Ek staan op vir Afrikaans!
Jou ma se taal!
 

Welkom aan alle nuwe intekenare! As julle baie gratis resepteboeke wil aflaai gaan kyk by die Argiewe, meeste van die ou nuusbriewe het resepteboeke as pasellas, gaan laai maar na willekeur daar af.

Die resepte hierdie keer is sommer 'n lekker verskeidenheid, gaan kyk gerus ondertoe!

Die pasella is 'n eBoek met resepte vir die allerlekkerste toebroodjies. Ek het al 'n rukkie gelede hierdie boek saamgestel maar ek word nog gereeld gevra vir lekker toebroodjie idees, so hier is hy weer. gaan na die pasella afdeling en laai die boek gratis af.

Ek stuur ook 'n Engelse brief uit, elke brief bevat ook 'n pasella resepte eBoek, gaan kyk gerus en laai na hartelus af.

Net om te laat weet dat ek enigiets wat ek in my epos ontvang en wat ek voel hier geplaas kan word, dit plaas ek. As daar dalk kopiereg op is laat weet my, dalk haal ek dit af.

Teken hier in op die nuusbrief: http://www.peterjasie.co.za/nuusbrief.html

Kontak my: peter@peterjasie.co.za

Doen dit sommer self, klik hier. As jy nie internet toegang het nie, stuur my epos met jou ou en nuwe adres.

Bo en behalwe die Afrikaanse en Engelse resepte eBoeke het ek nou ook 40 stokou Engelse resepteboeke bygesit. Baie van hulle is oor die 100 jaar oud. Hulle is digitaal geskandeer met ander woorde as jy die .pdf oopmaak sien jy die werlike bladsye van die oorspronklike boek. As jy 'n versamelar van resepteboeke is sal jy die boeke regtig interessant vind.

Gaan kyk onder vir 'n lys van die ou boeke en ook hoe om die CD te bestel.

Soekblokkie

Ek het van my stories en fotos in een dokument saamgestel, dis lekkerlees Afrikaans en 'n versameling van my fotos. Ek wil dit graag wyd en syd laat versprei. Dis heeltemaal gratis al wat jy hoef te doen is om op die skakel te regs klik en dit af te laai (om en by 4MB) Peterjasie in Woord en Beeld

Stuur sommer aan die mense op jou poslys ook wat dit mag geniet. Dit kan ook 'n lekkerlees geskenk wees.

Ek het mos verlede keer genoem dat ek van Peet se Padstal gehoor het, wel, ek het hulle toe gaan besoek en hier is wat gebeur het. As julle ooit in die Warmbad omgewing vakansie hou of net daar deurry, maak seker om by Peet se padstal 'n draai te gaan maak.

Dit het alles begin toe ek ‘n epos van Hettie Pretorius af ontvang. In die epos noem sy van ‘n allerlekkerste Sondag buffet-ete by Peet se Padstal, net buite Bela Bela (Warmbad) op die R516.

Ek moet erken ek was eers ‘n bietjie skepties oor ‘n Sondag-ete by ‘n Padstal, maar ek maak toe kontak met Hettie en tref reëlings om een Sondag daar te gaan kuier.

So om en by 5 km uit Bela bela sien mens ‘n groot geel skoolbus op linkerkant asook ‘n groot naambord wat aandui dat jy nou by Peet se Padstal is.

As jy binnestap kan jy sommer sien hier is iets spesiaal. Soos die leuse aandui – “Hierdie is nie sommer net ‘n Padstal nie, die ‘n moewiese “experience!” En ‘n moewiese “experience” is dit inderdaad.

Maar voor ons die plek mooi kon deurkyk kom die vriendelike Hettie op ons afgestap en dis ‘n oor en weer gegroetery asof ons langverlore familie is. Ek het eers gedink dis ons wat so spesiaal is maar toe sien ek dat alle gaste so gegroet word. Toe kom Peet, haar man, ook daar aan en ons word weer vriendelik gegroet.

Die voorste deel van die Padstal het alles wat mens in ‘n Padstal sal verwag en nog veel meer. Een deel is eetgoed soos rye en rye bottels ingemaakte lekkernye. Op ander rakke is beskuitjies en beskuit te kies en te keur.

Dan is daar ook ‘n afdeling met huishoudelike items en meubels, mens moet jou tyd vat hier, en nie sommer vining deurloop nie.

Peet se Padstal het ‘n paar jaar gelede sy begin gehad as ‘n vertoonkamer vir die meubels wat Peet vervaardig. Hettie wou nie uitgelaat wees nie en sommer gou het sy ‘n deel aan haarself afgestaan en gebottelde lekkernye en beskuitjies begin bak en uitstal.

Die besoekers wou toe later aan ook ietsie drink en eet en die res, soos hulle sê is geskiedenis. Vandag is Peet se Padstal bekend vir sy smullekker Sondag Boerekos etes. Bygestaan deur hulle dogter Igné is dit nou ‘n regte familiebesigheid.

Maar laat ons nou kom vir die werklike rede vir ons besoek daar, die Boerekos! Ek versamel Tradisionele Boerekos resepte maar aangesien ek self nie kook nie, moes ek net Hettie en haar span se kos gaan proe.

Die eetgedeelte is reg agter die Padstal, lekker oopplan area onder koelte. Daar is nog eetplekke onder die bome langs ‘n massiewe voëlhok en mens kan rustig daar sit en na die voëlgeluide luister.

As mens die eetgedeelte binnestap is die eerste wat jy sien ‘n sjerriefontein wat gemaak is van ‘n ou melkafskeier (separator). Die stroom sjerrie blyk nimmereindigend te wees en jy skep sommer vir jou in sulke klein emaljebekertjies.

Maar om terug te kom na die spyskaart. As die voorgereg avokadosop met room tesame met kaiingbrood en lewerpatee is, kan jy jou net verbeel wat die res van die spyskaart gaan behels. Die spyskaart was geskryf op die deure van ‘n groot buite oond waaruit hulle die allerlekkerste brode gehaal het, sommer dadelik het ek een bestel om huistoe te neem.

Hoofgereg was beesstertstowe, hoenderpastei en gebakte konsertina skaapboud. Ek is nie ‘n skaapvleis eter nie maar ek het gesmul aan ‘n skyf skaapvleis! Die beesstert en hoenderpastei was uit die boonste rakke. Die hoofgereg was buffet-styl voorgesit met stampkoring of rys, pampoenkoekies, Brusselse spruite met heuningmostertsous en goudbruin krakerige aartappels. Andersteslaai, slaphakskeentjies en ingelegde beetslaai het mens se bord behoorlik volgemaak.. Nagereg was die heerlikste broodpoeding Suid van die Sahara asook ingelegde perskes bedien met ingedampte melk.

Enige Boerekosliefhebber se droom! Daar was egter een item op hulle spyskaart wat ek my oog op gehad het, en toe ek die laaste bietjie broodpoeding van my lepel aflek vra ek vir Peet se Koffie. Wanneer laas het ek koffie met kondensmelk geniet? DIT was nou smillekker gewees! Toe ek vir Igné vra hoeveel kondensmelk sit hulle in die koffie was haar antwoord net “Soveel!”

Nodeloos om te sê, ek is daar weg met ‘n vars tuisgebakte brood onder die arm en ‘n belofte om gou weer te kom kuier.

Dit blyk dat hulle baie gereelde besoekers het wat alreeds hulle geheim van lekker kos ontdek het, almal wat daar aankom is soos ou vriende welkom geheet.

Dit wys jou net, as jy so rondry, moet nie net by alles verbyry nie, trek partykeer af en soek interessante plekkies op, soos byvoorbeeld Peet se Padstal.

Kontakbesonderhede: 014 7400053, maak seker om te bespreek vir die Sondag buffet.

Ligging: Om en by 5.5 km buite Bela Bela op die R516

Ek het die volgende per epos ontvang en dit nogal interessant gevind, niks nuuts nie, net interessant! Dis net die punt van die ysberg met wat in ons munisipaliteite aangaan.

Die korrupsie in die Tshwane-metro is só fel dat dit dienslewering belemmer. 
 
Dít was gister die reaksie van die DA in Tshwane nadat erge korrupsie ná ’n ondersoek deur die spesiale ondersoekeenheid (SOE) aan die lig gekom het.  
 
Dié verslag van die SOE is verlede week in die parlement ter tafel gelê nadat dié eenheid in November 2010 deur pres. Jacob Zuma afgevaardig is om bewerings van korrupsie en wanbestuur in dié metro te ondersoek. 
 
Die SOE het onder meer bevind:

• 65 beamptes het sakebelange in 66 maatskappye met wie die raad tans sake ter waarde van R185 miljoen doen. Tugstappe is teen nege beamptes gedoen wie se maatskappye betalings van meer as R1 miljoen van die raad ontvang het;
• Moontlike geldwassery het aan die lig gekom ná die ontleding van bankstate van ses maatskappye wat gekoppel kan word aan voormalige of huidige wederhelftes en/of familielede van twee munisipale beamptes. Een van dié beamptes is geskors hangende die finalisering van die ondersoek;
• Agt beamptes het meer as een identiteitsnommer;
• Ses onverwante beamptes gebruik dieselfde bankrekening en almal se salarisse word in dié rekening inbetaal;
• 13 beamptes gebruik identiteitsnommers wat behoort aan mense wat op die departement van binnelandse sake se databasis as dood aangedui word;
• 3 778 beamptes is geregistreer om maatskaplike toelaes te kry;
• 212 voorvalle van mense wat hul rybewyse op ’n bedrieglike wyse verkry het, is bevestig. 87 van dié rybewyse is verwys om gekanselleer te word. Strafsake is hangend in 10 gevalle;
• 104 metropolisielede het moontlik misdaadgeskiedenisse. 45 beamptes is skuldig bevind aan ernstige misdade soos moord en verkragting, 18 beamptes is verhoorafwagtend en vir 50 beamptes kon geen rekords gevind word nie;
• Vyf beamptes in bestuursposisies het gelieg oor hul kwalifikasies en ondervinding. Een beampte is reeds afgedank en stappe sal teen nóg vier gedoen word.
• Ses beamptes in bestuursposisies besit nie enige vorm van kwalifikasie nie en daar is teenstrydighede in 22 beamptes se kwalifikasies.

 
Karen Meyer, die DA se woordvoerder oor gemeenskapsveiligheid in Tshwane, het gesê Tshwane se “kultuur van korrupsie” sal enige visie wat die stad het vir ekonomiese groei en behoorlike dienslewering, vernietig. 
 
Jason Ngobeni, stadsbestuurder van Tshwane, het gesê Tshwane is op hoogte gehou van die ondersoek en het tugstappe gedoen teen beamptes soos die ondersoek gevorder het.
 

Die pasella hierdie keer is 'n eBoek met toebroodjie idees, regs klik hier om dit gratis af te laai

Klik hier om die artikel te lees.

Klik net hier , registreer en koop 'n kaartjie. Dis doodveilig, en sodra die transaksie afgehandel is, kan jy begin droom, lekker groot droom. En as jy vir die eerste keer registreer kry jy nog 'n gratis kaartjie ook! Waarvoor wag jy?

Hier is die lys van beskikbare Lotto s en die huidige boerpotte:

Powerball US $86,000,000
SuperEnaLotto EU €21,800,000
MegaMillions US $22,000,000
MegaSena US $21,300,000
EuroMillions EU €15,000,000
UKLottery UK £9,300,000
ElGordo EU €7,800,000
SuperLottoPlus US $10,000,000
FranceLoto EU €5,000,000
OzPowerball US $2,900,000

Sjoe, dis darem maar groot geld!

Ekke is ook op Facebook,  kry my by www.facebook.com/Peterjasie

Die Beste
(soos dit verskyn het in die tydskrif
Die Brandwag van 15 Januarie 1915)

Geil lusern in die laagste landjie,
Geil groen blare en blomme blou,
Alwyn rooi op die voorste randjie,
Rooi soos bloed teen die rotse grou;
Somer en son en safier daarbowe,
Ruik van die keurbos rondgesprei,
Kort klein skad’wees oor die klowe;
Somer en son en safier vir my!
Wonder van kleure uitgesprei—
Wat is daar meer wat die dood berowe?
Somer en son en safier vir my!

Hoog oor die water skommel die vinkies
Vol van die vreug van die somerdag:
Bly die gekwetter van klein tinktinkies,
Blyer die son wat goudgeel lag.
Algar wat lewe, algar tevrede,
Hoog op die heuwel en laag op die vlei;
So was dit gister en so is dit hede,
Somer en son en safier vir my!
Heer, Wat die hemel oor my sprei,
Dit is my eerste en laaste bede:
Somer en son en safier vir my!

Roem van mense, rykdomme, pragte—
Alles vergaan soos die mis op die vlei;
Sterre wat skiet in dikdonker nagte,
Het langer lewe dan roem kan kry.
Boetie, as ons nou ’n keus moet wae
Hier op die wêreld, wat vra jy?
Roemryke lewe en lengte van dae?
Somer en son en safier vir my!
Boetie, as jy nou jou keus kan kry,
Wat is die wens wat jou hart sal wae?
Somer en son en safier vir my!

C. Louis Leipoldt (1880-1947)

Hierdie brief is maar net 'n klein deel van die Peterjasie internet ondervinding. Klik gerus hier en gaan besoek my webwerf, daar is regtig iets van alles, en alles in Afrikaans. 

Zalome is nog iemand wat probeer om die gebruik van Afrikaans op die internet te bevorder. Sy stuur lekker "kletsbriefies" per epos uit. Daar is twee soorte, een met musiek en een sonder musiek wat dan vinnig aflaai.

Om aan te sluit, klik net op die skakel van die brief wat jy wil ontvang, doen dit van die rekenaar af waar jy die brief op sal wil ontvang. Yahoo sal dan,
'n bevestingsbrief stuur, "Reply" net daarop en dis dan al! Kom sluit aan, dis gratis en dis pret (in Afrikaans).

AFRIKAANS MET MUSIEK:
ZALOME-AFRIKAANS_muso-subscribe@yahoogroups.com

AFRIKAANS SONDER MUSIEK:
ZALOME-AFRIKAANS_geen-muso-subscribe@yahoogroups.com

Ek het vir 'n lang tyd 'n Feesbladsy op my webwerf gehad, maar die mense het my nie die nuutste inligting gestuur nie, nou gee ek maar 'n skakel na Litnet se feesbladsy. Klik net hier 

Man skakel sy vrou van werk "Liefie 'n groep van ons manne hier by die werk het besluit ons gaan op 'n vis-vang uitstappie. Dit sluit die groot baas in, en dit kan net goed wees vir my bevordering, wat in die pyplyn is. Pak sommer my nuwe sy nagklere in."
Sy vrou dink dis vreemd dat hy sy nuwe nagklere op 'n visvang uitstappie wil dra, maar laat dit daar.
Die middag kom haal die man tas, gryp sy visboks en vistrokke, groet, en daar trek hy.
'n week later keer hy terug. "Liefie, dit was nou 'n heerlike uitstappie, maar hoekom het jy nie my nagklere ingepak nie ?" Vrou "maar ek het, dis in jou visboks"

Die seuntjie vra die juffrou om te help om sy skoene aan te trek. Sy probeer met n gedruk en getrek om die vellies aan die kind se voete te kry. Teen die tyd wat sy by die tweede vellie kom, breek daar al n lagie sweet op haar voorkop uit en begin haar hare al slierte hang soos sy stoei om die vellies aan die kind se voetjies te kry.
Dis toe dat die mannetjie so tussen sy vier afwesige voortandjies sê, "Juffrou, hierie eerthte vellie ith aan die verkeerde voet." Sy kyk en, so wrintiewaar, die vellie ís aan die verkeerde voet. En die uittrek van die vellie aan die verkeerde voet gee nóg n gespook af.
Die juffrou hou kop en begin maar weer om die vellies aan die régte voete aan te trek, steeds met een helske gesukkel. Amper klaar, kondig die mannetjie aan: "Juffrou hierie ith nie my vellieth nie."
Die juffrou ontplof byna, maar hou kop en sê kalm, "Hoekom het jy nie vroëer gepraat nie?" En die gestoei begin weer om die vellies uit te trek.
Pas is die vellies uit of meneertjie sê weer: "Dith my boetie the vellieth.
My ma het gesê ek moet dit vandag dra want myne is weg."
Die juffrou sluk droog, skraap al haar moed bymekaar en begin weer stoei om die vellies aan die voetjies te sit. Uiteindelik is hulle weer aan die mannetjie se voetjies.
Die mannetjie trek aan die juffrou se baadjie en vra verleë: "Juffrou, wat van my kouthe?"
Juffrou skree: "Nou waar is jou kouse??!!"
En die knapie antwoord ewe kordaat: "Ek het dit vool in die vellieth gebêle."
 

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Welkom by hierdie week se nuusbrief.

Oorwin die krisistye in jou lewe

Min dinge is seker in lewe, maar krisisse en probleme is gewaarborg.

Jy sal beslis van tyd tot tyd in jou lewe met 'n krisis of met probleme gekonfronteer word. Soms is dit kleiner probleme, maar partykeer voel dit of 'n krisis ons wil verswelg. Ek is seker jy kan 'n hele paar sulke krisisse of probleme opnoem, byvoobeeld finansiële probleme, droogtes, swak markpryse, politieke omstandighede, siekte, verhoudinge wat versuur het, bekommernis oor jou kinders, probleme met werkers en hoë rentekoerse.

Ja, inderdaad kan ons nie ontkom aan probleme in hierdie lewe nie. Die vraag is egter hóé moet ek die probleme in my lewe hanteer. Ek bespreek tien riglyne wat jy kan gebruik.

1. Erken die waarheid: Baie van ons probleme ontstaan omrede ons nie die waarheid erken nie. So dikwels probeer 'n mens die blaam op iemand anders plaas vir die probleme wat jy ondervind en ontken jy jou aandeel in jou probleme. Byvoorbeeld, my vrou (of man) is die oorsaak van ons huweliksprobleme. My finansiële probleme is die regering se skuld, maar jy sien nie hoe jou persoonlike geldbestuur ook 'n aandeel in jou toestand het nie. Ondersoek dus jy eie dade en woorde, wees eerlik met jouself waar jy verkeerd doen en leef. Wat, waar en met wie moet ek regmaak?

2. Fokus: Moenie al jou probleme terselfdertyd probeer oplos nie. Fokus op een belangrike aspek - al is dit net een klein dingetjie - en hanteer en los dit op. Daarna neem jy die volgende aspek. Mount Everest word uitgeklim met die fokus op stappie vir stappie. Wanneer jy te veel goed op dieselfde tyd wil doen, verloor jy fokus en kom jy by niks uit nie. Te veel dinge verlam jou.

3. Vra: Dit is belangrik om na 'n vriend of 'n kundige persoon te gaan vir advies in tyd van krisis. Om alleen groot besluite te neem, laat jou alleen, onseker en benoud voel. Dra jou boodskap duidelik oor en sê watter hulp jy benodig. Soms is die perspektief van 'n ander persoon nodig om antwoorde te bring waaraan jy dalk nie gedink het nie.

4. Leef gesond: Wanneer jou gesondheid ingee, versleg jou situasie dramaties. Ten minste wanneer jy gesond is, kan jy nog dinge doen. Verloor jy egter jou gesondheid, verloor jy die vermoë om doeltreffend te werk en te funksioneer.

5. Berou: Bely jou skuld en sonde in tyd van krisis. Maak skoon die donker kolle en geheime in jou lewe. 'n Krisis is soms nodig om jou weer perspektief en nederigheid te gee. Erken jou foute en sê jy is jammer waar jy seergemaak het.

6. Elimineer die slegte: 'n Krisis is 'n uitstekende tyd om slegte gewoontes en gebruike uit jou sisteem en lewe te verwyder. Jy kan nie jou motorhuis regpak en in 'n goeie toestand kry voor jy nie eers alle voorwerpe en gemors verwyder en skoonmaak nie. Net so is daar nie plek vir regpak en oplossings wanneer jou lewe steeds vol rommel is nie. Word skoon, eerlik en opreg. Verwyder die slegte en maak ruimte vir nuwe positiewe dinge in jou lewe.

7. Maak die regte besluite: Vandag se realiteite is gister se besluite. Môre se realiteite is vandag se besluite. Win advies in, kyk objektief na jou saak en omstandighede en neem 'n verantwoordbare besluit. Die lewe is nie 'n dobbelspel om sommer lukraak 'n keuse te maak nie. Watter oplossing het die beste kans om sukses te behaal?

8. Bly gee: Wanneer alles teen jou draai en jy alleen staan, moenie ophou om te gee nie. Gee steeds met 'n bly gemoed. Gee van jou geld, jou tyd, jou menswees vir 'n ander persoon. Daar lê waarde en terapie en energie daarin om te kan gee.

9. Wees 'n voorbeeld: Hierdie is vir my persoonlik 'n baie moeilike een, maar in die uur van beproewing kyk ander mense op hóé jy dit hanteer. Die voorbeeld wat jy stel in beproewing, krisis en slegte tye is so essensieël belangrik om ander te bemoedig en te onderskraag. Iemand het by geleentheid gesê die lewe is soos 'n eggo, dit wat jy uitstuur sal jy terug ontvang. Wat jy gee, sal jy kry.

Jy kan inteken op st se nuusbrief sodat jy op die adreslys kom. Dis gratis en verniet. Gaan na www.pitkos.co.za - 'n intekenvorm is op my webwerf beskikbaar of stuur jou naam en eposadres vir my.

Dr ST Potgieter
Sielkundige

Tel: 021 949 5007
Sel: 083 227 3683
Epos: st@pitkos.co.za 
 

Nuusbrief argiewe

As jy dalk nog baie resepte wil hê, gaan kyk in die argiewe, elke nuusbrief bevat resepte en meeste van hulle het ook nog gratis aflaaibare resepte eBoeke.

Bierbrood
1 bottel van jou gusteling bier
1 pakkie bruismeel
½ koppie gerasperde kaas
1 teelepel sout
Meng alles saam en sit dit op ´n gesmeerde plaat. Bak vir 50 minute by 180ºC.

Broodjies
Rooster brood aan die een kant, smeer botter op en sit en van die volgende vulsels op. Strooi sout en peper oor, rasper kaas oor en rooster tot die kaas smelt.
1) Meng fyngemaakte hoender met mayonnaise, fyngekapte uie en skyfies sampioene.
2) Repies ham, pynappelstukkies en ´n skeppie blatjang.
3) Gesnyde tamatie, salami en fyngekerfde blaarslaai.
4) Gesnyde hardgekookte eier, gebraaide spek en pietersilie.
5) Tuna, gekapte ui, mayonnaise, pietersilie en Tobasco.

Kaasbroodjie
Hierdie is n baie lekker broodresep en mense se altyd ek moet dit maak as daar n braai is..Baie lekker as dit nog lekker warm is
3 en n kwart koppie bruismeel.
1 pakkie wit uiesop poeier.
1 klein karringmelk.
1 koppie chedder kaas.
Meng bruismeel uiesop poeier karringmelk en helfte van kaas baie goed en gooi in n gesmeerde broodpannetjie. Gooi die ander kaas bo-oor die broodjie..Daar kan nog meer kaas op die broodjie gerasper word soos jy dit verkies..Bak vir 1 uur in oond van 180 grade.....

Lepelbrood
450ml melk
300ml mieliemeel
1 teelepel sout
50ml margarien gesmelt
4 eiers geskei.
Verhit melk tot kookpunt. verwyder van hitte en roer meel by, tot glad. Plaas terug op hitte en laat mengsel kook tot dik. roer nou en dan. Voeg sout en margarien stadig by. en verwyder van hitte . Laat goed afkoel. Klits eiergele en voeg by. Klits eier witte styf en vou by mengsel in. Bak in bakskottel in ooond vir 35 minute.

Maklike Mieliebrood
500g self-raising koekmeel
1 blikkie room mielies
1 blikkie ingedampte melk
200g gerasperde kaas
sout en peper
Meng alles saam. Gooi in gesmeerde brood pannetjie en bak 45 min (of tot bruin) by 180gradeC.

Mieliebrood
70 g (150 ml) mieliemeel
265 g (550 ml) koekmeel
12 g (25 ml bakpoeier)
15 ml suiker
2 ml sout
450 ml melk
80 ml olie
3 eiers
1 x 410 g-blik mieliepitte, gedreineer
Voorverhit die oond tot 180°C. Smeer en voer ’n broodpan uit. Sif die droë bestanddele saam. Klits die melk, eiers en olie saam. Voeg die melkmengsel en mieliepitte by en meng liggies. Giet die mieliemengsel in die broodpan en bak vir ongeveer 1 uur.

Nan Bagnat
Sny ´n Portugese brood horisontaal in twee en sprinkel olyfolie op elke kant. Pak op een stuk ontpitte olywe, 12 ingelegde kapers, twee agurkies, dik skywe tamatie, vier slaaiblare en ´n paar skyfies sampioene. Sprinkel olyfolie oor.
Sit die ander stuk brood oor en draai toe in twee lae foelie. Sit ´n swaar gewig bo-op en laat staan vir minstens 1 uur.

Potbrood
Lekker potbrood saam met braaivleis.
klaar brooddeeg
250 ml room
1 pakkie sop (sampioen is baie lekker)
bietjie knoffel
swartpeper
enige ander vars kruie
grasuitjie gekerf
pietersielie
basielkruid
Meng alles saam en sit in gesmeerde ysterspot. Kan bak in oond, maar die lekkerste as dit op die vuur gedoen word. Sit kole om die pot en bo-op deksel en los vir ± 40 min/tot mooi bruin bo-op is. Bedien warm saam braaivleis, potjie of sop.

Spek en Mielie Kaasbroodjie
1 Klein blikkie suikermielies (roomsoort)
1 Klein tot medium ui (fyn gekap)
1 Pakkie spek (sonder swoerd)
1 Koppie cheddar kaas
6 Snye brood liggies gesmeer met botter. (dag-oud brood werk goed)
Aromat
Braai die ui in botter of olie tot sag . Gebruik min olie of botter. Snipper die spek en voeg by die ui wat braai, hier kom die verdere olie van die spek wat sal uitbraai. Braai tot spek na jou smaak gaar is. Voeg nou die mielies en helfte van die kaas by en roer deur tot die kaas gesmelt het en die mielies warm is.Laat effens afkoel en skep eweredig oor die ses snye brood wat op n bakplaat gesit is. Strooi Aromat oor en versprei die res van die kaas oor die brood. Plaas onder die roosterelement van die oond en rooster tot die kaas gesmelt het.
Sit voor met goeie koffie en jy het n redelike ontbyt of ligte Sondag-aand happie.

Potbrood

Bestanddele:
500g bruismeel
1 pakkie beesstertsopoeier
1ml sout
1ml rissiepeper
125ml gerasperde Cheddarkaas
500ml karringmelk
Metode:
• Meng al die bestanddele en skep in ’n gesmeerde platboompotjie of in ’n gesmeerde broodpannetjie.
• Bak sowat 1 uur tussen die kole of 45 minute in ’n oond by 180°C.
Variasies:
• Vervang die beesstertsoppoeier met bruin uiesoppoeier.
• Vervang die rissiepeper, kaas en karringmelk met 1 blikkie bier.

Kaas-en-mieliehappie
Bestanddele
300ml melk
30ml botter
3 eiers, geskei
1 blik (410g) heelpitmielies
100g Cheddar-kaas (gerasper)
5ml Franse mosterd
250ml vars broodkrummels
sout en varsgemaalde swartpeper na smaak
Metode
• Verhit melk en botter in 'n ysterpotjie.
• Klits eiergele en roer by melk saam met res van bestanddele, behalwe eierwitte.
• Klits eierwitte en vou liggies in.
• Bedek en laat 30 minute prut oor koel kole tot gestol.
• Genoeg vir 6 mense.

Marinades

Biermarinade
Geskik vir die spit of rooster.
175 ml bier
100 ml olie
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
30 ml suurlemoensap
30 ml suurlemoenskil, gerasper
Meng alles saam.

Braaisous
1 ui, in ringe gesny
1 knoffelhuisie, gekneus
10 ml olie
200ml tamatiesous
150ml water
75ml bruinsuiker
30ml Worcester-sous
5ml sout
10ml mosterd
Soteer uie en knoffel in olie tot deurskynend. Voeg die res van die bestandele by en prut vir 5 minute. Bedien op hamburgers.

Braaivleismarinade
Geskik vir die spit of rooster.
200 ml vleisaftreksel
100 ml olie
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
Meng alles saam.

Mosterdmarinade
ml mosterdpoeier
2 ml fyn gemmer
gemaalde swartpeper na smaak
1 knoffeltoontjie, gekneus
75 ml sojasous
50 ml suurlemoensap
50 ml olyfolie
Meng alles saam. Kan ook as bedruipsous gebruik word.

Perske bedruipmengsel
125 ml perske pureé
5 ml suurlemoensap
30 ml heuning
5 ml gekapte gemmerwortel
Meng alles saam en bedruip vleis terwyl jy braai.

Marinade
50 ml sojasous
50 ml rooiwyn
15 ml heuning
12,5 ml sagte bruinsuiker
1 knoffeltjoontjie, gekneus
5 ml fyn gemmer
3 ml kaneel
3 stingeluie, fyn gekap
Meng alles saam en gooi oor vleis. Laat oornag staan.

Pynappelmarinade
Geskik vir die spit of rooster.
200 ml pynappelsap
100 ml olie
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
15 ml gemmerwortel, gekap
5 ml gemmer, fyn
Meng alles saam.

Romerige marinade
Geskik vir die spit of rooster.
200 ml suurroom
sap van 'n halwe suurlemoen
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
5 ml paprika
Meng alles saam.

Roosmarynmarinade
10 ml droë witwyn
50 ml suurlemoensap
50 ml olyfolie
2 knoffeltoontjies, gekneus
1 takkie vars roosmaryn of 5 ml droog
5 ml sout
varsgemaalde swartpeper
5 ml gerasperde suurlemoenskil
Opsioneel: vars tiemie, oreganum en pietersielie
Meng alles saam.

Tamatiemarinade
Geskik vir die spit of rooster.
150 ml tamatiesap
100 ml olie
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
15 ml Worcestersous
15 ml vrugteblatjang
25 ml bruinasyn
15 ml bruinsuiker
2 heel naeltjies
Meng alles saam.
 

Wynmarinade
Geskik vir die spit of rooster.
200 ml rooiwyn
100 ml olie
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
Meng alles saam.

Soorte Pap

Mielie Pap
4 koppies mieliemeel
1 pakkie chakalaka papmengsel
1 bossie spinasie, gewas en versnipper
1 ui in blokkies gesny
2 wortels in blokkies gesny
1 rooi soerissie in blokkies gesny
Opsioneel :- rissie, sampioene of waarvan jy ookal hou.
Vul kastrol met 2 liter water en voeg by papmengsel en 30 ml botter. Bring tot by kookpunt. Voeg meel by 1 liter koue water. Voeg mieliemeel-mengsel by kookwater-papmengsel. Sit plaat op lae hitte. Terwyl dit kook die res van die botter in pan en verbruin uie. Voeg wortels, soetrissie en spinasie by en braai tot spinasie verwelk. Voeg by pap en op LAE hitte en kook dit vir nog 15 minute of tot die groente sag is. Roer af en toe.

Mieliepap
1 koppie mieliemeel
1 koppies kookwater
3 desertlepels margarien
4 desertlepels geelsuiker
½ koppie koue water
Meng mieliemeel met koue water. Voeg kookwater by. Kook oop by 70% krag in mikrogolfoond vir 5 minute. Roer elke minuut. Gooi dan geelsuiker en klontjies margarien oor. Moet nie roer nie. Bedek bak en plaas in mikrogolfoond vir 10 minute op 50% krag.

Putu Pap
Bestanddele:
2 koppies water
knippie sout
3-4 koppies mieliemeel
Metode:
• Bring water en sout tot kookpunt en voeg mieliemeel by.
• Verlaag hitte tot normaal.
• Sit deksel op.
• Roer na 3-4 minute en sit weer deksel op.
• Laat vir sowat 10 minute kook totdat pap goed gaar is.
• Bedien saam met braaivleis of geniet dit vir ontbyt saam met vars melk en suiker.

By-disse
Sampioenverrassing
Bestanddele:
sampioene
kaas
blaardeeg
Metode:
• Verwyder stingels van sampioene en sit ’n stukkie kaas in elkeen.
• Rol die sampioene in blaardeeg toe en bak in diep olie tot gaar.
• Besprinkel met gegeurde sout.

Die Danville Hulpgroep
Gaan kyk gerus na die webwerf hieronder om te sien watse wonderlike werk hierdie groep doen.
Webwerf: www.danvillehulp.co.za

Elsabé BlignautHuis: 012 991 3914
Sel: 082 828 2551
Epos: Elecnet@mweb.co.za

Resepte, resepte,  resepte

Ek het besluit om sake vir my te vergemaklik an al die resepte eBoeke wat ek het (Engels en Afrikaans) op een CD saam te sit. Daar is meer as 110 resepteboeke wat omtrent enige dis bevat wat jy aan kan dink so ek dink nie jy sal nodig hê om ooit weer 'n resepteboek te koop nie. Omtrent al die boeke kom met herverkoopregte (behalwe waar dit anders meld) met ander woorde hulle is nou joune en jy kan maak met hulle wat jy wil selfs ook een vir een van die CD afhaal en herverkoop.

Die prys van die CD is R100 (dis om en by R1 per boek) posgeld uitgesluit

Posgeld is  R20 vir geregistreerde pos en R60 vir Speed Services oornag toonbank tot toonbank.

As jy sou belangstel om een van die CD's te bekom, klik net hier en ek stuur vir jou my bankbesonderhede, gee my ook net jou posadres. Sodra ek dan die CD pos, stuur ek vir jou die spoornommer per epos as bewys dat dit gepos is. As jy R120 deponeer stuur ek dit per geregistreerde pos en as jy R150 deponeer stuur ek dit Speed Services oornag toonbank tot toonbank

Hier is die Afrikaanse boeke:

217 Egte Afrikaanse resepte, Aartappels, Beskuitresepte, Afrikaanse Resepteverskeidenheid, Brood resepte, Vul die beskuitblik, 'n Broodjie vir die blik, Blokkieskoek, Burgers Patties Frikadelle, Brood resepte, Drankies, Drinkgoed, Gemmerbier, Groente, Eet jou groente, Hoender resepte, Happies en Poffers, Kaaskoek, Ietsie anders resepte, Kerskoeke, Karavaan resepte, Kleinkoekies, Kinderlekkerte, Koekiedrukker resepte, Koeke, Likeur, Lekkergoed resepte, Nog resepte, McCain resepte, Moedersdag resepte
Mikrogolf resepte, Peterjasie se boek, Pastageregte, Peterjasie se Kersresepte versameling
Peterjasie se eBoek van vernoemde resepte, Poeding, Peterjasie se Tradisionele SA resepte
Resepte met biltong, Resepteverskeidenheid - ook grootmaat, Slaaie, Sommer net resepte, Sop in die pot, Sop resepte, Terte, Sous, Verskeie resepte 1, Souttert & Pannekoek, Vis en hoender, Veelsydige hoender, Vleisgeregte vir Kersdag, Verskeie resepte 2, Warm en koue drankies, Vleisresepte, Wille samies, Wafels en Pannekoeke, Wors en worsies

Allerlei

Annette se Boererate, Boererate en Verbruikerswenke, Hartstigting dieet, Lennons medikasie, Mate en gewigte, Sop dieet, S A Boererate eBoek, Metrieke omskakelingstabel, Werk van die huis

Hier is die lys van baie ou Engelse resepte eBoeke

A Calendar of Dinners with 615 recipes - 1922
A Dozen dainty recipes for preparing wartime canned meats - 1920
A Home Guide - or a book by 500 ladies - 1877
Aunt Carolines Dixieland Recipes - 1922
A Practical Dictionary of Cookery - 1200 tested recipes - 1898
Best recipes for baking - pre 1908
Buckeye Cookery and Practical Housekeeping - 1877
Burke's Complete Cocktail and tasty bite recipes - 1936
Catering for special occasions with menus and recipes - 1911
Diabetic Cookery - recipes and menus - 1917
Fifty Choice Recipes for Spanish and Mexican Dishes - 1905
Fifty valuable and delicious recipes made with corn meal - 1917
Heart of the Wheat - a book of recipes - 1910
Hospitality - recipes and entertainment hints for all occasions - 1922
Hotel Management - quantity food recipes
Household hints and recipes - 1877
Ice Cream - practical recipes for making ice cream - 1886
Information for everybody - 1859
Jane Hamiltons Recipes - 1909
Just the thing - dainty dishes at small cost - 1899
Larger cookery book of extra recipes - 1891
Leather Manufacture - 1891
Light entertaining - a book of dainty recipes for special occasions - 1910
Mom's Cookbook
On Uncle Sam's Water Wagon - 500 recipes for delicious drinks that can be made at home - 1919
Our candy recipes - 1919
Practical Household Cookery - 1000 recipes - 1891
Preserves and Pickles - 1912
Recipes - dainties, salads and clever hints - 1919
Recipes for the preserving of fruit vegetables and meat - 1908
The Candy Maker's Guide - 1896
The Housekeeper's Friend - 1897
The Hygenic Cookbook - 1881
Tried and Tested Recipes - 1921
Two Hundred and Seventy Five Wartime Recipes - 1918
Two hundred recipes for cooking in casseroles - 1914
Two hundred recipes for making desserts - 1912
War Time Cookery - 1917
Wheatless Recipes - 1918
Wrinkles and Recipes, including farming and household hints - 1877

Hier is die Engelse resepte:

Al my nuusbriewe is op hierdie bladsy beskikbaar: http://www.peterjasie.co.za/argiewe.html

Elke nuusbrief sal voor of op die 15de van die maand op die Argiewe bladsy te lees wees.

Kontak my hier.

Druk jou speld op my besoekerskaart! Ek dink hy is vol op die oomblik, maar hulle maak darem gereeld spasie vir nuwe inskrywings.