Onbeskaamd Afrikaans!

Welkom aan alle nuwe intekenare!

Ons was toe in Mosambiek gewees, 'n eerste vir ons! Was heel interessant en op plekke baie mooi met wit strande, baie palmbome en helderskoon see met nie veel golwe nie. Maar lees die storie en kyk na die fotos deur hier te klik.

Ek plaas weereens ou  resepte wat vernoem is na beroemde persone, plekke en gebeurtenisse. As jy dalk van nog weet wat ek nie alreeds hier geplaas het nie, stuur asseblief aan my per epos, baie dankie. Sodra ek genoeg van die resepte het sal ek dit in eBoek formaat saamstel.

Ek sien ons Lotto is nog steeds nie beskikbaar nie, probeer gerus die UK Lotto! Om 'n kaartjie te kry is maklik en veilig, ek is al meer as 'n jaar doenig met hulle en het nog nooit probleme opgetel nie. Hulle boerpot is nooit minder as 3 miljoen pond nie en die klein bedraggies wat ek al gewen het, het hulle in Rand in harde kontant aan my uitbetaal. Klik hier om jou kaartjie te kry en droom GROOT.

Weereens het ek lekkerlees Afrikaanse artikels deur onder andere Estelle de Bruyn en Annelie Botes. Ek is seker julle sal dit geniet!  Ook is daar 'n insiggewende artikel deur Dr. S T Potgieter. En dan is daar ook 'n  insetsel oor Suid Afrikaanse vlae.

En onthou tog om my besoekersboek te teken? Hy was vir 'n hele tydjie aflyn maar is nou weer terug.

En toe staak die staatsamptenare! Ek wonder waar die storie gaan eindig. Ek kry die mense jammer wat wil gaan werk maar as gevolg van intimidasie nie kan nie. Ek het simpatie met die wettige stakers, maar nie met die onwettige stakers nie en ook nie met die intimideerders nie.

Ek was onlangs  by 'n privaathospitaal ingeboek vir toetse, die verpleegpersoneel was vrekbang vir intimidasie, hulle het in privaatklere kom werk sodat die intimideerders hulle nie kon uitken nie. Wat 'n lewe!

Die mense het nou al soveel in salarisse verloor dat dit hulle 'n baie lang tyd gaan neem om op te maak, ek sien die banke is ook nou opdrag geggee om salarisse van onwettige stakers te weerhou. Hier kom 'n ding!

Toe ek laaskeer by die kasteel in Kaapstad was was daar op die muur 'n ry vlae, ek dink dit was 'n reeks vlae van die oudste tot die jongste. Kan enigiemand my besonderhede van daardie vlae gee en dalk fotos ook? Laat my asseblief weet.

Die BEF het kennis gekry van verskeie studiebeurse en werksgeleenthede wat beskikbaar is, vir meer besonderhede, kontaknommers is hieronder.

Regs klik ook hier om die nuutste nuusbrief af te laai.

Sluit nou aan. Maak 'n verskil. Klik hier vir meer inligting

Kontakbesonderhede:
Mnr. Andre Groenewaldt – 082 633 2920 & landlyn: 012 548 6118
Mnr. George Pienaar – 082 338 3295
Faks: 012 548 7242

Hierdie gaan nou 'n gereelde item word. Ek is bly om te sien dat die Boeremusiek tradisie nog so sterk staan....

Willie Welgens

Bron: 15 Goue Jare:  1989-2004  Boeremusiekgilde

Die verhoogde brandstofprys affekteer almal van ons. Hoekom laat jy nie dat jou korttermynversekeraar vir die verhoging betaal nie? Ek het R400 per maand bespaar deur my korttermynversekering na Dial Direct te verskuif. En die R400  sorg vir my verhoogde maandelikse brandstofrekening! Jy het niks om te verloor nie, Klik hier  vir 'n gratis aanlyn kwotasie en kyk self hoeveel jy kan bespaar!

Die winter is nog met ons vir 'n rukkie en wat is lekkerder in die koue as 'n bord warm sop met 'n paar snye vars brood? Nico van Vancouver het die volgende eBoek vir my gestuur, regs klik om dit af te laai.

Dis gewoonlik 'n gesukkel om geskenke te koop, ek het 'n paar idees wat jy dalk in sal belangstel, klik gerus hier om te gaan kyk. Daar is bv. 'n eBoek met omtrent 2000 Boererate, 'n CD met 50 resepteboeke op (Engels), jy hoef nooit weer 'n resepteboek te koop nie! Ek het nou ook 'n eBoek oor kruie (in Engels, het nog nie tyd gehad om dit te vertaal nie) vir net R50. Klik hier vir betalingsbesonderhede. Ook ander eBoeke en CD's beskikbaar.

Ek het ook, terwyl ek in Mosambiek was, 'n klomp pansy skulpe opgetel en gekoop. Dis sulke spesiale en skaars skulpe wat ieale geskenke maak, en ek gaan sommige van hulle te koop aanbied. Die pryse begin by R5 vir die kleineriges en word dan duurder soos die skulpe groter word. Posgeld moet dan ook betaal word. Kontak my vir verdere besonderhede

Kom ons skop oudergewoonte af met Estelle se bydrae. Sy is verbonde aan die Republikein, die enigste Afrikaanse dagblad in Namibië. Kontak haar gerus, sy hoor graag van julle.

Kind op die lang pad

OM tuis te sit met die wete dat jou kind op die pad is, 'n lang pad veral, bly 'n gebedsaak.
Dit is nou die tyd van die jaar dat kinders wat aan Suid-Afrikaanse universiteite studeer in hul karretjies klim en die pad huis toe vir die welverdiende somervakansie aanpak. Dit is ook die tyd dat kinders wat werk hul karre pak en na hul verskillende vakansiebestemmings ry.
Vir elke ouer bly dit 'n tyd van bekommernis, van daardie kind fluit-fluit die kar se deur toeklap en wegry tot jy hoor hy of sy het veilig hul bestemmings bereik óf jy hulle weer in jou arms kan neem en terug verwelkom by die huis.
Vanjaar sit ek vir die eerste keer in daardie bootjie. Boetie en sy vriende is op pad. Die avontuurlus borrel in hul are. Hulle is sterker as Simson en slimmer as Salomo. Hulle sien kans vir take wat Hercules sou laat kopkrap en twee keer sou laat dink het. En natuurlik weet ma net mooi niks nie.
As ma maan en waarsku en groot asseblief vir versigtigheid smeek, sug hulle swaar, skud hul koppe en sê: "Moenie so “worry” nie, maaaaa! Alles sal “OK” wees. Ek is “fine”," en dit moet jou gerusstel.
Ek sit al die heel dag en stres. Ek sien die ver paaie wat hy gaan ry en ek ken die jeugdige versoeking van voet in die hoek sit. Ek weet hoe 'n voertuig wat voor jou in die pad kruie jou kan irriteer en hoe 'n mens maar geneig is om verby te gaan al is daar 'n wit streep. Ek weet van koedoes en vlakvarke wat voor jou kan induiwel, ek ken die gevare van die ander motorryer wat net vir 'n oomblik sy oë van die pad afhaal en in die verkeerde baan beland, ek weet van bande wat bars en hoe die vaak 'n mens skielik op die lang pad kan oorval. Ek weet van skrik vir skaduwees as dit skemer word en jy moeg gery is.
Ek hoef nie eens die amptelike statistiek te sien om in my hart te weet hoeveel mense reeds vanjaar geliefdes op ons land se paaie verloor het nie. Na jare in die joernalistiek sien ek koerantopskrifte voor my geestesoog soos "Swart naweek op land se paaie"; "Gesin uitgewis in gru-ongeluk" en vele meer wat ek liewer nie wil onthou nie.
Ek dink aan mammas en pappas wat vol opgewondheid hul kinders se kamers reggekry het, die beddens skoon oorgetrek het, die koekblikke volgebak het en 'n geliefde kind se gunsteling geregte voorberei het in afwagting van 'n tuiskoms en dan die droewige tyding moes kry dat 'n kind nooit weer huis toe kom nie.
Vir die eerste keer besef ek hoe my ma moes gevoel het as ek in my blou Golfie uit Windhoek na haar toe gery het óf van haar huis af terug Windhoek toe moes ry. Ek onthou die sagtheid in haar oë en die klamheid op haar wange as ek vol brawade en selfvertroue in my eie voortvarendheid my opgeruk het oor haar bekommernis. Ek verstaan vir die eerste keer.
Ek bid al heel dag. Ek hou vas aan my geloof dat die Hemelse Vader sy hand van beskerming sal hou oor daardie klein karretjie waarin my kind reis. Ek bid vir al die kinders van ons land wat oor lang afstande en ver paaie oor die komende weke hul pad huis toe moet vind. Mag die Here hulle bewaar en veilig hou.
 

SPIEëLTYD ONDER DIE WILDEVY

Laasweek moes ek ‘n plattelandse familielid help om by St. Georges-hospitaal in die Baai uit te kom. Eintlik had ek te veel werksverpligtinge, maar mens stuur nie ‘n onseker plattelander stad in as jy kan help nie. Só kom dit toe dat wat ‘n halfuur sou duur, oorsit in ‘n halfdag.
En ek behoort aan die onderdrukte rookbrigade wat nie ure lank in ‘n spreekkamerstoel kan sit sonder om verwilderd te raak nie. Eerder buitentoe. Onder ‘n wildevy ‘n klamsagte blarenes maak en kruisbeen neersak. Sigarette uithaal. Ek voel nie skuldig oor dié openbare rokery nie; deesdae sien ek baie vrouens wat loop en rook. Hoe anders? Soos ds. Dirk van Dyk van Kookhuis, wat so graag Saterdae gholf speel wanneer dit preekmaaktyd is, altyd sê: Ons het mos maar almal ons ou verslawinkies.
In die takke van die oerreus orkes die duiwe en muisvoëls. Van nêrens af onthou ek van Saggeus, die kort mannetjie, wat in die wildevy geklim het om te kon sien; hoe hy die helfte van sy skatte aan die armes belowe en vierdubbeld teruggegee het van dít wat hy van sy medemens afgepers het.
En die gladgebekte Hugh McCabe, die Ooskaapse ATKV-man, wat ‘n onderhoud by my aan huis kom voer het, en toe eindig met ‘n kerfmessie en plankie en heeloggend moet saag aan 10 kg. groenbone. Toe ons klaar is met die stapel, gee ek hom ‘n kooksel of twee. Hy kyk my profeties aan en sê: Gee is eers géé as mens uit jou eie armoede gee.
Ek vroetel in die molm en dit ruik na my kinderjare in die Kammanassie. Eers toe iemand reg langs my snik, kyk ek op. Dis ‘n ou tannie met ‘n krom rug en Young Clinic-skoene. Sy loop sielalleen, innerwenend. Toe sy wegry, verwyt ek myself dat ek nie opgestaan en haar getroos het nie. Vreemdeling of te nie. Troos is troos, en daar is al baie kere vir my ‘n onverwagte anker gestuur toe ek in vergaantyd was.
Vir die tannie maak dit nie saak of John Travolta ‘n fees by Shamwari gehad het, en of 13 Palestyne in Gasa doodgeskiet is nie. Haar hart is te stukkend. Sou sy slegte dokterstyding gekry het? Dalk het sy haar padmaat van tienduisend myle se oë kom toedruk?
Hoe sal ons weet? Wíl ons hoegenaamd nog weet van ander se pyn? Ons ken elke troos-cliché; weet hoe om ‘n gebrokene aan die bors te druk sonder opregtheid. Dalk, net dalk, maak ons só omdat ons in ons eie stryd en ontgogeling verstrengel is.
Terwyl ek onder die Saggeusboom wag, sien ek hulle verbygaan. Die kwylende rolstoelgekluisterde jong man met die borslap. ‘n Middeljarige vrou met ‘n laggende Downsindroomkind op die arm. ‘n Skuifelende egpaar met ‘n apteeksakkie, wat op hulle oudag net mekaar het om op te leun.
Halfpad deur my tweede sigaret sien ek hulle aankom, ‘n ma en ‘n bloedjong dogter. Niks ouer as 13 of 14 nie, bolswanger. Ek kry ‘n naarte oor my as ek dink wat vir haar voorlê. Buite seisoen gepluk, dié kind wat skoon agteroor loop van volwees met ‘n ander kind.
Toe hulle verby is, sien ek die ma hou haar arm beskuttend om haar kind. By die blou kar sluit sy die passassiersdeur oop en die volgende oomblik is hulle in mekaar se arms. Wieg, wieg. Koppe op mekaar se skouers. Die ma se hand vryf sirkels oor die jong rug. Toe weet ek dis waar: God tempers the wind to the shorn lamb. Want die kind het ‘n leeu-ma wat haar oor die swaaiende hangbrug sal abba.
Toe die familielid bel om te sê sy’s binne tien minute klaar, vorm ek ‘n blarekruis op die molmgrond, vir elkeen wat op hierdie middag verbygegaan het. Vannag of môre sal die wind dit kom wegblaas. Nes my mandjie vol goeie voornemens altyd tot niks kom.
Die blarekruis is net ‘n gewetensoffer. Hugh MacCabe was reg: Gee is eers gee as mens uit jou eie armoede gee. Want môre sal ek weer aanloop op my pad, en dit sal ophou pla oor hoekom die tannetjie gesnik het.
In die wegloop dink ek aan Saggeus wat die waarheid bo in ‘n wildevy ontdek het. Dalk was dit die Voorsienigheid se plan om my vir ‘n kort wyle daar vas te keer. Spieëltyd.
En tog, terwyl ek in die oopson aanloop, voel dit heelpad asof ek in my eie donkerste skadukant vasloop.

Gaan kyk gerus by hierdie internet boekwinkel, daar is fantastiese ou boeke (in Afrikaans ook!), ek sal my kredietkaart hier lekker kan verniel! Klik hier en gaan kyk rond. Nou nog meer boeke bygekry, heelwat baie ou, baie interessante boeke in Afrikaans ook.

Met elke uitgawe fokus ek op 'n Afrikaanse webwerf. Ek het onlangs 'n boek van Maroelaboeke af bestel en wil graag hulle besonderhede hier gee. Regs klik hier om hulle katalogus af te laai
 

Afrikaanse Lied

Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel:
Ons Blêrkas van Afrikaanse Volksmusiek

WAAR KRY JY DAARDIE HOED?

Woorde: Tradisioneel
Musiek: S.A. Volkswysie; verwerk: DIRKIE DE VILLIERS

Waar het jy daardie hoed gekry?  Dis snaaks om te vermeld:
my oupa het mos doodgegaan, toe kry 'k sy plaas se geld.
Maar noudat hy begrawe is, het hul vir my gesê
dat ek altyd sy hoed moet dra as ek sy geld wil hê.

[REFEIN]
"Waar kry jy daardie hoed, waar kry jy daardie keil?
Dis 'n alte mooie hoed, ek wil graag met jou ruil.
'k Wil vir my ook so een kry, gemaak van dieselfde goed."
Net waar ek draai, hulle skree: "Haai, haai!
Waar kry jy daardie hoed?"

As ek na die konsert toe gaan om mooi musiek te hoor
dan skree hul daar van agter af, al sit ek reg van voor;
en as ek na die sirkus gaan om al die pret te kyk,
die Slamse en die derdeklas, hul skree almal gelyk:

[REFEIN]
"Waar kry jy daardie hoed, waar kry jy daardie keil?
Dis 'n alte mooie hoed, ek wil graag met jou ruil.
'k Wil vir my ook so een kry, gemaak van dieselfde goed."
Net waar ek draai, hulle skree: "Haai, haai!
Waar kry jy daardie hoed?"

Skaars was ek agtien jare oud toe wou ek al gaan trou;
die mense sê die vryery het lank genoeg gehou.
Ons loop toe gou-gou na die kerk, die mooiste paar in 't land;
maar net toe ons die kerk inkom toe sê die predikant:

[REFEIN]
"Waar kry jy daardie hoed, waar kry jy daardie keil?
Dis 'n alte mooie hoed, ek wil graag met jou ruil.
'k Wil vir my ook so een kry, gemaak van dieselfde goed."
Net waar ek draai, hulle skree: "Haai, haai!
Waar kry jy daardie hoed?"

Die anderdag om kwart-oor-een stap ek die straat hier af;
maar elke hond wat my sien stap, die wil net vir my blaf.
En, ag, daar kom die skool net uit, die hele kinderspan,
hul hardloop my toe agterna en skree so hard hul kan:

[REFEIN]
"Waar kry jy daardie hoed, waar kry jy daardie keil?
Dis 'n alte mooie hoed, ek wil graag met jou ruil.
'k Wil vir my ook so een kry, gemaak van dieselfde goed."
Net waar ek draai, hulle skree: "Haai, haai!
Waar kry jy daardie hoed?"

Die anderdag is ek genooi na Piet Joubert se huis.
Die President was ook net daar, sy vroutjie bly maar tuis.
En julle sal my net nie glo hoe bly was ek dié dag
toe President met my kom praat, toe sê hy: "O, my mag!

[REFEIN]
"Waar kry jy daardie hoed, waar kry jy daardie keil?
Dis 'n alte mooie hoed, ek wil graag met jou ruil.
'k Wil vir my ook so een kry, gemaak van dieselfde goed."
Net waar ek draai, hulle skree: "Haai, haai!
Waar kry jy daardie hoed?"

Wat's nuut op Kalie se Boeremusiek webwerf?! Ons het nou 'n eie domein - dis nou vir die wat nie die blad onlangs besoek het nie. Gaan loer gerus by http://kalie.boeremusiek.net

Hierdie webblad is spesifiek daarop toegespits om die: Versameling...Bewaring...en Uitbouing...van Boeremusiek aan te spreek.

Hier sal u meer te wete kom oor die ontstaan en ontwikkeling van Boeremusiek, musikante van toeka en nou, byeenkomste en aktiwiteite van Boeremusiekliefhebbers en sommer alles wat Boeremusiek so lekker maak! Ek wil u aanmoedig om noue kontak met my te behou en om aktief met my te skakel oor wyses waarop ons Boeremusiek lewendig kan hou vir sovele mense wat plesier vind in hierdie besondere aspek van ons Suid- Afrikaanse kultuurerfenis.
 

Agterpad Reisnotas - versamel deur Braham van Zyl

Ek luister mos een Saterdagoggend na Amoré Bekker op RSG waar sy 'n onderhoud voer met Braham van Zyl. Ek kontak hom toe en is nou op sy poslys, hier volg een van sy vertellings. Kontak hom gerus en vra om op sy poslys te kom. (Eposdres onderaan die artikel) Hy stuur 'n 'n gereelde nubrief uit.

FOREST EDGE, Bibbieshoek, Knysna bos: Wes-Kaap
Ek en Amore het op Saterdagoggend 24 Junie oor die Knysna bos gesels. Verskeie luisteraars het geskryf om van hulle boservarings te vertel. Een van die e-posse het vanaf Ronel Pieterse (selfoon 082 456 1338) gekom. Daarin vertel sy dat sy so ‘n tydjie gelede die “Forest Edge” selfsorghuisies daar by Rheenendal in Knysna se omgewing gekoop het en hoe mooi dit daar is.
Ronel was seker baie verbaas toe ek in reaksie op haar skrywe ‘n hele paar artikels wat ek reeds in 1996 oor die Knysna bos in BuiteBurger gepubliseer het, aan haar gestuur het, en sy toe ook ‘n artikel oor haar kuierplek daar sien. Hierdie artikels is nou op haar webblad met die naam www.forestedge.co.za te sien.
Forest Edge is vir my die heel mooiste bosblyplek in die land. Die blyplekke is in nuut geboude sinkhuisies wat net soos die ou gouddelwers van die 1880s s’n lyk. Dis vas teen die Knysna bos geleë, en jy stap van jou stoep af in die bos in.
Om daar te kom, moet jy ‘n entjie met die N1 uit Knysna uit in die rigting van George ry, en dan die afdraai na Rheenendal neem.
Die Knysna Goudvelde is digby Forest Edge. Die hele omgewing daar rond leef met geskiedenis van goudsoekers. Die goudgrawery het reeds in 1876 begin. Gedurende die middel 1880's was daar honderde goudsoekers aan die rondgrawe en die dorp Millwood het digby Jubilee Creek ontstaan. Aan die begin van die 1890's was alles toe oor. In 1917 was daar weer 'n oplewing en in 1934 weer, maar wat oorgebly het, was nie ekonomies ontginbaar nie. Millwood het 'n spookdorp geword en vandag is een geboutjie, die begraafplaas en 'n paar ou mynskagte en mynmasjiene al wat oorgebly het.

Skryf vir Braham en vra om op sy poslys geplaas te word en ontvang sy reisbeskrywings direk van hom af! e-pos : info@explore-sa.com

Resep vanaf Australië om vlooie op diere te bekamp:
Meng kwart koppie skoon brandwyn met halwe koppie fyn sand, totdat dit 'n tipe van "pasta" vorm. Smeer dit in oor die hond se lyf asook tussen die hare.
Die vlooie sal so gesuip geraak dat hulle mekaar met die klippe doodgooi !!!!!!!!!
 

Laat jou wildste drome waar word, kry 'n kaartjie in die UK Lottery, klik net hier  Die boerpot is gereeld om en by  £11 miljoen, ( R140,000,000), sjoe, dis darem maar baie nulle!! Maar dis nog NIKS! Die Euromillions Lotto staan huidiglik op 181 miljoen Euro, dis om en by R1,719,500,000. Eishhhhhh. Vat 'n kans, wie weet???

Ek is betrokke by hierdie inisiatief van Elsabé, kyk tog asseblief of julle nie ook 'n bydrae kan maak nie, besoek ook hulle webwerf. 

Nuusbrief 14 Junie 2007

Goeiemôre vriende,

My hart sing "How Great thou art!" Die vreugde wat ek die afgelope 3 weke ervaar het is GROOT! Wonderwerke elke dag!

Danksy die mees ongelooflikste donasies kon ons alreeds 900 SPLINTERNUWE KOMBERSE uitdeel!!!!!! Is dit nie weereens 'n bewys dat ons Vader so getrou is nie. Ek is so jammer dat almal wat ons projek so getrou ondersteun nie by kon wees om die vreugde en dankbaarheid van die mense te aanskou nie. 'n Spik splinternuwe pragtige kombers word sommer vinnig, styf om die lyf gedraai en 'n paar danspassies word sommer so terloops uitgevoer! Lekker, lekker, lekker!!!

Klein kindertjies en babatjies word ook summier in die "grend" nuwe kombersie toegedraai en ek kry soentjies van die mooiste ou nat bekkies! vreet hulle sommer op! (die fotos sal teen die naweek op die webwerf wees ... gaan kyk gerus en deel in die vreugde. www.danvillehulp.co.za)

BAIE, BAIE DANKIE aan almal wat help om verligting en vreugde in ons mense se lewens te bring.

Ek kon ook heelwat kruideniersware aankoop en uitdeel, en daar het ook donasies ingekom, wat natuurlik ook groot verligting gebring het. Ongelukkig, anders as met klere en komberse raak die kruideniersware maar vinnig op en moet ons gereeld kos of fondse daarvoor inkry. Om alles te kroon is mens mos maar altyd hongerig in die winter! Maar ek weet dat ons altyd op 'n manier die nodige sal inkry en versprei.

Vandag wil ek net dankie sê sonder al die gewone treurmares...... Ons het 1600 komberse nodig, om net een kombers per persoon te kan uitdeel. EK GLO dat ons hierdie winter tenminste 2 goeie komberse vir elkeen sal kan gee EN dan nog gaan oorhê om uit te beweeg na ander groepe wat ook swaarkry!

Hou hierdie spasie dop vir WONDERWERKE!!!

Ek bid vir 'n geseënde week vir al ons mense met groot naasteliefde in hulle harte en ook vir die minderbevoorregtes wat eintlik so bevoorreg is, dat daar so baie goeie mense met goue harte is!

Mooi loop

Elsabe

Bankbesonderhede:
Danville Hulp Projek
FNB - Brooklyn
Takkode:- 251 345
Tjek rek: 620 546 34128
Swiftkode: FIRNZAJJ926

Aflewerings adres:-

286 Cliffendale rylaan
Faerie Glen
Tel 012 991 3914 Sel 082 8282 551
E.pos - elecnet@mweb.co.za
Webwerf: www.danvillehulp.co.za
PS Bel asb voor jy ry
.

Resepte

Baie dankie aan almal wat vir my hierdie resepte aangestuur het, ek dink ons gaan binnekort 'n lekker versameling bymekaar hê.

In Patriot #108: Patriot Koek, Patriot Poeding, Afrikaner Bond Koek, Jan Smuts-koekies, Jan Ellis poeding, Generaal De la Rey's koek.

In Patriot #109:  Paul Krugerkoek, Vrystaatse Melktert

In Patriot #110: Hertzoggies, Generaal Smutskoekies, Victoria Sponskoek

In Patriot #111: Stormjaers, Ounooienspoeding, Ou Jonkmanspoeding

In Patriot #112: Soldaatpoeding, Afrika's Koekiis, Boere Soetkoekies

President Steyn-koek

240 g botter
210 ml strooisuiker
3 eiers, geskei
30 g fyn amandels
200 ml sultanas
30 g versuikerde lemoenskil, fyn gekerf
1 teelepel bakpoeier
2 koppies koekmeel
knippie sout

Klits botter en strooisuiker tot romerig. Klits eiergele goed. Voeg eiergele by geklitste bottermengsel. Meng goed. Meng amandels, skil, sultanas en  rosyntjies en hou eenkant. Sif droë bestanddele saam en voeg by bottermengsel. VVoeg vrugte by en meng goed. Vou styfgeklopte eierwitte in en meng. Gooi helfte van beslag in goedgesmeerde, gevierde koekpan. Hou res van beslag eenkant.

Meringue

1 eierwit
5 eetlepels suiker (62.5 ml)
knipie sout
1 ml amandelgeursel
125 ml klapper
125 ml gepelde amandels, gekap

Klits eierwit styf, voeg suiker, sout en geursel geleidelik by. Vou klapper en amandels in.

Smeer meringuelaag op helfte van beslag reeds in die pan. Gooi die res van die beslag bo oor en bak by 190ºC vir ongeveer 75 minute. Keer uit en laat afkoel

Koningin's Poeding (ou resep)

1 lb broodkrummels, meng met geel van 4 eiers
3 lepels witsuiker
1 koppie melk
15 druppels lemoenessens

Meng alles goed. Bak in skottel tot mooi ligbruin. Haal uit en smeer marmalade oor. Klop dan die wit van die 4 eiers tot skuim en sit bo op die marmelade. Sit die poeding weer in die oond totdat dit styf is, nie bruin nie.

Brand salf: Neem een lepel kalkwater en 1 lepel lynolie, skud deurmekaar, sit op fyn lappies op die brandplekke.

Perskes atjar: Skil 7 lb perskes, steek 'n kruinagel in elke perske, kook 3½ lb. suiker in 3 bottels asyn tesame, gooi op di perskes, laat dit 9 dage staan, kook dan weer vir 20 minute saam.

Al Anna se resepte is in eBoek formaat en maak dus ideale geskenke en word sommer met epos gestuur. Vir meer besonderhede, klik hier

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Nog gevleuelde woorde van ST:

Wilskrag

Het jy al teleurstelling ervaar? Jy het ‘n droom gehad en toe het omstandighede en mense jou van koers gedwing. Jy het hierdie fantastiese idee ontwerp en met opgewondenheid aan die werk gespring. Maar na ‘n tyd het die lus getaan, jy het verveeld begin raak en sagkens het alles doodgeloop.

Ek wonder hoeveel wonderlike idees, groot planne, briljante uitvindsels het in die snippermandjies van die lewe beland. Nie omdat dit nie uitvoerbaar was nie, maar omdat mense nie kans gesien het om aanpassings by veranderende omstandighede te maak nie; omdat mense nie lus is vir die moeite om te volhard nie.

Misluk jy te veel; maak jy nie projekte klaar nie? Dan kort jy wilskrag.

· Wat het geword van die boek wat jy wou skryf?
· Wat het geword van die kursus waarop jy gegaan het vir jou eiendomsbeleggings.
· Onthou jy nog toe jy jou studies opgeskop het?
· Wat het geword van die patent wat jy ontwerp het?
· Onthou jy toe ‘n kollega koue water op jou projek gegooi het, en jy dit laat vaar het?
· Wat het van jou ideale geword om die Argus fietstoer te ry?
· Hoekom het jy net twee weke in die gimnasium geoefen en dit toe gelos?
· Wat het van jou seëlversameling geword?

Die HAT omskryf wilskrag as volg: “Sterk, kragtige wil om iets te bereik. ‘n Taak met groot wilskrag volbring.”

Ek lees die bekende voormalige rugby Springbok, sakeman en televisie-kommentator, Kobus Wiese sê dat hy in sy loopbaan gesien het daar is spelers met baie minder natuurlike aanleg as ander spelers, maar tog beter presteer. Dit het vir hom getoon dat talent alleen nie genoeg is nie. Die prys wat jy bereid is om vir sukses te betaal en wat jy bereid is om op te offer, is eerder die bepalende faktor. Kobus glo die mens se wilskrag sterker is as wat ons ooit kan besef.

Wilskrag kan jy nie koop nie. Dit word nie sommer gou aangeleer nie. Wilskrag verwerf jy oor ‘n lang tydperk van aanhou met volharding nadat jy lankal reeds handdoek wou ingooi. Wilskrag getuig van ‘n sterk karakter en inbors. Wilskrag kom van binne, jy kry dit nie van iemand nie.

Stel selfondersoek in – kyk na jou lewe, werk en dinge wat jy aanpak. Toon dit wilskrag wat van karakter en eerbaarheid getuig?

Wilskrag is ‘n sleutel tot sukses, die bou van karakter en die bereiking van jou potensiaal. Ek kan dit jou nie gee nie, jy moet dit verwerf. Maar wanneer jy dit verwerf het, groei jy as mens en begin jy werklik lewe.

Veel mense het aan die einde van hul lewe nie bereik wat hul kon nie, omrede hul nooit wilskrag aangeleer het nie. Niemand kan dit nie vir jou gee nie, jy moet dit oor ‘n lang tyd deur jou aksie en optrede aanleer. Wilskrag is ‘n gewoonte wat jy aanleer en met tyd word dit deel van jou – deel van jou karakter en persoonlikheid.

Miskien gebruik jy ‘n ander of soortgelyke term vir wat ek vandag probeer sê. Terme soos self-dissipline, deursettingsvermoë, volharding, selfbeheersing, vasbyt, determinasie, taaiheid, aanhou, deurdruk. Noem dit wat jy wil, maar doen dit!!

Dit is nooit te laat om weer te doen nie. Staan op en doen daardie projek en aksie wat jy lankal wou doen. Bly gefokus op jou droom en doelwitte. Moenie maklik moed opgee nie en volhard tot die einde toe. Hierdeur sal jy nie net die wenpaal bereik nie, maar in die proses sal selfrespek terugwen en die vreugde van menswees ervaar.

‘n Sprankie wysheid vir die dag

“Net die saak wat ‘n mens laat vaar is verlore.” - Ernst von Feuchtersleben -
 
Dr ST Potgieter
Tel: 021 949 5007
Sel: 083 227 3683
Epos: st@pitkos.co.za

Soek jy plek om te gaan kampeer? Klik dan hier!

Skooltake?? Klik hier

Vakansieverblyf is altyd 'n probleem, dié mense maak dit makliker om te kry, klik net hier.

Teken hier in op die poslys en lees ook die argiewe.

Om uit te teken, stuur vir my 'n epos en dui jou naam aan asook die eposadres waaronder jy ingeteken is

Kontak my hier.

Druk jou speld op my besoekerskaart!