrewe Vergeetagtige Ongesteldheid.

Dis hoe dit manifesteer:

Ek het besluit om my tuin nat te spuit. Terwyl ek die spreier neersit, sien ek my kar het 'n was nodig. Op pad garage toe sien ek die pos wat vroeer afgelewer is op die stoeptafeltjie le.

Ek besluit om deur die pos te kyk voordat ek die kar was. Ek sit die karsleutels op die tafel, sit die gemorspos in die boks onder die tafel, en sien dat hy vol is.

Ek los al die rekeninge toe op die tafel sodat ek eers die boks gemorspos kan leegmaak, en besluit ek kan netsowel die rekeninge betaal, dan is dit afgehandel.

Ek vat my tjekboek wat op die tafel le, en sien daar is net een tjek oor. My nuwe tjekboek is in my studeerkamer, en daar kry ek toe sommer die beker koffie wat ek aan 't drinke was.

Die koffie is al koud, dus maak ek vars koffie. Op pad kombuis toe met die koue koffie tref die potplant my oog en ek sien hy is droog.

Ek sit die koffie op die kombuistafel en ontdek my leesbril wat al heel oggend soek is. Ek besluit dit sal goed wees as ek eers die bril bere, maar ek moet eers die potplant water gee . . .

Ek sit die bril terug op die toonbank, vul 'n houer met water en sien skielik die TV se afstandbeheer wat iemand op die tafel laat le het. Ek besef as ons vanaand wil TV kyk, gaan ons die ding soek - dis beter as ek hom op sy plek terugsit, maar ek moet eers die plant natgooi.

Ek gooi water in die pot, maar mors die meeste op die vloer. Ek sit die TV-ding terug op die tafel en vat 'n handdoek om die vloer droog te maak.

Toe stap ek in die gang af en probeer onthou wat ek wou doen.

Teen sononder:

● Is die kar nog vuil.
● Die rekeninge is nie betaal nie.
● Daar staan 'n koppie koue koffie op die kombuistoonbank.
● Die potplant kort nog water.
● Ek kry nie die afstandbeheer nie.
● My bril is weg.
● En ek weet nie wat ek met die karsleutels gemaak het nie.

Toe probeer ek uitpluis hoekom ek heeldag niks gedoen het nie en hoekom ek so moeg is.

Ek stap na die rekenaar om hulp te soek, maar besluit om eers te kyk of daar e-pos is.

En moenie lag nie:

As jy nog nie so is nie, is jy op pad om so te word!

2 Koppies Haricot-boontjies
2 Koppies Nierboontjies
2 Koppies Suikerboontjies
1½ Kg Stowe beesvleis
2 Medium uie gekap
4 Medium geelwortels in ringe gesny
4 Groterige aartappels
4 Vet knoffelhuisies gekneus
2 Selderystingels opgekerf
35 ml Matige kerriepoeier
7 ml Borrie
7 ml Vleis masala
4 Kruienaeltjies
1½ Handvol groenbone opgekerf
10 ml Rooi brandrissie (sonder pitte)
10 ml Vars groengemmer gekneus
¼ Koppie olyfolie
3 Koppies droëvrugte vir ‘n wyle in koue water geweek. (1 elk appelkose, perskes en pruimedante) Die perskes en appelkose kan middeldeur ge- sny word.
1 Blik (410g) heel tamaties, gekap
2 Lourierblare
2 Vingerlengtes pypkaneel
1 Eetlepel growwe sout
1 Biefblokkie
Varsgemaalde swartpeper
Water

Plaas die boontjies in ‘n kastrol en bedek heeltemal met water. Kook die boontjies vir 5 minute en skakel dan die stoof af. Laat staan tot volgende môre in kastrol met water in. Dreineer dan die water. Verhit dan die olie in die swart pot oor vuur en braai die vleis tot bruin. Voeg dan die uie en knoffel by en braai saam met die vleis totdat die uie mooi helder is. Gooi bietjie water by. Voeg dan die naeltjies, pypkaneel en gemmer by en roer goed deur. Na ‘n rukkie kom die seldery en wortels by en die brandrissie. Voeg dan die groenbone by en pak die droëvrugte bo-op. Hou die vloeistof dop en pasop vir brand. Nou kom die droëbone bo-op asook die tamatie en die lourier. Sit die deksel op en laat ‘n wyle prut. Wanneer die bone sag is kom die vleisaftreksel (biefblokkie) opgelos in kookwater by. Sny die aartappels in groterige blokkies en pak bo-op. Strooi baie varsgemaalde swartpeper bo-oor. Kyk of daar genoeg vloeistof in die pot is. Sit die deksel op en prut verder. Wanneer die aartappels sag is kom die kerriemengsel i.e. kerriepoeier, borrie en vleismasala met bietjie water aangemaak by. Sit die deksel terug en laat deurkook. Bedien oor rys.

Ek haat dit waneer mense hulle onnosel hou, met simple vrae wat my teen die mure uit kan dryf!


Net nou die dag gaan koop ek 'n sak EPOL hondekos by Pick 'n Pay en ewe, terwyl ek so in die ry staan, vra 'n vrou agter my of ek 'n hond het???

Nou kyk, net daar voel dit asof my derms draai van beneukgeid, en my brein begin skree soos staalwol teen 'n swart bord.

Sommer aspris, sê ek vir haar: "Nee, ek het nie 'n hond nie - ek begin weer met die EPOL dieët."

Sy lyk toe nogal soos die basterbrak in ons straat, terwyl sy haar kop draai en my snaaks aanloer, maar ek gaan ewe aan:

"Eintlik weet ek dat ek nie weer op die dieët moet gaan nie, laaskeer het ek in die hospitaal beland. Ek het wakker geword in intensiewe eenheid met pype wat in en uit elke gaaitjie in my lyf uitkom!"

Sy staar my aan met 'n mengsel van skok en belangstelling terwyl ek aangaan, "Maar ek het 22kg verloor in drie weke en dit was beslis die moeite werd."

Ek gaan toe aan en vertel haar dat die EPOL dieët eintlik volledig voedsaam is met al die vitamines en minerale wat mens nodig het vir elke dag,. En hoe mooi my hare deesdae blink.

Haar oë hardloop oor my voorkop na my boskaas, en ek voel die simple ironie, dat sy glo. Ja sowaar, glo sy als wat ek sê!!

Ek gaan aan om haar te vertel; al wat jy doen is om jou broeksakke vol te maak met EPOL nuggets en jy eet een of twee wanneer jy ookal honger voel. Hulle swel MOS 5x hulle groote uit en vul jou magie sommer vinnig! Dis so maklik!

Teen hierdie tyd luister al wat 'n persoon is na my storie - veral die man wat agter die uitvraerige vrou staan.

Heel geskok vra die vrou my toe of ek in die hospitaal beland het van voedsel vergifting?

Ek antwoord haar toe ewe kalm en verbaas: "Nee," sê ek "ek het in die straat gesit en my agterent gelek, toe ry 'n kar my raak!"

Die Pasella hierdie keer is 'n resepte eBoek met Kersfees vleisgeregte, regs klik hier om dit af te laai.

Klik hier om die artikel te lees.

Klik net hier , registreer en koop 'n kaartjie. Dis doodveilig, en sodra die transaksie afgehandel is, kan jy begin droom, lekker groot droom. En as jy vir die eerste keer registreer kry jy nog 'n gratis kaartjie ook! Waarvoor wag jy?

Hier is die lys van beskikbare Lotto s en die huidige boerpotte:

Powerball US $86,000,000
SuperEnaLotto EU €21,800,000
MegaMillions US $22,000,000
MegaSena US $21,300,000
EuroMillions EU €15,000,000
UKLottery UK £9,300,000
ElGordo EU €7,800,000
SuperLottoPlus US $10,000,000
FranceLoto EU €5,000,000
OzPowerball US $2,900,000

Sjoe, dis darem maar groot geld!

Hier is 'n plek waar ek sommer net dag tot dag fotos opsit soos ek hulle afneem, gaan kyk gerus:

http://www.peterthomas.co.za/blog.html

Lekker kyk, ek las gedurig nog fotos by.

Ekke is ook op Facebook,  kry my by www.facebook.com/Peterjasie

Mirna is ‘n opvoedkundige sielkundige en Heel Skool Evalueerder in Stellenbosch.  Sy het onderwys gegee by verskeie skole, o.a. Hoërskool Stellenbosch, Hoër Meisieskool Bloemhof en Jan Krielskool vir leerders met hindernisse tot leer.  Sy gee praatjies, skryf artikels, lag en reis die hele land vol.  Sy is ‘n ma, lief vir die kunste, die see en kinders.   Jy is welkom om kommentaar en vrae te stuur na mirnafvanwyk@gmail.com.

Die 7 lesse van die houtkappers

Eendag was daar 2 houtkappers wat langs mekaar gewoon het. Elke dag het albei in die woud gaan bome afkap en dan verkoop.
Pieter het baie hard gewerk. Hy voor sonsopkoms al woud toe gestap en sommer sy kos ingepak. Hy het dan vir ses ure sonder ophou gewerk.
Hy het dan ‘n kort etensuur gehad en dan weer aanhou werk tot sonsonderg.
Paul , aan die ander kant, het baie later as Pieter begin werk, hy het baie keer gerus, ‘n goeie etensuur gehou en sommer bietjie skuins gelê ook. Hy was ook al teen sonsonder terug by die huis.
Maar tog het Paul gewoonlik meer bome afgekap as die ewigdurende werkende Pieter. Paul het minder ure as hy gewerk, meer ruskanse benut en ook nie hulp gehad nie. HOE het PAUL dit reggekry ?
Eendag roep Pieter na Paul:”Hei, Paul-hoe doen jy dit? Jy werk korter ure as ek en jy maak voor my klaar. Jy neem ruskanse en tog kap jy meer bome af as ek.”
Paul het glimlaggend geantwoord: “Hei Pieter, jy moes fyner gekyk het-ek het my byl altyd skerp gemaak voor ek begin werk het, en gereeld gestop om dit weer skerp te maak.”

Hierdie eenvoudige storie hou 7 baie belangrike lesse vir elke mens:
1. Hou op te veel DOEN en begin DINK ook.
2. Verbeter jou vaardighede konstant.
3. Dit is nie die ure wat jy werk nie; dit is die werk wat jy gedoen kry in die beskikbare ure.
4. Elke aksie/aktiwiteit verskerp jou vaardighede of stomp jou af.
5. Voorbereiding is die voorloper tot sukses.
6. Moenie aktiwiteit verwar met vordering nie.
7. Sit jou outomatiese ratte af en skakel jou geleentheids-radar aan.

Finale woord: Niks gebeur vanself nie-skryf jou drome en doelwitte neer. Skryf ook idees en die stappe wat dit gaan benodig tot sukses neer. En werk dan stadig maar seker na jou doelwitte. Reik uit na die sterre-maar hou jou voete op die grond.
Entoesiasties van my aan jou.

Klik hier om Mirna se ander artikels te lees

Die Ou Voortrekker
A G Visser

My kinders om my bed geskaar
Ek voel die lange tog is klaar,
Die laaste uitspan daar, ---
Dank Heer, dat U aan gindse kus
Die moeë trekker gun sy rus,
Na opdraans lank en swaar.

Die ou familiebybel daar
Moet julle meer as goud bewaar;
Hy was deur al die swaar
My raad en troos in tyd van nood,
Nou in die ure van die dood
My vaste steunpilaar.

Daar aan die muur hang my geweer;
Bewaar hom goed. Hoe menig’ keer
By dreigende gevaar
Was net sy snelle, wisse lood
Ons een’ge redding van die dood
Deur roofdier of barbaar!

Majoebaberg die ken sy knal;
Die grootwild het voor hom geval,
En leeus die stof gebyt!
Mag daar nooit iemand met my van,
Wat nie kan skiet --- geen weerbaar’ man, ---
Die lewe hulploos slyt.

Besonders wil en julle vra:
Hou vir gedagt’nis my ou wa;
Wat het hy nie deurstaan?
Hy was ons huis as onweer dreig,
Ons vesting sterk in felle kryg
Met Silkats en Dingaan!

Hy kan getuig van moedermin:
Die Lewe het in hom begin;
Die kille Dood ken hy.
Wat ‘n verhaal kon hy ontvou
Van mannemoed en vrouetrou
En eerste liefde bly!

Gee aan ou Poon, my laaste perd,
Genadebrood. Hy is dit werd.
Vir hom is daar geen geld!
Hoe dikwels het ons twee gedeel
My laaste bietjie mieliemeel
Daar buite op die veld!

My kinders bly die grond behou;
Onthou julle afkoms; wees getrou!
Laat vreemde sedes staan!
Al bars die swaarste onweerswolk
Oor ons, tog bly ons nog ‘n volk
En sal ons voortbestaan.

Daar’s nog ‘n ou Transvaalse vlag ---
Bewaar . . wie weet . . miskien . . een dag ---
Ek sal daar nie meer wees ---,
Maar mag ons eie vlag weer waai,
Vat my geweer en skiet en laai ---
En . . . Heer, ontvang my gees !

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Zalome is nog iemand wat probeer om die gebruik van Afrikaans op die internet te bevorder. Sy stuur lekker "kletsbriefies" per epos uit. Daar is twee soorte, een met musiek en een sonder musiek wat dan vinnig aflaai.

Om aan te sluit, klik net op die skakel van die brief wat jy wil ontvang, doen dit van die rekenaar af waar jy die brief op sal wil ontvang. Yahoo sal dan,
'n bevestingsbrief stuur, "Reply" net daarop en dis dan al! Kom sluit aan, dis gratis en dis pret (in Afrikaans).

AFRIKAANS MET MUSIEK:
ZALOME-AFRIKAANS_muso-subscribe@yahoogroups.com

AFRIKAANS SONDER MUSIEK:
ZALOME-AFRIKAANS_geen-muso-subscribe@yahoogroups.com

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier 

Vrou aan vriendin, "My man sê ek doen niks wat sy asem wegslaan nie"
Vriendin, "En toe wat maak jy ?"
"Toe gooi ek sy asma pompie weg... dit behoort die ding te doen".

'n Baie vroom Moslem klim in 'n Kaapse minibus-taxi en vra die bestuurder om die radio af te sit.
Volgens sy geloof mag hy nie musiek hoor nie. In die tyd van die profeet was daar geen musiek nie.
Veral nie Westerse musiek nie en geen radio's nie - dis vir die ongelowiges.
Die bestuurder skakel toe die radio beleefd af, stop die taxi en maak die deur oop.
"Hei, wat maak jy nou?" vra die Moslem.
Die bestuurder antwoord: "Lyste', innie tyd vannie profeet was daar nie taxi's nie, ve'staa' djy?
So kry djou gat yt my taxi yt en dan staa' en wag djy vir 'n kameel!"

Die twee seuntjies speel krieket in ‘n parkie in Kaapstad.
Terwyl hulle nog so speel, kom daar ‘n Rottweiler in en val die een seuntjie aan.
Die ander seuntjie dink vinnig, vat sy kolf, druk dit by die Rottweiler se halsband deur en breek sy nek.
Net toe kom daar ‘n joernalis verby en hy wil onderhoud voer met die seuntjies.
Hy begin te skryf: “Jong Stormer ondersteuner red vriend se lewe uit die bek van ‘n vreeslike dier”.
Die seuntjie sê – “Ek is nie ‘n Stormer nie” - baie verontwaardig Die joernalis vra om verskoning en sê hy’t aangeneem omdat die insident in die Kaap gebeur het, hy ‘n Stormer ondersteuner is. Hy begin toe weer skryf: “Sharks ondersteuner red vriend van vreesaanjaende aanval”. Weer sê die seun “Ek is nie ‘n Sharks ondersteuner nie".
Nou watter span ondersteun jy dan, vra die joernalis. Die seun sê “Ek is ‘n Blou Bul ondersteuner”.
Die joernalis blaai om en skryf:
“KLEIN PES VAN PRETORIA VERMOOR FAMILIETROETELDIER KOELBLOEDIG

Sipho apply vir job:
"Ek soek werk, ek wil hard werk, ek soek min geld, ek strike nie, en ek gaan ôk nie elke maand na my ouma se funeral."
Koos antwoord: "'n Goeie pos vir jou, ± R50,000.00 per maand, 2 trips per jaar oorsee, 13de tjek en 'n 4 x 4 D/Cab."
Sipho: "Jy lieg vir my!"
Koos: "Ja, maar jy't eerste begin k@k praat."

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

7 Stappe om Positief te dink

Werkgewers en bestuurders verkies positiewe werkers. Werkers wat 'n gesonde positiwiteit uitstraal is oor die algemeen meer produktief en kreatief, en dra by tot 'n aangenamer werksomgewing
Het jy al moedeloos gevoel en lus gehad om tou op te gooi. Dan kom iemand by jou en sê: "Jy moet net positief wees." Ja, die meeste van ons het al so 'n boodskap van iemand gekry.
Miskien het jy ook al vir 'n vriend of familielid dieselfde gesê: "Moenie so negatief wees nie, bly net positief en dinge sal sommer beter gaan."
Ons kan ons sekerlik hiermee vereenselwig: dink positief!! Maar hoe moet 'n mens nou maak om positief te dink?
Sewe stappe vir 'n positiewe uitkyk:
1. Leef dankbaarheid elke oomblik: Leer om elke oomblik te waardeer vir wat dit is. Byvoorbeeld jy ry deur die Karoo en kry 'n papwiel. Eerder om dikbek te wees oor die ongerief wat jou tref, klim uit en trek jou longe vol van die vars lug. Luister na die groot stilte van die Karoo en steek jou vingers in die warm sand. Wees dankbaar en bly jy vir 'n besondere oomblik wat jy in die Karoo ervaar. Ek dink hier onwillekeurig aan die woorde van Henri Matisse: "Daar is altyd blomme vir diegene wat dit graag wil sien."
2. Leef met humor: Jy moet elke dag kan lag. Lag is helend. Lag maak gesond. Leer om humor in situasies in te sien. Oefen om iets komies te sê. Vind iets snaaks in 'n spanningvolle moment en sê dit vir die mense rondom jou. Humor vereis kreatiwiteit. Dit maak jou denke oop. Soek humor in iets en dit dwing jou om anders te dink. Dit stimuleer jou brein, dit gee lewe.
3. Leef jou droom voluit: Instede daarvan om te kla oor wat gebeur het, skep vir jou vorentoe-kyk denke. Moenie vaskyk teen die onreg jou aan gedoen nie, maar fokus op jou toekoms. "Gee slegs een positiewe gedagte kans om te oorleef en te groei, en dit oorrompel 'n hele krygsmag van negatiewe gedagtes." (Robert H. Schuller). Moenie neul oor verspilte kanse nie, maar ywer aan geleenthede wat nou rondom jou is. Werk onverpoosd en kreatief aan jou drome en leef jou lewe met passie.
4. Kry jou plek agtermekaar en netjies: Kry jou lessenaar, leefomgewing, en jou werksruimte georden en sorteer alles uit. Wanneer dinge netjies op hul plek is, en jou ruimte is sistematies en goed gerangskik, voel jy sommer beter. Dit skep 'n atmosfeer en energie om daadwerklik iets aan probleme te doen en om nuwe geleenthede te benut.
5. Omring jou met positiewe mense: Positiewe mense stimuleer jou tot positiewe denke, terwyl die negatiwiteit van mense afbrekend op jou gestel inwerk. Wanneer jy met mense praat en handel, moenie op swartgallige en negatiewe aspekte fokus nie. Waag eerder met humor en positiwiteit en jy sal sien hoe jy die regte tipe mense nader aan jou trek.
6. Vergeet vrees, voluit vorentoe: Vrees vir allerhande dinge maak jou depressief, gespanne, bang en negatief. Dit kan vrees wees vir finansiële probleme, 'n knorrige baas, 'n slegte situasie of 'n oorlading van werk. Maar weier om te fokus op vrees. Analiseer die vrees, deurdink oplossings en doen aksiestappe om die probleem te hanteer. Konsentreer dan met alles wat jy het op jou doelwitte en op die pad vorentoe. Skuif twyfel en vrees gedagtes doelbewus uit, en gee al jou energie en denke vir jou drome. Neem een dag op 'n keer, en hanteer daardie dag voluit en positief. Swami Vivekananda het gesê: "Wanneer jy dink oor rampspoed, dan sal jy dit kry. Broei oor die dood en jy verhaas jou afsterwe. Dink positief en meesterlik met vertroue en geloof, en die lewe word meer beskut, voller met aksie, ryker in prestasie en ondervinding."
7. Leef met geloof: Jy het hierdie een lewe. Glo in jouself en waag met alles wat jy het om voluit te lewe. Glo dat jy suksesvol sal wees. Glo dat jy jou probleme en struikelblokke in geleenthede sal omskep. Aanvaar die uitdagings van die lewe en bou jou toekoms. Om te glo in jouself is om 'n werklikheid te skep waarin jy met selfvertroue en positiwiteit kan funksioneer. En jy kan maar glo in jouself, want jy is mens geskape na die beeld van God. Iemand eenkeer gesê het: "Wanneer die son opkom, kom dit op vir iedereen." Ja, die son kom elke oggend ook vir jou op, sodat jy met positiwiteit en vreugde kan leef en werk.
Willie Nelson - die befaamde Country Western sanger som dit goed op: "Sodra jy negatiewe gedagtes vervang met positiewe gedagtes, sal jy begin om positiewe resultate te kry."
Uiteindelik is positiewe denke 'n keuse wat jy prakties kan uitoefen in jou lewe, asook in jou beroep en werksomgewing.

'n Sprankie wysheid vir die dag
"Positiwiteit smeer af soos skoenpolitoer. Voor jy jou kom kry, is almal vol daarvan." - skrywer onbekend

Jy kan inteken op st se nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

Nuusbrief argiewe

As jy dalk nog baie resepte wil hê, gaan kyk in die argiewe, elke nuusbrief bevat resepte en meeste van hulle het ook nog gratis aflaaibare resepte eBoeke.

Dik groentesop

500ml haricotbone
water
25ml olie
2 uie of preie gekap
3 wortels, gekap
3 selderystingels, met blare gekap
2 aartappels, in blokkies gesny
625ml kool, gerasper
150ml groenbone, in stukkies gesny
3 biefekstrakblokkies
500ml kookwater
4 middelslag tamaties, in blokkies
12.5ml sout
2 ml peper
2 liter water (ongeveer)

Week die haricotbone oornag in water. Dreineer dit en bedek dit met 1
liter vars water. Kook die boontjies tot sag. Verpulp die bone of druk
dit fyn. Verhit die olie en soteer die groente, behalwe die tamaties
ongeveer 15 minute lank daarin totdat dit sag is. Roer dit aanhoudend
sodat dit nie aanbrand nie. Los die biefekstrakblokkies op in die
kookwater en voeg dit saam met die tamaties en geurmiddels by die
groente. Voeg ook die bone by. Plaas die deksel op en laat prut
ongeveer 30 minute lank. Vul die vloeistof aan as dit wegkook. Daar
moet ongeveer 2 liter sop wees.


Tamatiesop

40ml margarien
750g tamaties, in kwarte gesny
1 liter hoenderaftreksel
1 ui, gekap
1 lourierblaar
3 ml vars gemaalde swartpeper
3ml sout
5ml lemoenskil, fyn gerasper
10ml suurlemoensap
5ml suiker

1. Verhit die margarien en roerbraai die tamaties sowat 10 minute
lank.
2. Voeg alles behalwe die suurlemoensap en suiker by en laat dit 45
minute lank prut.
3. Vryf die mengsel goed deur ‘n sif.
4. Voeg die suurlemoensap en suiker by en herverhit die sop tot
kookpunt.
5. Bedien dadelik.


Aartappelsop

10 aartappels
1 liter water
40ml botter
3 uie, fyn gekap
10ml sout
2ml peper
knippie fyn neut
15ml pietersielie
375ml room melk
10ml Worcestersous.

Skil en sny die aartappels in blokkies. Kook in water tot sag. Druk
aartappels in water fyn. Braai uie in die botter tot bruin. Voeg dit by
die aartappels. voeg die sout, peper, neut en pietersielie by. Voeg die
room by die aartappelmengsel en meng. Voeg die Worcestersous by.
Laat die sop op kook. Indien te dik, verdun met melk. Sit sop met
roosterbrood voor.


Romerige botterskorsiesop

1 groot botterskorsie, geskil, in blokkies gesny
3 aartappels, geskil, in blokkies gesny
1 ui, grofgekap
1 tamatie, vel verwyder en grofgekap
1l hoenderaftreksel
125 ml vars room
10 ml sout
varsgemaalde swartpeper na smaak
3 ml fyn komyn
3 ml kerriepoeier
3 ml fyn koljander
20 ml gekapte, vars pietersielie

Plaas die botterskorsie, aartappels, ui, tamatie en hoenderaftreksel in
'n groot kastrol. Bring tot kookpunt, verlaag die hitte, plaas deksel op
en laat saggies prut totdat die groente sag is (sowat 30 minute).
Verpulp groente en aftreksel in 'n voedselverwerker. Gooi verpulpte
groente terug in die kastrol, voeg room en geurmiddels by en verhit tot
goed deurwarm. Garneer met pietersielie en sit voor met vars
sesamsaad broodrolletjies.


Vissop

1 pak sampioensop
1 blik sampioensop
1 x 250 ml room
1 blik tuna
15 ml sjerrie

Maak sop aan soos aanwysings, maar gebruik helfte melk en water.
Meng res by.
Roer tot kookpunt
(Addisioneel voeg blikkie gemengde seekos by).


Boontjiesop

2 pakkie gedroogte sous bone oornag in water geweek
Gooi water af voeg genoeg water by om bone te bedek
voeg een stuk gerookte vark been (eisbein) by en kook sag
Haal die bene uit en sny die vleis klein stukkies
.
Voeg nou
1bottel lite chuthey
2 pakkies bruin uie sop
sout en peper (pas op vir te veel die sop is reeds sout)
'n bietjie asyn of balsimic asyn by
(na smaak ek hou nie daarvan te suur nie)
Kook 'n rukkie vir die sop om gaar te word
Druk fyn met aartappel drukker en bedien met brood


Lensiesop

1 pakkie bruin lensies
2 pk sopgroente (wat mens in die groentewinkels kry)
1-2 pk sopbene (maw 2-4 sopbene na gelang van wat jou beursie sê)
2-4 aartappels (die soort wat maklik blus, waarvan mens kapokaartappels maak)
geurmiddels
Gooi die vleis en sopbene in 'n 5 liter kastrol wat driekwart met watergevul is.
Plaas op die stoof en laat solank vinnig kook terwyl die groente gekerfword.
Ek rasper sommer alles wat gerasper kan word op die growwe kantvan die rasper.
Die res kerf ek fyn - met die hand of voedselverwerker.
Moenie te veel rape ingooi nie.
Ek vind dit maak die sop efffens bitter.
Sodra die groente klaar gekerf is, gooi ek dit by die res in die pot enlaat
stadig kook.
Soms hou ek die aartappels uit tot so 20 minute voor ek dit opskep om te
keer dat die aartappels heeltemal fyn kook.
Vul maar nou en dan aan met water indien nodig.
Gooi sout, peper, Aromat, Worcestersous, tamatiesous of -pasta na
smaak by.
'n Tritseltjie blatjang is ook nie onvanpas nie - pasop vir te veel anders
gee dit die sop 'n soeterige geurtjie.

Groentesop

Dieselfde bestanddele as hierbo, maar laat net die lensies weg en gooi
meer aartappels in as jy wil.
Ek gooi die kastrol dan net half vol water.
Jy kan ook 'n paar vars, geskilde tamaties bygooi in plaas van die
tamatiesous of pasta.
Jy kan ook in plaas van nog aartappels makaroni ingooi om die sop
dikker te maak.

Boontjiesop

1 pk gespikkelde bruin boontjies (oornag in 'n liter water geweek)
2 sopbene
2 aartappels
1 groot ui
4 repe spek (Bacon)

Gooi bone en vleis en ± 4 liter water in 'n kastrol en laat kook.
Voeg die spek en fyngekerfde ui by.
Voeg aartappelblokkies so 20 minute voor opdiening by.
Kook tot bone en vleis sag is.
Voeg weer enige van die vorige resep se geurmiddels by.
Jy moet maar eksperimenteer wat vir jou die lekkerste is.
Lekker eet.


Aartappelsop

1 kg aartappels
500 ml hoenderaftreksel
250 g spek
2 uie
30 ml pietersielie
250 ml room

Kook aartappels sag en maak baie, baie fyn.
Voeg aftreksel by.
Snipper spek en braai tot bros.
Sny uie fyn en braai in spekvet.
Voeg alles bymekaar.
Geur na smaak.
Kook 'n paar minute.
Voeg pietersielie en room net voor opdiening by.
Sit warm of koud voor

Lensiesop
450 gram Lensies
1 liter Water waarin lensies oornag geweek word
1 liter Vleisaftreksel
60 gram Botter
2 Groot uie
3 Wortels
3 * 4 Spekrepies
Sout
Peper
Neut
12.5 ml Mielieblom
125 ml Melk

Week lensies oornag in water. Voeg lensies en 1 liter van weekwater by
vleisaftreksel. Braai gekapte uie, gesnyde wortels en spekrepies (in
stukkies gekap) tot liggeel in botter en voeg dit by die lensies. Kook
stadig vir 2 uur. Vryf deur sif en geur na smaak met sout en peper en
neut. Maak mielieblom aan met melk en roer dit stadig by sop om te
verdik.


Sampioen en Feta Sop

1-2 knoffelhuisies, fyngedruk
1 koppie ongesoute botter
1 ui gekap
2 eetlepels sprietuie
3 x 50 g vars sampioene in skyfies gesny
1/2 koppie koekmeelblom
1 blikkie bier
2 koppies hoenderaftreksel
1 koppie melk
1 blik "evaporated milk"
Fetakaas gekrummel
1/2 koppie gerasperde Parmesaankaas
5 ml tiemie
5 ml basielie [ook vir garnering]
15 ml Worcestershiresous
Sout en varsgemaalde peper
Rooi peper

1. Soteer knoffel in botter en voeg dan uie en sampioene by.
Kook tot sag. Hou eenkant.
2. Smelt botter in groot kastrol en braai dan botter en meel tot
goudbruin. Klop bier daarin tot mengsel lekker dik word.
3. Meng hoenderaftreksel en en melk en giet stadig in
biermengsel in. Voeg res van bestanddele by behalwe die
feta en parmesaankaas.
4. Geur die sop en laat kook vir 10 tot 15 minute.
5. Garneer met Feta en Parmesaankaas.
6. Bedien 8 - 10 mense.


Tamatie en wortelsop

15 g botter
10 ml olie
1 ui, gekap
2 knoffelhuisies, gekap
2 wortels, gekap
500 g tamaties, verwyder skil en kap grof
bouquet garni
1 liter groente of hoenderaftreksel
sout en varsgemaalde swart peper

1. Verhit botter en olie.
2. Soteer uie en knoffel vir 10 minute.
3. Voeg wortels by en roer tot vloeistof geabsobeer is.
4. Voeg dan tamaties, appel, bouquet garni en aftreksel by.
5. Geur met sout en peper.
6. Sit deksel op en laat prut vir 45 minute.
7. Verwyder bouquet garni en versap in Braun versapper.
8. Sit sop in skoon kastrol terug en verhit weer. Pas geursel
aan indien nodig.
9. Bedien in verhitte sopbakkies en geur met lepelvol room en
‘croutons’.

Warm knoffelsop

4-6 knoffelhuisies, gekap
2 preie [kap die wit gedeeltes]
30 ml olyfolie
1 liter groente aftreksel
4 aartappels in blokkies gekap
150 ml room
grasuie
100 ml wit wyn
sout en peper

Roerbraai knoffel en uie in olie en voeg dan die aftreksel en aartappels
by. Kook tot sag. 'n Lourierblaar kan daarby ingegooi word en
verwyder word na die kookproses. Versap die sop, geur en voeg die
room by. Herverhit die sop, maar moet dit nie laat kook nie. Strooi
gekapte sprietuie oor en bedien met ‘croutons’.


Aartappelsop met sampioene

50 g (50 ml) botter
2 knoffelhuisies, fyn gekap
2 uie, fyn gekap
250 g gekapte spek
4 aartappels, geskil, in blokkies gesny
250 g sampioene, in skyfies gesny
50 ml (4e) witwyn {opsioneel}
410 g hoenderroomsop
250 ml (1k) water
250 ml (1k) melk
10 peppadews, in repies {opsioneel}
sap en skil van ½ suurlemoen OF
100 ml suurroom
4 roosmaryntakkies OF
10 ml droë roosmaryn

1. braai knoffel en uie in botter, voeg spek by
2. roer aartappels en sampioene by en braai
3. gooi res van bestanddele by en prut 25 - 30min of tot aartappels
sag is
4. geur na smaak, sit warm voor en rond met roosmaryntakkie af

Romerige botterskorsiesop

1 groot botterskorsie, geskil, in blokkies gesny
3 aartappels, geskil, in blokkies gesny
1 ui, grofgekap
1 tamatie, vel verwyder en grofgekap
1l hoenderaftreksel
125 ml vars room
10 ml sout
varsgemaalde swartpeper na smaak
3 ml fyn komyn
3 ml kerriepoeier
3 ml fyn koljander
20 ml gekapte, vars pietersielie

Plaas die botterskorsie, aartappels, ui, tamatie en hoenderaftreksel in
'n groot kastrol. Bring tot kookpunt, verlaag die hitte, plaas deksel op
en laat saggies prut totdat die groente sag is (sowat 30 minute).
Verpulp groente en aftreksel in 'n voedselverwerker. Gooi verpulpte
groente terug in die kastrol, voeg room en geurmiddels by en verhit tot
goed deurwarm. Garneer met pietersielie en sit voor met vars
sesamsaad broodrolletjies.

Ekstra Inkomste

Hier is iets wat werk, jy word nie oornag ryk nie, maar oor 'n tydjie sal dit vir jou ekstra inkomste inbring, al wat dit jou gaan kos is 'n geringe maandelikse fooi. Dis nie 'n foefie nie, ek het ingeteken en ek kry elke maand 'n krediet in my rekening, so dit kos my niks. Sluit gratis aan vir 'n proeftydperk.
Maar jy moet opgradeer om deel te neem aan die wins, dis egter 'n druppel in die emmer. Probeer gerus!

Die hele proses het nou verbeter en dis nou makliker om te begin inkomste kry, sluit gerus aan vir 'n gratis proeftydperk, kyk die kat uit die boom en gradeer dan op om te begin saamspeel! Klik hier en gaan kyk self!

Dit neem 'n rukkie, maar ek het verlede maand net minder as R1000 gekry. Elke bietjie help!

Yes, out of curiosity I visited Be Motivated Today during September 2009, but only joined during August 2010, what a waste of time!!!.
If I knew what was happening during the year I wasted, man, I would have joined immediately after I  read the details of the setup.
I now have a waiting list of seven on my downline (one already joined as Silver), the others are bound to join during November and they are jumping around purely from excitement to get started and its rubbing off on me as well.
Just one question: My intention is to place an invitation advertisement on the rear window of my car, do you think it could shake some people out of their dreams and make them joining us?

Klik hier vir meer besonderhede

Die Danville Hulpgroep
Gaan kyk gerus na die webwerf hieronder om te sien watse wonderlike werk hierdie groep doen.
Webwerf: www.danvillehulp.co.za

Elsabé BlignautHuis: 012 991 3914
Sel: 082 828 2551
Epos: Elecnet@mweb.co.za

Resepte, resepte,  resepte

Ek het besluit om sake vir my te vergemaklik an al die resepte eBoeke wat ek het (Engels en Afrikaans) op een CD saam te sit. Daar is meer as 110 resepteboeke wat omtrent enige dis bevat wat jy aan kan dink so ek dink nie jy sal nodig hê om ooit weer 'n resepteboek te koop nie. Omtrent al die boeke kom met herverkoopregte (behalwe waar dit anders meld) met ander woorde hulle is nou joune en jy kan maak met hulle wat jy wil selfs ook een vir een van die CD afhaal en herverkoop.

Die prys van die CD is R100 (dis om en by R1 per boek) posgeld uitgesluit

Posgeld is  R20 vir geregistreerde pos en R60 vir Speed Services oornag toonbank tot toonbank.

As jy sou belangstel om een van die CD's te bekom, klik net hier en ek stuur vir jou my bankbesonderhede, gee my ook net jou posadres. Sodra ek dan die CD pos, stuur ek vir jou die spoornommer per epos as bewys dat dit gepos is. As jy R120 deponeer stuur ek dit per geregistreerde pos en as jy R150 deponeer stuur ek dit Speed Services oornag toonbank tot toonbank

Hier is die Afrikaanse boeke:

217 Egte Afrikaanse resepte, Aartappels, Beskuitresepte, Afrikaanse Resepteverskeidenheid, Brood resepte, Vul die beskuitblik, 'n Broodjie vir die blik, Blokkieskoek, Burgers Patties Frikadelle, Brood resepte, Drankies, Drinkgoed, Gemmerbier, Groente, Eet jou groente, Hoender resepte, Happies en Poffers, Kaaskoek, Ietsie anders resepte, Kerskoeke, Karavaan resepte, Kleinkoekies, Kinderlekkerte, Koekiedrukker resepte, Koeke, Likeur, Lekkergoed resepte, Nog resepte, McCain resepte, Moedersdag resepte
Mikrogolf resepte, Peterjasie se boek, Pastageregte, Peterjasie se Kersresepte versameling
Peterjasie se eBoek van vernoemde resepte, Poeding, Peterjasie se Tradisionele SA resepte
Resepte met biltong, Resepteverskeidenheid - ook grootmaat, Slaaie, Sommer net resepte, Sop in die pot, Sop resepte, Terte, Sous, Verskeie resepte 1, Souttert & Pannekoek, Vis en hoender, Veelsydige hoender, Vleisgeregte vir Kersdag, Verskeie resepte 2, Warm en koue drankies, Vleisresepte, Wille samies, Wafels en Pannekoeke, Wors en worsies

Allerlei

Annette se Boererate, Boererate en Verbruikerswenke, Hartstigting dieet, Lennons medikasie, Mate en gewigte, Sop dieet, S A Boererate eBoek, Metrieke omskakelingstabel, Werk van die huis

Hier is die lys van baie ou Engelse resepte eBoeke

A Calendar of Dinners with 615 recipes - 1922
A Dozen dainty recipes for preparing wartime canned meats - 1920
A Home Guide - or a book by 500 ladies - 1877
Aunt Carolines Dixieland Recipes - 1922
A Practical Dictionary of Cookery - 1200 tested recipes - 1898
Best recipes for baking - pre 1908
Buckeye Cookery and Practical Housekeeping - 1877
Burke's Complete Cocktail and tasty bite recipes - 1936
Catering for special occasions with menus and recipes - 1911
Diabetic Cookery - recipes and menus - 1917
Fifty Choice Recipes for Spanish and Mexican Dishes - 1905
Fifty valuable and delicious recipes made with corn meal - 1917
Heart of the Wheat - a book of recipes - 1910
Hospitality - recipes and entertainment hints for all occasions - 1922
Hotel Management - quantity food recipes
Household hints and recipes - 1877
Ice Cream - practical recipes for making ice cream - 1886
Information for everybody - 1859
Jane Hamiltons Recipes - 1909
Just the thing - dainty dishes at small cost - 1899
Larger cookery book of extra recipes - 1891
Leather Manufacture - 1891
Light entertaining - a book of dainty recipes for special occasions - 1910
Mom's Cookbook
On Uncle Sam's Water Wagon - 500 recipes for delicious drinks that can be made at home - 1919
Our candy recipes - 1919
Practical Household Cookery - 1000 recipes - 1891
Preserves and Pickles - 1912
Recipes - dainties, salads and clever hints - 1919
Recipes for the preserving of fruit vegetables and meat - 1908
The Candy Maker's Guide - 1896
The Housekeeper's Friend - 1897
The Hygenic Cookbook - 1881
Tried and Tested Recipes - 1921
Two Hundred and Seventy Five Wartime Recipes - 1918
Two hundred recipes for cooking in casseroles - 1914
Two hundred recipes for making desserts - 1912
War Time Cookery - 1917
Wheatless Recipes - 1918
Wrinkles and Recipes, including farming and household hints - 1877

Hier is die Engelse resepte:

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.